بخصوص السكن

[قطرية وبس]

في بالي موضوع من مدة وحبيت أطرحه لكم يمكن يكون فيه أحد يشاركني الراي

وهو السكن بالمجمعات السكنية للاجانب والمقيمين؟؟؟؟؟؟؟
يعني كل شي متوفر لهم من مرافق حيوية وبرك سباحة وحديقة ألعاب كلها في المجمع نفسه وقدام البيت يعني عيالهم يلعبون وهم مرتاحين ولا يخافون عليهم لآن محد يقدر يطلع برا لن فيه سكيورتي عند الباب الخارجي وهم بعد يقدرون يتمشون في الحديقة ويستخدمون المرافق الموجودة .
ولا شنو رايكم بعيالنا ؟؟؟
وين يلعبون ؟؟

أجاوب أنا ولا بتجاوبون علي ؟؟
بتقولون في الشوارع يلعبون كرة ويلعبون بالسياكل ونحن أيدينا على قلوبنا وخايفين عليهم .
أحد يقدر يقولي أذا فيه حديقة لكل من منطقة قريبه منها ؟؟
لا تقولون عن الحدائق العامة لأنها بعيدة عن البيوت وما نقدر نودي عيالنا لها كل يوم إلا في الإجازات وبعد لا تقولون نودي عيالنا في المسابح مالت النوادي والفنادق ...

أنا ما أقول أن المنطقة لزم تتحوط وتنحط مثل المجمع السكني ....
انا أقول بس ياليت لو يكون لكل منطقة حديقة كبيرة في منتصف المنطقة وفيها بعض المرفقات واللأعاب مثلنا مثل غيرنا ...:anger2:

[ضوى]

اختي الغالية

موضوعج جدا مهم وحيوي ، بس اختي تعتقدين لو انهم حطوا حدايق بين كل فريج راح نأمن عيالنا يروحون لها ؟؟ اشك بهالشئ والله ، تدرين انا بيتي ما شاء الله كبير وحاطين لليهال العاب وبركة سباحة وكرة سلة وقدم وما شاء الله زراعة وخضار بس للاسف عيالي ما يطلعون يتعلثون بالحر والرطوية وقبل بالبرد والمطر وللحين الالعاب تسمع حسج بالحوش والاحظ بعد هالشئ بين اولد جيرانا ، الجيران يخافون يطلعون عيالهم لبيت قصراهم كله خوف وحيطة وحذر وانا ماالومهم ، بمنطقة مدينة خليفة كان جنب كل فريج صغير حديقة واسعة اشزينها لول نشوف اليهال يلعبون ويركضون من غير العاب بعد ، والحين يوم حطوا العاب فاضية وكئيبة ومهجورة تخوف ، ما ادري احس اول غير والحين غير صرنا نخاف على عيالنا من كل شئ ،

انا شاوف النوادي حل حلو ومن اسبوع لاسبوع الحدايق بعد حلوة هذا احد الحلول واتمنى اني قدرت اوصلج للنقطة اللي انا ابيها

الف تحية لج اختي الغالية

[ابوالجازي]

اختي انتي تعرفين بكم يستاجرون فله فالمجمعات هذي ؟

بعدين تعتقدين ان عيالنا بيخلون شي صاحي ( اتكلم بصفه عامه )

وبعدين من قال لج مافي حدائق مثلا عندنا فالغرافه في حديقه صج توهم مهتمين فيها بس كانت موجوده من قبل بس الحين صارت للعائلات فقط .

المشكله فينا احنا مانهتم للشي وخاصه لو كان شي عام .

[nooora]

اسألي عن رواتبهم اول مو أقل عن 20 ألف ويمكن اكثر ، بعدين حنا محتاجين لهم اكيد ندلعهم ونوفر لهم كل الطلبات وتدرين لما تخترب عندهم لمبه صغيره يتصلون بالشركة كل شي فري بصراحه من حقهم ، وان للانسان ما سعى وأن سعيه سوف يرى، الدولة محتاجه لهم، بعدين المجتمع طبقات على قولتهم اللي عايش بقصر واللي عايش بالخيمه ;)

[الراقية]

نشف ريجنا واحنا نعيد ونزيد ...بس نتمنى من الاخوة اعضاء المجلس البلدي يتخذون خطوة طرح هلامقترح


وطبعا بيطرحون بس العمل والفعل بالمشمش

[حنان الدنيا]

الموضوع اختي قطريه صح كلامج يبيله وقفه ويبيله كلام جاد

بس


في حد بيسمع .... للاسف لالالالا ولا اي حد بيتحرك





واللى يبط الجبد انهم هناك ساكنين في بيوت عاديه وهنا يسكنونهم في قصور بالنسبه لهم
واحنا عندنا مدرسه ماتبي ترجع بلادهااااا عشان العز اللى موجود هنااااا


مااقول الا الله كريم وحسبي الله ونعم الوكيل

[A H M A D]

لا تعليق ..