المساعد الشخصي الرقمي

مشاهدة النسخة كاملة : اكتب اسم صديق عمرك وحافظ اسرارك وشنو الي يميزه وماذا تتمنى له


مليت
10-04-2007, 06:59 PM
السلام عليكم

نعم الصديق الاخ الذي لم تنجبه امك

نعم يستحق ان نرد له الجميل وبطريقتنا الخاصة وان كان لا يعلم انا عن نفسي

اسم صديقي / مبارك

يمتاز بصبرروكتم الاسرار والدفاع عني في غيابي يتعب كثير كي ارتاح دون علمي يقدم لي النصيحه في الدين والدنيا

كثر اتصل له وهو نايم وفي حياته ما قال تعبان سكر او ماقدر اطلع معك ما مل منه ابداً ونعم الصديق

اتمنى له الصحه والعافية في الدين والدنيا والاخره
كون جنبك
10-04-2007, 07:06 PM
موضوع جميل جداً اخوي .... بس من الصعب في هالزمن تلاقي

الصديق الصدوق الى تأمنه على اسرارك .

والله يوفقك مع ارفيجك وما يفرفكم احد ...
مليت
10-04-2007, 07:07 PM
موضوع جميل جداً اخوي .... بس من الصعب في هالزمن تلاقي

الصديق الصدوق الى تأمنه على اسرارك .

والله يوفقك مع ارفيجك وما يفرفكم احد ...

حتى لو تغير الحين يكفي انك تذكره بالخير وتقول كان :nice:
alanood
10-04-2007, 08:06 PM
اسم صديقتي:..............
بصراحة...من اجل نعم الله علي من بعد الاسلام هي صديقتي...من اكثر من 12 سنه صداقه...
عطتني اكثر بكثير من اللي خذته
مجرد الجلسة معاها راحة
اللي يميزها حسن الخلق النادر هالايام...وتقوى الله و حبها للجميع
و ماتخاف من حد طول ماهي على حق..
كاتبة و اديبه وفنّانه
وهي من اكتشف في ثنايا العنود حب الرسم و الكتابة و شجعتني...
مو بس انا لها غيري كثيرات بس انا وهي شخصياتنا و اهتماماتنا نتقاربة عن غيرنا..
...والله لو اعيش باقي عمري احاول ارد جمايلها علي هي و اهلها ما اوفّيهم حقهم...حتّى هلي يقولون لي ان هالناس من اصحاب الجنّه من خلق فيهم و دين وراحة مجالستهم ما تنوصف...الجميل في الامر ان بنتي على صغر سنها مصادقة اختها....
ماتنلام...
والله ونعم الصديقة والله يبارك لها في كل خطوة تخطيها لو هي مو في البلد الحين ولا تشوف اللي انا كاتبته...
بس لها حب في قلبي لا يوصف...
تسلم اخوي
ريم قطر
10-04-2007, 08:19 PM
ماعندي غيرها
ميريديان
مليت
10-04-2007, 08:22 PM
اسم صديقتي:..............
بصراحة...من اجل نعم الله علي من بعد الاسلام هي صديقتي...من اكثر من 12 سنه صداقه...
عطتني اكثر بكثير من اللي خذته
مجرد الجلسة معاها راحة
اللي يميزها حسن الخلق النادر هالايام...وتقوى الله و حبها للجميع
و ماتخاف من حد طول ماهي على حق..
كاتبة و اديبه وفنّانه
وهي من اكتشف في ثنايا العنود حب الرسم و الكتابة و شجعتني...
مو بس انا لها غيري كثيرات بس انا وهي شخصياتنا و اهتماماتنا نتقاربة عن غيرنا..
...والله لو اعيش باقي عمري احاول ارد جمايلها علي هي و اهلها ما اوفّيهم حقهم...حتّى هلي يقولون لي ان هالناس من اصحاب الجنّه من خلق فيهم و دين وراحة مجالستهم ما تنوصف...الجميل في الامر ان بنتي على صغر سنها مصادقة اختها....
ماتنلام...
والله ونعم الصديقة والله يبارك لها في كل خطوة تخطيها لو هي مو في البلد الحين ولا تشوف اللي انا كاتبته...
بس لها حب في قلبي لا يوصف...
تسلم اخوي

صدقيني اختي راح يوصلها الي كتبتيه راح يلامس احساسها حتى لو ما شافت الي انتي كتبتيه
alanood
10-04-2007, 08:30 PM
صدقيني اختي راح يوصلها الي كتبتيه راح يلامس احساسها حتى لو ما شافت الي انتي كتبتيه
تسلم اخوي..
مليت
10-04-2007, 08:39 PM
ماعندي غيرها
ميريديان

هلا ريم omen
الطرف الأغر
10-04-2007, 08:44 PM
الصديقات وايد والنعم فيهم تتجاوز مرحله صداقتنا ال13 سنه ،، من ايام الدراسه وغيره


لكن صديقة روحي وكاتمة أسراري و قطعة قلبي هي أختي الكبيره ،، هي أختي و أمي ورفيجتي في الروحه والرده والسفر والتلفون وكل شي

يميزها : الحنان الي تغمرني فيه كأخت و أم ،، توقف معاي بأشد أزماتي ،، تنصحني توجهني تسمعني
أتمنى لها : حياه حلوه مستقره لها ولبيتها واعيالها والله يحفظها وين ما كانت ( طبعا أمي فديتها صديقتنا بس مانقول لها كل شي :looking: ) فقط من باب الكبر في العمر


حتى الكل يستغرب ويحسدنا ان احنا خوات وعلى قلب بعض ومتفاهمين كصديقات


الله لا يحرمني منها



شكرا عالطرح اخوي مليت
مليت
10-04-2007, 08:51 PM
الصديقات وايد والنعم فيهم تتجاوز مرحله صداقتنا ال13 سنه ،، من ايام الدراسه وغيره


لكن صديقة روحي وكاتمة أسراري و قطعة قلبي هي أختي الكبيره ،، هي أختي و أمي ورفيجتي في الروحه والرده والسفر والتلفون وكل شي

يميزها : الحنان الي تغمرني فيه كأخت و أم ،، توقف معاي بأشد أزماتي ،، تنصحني توجهني تسمعني
أتمنى لها : حياه حلوه مستقره لها ولبيتها واعيالها والله يحفظها وين ما كانت ( طبعا أمي فديتها صديقتنا بس مانقول لها كل شي :looking: ) فقط من باب الكبر في العمر


حتى الكل يستغرب ويحسدنا ان احنا خوات وعلى قلب بعض ومتفاهمين كصديقات


الله لا يحرمني منها



شكرا عالطرح اخوي مليت

عسى ربي لا يفرقكم الله حب الاخت كبيره جداً حب صادق لا مجال انك تشك فيه لازم الجين تتصلين فيها وتطمنين عليها
ريم قطر
10-04-2007, 08:55 PM
هلا ريم omen
ليش يعني :looking:
الراقية
10-04-2007, 09:24 PM
نعم الصديقة : وهي أختي وقد جمعت الصداقة والاخوة

تمتاز بانها هادئة ناصحة ثقيلة وتعيني على الحياة الدينية والدنيوية
امل الحب
10-04-2007, 09:40 PM
:eek3: لازم تفتحون الجروح :looking:

انا ماعندي صديقة وفية الكل مع الوقت يتغير ففضلت ان يكون قلمي ودفتري اوفى الاوفياء لي

والله يخلي لكم اصدقاءكم ويرزقنا بالصديقة الصالحة :)

موفقين يارب
مليت
11-04-2007, 01:05 AM
نعم الصديقة : وهي أختي وقد جمعت الصداقة والاخوة

تمتاز بانها هادئة ناصحة ثقيلة وتعيني على الحياة الدينية والدنيوية

وهي الوحيده الي تحبك بلفطره
مليت
11-04-2007, 01:06 AM
:eek3: لازم تفتحون الجروح :looking:

انا ماعندي صديقة وفية الكل مع الوقت يتغير ففضلت ان يكون قلمي ودفتري اوفى الاوفياء لي

والله يخلي لكم اصدقاءكم ويرزقنا بالصديقة الصالحة :)

موفقين يارب

بصراحه اختي قلمك ودفترك هم الستار على ما يجول في خاطرك
خاربه خاربه
11-04-2007, 02:04 AM
عندي والحمدالله صديقتان

خديجه وهي اللي كانت من الطفوله معاي وانحرمت منها لظروف اهلها بالسفر خارج البلد

وتجمعني بها الرسايل والنت والجوال وادعوا من الله انها تقدر تجي قطر

واشوفها واكحل عيني بشوفتها :shy:

وصديقتي الثانيه امل وهي اللي لقيتها بعد رفيجتي وما شاء الله عليها ماقصرت

معاي توقف معاي بكل ظروفي الحلوه والمب حلوه والحمدالله وانا ابادلها نفس الشي

وربي لايغير علينا والصداقه موجوده للي يبيها بجد ويحس بقيمتها


لحد يقول مافي صداقه بهاي الزمن موجوده بس ندورها ونحافظ عليها:nice:

ويعطيك العافيه للموضوع الرائع:nice: :app:
مليت
11-04-2007, 03:55 AM
عندي والحمدالله صديقتان

خديجه وهي اللي كانت من الطفوله معاي وانحرمت منها لظروف اهلها بالسفر خارج البلد

وتجمعني بها الرسايل والنت والجوال وادعوا من الله انها تقدر تجي قطر

واشوفها واكحل عيني بشوفتها :shy:

وصديقتي الثانيه امل وهي اللي لقيتها بعد رفيجتي وما شاء الله عليها ماقصرت

معاي توقف معاي بكل ظروفي الحلوه والمب حلوه والحمدالله وانا ابادلها نفس الشي

وربي لايغير علينا والصداقه موجوده للي يبيها بجد ويحس بقيمتها


لحد يقول مافي صداقه بهاي الزمن موجوده بس ندورها ونحافظ عليها:nice:

ويعطيك العافيه للموضوع الرائع:nice: :app:


هلا اختي خاربة امين يارب تشوفينها وتكحلين يور ايس
ونهدي تحياتنا للاخت امل :app: سلمي عليها وربي لايغير عليكم
مناحي السادس عشر
11-04-2007, 04:16 AM
صديقي من يقاسمني همومي ويرمي بالعداوة من رماني

صعب في ذالزمن انكـ تلاقي صديق صدوق لاكن الواحد مجبوور انه يصادق بس بعد تلاقي ساعات ناس يستحقو انك تصادقهم يعني لو خليت خربـــــــت عاد الدنيا فيها خيررر.................
صديقي القريب هو مناحي اللي انا حاط نكي على اسمه فعلا نعم الصديق الوفي والطيب اللي يحفظ الاسرار واللي ما احب غالبا الا اكون معاه معرفه استمرت 12 سنه ودرسنا برى مع بعض وحتى الشغل مع بعض الله لا يحرمني منه ويعطيه الخير كله
التيما
11-04-2007, 05:30 AM
موضوع حلو صراحه ورومانسي واعتبرها زي التحيه ورساله حب لأعز صديقه لي انا عندي صديقه وحده بس من 20 سنه وهي اقرب انسانه لي ...
بس كصديقه بالفعل واللي اعرف اسراري مب وحده بس هم خوااااااااااااااتي كلهم فدييييييييييييييييييييييييييييتهم واخوي الصغير الدينااااااااااااااااصور فديته كبر هالدنيا احنا صراحه http://www.3z.cc/sml/7/005.gif (http://www.3z.cc/sml) نسندر بعض كل يوم تلفونات مع ان اغلبيتنا في البيت مع بعض http://www.3z.cc/sml/7/027.gif (http://www.3z.cc/sml) ونقول حق بعض كل شي كل شي ولا احب اطلع او اروح مكان من غير خواتي مب كلهم طبعا http://www.3z.cc/sml/7/024.gif (http://www.3z.cc/sml) لان خمس منهم متزوجات فاللي قاعدين معاي يسمونا الثلاثي المرح http://www.3z.cc/sml/7/02ffe0d667fc936d79b71e46e2bd3d82.gif (http://www.3z.cc/sml) خواااااااااااااتي كلهم انا احبكم وانتو صديقاتي ولا ابي غيركم ..

شكرا عالموضوع
مليت
11-04-2007, 06:11 AM
صديقي من يقاسمني همومي ويرمي بالعداوة من رماني

صعب في ذالزمن انكـ تلاقي صديق صدوق لاكن الواحد مجبوور انه يصادق بس بعد تلاقي ساعات ناس يستحقو انك تصادقهم يعني لو خليت خربـــــــت عاد الدنيا فيها خيررر.................
صديقي القريب هو مناحي اللي انا حاط نكي على اسمه فعلا نعم الصديق الوفي والطيب اللي يحفظ الاسرار واللي ما احب غالبا الا اكون معاه معرفه استمرت 12 سنه ودرسنا برى مع بعض وحتى الشغل مع بعض الله لا يحرمني منه ويعطيه الخير كله


جعل الملائكة تحفكم بذكره سبحانه
وعسى ربي يخليه لك صديق لك بدنيا والاخره
مليت
11-04-2007, 06:35 AM
http://www.3z.cc/sml/7/027.gif


عسى ربي يخلي اخوانج وخواتج لج يارب ولا تنزل الدمعه الي في الصوره الا خشوع لله سبحانه