ممكن مساعده الله يخليكم [الأرشيف] - منتديات شبكة الأسهم القطرية

مشاهدة النسخة كاملة : ممكن مساعده الله يخليكم

Evo

04-08-2005, 07:20 AM

السلام عليكم ...
صباح الخير...
امس نزلت موضوع وكتبت اني محتاج مساعده وحد يقولي وين اروح وشسوي
بالنسبه للأسهم وفتح الحساب....والشباب ما قصروا ويعطيهم الف عافيه

بس عندي سؤال....امس رحت فتحت الحساب بالاوراق الماليه وعطوني رقم اسمه رقم المساهم!!! الحين شسوي ...وين لازم اروح....سمعت محل اسمه "المجموعه"
بس ابي اعرف شنو لازم يكون معاي وهل في استمارات امليها اول ....
ابي حد يقولي المعلومات كامله ....مع العلم اني مب قطري ...فهل في شي لازم يكون وياي

ومشكورين ماقصرتوا عالمنتدى الروعه والله
والله يعطيكم الف عافيه

مساهمة بسFresh

04-08-2005, 07:29 AM

ايفو المجموعة شركة اوراق مالية يعني وسيط
تقدر تشتري وتبيع عن طريقه
يعني لازم اتروح المجموعة ( مع اني قايلة لك امس وقلت لي قريبة من بيتكم ) وتفتح حساب هناك , خذ معاك رقم المساهم اللي عطوك اياه من البورصة وجوازك , وافتح حساب هناك وطبعا من البديهي ان لازم ايكون في فلوس علشان تقدر اتبيع وتشتري , طبعا اول ماتفتح حساب عندهم راح يعطونك رقم تتصل عليه اذا بغيت تشتري وتبيع , طبعا بالاضافة الى رقم حسابك عندهم
بس
بالتوفيق ان شا الله

مغروور قطر

04-08-2005, 07:44 AM

مرحبا اخي العزيز هذا هو موضوعك السابق

http://www.qatarshares.com/vb/showthread.php?t=9950

Evo

04-08-2005, 07:58 AM

قطريه فديتني

04-08-2005, 08:13 AM

ههههههه محد مأذكم غيري...
يعني جوفو الحين عندي رقم مساهم الي هو الرقم بالبورصه بس...والحين لازم اروح المجموعه افتح حساب استثماري صح؟؟
ولين فتحت اعطيهم الفلوس واقولهم ابي اشتري كذا كذا وهاي المبلغ صح؟؟
يعني كل شغلي بيكون بالمجموعه؟؟

والله انا مو ويه هالسوالف بس ابوي طاق صدر يقولي الا

اخوي تروح المجموعه وبيكون داخل المجموعه بنك الدوحه ادخل عندهم المبلغ تقولهم ابي ادخله في حساب المجموعه وتعطيهم رقم المساهم وتاخذ من عندهم وصل بالمبلغ اللي دخلته بعدين تروح عند الوسيط قسم الرجال وتعطيه وصل الايداع وتسجل رقم تلفونك عندهم ضروري عشان يوم تتصل يبين عندهم رقمك عشان تقدر اتبيع وتشتري وبـــس بعدين قدم الاوردر اللي تبيه :nice:

قلب طيب

06-08-2005, 07:26 AM

اخوي evo
الحين انت اتقول عندك رقم مساهم اوكيه
الحين مثل ماقلت في محل اسمه المجموعه
روح المجموعه ولازم يكون عندك مبلغ من المال علشان تودعه في حساب المجموعه في بنك الدوحه داخل مبنى المجموعه
فاول ماتدخل مبنى المجموعه بتحصل في الويه بنك الدوحه قول لهم ابي اسوي ايداع في حساب المجموعه بيقولون لك كم رقم المساهم واسمك ورقمك وبيعطونك وصل
تاخذ هالوصل معاك وعقب تروح عند الموظفين في المجموعه اتقولهم ابي افعل حسابي واسمي في السستم مال المجموعه لان بيقولون لك قبل لا اتسوي ايداع لازم اتعرف اسمك على السستم مال المجموعه فتروح تعبي طلب وتكتب فيه معلوماتك كلها والرقم الي بتتصل لهم منه علشان تعطي الامر سواء للبيع ولا للشراء واهم بالتالي بيعطونك كرت صغير عليه رقمك وعليه رقم الكول سنتر علشان تتصل لهم وتقول لهم على الاوامر الي تبيها سواء بيع ولا شراء
عقب ماتعبي الطلب وتعرف اسمك على السستم تروح الحين قسم الايداع في المجموعه وتعطيه الورقه الي عطوك اياها بنك الدوحه الي هي الوصل يفيد انه انت سويت ايداع في حساب المجموعه وبهالشكل اهو بيعطيك وصل وخلاص بيكون عندك رقم مساهم وحساب في المجموعه وتقدر تتصل لهم وتقول لهم الي في خاطرك وارجو انها وصلت المعلومه وسامحني على التقصير

فارس نجد

06-08-2005, 04:06 PM

مرحبا اخي العزيز هذا هو موضوعك السابق

http://www.qatarshares.com/vb/showthread.php?t=9950
فعلا الموضوع متكرر واشكر الاخ مغرور قطر على الملاحظة و تم اغلاقه