بخصوص التريلات الي قايم سوقها هالايام

[سبع قطر]

السلام عليكم

****************

شباب عندي استفسار بسبب التريلات وايد اسمع في هذي الايام عن التريلات

واجارها فوق الـ 10 و 15 الف

وحاب استفسر هل هو مشروع ناجح ام لا

وشنو الي تنصحوني فيه لاني ناوي اخذ لي تريلا طبعا ..اقصاد.. وأأجرها على شركه لين ماخلص الاقصاد الي عليها

وهل تنصحوني افكر اخذ لي تريلا ولا تقولون لي ابعد عن الشر وغنيلو :dance

بس سمعت ناس يقولون الاجار يعطونك اول شي وعقب يعطلونك او يتأخرون عليك ويمكن ماتحصل شي

ياليت الافاده ياشباب وتوضيع الموضوع واكون شاكر لكم ;)

اخوكم سبع قطر

[حسين بن عاقول]

ما نعمم علي الكل
في شركات تعطيك شيكات مصدقة في شركات تلعب فيك تنس

[مزيون الدوحه]

ابعد عن الشر وغنيله مثل ماقلت
وانت وكيفك

[Qatari2003]

اخوي لا تلعب في شي انا وانت مش قده لان معظم الي يتاجرون في الشاحنات عندهم معارف في شركات كبيرة تاجر منهم الشاحنات قبل حتى ما يشترونها وبعقود طويلة. وانا مثلك بعد شريت وتبهدلت مع الشركات في صرف الشيكات. غير ان بعض الشركات تاخذ شاحنتك وتشغلها 24 ساعة يعني تطلع قيمت الاجار وبعد كم شهر قالت خذ شاحنتك الي كل قطعة فيها مستعملة او تجارية وانت تتبهدل علاشان تشغلها يوميين من غير خراب جديد

والله يوفق الجميع انشاء الله

[شيخ الشباب]

حطمتـو الريـال الي باني له احـلام خخخخخخخخخ
ماعليك يالغالي ..كل انسان وله رزقه اذا سعى فيه ....وانت اسعى ورزقك عند الله ...حتى ولو كلام الواسطات ومادري شنو موجود وواقع .....بس بعد الرزق عند الي كاتبه سبحانه ..... اذا قدرت تأجرهـا على شركه مضمونه خير وبركه ..واذا ماقدرت الله لايهينك شغلها بنفسك ....ولو ربحت ..احمد ربك على كل حال ....ولو لاسمحح الله ماتوفقت ...كلها الا كم سنه ايجارها ...مب مدى الحياه ...وراح تكون تجربه لك وتستفيد منها
والله يوفقـك انشالله بالرزق الحــلال
مجرد نصيحه لا اكثر ولااقل :deal:

[falamarzi]

ابعد عن الشر وغني لو روح شوف الصناعيه طوابير تريلات معروضه للبيع ناس متوهقه

[وحيد-الشوق]

ابعد عن الشر ياعمري وغنيلو :dance :dance

[khaleel]

نصيحه ابعد عن الشر ................. بس لا تغنيله لانو ما يجوز:D ............... وش لك في البحر واهواله وارزاق الله على السيف:strong

[سبع قطر]

هلا فيكم اخواني واشكركم على مروركم الطيب وطلتكم الحلوه وطرح ارائكم

وشكلي هونت بشوف لي تجاره غيرها لوول crazy

ومثل ماقلتوا شكلي ببعد عن الشر وبغنيلو


والسموحه منكم على الازعاج :p

[WelD_AlDoHa]

سبع قطر
اذا انت في المنتدي لازم تشوف ايش الي مطروح وهل ايام في شغل للترليات والشخص الي يقول ان في ترليات في السوق انا ادور واذا هو يعرف المكن خليه يطرشلي
هل ايام احسن تجاره هي تجارة الترليات
وانا واثق من كلامي
يعني اذا توهقت تعال عندي وابشر بكل خير
حتي لو ما تعرف في الشغله تعلم والكل بسعدك خلك مع اهل قطر زابتعد من الاجانب وابشر كل خيرررررر
نصيحه لك وفكر في الكلام ةاذا لك اي استفسار انا حاضر

[خالي مشاعر]

والله اتحيرون الواحد

[مستانس]

الي يبي الفلوس لازم يتعب وخاصه التريلات تعبها واجد وفايدتها واجد

[al_qa76ani]

اخوي سمعت عن شركة بلال وما اعرف رقمهم يأجرون لك التريلا ب 30 الف شهريا وبعد سنتين تتحول باسمهم التريلا او 20 الف لمدة سنتين وتحتفظ بالتريلا وطبعا مقابل دفع 300000 ثلاثمئة الف هذا والله اعلم ؟؟؟ لا تسألني لأني سمعت من مصدر موثوق .

[التكانه]

اللى سمعته انه مشروع طيب بس يحتاج لشركه تثق فيها