يوميات طالبة جامعية في معمل رفض ذيب البورصة حضوره

[امل الحب]

السلام عليكم ورحمة الله وبركااته..

شلونكم اخواني وخواتي..

اليوم ابيكم تعيشون الوضع وياي..

نمت البارحة الساعة 2 طبعا عقب ماخلصت كتابة التقرير الي لازم اسلمه اليوم حق الدكتورة :deal: وكنت تعباانة وقمت الساعة 5 الصبح على صوت الي فالبيت خبركم يهال يروحون المدارس ياحبهم حق السندارة :eek3: ماتم حد مادخل علي الغرفة ( يحسسوني قاعدة فالستي وهم داخلين وطالعين :looking: )

وقمت صليت ورجعت السرير تو الناس المحاضرة الساعة 9 يعني اطلع من بيتنا 8 crazy

ياربي ابي انام مافي فايدة خلاص طارت النومة crazy واتم فالسرير لين 7:30 واقوم اسبح والبس والبس العباة .. الساعة 7:45 دقيقة قلت خل اتريق وادخل المنتدى :eek2: وجان اكل كرواسون واشرب عصير برتقال واقعد عالمنتدى ربع ساعة :shy: واقوم عقب بويهي عالسيارة ونركب انا واختي وطق سوالف لين قريب الاشارات اليديدة الي على خط الجامعة ويضرب الدريول بريك :looking: نقزني كنت مندمجة فالسوالف :p ..

ونوصل الجامعة والا الساعة 8:50 :eek2: ماباقي شي 10 دقايق عن المحاضرة مايمديني اوصل مبنى العلوم :eek2: وبسرعة بسرعة 9 انا هناك وادخل :eek2: ويعطيني الدكتور بنظرة .. crazy يالله صباح خير محاضرة الكترونيات وعععععععععع:( وتخلص المحاضرة 9:55 واطلع وراي محاضرة مايكروبروسسر :looking: واشخط واوصل والا الدكتور لحين مايه :p شوي الا هو وراي crazy ونقعد والريال يشرح وانا اتثاوب ابي انام :eek:
وتخلص المحاضرة الله اخيرا بريك من 11-12 واتذكر ان لازم اسجل حق التوفل crazy اوهووووووووو بعيد للحين بطق تأسيسي يلا لاحول ولاقوة واوصل هناك عقب مافطست من الحر :( والا الموظفات سوالف ولا كانهم يشوفوني بطوا جبدي crazy جان اقولها لو سمحتي ابي اسجل جان تقول انطري ماتشوفين قاعد نسولف قهرتني بغيت اصفقها crazy جان اقولها لا وراي محاضرة مو فاضية :app: جان تقوم وتقول بطاقتج قلت لها مو اول مرة :looking: الا تقول رقم قيدج وجان اقولها ********* وتدخله وتطبع الورقة وتقولي روحي النشاط دفعي فالخزينة قلت لها ان شاء الله.. والا الساعة 11:30 يلا هوي مابقى شي وانا بموت يوع مايمدي اروح النشاط وعقب اروح اكل crazy وجان اروح والا الخزينة زحمة :mad: وانطر ويوصل دوري وتيي وحدة قدامي الا اقولها لو سمحتي انا قبلج ;) وتعطيني نظرة الا تقول زين انطري مب صاير لج شي crazy بطت جبدي قلت لها لا مو ناطرة مايمديني الوقت :looking: تمت تتحلطم على صوب وتقول مغرورة شدخل مادري :eek2: واطلع وفلت عالعلوم واروح اتوضا واصلي :app: وركض عالمحاضرة واول مادخلت مافي الابنت وحدة ( عادي القروب كله 4 بنات :confused: ) الا يقول الدكتور بسم الله الرحمن الرحيم على مهلك انا قلت الامريكان دخلوا علينا :p واسلم واقعد والا ادخل المنتدى مرة ثانية وانا فالمحاضرة :p والقى ذيب البورصة يلعب وجان العب وياه:dance وجان يحكر لي الدكتور ويجي يقعد وراي :p وجان ذيب البورصة يختفي :shy: وجان اقوله وين يبه عقب ماراح الدكتور والا يقول والله فالبيت راجع من الدوام ومريح كانت حزتها الساعة1:30 :( انقهرت انا للحين دوامي طويل لين 5 المغرب وتعبانة ويوعااانة وجان اقوله شرايك تحضر عني معمل الالكترونيات الا يقول لا :looking: :( اخاف افجر المعمل واحرق دكتوركم :p ويعطونج باند من الجامعة :con2: ( عقب 4 سنين حرااام crazy ) وجان يخلص المعمل 2 واطلع وانطلق بسرعة حق معمل الالكترونيات :( والا المعمل موووووووووووووووووت حررر :looking: والا شوي الدكتور يقول لاشوف حد قاعد خلكم واقفين عشان تخلصون الشغل دكتور حرااام عليك بموت من التعب crazy مافي ونتم واقفين 3 ساعات :looking: ويصيدني شد عضل :eek2: مااقدر اوقف شسوي :con2: وتميت واقفة غصب وجان نسوي التجارب ماتم شي ماحرقناه :looking:

والله كان تعب واول ماخلص المعمل واشخط اقط كتابي في الخزانة واتوضا واصلي واطلع وايي ابي اركب السيارة واطيح :shy: ويطل علي واحد قطري بط جبدي صج الا يقول سلامات تعورتي اختي :shy: :mad: احرجني الغبي جان اسفه له واركب السيارة واروح محطة بترول الجامعة واطلب لي من سب وي لاني اذا ماكلت بفطس من اليوع واكل فالسيارة :p :funny:
واوصل البيت تعبااانة ماعبر اوقف على ريولي :( وادخل اسبح في حمام مائي ساخن مع رغوة بريحة الكرز :shy: :dance الله انتعااااش وعقب اتسبح بماي بارررد والبس البجامة واندعس فالسرير الحلو ووووااااااااااااااو اول مرة يوحشني فراشي جذي.. شوي الا من دخل علي :eek2: اختي الصغيرة( سنة و2شهر) شتبي ؟؟؟ :con2:

تبي تنام عندي :( لا تعباانة انا وهي مافي راسها والف سيف الا تنام عندي :funny: وجان شوي شوي والا القى نفسي برا السرير والهانم مرتاحة في فراشي :mad: وجان اقوم وايي هني واقرر اكتب لكم قصة حياتي اليوم..

مرفقة بالصور :p

اول شي : الادوات المستخدمة
http://img175.imageshack.us/img175/8352/bredboardbo7.jpg

http://img177.imageshack.us/img177/2734/componentsak0.jpg

http://img176.imageshack.us/img176/9735/cutterfp7.jpg

وطبعا هذي دايود وهو مسكين معااق مثل ماتلاحظون في الصورة :)
http://img247.imageshack.us/img247/2893/diodeme4.jpg

وطبعااا هذي نسميها الشنطة الالكترونية وهي اكبر من جذي بس ماقدرت اصورها كلها لانها كبيرة
http://img247.imageshack.us/img247/3617/elecbagzl8.jpg

وطبعا هذي Function Genrator
http://img293.imageshack.us/img293/5273/functiongenratorpw8.jpg

ومن هني ناخذ الصور
http://img295.imageshack.us/img295/20/oslocj0.jpg

وطبعا من هني ناخذ تيار
http://img182.imageshack.us/img182/215/powersupplygh7.jpg

التوصيلات:
http://img183.imageshack.us/img183/20/conectionmg6.jpg

http://img176.imageshack.us/img176/9149/conection1dn2.jpg

http://img294.imageshack.us/img294/7538/conection2yc1.jpg

النتايج

http://img155.imageshack.us/img155/1968/fullwaveuj6.jpg

http://img247.imageshack.us/img247/1144/resultch5.jpg


وطبعاا هذي وحدة متفيقة مستغلة الوضع وقااعدة تشحن لاب توبها لاوموصلة فيه ال mp3وتشحنه بعد..
http://img155.imageshack.us/img155/5781/labtopkh1.jpg

وهذي وحدة كلما شوف شنطتها اموت من الحر كأنه دب قطبي..
http://img295.imageshack.us/img295/6338/lolobagpv0.jpg

وطبعااا كان الهدف من التجربة الحصول على تيار نقي 100% ..

[ذيب البورصة]

هههههههههههههههههههههههههههههههههههههههههههههه :funny: :funny:


بصرااااااااااحه تقرير ولا احلى

عذااااااب هاي مو كلية :eek3:

الله يعطيج العافية وتقريرج ووصفج فطسني من الضحك :D



ولا بعد هاي كله تبيني احضر المعمل بدالج :looking:


:eek3: :eek3:


وموفقه ان شاءالله :nice:


اخوج في وقت الصعاب : ذيب البورصة :looking:

[مطيع الله]

الله يعينك
حياة صعبة و أوقات قصيرة بين الدراسة والراحة

بس ليش ما صغرتي الصور ؟

[امل الحب]

هههههههههههههههههههههههههههههههههههههههههههههه :funny: :funny:


بصرااااااااااحه تقرير ولا احلى

عذااااااب هاي مو كلية :eek3:

الله يعطيج العافية وتقريرج ووصفج فطسني من الضحك :D



ولا بعد هاي كله تبيني احضر المعمل بدالج :looking:


:eek3: :eek3:


وموفقه ان شاءالله :nice:


اخوج في وقت الصعاب : ذيب البورصة :looking:

:D :D

وقت الصعاب ولا وقت الراحه .. ماتبي تحضر بدالي :eek3:

[امل الحب]

الله يعينك
حياة صعبة و أوقات قصيرة بين الدراسة والراحة

بس ليش ما صغرتي الصور ؟



الله يعينا .. ماعندي فوتوشوب :)

[مريديان]

معانااااااه واي شنو هذا..ذكرتيني بالجامعه...وع وع..لول

امولة عمري دشي على هالموقع وحملي الصور وهو يحطلج الصور بالحجم اللي تبغينه..لان عانيت وانا اقرا..اروح يمين ويسار لووولز

http://www.imageshack.us/

[واحد في حاله]

الله يوفقج وبما انج تدرسين هالسوالف عندي لج هديه :nice:

من طلب العلم سهر الويك اند (http://www.ibiblio.org/obp/electricCircuits/DC/DC.pdf) :deal:

[امل الحب]

معانااااااه واي شنو هذا..ذكرتيني بالجامعه...وع وع..لول

امولة عمري دشي على هالموقع وحملي الصور وهو يحطلج الصور بالحجم اللي تبغينه..لان عانيت وانا اقرا..اروح يمين ويسار لووولز

http://www.imageshack.us/



:eek3: هاااي ولاشي هع

من طلب العلم ....

ميرسي عالموقع

تسلمين عالمرور

[امل الحب]

الله يوفقج وبما انج تدرسين هالسوالف عندي لج هديه :nice:

من طلب العلم سهر الويك اند (http://www.ibiblio.org/obp/electricCircuits/DC/DC.pdf) :deal:


يوفق الجميع يارب

:eek3:

ادرسها اجباري مب برضاي :(

ثاانكس عالمرور والهديه هع

[ANONYMOUS]

لابتوبي 11 انش..

موضوعج يبي له شاشه 42 انش عشان اقراه..

باكتفي بالرد.. مايحتاي اقرا

[التيما]

هههههههههههههههههههههههههههههههههههههههههههههه اللهم لا شماته
خخخخخخخخخخخخخخخخ

[porsche]

والله احنا اللي تعذبنا مع هالصور,ما في صور أكبر من هالصور؟؟

[bo-@bed]

الصور ماتبين عدل

[ذيب البورصة]

:D :D

وقت الصعاب ولا وقت الراحه .. ماتبي تحضر بدالي :eek3:



http://www.cheesebuerger.de/images/midi/frech/a040.gif



نو


:looking: :D

[ANONYMOUS]

حي الحياه الحين..

قدرت اقرا واشوف.. لصور..

عالعموم هانت كلها سنتين واتخرجين :)

[امل الحب]

لابتوبي 11 انش..

موضوعج يبي له شاشه 42 انش عشان اقراه..

باكتفي بالرد.. مايحتاي اقرا

ههههههههههههههههه.. تسلم عالمرور :d

[امل الحب]

هههههههههههههههههههههههههههههههههههههههههههههه اللهم لا شماته
خخخخخخخخخخخخخخخخ

دبة :eek3: خلاص مو عازمتج لما اتخرج عالكيكة :D

[امل الحب]

والله احنا اللي تعذبنا مع هالصور,ما في صور أكبر من هالصور؟؟
crazy تم التعديل.. ;)

[امل الحب]

http://www.cheesebuerger.de/images/midi/frech/a040.gif



نو


:looking: :D

دب :eek3: مو عازمتك عالعشا الي بمناسبة التخرج ان شاء الله :D

[امل الحب]

حي الحياه الحين..

قدرت اقرا واشوف.. لصور..

عالعموم هانت كلها سنتين واتخرجين :)


:looking: من قال :looking: تف من بؤوك :eek3: سنة ان شاء الله..:court:

[abo rashid]

ايام الدراسه حلوة ما تنسي
شكرا يعطيج العافيه

[ذيب البورصة]

دب :eek3: مو عازمتك عالعشا الي بمناسبة التخرج ان شاء الله :D


:eek3: :eek3:

[غزلان]

ننتظر الحلقه الجايه من مسلسل الجامعه
:)
الله يوفقج

[تيتانيوم]

لوانا منج انتحر احسلي :-)

[امل الحب]

ايام الدراسه حلوة ما تنسي
شكرا يعطيج العافيه

هاي مذله

العفوو

شكرا عالمرور

[امل الحب]

:eek3: :eek3:

خلاص بعزمك هع

[امل الحب]

ننتظر الحلقه الجايه من مسلسل الجامعه
:)
الله يوفقج

ههههه

يوفق الجميع

[امل الحب]

لوانا منج انتحر احسلي :-)

هههههه هاي قدري

شكرا عالمرور

[امل الحب]

:mad: خل اقولكم الله يسلمكم قصة حياتي خلال هالاسبوع..

يوم الاحد:: قمنا من النوم سبحنا وكل شي والساعة 8:55 وانا فالجامعة والساعة 9 محاضرتي.. طبعا عندي 3 محاضرات شبك في بعض وانا مصدعة وموقادرة افتح عيني من كثر الصداع واطلع منهم بويهي عالبيت واحط راسي وانام واقوم وانا كلي طاقة وحيوية عقب مافك راسي من الصداع :p ومافي شي جديد.. نمت عالساعة 1 مادري شكنت اسوي..

الاثنين:: وعععععععع يوم طويل..اقوم من النوم كالعادة عال5 على اصوات الي في بيتنا:looking: ونفس الشي سبحت وكل شي وطلعت من البيت الساعة 9:eek2: وانا محاضرتي 9:30
وادخل واقعد ويقولي الدكتور متأخرة بحسبج غياب.. قلت له دكتور مو مهم الحضور كثر اهمية الكلام الي بتقوله :p الا يقول احرجتيني بحسبج حضور :dance ..واطلع منه واروح محاضرتي الثانية طبعااا حلوة المحاضرة تينن ;) وتخلص واطلع واروح النشاط حق الربع عشان اتغدى والحق اروح المعمل الي عندي فالبنين :looking: المهم قعدنا وسوالف وضحك واكل وكل شي واشوف الساعة الا 1:45 دقيقة وواوووو مرة الوقت بسرعة والمعمل بعيد crazy واقوم والا وحدة قاعدة وراي وحاطة يدها على كرسي رفيجتها وارجع بالكرسي على يدها وافعصها وماسمعت الا اييييييييييييي وراي.. :looking: والتفت والا اشوف يدها بين الكرسيين.. :eek2: انصفق لوني صرت خضرة صفرا بنفسجية.. الخ :eek3: واسحب الكرسي بسرعة واقولها سوري وربعي وربعها يضحكون :D وانا منحرجة :shy: وتميت اضحك عالسالفة يمكن نص سااعة واشخط اروح البنين :looking: وادخل وبويهي عالمعمل :looking: بالعادة المكان فاضي لكن ذاك اليوم من القرادة كان مليان :mad: وقهرني الي كان يدخن :looking: بط جبدي ريحة الدخان شايلة المكان.. وادخل المعمل وتيي الدكتورة :p ابي اشتغل عالكمبيوتر الا مافي فارة الا اقولها دكتورة وين الفارة الا تقول مادري :con2: صج وينها ؟؟ الا اقولها يمكن قطوة كلتها :D قعدت تضحك:p وخلصنا 5 بالضبط crazy صج يحللون الوقت :looking: واطلع وبويهي عالبيت وكنت تعبااانة وللحين عندي 2 هوم ورك يبي لهم حل حق بكرة :looking: جان ايي البيت واشوف اخواني اليهال قلعدين يشوفون توم اند جيري واقعد معاهم.. :looking: جان يقول اخوي (6سنوات) حق اختي (4 سنوات) شوفيها البيبي قاعدة تشوف توم معانا ويقولون هي فالجامعة :looking: ( يحشون فيني :eek3: ) وجان القط ويهي واقوم من عندهم :eek3: وانا خاطري اكمل توم اند جيري crazy وجان اقعد احل الهوم ورك :mad: والمكان فوضى :looking: كله اورااق :looking: جان تدخل علي امي وانا ضايعة بين الورق ادور ورقة :looking: الا تقول انتي مع هالاوراق اوراق الامم المتحدة بحذفج برا البيت :looking: وانا لاتعليق..!! وجان تتصل لي وحدة من البنات ملغة .. :looking: بطت جبدي تقولي انتي حلي الواجب وانا بكرة بنقله منج :mad: قلت لها اوكي اذا شفتي رقعة ويهي :deal: :funny: ..وجان انام الساعة 11 من كثر مانا تعباانة..

الثلاثاء.:: قمنا الصبح ورحنا الجامعة والا ادخل القسم(قسم الهندسة) الا تشوفني البنت الي اتصلت لي امس والا تقولي هلا والله الحمدلله انج وصلتي..:eek2: الا اقولها امري.. ;) اعرف هالحركات ماتمر علي ;) الا تقول الواجبيت لو سمحتي :looking: الا اقولها سوري الا تقول يلا عاد عن السخافة crazy جان اقولها اوكي .. وندخل داخل اول مادخلنا وهي وراي الا اقوله دكتور تفضل حل الهوم ورك :deal: جان تطالعني :looking: :con2: جان اقولها سئليني اذا في سؤال بجاوبج اما انا اتعب وانتي تنقلين جاهز نو :strong الا تقول غبية :looking: سفهت لها وقعدت وخلصت المحاضرة وجاتني مرة ثانية الا تقول الواجب الثاني قلت لها سلمته حق المهندسة من الصبح :D الا تقول صج انج نذلة :looking: قلت لها كيفي واجبي وكيفي ;) .. وجان يخلصون الثلاث محاضرات وعندي بريك ساعة رحت كلت عالسريع وصليت..وراجعت شوي :dance ودخلنا المعمل (معمل سجنالز =اشارات ونظم )ويا الدكتور الا يقول وين البنات هزيت راسي اني مادري الا يقول يافلانة وين ربعج قلت له مادري دكتور :con2: الا يقول شدعوة ماشفتيهم :looking: قلت له لا كنت في المكتبة ادرس :looking: وشرح وبديت اشتغل شوي الا الربع واصلين .. وشيرت في مكان البرنامج مايشتغل الا اقوله دكتور ويا وقعد حذاي ويمشي خطوة خطوة :deal: شوي الا يقول انتي بديتي صح ليش اخر شي قمتي تخورينها :looking: هذي يكلمني انا :looking: والي حذاي فطست من الضحك :looking: وانا منصفق لوني crazy وخلص المعمل واطلع واروح المواقف عشاان اروح البيت والا الساعة 3:30 وانا بكرة عندي امتحان ( Data base = هياكل بيانات) :eek3: واوصل البيت عال4:30 واركب فوق وجان من اشوف ينطرني فالغرفة :looking: اختي الصغيرة ( سنة و2 شهر :looking: ) الا اقولها يلا برا الا تقول لولو قلت لها نعم الشيخة وانتي مايحلالج النوم عندي الا وانا مشغولة الا تعباانة جان تضحك وتروح عالسرير crazy واقعد ساعة معاها لين نامت :funny: واقوم ادرس omen لين الساعة1 وجوالي مبند وبطلته قبل لاانام الا الامة كلها متصلة فيني طبعا مارديت على حد ونمت :D وقمت الساعة 4 :eek3: ماشوف قدامي دشيت توضيت على اني بصلي ومادري شلون نمت عند باب الحمام الله يعزكم :looking: :funny: والا تيي امي الساعة 5 مادري شتبي وتصرخ علي صرخة نقزتني ياشيخ :looking: :eek3: الا تقول هذا الي ناخذه من الجامعة واقوم اسبح عشان مانام :D واقعد ادرس لين 8:30 واركب السايرة واكمل فالسيارة لين 9:31 دقيقة واركض على قاعة الامتحان :looking: شفت الاسئلة :looking: ابيه من الفضاء :looking: الا اقوله دكتور انت قلت لنا لاتحفظون :eek2: الا يقول ايوه :mad: (بط جبدي) قلت له عيل ليش الاسئلة كلها عددي واشرحي وعرفي :looking: :con2: الا يقول اكتبي من فهمج :looking: هذي يبي له شوته..crazy شوي والا ناقزة وحدة من البنات وتعطيه الورقة :eek2: انا قلت خلصت ;) الا يقولها وهي طالعة اسمك ياأستاذة :court: الا تقوله خل الورقة لك انا بروح احذف المادة :eek2: :mad: سكت ماقال ولاشي والمفروض الامتحان يخلص 11 وجان اخليه يخلص 11:10 واطلع وانا مصدومة شوي علي :looking: متحسفة على هال10 مادري 11 ساعة دراسة :looking: وادخل محاضرتي الثانية عندي دكتور هندي حليو ياحليله.. الا يقول فلانة شكلج مو اوكي اليوم زعلانة شفيج..:con2: الا تقوله وحدة كان عندها امتحان..الا يقول وشكلج ماسويتي اوكي قلت له جذي وجذي..:mad: الا يقول لاتشلين همه خلاص انسيه وحطي بالج مع الباقي لان انتهي والزعل مايرجع شي :looking: وانا ساكتة مو عوايدي مااشارك وياه شوي ومادري من وين يرن تلفوني بنغمة المسج العجيبة الي حاطتها :eek2: :funny: الا يقول بالانجليزي ("Hello , whose there") :D والبنات يضحكون انحرجت وسكت وخلصت المحاضرة وطلعنا واروح اقعد مع الربع وطبعا كلنا مقدمين نفس المادة والي كان عندهم امتحان ثاني اسوأ من الاول :eek3: ونندب حظنا والمهم يي المعمل الثاني الي عندي وندخل وخلال ساعة خلصنا وطلعنا بالعادة ناخذ 3 ساعات :looking: ونروح البيت مافتح اشوف قدامي نايمة 3 ساعات بسcrazy واقعد اطبع التقرير حق بكرة الي هو يوم الخميس.. والساعة12 انا نايمة :dance

الخميس: قمت الساعة7 على صوت المنبه :looking: عبالي اليوم الجمعة :dance وشوي متصلة لي وحدة الا تقولي بتيين الجامعة اليوم :D جان اقولها ليش شنو اليوم؟:funny: الا تقول الخميس قلت لها عبالي الجمعة الا تقول اسم الله عليج ينيتي يمه :funny: وجان اقوم واسبح والبس وايي بسرعة اخذ محاضرتي من النت واروح اطبعها ونطلع نمر ناخذ لنا سندويتشات وعصير وناكل فالسيارة ونروح الجامعة ونوصل والا الساعة9:15 والا اقول مب داخلة بتهزأ متاخرة وتخلص المحاضرة الي بعدها.. ونروح المعمل والا نشكي حال مادة امس حق الدكتور الا يقول لاتخافون انا بساعدكم وبكلم الدكتور بس من برا لي برا عشان مايحس بشي :dance ويخلص المعمل ونروح المعمل العجيب ( معمل الالكترونيات :eek3: ) ونبدأ شغل ونشتغل على اسلاك crazy ومن غير مادري مسكت الاسلاك وهي حااااااااااااارة :eek3: واحترقت اصابيعي الحلوة crazy crazy والا يقول المهندس ( بط جبدي :mad: ) يعني في تيار لازم بيكون ساخن قلت له لا مادري لازم تنبهنا مرة ثانية الا يقول تخيلي بكرة تصيرين مهندسة قد الدنيا ويعطونج تلفزيون ويقولون لج شوفي لنا العطل الي فيه :mad: قلت له شدعوة كهربجية واخلص:mad: واطلع عال4 ونروح البيت وفالطريج امر الدكان واخذ لي وحق اليهال حلاو :dance وناكل وناكل ;) لذيذ الجلكسي واحلى منه فريرو روشيه والاحلى الكافي البلجيكي الي ماعرف اسمه :eek2: واعطي اليهال :funny: وتدخل امي فجأة بدون سايق انذار :looking: الا تقول انا خاطري اعرف انتي متى بتكبرين :looking: الا يقول اخوي عقب ماخلصت الحلاو وامي تزفني :funny: ياهل :mad: وبس وحتى هذه اللحظة اصابعي تحرقني :eek3: برفع قضية على جامعة قطر قسم الكهربية

وانتهى يومنا :nice: وبنروح ندرس حق امتحان يوم الاحد :(

الى اللقاء في حلقة جديدة من يوميات طالبة جامعية :funny:

[التيما]

هههههههههههههههههههه رووووحه والله ننطر الباقي ونستينا الله يجعل ايامج كلها وناسه

[المزن الرياني]

وانا أقرا يومياتج تذكرت يومياتي في جامعه قطر
الله لا يعيدها من أيام omen

العن أيام حياتي ... كرهت شارع الجامعه والمنطقه المحيطه بالجامعه وحتى مكتبه الجامعه اللي صوب بن عمران والسبه هالجامعه :eek3:

الله يعينج ويوفقج أمل الحب :nice:

[امل الحب]

هههههههههههههههههههه رووووحه والله ننطر الباقي ونستينا الله يجعل ايامج كلها وناسه

:shy: جزء بسيط من الي يصير فالجامعة حق البنات يخليهم غصب يضحكون :nice:

[امل الحب]

وانا أقرا يومياتج تذكرت يومياتي في جامعه قطر
الله لا يعيدها من أيام omen

العن أيام حياتي ... كرهت شارع الجامعه والمنطقه المحيطه بالجامعه وحتى مكتبه الجامعه اللي صوب بن عمران والسبه هالجامعه :eek3:

الله يعينج ويوفقج أمل الحب :nice:

هههههههه يعلمونا شلون نكافح الحياة اذا مرينا بمصاعب :funny:

يوفق الجميع يارب:nice:

[امل الحب]

يوم الاحد:: :( كان يوم متعب قمت من النوم الساعة 4 الصبح :( عشاان اراجع .. خبركم كان عندي امتحان المهم ولبست ورحت الجامعة عال8 ووصلت عال9 وحضرت محاضرتي وعقب الدكتور كنسل المحاضرة الثانية لان امتحانا بيكون المغرب وحضرت المحاضرة الي عقبها وخلص دوامي وبدل ماارجع البيت رحت المكتبة عشاان اذاكر استعدادا حق الامتحاان وكانت الساعة 12:( وقعدت فالدور الاخير الي فوق عشاان الهدوء لان محد هنااك واراجع ونقوم انا ووحدة كانت هناك نصلي العصر .. ومر الوقت بسرعة شوي الا الساعة 5:( وركيض عالعلوم عشان امتحانا وندخل ويعطيني الورقة :looking: امبيه اعرف هذي كله بس المعلومات في مخي ملخبطة.. وشوي شوي واتعوذ من بليس وابدا احل.. ويمر الوقت بسرعة والا يقول يلا الساعة 6:30 عطوني الورق خل اروح اصلي :( صبر دكتور مافي صبر ترا بخلي الورقة عندج :( وجان اسلمها واتذكر اني مامسحت الغلط يعني خليت اجابتين في الصفحة :eek2: لا دكتور يمين يسار مافي بروح اصلي :( واطلع واقول حق الدريول ادخل لي العلوم داخل واذا حد قالك ممنوع انزل وسطره :anger2: بروحي تعباانة مالي خلق امشي ويدخل ويصف ورا دكتورنا الا يقول الدكتور فلانة الله يهديج سكرتي علي بتاخريني عن الصلاة جان اقول في خاطري تكفى بس على هالدقيقة الي بركب فيها بتتاخر :confused:
واطلع واروح برغر كنج المرخية واطلب لي وجبة شسوي بموت من اليوع وتجهز وجبتي والفلبينية تكلمني وانا في وادي ثاني افكر الحين الساعة 7 وانا مارجعت البيت وبكرة وراي امتحان وانا امس نايمة متاخر وقايمة بدري .. الا تقولي مدام مدام الا اقولها الله يغربلج خرعتيني حطيه وفكينا.. ونطلع وانا اكل فالسيارة :( وافكر
وادخل البيت واحصل خواني يلعبون بلي ستيشن :mad: الا يقولي اخوي تعالي شرينا شريط يديد :anger2: الا اقوله لازم يعني تشترون شريط يديد اليوم :( الا يقول الله يشفيج مرة ثانية بناخذ منج موعد :anger2: بط جبدي :( وجان اروح وابدل واسبح واقعد ادرس وادرس وادرس وانا تعباانة :looking: وانام عال1 واقوم 4 اخ ماقدر افتح عيوني :(
واسبح واصلي واكمل دراسة واروح الجامعة الساعة 9 واوصل عال9:30 والا الدكتور بيوزع درجات امتحان يوم الاربعا اوهووووووووو دكتور مووقته ننغث :( الا يقول فلانة الفلاني.. الا اقوله نعم الا يقول تقولي الامتحان صعب قلت له اي والله دكتور :( الا يقول خذي شوفي قلت له يب الله يستر وجان اشوف 18/20 :eek2: كنت برقص من الفرحة بس الحمدلله مسكت اعصابي..وقاعدة متشققة تقولون التعب كله طار .. وتخلص المحاضرة واروح المحاضرة الي عقب ونخلص واروح اتغدا مع الربع فالنشاط وسوالف وضحك وارجع عقب العلوم امتحاني الساعة 2:30 وادخل وارتز عالكرسي واشغل الكمبيوتر وتعطيني الورقة البرنامج الاول اشتغل والحمدلله .. البرنامج الثاني راسي عورني وطلعت عيوني ماشتغل والسؤال الثالث نظري والحمدلله صح..
الا تقول خزنيه عالسي دي الي جبتيه معاج .. اوكي واخزن المفروض ماياخذ وقت طويل ومافي فايدة واقولها مايشتغل تقولي اكيد السي دي تالف اقولها يديد وين تالف اكيد كمبيوتركم خربان تقولي لا مافيه شي .. طيري زين سمعي صوت الدرايف شلون جنا طيارة :anger2: الا تقول خذي الفلوبي خزني عليه وادخل الفلوبي ويشير الكمبيوتر كامل .. واسكره الا تقول لا ليش سكرتيه اقولها مايشتغل شنو ليش سكرتيه:anger2: وافتحه واخزن الملفات على فلاش الا تقولي لا ماراح اقبلها قلت لها ومن قالج بعطيج فلاشتي :mad: واقعد على كمبيوتر ثاني واخزن على سي دي فديته الا اقوله شفتي ان كمبيوتركم خرباان الا تقول يجوز.. بس انا متاكدة اني الخلل من السي دي وراح افرجيج الحين انو ماراح تطلع الملفات وتشغله واعطيها نظرة واطلع..:app: واروح البيت والساعة 5 المغرب واوصل بيتنا عال6 واروح احل الواجب :looking: طلعت عنوني من محلها واكتب التقرير الساعة 11 انا نايمة.. واقوم واروح محاضراتي لين الساعة 4 واطلع اوصل البيت عال5 اوهوووووو بكرة عندي امتحاان وادرس وادرس وانا عال12 :( واقوم اداوم عادي لين الساعة2 امتحاني وادخل واشغل الكمبيوتر والورقة عندي واحل واحل اساله كم لازم يطلع الناتج يقولي -1 ياربي مايطلع -1 يطلع صفر يقول لا لازم -1 يمين يسار خلص الوقت وماضبط..:anger2: واسيف عالفلوبي واعطيه يااه ونطلع عال6 ياربي واطرش حق بابا مسج " يبه الله يسلمك طابعتي ماتت يعني ماتشتغل يعني يبي لي طابعة يديدة حق بكرة ويقوم مسكين يروح يشتري لي وحدة كبيرة بالنسبة حق الي عندي وركبتها بس موعارفة من وين يشغلونها ..؟:confused: واقول حق رفيجتي وتضحك علي ونسوي مكالمة فيديو عشان نستكشف السالفة واخر شي شغلتها وانقطع الخط في ويه رفيجيتي الا تقول شسويتي قلت لها من الفرحة بالغلط .. واطبع فيها وانا عال2 لاني قاعدة احل الواجب.. واقوم واروح وجان تقولي وحدة عطيني الواجب بنقله الا اقولها لا الا تقول بايخة صايرة بو فلص ماتنقلين حد قلت لها كيفي :app: واحضر لين الساعة 5 وعقب مريت تيك اوي خذت سندويتشان وانا رايحة البيت وانام من عقب صلاة العشا عالساعة 8 واقوم اليوم الصبح الساعة 8 جان تشوفني امي كلتني بثيابي تقولي شالنوم هذي كله :anger2: اقولها تعباانة :shy: الا تقول زين يلا ذلفي المطبخ سوي ريوق ان شاء الله يمه .. ولااسمعج تقولين عندي امتحانات :shy: ان شاء الله بس ترا عندي امتحان يوم الاحد :funny: وجان تفور الا تقول خلي امتحاناتج تنفعج :anger2: يه شسوي يمه يعني شسوي انتف نفسي :confused: الا تقول الي كبرج عندهم بيت وعيال :looking: شدعوة يمه ديناصور كلي 20 سنة :funny: عقب التخرج يصير خير جان تعطيني بنظرة غضب :mad: الا تقول بنشوف قلت لها ششوي مافي واحد بالمواصفات الي ابيها وجان تعصب من قلب :anger2: وتحذف الي في يدها واركض انا برا لاتشوفني وتزفني وبس والله

شراايكم في هالاسبوع متعب صح :looking:

[الخيميائي]

هاي مب جامعة هاي اشغال شاقة لمدة اربع سنين crazy

ارهاق ارهاق ارهاق ارهاق

الله يعينكم بس استحملوا كلها كم سنة وترتاحون من هاي العذاب

بالتوفيق اختي وشكرا على الموضوع الممتع

[امل الحب]

هاي مب جامعة هاي اشغال شاقة لمدة اربع سنين crazy

ارهاق ارهاق ارهاق ارهاق

الله يعينكم بس استحملوا كلها كم سنة وترتاحون من هاي العذاب

بالتوفيق اختي وشكرا على الموضوع الممتع

ههههههههه الا شغال الشاقة ارحم :( هلاا بك ..:nice:

[التيما]

:funny: :funny: :funny: :funny: :funny:

بامااااااااانه انتي عسسسسسسسسسسسسسسسسسسسسسسسسسسسسسسسسسسل

[امل الحب]

:funny: :funny: :funny: :funny: :funny:

بامااااااااانه انتي عسسسسسسسسسسسسسسسسسسسسسسسسسسسسسسسسسسل

:shy: احرجتيني التوم :nice: ثانكس..

[أحمد اليافعي]

شغل عدل هههه

[امل الحب]

شغل عدل هههه


وين عدل..:confused: :looking:

[الكاسب]

امولة حمدي ربك أنك من هالجيل اللي ماعرف غير المكيف. والنت والجوال والسواق والمجمعات والسينما والعطور والمكياج وآخر موضة الملابس و(النوووووم).اشكري ربك عالنعمة والله يوفقك وتنجحين بتقدير (ممتاز).

[امل الحب]

امولة حمدي ربك أنك من هالجيل اللي ماعرف غير المكيف. والنت والجوال والسواق والمجمعات والسينما والعطور والمكياج وآخر موضة الملابس و(النوووووم).اشكري ربك عالنعمة والله يوفقك وتنجحين بتقدير (ممتاز).

الحمدلله .. بس انا مو مالت سينما ومكيااج وعطور ومااتبع الموضة اهم شي ملابس وخلاص :anger2: والنوم وينه ياحسرة :confused: :nice: