هل ستعيد تجربة ناقلات الغاز؟؟؟

[ابوعلي اليافعي]

انتهت مرحلة الاكتتاب والتخصيص في اسهم الناقلات بحمد الله واكيد ان كل واحدمنا كان يخطط من قبل طرح الشركه للاكتتاب عن الكيفيه التي سيوفر بها السيوله للاكتتاب فالبعض كان يملك السيوله والبعض باع اسهمه والبعض رهن والبعض تسلف ......الخ وجائت نتيجة التخصيص مخيبه لامال البعض خاصه الي باع اسهمه ايام الرخص او الي رهن او اخذ سلفيات من اجل الاكتتاب وكان يبني اماااال كبيره انصدمت هذه الامال بالواقع الي حددت1233سهم لاغير......[والموضوع الي ابي اسمع رايكم فيه..اذا تكرر طرح شركات كبيره للاكتتاب فكيف ستتصرف1-هل تنوي الاكتتاب فيها2-هل ستبيع وترهن وتتسلف من اجل توفير اكبر سيوله ام انك ستاخذ تجربة الناقلات بعين الاعتبار ..اريد ان اعرف ماذا تعلمنا من درس الناقلات....

[قطر]

السلام عليكم

1--هل تنوي الاكتتاب فيها؟

نعم وبكل تأكيد.

2--هل ستبيع وترهن وتتسلف من اجل توفير اكبر سيوله ام انك ستاخذ تجربة الناقلات بعين الاعتبار ..؟

لا طبعا لن اتسلف
لن ابيع


لكن بعد دراسه مجديه لرأس مال الشركة ...
ووجهة المسؤوولين في التخصيص هل سينحاز للصغار ام لا ...

سأرهن عقار... ويعتمد اي عقار ....

وسأدخل بالمبلغ المطلوب...

ومن ثم اقوم بارجاعه

=============

لكن ياابوعلي مسألة السلفيات انتهت ليش
لان الحين مافي طرح بعد شهرين من الاكتتاب والقانون موضح هالنقطة.

يعني محد ايتوقع ان العائد بيجي بسهوله عشان اسدد واخذ الباقي

:)

سلام عليكم

[ابوعلي اليافعي]

اخوي قطر مافهمت ايش قصدك بان مافي طرح قبل شهرين..وبعدين ابي اعرف منك ايش الدرس الي استفدته من اكتتاب ناقلات الغاز.....يعني انا تعلمت ان القناعه كنز لا يفنا والواحد لا يحمل نفسه الا وسعها..

[قطر]

ابو علي اليافعي

بالنسبة للقصد ... ان اي شركة بيكون فيها اكتتاب ماراح تنطرح في السوق للتداول بالسرعه اللي انطرحة فيها الشركات السابقه..

يعني بتاخذ وقت واتوقع سنة من انتهاء الاكتتاب ..المشكله مش حافظ القانون بالظبط..


الدرس اللي تعلمته والحمدلله اني كنت متوقعه بس اكدت حق نفسي :)

وهو اني ادرس الشي قبل لا ادخله

والحمدلله درسته وتوقعت عدد الاسهم وكنت مب حاط اكثر من 2500 سهم
لكن بعد كلام العالم واذا مش حاط بنحط عنك قلت عن العين والنفس بحط 5000 سهم

والحمدلله بدون دين ولا رهن ولا سلف

لان المبلغ غير مجدي

وترى راضي كل الرضى لان ربح حلو في خلال شهرين لو حسبناها من نهاية الاكتتاب :)


اتمنى اني جاوبتك

وهلا بك

[ابوعلي اليافعي]

مشكور اخوي قطر. اما بالنسبه لقانون وزارة الاقتصاد فهو عدم طرح اسهم اي شركه للتداول في البورصه قبل سنتين على الاقل وبشرط ان تكون الشركه تحقق الارباح..هذا ينطبق على الشركات الحديثة النشئه اما الشركات الي تطرح اسهمها للاكتتاب وهي قاعده تشتغل وتحقق ارباح فلا يوجد مشكله في طرحها مباشره بعد الاكتتاب فالبورصه..

[index]

اتوقع ان نتيجة التخصيص في " ناقلات " بتكون درس لصغار المستثمرين
كما حصل عندنا في السعوديه في اكتتاب " اتحاد الاتصالات "
فيه ناس كثيره اكتتبوا باموال كبيره والبعض باع ذهب زوجته
ولما جاء التخصيص حصل كل واحد على 4 اسهم فقط
وكانت درس لهم في الاكتتاب الحالي في " بنك البلاد "
حيث ان اكثر صغار المساهمين ساهموا بالحد الادنى
وهو 10 اسهم بقيمة 50 ريال للسهم والمجموع 500 ريال فقط
وبالفعل اشارت التوقعات هذا اليوم السبت الى ان كل مكتتب في بنك البلاد
قد يحصل على 3 اسهم فقط :p

[بيـــزات]

اما بنسبه لي
الحمد لله والشكرلله

دايم خير الامور اوسطها.. وما احب اخلط اوراقي

الحمد لله اكتتبت في ناقلات وانا مرتاح لا دين ولا غيره

واحتفظت بأسهمي اللي امتلكها وما حبيت افرط فيها..
لانها كانت شبه مضمونه لي اكثر من ناقلات.. والحمد لله

واذا ما انطرحت شركات اخرى للاكتتاب ما راح افرط بالعزيز

اعرف امشي اموري بدون ما اوهق عمري

((القناعة كنز لا يفنى ))

تحياتي

[AbdullA2]

السلام عليكم :rolleyes:



السلام عليكم

1-هل تنوي الاكتتاب فيها؟

أكيد ولن افرط في اي شركة تنزل


2-هل ستبيع وترهن وتتسلف من اجل توفير اكبر سيوله ..؟

لا لن ابيع أي جزء من الاسهم التي املكها ربمى تسلف لمدة شهرين ثلاثة
وارجع المال بعد التخصيص

تعلمت درس من الناقلات عدم الهروله خلف الاشاعات مهما كانت

وتجاهلت الفرغ في النسبة والتناسب
1.7 طلعت شي كبير

بس الحمدلله باني لم ابيع اي سهم ولا اي عقار ولم ارهن اي شي :rolleyes:

كل الذي عملته أخذت قرض فقط بـ 280 الف ووزعتها على 11 بطاقة
بحيث تكون كل بطاقة فيها 5000 سهم

يا تصيب او تخيب والحمدلله وحطيت في بالي 1000 - 2000 - 3000 - 4000 - 5000

ولا بعد واحد من هذي الارقام راح يكون عندي والحمدلله

يعني الان املك 14080 من اسهم ناقلات الغاز


والحمدلله سوف اكرر هذا الدرس في المرات القادمة وحسب داراسة راس المال وتوقعات 192 الف مكتتب :)

[شرقاوي]

الحمد لله الامور جرت مثل ماتوقعتها

واللي فعلا كنت مخطط عليه

بحدود 1300 سهم والحمد لله جاني اكثر بعد اضافة النسبه

[الجرناس]

السلام عليكم جميعاً
الدرس كان موجود من شركة مواشي لكن الكثير من المستثمرين الصغار غرهم اسم الغاز ومنوا انفسهم بالكثير .
كان من الواضح جداً ان البطاقه لن تحصل على اكثر من 1500 سهم ، لو كلف البعض نفسه وقراء عدد الأسهم ووزعها على العدد التقريبي للبطاقات كان اكتشف التوقع التقديري المعقول .
لكن للأسف البعض منى نفسه بأكثر من الواقع وأصر على تصديق نفسه وصم أذانه عن تحليلات العقلاء وتوقعاتهم ونصائحهم .
اضف الى ذلك ان الكثيرين مثلي لم يكتشفوا هذا المنتدى إلا متأخرين ، وهوا الموقع الذي حاز على ثقة صغار المستثمرين ( من غير مجامله ) ، ومكن الكثيرين من اكتساب المعرفه والإطلاع علي التحليلات والتوقعات والآراء المختلفه التي تمكنهم من تحديد وجهاتهم .
ارجوا ان يكون درس الغاز قد اوجد صحوه لطريقة الإ كتتاب في الشركات القادمه .
كما احب ان انوه الا أن الإكتتاب في الشركات المخصصه للنسبه والتناسب تختلف عن الإكتتاب في الشركات التي يكون فيها تخصيص ثم نسبه وتناسب

[قـطـريـه]

السلام عليكم

قبل ماتطرح اسهم ناقلات عقدت ندوات كثيره
ووضحت كيف بيكون التخصيص للاسهم
واكثر الخبراء قالوا ان الافضل شراء 4000
لكن الكثير مايهتم لما يقال ويكتب
لو طرحت اسهم مره ثانيه بكتتب بها بنفس ماكتبت
في ناقلات,,,,,,,,,
اتمنى الجميع يتعلم من درس ناقلات
وياليت الاعلام يحاول ان يثقف الناس اكثر
متعمد على دروس ناقلات
حتى يتوقف سيل الديون والبيع للاملاك,,,,,,,,,,,,,

[ابوعلي اليافعي]

اخواني اخواتي كلامكم يثلج الصدر واتضح ان الكثير منا استفاد من هالتجربه وستكون في باله عند الاكتتاب في شركات اخرى ولا ننسى قول المصطفى صلى الله علبيه وسلم ((لا يلدغ المؤمن من جحر مرتين)).....بانتظار تجارب ورؤية الاخرين.....

[جراح]

السلام عليكم,

بالنسبة لصغار المستثمرين اعتقد ان اي اكتتاب قادم لن يكون رأس ماله مثل ناقلات الغاز

ولذلك الاكتتاب في حدود 10000 ريال للبطاقه كحد اعلى هو المنطقي , ولكن للهوامير الوضع يختلف

فالذي اكتتب في ناقلات الغاز بمليون سهم حصل على 1233 سهم + 17000 سهم واذا احتفظ الهامور

بهذه الاسهم لفتره ثم باع السهم لو فرضنا ب100 ريال فانه سيحصل على مبلغ في حدود مليون

وثمانمائة الف ريال , اذن نتائج الاكتتاب لم تكن سيئه للهوامير وفي نفس الوقت عادله بالنسبه لصغار

المستثمرين قياسا على عدد المكتتبين ,, واشكرك على الموضوع

[khalid969]

الحمد لله والشكرلله


الحمد لله اكتتبت في ناقلات


واذا ما انطرحت شركات اخرى للاكتتاب ما راح افرط


((القناعة كنز لا يفنى ))

[طارق]

الدرس يا اخواني هو انه اذا جاء اكتتاب انك ماتشتري باكثر من 3000 سهم وانك اتوزع الافلوس على اكثر عدد من البطاقات

[classic2004]

لو نزلت شركة ثانية باكتتب فيها بس ما راح اضغط على عمري

على حسب السيولة المتوفرة

واللي تعلمته اني ما اصدق اي شي ينقال

[qatar_moon]

انا عن نفسي مشاء الله علي ذكيه :D

قلت يابنت ايش بيطلع لج من ناقلات

قطي فلوسج في الاسهم الي بالسوق وهذا الي سويته

وخليت هلي يكتتبون لي من فلوسهم هههههههههههههههههه


الحمدلله لابعت ولا شي

وكنت ابي ابيع شي عندي علشان ادخل بالفلوس في اسهم صناعات بس مانكتب لي

[محمد بن حمد]

ياخي باجر بذكركم لا نزلت شركة جديده الكل بسوي مثل ما سوا في ناقلات ولا دروس تعلمناها ولا شي وبتبتدي الاشاعات من جديد وقولو بونوره ما قال هذي صناعات شتختلف عن الناقلات حد تعلم دروس منها ؟؟

[ابوعلي اليافعي]

بس اخوي بنوره الصناعات كل مكتتب حصل 3000سهم بحد ادنى ونسبة وتناسب كبيره..لا انا اضن العكس ان تجربة صناعات هي السبب في الاخطاء الي حصلت مع ناقلات الغاز..ايش رايك