ماذا نفعل بهذا الجيل . . . جيل الخادمات

[الجني]

بسم الله و الحمد لله و الصلاة و السلام على رسول الله

موضوعي هو الطفل , هذا المخلوق البريء ما ذنبه بأن نرمية على الخادمة (امه الحقيقة) لكي يستيقظ على صورة الخادمة و يأكل من يديها و يلعب معها و يكبر على حنانها و ينام على يديها

و الأم :
من عرس الى عرس
و من حفلة الى عيد ميلاد
و من زيارة الى رد زيارة
و من سوق الى مجمع

و الأب :
من مجلس الى مجلس
و من صديق الى قريب
و من قهوة الى مطعم
و من سوق الى مجمع

و كل ما يربطهم بطفلهم هو انهم كانوا سبب في وجوده , من يذهب الى عيادات الأطفال لابد و ان شاهد طفل مريض مصحوباً بخادمة و سائق , تدخل الخادمة عند الطبيب ة يصف لها الدواء ليشتريه السائق من الصيديلة و تشرف الخادمة على اعطاء الطفل الدواء .

هذا سيناريو لشريحة عريضة موجودة على امتداد الخليج و ليس قطر فقط و سيجد هؤلاء الأباء و الأمهات انفسهم في مستشفى العجزة عندما يكبر هذا الطفل لسبب بسيط و هو عدم وجود اي عاطفة بينهم و بين هذا الطفل

و الجزاء من جنس العمل

[التيما]

فعلا اسمع واشوف هالنوعيه واااااااااايد وللاسف مايدرون عن عيالهم انا ولله الحمد ولدي لي انا الخدامه بس لها الملابس

[ضوى]

مواضيع الطفل تلاقيني اخيو الجني غصب ادخل واعلق ، احس بغصة والله من اللي اشوفه طفل مع خادمة ليش ؟؟؟؟ وين امه وين ابوه ، هذا ما يصير ، وين الامومة وين حمل التسعة شهور وين الم الوحم وين الم الولادة وين الم الطلق ؟؟؟ هذا كله ما حست فيه ، اشلون تترك قطعة منها للخدم ، هم يربونه وهم ياكلونه وهم يشربونه عيل انتي دورج شنو ؟؟؟؟؟ تعيشين حياتج باعراس وحفلات وزيارات ؟؟ كلنا عندنا واجبات اجتماعية ونأديها بس ما نهمل عيالنا ونتركهم ويا الخدم ، قلبي يتقطع لما اكون بالالعاب مع عيالي واشوف خدامة مع طفل عمره مش اكثر من 3 او اربع سنين طيب وين امه ؟ظ ماما ما في موجودة ماما داخل بيت انا ودريول يجي هما ؟؟؟ خدامة ودريول وطفل صغير ؟؟؟؟؟؟ هذا مو حرام ؟؟؟ ما تخافين على ضناج ؟؟؟؟ والله لو شني امانتهم بعد ما امن على عيالي معاهم محد بيكون حريص عليهم قدي انا وابوهم ، يا امهات والله اخجل اقول امهات اصلا انتو ما تستحقون هاللقب هذا لقب كبير عليكم الامومة مب شعار ولا مصطلح يطلق للي عندها عيال ، الامومة تكليف ومهام كثيرة اولها الاهتمام والعتناء بالطفل بالطريقة اللي الله يرضاها

اسفة اني طولت بس هالموضوع وايد ينرفزني ويفقدني اعصابي

[امل الحب]

لاحول ولاقوة الا بالله ..

الله يهديهم..

الحمدلله ماتربينا على جذي ..

اذا الام مافي تواصل بينها وبين عيالها عيل شفايدة وجودها ولاشي..

[الطرف الأغر]

يمكن الأمهات ماعندهم وقت ،، تلقينها تشتغل ترجع من الشغل مالها بارض حق اليهال ،، واذا بغت تفتك منهم ولا حست بتأنيب الضمير طرشتهم مع الخادمه والسايق ،، بلفيت أنجزت شي بحق اليهال ،، بعض الأمهات و الاباء الكسل و الاهمال ذابحهم ،، لكن نفس ما يهملون اعيالهم الحين في وقت تكوينهم وتنشأتهم وهم في أمس الحاجه لحنانهم و عطفهم واهتمامهم ،، بييهم يوم واعيالهم بيهملونهم في كبرهم ،، مثل ما قال اخوي الجني ( الجزاء من جنس العمل )

انا مادري ليش احس نفسي نحول (( ما شاء الله علي ،، اخاف احسد نفسي )) يعني اطلع وارجع و أوجب وادور وأدرسهم والبسهم واسولف وياهم واحازيهم كله بنفس الوقت ،، لانهم دووم معاي وما عندهم ولاء للخادمه أبدا يا أنا أو الوالده الله يحفظها )) ،، والسبب اني احس بمتعة الوقت مع اعيالي ،، هم يونسون واستانس بوقتي معاهم ،، حتى دروس الكاراتيه احضرها بنفسي ،، ومباريات التنس احضرها بنفسي ،، احس بتعب كبيرررر بس كل شي يهون لجل عيونهم ،،


شكرا لطرحك الموضوع اخوي الجني ،، بارك الله فيك

[ROSE]

للاسف وصل فينا الحال ان الطفل قام يفضل الخادمة على الام

واذا سافرت مرض لانه في اعتقاده انها هي امه وهي اللي ربته

واكثر شي نشوفه متطبع بطباعيها وياكل من اكلها :(

وايد شفت هالحالات وكسروا خاطري الياهال والله

الطفل يكون في مرحلة تكوين فكره وتخيل يتطبع بطبايع هالخادمه في ظل غياب الام والاب

عنه ،، مشكلة كبيره لازم الاهل يوقفون عندها ويحلونها

يزاك ربي كل خير على هالطرح اخوي