سفر الخادمات عبر البر

[ورقــة أمــل]

السلام عليكم

ماعرفت وين احط استفساري فخليته هني :confused:

عندي خدامة وابي اخذها معاي للامارات طبعا بالسيارة عن طريق البر

ممكن حد يعلمني شنهي الاجراءات؟؟ يلزم لها تاشيرة من السفارة السعودية بعد او لا؟؟

للعلم بناخذها معانا لمدة اسبوع......... وجزاكم الله خيررر :)

[ذوق]

الي أخبره أن الخدامااات ممنوع أنك تسفرهم برآ؟؟؟ لازم جوآ والعلم عند الله أن جااان غيروا أنظمتهم؟؟

[ورقــة أمــل]

الي أخبره أن الخدامااات ممنوع أنك تسفرهم برآ؟؟؟ لازم جوآ والعلم عند الله أن جااان غيروا أنظمتهم؟؟

لا يصير برا عادي يعني من قطر لين السعودية

بس غيرها هاي اللي ماعرفه :confused:

[قطري رافع الراس]

عادي يالغالي تسويلها تأشيرة مرور في مركز سلوى في السعوديه ورسومهم
100 ريال ومن مركز الغويفات في الامارات اتسويلها تأشيرة زياره وانت اتحدد المده الي
تبيها . بس اهم شي يالغالي انه كفيلها يكون متواجد معاكم.
وان شاء الله اكون اقدر افدتك يالغالي وتروح وترجع بالسلامه ان شاء الله

[ورقــة أمــل]

عادي يالغالي تسويلها تأشيرة مرور في مركز سلوى في السعوديه ورسومهم
100 ريال ومن مركز الغويفات في الامارات اتسويلها تأشيرة زياره وانت اتحدد المده الي
تبيها . بس اهم شي يالغالي انه كفيلها يكون متواجد معاكم.
وان شاء الله اكون اقدر افدتك يالغالي وتروح وترجع بالسلامه ان شاء الله


المشكله كفيلها ماراح يكون معانا.. ولد الكفيل ماينفع؟؟

[ذوق]

الله لا يهينك دق على مركز سلوى وأسألهم :) وأنشاءالله بيفيدونك

[ورقــة أمــل]

الله لا يهينك دق على مركز سلوى وأسألهم :) وأنشاءالله بيفيدونك

فكرة مايات على بالي.. :eek2:

شكرا

بس لو حد عنده معلومات ومودي خدامته معاه يفيدني بيكون احسن

[ابوعلي]

فكرة مايات على بالي.. :eek2:

شكرا

بس لو حد عنده معلومات ومودي خدامته معاه يفيدني بيكون احسن

اختي الاضمن تستفسرين من مركز ابوسمرة اتصلي عمليات الشرطة 4330000

وبيحولونج ،

واعتقد ان لازم كتاب عدم ممانعه من الكفيل عن طريق الجوازات :deal:

[ورقــة أمــل]

اختي الاضمن تستفسرين من مركز ابوسمرة اتصلي عمليات الشرطة 4330000

وبيحولونج ،

واعتقد ان لازم كتاب عدم ممانعه من الكفيل عن طريق الجوازات :deal:

جزاااااااااااااااااااااك الله خيرررررررررر :nice:

[ذيبة الريان]

وعليكم السلام أخوي..

عاد انا توني جايه السعوديه ومعاي الخدامه يعني ان شاءالله اقدر افيدك..omen

ماقصروا الشباب..:strong

مثل ماتفضل الأخ قبلي وقال..

كل شي تخلصه في مركز سلوى يعني لاتشيل هم ..وماياخذ وقت..

لكن تدفع" 100 ريال" لكل أسبوع..

وإذا كنت بتخلي الخادمه مع أحد هناك وتبي ترجع بدون ماتضطر ان تاخذها معاك..

تقدر تسوي توكيل للشخص اللي تبيه.."بالأسـم".. :D

ولكن المشكله مايقدر يطلع من الإمارات إلا وهي معاه >>يعني بيصير حاله حالك..:dance

وعند مركز الإمارات تدفع لهم على حسب المده اللي بتقعد فيها هناك..يعني تأشيرة زياره..

والحمدلله الأمور صارت سهلات..قبل كان مانقدر نسويها إلا بسفارة السعوديه ..:court:

أختـكم في الله /
ذيبة الريان..

[alwahesh]

تسلمين يالذيبه

كفيتي و وفيتي

بس سؤال لو تكرمتي

بالنسبه للخدامه والرسوم والتأشيره ... لازم الواحد ينزل من السياره ولا عند الكونتر قصدي مع العايله بالسياره عند شياك الجوازات ؟

[جنيه ذهب]

لا الشيخ تنزل من الموتر بتحصل شباك على اقصى اليسار مكتوب عليه تاشيرات دول مجلس التعاون والي اخبره ان تاشيرة مرور السعوديه لاي دولة خليجية 50 ريال مو 100 لاني كم مره اسويها ....

تحياتي لك ،،،

[ورقــة أمــل]

يعني متأكدين :D

اخـــــــــــــاف نروح هناك ويسون لي سين وجيم :court:

انا باخذها الامارات مب السعودية ياحلوين يعني بس اوصل هناك وخلاص مايحتاج هني اروح السفارة واسوي تاشيرة حق الامارات..

بالنسبة للتوكيل شلون اسويه من وين؟؟ ولا بس مجرد ورقة عدم ممانعه؟؟

بعد سؤال لازم جوازها يكون فيه اقامة لمدة 6 شهور او لا؟؟؟

[رحال الدوحه]

أعزائي يعطيكم العافيه جميعاً
الموضوع اللي اطرحته الأخت " طيب " وتقريباً كل واحد جاوب على خبرته ..؟ وجزاكم الله خير .. ولكن تعرفون بين فتره وثانيه تتغير الإجراءات والرسوم حسب القوانين والأنظمه .

إختي العزيزه : بعطيج أرقام السفارات المعنيه ومركز أبوسمره وتستفسرين منهم .. :

السفاره السعوديه في قطر : 4832030
السفاره الإماراتيه في قطر : 4838880
مركز الحدود " أبو سمره " : 4714444

يشرفني أخدمكم
تحياتي : رحال الدوحه

[ابـو مــحــــمـــــد]

طويل العمر الامور بسيطه لاتشيل همها

بنسبه لمركز سلوى تاخذ من عندهم تاشيرة مرور للامارات بمبلغ 50 ريال
ولك الحق تجلس في السعوديه 72 ساعه في الخروج والدخول
مركز الغويفات 100 درهم تعمل لها تاشيرة زياره

اذا كانت الخادمه مش على كفالتك ومعاك حد يقرب للكفيل من الدرجه الاولى
مافيه اي مشكله الخادمه تطلع معه ولكن للاحتياط لان المركز السعودي كل يوم له طلعه
خذ معاك بطاقة الكفيل او صوره منها وكتاب عدم ممانعه مرور الخادمه مع العائله

هذي كل الاجرات بكل بساطه

ومدري متى الله يفكنا من ها الاجرات الناس وصلت القمر وحنا للحين نحسب حساب للخدم
كيف نخرجهم من مراكز الحدود امحق مجلس تعاون

[ورقــة أمــل]

أعزائي يعطيكم العافيه جميعاً
الموضوع اللي اطرحته الأخت " طيب " وتقريباً كل واحد جاوب على خبرته ..؟ وجزاكم الله خير .. ولكن تعرفون بين فتره وثانيه تتغير الإجراءات والرسوم حسب القوانين والأنظمه .

إختي العزيزه : بعطيج أرقام السفارات المعنيه ومركز أبوسمره وتستفسرين منهم .. :

السفاره السعوديه في قطر : 4832030
السفاره الإماراتيه في قطر : 4838880
مركز الحدود " أبو سمره " : 4714444

يشرفني أخدمكم
تحياتي : رحال الدوحه

اخوي يعطيك العافية

اتصلت على مركز بوسمره وقالولي مافي مشاكل 50 للسعودية وبعدين من الامارات اسويها تاشيرة..
بس احتياطا رحت السفارة فعطوني ورقه تاشيرة وورقه عدم ممانعه ورسوم... والسعودية لازم اروح لمكتب وهو يخلص الاجراءات...

[ورقــة أمــل]

طويل العمر الامور بسيطه لاتشيل همها

بنسبه لمركز سلوى تاخذ من عندهم تاشيرة مرور للامارات بمبلغ 50 ريال
ولك الحق تجلس في السعوديه 72 ساعه في الخروج والدخول
مركز الغويفات 100 درهم تعمل لها تاشيرة زياره

اذا كانت الخادمه مش على كفالتك ومعاك حد يقرب للكفيل من الدرجه الاولى
مافيه اي مشكله الخادمه تطلع معه ولكن للاحتياط لان المركز السعودي كل يوم له طلعه
خذ معاك بطاقة الكفيل او صوره منها وكتاب عدم ممانعه مرور الخادمه مع العائله

هذي كل الاجرات بكل بساطه

ومدري متى الله يفكنا من ها الاجرات الناس وصلت القمر وحنا للحين نحسب حساب للخدم
كيف نخرجهم من مراكز الحدود امحق مجلس تعاون


جزاك الله خير كفيت ووفيت..... وانا رحت السفارة الاماراتية وعطوني ورقه عدم ممانعه للكفيل وتاشيرة للدخول... يعطيك العافية اخوي الكريم

[THE1ONE]

او تقدر تطلع فيز من السفاره السعودية والاماراتية

وتكون جاهز لين وصلت الحدود

[ذيبة الريان]

الله يسلمك اختي..

الأخوان ماقصروا..

لا تحاتي..:court:

شل قشك وسافر..:dance بس لاتنسى الجوازات أهم شي:D

وكل شي بربع ساعه أو أقل تخلصه عند الدريشه اللي على اليسار مثل ماقال أخوي..

بيخلصون لك كل شي..

وعند الإمارات أكيد اجرائات ثانيه بس ما جربتها..

لأن على طول دخلت على السعوديه..

وأي استفسارات احنا حاضرين..:strong

أختكم في اللهـ /
ذيبة الريان

[ANONYMOUS]

مكتب الاحسان للخدمات..

بيخلصون كل شي

[عضو قديم]

السلام عليكم

ماعرفت وين احط استفساري فخليته هني :confused:

عندي خدامة وابي اخذها معاي للامارات طبعا بالسيارة عن طريق البر

ممكن حد يعلمني شنهي الاجراءات؟؟ يلزم لها تاشيرة من السفارة السعودية بعد او لا؟؟

للعلم بناخذها معانا لمدة اسبوع......... وجزاكم الله خيررر :)


الله يعينك على مركز الغويفات بتيننك لبغوا يخذوا منهاد بصمة العين في المركز

[ورقــة أمــل]

الله يعينك على مركز الغويفات بتيننك لبغوا يخذوا منهاد بصمة العين في المركز

شنو ذي بصمة العين وشكثر تاخذ وقت؟؟

[عضو قديم]

لازم ياخذون من خدامتك بصمة للعين وشكثر تاخذ هذا يعتمد على استيعاب خدامك
لان انا عانيك مع خدامتى يقول لها الريال سكري العين البسار وطالعي الكاميرة يقوم تغمض عيونها وترفع راسها

يلا راح تجرب وبتعرف لكن من صج بتشوف فليم انصحك تاخذ معاك كاميرة وتصورها خخخخخخ

[ورقــة أمــل]

لازم ياخذون من خدامتك بصمة للعين وشكثر تاخذ هذا يعتمد على استيعاب خدامك
لان انا عانيك مع خدامتى يقول لها الريال سكري العين البسار وطالعي الكاميرة يقوم تغمض عيونها وترفع راسها

يلا راح تجرب وبتعرف لكن من صج بتشوف فليم انصحك تاخذ معاك كاميرة وتصورها خخخخخخ

ههههههههههههههههههههههه

:funny: :funny: :funny:

[KHALID1]

المشكله كفيلها ماراح يكون معانا.. ولد الكفيل ماينفع؟؟



لازم تسوي لها فيزا في سفارة الامارات في قطر ويكتبون على الفيزا برفقة عائلة الكفيل اذا كفيلها مب رايح معها .. انا مسوي كذا للاهل من فترة بسيطة ؟؟؟