اريد ان ابلغ عن حاله وفاه كيف؟؟؟؟؟

[عزوز المضارب]

السلام عليكم ورحمه الله وبركاته

عند حدوث حاله وفاه وانت الشخص الوحيد المفروض انه تبلغ عن حاله الوفاه فكيف يمكن ابلاغ صاحب العلاقه وخاصه انه ليس في نفس البلد والله اني اجد صعوبه بالغه في التبليغ ولكن واجب عليا ان ابلغ وانا في حيره من امري الامر مش بسيط بصراحه في عند من الاخوان طريقه سليمه للتبليغ فكرت ابعث مسج لكن قلت والله عيبه كبيره ارجو ان اجد طريقه من اخواني وان يدلوني على الطريق الصحيح للتبليغ عن حاله الوفاه ...........بصراحه انا في موقف صعب جدا :confused: :confused:

[صليب الراي]

لا حول ولا قوة الا بالله

الله يرحمه اخوي

بالنسبة لمثل هالموضوع وخصوصا ان صاحب العلاقه في المتوفي خارج البلاد . .

وممكن يجي البلاد ويرجع عشان هالوفاة . .

تجيبها انت بطريقة تمهيديه . .

مثال :

- والله الاخ - س - طاح علينا فجأه و وديناه المستشفى ماندري شفيه . .

بيتخرع . . . صحيح . . لكن شوي شوي انت تقوله بشوف شيقول الدكتور وبرد عليك


وبعدين بيتصلك عقب بمده ساعه او ساعتين

تقوله ان الدكتور قال انها حالة حرجه في القلب ويحاولون الان . .


هو بروحه راح ينخض . . لكن بيقطع تذكره وبيجي طوالي لقطر

ولما يوصل تقول له الصج


والله يكون في عونك وعونه

والله يغفر للميت ويتغمد روحه الجنه

[غريب احساس]

لا حول ولا قوه الا بالله ان لله وان اليه راجعون

رحم الله الميت رحمه واسعه


والله ياخوي عزوز ان موقفك صعب بس مثل ما قال اخوي لو ان الروعه احيان تسبب مشكله ولكن مالك الا مثل ماقال تدريجي

[عزوز المضارب]

اخوي مود موني وغريب احساس شاكر لكم تفاعلكم لكن للتوضيح بس الشخص يعلم بحاله المريض وهووالشخص المتوفي صله القرابه هي الاخوه يعني اخوان وللاسف هو ما يقدر يجي بسبب نظام الفيزا اللي هنا متبع حاولنا وهو مريض لكن فشل الموضوع

[غريب احساس]

طيب عزوز قاله اليوم تعب زياده ودخلوه العنايه المركزه والدكتور يقول حالته صعبه وبعد كم ساعه بالغه با الوفاه

يعني تسهله الخبر شوي

[نايتروس]

طيب عزوز قاله اليوم تعب زياده ودخلوه العنايه المركزه والدكتور يقول حالته صعبه وبعد كم ساعه بالغه با الوفاه

يعني تسهله الخبر شوي





لازم التدرج اخو عزوز لكي لاتصدم غيرك

[الزاجل]

ما يبي لها شي يا عزوز

تتصل به وتقول له بمقدمة طيبة ..

يا اخوي فلان تدري ان الدنيا هذه الى زوال
وانت انسان عرفتك وانت مؤمن بقضاء الله وقدره
واليوم اخوك فلان عطاك عمره
فادعو له ان الله يغفر له ويوسع له في قبره
ويغفر له ويرحمه ..

فلابد ان يخبر قريبه بحالة الوفاة
لأن ما في مفر من المعرفة ..

[عزوز المضارب]

اخوي غريب احساس شكر جزيلا لك والشكر موصول لاخونا نايتروس

اخوي الزاجل جزاك الله خير وطريقتك جيده وكلامك حلو وشكر الك مره اخرى


وشاكر للجميع تفاعلهم

[دلوعه امها]

الله يرحمه بس لازم تقوله مايصير تسكت

[ROSE]

الله يرحمه برحمته وفعلا موقف صعب بس لازم تبتدي بمقدمة تبين فيها ان الدنيا زواله

وان كل من عليها فان وبعدها تدخل في الموضوع معاهم

[البارع]

الله يرحمه والاعظا ماقصرو

[GS5]

جزاك الله خير اخوي

واعانك الله على هذه المهمه ارجو من الله ان يرحم الفقيد ويلهم ذوية الصبر

اشوف لو تخبر حد من اقاربه يكون اخف عليك وعلى اهلة وهذا القريب يخبرهم وانت تكون حلقة والوصل بينهم بعد هذا

لا حول ولا قوة الا بالله

انا لله وانا اله راجعون

[محمد بن حمد]

اخوي الله يرحمه .. وعظم الله اجركم

اخوي انا ارى ان ترسل مسج تكتب فيه كلمة اخوك و ..... بس وتسكر الجوال اهو راح يدري ان اخوه صاده شي وعقب فتره افتح الجوال تكون خفت الصدمه شوي
او ارسل له مسج اكتب فيها انا لله وانا اليه راجعون .. واسكت
المهم خله يدري انه فيه شي بس خليه في حيره ويقعد يفكر لان التفكير يلهيه شوي عن الصدمه وانه يحزن .. نوع من الاضطراب
والله يصبركم ويصبر هله

[meandme]

أنا مع طريقة بو نوورة..في شخص سواها فيني يوم توفى شخص عزيز علي...انا كنت أدري إنه عنده سرطان فيوم بعثلي اسمه في مسج قعدت أفكر وتوقعت و حزنت بعدين اتصلت...لكن طريقة الزاجل اللي تبداها سنة الدنيا وإنسان مؤمن وحنا إلى زوال هذه شوي تسوي صدمة لأنه من أولها بتعرف إنه في أحد توفي...