عقد ايجار شاحنات لثلاث سنوات و 360 ألف ريال مقدم قبل العمل

[باحث علم]

هناك شركة عرضت علينا هذا الامر
هل هذا العقد معقول ومنطقي ؟
قالوا لنا نعطيكم 360 ألف ريال مقدم قبل بدء العمل في السيارة
مع ان السيارة قيمتها اصلا 260 الف وهي موديل 2001
يعني معقولة يأجرون سيارة بدفعة مقدمة أكبر من قيمة السيارة !!
شيء غريب اللي يصير

هل حد عنده تفسير ؟

[مايسترو@قطر]

السلام عليكم

مرحبا اخوي اشلونك ان شاء الله طيب

لاتستغرب اخوي لان في ناس يوقعون ابمبالغ خياليه فوق 70 مليون واكثر واكثر بعد ويدفعونها كااش



شوف انا بقولك على اللى اعرفه

يعني لو انا جاني هالعقد ما اوافق عليه

وايد وايد رخيص لان هم حاسبين لك السياره اب 10000

المفروض مب اقل من 13 الف انا حسبتها اذا بهالمبلغ راح يطلع لك 468000 اذا هالمبلغ على هالمده الطويله انا ممكن اوافق

ويعطيك العافيه

[باحث علم]

لكن اخوي

انا مشتري السيارة بالكامل بـ 260 وهذيلا معطيني 360
يعني ربح 100 الف ريال
وبعد ثلاث سنوات السيارة عندي :)

ماتلاحظ ان هالشي غريب

وبعدين السؤال اللي يطرح نفسه
ليش ماشتروا السيارة بالكامل ؟ او يشترون سيارات بالمبلغ اللي بيعطونه لي ؟

[basha_z]

بصفتك تاجر
ما يصير تسأل الزبون ليش تبي تشتري؟
والتاجر اذا كان حسبلك مبلغ ربح ١٠٠ الف ريال زيادة فهو يكون ربحان ملايين الريالات وبعد ثلاث سنوات شو راح يسوي في السيارة بعد ما خلص منها .. ليش يوجع راسه
واذا صحلك هذا العقد نبي عموله عليه
اتفقنا

[الامير]

:
لكن اخوي

انا مشتري السيارة بالكامل بـ 260 وهذيلا معطيني 360
يعني ربح 100 الف ريال
وبعد ثلاث سنوات السيارة عندي :)

ماتلاحظ ان هالشي غريب

وبعدين السؤال اللي يطرح نفسه
ليش ماشتروا السيارة بالكامل ؟ او يشترون سيارات بالمبلغ اللي بيعطونه لي ؟
:con2: :con2: :con2:

[ولد قطــــــر]

بصفتك تاجر
ما يصير تسأل الزبون ليش تبي تشتري؟
والتاجر اذا كان حسبلك مبلغ ربح ١٠٠ الف ريال زيادة فهو يكون ربحان ملايين الريالات وبعد ثلاث سنوات شو راح يسوي في السيارة بعد ما خلص منها .. ليش يوجع راسه
واذا صحلك هذا العقد نبي عموله عليه
اتفقنا


اخوووووووي كلامك غير منطقي ابدا..

والسؤال اللي يطرح نفسه .. هل اذا انت كنت هالتاجر .. بتسوي نفس الحركه؟؟؟ بتأجر سياره فوووق قيمتها بأكثر من 50% ؟؟؟؟؟ لااااا وبتدفع مقدم بعد هههههههههه؟؟؟؟؟؟ هل هذا معقووول؟؟؟؟؟!!! وهل بيع السياره بعد انتهاء المشروووع وجع راس؟؟؟:confused: :confused: ياخي بيعها على اي دلاااااال باقل من سعرها في السوق .. شالمشكله يعني؟؟؟؟ هل في ناس مغفلييين لهالدرجه ؟؟؟؟

وانا ما اظن ان التجار (أغبيااااء لهالدرجه) .. وما اعتقد ان هذا المؤجر صار تاجر وجمع هالملاييييين كلها وهو يفكر نفس هالتفكييير .. واللله عرفنااه بالعقل!!!!!!!!

[سنافي]

وينه هذا العقد انا راضي به انشالله تربح الشركة 100 مليون زيادة انا اهم شي خذت فلوسي مقدم و كاش هذي بروحها ميزة ,,, لا وبعد السيارة لو تبيعها بعد العقد اب50 الف بعد ربح

اخوي باحث علم
" يدي على كتفك " وينه الشركة هذي ؟

[ANONYMOUS]

عطهم التريله.. وخذ ال 350 الف.. وقول لهم مابي السياره.. :)

[PoBox]

عطهم التريله.. وخذ ال 350 الف.. وقول لهم مابي السياره.. :)


انا مؤيد
وقع معاهم بس بشرط

الفلوس كاش اول شيئ
اوتدخل البنك جدامك
(( ولاتقبل شيكات ))

عقب سلمهم التريلا
وخذ المبلغ واشتر تريله ثانية واجرها على شركة محترمة مضمونة

وبعد ال3 سنوات
لورجعولك ترلتك بيعها بالسوق واربح فوق ال100 الف سعر البيع
ولو طلعوا نصابين
تريلتك الثانية شغالة من بيعة التريلة الاولى لو اعتبرتها بيعة
وانت بالحالتين ربحان

وامش ورا الكذاب لين باب بيته

[ابوعلي]

انا مؤيد
وقع معاهم بس بشرط

الفلوس كاش اول شيئ
اوتدخل البنك جدامك
(( ولاتقبل شيكات ))

عقب سلمهم التريلا
وخذ المبلغ واشتر تريله ثانية واجرها على شركة محترمة مضمونة

وبعد ال3 سنوات
لورجعولك ترلتك بيعها بالسوق واربح فوق ال100 الف سعر البيع
ولو طلعوا نصابين
تريلتك الثانية شغالة من بيعة التريلة الاولى لو اعتبرتها بيعة
وانت بالحالتين ربحان

وامش ورا الكذاب لين باب بيته
:nice: :nice: :nice: :nice: :nice:

وبشرط انك تخلي مسئوليتك من كل عمليات الصيانة للتريلا ، يعني تستلم المبلغ كاش او في الحساب وما تتحمل اي شي طول فترة العقد :strong

واتمنى اخوي تحاسب لأن ناس وايد توهقوا بسبت هالعقود وتأخير استلام الدفعات