يعني بصراحه اريد رايكم في هالموقف

[عزوز المضارب]

السلام عليكم ورحمه الله وبركاته


موقف عادي جدا طرح قضيه كبيره ؟؟؟؟

طبعا ساحاول عدم الاطاله وساكتب باللهجه العاميه ان سمحتم لي

اليوم الصباح كنت اقوم بتخليص كم معامله بنكيه في عده بنوك في شارع حمد الكبير..وانا طالع من البنك الدولي بعد عده خطوات اوقفني رجل شيبه يعني مسن تقريبا في الستينات بصراحه لم اتردد ابدا في الوقوف له
فقال لي يا ولدي السلام عليك ...فقلت له وعليكم السلام ..قال لي يا ولدي ارجوك ممكن سؤال ..قلت له بدون اي تردد امرني امر يبا ..قال امسك تلفوني الجوال وافتح الرسايل اللي فيه ان سمحت
استغربت الموقف فلبيت الامر فورا ..قال لي انا تجيني رسايل بالانجليزي وما اعرف مصدرها

فقلت له ممكن افتحها واشوف واقرأها ...قال اكيد وقل لي شنو القصه
في رساله قبل خمس دقايق واصله للرجال الشيبه بالانجليزي وعده رسايل اخرى وكلها للاسف بالانجليزي وللاسف ايضا من كيوتلالرساله الاخيره تتحدث عن دفع فاتوره الشيبه الطيب رد علي قالي انت متاكد انه كيوتل اللي في قطر قلت له نعم يبا هي للاسف
المهم قلت له شرح الرسايل كامله وشكرني وشكرته

بالله عليكم هالشيبه الطيب شنو ذنبه تيجيه رسايل بالانجليزي وهو في دوله عربيه قولوا نحن الشباب ما عليه يمكن نفهم هالنوع من الرسايل لكن الكبار والشياب والعواجيز الكبار ايش ذنبهم والله كملت مشواري مقهووور

يا كيوتل فضلا لا امرا نرجوكي طرشي رسايل بالعربي لو تبي فلوسك ..واسف على الاطاله


وشكر الكم اخواني الاعضاء

[عبدالمحسن]

كلامك سليم 100%


المفروض تكون فيه فقره عند طلب الكرت ( الجي اس ام ) تكون اختياريه للعرب والأجناب في نوعيه ارسال الرسائل اذا بالعربي او بالانجليزي..



شاكر لك موضوعك

وجزاك الله خير في موقفك مع الشايب

[ابوالجازي]

فعلا اخوي للاسف كيوتل مادري ليش كله رسايلهم بالانجليزي وحتى الايميلات المفروض يطرشون رساله فيها عربي وانجليزي او انهم يخلون في خيار في طلب الاشتراك اذا كنت تبي تستقبل رسايل الخدمات بالعربيه او الانجليزيه

وتسلم اخوي والله يجزيك الخير

[عزوز المضارب]

اشكرك اخوي عبد المحسن على مرورك الرائع

والموقف هذا واجب علينا كلنا وقد ابالغ لو قلت انه فرض علينا كلنا

ونتمنى من كيوتل الافضل دائما ولكن بالعربي
وشكرا لك اخوي العزيز عبد المحسن

[عزوز المضارب]

فعلا اخوي للاسف كيوتل مادري ليش كله رسايلهم بالانجليزي وحتى الايميلات المفروض يطرشون رساله فيها عربي وانجليزي او انهم يخلون في خيار في طلب الاشتراك اذا كنت تبي تستقبل رسايل الخدمات بالعربيه او الانجليزيه

وتسلم اخوي والله يجزيك الخير


الله يسلمك اخوي ابو الجازي وفعلا نبهتني على الايميلات اللي بالانجليزي وهذه نقطه جديده

وانا اوجه نداء لكيوتل انا عن نفسي مستعد ادفع حق الرسايل اللي بالعربي لو تطلب الامر

يسلمو اخوي ابو الجازي على مرورك الرائع :nice:

[دلة الرسلان]

مشكور اخوي عزوز اولا على موقفك من الشيبة وبارك الله لك في عيالك الحين او مستقبلا. وانا اويدك في كل ماقلت وما دري متى مؤسساتنا الوطنية بتكون ترجمة لمتطلباتنا كيوتل وغير كيوتل, كل الامل في الله اولا ثم في شبابنا الواعي مثلك و البرلمان المنتخب ...تهقون:con2:

[امل الحب]

ايه والله ليش كل شي انجليزي انا لاعت جبدي.. صرت ماجمع عربي والسبب هالموضوع..

[الزاجل]

عزوز
اعتقد فورمة الطلب المفروض تحدد اللغة
اللي تبي يراسلونك من خلالها ..

بس مشكلتنا انوقع وانخلص اعمارنا
في الوقت الاجنبي يدقق ويفصفص الورقة
ويشوف الشروط والقوانين قبل ما يوقع ..

فليش الاجاني ما يشتكون ان الرسايل توصلهم مكس
نصها عربي ونصها انجليزي ؟

اعتقد واظن ان المشكلة فينا
وان بعض الظن اثم:looking:

[إنتعاش]

اولا الله يجزيك خير على مساعدتك لهذا المسن

والحقيقه نعم كيوتل وغيرها من الوزارات الخدمية من الملاحظ على رسائلها النصيه
انها تكون بلغة غير لغة البلاد الا وهي الانجليزيه . .

وياريت لو نجد نوع من التمسك والاعتزاز بلغتنا العربية الاصيله

سلمت اخوي على موضوعك وتحياتي لك

[حنان الدنيا]

والله اخوي عزوز انا اشوف المفروض يطرشون رسائل باللغتين
العربي والانجليزي مع بعض هم مو خسرانين شئ كله من فلوسناااا احنا


وذكرتني بأمي وأبوي الله يحفظهم نفس السالفه

[عزوز المضارب]

مشكور اخوي عزوز اولا على موقفك من الشيبة وبارك الله لك في عيالك الحين او مستقبلا. وانا اويدك في كل ماقلت وما دري متى مؤسساتنا الوطنية بتكون ترجمة لمتطلباتنا كيوتل وغير كيوتل, كل الامل في الله اولا ثم في شبابنا الواعي مثلك و البرلمان المنتخب ...تهقون:con2:


لا شكر على واجب ابدا يا اخوان الهدف هنا طرح القضيه لنجد حلول ونناشد كيوتل اي مواطن او مقيم عربي اسمه بالعربي يتم ارسال بالعربي له واذا هو يريد بالانجليزي يروح يوقع فورمه بهذا الشيء

شكرا دله رسلان

[عزوز المضارب]

ايه والله ليش كل شي انجليزي انا لاعت جبدي.. صرت ماجمع عربي والسبب هالموضوع..


ما بتجمعي عربي :eek2: :eek2: :eek2:

يسلموا على المرور امل الحب :nice:

[عزوز المضارب]

عزوز
اعتقد فورمة الطلب المفروض تحدد اللغة
اللي تبي يراسلونك من خلالها ..

بس مشكلتنا انوقع وانخلص اعمارنا
في الوقت الاجنبي يدقق ويفصفص الورقة
ويشوف الشروط والقوانين قبل ما يوقع ..

فليش الاجاني ما يشتكون ان الرسايل توصلهم مكس
نصها عربي ونصها انجليزي ؟

اعتقد واظن ان المشكلة فينا
وان بعض الظن اثم:looking:


كلامك صحيح ولكن لم ارى بند عن المسجات بالعربي او بالانجليزي

وشو مشكله كيوتل يعني لو شافت الاسم بالعربي تبعت مسج بالعربي واللي يريد انجليزي يروح يوقع عندها ..

[عزوز المضارب]

اولا الله يجزيك خير على مساعدتك لهذا المسن

والحقيقه نعم كيوتل وغيرها من الوزارات الخدمية من الملاحظ على رسائلها النصيه
انها تكون بلغة غير لغة البلاد الا وهي الانجليزيه . .

وياريت لو نجد نوع من التمسك والاعتزاز بلغتنا العربية الاصيله

سلمت اخوي على موضوعك وتحياتي لك


اولا: شرفني مرورك الرائع اخوي انتعاش

ثانيا لا شكر على واجب ابدا والهدف طرح الموضوع التحدث والنقاش عن قضيه حصلت بالصدفه
وتحياتي لك اخوي انتعاش وعلى مرورك الرائع

[عزوز المضارب]

والله اخوي عزوز انا اشوف المفروض يطرشون رسائل باللغتين
العربي والانجليزي مع بعض هم مو خسرانين شئ كله من فلوسناااا احنا


وذكرتني بأمي وأبوي الله يحفظهم نفس السالفه

ما شاء الله عليكي قويه omen omen

يسلموا على مرورك الرائع والقوي :eek2:

[قمرهم كلهم.]

والله اخواني ... الللغه العربيه ماعاد لها وجود للاسف في بلادنا العربيه ... نريد ان نقلد بس لمجرد التقليد وندعي بانها التطور ومواكبة العصر ... والحداثه .... ماهذي التقليد اذا كان فيه طمس لهويتنا العربيه وثقافتنا التي نعتز بها ...
ماذنب هذا الشيبه ... نريد توضيح من كيوتل ؟؟؟؟؟؟؟؟؟؟