؟؟ محتـــــار واحتاج استشارة عاجلة من خبراء السيــــــــــــــــارات ؟؟

[روح الاطلس]

السلام عليكم ورحمة الله وبركاته


نداء عاااااااااااااااااجل الى خبراء السيارات واللي عندهم مقدرة جيده على التحليل


انا ناوي اخذ لي سيارة ان شاء الله للسايق بس الصراحة محتار بين سيارتين وش اخذ منهم

الأولـــــــــــــــــــــى : ماكسيما موديل 2002 - قاطعة : 134 الف وسعرها النهائي : 35500 خمسة وثلاثين الف وخمسمية
وفي الفحص الفني طلع فيها شوية ملاحظات
1-تبديل كاسكي كرنكس ماكينة
2- تبديل كراسي ماكينة
3- تبديل بوشات مقصات
( ما ادري اذا هالامور مهمة ) ؟؟ ولا عندي فكرة عن تكاليفها :con2:


الثانيــــــــــــــــة : كورولا موديل 2002 قاطعة : 68000 وسعرها : 34000 اربعة وثلاثين الف
ما عليها ملاحظات

أريد مشورتكم يا الأجواد أيهم أفضل الماكسيما ولا الكورولا ؟؟ الموضوع جداً محيرني :anger2:

[راعي سمحه]

الكورولا بلا شك...اقتصادية..(وحق المشاوير رقم 1) ولايوجد فيها اعطال تذكر ويكفي انها تويوتا وتصلح للدريول بس يفضل ان يكون حجمها 1800 لانها مرغوبه اكثر وبيعتها سهله..اما بالنسبه للمكسيما فهي سياره جيده ولكن لاتصلح للدريول (صرفية بترول) قطع الغيار وصيانتها مرتفعه...هي تصلح للاستخدام الشخصي...هذا رأي وفي الاخير هذا راجع لك
وعليك بالاستخاره...اتمنى لك التوفيق في الاختيار..بأذن الله.

[عتيج الصوف]

الافضل تويوتا كرولا وخصوصا للدريول,,,والماكسيما صرفيتها اكثر

[مايبخ]

والله الشيخ
لو انا المحتار

بااخذ الكرولا:con2:

[روح الاطلس]

مشكوووووووووووورين على الردود بس نسيت اضيف شئ ان الكورولا حجمها 1300 سي سي ,,,,,,, إذا احد مكاني وش بياخذ ؟؟؟؟

[الكواري 1972]

بل بل بل كل هذا ف المكسيما ابعد عنها وابرك لك مليون لا وسعرها تعيس ومرتفع

اما الكرولا حلوه واااااااايد بس السعر خيالي واااااااااايد

اخبر سعر 2002 بين 25000 الى 15000

طبعا فرق السعر فرق الحجم مثل ماقال اخوي راعي سمحه حجم 1800 هاي جيده وممتازه جدا
ولا في قصور ع حجم 1300 سي سي ويتحكم ف السعر النظافه والاستعمال
يعني الحين في كرولا كان عليها حادث شبه انقلاب وتصلحت 2002 فول اتماتيك حجمها 1300
وشكلها جيد باعوها 18500

بس اسعارك خياليه

موفق ان شاءالله

[عتيج الصوف]

ملاحظة اخوي بالنسبة للكرولا 2002 اشوف سعرها شوية فوق وخاصة انها 1300 ,,,,واذا لقيت 1800 وايد افضل وان شاء الله بتلاقي بسعر افضل بعد والله يوفقك

[alwahesh]

انا مع الشباب

الكورولا ولا بعدها حمارة شغل اكرمكم الله

اما بالنسبه للمكسيما العيوب الي ذكرتها عيوب استهلاكيه وما تكلف 1000 ريال واعتقد ما تحتاج تبديل الا اذا رسبت في الفحص الفني
والمكسيما حلوه اتمشى فيها في الويك اند لما يكون الدريول فاضي اما الكرولا ( الله يعينك على اصحاب الكروزرات والجماسي )

[الكواري 1972]

يالوحش في وين 1000 ريال

يقولك تغير قزقيت الكرنكيسسس ويقولك البوشاااات للمقصات
ويقولك كراسي المكينه كرسي المكينه الواحد العادي مش الاساسي سعره فوق 300 ريال
لا عاد تعال حق شغل اليد شوفه بكم مب اقل 1000 ريال يمكن بعد ينزلون المكينه قولي بعدين الف ريال

اذا الكامري ارخص منها في القطع غيرت مقص واحد عشان خاطر البوش
لا ومستعمل بعد كلفني 600 ريال

وتحياتي

[alwahesh]

اخوي روح وكالة النيسان واسألهم
وعندك شركات وايد تبيع قطع غيار نيسان مثل الواحه والعصر والكواري كلها اصليه

واذا مب 1000 يمكن 1500 مع التركيب او يمكن تغير الايل يكلف40 ريال زياده معاك حق

واعتقد انتي قلت ان القطع تتسجل في الفحص ومب لازم الواحد يغيرها الا بعد فتره

تحياتي للكل

[alwahesh]

وعلى فكره المقص غير والربلات او البوشات شي ثاني

والمقص المستعمل الي تقول عنه ماخذه مستعمل ب 600 سعره في الوكاله يمكن 200 ريال

اعتقد يسمونه لور ارم بوش

[وحيد-الشوق]

اخوي انا عندي ملاحظة بالنسبة لسعر السيارتين اشوف السعر مبالغ فيه وايد :anger2:

[الدوحة 2007]

اسعارهم خيالية

[الكواري 1972]

حبيب اخوك شوي خبره

وكانت عنده مكسيما وجرب هالامور من قبل

تحياتي خيوووووووووو

[مستانس]

اخوي خذ كورولا ترا وايد اقتصاديه بس السعر لك عليه شوي

[فهد24]

والله المكسيما موغلط بالعكس تقدر تطلع فيها فأي وقت وعجيبه حق استعمال العيله وسيعه من داخل وابرك من الكورولا.وماتصرف الا عالدعسه واللي يقوللك انها تصرف هاي وحده من ال2 يا انه يدعس فسها بدون مايحس ولا ان البخاخات عنده فيهم خلل..
واما عن الخرابات اللي قلتهم فهذي خرابات استهلاك وماهي بالشي الصعب..

[alwahesh]

بالتوفيق

[oqbah]

اخوي انا عندي ملاحظة بالنسبة لسعر السيارتين اشوف السعر مبالغ فيه وايد :anger2:
والله ياجماعة الخير
اسعاركم خيال وغاليه منجد
تصدقون هالموترين عندنا ماتتعدى بالرياض 25000
بدون مبالغه
امس لاقي كورلا 2005 وتسام 34000 وحد الرجال 36000 واخت الجديده
والمكسيما عندنا محد يبيه بجد واسعاره متدنيه

طع شوري تعال تمش بالرياض وممكن تلقى 2006 كورلا ماشي 10 الى 20 الف وبتلقاه 39000 ومواصفات زينه

[الدوحة 2007]

والله ياجماعة الخير
اسعاركم خيال وغاليه منجد
تصدقون هالموترين عندنا ماتتعدى بالرياض 25000
بدون مبالغه
امس لاقي كورلا 2005 وتسام 34000 وحد الرجال 36000 واخت الجديده
والمكسيما عندنا محد يبيه بجد واسعاره متدنيه

طع شوري تعال تمش بالرياض وممكن تلقى 2006 كورلا ماشي 10 الى 20 الف وبتلقاه 39000 ومواصفات زينه

هلا بك يالشيخ يليت تقولي أسماء المعارض الي تبيع ب؟أسعار مناسبة

وموقعهم بالضبط لأني ماقد رحت الرياض كلش

[المهم1000]

الكورولا


اقتصاديه

ومافيها خراب

نفس المكسيما

[oqbah]

هلا بك يالشيخ يليت تقولي أسماء المعارض الي تبيع ب؟أسعار مناسبة

وموقعهم بالضبط لأني ماقد رحت الرياض كلش
معارض الرياض حواري وانا اخوك
ان عزمت وجزمت
مستعد انقز لك موترعلى كيف كيفك باذن الله
وعطني رقمك على الخاص واذكر مواصفاتك وابشر بسعدك
وان جاء سعي فحياه ولا خدمة لك ورهن اشارتك ياخوي

[مستانس]

خذ الي يريحك