المساعد الشخصي الرقمي

مشاهدة النسخة كاملة : العطية : طرح «الصناعات الوسيطة والالمنيوم» للاكتتاب‚‚ قريبا


النجم
06-03-2005, 02:45 AM
كشف سعادة السيد عبدالله بن حمد العطية النائب الثاني لرئيس الوزراء وزير الطاقة والصناعة النقاب عن استمرار برنامج الخصخصة في الدولة‚ مشيرا في هذا الصدد إلى قرب الانتهاء من الدراسات الخاصة بشركة الصناعات الوسيطة وهي أكبر من شركة الناقلات وشركة الالمنيوم التي تقوم قطر للبترول حاليا بتطوير كل منها‚ دون ان يحدد سعادة الوزير موعدا لذلك الا انه اشار إلى ان اعلان الاشهار سيكون قريبا‚

بشرى خير نتمنا ان تعود بالنفع للبلاد والعباد ومزيد من التطور ياقطرنا ...
قطري
06-03-2005, 03:02 AM
اي والله بشرة خير
الف شكر على الخبر الحلو
والى الأمام ياقطر
qatar_moon
06-03-2005, 03:18 AM
ماتدرون كم راس مالها
الوهم
06-03-2005, 05:09 AM
ماشاء الله عليج قطر مووون ماتفوتين شي ههههه

تسلم اخوي النجم على الموضوع اللي يثلج الصدر ... والى المزيد من الازدهار والرقي ياقطـــرنا في ظل حمدنـــا
qatar_moon
06-03-2005, 05:19 AM
لا الله الا الله

اخوي الوهم تحمل تعطيني عين مافيني شده
الوهم
06-03-2005, 05:43 AM
الله يزيدج يااارب :)
طارق
06-03-2005, 06:40 AM
مايقصر بو مشعل

القطري اذا ماغتنى في عهده عمره ماراح يغتني
يجزاه خير على كل معروف ويعطيه الصحه والعافيه
بيـــزات
06-03-2005, 06:51 AM
مشكور على الخبر

والله يحفظ اميرنا وديرتنا وشعبنا

تحياتي
roadrunner
06-03-2005, 07:48 AM
كشف سعادة السيد عبدالله بن حمد العطية النائب الثاني لرئيس الوزراء وزير الطاقة والصناعة النقاب عن استمرار برنامج الخصخصة في الدولة‚ مشيرا في هذا الصدد إلى قرب الانتهاء من الدراسات الخاصة بشركة الصناعات الوسيطة وهي أكبر من شركة الناقلات وشركة الالمنيوم التي تقوم قطر للبترول حاليا بتطوير كل منها‚ دون ان يحدد سعادة الوزير موعدا لذلك الا انه اشار إلى ان اعلان الاشهار سيكون قريبا
qatar_moon
06-03-2005, 07:50 AM
بعد اتهقون الاسهم بطيح قبل الاكتتاب بهالشركه
عسولة1
06-03-2005, 08:05 AM
تحية طيبة وبعد ،،،
بالنسبة للاكتتاب في الصناعات الوسيطة والالمونيوم
هل الاكتتاب للجميع ولا بس حق المساهمين في الصناعات
ارجوا الرد
ولكم مني جزيل الشكر
عسولة1
إنتعاش
06-03-2005, 08:07 AM
هلا فيكم اخواني الكرام شاكر لكم الخبر الجميل والله يكتب فيها الخير لنا ان شاءالله


وبالنسبة لأختي عسوله

اختي مالها دعوى اسهم الصناعات في هاذي

يعني ما بينهم علاقه بارك الله فيج
محمد بن حمد
06-03-2005, 08:15 AM
الجايات اكثر من الرايحات

والله يوفق
النجم
06-03-2005, 08:41 AM
تحية طيبة وبعد ،،،
بالنسبة للاكتتاب في الصناعات الوسيطة والالمونيوم
هل الاكتتاب للجميع ولا بس حق المساهمين في الصناعات
ارجوا الرد
ولكم مني جزيل الشكر
عسولة1


أختي عسوله الاكتتاب في الصناعات الوسيطه غير عن الصناعات المطروحه حالياَ في سوق الاوراق الماليه ......

وبالتوفيق للجميع
ابو هايس_909
06-03-2005, 09:19 AM
يقولون راس مالها اكثر من اثنان مليار
ابو هايس_909
06-03-2005, 09:20 AM
والله اعلم
بنت قطر
06-03-2005, 10:23 AM
سمعت امكن السنه الجايه تنزل

لأن على تصريحهم قبل مستحيل اينزلون شركتين كبار في نفس السنه
للأكتتاب

وهم نزلو الناقلات
واحتمال الصناعات ينزلونها السنه الجايه او اللي بعدها

وياريت ما يصير فيها نفس ما صار بالناقلات
بس اعتقد بيصير فيها اكثر واخطر
المخلب
06-03-2005, 10:49 AM
سمعت امكن السنه الجايه تنزل

لأن على تصريحهم قبل مستحيل اينزلون شركتين كبار في نفس السنه
للأكتتاب

وهم نزلو الناقلات
واحتمال الصناعات ينزلونها السنه الجايه او اللي بعدها

وياريت ما يصير فيها نفس ما صار بالناقلات
بس اعتقد بيصير فيها اكثر واخطر


والله يمكن كلامك فيه من الصحه لان الناس الحين نااطريين الناقلات تنزل على البورصه ويبوون يجمعون قروووش يعني يبييلهم شويه علشان يققووون ويشدون حيلهم على الاسهم الجايه !

فاعتقد انهم اما بنزلونها في نهايه السنه هذي او على بدايه السنه الجايه والله اعلم .

وطبعا فقط للقطرين ! والاجانب في التداول فقط !

والف شكر للخبر ولاميرنا امير قطر

تحياتي :" اخوكم المخلب : :cool:
THE END
06-03-2005, 11:00 AM
اي والله تونا طالعين من صدمة الناقلات خلونا نرتاح اشوي وبعدين اتوقع انها مسكنات للناقلات وتهدئة الوضع


الله يعين انشاء الله
ملكة الأسهم
06-03-2005, 07:10 PM
للأكتتاب قريباً

ليش يعلنون دام الحين

المفروض يعلنون متى بالضبط

عشان أهل قطر يعرفون اللي لهم واللي عليهم

عموماً مشكور أخوي النجم على الخبر

وعمار يابلادي
سيف
06-03-2005, 07:23 PM
اي والله بشرة خير
وبذن اللة بتعم على ااهل قطر
prettywoman
06-03-2005, 07:55 PM
سمعت ان الاكتتاب شهر 6....والله اعلم.(من زوجة مسؤل في ها الامور)
prettywoman
06-03-2005, 08:24 PM
سمعت ان الاكتتاب شهر 6....والله اعلم.(من زوجة مسؤل في ها الامور)
قطريه مغروره
06-03-2005, 10:35 PM
يسلموا على الخبر وقريته اليوم في الجريده :)
أبو محمد
06-03-2005, 11:05 PM
مايقصر بو مشعل

القطري اذا ماغتنى في عهده عمره ماراح يغتني
يجزاه خير على كل معروف ويعطيه الصحه والعافيه
مستثمر طموح
06-03-2005, 11:20 PM
اكتتــاب جديد ولا تخســيـس جديد


كافي منقعينا 7 اشهر واخرتها 1233 يوم شفت الرقم عبالي رقم سيارة للبيع


خلوهم يكـتتبون بروحهم اعلاناهم فاشل والشعب واعي قصدهم من ورا الاعلان هذا
muraikhi77
07-03-2005, 12:41 AM
ماقصر ابو مشعل والله

وين نلاقي رئيس دوله يحب الخير للمواطنين غيره .
وافعاله واقواله تشهد
الوهم
07-03-2005, 12:50 AM
سمعت ان الاكتتاب شهر 6....والله اعلم.(من زوجة مسؤل في ها الامور)

في كلام من هالقبيل سمعته ...
الشقيان
07-03-2005, 02:58 AM
الله يحفظ اميرنا وديرتنا وشعبنا
qatar_moon
07-03-2005, 03:25 AM
المهم هل بتصير فيها مثل الغاز يعني بيخصصون حصه حق كل شخص وهذا الي اتمناه
إنتعاش
07-03-2005, 05:50 AM
يا اخوان

نشوف بالمنطق شوي

شهر 6 جدا قريب

اذا فيه اكتتاب في رأيي الشخصي لن يكون قبل يناير 2006
بنت قطر
07-03-2005, 07:05 AM
انا خاطري اعرف ليش انتم مب راضين علي تخصيص الناقلات مع انه سليم مليون بالميه
وهذي هي الحسبه الصح

يعني الشعب كله اكتتاب حد كان يتوقع؟
لزام تطلع الحسبه كذا؟
بعد زين منهم ما خلوه اقل من 1000 وزادو نسبة النسبه والتناسب

وبعدين احمدو ربكم والله اذا ما حمدتوه بيخفس فيكم بسكم طمع
يعني السهم بالسوق السوداء وصل السهم 100 وطالع
يعني مكسب خيالي ولا في الأحلام
وانتم مب خسرانين إلا 6 الالف ومكسبكم فوق 95 الف!!؟
عيون قطر
07-03-2005, 08:30 AM
اي والله صدقتي يابنت قطر في ناس مب راضية على 1233

قولي زين ماسوا فينا في المخازن والمواشي اللي طلعله 28 سهم واللي طلعله 50

صج البني أدم طماع ماترترس اعيونهم إلا التراب
العنان
07-03-2005, 10:40 AM
والله انه خبر حلو عاد لو في خبر اكيد بموعد نزولها في علشان الواحد على الاقل يقدر يضبط
اوضاعه الماليه
الجوري
07-03-2005, 10:48 AM
اولا الحمدلله رب العالمين



بس ابي اعرف متى راح تكون تقريباااااااااااا


مع جزيل الشكر
مستثمر طموح
07-03-2005, 01:31 PM
يابنت وعيون قطر انتوا شهمكم تخصص 1233 ولا 28 ما تفرق عندكم تابعوا اخبار الموضة والمكياج واخر تسريحات الشعر

انتوا بتسدوون ديون الرجل ؟ولا بتصرفون علي البيت ؟ولا بتبنون بيت ؟ عشان جذي ما تفرق عندكم

حسوا اشوي بالناس وشاطروهم همو هم
ابوعلي اليافعي
07-03-2005, 02:04 PM
:) الاخت بنت قطر شنويعني مسكب ومسكبكم!!!!!!!!!!!!!
بنت قطر
07-03-2005, 02:20 PM
أقول بو علي
اسفه لك وللجميع على الخطئ الأملائي

واعتقد الموضوع اهم من اخطائي
لتناقشه
==========

اخوي مستثمر طموح
اولاً بلا قذف رجاءً

احنا لنا بالبورصه ولنا بالموضه ولنا بكل شي

ويقولون لك القناعه كنز لا يفنى

وبعدين مب بس الرجل اللي يصرف على البيت حتى البنت تصرف على البيت في اوقات كثيره اكثر من الرجل
ومب بس الرجل اللي يقترض وعليه ديون حتى البنت
ومب بس الرجل هو اللي يبني البيت حتى البنت
المسؤليه مشتركه

اتحداك اتشوف لي نسبة الشباب اللي مقدم على الزواج
يدور على بنت تصرف على نفسها وتشتغل وعندها فلوس اكبر؟
ام نسبة الشباب اللي بيصرف عليها وبيخليها في البيت معززه مكرمه وبلا تعب ومشقه في الشغل بر البيت والمذله؟

اقول لك ياها انا اتمنى اليوم اللي اقعد فيه في البيت
بس ما اقدر عندي إلتزامات فوق ما تتصور
ولا اقدر بعد احمل زوجي إلتزماتي يكفيه مسؤلياته
والدنيا الغاليه نار

احنا ما نشتغل علشان نثبت الذات اثبات الذات يكون بطرق شتى
احنا نشتغل علشان محتاجين الشغل

حتى المليون ريال بهذا الوقت صار ما يجيب لك بيت محترم ولا يسد حاجتك مدى الحياه

فرجاءً اللي فيه مرض على البنات لا عاد يقعد يقذفهن
ارجوكم شباب التزمو احدودكم

احنا انعزكم يا اعيال بلادي انتم عمادها
فرجاءً عاملون بالمثل
وبلا غلط
وبلا استهانه بمقدرتنا
بنت قطر
07-03-2005, 02:20 PM
وهذي اخر مره ارد على واحد يغلط على البنات
سعادة الوزير
07-03-2005, 02:35 PM
وينكم يا مشرفين عشان توضعون حد لهالموضوع ؟؟؟؟
الوهم
07-03-2005, 04:02 PM
الاثنين يكملوون بعض ...

وبخصوص الديوون

اذا الواحد مد ريوله على قد لحافه .. مابيلقى ورى ظهره ديوون ..

وبعدين لا تتكلموون عن شخص .. بالعربي قول كل اسره عندها 5 عياال يصيرون 5 بطايق

اضرب خمسه في 1233 ... اعتقد الناتج حلوو ياللي اتكلمون عن الديوون

خلوو عندكم اشوية قناعه .. وشوفوو البلادين اللي احذاانا كيف عيشتهم وكيف عيشة اهل قطر

يعني كل اهل قطر تبوونهم يصيرون من اصحاب الملايين .. الصراحه ماستووت في ولا دوله في عالمنا الواقعي
almazam
07-03-2005, 04:31 PM
وانا معاك يالوهم
الحمدالله على كل حال
الطيف المسافر
07-03-2005, 05:14 PM
صرااااااااااااااااااااااحة خبر وايد حلوووووووو مشكوررررررررررررررررررررررر
Qatari in uk
07-03-2005, 06:11 PM
الحمد الله على كل شى 1233 غير النسبه وتناسب
ويسلم ابو مشعل قايدها... :)
بوناصر-قطر
07-03-2005, 06:36 PM
السلام عليكم ورحمة الله وبركاته

اخواني اخواتي ..... الرجاء لا احد يغلط على الثاني كلنا اخوان اهنيه ومادخلنا هذا المنتدى الا علشان نفيد ونستفيد .

اما بالنسبه للأخطاء الاملائيه ... ما اعتقد انها مشكله ... والاهم الموضوع نفسه مثل ماقالت اختي بنت قطر . كلنا نخطىء ... والسبب ان يكون عندنا كلام وايد نبي نكتبه ومن السرعه علشان ماننساه نخطي .

اما بالنسبه عن التخصيص ... الحمدلله رب العالمين والله ياجماعه نعمه .... اذا تبون اتعرفون شوفوا اللي حولكم واقرب شي دول الخليج ... والله مايحصلون اللي نحصله .

واللي .. كلف على نفسه وباع بيته ولا تدين .... الكل حذر من هذا الشي ... وقالولكم ... لاتقارنون الصناعات بالناقلات ... هاذيج فرصه والفرصه ماتكرر . وكتبوا في الجرايد لاتبالغون في المبالغ اللي بتكتتبون فيها .

وان شاء الله الخير جاي ... والشركات كثيره اللي بتأسس ... وهذا رزق من الله .

ماراح تقدرون تساوون الجميع ....

ايه قرانيه ( وفضل بعضكم على بعض في الرزق ) . بتعترضون على حكمة ربكم .

اما بالنسبه للبنات .... يا أخي البنات الان يعملون وعليهم من المسؤليات اللي الله يعلم بها .

واعتقد اذا البنت متعت نفسها بالموضه ... عليها بالعافيه ..... فلوسها .

بس اللي اتمناه ان هالمنتدى مايكون فيه مثل هذا الانتقاد ... لانه مب منتدى عادي .

هذا المنتدى خاص في الاسهم ... والاسواق الماليه والعقارات ... فقط

اتمنى منكم اخواني / اخواتي ... التحلى بروح الاخوه

ودمتم سالمين
qatar_moon
08-03-2005, 05:39 AM
كلام بنت قطر عين العقل
إنتعاش
08-03-2005, 08:37 AM
اتمنى من الاخوان الهدوء اكثر

وإحترام كل منا للطرف الآخر

ولا نخرج عن صلب الموضوع

وشكرا لكم

:)
bo_yousif
08-03-2005, 08:42 AM
السلام عليكم

احب ارد على اخونا وزميلنا (( مستثمر طموووح ))

في البداية عيب عليك تكتب هذا الكلام علني في المنتدى

ياخي اذا فيك عقده من البنات او من التخصيص انصحك تروح بعيد عنا هذا مكان (( مناقشه وليس بتجريح وقذف ))

والبنت او البناااااات كافة يكملون المجتمع لاااااا وابشر في بعض المستثمرات يغطونك بفلوسهم

واحب اعتذر لاختنا بنت قطر ،، وجميع من المستثمرات اللي يفيدونا ونستفيد منهم ...

اخوكم بويوسف
احمد علي
08-03-2005, 02:32 PM
الف شكر على الخبر الحلو :d
متسلف وفي الاخير
08-03-2005, 06:19 PM
الف شكر على الخبر الحلو والله يفرح قلوبكم انشالله الحمدلله

بنت قطر لاتحطين في خاطرج يبه كلها الا سوالف في منتدى
ب
ل يالربع جنكم حكيتو بنت قطر والله امسيكينه هالبنت مايسوى عليها لحد يزعل بنات بلادنا الله يخليهم

ياجماعه الخير اشوفكم مختلفين عن تخصيص اسهم ناقلات والله عن نفسي انا اقول احمدك يارب واشكرك على

هذا التخصيص بومشعل كفى ووفى 1233 يعني شوي بتخفف من السلفه انا سلفتي 550 الف كيف حالكم

يالطيبين انشالله بخير يعني يبيلي بعد وانشالله تطيح يالله يارب تنزل شركه راس مالها اكثر من 3 مليار ههههههههه

ويخصصون حق كل قطري 2000 سهم بوووووه ياسلام ياويل حالي

قولو امين كل شي جايز الطمع شين والله لوووول
بو صالح
08-03-2005, 07:28 PM
يا جماعه تصليح المواتر عندي :)

حياكم

( للقطرين فقط ) ويمنع اصطحاب الخدم

بخصوووووووووص الي متسلف 550 الف (( شخباااااااااااااااارك انت )) : ( كم كنت متوقع التخصيص )

كل طموحنا كان ( 5000 سهم ) اشحقه النص مليون ;)

نص مليون ( شكلك بنيت دوله قبل تخصيص الغاز ) والحين اعتقد انك مطلوب عالانتربول

واللهم لا شماته (( وانا خليت شي :D )) ههههههههه غشمره بايخه
بنت قطر
09-03-2005, 07:50 AM
جزائكم الله خير شباب وبنات بلادي ما تقصرون

والله انا مب متضايقه ولا زعلانه من احد ابد

بس حبيت ان يكون في معلوم كل واحد ان احنا في منتدى راقي وما فيه داعي للغلط

ام عن المراه القطريه اثبتت وجودها قصب عن اللي مايرضى
سوان انا دافعت عنها او غيري من الأخوات او الأخوان

يكفى انه الأم الأخت الزوجه الخاله العمه
نور الدنيا..

والرجل بعد ما قصر.. احنا بلا شبابنا
و وقفتهم معانا ما وصلنا الى هذي المواصيل
هم اللي وقفو معانا وسهرو لأجلنا ودافعو عنا
وكل شي بحدود دينا وعاداتنا وتقاليدنا

بكل بساطه افتخر اني بنتكم
يا شباب بلادي
بورصة مان
09-03-2005, 07:56 AM
مشكووووووووووووووووووووووور
على

الاخبار الحلوه