سؤال الاسبوع : هل تتزوج من فتاه تكبرك بسـنوات ؟ وهل توافقين على الزواج من شاب يصغرك؟

[المخلب]

السلام عليكم ورحمه الله وبركاته

أعتاد أهل الخليج بالذات والناس عامه ! على الزواج من من تصغرهم عمرا ً ..

حيث يكون الرجل أكبر من البنت التي يخطبها ! لتكون زوجةً له تعيش معه ويعيش معها يربيها هو على يده :D وتعتني به هي وتكون له خير شريك لحياه ممتده إن شاء الله تعالى ..

ولكن .. خرجت لنا موضه ( خلال هل السنوات الماضيه - 3 ,4 سنين بالتحديد - وشكلها مطوله للسنوات القادمه ! ) موضه الزواج من بنت تكبر الشاب بأكثر من شهر او شهرين ! لاء المسأله صارت بسنه او سنتين او أكثر ! - الى ان وصلت في بعض البنات ( والقصه واصلتني شخصيا من طرف ثقه ) انها تزوجت واحد أصغر منها بسبع سنوات ! ..

وسبب أختياري لـ 3 , 4 سنوات بالتحديد !! انها منتشره بشكل قوي وملاحظه في الدول المجاوره بالتحديد و بدأت تنتشر بشكل طفيف في قطر ! ..

في ناس بتقول الامر في الاسلام تحقق والدليل ان الرسول ( ص ) تزوج السيده خديجه رضي الله عنها وهي أكبر منه ....الخ من كلام !

انا اقولك معليه لكن يالله يشاطر جاوب على هذا السؤال ..:looking:

هل توافق بالزواج من بنت تكبرك بسنوات في العمر ؟ وهل توافقين بالزواج من شاب يصغرك بالعمر ؟ وأن تم هذا الامر لأحد من أهلكم توافقون ؟
جاوبوا وسمعونا ردودكم - وان شاء الله تقنع ! - ..

تحياتي .. المخلب

[امل الحب]

هلاااا بك المخلب وبمواااضيعك..

انا عن نفسي مااقتنع بالزواج بشاب اصغر مني سن لاتسالني عن الاسباب بس عن نفسي ابي واحد اكبر مني عالاقل ب5 سنوات .. يكون فاهم الحياة وفاهم الدنيا شلون تمشي ورااكد ويبي يستقر..

[خفايا الروووح]

كل ماكان الرجال اكبر كل ماكنت عقليته وتفكيره احسن ... وبيعرف اشلون يتصرف ويا زوجته طبعا مب الكل :deal: .... لانه ف بعضهم عندهم مراهقه متأخره :p

اما اذا كان الرجال اصغر عند أول هوشه بيقعد يعايرها انها عيووز :eek3: وتقعد المسكينه تصيح .... او العكس تقعد الزوجه تقول له انت صغير وماتعرف شي :looking: إلا اذا كان الرجال صغير ف عمره وكبير بعقله :nice:

وشووووووووووكرن اخوي المخلب :p

[ورقــة أمــل]

اصغر مني بسنة مب مشكله اذا كان فاهم وواعي مش مراهق
مب اكثر من سنة
بس انا افضل اخذ واحد اكبر مني ...............

[رقم خاص]

هلا والله المخلب ماتيوز عن مواضيعك الحساسة أنا عن نفسي ماعندي مانع أخذ وحدة أكبر مني :nice:

[الطرف الأغر]

أفضل أكبر مني وبــ 10 سنوات ،، الأسباب :هيبه ورزه وعقل وتكانه ،، وممكن يحسس الزوجه بحنان الأب و عطف الأخ الكبير و تسامح الزوج الراكز ،، يعني ممكن يكون لها كلشي بحياتها ( بابا وماما ونينه )

شكرا لك اخوي المخلب :app:

[قطرية بيزنس]

بانسبة لي مستحييل اخذ وااحد اصغر مني

لانه بيكون صغير وماعنده خبرة او تجاارب بالدنياا وعلى قولة المثل اكبر منك بيوم افهم منك بسنة

هاي اذا بيوم عيل شلوون لو كاان اصغر مني بسنوااات خااصة ان عقل البنت اللي بنفس عمر الولد يكون اكبر من عقل الولد بثلاث سنوات
وشلون عيل لو كاان اصغر منها بيكون في نظرها ياااهل وتفكيره تفكير مرااهقين

ويسلمو عالمووضووع الجميل

[السياسيه]

في مجتمع كالمجتمع القطري .. مستـــــحيـــل لاسباب كثيرة بس ما ننكر ان في بعض الرجاجيل اعمارهم تخطت الثلاثين اوالاربعين ويتصرفون مثل المراهقين وممكن العكس .. وهنالك امثلة كثيرة موجوده في المجتمع اذا امعنا النظر

[كحيلان]

قالو أيش اأكبر مني سن ! عشان يدلها على طرق الدنيا الوعره!

ياكثر الدلوخ اللي ينقادون بحبال برقابهم هذا الوقت!

[التيما]

كل شي حلال انا اشوفه عادي اعرف وحده متزوجه واحد اصغر منها ب 12 سنه والله انه معلمها السنع وتعمله حساب

[كحيلان]

يازين العرس من المراءه الناضجه بكل شيء وبس .

[الزاجل]

بما اني متزوج ومخلص

راح اقول نقطة مهمة

ربنا يوفق كل متعوسة التمت على خايب الرجا

بغض النظر اذا كان اكبر منها او اصغر منها ..

لكن
اذا بغينا الجد

اتفق مع اختي خفايا الروح في رايها ..

[الزاجل]

يازين العرس من المراءه الناضجه بكل شيء وبس .
ما فهمنا لك ناضجة وعارفينها
بس اكبر منك والا اصغر منك ؟

[الزاجل]

كل شي حلال انا اشوفه عادي اعرف وحده متزوجه واحد اصغر منها ب 12 سنه والله انه معلمها السنع وتعمله حساب
عايشة معاهم ؟:funny:

[كحيلان]

ما فهمنا لك ناضجة وعارفينها
بس اكبر منك والا اصغر منك ؟

أخبرك ذكي :con2:

[الزاجل]

أخبرك ذكي :con2:
تحمل تنغش :court:

[وطن]

أصغر مني
صعبه الصراحه ما اتقبلها

أبي واحد أكبر مني ب 6-8 سنين

عشان يكون أعقل مني
وعنده خبره بالحياة أكثر مني
ويكون راكز وتكانة

[التيما]

عايشة معاهم ؟:funny:
:eek2:



لا بس اذا بنطلع او هي معاي وبنتاخر او او لازم تتصل تقوله مع انه يكون برا البيت :anger2: وعشان كذا اذا بتطلع معاي اقولها شوفي مالي بارض ريلج يقول ردوها واحنا ماكملنا الطلعه قوليله من الحين ااننا بنتاخر وياكثر ما يرجعها وتهون تطلع بسبته باط جبدي crazy

[ANONYMOUS]

انا ماعندي مشاكل..

بس على فكره.. لاحظت البنات هنيه يوقلون مستحيل ومستحيل ومافي امل اخذ اصغر مني..

وجهة نظر احترمها.. بس .. البنات يا اما متزوجين.. وخالصين.. ولا توهم فرافير.. يعني صغار سن..

بس الصج لين يوصل يعدي عمر الوحده 30 سنه.. كل المبادئ تتغير..

تشترط اكبر منها.. ولي جا وقت الصج.. تقول على الاقل اكبر مني بيوم بوافق.. ولو طولت ببيت اهلها.. عادي هي اكبر منه اب 40 سنه @@

وكذلك الشهاده الجامعيه.. وهي فرفوره تبي جامعي ومنصب و و و الخ..
مع مرور الوقت وتقدم السن.. ترضى بوكيل عريف ولا كاتب في اي وزاره.... وشهادته اعداديه+ خبره بالحياه..

هاليومين الناس تدور الستر..


ارجوا ان كلامي مايجرح حد.. وترا مايصح الا الصحيح.. شدخل !!

وخذوا هالكلام مني

سلام

[الزاجل]

انا ماعندي مشاكل..

بس على فكره.. لاحظت البنات هنيه يوقلون مستحيل ومستحيل ومافي امل اخذ اصغر مني..

وجهة نظر احترمها.. بس .. البنات يا اما متزوجين.. وخالصين.. ولا توهم فرافير.. يعني صغار سن..

بس الصج لين يوصل يعدي عمر الوحده 30 سنه.. كل المبادئ تتغير..

تشترط اكبر منها.. ولي جا وقت الصج.. تقول على الاقل اكبر مني بيوم بوافق.. ولو طولت ببيت اهلها.. عادي هي اكبر منه اب 40 سنه @@

وكذلك الشهاده الجامعيه.. وهي فرفوره تبي جامعي ومنصب و و و الخ..
مع مرور الوقت وتقدم السن.. ترضى بوكيل عريف ولا كاتب في اي وزاره.... وشهادته اعداديه+ خبره بالحياه..

هاليومين الناس تدور الستر..


ارجوا ان كلامي مايجرح حد.. وترا مايصح الا الصحيح.. شدخل !!

وخذوا هالكلام مني

سلام
:app: :app: :app: :app: :app:
واحلى شي فرافير

[ANONYMOUS]

:app: :app: :app: :app: :app:
واحلى شي فرافير



هو صج احلى شي :)

بس ترا ليعدت الوحده 30 تثقل شوي.. وتصير تكانه.. ويطلق عليها اب هالحاله "مدام" مع انها مش متزوجه.. وتكون جاهزه لتكوين اسره.. :shy:

وشكرا

[المزن الرياني]

كل شي حلال انا اشوفه عادي اعرف وحده متزوجه واحد اصغر منها ب 12 سنه والله انه معلمها السنع وتعمله حساب


شدعوه 12 سنه :eek2:
هذه صارت حسبة أمه :looking:

[حورية البحر]

الرجل الاكبر اكيد احن عاطفينا من الصغير واعقل بكثير من الصغير وارحم منة

[ROSE]

بالطبع ارفض ان اتزوج من هو اصغر مني

فكلما كان الرجل اكبر عرف قدر المرأة وكان متمرسا في امور الحياة

وسيكون متفهما ومتفاهما معي

مع اني شفت ناس اعمارهم فوق الاربعين الا انهم في مرحلة مراهقه الى الان

ههههههههههههه


تسلم على هالموضوع

[مليت]

بالطبع ارفض ان اتزوج من هو اصغر مني

فكلما كان الرجل اكبر عرف قدر المرأة وكان متمرسا في امور الحياة

وسيكون متفهما ومتفاهما معي

مع اني شفت ناس اعمارهم فوق الاربعين الا انهم في مرحلة مراهقه الى الان

ههههههههههههه


تسلم على هالموضوع

ممكن اعرف وين شفتيهم :shy:

[الزاجل]

ممكن اعرف وين شفتيهم :shy:
في المسلسلات :funny:

[المخلب]

أشكر الجميع .. سعدت بردودكم :) .. تحياتي

[السرحان 555]

احسكم مكبرين السالفة ترى ما فيها شي لو خذت واحد اصغر مني (( ترى مب عيب ))

في رجال اعمارهم فوق الثلاثين وتحس ان عندهم عقول شباب 18 - 20 سنه والعكس صحيح

انا عن نفسي اذا جاني واحد اصغر مني اوافق اذا كان مسؤل ويقدر يفتح بيت

انا ابغي البنات يتكلمون بموضوعية شوي خصوصا بسالفة الخبره الكل صار عنده خبره بالحياه وفاهم صغير كان او كبير

تسلم اخوي المخلب

[الراقية]

لا اقبل الزواج ممن يصغرني بالسن لاعتبارات كثيرة منها :


1- أني راح احس بهالفرق مهما كان وراح اكون حساسة من ناحية هالموضوع ( يعني لو اشوف مسلسل بحس الكلام لج يا جارة ):looking: .
2- انظر للرجل على انه مصر للحنان:shy: واعتقد اني اعتقد من( وجهة نظري الشخصية) راح القاها عند من يكبرني بالسن لانه راح يحتويني لانه بيشعر انه اكبر مني .
3- في مجال للدلع على من يكبرك سنا أما الاصغر فاعتقد فشلة وقطعت وجه اتدلع عليه يا دوب ادلعه .

اسبابي كثيرة لذلك افضل من يكبرني بالسن حتى 10 سنوات

تحياتي لك

ورجعت لنا باسئلتك الرائعة:nice:

[الراقية]

انا ماعندي مشاكل..

بس على فكره.. لاحظت البنات هنيه يوقلون مستحيل ومستحيل ومافي امل اخذ اصغر مني..

وجهة نظر احترمها.. بس .. البنات يا اما متزوجين.. وخالصين.. ولا توهم فرافير.. يعني صغار سن..

بس الصج لين يوصل يعدي عمر الوحده 30 سنه.. كل المبادئ تتغير..

تشترط اكبر منها.. ولي جا وقت الصج.. تقول على الاقل اكبر مني بيوم بوافق.. ولو طولت ببيت اهلها.. عادي هي اكبر منه اب 40 سنه @@

وكذلك الشهاده الجامعيه.. وهي فرفوره تبي جامعي ومنصب و و و الخ..
مع مرور الوقت وتقدم السن.. ترضى بوكيل عريف ولا كاتب في اي وزاره.... وشهادته اعداديه+ خبره بالحياه..

هاليومين الناس تدور الستر..


ارجوا ان كلامي مايجرح حد.. وترا مايصح الا الصحيح.. شدخل !!

وخذوا هالكلام مني

سلام

ما زعلنا من كلامك بس لكل قاعدة شواذ

[After 8]

أين المشكلة

[بطران]

عااادي في واحد مالج قدامي مواليد86 وهي مواليد 78 ... الحب يا خساره ههههههههههههههههههه

[Qa6ar]

الحب مايعرف عمر واذا احد اعجب بوحده محد يقدر يوقف بطريقه

الله يوفق انشاءالله

[لجين]

اذا أصغر مني بسنة أو سنتين ممكن :con2:

لكن أصغر مني بـ 6 أو 7 سنين شسوي فيه أربيه؟