المخلب
20-04-2007, 06:10 PM
زوجتي أكبر مني ..
بقلم الــكاتب : المخـــلب .
قد يصادف الانسان أموراً محرجه اثناء الحياه الزوجيه .. وقد يتخلل الحلم الزوجي بحياه سعيده بعض التعقيدات من امور أجتماعيه وعادات وتقاليد ولربما لاسباب دينيه وقد تكون سلوكا فطريا الى ان تصل المسأله الى مايسمى الطلاق .. او قد تتحول الى حياه تعيسه غير مرغوب فيها من كلا الطرفين المتحابين سابقاً ..
واليوم .. جأنا بظاهره جديده .. انتشرت في مجتمعاتنا الخليجيه التقليديه ذات الطابع العربي الاصيل ولكن بطريقه ملفته للأنظار .. فلربما كانت هذه الظاهره موجوده في السابق ولكن لم تكن بهذه الكثره .. وربما الحياه العصريه او مايسمى بالتطور جعلها تنتشر في مجتمعاتنا كما ينتشر العطر في الغرفه المغلقه ..
تعالوا معنا نكتشف هذه الظاهره التي تعرف بــ
الزوجه التي تسبق زوجها في العمر .
• كيف بدأت خلال السنوات الماضيه.
ظاهره الزواج من بنت تكبرني بالعمر كانت من فتره طويله موجوده ..
ولكن نقدر نقول انها بين العايله نفسها ! ..
ماكنا نسمع الخبر هذا الا نادر ..
بوفلان تزوج من فلانه اكبر منه يمكن كل 3 سنين مره نسمع مثل هل الكلام ! ..
يعني نادر ..
وان صار قامت الدنيا مسكين الرجال كانه ذابح واحد وله مسوي حرام انه ماخذ وحده أكبر منها !
وله الحرمه المسكينه !! كانها مسويه جريمه ! والمجتمع كله يلاحقها ويعيب عليها !
وماتخلى السوالف !! .. ماتشوف الا مجالس الحريم ابدعت ! ..
ماعندهم سالفه الا هذه ! ومايحتاج نقولكم على الاسأله
وحده تقول : شلون حبته ! , الثانيه تقول : وشو حبت فيه ! , الثالثه تقول : ويه ماتستحي تاخذ اصغر منها ! , الرابعه تقول : عشنا وشفنا !! بنات أخر زمن ! ..
الخ ..... من كلام يشيب الراس ! والمشكله ان جلست وياهم في المجلس !
ياااويلها ! .. كل وحده بتقط عليها نغزات ! ذيك تتهامس مع الثانيه على البنت ويضحكون ! .. والمسكينه تنحرج لييين ماترد البيت ! وبعضهم من كثر القهر تصيح وتتبجبج ! ( تتباكى ) ..
مع العلم أن السالفه مثل ماقلنالكم نادر ماتصير ! ..
لكن فجأه وبدون سابق أنذار .. المسأله صارت منتشره بقوه ! ..
خاصه مع التطورات الي صادت الخليج ..
البورصه ! والفخفخه ! .. والكشخه ! .. وصار الواحد يحب يكشخ أكثر من مايحب يتزوج ! ..
وما نقول بس الرجاجيل .. حتى الحريم .. صارت ماتفكر بالزواج الا بعدين ! ..
تقولها قمي جاي اليوم واحد بيخطبك ! .
تقول : يه من صجكم ! توني شباب خلني أستانس بشبابي بعدين اتزوج ! ..
مافيني شده عيال وصياح ونياح ومالي خلق رجال يربطني عنده ! ..
خلوني أكمل دراستي ! ( البكلوريس , الماجستير , الدكتوراه , .. ومافوق الدكتوراه ) – مادري وش أخرتها !!؟؟ بالاخير تاخذ هالشهايد وتلفهم بسندويش فلافل وتشرب عصير بونص ! ..
مو هذا التفكير الي خلى المجتمع عندنا يزيد فيه نسبه العوانس ! ..
وياكثرهم ! خاصه الي يشتغلون ويمسكون أقسام ! ..
تشوفها كاشخه ! مديره وله بروفسوره ! وبالاخير ما عندها رجال يسند ظهرها ! ولا ولد يعونها لين عجزت ! وكلها تحت بند (( طـــــز )) ! << ذكرني بدكتور في الجامعه ههههه الله يصلحه ..
المهم مشت الايام وصار عمرها تحت 30 بشهر ! .. فكرت تتزوج !
لان أن ماتزوجت صارت عانس ( المشكله مو عانس وبس ) المشكله وين بتحصل الطنبحله الي يتزوجها ! .. ؟؟؟؟؟
من هل اليومين محد يبي وجه أقشر يجيبله الهم !
كلن يبحث ويحوس ويدور على بنت مزيونه وجهها يجيب لك الوناسه من تشوفها !
كل واحد خاطره بوحده اوووف تقول للقمر انزل وانا اجلس مكانك ! ..
وأزيدكم في ناس يبون بنات بمواصفات ( كانه طالب له سياره مو بنت ! ) وان حصل وحده وفيها عيب بسيط دخلها المستشفى قسم الجراحات التجميليه سمكرها وتزوجها !
بس السؤال هنا ! وان مانجحت العمليه شبتسوي في بنت الناس ؟
يقولك بردها بيت أبوها ! وخل يعيدون أنتاجها ! ( عباله الحبيب قوطي روب منتهيه صلاحيته ويبي المصنع يعيد انتاجه ! ) ..
ماعلينا نرجع للاساس ..
وين وقفنا ؟ ! .. اي نعم .. عند الوجه والشكل المزيون !
اي والله .. كل واحد يبي وحده من يرد من الشغل تستقبله ببتسامه وورد وعطر وكشخه بس له هو !
وأكيد ماحد بياخذ عنز وبيترك الوز << على قوله المصاروه !
فشرايكم شبيكون موقف ذيك الكبيره ! ..
بتحس نفسها منتهيه ! .. يعني مالها كرت في هذي الحياه ! ..
يعني تبي تعجل ان تم وحصلت لها واحد " حَول " وتزوجها ! ..
لكن شلون تحصله ؟ وهل تسرق زوج متزوج ؟ وله تاخذ واحد أرمل بينه وبين القبر شعره !؟ وله تاخذ واحد فاشل في حياته الزوجيه ومعقد ! وتتوهق فيه ؟
مسكينه والله ..
ويا كثرهم الي تواجهها هل المواقف الصعبه !
لكن قبل ما نتعمق في هذا الجانب ! وكيف البحث عن شخص يتزوج وحده تكبره بالعمر .. خلونا نبحث عن أسباب ازدياد هذه الظاهره ..
الاسباب الله يسلمكم كثيره .. ويمكن مانقدر نغطيها بشكل كلي ..
بس بنحاول ان نشملها في الموضوع ..
1- أزدياد العنس ..
وهذا امر متعارف عليه من الجميع .. وسبق واشرنا إليه سواء بموضوعنا هذا او بالمواضيع السابقه ..
وللاسف هنالك بنات يتعقدون من السوالف الي تصير لبنات عمهم او بنات خالهم او لحتى خواتهم فتشيل من بالها فكره الزواج وتبقى بعقدتها النفسيه فتره طويله ..
وماتصحى من هذا الوهم الا على كبر ! ..
يعني بعد مايفوت الفوت .. وماينفع لا الصوت ولا غيره ! ..
أكيد بتحاول تركض وتلحق على روحها بشئ تتركه على وجه هذي الدنيا قبل ماتموت .. ولو عن طريق الزواج بشخص اصغر منها ! ..
وبعضهم بس تبي تسكت كلام الناس الي مايرحم عنها ..
( لكن الشئ الي لازم اي وحده تعرف قبل الاقدام على اي خطوه ان كلام الناس مايخلص حتى لو سوت الي يبونه وزياده ! فاي وحده تبي تسوي هذي الحركه تكون مقتنعه في الي جالسه تسويه !! ) ..
للاسف في اولياء امور كل ماتقدم لبناته رجال زين ميسور حاله شــــاته برع البيت !
وكانه يبي يحتفظ ببناته تحت بشته ! ..
ياخوي تساهل الله يسهل عليك .. زوجهم من تشوفه قد الزواج ! ولا تصعب الامور ..
ومصيرك تشيب وتموت ! .. وبناتك مساكين يتوهقون بسبتك ! ..
على الاقل خلهم يتزوجون ويشوفون حالهم كل وحده مع زوجها وهم يتصرفون ! ..
2- الماده المفقوده ! ( استغلال الحاجه ) ..
احنا قلنا ان الانتشار صار ملحوظ في السنوات السابقه ..
( وبتحديد مع الانتعاش الي صاد الخليج والطفره الاقتصاديه ) ..
في هذي الطفره .. انقسموا العالم قسمين :
قسم ربح وتريش بالفلوس ! ..
و
قسم فلس وصار شبه شحات ! ويمكن وصل للشحاته ! ..
يعني صار اللعب على مضمون الفلوس شئ يجيب نتيجه ! ..
فقامت البنت الي عندها قررروش تعرض على الشخص الفلاني مساعدتها له !
بشرط الزواج منها ! .. ( ويمكن حتى تشرط عليه مايتزوج غيرها ! )
وهذا الشئ فتح الباب لكثير من البنات انهم يطبقون هذي الحركه ..
فيها فايده له ! وفيها فايده لها ! ..
هي تملك المال ! وهو شباب ومحتاج القرش الي يشيله ! ..
تبادل منافع ..
وبالاخير يتغير مسماها قدام الناس من عانس ! الى متزوجه ! ..
ومثل هذي السوالف منتشر في الدول الخليجيه بالتحديد الي طاح الاقتصاد فيها طيحه قويه ! بعد ماكان واصل الى اعلى مستوياته ! ..
فأكيد كل شخص بيجيه عرض مغري من الفلوس ! ويمكن حتى تصرف عليه لمده سنه كامله ! ..
وهو في وضع منتف ! حافي ! .. ماعنده من يسد دينه ! وراتبه مايكفيه !
اكيد بيستانس بهذا العرض ! ..
(( والمشكله بعضهم يفكرون بهذي الحركه ! >> اتزوجها اليوم وهي أكبر مني ! وبتموت قبلي ! وبلم فلوسها وبتزوج أحلى منها وبستانس ! )) ..
انزين يمكن يالحبيب تموت انت قبلها ! يمكن يصيدك شئ انت وتتم طول عمرك مرقد ! وهي تمشي وتستانس ! ويمكن تفلس هي قبل ماتموت وتوهقكك في ديون تخليك تندم انك تزوجتها ! ..
فلازم تحط في بالك انك تزوجتها عن قناعه ! مو عن سوالف فلوس ولعب ! .
الله يعينك بس ..
3- فقدان الامومه ..
قد يستغرب البعض من العنوان الثالث .. ولكن هذا هو الواقع لدى البعض ..
تحصل واحد رجال شــ كبره شــ عرضه .. وغتره وعقال وكاشخ ..
وبالاخير فاقد لحنان الامومه ..
يبي وحده تكون الى جنبه مثل الام ! .. تربيه من أول وجديد ! ..
صحيح هل الكلام لاتضحك ! .
فيصير مثل المجنون ! .. كل مايخطبون له وحده يرفضها ! ..
تقوم امه تقوله :شفيك ياولدي ! عسى ماشر كل ماجينا لبنت رفضتها ! ..
هو مسكين يستحي ! .. فيبرر لها بأي كلام .. وله يقول لها ماعجبتني ...
بس لما يروح مجمع تجاري مثلا ! ويشوف وحده كبيره أكبر منه ! ومن ملامحها تبين انها كبيره ( من الوجه ) .. فيفكر فيها ! .. ويجلس طول الليل ماينام ويحلم انه يتزوجها ! ..
هذا فاقد للامومه ..
فعلشان يستانس ! لازم نزوجه وحده كبر امه ! ( سوووري ) اكبر منه ..
يمكن حتى لما يشوف وحده أكبر منه بسنتين مايبيها ! ..
يبي وحده 5, 8 سنوات أكبر منه ويدوب يوافق عليها ! ..
الصراحه هذا حالته صعبه ! .. الناس تبي تصبح على وجه بشوش يريح القلب ! وذي يبي يصبح على قبس معجفه الشعر عجفتين كانهم قرون عنز ! وحاطه حمره ( روج ) اصفر وله احمر فاقع ! ولون ازرق فوق عيونها ! ..
تقول توها طالعه من الكوافير ! ..
يالله هذا الحب ومايسوي ..
4- الارامل والمطلقات ( والارامل والمطلقين ) ..
من الامور الي تخلي بعض الناس يوافقون على مسأله البنت الفلانيه اكبر مني بعده سنوات هي الطلاق او الترمل ..
لان كلاهما مقارب للاخر ..
تشوف مثلا فلان متزوج وعنده عيال ولكن طلق مرته !
وام العيال ماتبيهم !! شتبيه يسوي ؟ وهو مايقدر الا ويتزوج !
فان تزوج وحده اصغر منه يمكن تاذي عياله وماتراعيهم ومساكين الجهال يروحون فيها ! ..
فعلى الاقل يتزوج وحده اكبر منه !
منها تربي العيال ومنها تعينه في امور كثيره ! ..
ومثل هل الكلام ان كانت هي مطلقه وتبي واحد يكون لها عون !
وكذالك لمسأله الارامل ! ..
نفس الفكره وتقريبا نفس المضمون .
5- إرجاع الشباب ..
نعم .. هنالك من الفتيات التي يودن ان يرجع شبابهن وذلك عن طريق الزواج بشاب يصغرهن سننا ! ..
فلعتقاد الفتاه ( سواء كانت مطلقه أو أرمله أو عانس ) .. ان الشاب الصغير في العمر –اصغر منها – سيدلعها ويرجعها شباب أكثر من الرجل الذي يكبرهن في السن ! ..
وخاصه ( الفتيات اللاتي تعدين مرحله الـ 35 وقتربن من 45 ! ) .. فهذا العمر بالذات عمر حساس لبعض للنساء وخاصه ممن لم ينجبن الاطفال ! ..
فالصغير بالسن .. قد يرجعها بفطنته ! وذكائه ! وكلامه المعسول 20 سنه الى الخلف ! ..
بينما الكبير ! قد يجعلها تكبر 30 سنه أكثر ! ..
ناهيك عن الراحه الجنسيه التي تكون في كامل قوتها عند الشاب ! ..
بينما تكون مقلصه ! لدى كبار السن ! ..
وهذي قصه حقيقيه صارت لواحد من الربع (( صديقي )) ..
يقول شاف له بنت في مجمع ( مركز تجاري ! ) بنت عبايه وحجاب وبوشيه والبنت راكده و كانت تمشي مع بنات مثلها – يمكن خواتها - ! مو مثل هل اليومين شعرها نصه برع وتارسه وجهها مكياج تقول رايحه عرس وفي الاخير الي يطالع في وجهه يا بنقالي يا بزر مراهق توه على شفى حفره من الصياعه ! ..
يقول انا من شفتها سبحان ربي حسيت انها بتكون من نصيبي ! ..
يقول لحقتهم وهو مايدرون لين ماوصلوا البيت ! ..
صدفه طلع البيت هذا أخته تعرف وحده من هذا البيت (( الظاهر صديقتها في الدراسه )) ..
يقول كلمت امي واختى يسألون عنها ويشوفونها وان كانت اجويده يخطبونها له ! ..
سألت الام عن البنت بين الحريم وكلن يمدح فيها ! ..
واخته راحت بيتهم وأستفسرت هل انخطبت وله لاء وهل تدرس ولالا .. الخ من كلام
يقول جبت ابوي وامي ونزلنا بيت البنت علشان نخطبها رسمي ! ..
خطبها واهل البنت وافقوا وشافها بنظره الشرعيه وكل شئ حلو .. وكل شئ تمام !
مرت الايام ! .. وقال يبي يملج ! (( يلبسها الخاتم – تصير زوجته بشكل رسمي )) ..
حددوا اليوم واعزموا الاهل ( القرايب ) ونادوا المأذون ( الكتيب – الشيخ ) وطلب بطايقهم الشخصيه !
الشيخ وهو مايدري ( عن حسن نيه , يمكن يمزح ! ) قال : ما شاء الله البنت اكبر من الولد بست سنين .. !!
هنا ابو البنت انحرج ! وابو الولد نقزززز ..
شنو 6 سنين !!!! البنت اكبر من ولدي ؟؟؟؟ شلون كذا ؟
الولد من الصدمه السانه انعوج ! مب عارف وش يقول !!
يقول جلست افكر معقوله الي حبيتها اكبر مني بـ 6 سنين ؟؟!! والله مايبين عليها !
طبعا يوم الملجه تكنسل ! وكلن راح بصوب ..
البنت مسكينه انصدمت لانها مادرت انه اصغر منها ! ..
والولد انصدم ان البنت اكب منه ! ..
يقول دخلت اختي وامي علي الغرفه في نفس ليله الملجه الي تكنسلت ..
اخته : اسمع ياخوي تعوذ من ابليس وقلي ! انت تحبها للحين ولالا ؟
الاخو : والله مادري ويش اقول ! الصراحه ماتوقعت اكبر مني !!! حتى لو اكبر بسنه سنتين مو بست عاد !
الاخت : زين قلي تحبها ولالالا ؟؟ ترى بكل امانه البنت اصيله لأبعد الحدود ولا اتصور اشوف وحده مثلها اخلاق وحشمه ودين والتزام وجمال ! بس عيبها ( الي هو عيبك انت اصلا ) انها اكبر منك ! ..
الاخو : والله تبين الحق دشت قلبي ولا ابي افارقها ! .. ويمكن مابحصل مثلها ابد !
الام : خلاص يمه لا تضيق على روحك يا تتوكل على الله وتوافق عليها ! يا تنساها ونخطب لك غيرها ! ..
بس قلبه كان قوي ! .. قال لاء مابي غيرها حتى لو اكبر مني !!
وملج عليها وتزوجوا والحين بعد فتره يمكن يجيبون جاهل ينور بيتهم ..
يعني مافي شئ اسمه مستحيل ! .. ولا في شئ اسمه نووو ويه ! ..
ان حاط في بالك الشئ بحسن نيه توكل على الله وسوه ! ..
صحيح بيعاتبونك البعض ! ..
بس ماعليك منهم ! مصير الناس تنسى ! ..
والدين من ناحيته حلل الزواج ! .. سواء اكبر منك ! او اصغر ! ..
يعني من هذي الناحيه تطمنوا ! ..
ما يبقى الا العزيمه الحقيقيه وصدق النيه ! ..
قبل لا نختم نقول ! .. للاهل : تساهلوا في المهور وخلوا بناتكم يتزوجون ! ولا تعقدونها كل ماجاء معرس لهم ! , للبنات : لاتتهوررون وتنسون الزواج وتركضون ورى الدراسه والعمل ! ترى الدراسه والشغل لاحقين عليها مع الايام !! .. نقول للشباب : حلاتها صغيره ! .. بس لو لقيت كبيره واعجبتك توكل على الله ..
تحياتي المخلب ..
بقلم الــكاتب : المخـــلب .
قد يصادف الانسان أموراً محرجه اثناء الحياه الزوجيه .. وقد يتخلل الحلم الزوجي بحياه سعيده بعض التعقيدات من امور أجتماعيه وعادات وتقاليد ولربما لاسباب دينيه وقد تكون سلوكا فطريا الى ان تصل المسأله الى مايسمى الطلاق .. او قد تتحول الى حياه تعيسه غير مرغوب فيها من كلا الطرفين المتحابين سابقاً ..
واليوم .. جأنا بظاهره جديده .. انتشرت في مجتمعاتنا الخليجيه التقليديه ذات الطابع العربي الاصيل ولكن بطريقه ملفته للأنظار .. فلربما كانت هذه الظاهره موجوده في السابق ولكن لم تكن بهذه الكثره .. وربما الحياه العصريه او مايسمى بالتطور جعلها تنتشر في مجتمعاتنا كما ينتشر العطر في الغرفه المغلقه ..
تعالوا معنا نكتشف هذه الظاهره التي تعرف بــ
الزوجه التي تسبق زوجها في العمر .
• كيف بدأت خلال السنوات الماضيه.
ظاهره الزواج من بنت تكبرني بالعمر كانت من فتره طويله موجوده ..
ولكن نقدر نقول انها بين العايله نفسها ! ..
ماكنا نسمع الخبر هذا الا نادر ..
بوفلان تزوج من فلانه اكبر منه يمكن كل 3 سنين مره نسمع مثل هل الكلام ! ..
يعني نادر ..
وان صار قامت الدنيا مسكين الرجال كانه ذابح واحد وله مسوي حرام انه ماخذ وحده أكبر منها !
وله الحرمه المسكينه !! كانها مسويه جريمه ! والمجتمع كله يلاحقها ويعيب عليها !
وماتخلى السوالف !! .. ماتشوف الا مجالس الحريم ابدعت ! ..
ماعندهم سالفه الا هذه ! ومايحتاج نقولكم على الاسأله
وحده تقول : شلون حبته ! , الثانيه تقول : وشو حبت فيه ! , الثالثه تقول : ويه ماتستحي تاخذ اصغر منها ! , الرابعه تقول : عشنا وشفنا !! بنات أخر زمن ! ..
الخ ..... من كلام يشيب الراس ! والمشكله ان جلست وياهم في المجلس !
ياااويلها ! .. كل وحده بتقط عليها نغزات ! ذيك تتهامس مع الثانيه على البنت ويضحكون ! .. والمسكينه تنحرج لييين ماترد البيت ! وبعضهم من كثر القهر تصيح وتتبجبج ! ( تتباكى ) ..
مع العلم أن السالفه مثل ماقلنالكم نادر ماتصير ! ..
لكن فجأه وبدون سابق أنذار .. المسأله صارت منتشره بقوه ! ..
خاصه مع التطورات الي صادت الخليج ..
البورصه ! والفخفخه ! .. والكشخه ! .. وصار الواحد يحب يكشخ أكثر من مايحب يتزوج ! ..
وما نقول بس الرجاجيل .. حتى الحريم .. صارت ماتفكر بالزواج الا بعدين ! ..
تقولها قمي جاي اليوم واحد بيخطبك ! .
تقول : يه من صجكم ! توني شباب خلني أستانس بشبابي بعدين اتزوج ! ..
مافيني شده عيال وصياح ونياح ومالي خلق رجال يربطني عنده ! ..
خلوني أكمل دراستي ! ( البكلوريس , الماجستير , الدكتوراه , .. ومافوق الدكتوراه ) – مادري وش أخرتها !!؟؟ بالاخير تاخذ هالشهايد وتلفهم بسندويش فلافل وتشرب عصير بونص ! ..
مو هذا التفكير الي خلى المجتمع عندنا يزيد فيه نسبه العوانس ! ..
وياكثرهم ! خاصه الي يشتغلون ويمسكون أقسام ! ..
تشوفها كاشخه ! مديره وله بروفسوره ! وبالاخير ما عندها رجال يسند ظهرها ! ولا ولد يعونها لين عجزت ! وكلها تحت بند (( طـــــز )) ! << ذكرني بدكتور في الجامعه ههههه الله يصلحه ..
المهم مشت الايام وصار عمرها تحت 30 بشهر ! .. فكرت تتزوج !
لان أن ماتزوجت صارت عانس ( المشكله مو عانس وبس ) المشكله وين بتحصل الطنبحله الي يتزوجها ! .. ؟؟؟؟؟
من هل اليومين محد يبي وجه أقشر يجيبله الهم !
كلن يبحث ويحوس ويدور على بنت مزيونه وجهها يجيب لك الوناسه من تشوفها !
كل واحد خاطره بوحده اوووف تقول للقمر انزل وانا اجلس مكانك ! ..
وأزيدكم في ناس يبون بنات بمواصفات ( كانه طالب له سياره مو بنت ! ) وان حصل وحده وفيها عيب بسيط دخلها المستشفى قسم الجراحات التجميليه سمكرها وتزوجها !
بس السؤال هنا ! وان مانجحت العمليه شبتسوي في بنت الناس ؟
يقولك بردها بيت أبوها ! وخل يعيدون أنتاجها ! ( عباله الحبيب قوطي روب منتهيه صلاحيته ويبي المصنع يعيد انتاجه ! ) ..
ماعلينا نرجع للاساس ..
وين وقفنا ؟ ! .. اي نعم .. عند الوجه والشكل المزيون !
اي والله .. كل واحد يبي وحده من يرد من الشغل تستقبله ببتسامه وورد وعطر وكشخه بس له هو !
وأكيد ماحد بياخذ عنز وبيترك الوز << على قوله المصاروه !
فشرايكم شبيكون موقف ذيك الكبيره ! ..
بتحس نفسها منتهيه ! .. يعني مالها كرت في هذي الحياه ! ..
يعني تبي تعجل ان تم وحصلت لها واحد " حَول " وتزوجها ! ..
لكن شلون تحصله ؟ وهل تسرق زوج متزوج ؟ وله تاخذ واحد أرمل بينه وبين القبر شعره !؟ وله تاخذ واحد فاشل في حياته الزوجيه ومعقد ! وتتوهق فيه ؟
مسكينه والله ..
ويا كثرهم الي تواجهها هل المواقف الصعبه !
لكن قبل ما نتعمق في هذا الجانب ! وكيف البحث عن شخص يتزوج وحده تكبره بالعمر .. خلونا نبحث عن أسباب ازدياد هذه الظاهره ..
الاسباب الله يسلمكم كثيره .. ويمكن مانقدر نغطيها بشكل كلي ..
بس بنحاول ان نشملها في الموضوع ..
1- أزدياد العنس ..
وهذا امر متعارف عليه من الجميع .. وسبق واشرنا إليه سواء بموضوعنا هذا او بالمواضيع السابقه ..
وللاسف هنالك بنات يتعقدون من السوالف الي تصير لبنات عمهم او بنات خالهم او لحتى خواتهم فتشيل من بالها فكره الزواج وتبقى بعقدتها النفسيه فتره طويله ..
وماتصحى من هذا الوهم الا على كبر ! ..
يعني بعد مايفوت الفوت .. وماينفع لا الصوت ولا غيره ! ..
أكيد بتحاول تركض وتلحق على روحها بشئ تتركه على وجه هذي الدنيا قبل ماتموت .. ولو عن طريق الزواج بشخص اصغر منها ! ..
وبعضهم بس تبي تسكت كلام الناس الي مايرحم عنها ..
( لكن الشئ الي لازم اي وحده تعرف قبل الاقدام على اي خطوه ان كلام الناس مايخلص حتى لو سوت الي يبونه وزياده ! فاي وحده تبي تسوي هذي الحركه تكون مقتنعه في الي جالسه تسويه !! ) ..
للاسف في اولياء امور كل ماتقدم لبناته رجال زين ميسور حاله شــــاته برع البيت !
وكانه يبي يحتفظ ببناته تحت بشته ! ..
ياخوي تساهل الله يسهل عليك .. زوجهم من تشوفه قد الزواج ! ولا تصعب الامور ..
ومصيرك تشيب وتموت ! .. وبناتك مساكين يتوهقون بسبتك ! ..
على الاقل خلهم يتزوجون ويشوفون حالهم كل وحده مع زوجها وهم يتصرفون ! ..
2- الماده المفقوده ! ( استغلال الحاجه ) ..
احنا قلنا ان الانتشار صار ملحوظ في السنوات السابقه ..
( وبتحديد مع الانتعاش الي صاد الخليج والطفره الاقتصاديه ) ..
في هذي الطفره .. انقسموا العالم قسمين :
قسم ربح وتريش بالفلوس ! ..
و
قسم فلس وصار شبه شحات ! ويمكن وصل للشحاته ! ..
يعني صار اللعب على مضمون الفلوس شئ يجيب نتيجه ! ..
فقامت البنت الي عندها قررروش تعرض على الشخص الفلاني مساعدتها له !
بشرط الزواج منها ! .. ( ويمكن حتى تشرط عليه مايتزوج غيرها ! )
وهذا الشئ فتح الباب لكثير من البنات انهم يطبقون هذي الحركه ..
فيها فايده له ! وفيها فايده لها ! ..
هي تملك المال ! وهو شباب ومحتاج القرش الي يشيله ! ..
تبادل منافع ..
وبالاخير يتغير مسماها قدام الناس من عانس ! الى متزوجه ! ..
ومثل هذي السوالف منتشر في الدول الخليجيه بالتحديد الي طاح الاقتصاد فيها طيحه قويه ! بعد ماكان واصل الى اعلى مستوياته ! ..
فأكيد كل شخص بيجيه عرض مغري من الفلوس ! ويمكن حتى تصرف عليه لمده سنه كامله ! ..
وهو في وضع منتف ! حافي ! .. ماعنده من يسد دينه ! وراتبه مايكفيه !
اكيد بيستانس بهذا العرض ! ..
(( والمشكله بعضهم يفكرون بهذي الحركه ! >> اتزوجها اليوم وهي أكبر مني ! وبتموت قبلي ! وبلم فلوسها وبتزوج أحلى منها وبستانس ! )) ..
انزين يمكن يالحبيب تموت انت قبلها ! يمكن يصيدك شئ انت وتتم طول عمرك مرقد ! وهي تمشي وتستانس ! ويمكن تفلس هي قبل ماتموت وتوهقكك في ديون تخليك تندم انك تزوجتها ! ..
فلازم تحط في بالك انك تزوجتها عن قناعه ! مو عن سوالف فلوس ولعب ! .
الله يعينك بس ..
3- فقدان الامومه ..
قد يستغرب البعض من العنوان الثالث .. ولكن هذا هو الواقع لدى البعض ..
تحصل واحد رجال شــ كبره شــ عرضه .. وغتره وعقال وكاشخ ..
وبالاخير فاقد لحنان الامومه ..
يبي وحده تكون الى جنبه مثل الام ! .. تربيه من أول وجديد ! ..
صحيح هل الكلام لاتضحك ! .
فيصير مثل المجنون ! .. كل مايخطبون له وحده يرفضها ! ..
تقوم امه تقوله :شفيك ياولدي ! عسى ماشر كل ماجينا لبنت رفضتها ! ..
هو مسكين يستحي ! .. فيبرر لها بأي كلام .. وله يقول لها ماعجبتني ...
بس لما يروح مجمع تجاري مثلا ! ويشوف وحده كبيره أكبر منه ! ومن ملامحها تبين انها كبيره ( من الوجه ) .. فيفكر فيها ! .. ويجلس طول الليل ماينام ويحلم انه يتزوجها ! ..
هذا فاقد للامومه ..
فعلشان يستانس ! لازم نزوجه وحده كبر امه ! ( سوووري ) اكبر منه ..
يمكن حتى لما يشوف وحده أكبر منه بسنتين مايبيها ! ..
يبي وحده 5, 8 سنوات أكبر منه ويدوب يوافق عليها ! ..
الصراحه هذا حالته صعبه ! .. الناس تبي تصبح على وجه بشوش يريح القلب ! وذي يبي يصبح على قبس معجفه الشعر عجفتين كانهم قرون عنز ! وحاطه حمره ( روج ) اصفر وله احمر فاقع ! ولون ازرق فوق عيونها ! ..
تقول توها طالعه من الكوافير ! ..
يالله هذا الحب ومايسوي ..
4- الارامل والمطلقات ( والارامل والمطلقين ) ..
من الامور الي تخلي بعض الناس يوافقون على مسأله البنت الفلانيه اكبر مني بعده سنوات هي الطلاق او الترمل ..
لان كلاهما مقارب للاخر ..
تشوف مثلا فلان متزوج وعنده عيال ولكن طلق مرته !
وام العيال ماتبيهم !! شتبيه يسوي ؟ وهو مايقدر الا ويتزوج !
فان تزوج وحده اصغر منه يمكن تاذي عياله وماتراعيهم ومساكين الجهال يروحون فيها ! ..
فعلى الاقل يتزوج وحده اكبر منه !
منها تربي العيال ومنها تعينه في امور كثيره ! ..
ومثل هل الكلام ان كانت هي مطلقه وتبي واحد يكون لها عون !
وكذالك لمسأله الارامل ! ..
نفس الفكره وتقريبا نفس المضمون .
5- إرجاع الشباب ..
نعم .. هنالك من الفتيات التي يودن ان يرجع شبابهن وذلك عن طريق الزواج بشاب يصغرهن سننا ! ..
فلعتقاد الفتاه ( سواء كانت مطلقه أو أرمله أو عانس ) .. ان الشاب الصغير في العمر –اصغر منها – سيدلعها ويرجعها شباب أكثر من الرجل الذي يكبرهن في السن ! ..
وخاصه ( الفتيات اللاتي تعدين مرحله الـ 35 وقتربن من 45 ! ) .. فهذا العمر بالذات عمر حساس لبعض للنساء وخاصه ممن لم ينجبن الاطفال ! ..
فالصغير بالسن .. قد يرجعها بفطنته ! وذكائه ! وكلامه المعسول 20 سنه الى الخلف ! ..
بينما الكبير ! قد يجعلها تكبر 30 سنه أكثر ! ..
ناهيك عن الراحه الجنسيه التي تكون في كامل قوتها عند الشاب ! ..
بينما تكون مقلصه ! لدى كبار السن ! ..
وهذي قصه حقيقيه صارت لواحد من الربع (( صديقي )) ..
يقول شاف له بنت في مجمع ( مركز تجاري ! ) بنت عبايه وحجاب وبوشيه والبنت راكده و كانت تمشي مع بنات مثلها – يمكن خواتها - ! مو مثل هل اليومين شعرها نصه برع وتارسه وجهها مكياج تقول رايحه عرس وفي الاخير الي يطالع في وجهه يا بنقالي يا بزر مراهق توه على شفى حفره من الصياعه ! ..
يقول انا من شفتها سبحان ربي حسيت انها بتكون من نصيبي ! ..
يقول لحقتهم وهو مايدرون لين ماوصلوا البيت ! ..
صدفه طلع البيت هذا أخته تعرف وحده من هذا البيت (( الظاهر صديقتها في الدراسه )) ..
يقول كلمت امي واختى يسألون عنها ويشوفونها وان كانت اجويده يخطبونها له ! ..
سألت الام عن البنت بين الحريم وكلن يمدح فيها ! ..
واخته راحت بيتهم وأستفسرت هل انخطبت وله لاء وهل تدرس ولالا .. الخ من كلام
يقول جبت ابوي وامي ونزلنا بيت البنت علشان نخطبها رسمي ! ..
خطبها واهل البنت وافقوا وشافها بنظره الشرعيه وكل شئ حلو .. وكل شئ تمام !
مرت الايام ! .. وقال يبي يملج ! (( يلبسها الخاتم – تصير زوجته بشكل رسمي )) ..
حددوا اليوم واعزموا الاهل ( القرايب ) ونادوا المأذون ( الكتيب – الشيخ ) وطلب بطايقهم الشخصيه !
الشيخ وهو مايدري ( عن حسن نيه , يمكن يمزح ! ) قال : ما شاء الله البنت اكبر من الولد بست سنين .. !!
هنا ابو البنت انحرج ! وابو الولد نقزززز ..
شنو 6 سنين !!!! البنت اكبر من ولدي ؟؟؟؟ شلون كذا ؟
الولد من الصدمه السانه انعوج ! مب عارف وش يقول !!
يقول جلست افكر معقوله الي حبيتها اكبر مني بـ 6 سنين ؟؟!! والله مايبين عليها !
طبعا يوم الملجه تكنسل ! وكلن راح بصوب ..
البنت مسكينه انصدمت لانها مادرت انه اصغر منها ! ..
والولد انصدم ان البنت اكب منه ! ..
يقول دخلت اختي وامي علي الغرفه في نفس ليله الملجه الي تكنسلت ..
اخته : اسمع ياخوي تعوذ من ابليس وقلي ! انت تحبها للحين ولالا ؟
الاخو : والله مادري ويش اقول ! الصراحه ماتوقعت اكبر مني !!! حتى لو اكبر بسنه سنتين مو بست عاد !
الاخت : زين قلي تحبها ولالالا ؟؟ ترى بكل امانه البنت اصيله لأبعد الحدود ولا اتصور اشوف وحده مثلها اخلاق وحشمه ودين والتزام وجمال ! بس عيبها ( الي هو عيبك انت اصلا ) انها اكبر منك ! ..
الاخو : والله تبين الحق دشت قلبي ولا ابي افارقها ! .. ويمكن مابحصل مثلها ابد !
الام : خلاص يمه لا تضيق على روحك يا تتوكل على الله وتوافق عليها ! يا تنساها ونخطب لك غيرها ! ..
بس قلبه كان قوي ! .. قال لاء مابي غيرها حتى لو اكبر مني !!
وملج عليها وتزوجوا والحين بعد فتره يمكن يجيبون جاهل ينور بيتهم ..
يعني مافي شئ اسمه مستحيل ! .. ولا في شئ اسمه نووو ويه ! ..
ان حاط في بالك الشئ بحسن نيه توكل على الله وسوه ! ..
صحيح بيعاتبونك البعض ! ..
بس ماعليك منهم ! مصير الناس تنسى ! ..
والدين من ناحيته حلل الزواج ! .. سواء اكبر منك ! او اصغر ! ..
يعني من هذي الناحيه تطمنوا ! ..
ما يبقى الا العزيمه الحقيقيه وصدق النيه ! ..
قبل لا نختم نقول ! .. للاهل : تساهلوا في المهور وخلوا بناتكم يتزوجون ! ولا تعقدونها كل ماجاء معرس لهم ! , للبنات : لاتتهوررون وتنسون الزواج وتركضون ورى الدراسه والعمل ! ترى الدراسه والشغل لاحقين عليها مع الايام !! .. نقول للشباب : حلاتها صغيره ! .. بس لو لقيت كبيره واعجبتك توكل على الله ..
تحياتي المخلب ..