المساعد الشخصي الرقمي

مشاهدة النسخة كاملة : اقدر ابيع بعد اقفال التداول


واحد 11
14-08-2005, 07:25 PM
السلام عليكم.....استفسار واتمنى تجاوبوني.

اذا بغيت احط طلب شراء او بيع اسهم لليوم الثاني..يصير بعد اقفال التداول يعني مثلا الساعة 3 او 4 العصر..وفي اي شركة وساطة.

وشنهي شروط المجموعة للتسجيل فيها

وعملية البيع هل تتطلب كشف حساب..او بس برقم المساهم اروح لهم واسجل امر بيع او شراء
اتمنى تفيدوني وشاكرلكم جدا
واحد 11
14-08-2005, 08:42 PM
تدخلون وماتردون.... هو..استفسار بسيط......
أحسينوه
14-08-2005, 08:50 PM
عزيزي / مساهمجي ... وعليكم السلام ورحمة الله وبركاته
بالنسبه لسؤالك . نعم يصير ولكن . يجب أن تفتح لك
حساب في المجموعه . لأن المجموعه هي الوسيط الوحيد ( تقريبا ً )
اللي يكون فاتح في الفتره المسائيه لتلقي أوامر البيع والشراء لليوم التالي .

=============

ولكي تستطيع عمل ذلك .. عليك التوجه لأي فرع من فروع المجموعه
وتقولهم أبي أفتح حساب عندكم . راح يعطونك رقم حسابهم
علشان تحط فيه المبلغ اللي تبي تدخل به البورصه . وطبعا ً حسابهم
في بنك الدوحه ( وهم حاليا ً فتحوا فرع له داخل مبنى المجموعه اللي عند
إشارات عبدالغني ) يعني أمورك كلها سهالات إن شاء الله .
لا تنسى تاخذ معاك :-

المبلغ اللي تبي تحطه في حسابهم علشان يدخلونه في حسابك
عندهم .

2- رقم المساهم الخاص بك . ( وإذا ما تعرف رقمك هم يطلعونه لك عن طريق
الرقم الشخصي )
3- أكيد أعتقد صوره من البطاقه الشخصيه .
ماني ذاكر البقيه .

================

الأمور يعني سهالات . ولحق ترى السوق بدأ يرتفع .
والله يعطعمنا خيره .
المري
15-08-2005, 01:06 PM
أخي العزيز مساهمجي
السلام عليكم ورحمة الله وبركاته

بخصوص إستفساراتك .. ماقصر أخ حسينوه بالرد .. ولكن فليسمحلى بأن أضيف


أخي الكريم ..
1- في البداية إن كنت تملك أياً من الأسهم فعليك أن تذهب لسوق الدوحة للاوراق المالية
وبناءاً على رقم بطاقتك الشخصية سيصدرون لك كشف بكل عدد أسهمك التي تملكها
مع رقم مساهم(رقمك في سوق الدوحة كمساهم) وهذا الإجراء لا ياخذ عشرة دقائق
في هذة الفترة .

2- تذهب للمجموعة(فرع السوق أو الرئيسي) ومعك هذا الكشف وسوف يتم إضافة
أسهمك لديهم وسيأخذون منك رقم هاتف جوال لإعتماد أوامر الشراء أو البيع
لما تملك من أسهم مسجلة لديهم فقط عن طريق رقم الجوال المسجل لديهم
ولا ياخذون بالأرقام الأخرى.

3- إن أردت الشراء وأنت لا تملك سوى أسهم فعليك إيداع مبلغ في حسابك لديهم
وعن طريقهم (ولكن هذا المبلغ لا بد ان يكون في شيك وليس نقدي )ومن ثم يحق
لك ان تشتري فوراً بعد الإيداع مباشرة وليس بالشرط أن تنتظر لحين
سحب هذا المبلغ وأيضاً أن تبيع إذا رغبت.

4- وعن سؤالك في الفترة المسائية فالإجابة بنعم يمكنك ان تصدر
أمر شراء أو بيع في المساء لصباح اليوم التالي .



آسف على التأخير مرة أخرى وأتمنى أن اكون قد أجبت بما فيه الكفاية
لما يدور في صدرك من استفسارات.


وتحياتي للجميع :)
bluelion
15-08-2005, 06:54 PM
سؤالين سريعين : واللي عنده أسهم عند شركة وساطة ثانية كيف ينقلها؟ واللي عندة أسهم قديمة (مغبره) غير مسجلة في السوق كيف يسجلها؟
أصول
15-08-2005, 11:34 PM
اللي عنده أسهم في شركة ثانية لازم يروح للشركة ويحرر هذه الأسهم لكي يستطيع تداولها في شركة أخرى. وممكن هذه الشركة تعطيه أوراق بالتحرير ياخذها للموظفين في صالة التداول في السوق واللي عنده أسهم قديمة مغبرة يأخذ بها كشف حساب من السوق ويقدر يتداولها عن طريق شركات الوساطة الأخرى.
bluelion
16-08-2005, 09:04 AM
شكراً على الرد السريع .... بس الأسهم المغبرة غير مسجلة في السوق ... عندي شهادة أصلية قديمة بعدد قليل من الأسهم في شركة الكهرباء والماء وعلى ظهرها تواقيع لتسليم أرباح.

ولم يتم إستلام أي أرباح أو غيرها منذ أكثر من 10 سنوات، هل تم توزيع أرباح؟ أكيد! هل تم توزيع أسهم مجانية؟ ربما!


هل أذهب إلى الشركة نفسها وأي قسم/إدارة؟
أحسينوه
16-08-2005, 11:24 AM
أوووف .. من عشر سنوات .. وإنت ما تسأل عنها . صج مطنش :d

عزيزي .. هذا موضوع ما تسال فيه ع النت < ---------- ما يبيله

تضييع وقت .. خذ الثبوتيات اللي عندك وراجع إدارة السوق بارك

الله فيك .. شوف اللي لك واللي عليك .

هذي وجهة نظري
bluelion
16-08-2005, 01:04 PM
مشكور على الإهتمام ... الصراحة كلهم 30 سهم ما يستاهلون - لقيت أوراقهم بالصدفة في ملف قديم - إذا حصل ومريت على السوق باخذهم معاي أشوف ايش السالفة....
أحسينوه
16-08-2005, 08:49 PM
تبيعهم بالسعر اللي إكتتبت به فيهم ؟! :d