المساعد الشخصي الرقمي

مشاهدة النسخة كاملة : 3 ابريل االبورصة .... واغسطس 2005 الاراضي .. والي مب عاجبه يحط اعلان في الجريدة



خليفة22
15-08-2005, 01:52 PM
اذا كنت بتتكلم عن الكوارث الطبيعة فلازم تذكر ديسمبر 2004 وحادثة تسونامي

واذا كنت بتتكلم عن العمليات الاستشهادية فلازم تذكر احداث 11 سبتمبر

واذا كنت بتتكلم عن انهيار البورصة فلازم تذكر 3 ابريل

واذا كنت بتتكلم عن اسعار الاراضي فلازم تذكر اغسطس 2005

الي بيصدق يصدق

والي مايصدق ما اقول له الا حط اعلان في الجريدة واطلب شراء ارض وشوف بام عنك الي انا شفته واسمع بطبلة اذنك الي انا سمعته.

حطيت اعلان في الجردية عشان اشتري ارض للمستقبل وحصل التالي:

1. واحد عنده ارض وقال لي الفوت ب 60 ريال ... وقال عشانك بخليه ب 50 ريال (اول مرة في حياتي اشوف حد ينزل في الفوت 10 ريال سمعت عن ريالين .... ثلاث ...اربع ... بس مب عشر)

2. اتصل على واحد ثاني وقال عندي ارض ب 31 ريال للفوت ... فرديت عليه وقلت له يالطيب انا مب غشيم وارضك ماتسوى 24 ريال ومسيرها ترنكع عن ال 22 ريال (الرجال انصدم ولا رد علي بكلمة وحدة وكانه الي قلت له انا هو الي حاصل فعلاً وهو معترف فيه).

3. اتصل علي واحد ثالث وقال عند ارض بمنطقة شمال الدوحة (توقعت يقول اقل شيء ب 45 ريال وحتى بدون شارع ولاشيء ... ولكن كانت المفاجأة من العيار الثقيل الي شقت اذني ... قال 37 ويوم سالته عن آخر سعر قال 35)

4. اتصل علي واحد وقال عندي ارض ولكن شوي غالية, وقلت له ياخوك الغالي سار رخيص ..... وسار يكلمني وكأنه يترجاني اني بس اشوف ارضه وتعجبت من اسلوبه.

جلست مع نفسي وبديت افكر وش الي سار

انا محظوظ ولا في شيء ساير في اراضي الدوحة وانا مب داري

ولا يمكن يكون انا حاط اسعار خيالية ومبالغة

وحطيت تحليل للي سار وقلت والله اعلم مايلي:

1. اسعار الاراضي استقرت نوعاً ما بعد ارتفاع جنوني واغلب الذين اشتروا الاراضي هم مستثمرين.. واستقرار الاسعار سبب لهم خسارة وهم يحاولون بيع الاراضي لادخال الاموال بالبورصة خصوصاً مع الاراتفاع القوي والي وصل 20% لاسعار بعض الاسهم في اغسطس فقط .

2. عجز غالبية الفقراء امثالي عن شراء الاراضي بكمية وهو اثر على الطلب ... وسار الشراء والبيع بين المستثمرين الي عارفين بعضهم بعض يعني مثل سوق حراج السيارات هذي الايام.

3. قانون البنك المركزي والذي الجم الكثير من البنوك للاستثمار في قطاع الاراضي وحتى عملاء البنوك.

4. ربحية البورصة الهائلة وسط دخول دلالة واموال اضف اليه عمليات الاكتتاب الشبه 6 اشهر للشركات والتي تحتاج ضخ اموال وليست اراضي من تراب وحجر.

5. كل ارتفاع غير مبرر يتبعه هبوط وهذي سنة الحياة واصبح اغسطس يوم الهبوط.


هذا تحليلي والله اعلم

حمد
15-08-2005, 03:06 PM
:app: :app: :app: :app: :app:

حمد
15-08-2005, 03:10 PM
الله يسمع منك يابودعيج ... الصراحه تمللنا نبي ناخذ ارض ومانقدر

والله العظيم مالي نيه ابيعها .... ابي ابني عليها بس الله ايهديهم مايتساهلون كلش

كل واحد قام ايحط ارقام خياليه .....

حمد

Qatari 1980
15-08-2005, 03:13 PM
الله يسمع منك يا شيخ :D

الا أبيك تقولي وين هالأرض اللي شمال الدوحه نبي نشوفها :o



انشاء الله تنزل الأسعار أكثر وأكثر


ومن بكره بخلص الأعلانات المبوبه اللي في الوسيط كلها حق طلبات الأراضي :D


:app:

بروق
15-08-2005, 08:21 PM
السلام عليكم..
والله انا ماشوف اللي تقول عنه أخوي خليفة ..يمكن هذا حصل معاك بس..لأنك ماحددت موقع الأرض ..لكن اللي أعرفه او واجهته إن الأراضي مطلوبة بدون مانعرضها الناس يطلبونها ..وبالسعر اللي نقرره
ولاتنسى الناس اتجهوا للبورصة وصاروا مايعرفون وين يحطون فلوسهم من كثرها..فصار الطلب على الأراضي..
وهذا رأي شخصي ومن خبرتي البسيطة.. ولك ألف شكر لإثارة الموضوع.. :)

سهم طايح
15-08-2005, 09:35 PM
والله نتمنى هالشي مع انه صعب وخصوصا في داخل الدوحة :(

على كم الفوت الحين في المعمورة وبوهامور !

كأس2022العالم
18-08-2005, 12:10 AM
:app: :app: :app: :app: :app: :app: :app: :app: :app: :app: :app: :app: :app: :app: :app: :app: :app: :app: :app: :app: :app: :app: :app: :app: :app: :app: :app:

Qtri
23-08-2005, 11:49 AM
تسلم اخوي خليفه وكلامك عين العقل والدليل اعرف واحد من تجار العقارات قام بيع مجمعاته بالهبل باسعر معقوله يوم سالته قالي انا لي ثلاثين سنه اتاجر في القارات واعرف انها بيجي يوم وبطيح في جبدي واذا مابعت الان بكفخ نفسي بعدين مشكور اخوي وماقصرت

alsahm 12
23-08-2005, 12:17 PM
تحليل منطقي :nice:
وانا معتبر الارتفاع الجنوني في الاراضي بداية الهبوط :eek2:

وراح تستقر الاسعار على نفس الاسعار القديمه والواقعيه لان الناس قامت توقف شرائها للاراضي التي اصبحت اسعارها نار :mad:

وهذه بطبيعة الحال اثرت على الكثير من المواطنيين الذين يرغبون ببناء منزل العمر :(

سهم الخيانة
01-06-2006, 11:32 PM
أخوي خليفة أنا شفت اعلان في الجريدة عن بيت شعبي في منطقة المنصوره مساحة البيت 400 متر مربع والحبيب صاحب البيت طالب 5.000.000 ريال قطري للبيت لانه الموقع تقدر تبني مكانه عماره من 8 أدوار ؟ السؤال اذا أنا شريت هذا البيت بهذا المبلغ الخيالي فبكم راح ابني العماره ؟ ومتى سوف استرجع اموالي واربح من هذه العماره؟ الجواب لما أموت .omen

الأختصاصي
02-06-2006, 12:08 AM
الاراضي صارت غاليه والسيارات غاليه ياجماعه يمكن استقرت الاسعار ولاكن مازالت الاسعار مرتفعه .... من قبل سنه ارتفعت البورصه ورتفع السوق كله من اراضي من سيارات من سلع حتى المطاعم زادت اسعارها يعني بالعربي الراتب مايكفي لأخر الشهر ...... نزلت البورصه ولاكن مانزل شي برا
الاسعار استقرت ... (( استقرت الاسعار على ارتفاع )) يعني محد يفكر ان الاسعار راح تنزل الي طلع من سوق البورصه دخل سوق العقار والربح فيه 100% وكل يوم في ازدياد ... ومن كان يفكر ان رقم سياره كان في يوم 3000 ريال وكنت تفكر قبل ماتشتري تقول وايد غالي 3000 والان نفس الرقم يوصل 150,000
شي مايدش العقل بتقولي بعد نزلت الاسعار .. معليش اخوي يمكن انت تتكلم من جهه وحده ولاكن الحرب لها عدة جهات هذي حرب ومايندرى متى راح توقف ...

بويوسف
02-06-2006, 01:49 PM
موضوع قديم

اعتذر على اغلاقه