سؤال الاسبوع : (( هل برأيك زادت نسبه الحوادث بعد تجديد قوانين المرور ام نقصت ؟ )) ..

[المخلب]

السلام عليكم

المرور .. وما أدراك مالمرور ..

مساكين متوهقين من كل صوب ! ..

البلديه موهقتهم بسبب الشوارع الضيقه ! .. والحفريات وأغلاق اغلب الشوارع دفعه وحده !

المستشفيات موهقتهم ! بسبب الحوادث وليش الحوادث صارت تتزايد والاسعاف مايقدر ينقل المريض بسرعه للمستشفى ( كل واحد خايف يقطع الاشاره وله يعطي مجال ويموت الي بالاسعاف قبل لايوصل المستشفى ) ..

العليميه موهقينهم على سواقتهم البارده الي تبط الجبد وتزيد نسبه الحوادث ! ..


حطوا قوانين علشان يواكبون التطور ! ويحسنون من اوضاعهم وصورتهم قدام الناس ! ..

زادوا الرادارات ! دفعوا فلوس علشان انواع جديده من الرادارات ! زادوا عدد موظفينهم - دورياتهم وشرطتهم ! - زادوا الراتب علشان يغرون الشباب تجي عندهم ! ..

قوانين غيروها ! .. كل قانون يكسر الظهر لو تطبق !

اشاره 3000 ريال ! ..

تجاوز وسرعه وغيره 300 وفوق ريال ! ..

حزام وطفل قدام وجوال 500 ريال وفوق ..!

وغيرها من قوانين !! ..

ولكن .. هل برايك بعد كل هل القوانين والخمبقه الي سووها تعتقد قللوا عدد المتوفين بنسبه الحوادث في قطر ! .. او على الاقل قللوا نسبه الحوادث في قطر ! .. ؟؟؟

[jajassim]

موضوعك رائع جدا ،، أخوى المخلب ،، وانا من رأى من ان الشرطة تحاول بالفعل وعن طريق تشديد العقوبات على مخالفي قوانين السير وفرض غرامات مالية باهظة، بالرغم من كل هذه التشديدات كفيلة بانخفاض عدد القتلى وحوادث السير بشكل عام ايضا، الا اننا ما زلنا ،، نسمع عن حوادث قتل وخاشنة ،، وكما تفضلت كل ما نرقع تطلع لنا مشاكل أخرى ،، كأغلاق الشوارع بدون سابق انذار،، وزيادة عدد السكانية ،، وتسهيل لمن يرغب من الحصول على قرض شراء سيارة ،، وانت خبرك صغار السن ،، بالاضافة الى زيادة الدخل للفرد ،، اللي صار محد يهمه مخالفة او رادار ،، :deal:

ما اقول الا (( الله يرحم برحمته )) :deal:

[nooora]

هل برأيك زادت نسبه الحوادث بعد تجديد قوانين المرور ام نقصت ؟؟

لا ما أعتقد ،، تشديد قوانين على المساكين فقط، لو يلغون شي اسمه واسطه في المرور بتقل الحوادث والمشاكل المروريه كلها

[كحيلان]

ودي اجاوب لانه موضوع المخلب بس للأسف مقدر أحكم ,, 4 شهور وانا خارج الدوله .

تحياتي .

[الزاجل]

رايي من راي جاسم

[ابوعلي]

يعطيك العافية اخوي المخلب

الشرطة تحاول تخفف من نسبة الحوادث

واتمنى ويمكن كلامي ما يعجب الكثير

* اعتماد نظام النقاط المطبق في الامارات وبريطانيا

* زيادة الغرامات المالية

* اضافة عقوبات اخرى كالسجن او سحب الرخصة

* منع شركات التأمين عن دفع الديه او التعويض في حالة اثبات ان الحادث نتيجة السرعة

والاستهتار

وهناك ظروف ما تساعد على تقليل نسبة الحوادث مثل

* عدم مراقبة بعض الاسر لأبناءهم والسماح لهم بالقيادة في غير السن القانوني

* اغلاقات الشوارع

* زيادة عدد السكان

* عدم قيام مدارس التعليم بالواجب على اكمل وجه نظرا

[بنك المراجل]

لاتحمل المرور ولاتحمل الدوله زيادة نسبة الحوادث المسؤوليه كلها ترجع للاهل

اللي عودو عيالهم على الفخفخه والدشاره وهم توهم بعمر الزهور

كل شباب الديره الصغار ماعندهم سالفه سنعه غير الشل والاستعراض والسيلين

الله يهدينا ويهديم

[شاهيناز]

الاهل لهم دور كبير

والمدرسه

تبدئ الثقافه المروريه منذ الصغر
واداره المرور لها تعاون ممتاز مع المدراس لتثقيف الشباب بقواعد المرور

لكن كيف الوصول لعقليه الاهل الي اهم شئ عندهم يسكتون ابنائهم

الشباب اقل من عشرين سيارات فور ويل اجسامهم ماتساعدهم على قياده ها النوعيه من السيارات
مايقدر يتحكم فيها ومع هذا يسرع سرعه جنونيه

الهمر اكثر الي يستخدمونه الي تحت العشرين
راسهم بس طالع من السياره:looking:
وين اهلم؟

الاب مايراقب ابنه وين يروح مع مين يسهر
اهم شئ عنده بس ينفذ طلبه؟
واذاصادروسياره ولده
راح ودور له كم واسطه وحب خشوم لين يطلعون سياره النونو

الاهل لهم دور كبير
قبل مانرمي المسؤليه على المرور

نسئل الاهل؟

وتسلم

[خالد32]

قوانين المرور اشوف انها جيدة بس في فئة معينة من السائقين محتاجين قانون طواريء
و مشكور على الموضوع الي الواحد خاطره يطلع الي في جبده فيه
مدارس التعليم ايش سبب وجودها؟!؟!؟
الاشارات عليها شبك عنكبوت من قلة الاستعمال و اذا استعملها بيكون و هو لاف بعد ما يخفف و يزنطك وراه كان الاشاره هي الي تلف السياره...
في وقت الزحمة الكل يتجاوز من اليمين و يعصب اذا ما تفتح له الطريق كانه الوحيد الي وراه شغل..... و في الدوار لازم الي على يمينك يلف عليك و يركبك الدوار كان الخط الي هو فيه مقطوع..... و يا حب الناس للسواقة في الخط اليسار و النص و 100 متر قبل الدوار كلهم على الخط اليمين و المواقف و الخدمات!!!.... و لا ايام الضباب الكل مشغل التحذير. انزين شلون بنعرف اذا بتلف يمين او يسار؟؟
بالذمة ايش الفرق بين الخرفان و بين سواقة هالعام؟؟؟؟
الناس محتاجة توعيه اكثر و انتباه

و اخيراً القيادة # فن # ذوق # اخلاق

[الراقية]

والله يالمخلب نشوفهم في ازدياد يبغي لهم عقوبات صاااارمة جدا

حتى المخالفات صاروا يتباهون بها كل واحد حاطها على السكان ( المقود ) او على الدريشة

وغير هذا تعال خط الشمال ( الحافظ الله تجاوزات مالها حدود من الشاحنات ومن الشباب واشوف البنات لحقوهم )crazy


نبغي قوانين صارمة :strong

شوف الامارات وخاصة دبي من يوم طبقوا ( مجرم الرصيف ) وحطوا كاميرات صار لهم قلب محد يدوس حتى على الخط البرتقالي وهنا تعال اللهم يا كافي خطر يركب على سيارتك عشان يطوفك :court:

لكن ما نقول الا الله يرحمنا برحمتةomen

[ANONYMOUS]

القوانين خرطي..

والفلوس مش مشكله للاجبار على الالتزام بالقانون..

تطبيق قوانين الغرب رادعه جدا( في مجال المرور)

وشكرا

[الخيميائي]

انا اشوف ان تطبيق نظام النقاط والتصاعد بالعقوبة حتى تصل الى السجن
فأرواح الناس مب لعبة في يد المستهترين

وياليت التوعية تزيد وخصوصا في مجال الاعلام سمعت ان هناك حملة في هذه الايام تقوم بها ادارة المرور ولكن ياليت تكون مكثفة وعلى مدار العام وليست موسمية

وبصراحة موضوع مهم ويستحق المتابعة

[ANONYMOUS]

انا اشوف ان تطبيق نظام النقاط والتصاعد بالعقوبة حتى تصل الى السجن
فأرواح الناس مب لعبة في يد المستهترين

وياليت التوعية تزيد وخصوصا في مجال الاعلام سمعت ان هناك حملة في هذه الايام تقوم بها ادارة المرور ولكن ياليت تكون مكثفة وعلى مدار العام وليست موسمية

وبصراحة موضوع مهم ويستحق المتابعة


النقاط.. نعم.. هذا اللي قصدته..

اما الحملات.. فهي اهدار للوقت والجهد والمال

[ghareeb]

هذا بالأضافة الى انتظار دورية المرور بعد كل حادث ...
يعنى مب كافي الحادث ... لا و نصكر الشارع بعد

http://www.qatarshares.com/vb/showthread.php?t=107051

[بو حسن]

السلام عليكم ,,,,

اسمحولي على مداخلتي ,,,
انا اتفق مع الاخ أبوعلي في مداخلته 50% وأئيد اخوي خالد في اللي انشوفه في شوارع الدوحه 100% ...

بوعلي ..اذا كان الشخص صاحب نفوذ ,, انسى الامر برمته (بالنسبه للجزئية الاولى) اما بالنسبه للجزئيه الثانيه والتي تخص الاهل ,, فا اعتقد .. ((البعض)) فقط من الاباء هم من يراقبون ابنائهم .. والمدارس الخاصة بتعليم السواقه ,, هم نفس جنسية المدرسين الذين مسببين اغلب المشاكل في شوارع الدوحه .. والشوارع اللي تغلق بدون سابق انذار ,, انا معاك فيها.. والمعلومه الاخير هي ,,, ازدياد طفيف في عدد السكان ولكن ازدياد كبير من الوافدين + النساء السائقات

اخوي خالد ... لا تعليق,,,,,,,,,,, كفييييييييت ووفييييييييت :)


دمتم...... وسامحوني..


بو حسن

[المخلب]

السلام عليكم

مع احترامي لجميع وجهات النظر المطروحه ..

لكن .. القوانين الجديده ماكانت رادعه ابد ! .. وكانت فقط لضبط الناس وخاصه الجدد الي جاوا البلد ! ..

يعني للاسف سواقتهم استغفر الله ! .. ناس تبط الجبد !

المفروض هم من يطبق عليهم سحب الليسن ! ..

يعني البارحه في الليل واحد عربي ( من الوفود ! الجدد الي جاوا البلد ) متجاوز الزحمه من المصفات ! ويجيك وافد أخر ويعفس سيارته السياره شبت ! والرنق انعفس ! - والي يبي يشوف السياره يقدر يمر الكورنيش مقابل المعصره ومحطه البترول !

شئ يقهر ! ناس لا تحترم القوانين وزادت من نسبه الحوادث ! ..

شركات التأمين الي تكد من ورانا ملاييين .. زعلانه ! تخيل زعلانه !! لانها تبي ترفع من سعر التامين الشامل والتأمين ضد الغير !! بسبب انهم على كل لمسه بسيطه يطلب الشرطه ويبي يصبغ موتره الكحيان على التامين ! ..

وصرنا منذ بدايه تطبيق القوانين الجديده نسمع بزداياد الوفيات ! والحوادث !! بعكس قبل ! والدليل الملموس الجريده اليوميه ! (( افتحها كل يوم وشوف بعيونك ! لازم حادث ! )) ..

هذي وجهت نظري .. وشكرا للجميع ..