شريت سياره من خارج قطر .. كيف ابتدي إجراءات الجمارك و المرور؟!

[Index Signal]

السلام عليكم

عندي استفسار من اهل الخبره اتمنى تفيدوني و جزاكم الله خير مقدما

شريت سياره من احدى دول الخليج و هي موديل 2001

من وين ابتدي اجراءات الجمارك و المرور..؟!

مع العلم ان السياره تحمل لوحات خليجيه خاصه و ليست تصدير و مسجله بإسم أحد معارفي من تلك الدوله وهو موجود الآن في قطر مع السياره ولديه براءة ذمه للسياره من مرور بلده..

ملاحظه: سمعت ان موديلها غير مسموح به (أكثر من 5 سنوات) .. هل هناك استثناء لأول مره حتى لو بتوقيع تعهد بعدم إستيراد سياره عمرها اكثر من 5 سنوات مره اخرى كما يحدث في دول الخليج؟

أسمحولي للإطاله
و بإنتظار ردودكم الكريمه

[limoOoOony]

اخوي قانون الهيئه العامه للمواصفات والمقاييس لايسمح باستيراد سيارات شخصيه مضى على صنعها 5 سنوات باستثناء السيارات الكلاسيك اللي مر عليها اكثر من 30 سنه

اذا انت تبي السياره لاستعمالك الشخصي عادي استعملها بلوحة الدوله اللي عليها والله يعينك على التامين وتجديد الاستماره :nice:

[alwahesh]

ودها دبي احسن لك

ما عندهم هالخرابيط والخزعبلات والتحكم بالناس

بيعها هناك او بادلها مع اي سياره 2007 وتسجلها في المركز بدون مشاكل

ولا تذل نفسك .....مع العلم اني اعرف ناس تدخل سيارات قديمه ولا ووارد اليابان يعني سكان يمين مثل السوبرا وغيرها ....وعادي وطبعا تعدي الفحص الفني بدون ما تنفحص وعادي

بالتوفيق

[الهيل]

معلومة مفيدة ماكنت ادري عنها

نسال الله ان يعينك اخوي index signal

[وحيد-الشوق]

ودها دبي احسن لك

ما عندهم هالخرابيط والخزعبلات والتحكم بالناس

بيعها هناك او بادلها مع اي سياره 2007 وتسجلها في المركز بدون مشاكل

ولا تذل نفسك .....مع العلم اني اعرف ناس تدخل سيارات قديمه ولا ووارد اليابان يعني سكان يمين مثل السوبرا وغيرها ....وعادي وطبعا تعدي الفحص الفني بدون ما تنفحص وعادي

بالتوفيق

:looking: :looking: :looking:

[alwahesh]

وحيد الشوق لا تكون منهم

ترى انا على نياتي
والله يجعل كلامنا خفيف عليكم

[لمت داون111]

الله يعينك اخوي لانه ماظن يخلونك تدخلها لانه المصرح بدخوولها المفروض ماتطوفالخمس سنوات وطافت علي سيارتك ست سنوات

بس تقدر تكلمهم ويمشوونك طبعا انت وعذرك ( وواسطتك )

بالتوفيق ان شاء الله :)

[Index Signal]

اخوي قانون الهيئه العامه للمواصفات والمقاييس لايسمح باستيراد سيارات شخصيه مضى على صنعها 5 سنوات باستثناء السيارات الكلاسيك اللي مر عليها اكثر من 30 سنه

اذا انت تبي السياره لاستعمالك الشخصي عادي استعملها بلوحة الدوله اللي عليها والله يعينك على التامين وتجديد الاستماره :nice:


جزاك الله خير يالليموني و انا عارف قانون الهيئه لكن سمعت ان في استثناء لأول مره و يتم توقيع تعهد بعدم استيراد سياره عمرها اكثر من 5 سنوات مره اخرى و هالكلام قاله لي صاحب السياره نفسه لانه سبق انه اشترى سياره من قطر عمرها اكثر من 5 سنوات ولما راح بلاده عطوه استثناء بما انها المره الاولى و وقعوه على تعهد..

السؤال هل عندنا استثناء للمره الاولى..؟! لأنه جمارك الخليج موحده و بالتالي القانون بيكون موحد..

ارجو من اي حد يشتغل بالجمارك او يعرف له حد يشتغل بالجمارك يسأله و يفيدنا و له الاجر ان شاء الله.

[Index Signal]

ودها دبي احسن لك

ما عندهم هالخرابيط والخزعبلات والتحكم بالناس

بيعها هناك او بادلها مع اي سياره 2007 وتسجلها في المركز بدون مشاكل

ولا تذل نفسك .....مع العلم اني اعرف ناس تدخل سيارات قديمه ولا ووارد اليابان يعني سكان يمين مثل السوبرا وغيرها ....وعادي وطبعا تعدي الفحص الفني بدون ما تنفحص وعادي

بالتوفيق


جزاك الله خير اخوي الوحش على ردك الكريم..

ولو ادري ان السالفه فيها مذله ما شريت الموتر بس المشكله اني عطيت كلمه و دفعت لصاحبها والموضوع شبه منتهي بس واقف على هالسالفه اللي هي الاستثناء..

اخوي الوحش انا متابع مواضيعك و شكلك خبره بهالامور اتمنى تسأل لي عن هالموضوع و لك الاجر بإذن الله.

[Index Signal]

معلومة مفيدة ماكنت ادري عنها

نسال الله ان يعينك اخوي index signal

جزاك الله خير اخوي الهيل و شرّفت الموضوع بمرورك الكريم و دعوتك الغاليه.

[Index Signal]

الله يعينك اخوي لانه ماظن يخلونك تدخلها لانه المصرح بدخوولها المفروض ماتطوفالخمس سنوات وطافت علي سيارتك ست سنوات

بس تقدر تكلمهم ويمشوونك طبعا انت وعذرك ( وواسطتك )

بالتوفيق ان شاء الله :)

جزاك الله خير يالغالي..

و موضوع الواسطه معروف لكن انا واسطتي ربي سبحانه وهو نعم الواسطه..

و عسى ان يسخرلي من عباده من يساعدني مثلكم و شرواكم..

شاكر مرورك الكريم و بإنتظار اي معلومه تستجد عندك.

[فهد24]

موفقك اخوي والله يعينك....اعاني من نفس المشكله تقريبا بس شالفايده للحين بدون حل

[alwahesh]

جزاك الله خير اخوي الوحش على ردك الكريم..



اخوي الوحش انا متابع مواضيعك و شكلك خبره بهالامور اتمنى تسأل لي عن هالموضوع و لك الاجر بإذن الله.

اشكرك على اسلوبك الراقي

اخوي العزيز نصيحتي لك

ليش ما تروح قسم الجمارك الي على طريق سلوى ويمكن تلقى ولد حلال المعزبه معطته هديه ولا خبرك تلقاه رايق ويوقع لك ومثل ما قلت كلامي عن تجربه وخبره
لاني شريت مثل سياره من البحرين (دوج كليسلر M300) بس موديل 2001 وكانت السياره ورده ماشيه 27000 بس ....المهم حاولت معاهم وكان المسؤل ولد حلال قال لي لو شوي ايدد
كان مشيناها لك

مر عليهم وحاول منت خسران شي

وبالتوفيق

[Index Signal]

موفقك اخوي والله يعينك....اعاني من نفس المشكله تقريبا بس شالفايده للحين بدون حل


عسى مشكلتك و مشكلتي ينحلّّون في يوم واحد قول آمين..

و بالتوفيق يالغالي والله يعين الجميع.

[Index Signal]

اشكرك على اسلوبك الراقي

اخوي العزيز نصيحتي لك

ليش ما تروح قسم الجمارك الي على طريق سلوى ويمكن تلقى ولد حلال المعزبه معطته هديه ولا خبرك تلقاه رايق ويوقع لك ومثل ما قلت كلامي عن تجربه وخبره
لاني شريت مثل سياره من البحرين (دوج كليسلر M300) بس موديل 2001 وكانت السياره ورده ماشيه 27000 بس ....المهم حاولت معاهم وكان المسؤل ولد حلال قال لي لو شوي ايدد
كان مشيناها لك

مر عليهم وحاول منت خسران شي

وبالتوفيق


العفو أخوي الوحش هذا من ذوقك و طيب أصلك..

شورك و هداية الله يالغالي بمر عليهم و وبإذن الله تعالى يسخّرلي ولد الحلال اللي يخلّص موضوعي..

جزاك الله خير

[فتى البورصة]

انا نفسك اخوي اعاني من هذ الشيء
نتمنى من الاخوان انه يفيدنا

[الأختصاصي]

في حل وحيد اذ عندك أحد يدرس بنفس بلد تصدير السياره
ممكن تسجل السيار بأسمه ومن ثم تنقلها بأسمك
اما غير هالحل ما اعتقدر راح يمشونك لان القانون صريح
بالتوفيق للجميع والله يكون بالعون

[الجمارك]

السلام عليكم

اخوي اول شي الله يعينك مالك امل الا بالواو لانه السيارات الصالون والفورويل لا زم يكون تاريخ الانتاج في البليته الى بالباب مسجل 2003 وطالع خمس سنين و تحت مثل ما قالولك الاخوان بس تحسبها من سنة الانتاج مب الملكيه
وفي حل ثاني انك اتسجلها بأ سم شخص يدرس اهناك بشرط ان لا تقل مدة دراسته عن سنتين ويكون منهي دراسته وراجع

والحل الثالث اتخليها بسم راعيها وتستعملها عادي مثل وايد شباب امسوينها

واذا تبي تستفسر اكثر اتصل او مر على الهيئه العامة القطرية للمواصفات والمقاييس مبناهم ورى رجنسي اشوي منخش اهوو والحين قاعدين ينقلون لحق عليهم واذا ما لحقت مبناهم الجديد قدام القمومسيون الطبي الجديد حق الاجانب في بوهامور والله يعينك

[Index Signal]

انا نفسك اخوي اعاني من هذ الشيء
نتمنى من الاخوان انه يفيدنا

أتمنى مثلك و بإذن الله الشباب ما راح يقصرون

شاكر مرورك

[Index Signal]

في حل وحيد اذ عندك أحد يدرس بنفس بلد تصدير السياره
ممكن تسجل السيار بأسمه ومن ثم تنقلها بأسمك
اما غير هالحل ما اعتقدر راح يمشونك لان القانون صريح
بالتوفيق للجميع والله يكون بالعون

ياهلا فيك اخوي الاختصاصي نوّرت الموضوع بمشاركتك..

طيب لازم يكون يدرس..؟

يعني ما ينفع قطري عايش هناك وعنده بطاقه شخصيه من بلد التصدير يقدر من خلالها يقلب الموتر بإسمه هناك و بعدين يرجع الدوحه يحوله بإسمي..؟

بإنتظار ردّك الكريم يالغالي.

[Index Signal]

السلام عليكم

اخوي اول شي الله يعينك مالك امل الا بالواو لانه السيارات الصالون والفورويل لا زم يكون تاريخ الانتاج في البليته الى بالباب مسجل 2003 وطالع خمس سنين و تحت مثل ما قالولك الاخوان بس تحسبها من سنة الانتاج مب الملكيه
وفي حل ثاني انك اتسجلها بأ سم شخص يدرس اهناك بشرط ان لا تقل مدة دراسته عن سنتين ويكون منهي دراسته وراجع

والحل الثالث اتخليها بسم راعيها وتستعملها عادي مثل وايد شباب امسوينها

واذا تبي تستفسر اكثر اتصل او مر على الهيئه العامة القطرية للمواصفات والمقاييس مبناهم ورى رجنسي اشوي منخش اهوو والحين قاعدين ينقلون لحق عليهم واذا ما لحقت مبناهم الجديد قدام القمومسيون الطبي الجديد حق الاجانب في بوهامور والله يعينك


اخوي الجمارك حياك الله و إن شاء الله تكون اسم على مسمى يعني شغّال في الجمارك و أهل مكه أدرى بشعابها..

و اسمحلي أوجه لك نفس السؤال اللي طرحته على اخونا الاختصاصي و بإذن الله نلاقي عندكم إجابه و إذا ما حصلنا مافي غير اروح الهيئه مثل ما قلت و أسألهم عسى انهم يفيدوني..

شاكر مشاركتك الكريمه و بإنتظار ردّك.