أخواني وخواتي ممكن رايكم

[ماسة قطر]

الصراحة بنت عمي من البحرين وهي عندها محل تجهيز أفراح أهناك فأقترحت علي فتح محل لتجهيز الأفراح في قطر يكون فرع للمكتب ألي بالبحرين
وطبعا المكتب يختص في تجهيز الأفراح من ناحية الكوشة وتجهيز الطاولات وبطاقات الأفراح وشغلات ثانية ماعندي علم فيها وأعتقد خواتي العضوات عندهم فكرة عن هالشغلات أكثر مني
وبغيت رايكم في هالمشروع هل هو ناجح ولا لأ وخاصة أن هي راح تجيب الأغراض من البحرين والسعودية
وأبي مشاركة الأعضاء والعضوات كلهم وأبي الكل يبدي رايه في الموضوع لأن آرائكم تهمني كثير
تحياتي

[ريال قطري]

اختي اذا عندها افكار زينه واسعارها معقوله بتمشي
عندنا في قطر تجهيز الافراح والمطاعم هي الي ماشيه

بس يبيلها تسويق مثل الناس وحد يعرفها صح وخلاص

[alwahesh]

اختي العزيزه
انا بديت في التجاره من الصفر ومن اكثر من 25 سنه تقريبا وجربت كل انواع البزنز

وما انصح بتجارة تجهير الافراح الناس تدور الراحه وقاعات الافراح كثرت ورخصت

اعتقد وصلت اقل من 10000 لعدد 250 شخص اقول تقريبا ...قاصر ...زايد شوي

اما اذا عندج امكانيه تاجرين قاعه خاصه اكيد انتي ربحانه

وارد واقول اهم شي دراسة الجدوى للمشروع مثل تكلفة الشروع والقطع الاستهلاكيه الي تستخدم مرة او الي قابله للكسر والتلف وطبعا ستور او مخزن كبير واقل ايجار اليوم 30 الف ريال في الشهر واكثر واكيد كذا سياره نقل للتوصيل غير العمال ومولدات الكهربا وعمال لتنظيف المكان ...الخ الخ

انا اعتقد انج لو تتفقين بع بنات عمومتج في البحرين وكفايه عليج التصوير في الحفلات اعتقد اذا بحرينيه وفنانه في التصوير وحركات الكمبيوتر ما يقل اجرها عن 10000 ريال في الحفله الوحده مع هدايا خرابيط مثل البوم ناطق او مع موسيقى وشوية حركات نصب ..

وبالتوفيق

[ALRAYYAN]

اختي العزيزه
انا بديت في التجاره من الصفر ومن اكثر من 25 سنه تقريبا وجربت كل انواع البزنز

وما انصح بتجارة تجهير الافراح الناس تدور الراحه وقاعات الافراح كثرت ورخصت

اعتقد وصلت اقل من 10000 لعدد 250 شخص اقول تقريبا ...قاصر ...زايد شوي

اما اذا عندج امكانيه تاجرين قاعه خاصه اكيد انتي ربحانه

وارد واقول اهم شي دراسة الجدوى للمشروع مثل تكلفة الشروع والقطع الاستهلاكيه الي تستخدم مرة او الي قابله للكسر والتلف وطبعا ستور او مخزن كبير واقل ايجار اليوم 30 الف ريال في الشهر واكثر واكيد كذا سياره نقل للتوصيل غير العمال ومولدات الكهربا وعمال لتنظيف المكان ...الخ الخ

انا اعتقد انج لو تتفقين بع بنات عمومتج في البحرين وكفايه عليج التصوير في الحفلات اعتقد اذا بحرينيه وفنانه في التصوير وحركات الكمبيوتر ما يقل اجرها عن 10000 ريال في الحفله الوحده مع هدايا خرابيط مثل البوم ناطق او مع موسيقى وشوية حركات نصب:funny: :funny: :funny: ..

وبالتوفيق

حلوه ... ذبحتني من الضحك

ماعندي اي فكره اختي لكن اتمنالكم التوفيق يارب :)

[jajassim]

حلوه ... ذبحتني من الضحك

ماعندي اي فكره اختي لكن اتمنالكم التوفيق يارب :)


هههههههههههه

صريح أكثر من لازم ;)

[ماسة قطر]

الله يعطيكم العافية جميعا ومشكورين على ردودكم بس حبيت أوضح أن المشروع ألي أنا أقصده مب تجهيز أفلاراح مثل الخيم والكنبات
أنا قصدي تجهيز من حيث تجهيز قاعات الأفراح من كوشة وتنظيم طاولات ودي جي وتصوير وحركتات تجهيز القاعات بالاضافة الى بطاقات الأفراح وخاصة أن الأسعار في السعودية والبحرين وايد أقل يعني بالعربي راح أتكون الأسعار أرخص من باقي المكاتب ألي مثلنا