كراج شغله نظيف [الأرشيف] - منتديات شبكة الأسهم القطرية

مشاهدة النسخة كاملة : كراج شغله نظيف

الفراشه

25-04-2007, 09:46 PM

بغيت أسألكم اذا اتعرفون كراج شغله نظيف وامين
لان السياره اتسرب غاز المكيف ووديناها كذا كراج مافي فايده أول يوم المكيف من احسن مايكون وثاني يوم المكيف من الحراره تقولون مشغلين دفااااااااايه
فياريت اللى يعرف كراج شغله مضبوط حق المكيف يدلني عليه وله جزيل الشكر

الـخـور

25-04-2007, 10:07 PM

شنوع موترك اخوي ؟

rashid-1

25-04-2007, 10:12 PM

لمت داون111

25-04-2007, 10:26 PM

الســلام عليــكم

الساري لكهرباء السيارات في فريج بن محمود

تليفون المحل 4434846 والجوال 5419202

شغله نظيف جدا

هو باكستاني

وشغله زين حق السيارات اللي فيها إلكترونيات مثل الكزس وغيره

وأدعي لي بالجنه
جزاك الله خير اخوي بالضبط هذا الكهربائي الي كنت داخل وباكتب عنه والله !!

وعشان ادليج عليه عدل اختي

شووفي وانتي جايه من نفق المناعي ورايحه علي جسر الجيده

شفتي السوق الصغير الي فيه كوفي الخيام ؟؟ ادخلي اللفه الي قبل هالسوق هذا الطريق يوديج لداخل بن محمود

بتجيج اشارات صغيره في ويهج روحي سيده اول ماتطوفين الاشاره بكم متر خلج مركزه علي اسامي المحلات علي اليسار وبتحصلين كهربائي الساري

بس حطي في بالج انه السياره بتم عنده اقل شي ساعتين ولا ثلاث ( علي حسب الزحمه )

يعني خلي الدريول يودي السياره احسن :nice: واذا عنده زحمه زياده خليه وروحي حق المحل الي مقابله اسمه كهربائي ابراهيم بنات .. فيه ايراني مادري باكستاني متين شوي بعد هذا شاطر في هالسوالف

للعلم تخصص هالمحلات بالاغلب حق السيارات اليابانيه والامريكيه واذا عندج الماني روحي كراج بووش الي بالصناعيه

وبالتوفيق :)

alwahesh

25-04-2007, 11:30 PM

اختي الفراشه
اول شي وش نوع السياره وكم موديلها لان اذا كانت جديده يعني الى اقل من 5 سنوات احتمال يكون عليها ضمان

وثاني شي التهريب من وين اذا الثلاجه ( مثل مايسمونها) الي في الطبلون او في لكمبريسر
اختي لا تضيعين فلوسج على الفاضي غيري القطع من الوكاله وفكي عمرج لانج لو حسبتي الفلوس الي تصرفينها من كراج الى كراج اعتقد لو صلحتيه في الوكاله ممكن ارخص حتى لو كانت سيارتج بورش او لمبرقيني او فراري

انا اقدر افيدج وافيد الاخوان بس لازم اعرف السياره وموديلها وسبب التهريب
وعلى فكره انا صلحت مكيف ابو عيون عند الساري بس للاسف اخترب المكيف بعد يومين وطبعا بدا معاي ب 200 ريال وانتهينا على 2200 ريال

الفراشه

26-04-2007, 11:47 PM

اشكر كل اللى ردوا علي يعطيكم ألف ألف عاااااااااااااااااااااااااافيه والله

والسياره هي كيا موديل 2003 صج قديمه بس حق مشاوير الدريول والطلعات القريبه زينه :d
والتسريب من الكمبريسر على ما أعتقد

والكراجات اللى قلتوا عنها اتصلح هالنوع من السيارات ولا متخصصه حق سيارات معينه

ومشكورين وماقصرتوا والله

الهيل

27-04-2007, 12:43 AM

احسن شي الوكالة .. وكيا اصلا قطع غيارها رخيصه لذالك لاتصلحينها غير في الوكاله
عشان تحصلين ضمان على شغلهم

سلطان قطر

27-04-2007, 02:24 AM

في كراج بشار الكراجات بمنطقة بن محمود

اسالي اي كراج عنه وهو كراج ابراهيم بنات

الكراج اختصاص في تصليح المكيفات لجميع السيارات

عتيج الصوف

27-04-2007, 02:28 AM

اذا بغيتي اختي رأي ,,,الافضل الوكالة وخاصة مع مشكلة مثل المكيف وهم ادرى بمشاكل السيارة وخاصة اذا كان فيها تسريب من داخل البيبات والله يوفقك

الحلال فقط

27-04-2007, 10:41 AM

في محل عند جسر الجيدة قريب الركن الرياضي باتجاه نفق المناعي
بعد الركن الرياضي بـ 100 متر تقريبا قبل الدخلة اللي على اليمين

qatar900

27-04-2007, 03:37 PM

تبيى كراج نظيف و سريع كراج القدس اعتقد اسمه او الاهلى جنب الجيده نفس الشارع والله كراج ممتاز واذا تبيى رقمهم 4600203

BU_7MD

27-04-2007, 04:59 PM

ماشاء الله عليكم شباب كفيتوا ووفيتوا لكن حيرتوا البنيه
الحين عندها تقريبا 5 خيارات
الوكاله
الساري
القدس
ابراهيم بنات
وبشار
وبالتوفيق
انا عني بختار الوكاله
لانه مثل ماقول اخوانا يعطونج ضمان
واذا رجع اخترب مره ثانيه يصلحونه لج ببلاش

الفراشه

28-04-2007, 12:24 AM

مشكورررررررررررررين كلكم والله
وصج حيرتوني
بشوف من من الكراجات بيعطيني ضمان على شغله واذا محد عطاني مردي على الشركه
يعطيكم ألف عاااااااااااافيه ماقصرتوا والله

alwahesh

28-04-2007, 12:54 AM

اختي الفراشه

المثل يقول اسأل مجرب ولا تسأل طبيب

انا نصحتج مره وبرد انصح مره ثانيه واقول بحكم ان عندي كيا كرنفال 2004 واصلح بالوكالة دايما
بص ما انصح لا مشكلتج سهله الكمبريسور اذا فيه تهريب ما يتصلح وبس يترقع يعني يتصلح شهر او شهرين وترد نفس المشكله
الكمبرسور يكلف 1200 ريال اخيه من الوكالة وركبيه عند الساري او ابو بنات او كهربائي خالد شارع المطار التجاري اذا كنتي من المطار وريحي بالج

لو حتي الوكاله يقولون لج التكلفه الف وبعد الفك يوقولون غيري الصمام والبيبات والثلاجه والاصوانه ما اعرف سي سمونها والمراوح الخ الخ وكلفتنتي حول 5500 ريال

وبــــــــــــــــــــــــــــــــــــــــــــــــ ـــــــراحتج يا فراشـــــــــــــــــــــــــــــــــــــــــ ــــه