هل يجب على الزوجه اعلام الزوج اذا ما قامت بالاشتراك في احد المنتديات

[مليت]

اول مشاركه بعد مدت البوووز
دعوه للنقاش

السلام عليكم ورحمة الله وبركاته

اخواني / اخواتي

الرجاء المشاركه الجاده في هذا الموضوع

هل يجب على الزوجه اعلام الزوج اذا ما قامت بالاشتراك في احد المنتديات....قد يعتبر البعض

ان السؤال سخيف ويتعارض مع حقوق المراه ...ولكني اسال من منطلق انه قد يكون الزوج

من النوع الغيور وذلك لان المراه تشترك في الراي مع الرجال او قد يكون للموضوع نظرة

دينيه لا اعلمها ....

في انتظار ردودكم ...تقبلوا فائق الاحترام

شوية صراحه لو سمحتووو وسؤال واضح

وياليت الاجابه تكون مثل السؤال في الوضوح

[ضوى]

اخوي مليت

سؤالك جرئ ومحرج بنفس الوقت بس باحاول اجاوب قدر الامكان :)


بالنسبة لي زوجي يدري اني مشتركة بهالمنتدى ووايد حاب المنتدى هو بس متابع مش مشترك ، واحيانا يشوف مواضيعي ويزعل ويقول لي اشوف الموضوع انقلب شات بينج وبينهم ، بكل جد انحرج بس اقوله شوف ردودي انا اشعليك من كلامهم ، يقول لي شوي شوي بيصير الكلام اهين من جذي ويبتدون يقطون كلام عشان يصير الشات اكثر واكثر يعني يحاولون يمطون الكلام ويطولون السالفة وهي قصيرة ، كلامه بكل صراحة مقنع لذلك تشوفني ارد ببساطة من غير ما يكون في مجال للاخذ والرد ، الا الامور اللي تستفزني مااقدر اسكت عنها مثل زواج المسيار والمسفار وغيره وغيره :anger2:

وبكل صراحة لو طلب مني اترك المنتدى والغي اشتركي راح اطيعه بس هو للحين ما عصب علي ، :D

واتمنى انه الكل يلتزم بادب الحوار والتعليق والرد والمناقشة

الف شكر يا مليت crazy

[مليت]

اختي العزيزه دام ربي عليكم الثقه واقوله لو يشوف مشاركتي الحين ونعم الزوجه ادب وخلاق
وعسى ربي يوفقكم

واشكر فيج شجاعتج وبيض الله وجهج

ملاحظه (اتمنى من بعض الاخوان يقدرون الوضع )

واتمنى من الجميع المشاركة

[غزلان]

السؤال للمتزوجات لكن بجاوب:rolleyes:

ما افضل ان تكون هناك أسرار بين الأزواج ومنها الأشتراك في منتدى فرأي تبيلغ الزوج لأنه من حقه ان يعرف خاصه ان المنتديات مختلطه والرد على الموضيع قد يجعلها تشارك الشباب في الرأي.. ام انا اذا تزوجت اول شي بقطع المشاركه في المنتديات :)


شكرا

[مليت]

السؤال للمتزوجات لكن بجاوب:rolleyes:

ما افضل ان تكون هناك أسرار بين الأزواج ومنها الأشتراك في منتدى فرأي تبيلغ الزوج لأنه من حقه ان يعرف خاصه ان المنتديات مختلطه والرد على الموضيع قد يجعلها تشارك الشباب في الرأي.. ام انا اذا تزوجت اول شي بقطع المشاركه في المنتديات :)


شكرا

رايج نحترمه والحين الي يحبونج بيقولون يارب ما تزوجين عشان ما تقطعين :app:

:nice: الله يوفقج

محد مفتك من السؤال الا المطلقات والارامل والعنس :app:

[دلة الرسلان]

ياهلا مليت عودا حميدا ..... بصراحة كبيرة انا كنت مشتركة باسم زوجي وكنت محرجة من الرد بأسمه على بعض المواضيع لانها لاتناسب شخصيتهomen واخذت الاذن منه ان اكتب بأسمي الخاص.
لان هناك مواضيع اعتقد علينا دور في توضيحها وزوجي وابنتي هم اول من يطلع على مشاركاتي. ومثل ما قالت ضوى لو طلب زوجي مني عدم الاشتراك ما فيه مشكله وكانه العيد:eek3: وهني تقعد حقوق المرأة على جنب:p

[ROSE]

ماافضل ان الزوجة تخفي على زوجها امر مثل انتسابها في اي منتدى

اعتقد لو كانوا متفاهمين وواثقين من بعض عليها انه تخبره افضل

تفاديا للمشاكل واطلاعه على كل ماهو مستجد

وبالعكس اشوف المشاركة في هالامور تكون حلوه

مابين الزوج والزوجة لاثراء معلوماتهم

اشكرك على طرحك اخوي ميلت وخاصة بعد مدت البوز :d

[عزوز المضارب]

طبعا لازم :court: :court:

[مليت]

ياهلا مليت عودا حميدا ..... بصراحة كبيرة انا كنت مشتركة باسم زوجي وكنت محرجة من الرد بأسمه على بعض المواضيع لانها لاتناسب شخصيتهomen واخذت الاذن منه ان اكتب بأسمي الخاص.
لان هناك مواضيع اعتقد علينا دور في توضيحها وزوجي وابنتي هم اول من يطلع على مشاركاتي. ومثل ما قالت ضوى لو طلب زوجي مني عدم الاشتراك ما فيه مشكله وكانه العيد:eek3: وهني تقعد حقوق المرأة على جنب:p

تبين الصج ولو البنت تشترك بسم شاب اقصد المتزوجه احسن لها مع احترامي للجميع

وتسلمين اختي على الترحيب

[مليت]

طبعا لازم :court: :court:
تهقى بيرضا انها تشترك؟

[عزوز المضارب]

تهقى بيرضا انها تشترك؟


طبعا في حاله اخوي بس اول شيء تخلص شغل البيت من غسيل وطبخ وتنظيف وتشوف زوجها واولادها ومطالبهم
اعتقد بعد هذا كله هي نفسها ما راح تفكر تشترك لانه بتكون مهدوده من شغل البيت وخلافه :eek2:

[ضوى]

طبعا في حاله اخوي بس اول شيء تخلص شغل البيت من غسيل وطبخ وتنظيف وتشوف زوجها واولادها ومطالبهم
اعتقد بعد هذا كله هي نفسها ما راح تفكر تشترك لانه بتكون مهدوده من شغل البيت وخلافه :eek2:


اخوي عزوز

انا مو معاك بهالنقطة

انا اتعب واشتغل وينهد حيلي بره وداخل البيت بس احس المنتدى متنفس لي ، اشوف الجديد اعرف الاخبار ، لانه ما اعرفها الا عن طريق النت لذلك احسه متنفس لي بعد التعب :o

[مليت]

طبعا في حاله اخوي بس اول شيء تخلص شغل البيت من غسيل وطبخ وتنظيف وتشوف زوجها واولادها ومطالبهم
اعتقد بعد هذا كله هي نفسها ما راح تفكر تشترك لانه بتكون مهدوده من شغل البيت وخلافه :eek2:
اقترح تشتغل في وزارة الخارجية :D صج انك دبلوماسي يعني لا بس بطريقه حلوه :dance

[مليت]

اخوي عزوز

انا مو معاك بهالنقطة

انا اتعب واشتغل وينهد حيلي بره وداخل البيت بس احس المنتدى متنفس لي ، اشوف الجديد اعرف الاخبار ، لانه ما اعرفها الا عن طريق النت لذلك احسه متنفس لي بعد التعب :o

اختي ضوى ما يمنع ذالك انك تشوفين حاجة الزوج والمنزل قبل كل شي :nice:

[ضوى]

اختي ضوى ما يمنع ذالك انك تشوفين حاجة الزوج والمنزل قبل كل شي :nice:


صدقني يا مليت

هو لو يحس اني مقصرة بشئ صغير بياخذها علي مأخذ وبيعايرني فيها ، بس لانه مب شايف عليه قاصر باي شئ بحياته ولا ببيته ولا بعياله لذلك هو مقدر اني محتاجة لهذا المتنفس يوميا :o

[مليت]

صدقني يا مليت

هو لو يحس اني مقصرة بشئ صغير بياخذها علي مأخذ وبيعايرني فيها ، بس لانه مب شايف عليه قاصر باي شئ بحياته ولا ببيته ولا بعياله لذلك هو مقدر اني محتاجة لهذا المتنفس يوميا :o
ما ودي استغل صراحتج وادخل في الخصوصياتج لكن ترا الريايل ما يعجبهم العجب :deal:

[ضوى]

ما ودي استغل صراحتج وادخل في الخصوصياتج لكن ترا الريايل ما يعجبهم العجب :deal:


اييييييييييييييييييييييييييييييييييييييييييه وهذا باعترافه هو:deal:


تدري ليش احسه متنفس هالمنتدى يا مليت ؟؟؟ لانك ما تعرفني ولا انا اعرفك ، يعني لما اتكلم وانت تتكلم تحس براحة لانه تتكلم عن شخصية غامضة مبهمة للجميع عدا نفسك طبعا ، تظل الخصوصيات لها مكانها بس بشكل عام حلوة المناقشة تعرفك على شخصيات الناس وطريقة تفكيرهم :o

[مليت]

اييييييييييييييييييييييييييييييييييييييييييه وهذا باعترافه هو:deal:


تدري ليش احسه متنفس هالمنتدى يا مليت ؟؟؟ لانك ما تعرفني ولا انا اعرفك ، يعني لما اتكلم وانت تتكلم تحس براحة لانه تتكلم عن شخصية غامضة مبهمة للجميع عدا نفسك طبعا ، تظل الخصوصيات لها مكانها بس بشكل عام حلوة المناقشة تعرفك على شخصيات الناس وطريقة تفكيرهم :o

صحيح اختي وعلى فكره يمكن بلغلط تكتبين لشخص او تردين عليه ويطلع ولد عمج ولا اخوج شي طبيعي ترا :dance

بس الحلو في الموضوع مثل ما قلتي عدم التقيد والنطلاق بكل حريه في الطرح والافكار الهادفه

[دلة الرسلان]

تبين الصج ولو البنت تشترك بسم شاب اقصد المتزوجه احسن لها مع احترامي للجميع

وتسلمين اختي على الترحيب
اخي الكريم ... اختلف معك لانهن كلهن نساء ماترفضه للانسة ترفضه للمتزوجة يجب ان يكون المعيار واحد :confused: .
انا شخصيا لااسمح لابنتي المراهقة ان تشارك في النت ,لانني اخاف عليها لصغر سنها وكذلك اعترض على مشاركة الانسان رجل او امرأة في النت لغرض سيء ,اولا واخيرا يجب ان يتقي الله فيما يطرح .

[مليت]

اخي الكريم ... اختلف معك لانهن كلهن نساء ماترفضه للانسة ترفضه للمتزوجة يجب ان يكون المعيار واحد :confused: .
انا شخصيا لااسمح لابنتي المراهقة ان تشارك في النت ,لانني اخاف عليها لصغر سنها وكذلك اعترض على مشاركة الانسان رجل او امرأة في النت لغرض سيء ,اولا واخيرا يجب ان يتقي الله فيما يطرح .

اختي صحيح كلامج بس انا قلت ان الافضل لها تكتب بسم رجل ان كانت متزوجه حتا لا ينهار المنزل كله على راسها بسبب رساله خاصه من مراهق لا ذنب لها في محتوى الرساله

[قمر الزمان]

لازم الزوج يعرف وبالنهاي اكيد في ثقة .. بس لكل شي حدود اكيد زي ما كمان للرجال حدود :court:

[مليت]

لازم الزوج يعرف وبالنهاي اكيد في ثقة .. بس لكل شي حدود اكيد زي ما كمان للرجال حدود :court:

ماهي الثقه الي تتوقعونها طيب لو كان هو الي في المنتدى وش رد الفعل ؟؟؟

وخاصه لما يكتب موضوع وهات يا رد شي بصوره وشي بدون صوره؟

[ANONYMOUS]

يعتمد على نوع المنتدى

:)

[مليت]

يعتمد على نوع المنتدى

:)

كلامك 100%

[Bin Hood]

مراحب مليت

موضوعك وايد حلو

عن نفسي اشوف لازم ان الزوجة تخبر زوجه

وبالنسبة حق مشاركاتها لازم تحاسب في الحالتين متزوجة والا غير متزوجة

[شاهيناز]

المفروض تقوله

مب حلوه تخش عليه شي

يعني اذا خشت عليه

هذا معناه انها تخاف

والانسان مايخاف الا اذا سوى شئ خطئ

تعلمه وتخليه بعد يقرى ويعلق على مشاركاتها

اما اذا رفض هذا شئ ثاني

يعني تحاول تقنعه

اذا ماوافق لاحول ولا قوه ماتخرب بيتها عشان منتدى

[بويوسف]

طبعا لازم تقول له .. وتستاذن منه بعد .. ولكن دائما هناك مكان للخصوصيات وهو في حالة وجودها في منتدى نسائي او حتى الايميل الخاص او الرسايل اللي بينها وبين صديقاتها. وفي اعتقادي هناك من لايمانع بمشاركة زوجته وهناك من يمانع وهذا ماله دخل في الثقة ولكن حسب طبيعة كل شخص

[حنان الدنيا]

المفروض كل طرف يقول للثاني
يعني مثل الزوجه تقول حق زوجهاااا الزوج بعد المفروض يقول لزوجته

وبعدين على حسب المنتدى ويعتمد على الثقه واهم شئ محد يسوي شئ غلط

:)

[PoBox]

مب لازم تقوله على كل منتدى
في منتديات لو جاك لنك منها لازم تشترك عشان تفتحه

وهذا يحتم عليها تشارك في 100 منتدى:eek2:

بشكل عام
مب لازم تقوله :)

بس لو سالها
لازم تجاوب :deal:

[المخباط]

انا وزوجي ندخل بنفس الاسم وبريدنا واحد يعني ما فية مجال للخرابيط وضياع الوقت واول مرة ادخل منتدى بتشجيع من زوجي بالعكس بعد اخواني موجودين بالمنتدى اللي عن طريقة اعرف اعلوم الديرة والحمدللة المنتدى مستواة راقي انشاللة دوم:)

[مليت]

انا وزوجي ندخل بنفس الاسم وبريدنا واحد يعني ما فية مجال للخرابيط وضياع الوقت واول مرة ادخل منتدى بتشجيع من زوجي بالعكس بعد اخواني موجودين بالمنتدى اللي عن طريقة اعرف اعلوم الديرة والحمدللة المنتدى مستواة راقي انشاللة دوم:)


من الي يكتب الحين انتي ولا زوجج:nice:

ثقه غاليه واكيد تستاهلينها والله لا يحرمكم من بعض

[نورة1981]

الصراحة شي مطلوب بين الزوجين

[لمت داون111]

انا مع اختي شاهيناز بالرد

لو خشت عليه معناه انها تحس الي تسويه غلطcrazy

وافضل حل المصارحه بين الزوجين:app:

يعطيك العافيه اخووي مليت :)

[التيما]

اقوله اني اكتب في منتدى ؟؟؟ هههههههههههههه ليش صارت المنتديات من قضايا الامه ؟؟؟ اللي بيته من زجاج لا يحذف الناس بالطوب لانه اكيد يدش منتدى واذا مب راضي معناته انه يدش ويخربط من وراي ... اسفه ماراح اقوله لو كنت متزوجه طبعا .. مو لاني خاشه شي لا .. بس لانه مو ذاك الاهميه اللي يستاهل اقوله عليه .. واللي ما يبوق ما يخاف .. اصلا انا النك مخزن مع الباسوورد لاني من النوع النسايه يعني اي حد يدش من الاب توب على الموقع بيدش من النك التيما وهاي معناته ماعندي شي اخشه وانا اخواني واخواتي يدشون المنتدى ويردون علي مرات ونتهاوش في المنتدى ونكمل نقاش في البيت فليش الاخ عادي عنده والريل لا .. عقده نقص في الرجل .. الحمد لله ماعندي ريل

[لمت داون111]

اقوله اني اكتب في منتدى ؟؟؟ هههههههههههههه ليش صارت المنتديات من قضايا الامه ؟؟؟ اللي بيته من زجاج لا يحذف الناس بالطوب لانه اكيد يدش منتدى واذا مب راضي معناته انه يدش ويخربط من وراي ... اسفه ماراح اقوله لو كنت متزوجه طبعا .. مو لاني خاشه شي لا .. بس لانه مو ذاك الاهميه اللي يستاهل اقوله عليه .. واللي ما يبوق ما يخاف .. اصلا انا النك مخزن مع الباسوورد لاني من النوع النسايه يعني اي حد يدش من الاب توب على الموقع بيدش من النك التيما وهاي معناته ماعندي شي اخشه وانا اخواني واخواتي يدشون المنتدى ويردون علي مرات ونتهاوش في المنتدى ونكمل نقاش في البيت فليش الاخ عادي عنده والريل لا .. عقده نقص في الرجل .. الحمد لله ماعندي ريل
:eek2: :eek2: :eek2: :eek2:

[مليت]

اقوله اني اكتب في منتدى ؟؟؟ هههههههههههههه ليش صارت المنتديات من قضايا الامه ؟؟؟ اللي بيته من زجاج لا يحذف الناس بالطوب لانه اكيد يدش منتدى واذا مب راضي معناته انه يدش ويخربط من وراي ... اسفه ماراح اقوله لو كنت متزوجه طبعا .. مو لاني خاشه شي لا .. بس لانه مو ذاك الاهميه اللي يستاهل اقوله عليه .. واللي ما يبوق ما يخاف .. اصلا انا النك مخزن مع الباسوورد لاني من النوع النسايه يعني اي حد يدش من الاب توب على الموقع بيدش من النك التيما وهاي معناته ماعندي شي اخشه وانا اخواني واخواتي يدشون المنتدى ويردون علي مرات ونتهاوش في المنتدى ونكمل نقاش في البيت فليش الاخ عادي عنده والريل لا .. عقده نقص في الرجل .. الحمد لله ماعندي ريل

:con2:
طيب لو سويتي فرمات بيروح الباسورد :dance

[الزاجل]

اللحين الوحدة لما تقرا كتاب لازم تستئذن من زوجها ؟

هو دام انه سمح لها باستخدام النت لابد انها
بيعجبها منتدى من المنتديات وبتشترك فيه ..

فما يصيركل ما اشتركت في منتدى
توقف عنده وتقول له
عندي موضوع مهم وابي موافقتك

اليوم اشتركت من غير اذنك في المنتدى الفلاني
اشرايك موافق والا لا ؟!!

اهم شي الوحدة لو شاركت تشارك باحترام
حتى الغشمرة تكون باحترام ..

مرات البعض يفهم من الغشمرة انها مغازل
بينما هناك من يستوعب روح المرح والغشمرة ..

تشترك في المواضيع جدام الناس والكل يطلع عليه
ولا تستغل الرسايل الخاصة لأمور ثانية ..

بصراحة
يبي لنا سنيييييييييييييييييييين ليما نستوعب شي اسمه
مشاركة المرأة للرجال .. بعيد عن الشك والغيرة والقيل والقال
وخاصة لو كانت المرأة محترمة نفسها ..

فاتفق مع بو البكاسينج
مب شرط تقول له ولكن مهم جدا اذا سألها اتجاوب
وما اتخش عنه ..

[مليت]

الزاجل

:con2: انت دمقراطي صح

[الزاجل]

الزاجل

:con2: انت دمقراطي صح
ما ادري .. اشرايك انت ؟:con2:

[PoBox]

اقوله اني اكتب في منتدى ؟؟؟ هههههههههههههه ليش صارت المنتديات من قضايا الامه ؟؟؟ اللي بيته من زجاج لا يحذف الناس بالطوب لانه اكيد يدش منتدى واذا مب راضي معناته انه يدش ويخربط من وراي ... اسفه ماراح اقوله لو كنت متزوجه طبعا .. مو لاني خاشه شي لا .. بس لانه مو ذاك الاهميه اللي يستاهل اقوله عليه .. واللي ما يبوق ما يخاف .. اصلا انا النك مخزن مع الباسوورد لاني من النوع النسايه يعني اي حد يدش من الاب توب على الموقع بيدش من النك التيما وهاي معناته ماعندي شي اخشه وانا اخواني واخواتي يدشون المنتدى ويردون علي مرات ونتهاوش في المنتدى ونكمل نقاش في البيت فليش الاخ عادي عنده والريل لا .. عقده نقص في الرجل .. الحمد لله ماعندي ريل

لاحول ولا قوة إلا بالله
من متى ماعندك رجل ؟؟

وشلون تمشين بعكاز؟؟
ولا على كرسي كهربائي !!

الحمد لله على كل حال
والحمد لله على نعمة المشي والصحة








مايحب يستهبل كلش خخخخخخخخخ
:D :D :D

[سهم طايش]

المفروض المنتديات تحط في قوانينها يجب موافقه الزوج او ولي الامر لاتمام عمليه التسجيل !!

اذا الزوجه مشتركه في 7 منتديات هل تقول حق زوجها قبل التسجيل في كل منتدى ؟؟

اهم شي الثقه بين الزوج و الزوجه

و الزوجه لو حبت تخربط و تلعب ما راح يصيدها زوجها سواء في المنتديات او خارج المنتديات 0

الثقه المتبادله هي المفروض تكون بين الزوجين

[الزاجل]

المفروض المنتديات تحط في قوانينها يجب موافقه الزوج او ولي الامر لاتمام عمليه التسجيل !!

اذا الزوجه مشتركه في 7 منتديات هل تقول حق زوجها قبل التسجيل في كل منتدى ؟؟

اهم شي الثقه بين الزوج و الزوجه

و الزوجه لو حبت تخربط و تلعب ما راح يصيدها زوجها سواء في المنتديات او خارج المنتديات 0

الثقه المتبادله هي المفروض تكون بين الزوجين
حكم ودرر :nice:

[الزاجل]

لاحول ولا قوة إلا بالله
من متى ماعندك رجل ؟؟

وشلون تمشين بعكاز؟؟
ولا على كرسي كهربائي !!

الحمد لله على كل حال
والحمد لله على نعمة المشي والصحة

مايحب يستهبل كلش خخخخخخخخخ:D :D :D

لا تقلب عليها المواجع
يكفي انها نست الايام اللي راحت
وعايشة من غير ريل :looking:

[مليت]

ننتظر المزيد من المشاركات

[إنتعاش]

موضوع جميل . .


اعتقد انه من البديهي بين الزوجين ومن باب الشفافيه فيما بينهم

ان الزوجة تعرف اهتمامات زوجها وين في الانترنت من باب المشاركة بالشيء

وكذلك الزوج يعني ما فيها شي دامه منتدى والكل يقرا اللي ينكتب فيه فما اعتقد

انه فيها اي شي

وطبعا تختلف النظرة من منتدى إلى اخر

والحمدلله نحرص في منتدانا على إيجاد جو صحي بين الجميع

لعلمنا مسبقا ً بمثل هذه النقاط

اعرف شخصيا اخوان افاضل يشاركون لدينا وزوجاتهم ايضا بل وحتى بناتهم واولادهم

يعني زي البيت الواحد لذلك هذا يشكل مسؤولية كبيرة على الطاقم الاداري في

المحافظة على رونق جميل عائلي اخوي ودي بين الجميع .

وذلك طبعا ً يكون بتظافر الجهود ما بين الادارة وما بين الاعضاء والمشاركين .

يعطيكم العافيه وان شاءالله ان منتدانا يكون عند حسن ظن الجميع :)

[التيما]

لاحول ولا قوة إلا بالله
من متى ماعندك رجل ؟؟

وشلون تمشين بعكاز؟؟
ولا على كرسي كهربائي !!

الحمد لله على كل حال
والحمد لله على نعمة المشي والصحة


مايحب يستهبل كلش خخخخخخخخخ
:D :D :D
انشاء الله عدوووويني crazy

[التيما]

لا تقلب عليها المواجع
يكفي انها نست الايام اللي راحت
وعايشة من غير ريل :looking:
:con2: :con2:

[حورية البحر]

زوووووجي احبة بالمستقبل يكون مثل صديقي اقولة كلشي واتمناه مايكون الا كلشي عادي
ومثلي واحب اقولة من الحييين انة اهو الحبيب واهو كل شي بالنسبة لي ولايهزة اي شي
ولة كل تقديري واحترامي من خلفة ومن امامة في غيابة وفي حضورة فانا والله وفيه له لأ بعد الحدود ومشاركاتي بالمنتديات ماهي الا للاخذ ووالعطا والاطلاع والاستفادة

[الزاجل]

:con2: :con2:
:con2: :D :con2: