السجل التجاري [الأرشيف] - منتديات شبكة الأسهم القطرية

مشاهدة النسخة كاملة : السجل التجاري

رحال الدوحه

29-04-2007, 07:42 PM

http://www.q4up.com/uploads/ef540f11a8.gif

اخواني وأخواتي ..

يشرفني أقدم لكم خدمة إستخراج السجل التجاري من وزارة الاقتصاد والتجاره في قطر وجميع التراخيص اللازمه من الإدارات المعنيه لأنشطتكم ( سجل تجاري كامل )
( حسب القوانين والأنظمه واللوائح القطريه ) .

* سجل تجاري جديد
* تجديد السجل التجاري
* تجديد رخصة البلديه

إستفسارات عن السجل التجاري أو الأنشطه التجاريه ( يشرفني أخدمكم )
واللي حاب منكم يراسلني على الخاص أو على الإيميل

rahaldoha@yahoo.com

تحياتي للجميع : رحال الدوحه

المارونـــي

29-04-2007, 11:31 PM

الله يجزيك خير يارحال وبيض الله وجهك
ومشكور على الجهود المبذوله
والله يعطيك العافيه

ولد البلاد

29-04-2007, 11:46 PM

الله يرحم والديك
ويجعله في ميزان حسناتك

relaax

30-04-2007, 12:08 AM

عندي استفسار

صحيح اذا بغيت اضيف نشاط ف السجل ادفع ع الانشطه القديمه و الجديده حتى لو السجل ما انتهى ؟؟؟؟

شيطونة

30-04-2007, 06:50 AM

كم قيمة الرخص رخصة هذي في السنة
المقاولات العامة
وشركة التنظيفات
وتجارة في مواد البناء
وصيانة المباني
مكتب عقارات
واستيرات الشاحنات
وتخليص المعاملات
والجوالات
تاجير السيارات
تاجير الدراجات
معرض سيارات

شاكرة لك تعاونك

رحال الدوحه

01-05-2007, 05:48 PM

أخوي " المارونـــي "

بارك الله فيك يالغالي
وأشكرك على مرورك العطر اللي اسعدني ويرحم والديك وما قصرت ..

لا خــلى ولا عـــدم

رحال الدوحه

01-05-2007, 05:50 PM

أخوي " ولد البلاد "
هلا ومرحبا بك وتسلم وتشكر يالغالي على مرورك والدعاء الطيب ويرحم والديك وما قصرت
يشرفني أخدمكم كلكم

يعطيك العافيه وعساك عالقوه

لا خــلى ولا عـــدم

رحال الدوحه

01-05-2007, 05:52 PM

أخوي " relaax "
تسلم وتشكر على مرورك يالطيب ، وبخصوص إستفسارك راح أرجع لك بكره بإذن الله وأجاوبك ..

يعطيك العافيه وما قصرت جزاك الله خير

رحال الدوحه

01-05-2007, 05:54 PM

إختي " شيطونة "

تسلمين وتشكرين على المرور اللي أسعدني والله يقدرني وأخدمكم ، وبخصوص الأنشطه راح أرجع لج وأعطيج اسعار الأنشطه اللي ذكرتيهاا

يعطيج العافيه وعساج عالقووه

المخلب

01-05-2007, 07:42 PM

اخوي لو بغيت سجل تجاري ( مع اني ما املك محل حتى الان ! ) لكن ابيه لشركه مطابخ !

بكم أطلعه ؟

وكم كل سنه ادفع ؟

M O 7 A M M E D

01-05-2007, 10:56 PM

جزاك الله كل خير ..

:)

المخلب

02-05-2007, 11:52 AM

اخوي مارديت علينا ؟؟ ؟

نبي نعرف كم سعر السجل التجاري لمشروع مطابخ المنيوم ؟

رحال الدوحه

02-05-2007, 04:07 PM

تسلم وتشكر أخوي ( المخلب ) على إستفسارك الطيب
أول شئ أنا ما أطلع السجل التجاري بدون محل حسب قانون وزارة البلديه ..
الرسوم تقريبيه لأنك ما حددت بخصوص الألمنيوم هل هي " صناعه " ولا " تركيب " .. يعني تختلف الرسوم في السجل التجاري ..؟؟
5000 ريال للنشاط : سنوياً
2020 رخصة البلديه : سنتين
560 غرفة تجارة قطر : سنوياً

أتمنى قدرت أفيدك أخوي

رحال الدوحه

02-05-2007, 04:09 PM

ويجازيك كل خير أخوي الغالي " M O 7 A M M E D "

أسعدني مرور ك العطر
لا خـــلى ولا عـــدم

رحال الدوحه

02-05-2007, 04:33 PM

إختي العزيزه " شـــيطونة " ربي يسلمج دوووم
والأسعار اللي طلبتيهاا مني :

المقاولات العامة : تختلف الرسوم حسب رأس المال

( 3000 و 4000 و 5000 ) ريال سنوياً لإدارة السجل التجاري .

وشركة التنظيفات : ( 1000 ) ريال سنوياً

وتجارة في مواد البناء : ( 1000 ) ريال سنوياً

وصيانة المباني : تندرج تحت المقاولات

مكتب عقارات : ( 1000 ) ريال سنوياً

واستيرات الشاحنات : المستعمله ( 3000 ) ريال

وإذا كانت جديده ( 5000 ) ريال كنشاط تجاري في السجل

وتخليص المعاملات : ( 500 ) ريال سنوياً

والجوالات : ؟؟؟

تاجير السيارات : ( 500 ) ريال سنوياً

تاجير الدراجات : ( 500 ) ريال سنوياً

معرض سيارات : ( 3000 ) ريال سنوياً

بالإضافه إلى رسوم البلديه ( رخصه ) تقريباً 2020 ريال عن سنتين

ورسوم اللوحه ( .. ) ؟؟ و 560 ريال لغرفة تجارة قطر عن كل سنه .

أتمنى أني قدرت أفيدج إختي " شيطونة "

وربي يوفقج دوووم

رحال الدوحه

المخلب

02-05-2007, 06:04 PM

السلام عليكم

اخوي تسلم على الرد ..

بس بتعبك وياي يالغالي :shy:

شوف طال عمرك .. المحل للحين محتارين وين ناخذه ! <<< مب هم !

عند عمي محل ! ( مطلعله سجل تجاري وخالص ! ) لكن اعماله مختصه في الابواب الخشبيه وماشابه ! ..

فهل اقدر اطلع السجل على محله ؟ ! (( كتمويه يعني :looking: )) ..

سؤال ثاني ذكرت انت ان يفرق سعر السجل حسب التصنيع او التركيب !

طيب لو كان المحل فقط للتركيب ( يعني الانتاج - التصنيع - في بلد ! والمحل فقط عرض -- تركيب وعرض -- ) .. فكم يكون سعر السجل ! وكم ياخذ من الوقت علشان يطلع السجل ؟ ..

تعبتك وياي لكن والله شكلك لها وقدها ان شاء الله .. تحملنا يالغالي .. :shy:

محمد بن حمد

02-05-2007, 10:15 PM

يسلمو رحال انا راح اظيف ايميلك على ماسنجر الياهو

بس عندي استفسار

انا ابغي استخراج سجل صناعي .. تقدر ؟

وحداني قطر

02-05-2007, 10:27 PM

يالغالى عندى سجل بغيت ابيعه هو سجل مؤسسه السجل القديم الى يصير تفتح كذا نشاط علا نفس السجل مادرى كم يسوى تقريبا يالغالى لو نويت ابيعه وبعدين يالغالى يصير ااجره ولا لاء لن اسمع من ناس انه يتاجر ولو يتاجر كم يسوى اجاره شهريا وكيف اضمن حقي وهل لوبغيت ااجره تقدر تشوفلى مؤجر للسجل وكم يسوى اجاره

وعندى استفسار الله لايهينك رخصه مقهي 0شيشه0 كم تسوى فالسوق كم اسعارها

ولك جزيل الشكررر

رحال الدوحه

03-05-2007, 12:56 AM

أخوي ( المخلب )

الله يرحم والديك والمسلمين أجمعين وما في تعب بين الإخوان

بخصوص النقاط اللي ذكرتها

• قانون البلديه صارم أخوي بالنسبة للمحل ، لازم تجيب عقد الأجار

بإسم صاحب السجل ومختوم من المالك مع بطاقته الشخصيه وشهادة

إتمام البناء من المالك ، والمحل اللي تتكلم عنه مسجل فالبلديه ..

وإذا تحب تسجل المحل بإسمك علشان تأخذ ترخيص نفس

ما تفضلت ( تمويه يعني )

لازم تلغي المحل السابق اللي مسجل عندهم .

• وعن الرسوم نشاط ( تجارة معدات المطاعم والمطابخ المركزيه )

3000 ريال سنوياً للسجل التجاري ، رخصة البلديه لمزاولة النشاط 2020 ريال سنتين

ورسوم غرفة تجارة قطر 560 سنوياً .

• مدة إجراءات وإستخراج السجل التجاري وجميع التراخيص اللازمه

تكون تقريباً 4 أيام بشرط

( الأوراق كامله )

والكامل وجه الله سبحانه وتعالى

أتمنى أخوي قدرت أفيدك

رحال الدوحه

رحال الدوحه

03-05-2007, 01:02 AM

أخوي العزيز ( بو نوره ) ربي يسلمك ويسلم غاليك

يشرفني أخوي

رحال الدوحه

وحداني قطر

03-05-2007, 04:23 PM

رحال الدوحه

03-05-2007, 06:18 PM

أخوي العزيز ( وحداني قطر )

السموحه منك على التأخير فالرد

حاضرين للطيبين ..

بخصوص السجل اللي عندك يالغالي ما في سجل

( نظام قديم ونظام جديد )

القانون تغير وصار على كل نشاط رسوم

وتختلف على حسب النشاط التجاري ..

* وعن كم يسوى . ؟؟ هذا الشئ إنت تحــدد كم حدك فيه .. ؟؟

يعني أنت تحدد السعر المطلوب .. ؟؟

والسوق على قولتك ما في سوق حق سجلات .. ؟؟ إلا الأنشطه الموقفه حالياً .

* وعن تأجير السجل هذا الشئ أنت تحدده حسب الإتفاق مع المكفول ..

( الشخص اللي تأجر عليه )

لازم يكون على كفالة السجل نفسه ، ويعطيك المبلغ المتفق

عليه شهرياً أو سنوياً وعلى فكره بتم بعد أنت المسؤل أمام القانون في حالة أي مخالفه .

* أسعار ( شيشه ) رخصة المقاهي تعتمد على الموقع والمحل والمدخول ..

وإذا كانت رخصه بس .. أنت تطلب والناس تساومك على السعر .

أتمنى قدرت أفيدك أخوي .. وحداني قطر

رحال الدوحه

relaax

03-05-2007, 10:17 PM

عندي استفسار

صحيح اذا بغيت اضيف نشاط ف السجل ادفع ع الانشطه القديمه و الجديده حتى لو السجل ما انتهى ؟؟؟؟

:eek3: :eek3:

ولد ابوي

04-05-2007, 11:39 AM

الله يرحم والديك
ويجعله في ميزان حسناتك