لا مكان للمستثمرين الصغار في سوق العقار

[قطري عصامي]

من يوافقني الرأي ان المستثمرين الصغار ما عندهم اي فرصه للاستثمار في العقار ، يعني المستثمر الجديد لما يقطع نفسه ويعصرها ومع سلفيات يمكن يجمع مليــــون ريال ، هالمليون اش بيسوي بها ، لا تقدر تبني بها ولا تقدر تشتري بها عقار قائم ، يمكن اقول يمكن تقدر تشتري ارض بس المشكله بتقعد اطالعها لأنك ما راح تقدر تبنيها

ما ادري حد يوافقني الرأي ؟؟؟؟ ( الكلام عن الشخص اللي يشتغل بفلوسه ، مب وارث ورث )

[وحيد-الشوق]

والله انك صدقت:( :(

[اللورد]

لا انا أقول ممكن وبكل سهوله وخصوصاً للمستثمرين الصغار
وهي أن يجتمع مجموعة من المستثمريين الصغار ويؤسسوا
محفظة عقاريه ومن خلالها يقدرون شراء الاراضي وبناؤها
وتأجيرها أو بيعها .
ويقدرون أن يدخلون في أكثر من مشروع في نفس الوقت .
والعائد هنا سيكون مرضي جداُ جداً للجميع .

[قطري عصامي]

اخوي اللورد ، وين في ظنك هالمستثمرين يتجمعون ، صار صعب الحين الأخوان يدشون شراكه ، بعدين الناس صار فيها طبع سيء وهو عدم الصبر ، يعني الشريك بيعطيك الفلوس اليوم ، وبيمرك بكره يدور ربحه ،على باله سوق اسهم

[راعي النيسان]

في مثل قديم يقول .. مافي شراكة وإلا ومن وراها قرافة :deal:

وحكمة هاليومين تقول المال عديل الروح :D

[alwahesh]

المشكله ان المليون ريال مثل مليون ليره لبنانيه او مليون دينار عراقي

اما لو عندك مليون دولار امريكي او يورو اش يكون وضعك

اما بالنسبه للشراكه انا ما انصح الا مع الاخوان لان وبكل اسف لو تشاركو طبعا الفلوس كلها ديون من البنك وبحد اقصى يعني اكثر من 85% من الراتب وبعد كم شهر الا واحد من الشركا مختفي وين فلان وين فلان .....مسكين فلان يتغدى عدش ويتعشى خبز ناشف ومعرعينه لان البنك مشتكي عليه وحتى بيته مرهون للبنك والشركاء كلهم يتورطون لا المدخول وقف وفوق هذا لازم يسددون ديونه ....ونفس الشي بعد كم شهر الا شريك ثاني مختفي ونفس الموال

الشركه المبنيه على ديون وخاصه الربويه عليها السلام

[اللورد]

اخوي اللورد ، وين في ظنك هالمستثمرين يتجمعون ، صار صعب الحين الأخوان يدشون شراكه ، بعدين الناس صار فيها طبع سيء وهو عدم الصبر ، يعني الشريك بيعطيك الفلوس اليوم ، وبيمرك بكره يدور ربحه ،على باله سوق اسهم
أسمحلي اقولك ان هناك العديد من الشركاء اللي أعرفهم عن قرب
وهم ياما يكونوا أخوان وأخوات مشتركين مع بعض
او ان يكونوا ربع وأصدقاء متفاهمين مع بعض وفاهمين بالضبط ايش هدفهم .

نعم الخلاف بين الشركاء موجود ولكن عليك بحسن الإختيار :nice:

[قطري عصامي]

يا الله اشرايك ادش انا وياك شراكه

[قطري عصامي]

المشكله ان المليون ريال مثل مليون ليره لبنانيه او مليون دينار عراقي

اما لو عندك مليون دولار امريكي او يورو اش يكون وضعك

اما بالنسبه للشراكه انا ما انصح الا مع الاخوان لان وبكل اسف لو تشاركو طبعا الفلوس كلها ديون من البنك وبحد اقصى يعني اكثر من 85% من الراتب وبعد كم شهر الا واحد من الشركا مختفي وين فلان وين فلان .....مسكين فلان يتغدى عدش ويتعشى خبز ناشف ومعرعينه لان البنك مشتكي عليه وحتى بيته مرهون للبنك والشركاء كلهم يتورطون لا المدخول وقف وفوق هذا لازم يسددون ديونه ....ونفس الشي بعد كم شهر الا شريك ثاني مختفي ونفس الموال

الشركه المبنيه على ديون وخاصه الربويه عليها السلام

مع الاسف اخوي الوحش ، كلامك صحيح المليون ريال اليوم= مليون ليرة وماله اي قيمة بمقاييس واسعار اليوم

ونسأل الله السلامه

[boalia]

من يوافقني الرأي ان المستثمرين الصغار ما عندهم اي فرصه للاستثمار في العقار ، يعني المستثمر الجديد لما يقطع نفسه ويعصرها ومع سلفيات يمكن يجمع مليــــون ريال ، هالمليون اش بيسوي بها ، لا تقدر تبني بها ولا تقدر تشتري بها عقار قائم ، يمكن اقول يمكن تقدر تشتري ارض بس المشكله بتقعد اطالعها لأنك ما راح تقدر تبنيها

ما ادري حد يوافقني الرأي ؟؟؟؟ ( الكلام عن الشخص اللي يشتغل بفلوسه ، مب وارث ورث )
كلام 100%

[جلمود]

ممكن مثل ماقال أخوي اللورد انا اعرف ناس قامو بطريق نفسها
والعائد أحسن من أي مشروع أخر

[قطري عصامي]

زين اشرايكم انحط دعوة لرواد المنتدى نتشارك في محفظه وتكون المشاركة موثقه قانونياً
وكل واحد يكون شريك بنسبة تعادل مساهمته؟؟

[وحداني قطر]

صدقت يالغالى وحتى هالايام حتى لو الواحد يبي يدش البورصه لازم يدش جامد ب 60 ولا 70 الف شبسويله واخس شي لما الواحد ياخذ قرض شخصي من البنك 250-300الف ويقول بسددها من البورصه واخر شي تروح عليه مستحيل اغامر بمال انا ماخذه قرض من البنك الابشي مضمون والبورصه ماهى مضمونه لكن لوعندى مال زايد 150 او200 الف لوخسرتها ماعندى مشكله لنى البنك ماراح يطالبنى فيها لنها فلوسي وانا حر لكن لوماخذها من البنك راح اتحسف وشوف القصد كم بيطلع وشوف وشوف انا انصح كل واحد عنده كاش اشتر ماعندك لاتتسلف من البنك لنك ماتضمن وماتدرى شيصير يااما وزراء طارو بغمضه عين ماتبي تجارتك ولا اسهمك تطير بغمضه عين

وهذى مجرد نصيحه شخصيه لن سويتها وتسلفت من البنك عشان العب بالبورصه وخسرت

وماذكرته عن واقع تجربه

واخوى قطرى عصامى صادق غير العقار مافي بس المشكله غالى غالى اقل شي 2 مليون لا وبيت شعبي تلاقيه

[تايد]

قطري عصامي

أوافقك في كلامك عزيزي

وبالنسبه للشراكه في حال فكرنا فيها فـ مشاكلها كثيره

ولكن الأمثله تضرب ولاتقاس

بمعنى انه ممكن تنجح فكره الأخ اللورد أحيانآ واحيانآ كثيره لاتنجح


احترامي لك

[ANONYMOUS]

صحيح

المستثمر الصغير يروح يبيع له بصل ابيض امريكي احسن له..

على الاقل الكيلو اب 10 ريال

[قطري عصامي]

شباب انا جديد اهنيه ، بس ممكن حد يفهمني ليش تم نقل موضوعي

[تايد]

لأنه المكان الأنسب لموضوعك من وجهه نظر الأداره أو المشرف

[قطري عصامي]

بس انا اشوف ان الانسب له يكون في قسم العقار ، لانه يناقش هذا النوع تحديداً من الاستثمار

[بويوسف]

بس انا اشوف ان الانسب له يكون في قسم العقار ، لانه يناقش هذا النوع تحديداً من الاستثمار

اخوي هذا منتدى الاستثمار والعقار وهو المكان الانسب لانه يحتوي على المواضيع الخاصة بالعقارات والاستثمارات والمشاريع التجارية .. اما قسم العقار في سوق المنتدى فهو خاص لعروض البيع والشراء للعقارات.

[YAR]

10000000000000000 Ok

[قطري عصامي]

اخوي هذا منتدى الاستثمار والعقار وهو المكان الانسب لانه يحتوي على المواضيع الخاصة بالعقارات والاستثمارات والمشاريع التجارية .. اما قسم العقار في سوق المنتدى فهو خاص لعروض البيع والشراء للعقارات.


شكرا للتوضيح

[قطري عصامي]

بس يا مشرف انت حكمت على الموضوع بالاعدام ، لان النقاش وقف من يوم نقلته

وهو موضوع مهم جدا

[انت قلبي]

كلامك صحيح الله يفرجها

[ZKWAN77]

:con2: crazy سلام عليكم ورحمة الله سؤالي للاسف انا هناك نسبة من اهلنا لقطريين لا يميزون لاجنبي عن لعربي حتى يرى لبعض انا لاجنبي احسن انا اقول انا رسول الله \ص\ قال لعكس

[قطري عصامي]

:con2: crazy سلام عليكم ورحمة الله سؤالي للاسف انا هناك نسبة من اهلنا لقطريين لا يميزون لاجنبي عن لعربي حتى يرى لبعض انا لاجنبي احسن انا اقول انا رسول الله \ص\ قال لعكس


شسالفه؟ من جاب طاري الاجنبي او القطري؟

[سهم عربي]

الصراحة ...قطر ما تصلح للأستثمار :con2:

يعني معقولة الواحد يجمع له أكثرمن عشر سنوات

2 مليون ...واخرتها تشترى فله مساحتها 450 متر

... يعني تحويشه العمر ضاعت على هلفلة فقط !!!!

والدول الخليجية الثانية تجمع 700 الف تشتري فلة بالراحة

وجديده في أقل من 4 سنوات !!!.:eek3:

والله ذبحنا الغلاء والتضخم في الدولة ...يا خوفي أنصير

أفقر شعوب المنطقه :eek3: