استعلامات المطار ... والإستهتار الدائم !

[Mishaal]

السلام عليكم ورحمة الله وبركاته ..

شباب اتصلت في استعلامات المطار الساعة 1 بعد منتصف الليل علشان استفسر عن وقت وصول الطياره لأني باخذ هلي من المطار ، كانت الطيارة بتوصل في حدود الساعة 2 الفجر ...

استعلامات المطار مايردون ، جهاز الرد الآلي مايشتغل!! حاولت اتصل في بدالة المطار ... ليس من مجيب !! ... يمكن لمدة ساعة إلا ربع وأنا على هالحال ...!!

تقدرون تتخيلون شلون ارتفع ضغطي !!! خصوصاً أن وراي دوام من الصبح وانا طول الليل قاعد بس اتصالات في المطار على أمل أن حد يرد علي ...

طيب يا جماعة شلون الواحد يعرف وقت الطيارة علشان يجيب هله من المطار ؟؟

اذا اتصلت فيهم قبل الساعة 12 منتصف الليل علشان استفسر عن وقت وصول الطيارة ... يقولون أنه الجدول جدول بكره وماعندنا عنه خبر ... ويوصلنا بعد الساعه 12 !!!!

ولين اتصلنا الساعة 1 بعد الساعة 12 محد يرد ، لا على البدالة ولا على الإستعلامات ..!! على الأقل يشغلون جهاز الرد الآلي ....!!


وفي النهاية اضطريت أني اروح بنفسي للمطار وأسأل ... وانصدمت أن عليها تأخير ساعتين أو 3 ساعات ..!!

يعني في هالوقت نصايف الليالي لو رادين علينا ... كان عملنا حساب الساعة كم نروح المطار ..!!:anger2:

هذا غيض من فيض ، واسمحولي على الإطالة ...!!

[jajassim]

الخطا وارد أخوى ،، هذا سيتم لازم يتعطل

الله يعينك

[خالد32]

يمكن متصل على رقم غلط!

[التيما]

انا معاااااااااااااك بعد في هالموضوع هاللي قاطينهم صراحه الظاهر طول اليوم رقود ويبطون الجبد اصلا محد يرد ؟؟ تهقون في حد اصلا ؟؟ ولا يمكن شالو القسم لان اللي يصير مصخره صج انا شرايك ولا مره اتصلت وردوا علي !! ولا مره مو شي يقهر ؟؟

[لمت داون111]

فعلا اخوي كلامك صحيح

اتصلهم وايد ومايردون واذا الموظف يرد اول ماقوله الطياره الفلانيه متي توصل؟؟ يحولني بدون مايقوول اني بحولك امحق سنع:mad:

والي يحولني عليه بعد مايرد وارجع اتصل للبداله ويالله يردون مب حاله ذيcrazy

وسع خاطرك اخووي مشعل ولاتقهر عمرك عشانهم يالغالي:nice:

مالنا الا نتصل بجريده الشرق وونفضحهم نشتكي عليهم يمكن يستحون علي وجوهم ويحطون ناس فيهم خير :funny:

الله يعطيك العافيه اخووي مشعل :)

[السديم]

صحيح اخ مشعل ..

بدالة المطار خدمتها سيئة ومايردون عليك بسرعه ومايعطونك معلومات صحيحة وللأسف كله من الموظفين اللي شغالين هناك ..

[المؤشرالاخضر]

جرب هاالموقع


http://timetables.oag.com/doh/

[Mishaal]

الخطا وارد أخوى ،، هذا سيتم لازم يتعطل

الله يعينك

يعين الجميع اخوي جاسم,, بس المشكلة مب في السيستم.. لو على السيستم كنا عذرنا بس السالفة اهمال الموظفين...استعلامات المطار هاذي مثل البدالة ، شغلتهم يردون على الاستفسارات الخاصة بمواعيد الرحلات!!! طيب اذا هم ماردوا يعني من نسأل!!! لازم يحلون هالوضع...

[Mishaal]

يمكن متصل على رقم غلط!
أي رقم غلط الله يهداك يا خالد..!!!!! رقم غلط مره مب ساعه الا ربع وانا اتصل لين ضغطي ارتفع!!!!!

[Mishaal]

انا معاااااااااااااك بعد في هالموضوع هاللي قاطينهم صراحه الظاهر طول اليوم رقود ويبطون الجبد اصلا محد يرد ؟؟ تهقون في حد اصلا ؟؟ ولا يمكن شالو القسم لان اللي يصير مصخره صج انا شرايك ولا مره اتصلت وردوا علي !! ولا مره مو شي يقهر ؟؟

بالفعل الأمر ماينسكت عليه ... مطار الدوحة الدولي المفروض يكون حضاري أكثر ... ويعرفون شلون يتعاملون مع زباينهم!! احنا مانتصل فيهم حباً في سماع صوتهم .. أو نبي مصلحة منهم ..!! يعني الواحد شلون يعرف متى الطيارة توصل إذا ماردوا؟؟؟؟

[Mishaal]

فعلا اخوي كلامك صحيح

اتصلهم وايد ومايردون واذا الموظف يرد اول ماقوله الطياره الفلانيه متي توصل؟؟ يحولني بدون مايقوول اني بحولك امحق سنع:mad:

والي يحولني عليه بعد مايرد وارجع اتصل للبداله ويالله يردون مب حاله ذيcrazy

وسع خاطرك اخووي مشعل ولاتقهر عمرك عشانهم يالغالي:nice:

مالنا الا نتصل بجريده الشرق وونفضحهم نشتكي عليهم يمكن يستحون علي وجوهم ويحطون ناس فيهم خير :funny:

الله يعطيك العافيه اخووي مشعل :)

يبيلهم مقال سنع يعلمهم السنع !! هذول ماينسكت عنهم فئة ماتمثل إلا نفسهم لكنهم بالأخير في مطار " الدوحة " الدولي ومو كل من يتصل فيهم قطري ...!! فالأجانب بهالطريقة راح ياخذون موقف تعيييييس عن هالهمج ..!!

الله يعيننا عليهم وياريت يتصرفون بسرعة ..

تسلم ياخوي الطيِّب :)

[Mishaal]

صحيح اخ مشعل ..

بدالة المطار خدمتها سيئة ومايردون عليك بسرعه ومايعطونك معلومات صحيحة وللأسف كله من الموظفين اللي شغالين هناك ..
شاطرين المسؤولين يسوون مطار جديد مكلف x مليااارات الدولارات ... ومايقدرون يجيبون واحد فيه خير براتب 6 أو 7 الاف يأدي الغرض ..!!

خلف الله عليهم شكلهم بيتمون طول عمرهم على هالنحو ....!! يبيلهم من يوقفهم عند حدهم ... والله ذاك اليوم انقهررررررت !!!! :mad:

[Mishaal]

جرب هاالموقع


http://timetables.oag.com/doh/

تسلم أخوي العزيز ...

الموقع بيساعدني بدون شك ... لكن اسلوب التعامل من قبل المطار لازم يتحسن بعد ...

[السهم الذهبي 2007]

انا مع الكاتب يما حدث لي نفس السالفه الله يصلح الحال

[Mishaal]

انا مع الكاتب يما حدث لي نفس السالفه الله يصلح الحال

الله يعين ياخي ..

ننتظر الحل من المسؤولين ....