ليه ما تحترم مواقف سيارات المعاقين

[nooora]

حبيت اعرف ليه ما تحترم مواقف سيارات المعاقين ؟ ليه البعض يستخدمون مواقف المعاقين مو واجب علينا مساعدتهم بدل مضايقتهم عيب بصراحه يدل هالشي على عدم احترامنا لهم وعدم تقدير لضروفهم
:mad: :mad: :mad:

[التيما]

انا معاااج واحط يدي في يدج انه عييييييييب والله اللي يسوون هالشي ... مره اشوف واحد صاف بسيارته في موقف ذوي الاحتياجات الخاصه ونازل والله ماحطيتها في خاطري خليته يسمعني وانا اكلم اختي خاصه انه صاف احذا موتري وقلت لاختي صج الاعاقه في العقل مو بالجسم شفتي اخر موديل للمعاقين ... ويهه صار احمر ... لانه تصرف غير سوي واللي يبط الجبد ان الشرطه مرات ما تشييك

[غزلان]

معاج حق المفروض نحترمهم ونراعي وضعهم الصحي

الله يشفي كل معاق

تسلمين

[(الفيصل)]

يعطيك العافيه اختي على هالموضوع وبالفعل فيه شباب بالذات مايحترمون موقف ذوي الاحتياجات الخاصه وبهالمناسبة بقولكم عن سالفه صارت معاي شخصيا..
قبل فترة كنت واقف قدام احد المجمعات التجارية الا واحد من الشباب دون 22 سنه ومعاه ربعه داخل عرض موقف ذوي الاحتياجات الخاصه وعيني عينك ، فقمت نزلت زجاج سيارتي وقتله الشيخ هذا موقف اخوانك ذوي الاحتياجات الخاصه وهم اولى به اتوقعون اشرد علي ؟؟؟؟؟؟؟
قالي اشدخلك انت الشرطة انا اللي بادفع المخالفه مب انت .. انا صراحه فقدت اعصابي ونزلت من السياره وانا اتعوذ من ابليس ... وجيت جنبه وقتله بأدب وبابتسامه عيب اتكلم بهالطريقة مع اللي اكبر منك وبعدين مب شرط اكون من الشرطة علشان تسمع كلامي .... قالي اشفيك انت تبي اتهاوش وصار والله ياجماعه ايتنافض ماعرفت شاسوي والله وياه احترت الا ناقز واحد من ربعه يقولي شوف اذا انت في راسك اهوش انطر بس نص ساعه ....... هههههههههههههه والله ياجماعه من سخافتهم وسخافة كلامهم ماعرفت ارد عليهم قلت في قلبي اللي يتكلم بهذا الاسلوب اكيد ماراح يفهم اي شيء راح اقوله له فحشمت نفسي وركبت سيارتي وخذت رقم سيارته بس للاسف مابلغت الشرطة لاني اكتشفت ان هالشخص يصير من عيلتي الكريمة للاسف فكتفيت اني بلغت ولي امره واللي وعدني انه بيقوم بالازم..... وسلامتكم

[حمد1977]

بس لاحظت ان محد يوقف في مواقف ذوي الاحتياجات الخاصة مثل قبل

دوم الاقيه فاضي وخاصة في الكورنيش عند الكرك

صحيح ان البعض يوقف في مواقف وي الاحتياجات الخاصة ولكنهم اصبحوا قلة مقارنة بالماضي

[الزاجل]

مرات كثيرة مواقف ذوي الاحتياجات الخاصة تبقى شاغرة
ومحد يصف فيها حتى من ذوي الاحتياجات الخاصة ..

ولكن هذا ما يعني ان اندرعم على مواقفهم الخاصة
دام انها خاصة لازم تبقى خاصة ..

[خالد32]

صحيح انهم قلوا في الكورنيش بسبب ان الدوريات تمر هناك كل خمس دقايق
لكن الي في المجمعات الصراحه مصخوها زياده
في ناس ما تعرف شنو معنى ممنوع و عيب والاكبر انهم يفتخرون و يجاهرون بالغلط
يا ما الناس تكلمت و قالت بس في ناس ما منهم فايدة في المجتمع غير الزبو و التكبر على الناس حتى الدريوليه الحين صاروا يصفون في هالمواقف

[لمت داون111]

صدقتي اختي والله العظيم انقهرررررر لما اشووف هالمصاخه تصير جدامي

والقهر مب بس اهل قطر حتي الاجانب صاروو يضربون بقوانين المرور علي عرض الطووفه ويصفوون عيني عينك وينزل وكاشخ من فاكر نفسه :con2: مره مودي الاهل احد جمعيات الميره وشفت سياره مطعم صافه بموقف المعاقين مع انه المواقف الفاضيه قريبه منه بس الظاهر الاخ كسوول !! :court:

والله صفيت وراه ودخلت الجمعيه وانا مريح اعصااااااااابي:D واول ماطلعت حصلته واقف وناطرني ارجع واول ماشافني وانا جايه معصب زين ماشمرت وزنطته والله الا الحبيب يقوولي ليش صاف وراي قلت له بكل برووده كيفي انا قطري وكيفي واذا ماتحترم قوانين بلادي ماراح احترمك :strong

وكنت ابيه يكثر كلام عادي اخليه تاير اسبير لموتري خخخخخخخخخ:eek2:

والله يقهرووني حزات امر بالمجمعات واشووف مواقف المعاقين مأخووذه اتصل في الدوريات ابلغهم .. والله انه حزات نفس الشرطي بالبداله يعرف رقمي وصوتي اول ماتصله يقوولي هاا اي مواقف معاقين الي تبي تبلغ عليههم هالمره هههههههههههه:dance

بغض النظر انه هالشي ممنوع حطوو اعتبار انه عييييييييب والله يجمااعه عيب انا مستغرب ليش بعض الشباب يحبون يراوون انفسهم جدام الناس انهم قلييلين ادب :anger2:

يعطيج العافيه علي هالموضوع اختي واسمحيلي اذا انفعلت شوويcrazy

[A H M A D]

يعطيك العافيه اختي على هالموضوع

[بوخالد2]

لاحول ولاقوه الابالله

بروحهم تعبانين مساكين بعد يوقفون في مواقفهم ؟؟؟

المفروض الدوله تحجز الموتر الى اتشوفه مب موتر شخص من ذوى الاحتياجات الخاصه

على طوول يوقفون سيارتهم الى مستهزين في الفئه هذى


يسلمو اختى على السرد الراائع

[قطري كشخه]

الجماعه ماقصرو الى فوق ولكن راح اعلق تعليق غير عن الى فوقي

بالنسبه لى انا ماصف في موقف المعاقين اصف مع العالم وترتب على انه موتري ملعن خيره بيباني مشمخه الصدام مشموخ من بدايته لين نهايته حتى لدرجه انه من كم شهر واحد زلق موتري من بدايه الباب القدامي لين نهايته وله حط لي ورقه وله هم يحزنون ..

وفي موتري خفس يعني لزم اصبغه صبغه من يد و يديد يعني شذنبي انا موتري جديد والناس الى ماتراعي ممتلكات الغير قامت الناس تصف في مواقف المعاقين على اساس محد يكون صاف جنبهم

قمت ادور مواقف بعيده عن العالم بس عشان محد يصف جنبي

[يابعدهم كلهم]

بصراحه عيب عليهم والله ياخي احترم ع الاقل قانون الدولة وخل عندك احترام وذوق ولا توقف في المواقف الخاصه لأاخوانك ذوى الاحتياجات الخاصه !

:anger1: :anger1: :anger1: :anger1:




تسلمين اختي .

[أمير المحبه]

ونتو ماملاحضييييييين شي يعني كل اللي اتشوفونهم في هالمواقف كله سياير كشخه

وارقام وحدات ولا صفة اصفار بالعربي واسطه يقولون احنا واسطه

وارقامنا بتخرعهم ومابيخالفونا وللاسف مرات صج مايخالفونهم

فهو يجي ويتشجع اكثر ومره ثانيه وثالثه يصف عادي

ويقول حق ربعه يالربع صفو في هالمواقف

عادي ترى لانهم ماخالفوني

والربع يصفون وتجري الامور بهالشكل عرفتو السبب

[alwahesh]

اختي نوره

الشرهه مب على الي يخالفون ولكن على الشرطه الي هم الله بالخير يذلون المواطن على الحزام كنا الواحد بيموت جوع اذا دفعها مع ان الي ما يستخدم الحزام ما اذى حد وكل واحد مسؤل عن نفسه

المهم بصراحه انا لما اشوف سيارات معدومه تصف كل يوم في مواقف ذوي الاحتياجات الخاص ومحد معبر انقهر وخاصه اذا في ازمة مواقف .

المفروض ان الدوريات تكون متواجده او الامن (السيكورتي) في المجمعات يسمحون لهم انهم يخالفون الناس وتكون المخالفه 1000 ريال ونشوف من يخالف

تحياتي واذا كنتي اختي نوره شرطيه ارجو انج توصلين الفكره للكبار بدل الريوق الجرايد والشرده

[nooora]

اختي نوره

الشرهه مب على الي يخالفون ولكن على الشرطه الي هم الله بالخير يذلون المواطن على الحزام كنا الواحد بيموت جوع اذا دفعها مع ان الي ما يستخدم الحزام ما اذى حد وكل واحد مسؤل عن نفسه

المهم بصراحه انا لما اشوف سيارات معدومه تصف كل يوم في مواقف ذوي الاحتياجات الخاص ومحد معبر انقهر وخاصه اذا في ازمة مواقف .

المفروض ان الدوريات تكون متواجده او الامن (السيكورتي) في المجمعات يسمحون لهم انهم يخالفون الناس وتكون المخالفه 1000 ريال ونشوف من يخالف

تحياتي واذا كنتي اختي نوره شرطيه ارجو انج توصلين الفكره للكبار بدل الريوق الجرايد والشرده

هههههههههههههههههههه تطنز علي تقولي شرطيه على طاري شرطيه نشوفهم يسوفون سيارات نجده ماشاءالله عليهم حضارة وتقدم، وانا معاك مفروض الأمن يكون متواجد خاصة عند الجمعيات وشكرا على ردودكم الطيبه

[nooora]

بس لاحظت ان محد يوقف في مواقف ذوي الاحتياجات الخاصة مثل قبل

دوم الاقيه فاضي وخاصة في الكورنيش عند الكرك

صحيح ان البعض يوقف في مواقف وي الاحتياجات الخاصة ولكنهم اصبحوا قلة مقارنة بالماضي

هم قلة مقارنة بالماضي لكن نتمنى منهم يحترمون مواقف المعاقين كل واحد يحط نفسه مكانهم كيف بيكون ردة فعله اكيد ما يرضى وتسلم على الرد

[خالد32]

شرايكم كل واحد يشوف حد صاف هناك بدون ملصق ذوي الاحتياجات الخاصه يصور السياره و يحطها على النت و نخلى الداخليه تشوف العجب؟