يالربع عند استفسار وسؤال واحد بس :)

[بوسعود77]

السلام عليكم

شحالكم وشخباركم عساكم بخير؟


ابي اركب تيك حق الجي اكس ابي اركب صوب المكيف والقير والمسجل

وين احسن مكان وبكم اسعارهم

اتمنى تفيدوني :)

[لمت داون111]

اخوي تبي تجاري ولا أصلي؟؟

اذا تبي أصلي شوفلك حد رايح الامارات وبتشتريه من سكراب الشارجه بسعر مايقل عن 1500 تقريبا أو أقل عاد انت وشطارتك

وسعره بالدوحه بالوكاله فوق ال5 الاف علي ماتذكر مع السكان ( بس مب متأكد)

بس اذا تبي تركب تجاري في وايد يركبون لك مثل الكريستال والمستقبل وغيره بس واحد من الربع ركب عند محل تكنولوجيا السيارات الي في محطه اللاند مارك تقريبا ب2200 وعليه ضمان بعد وبصراحه طالع حلوو

بس برأيي لاتركب الأ الأصلي وشوف محلات السكراب بالدووحه يمكن تعين من المواتر المشلحه

بالتوفيق أخووي :)

[alwahesh]

تلقى في محلات الزينه ب500 ريال واقل

مب تيك ولكن نفس التيك وتقدر تشيله باي وقت

الشباب يركبونه على الكامري والجي اكس

بس ما انصح بتركيبه لان الجو ما يساعد ومثل ما نوه اخونا لمت داون
تشتري من التشليح ( السكراب) القطعه كامله الي اتركب حول القير واذا تماتيك مع المقابض

[الهيل]

مانصحك تركب التيك التجاري ابدا .. يطير لمعة التيك مع المدة

وغير جذيه مايعطيك شعور بالتيك ..

ركب اصلي او لاتركب

[راعي النيسان]

السلام عليكم

شحالكم وشخباركم عساكم بخير؟


ابي اركب تيك حق الجي اكس ابي اركب صوب المكيف والقير والمسجل

وين احسن مكان وبكم اسعارهم

اتمنى تفيدوني :)



لاتركب غير أصلي بلا تقليد بلا تفصيل بلا بطيخ ،، التجاري ياطويل العمر معروف شغل مال يوم يومين وبس ،، اخوي لو خردتك وميزانيتك شوي وعلى قد الحال ومستكثر الجديد من الوكالة روح السكراب وخذلك شي اصلي وشغل عدل ... يالله مكثر الكرورزرات المكنسلة بالصناعية :D ان شاء الله بتقلى اللي تبيه واكثر

[بوسعود77]

مشكورين اخواني ماقصرتو

تسلمون على الردود واكيد رايكم يمني وبمشي عليه

مشكورين وجزاكم الله الف خير

اخوكم بو سعود77