مشاهدة النسخة كاملة : هل لديك مشكله مع سيارتك ؟؟ تفضل واعرضها وان شاء الله تنحل
لمت داون111
01-05-2007, 02:13 AM
السلام عليكم ورحمه الله وبركاته
جاتني فكره وانا اتفصح قسم السيارات واشووف انه عندنا خبراء وايد وفيهم الخير في هالقسم
فكرت وقلت ليش مايكون فيه موضوع يخص مشاكل السياره ؟؟ او اي اقتراحات تسألونها واي واحد فينا عنده حل او يدليه علي محل متخصص لمشكلته وينفعه نسوي فيه خير ونكسب أجر :)
خاصه انه كل شي صار غالي هالايام ومحد يقدر علي تصليح الوكالات هذي غير عن التأخير وتقعد بدون سياره لأيام ويمكن اسابيع:looking:
الموضوع بسيط يجماعه والي عنده اي مشكله يتفضل واذا ماعرفت له حل محد راح يقصر من ربعنا الاعضاء
ونرحب بالأسأله من التواير حتي المكاين :app:
وان شاء الله نقدر نفيدكم :deal:
ملاحظه : أسأله التلغيم ماراح ارد عليها
الموضوع للجادين فقط
alwahesh
01-05-2007, 07:40 AM
بسم الله
اخوي انا عندي بورش كيان اس 8 سلندر
لما اشبك الدبل ( الدفع الرباعي) احس السياره ما تمشي وثقيله
هل الشي هذا عادي ؟؟؟؟؟؟؟؟؟ واذا فيها شي وين احسن كراج مضمون ورخيص ؟؟؟
مع جزيل الشكر والعرفان ؟؟؟؟
PoBox
01-05-2007, 08:13 AM
يعطيك العافية على الموضوع
سؤال
لما تروح السيارة يمين من نفسها والسكان سيده
تقوم تسوي ميزانية يرجع الوضع تمام
شوي الا السيارة رايحه يمين بعد فترة
وكل مرة تتكرر المشكلة
وين الخلل في رايك !
ولا هذا طبيعي ؟
الهيل
01-05-2007, 08:16 AM
بسم الله
اخوي انا عندي بورش كيان اس 8 سلندر
لما اشبك الدبل ( الدفع الرباعي) احس السياره ما تمشي وثقيله
هل الشي هذا عادي ؟؟؟؟؟؟؟؟؟ واذا فيها شي وين احسن كراج مضمون ورخيص ؟؟؟
مع جزيل الشكر والعرفان ؟؟؟؟
اخوي الوحش .. موتر مثل البورش ماودك توديه اي كراج حتى لو شغله نظيف
احسن شي توديه الوكاله .. قد يكون هالشيء طبيعي
وانا سمعت ان اسعار الوكالة لاباس فيها
الهيل
01-05-2007, 08:22 AM
يعطيك العافية على الموضوع
سؤال
لما تروح السيارة يمين من نفسها والسكان سيده
تقوم تسوي ميزانية يرجع الوضع تمام
شوي الا السيارة رايحه يمين بعد فترة
وكل مرة تتكرر المشكلة
وين الخلل في رايك !
ولا هذا طبيعي ؟
تصدق هالمشكله صارت لي من قبل ..
انا بعطيك حل سويته ومشى وياي ..
اول شي جرب توازن التواير من حيث كمية الهوى ..
يعني انفخ كل التواير 35 عند بنجرجي دقيق بحيث يضبط الهوى في كل التواير
انا جربت هالطريقة وضبط وياي فترة .. بعدها رجع
.. سويت حركة ثانيه وهو اني بدلت مواقع التواير ..
جبت التواير الخلفيه للامام والتواير الامامية خليتها بالخلف
وهاي تقريبا احسن حل ..
اذا شفت السيارة مازالت تميل يمين ..قد يكون طبيعي .. يعني من تاثير احتكاك الهوى ببدي السيارة
يعني جرب شارع الخور الرايح .. وعود وشوف اذا في الشارعين يميل نفس الاتجاه
اعرف انه مازل في مشكله
لكن اذا في شارع يميل صوب اليمين .. وفي الشارع المعاكس يميل اتجاه اليسار
اعرف انه من تاثير الهوى او الشارع نفسه .. يعني موترك مافيه شيء
السموحة على الاطاليه
لمت داون111
01-05-2007, 09:25 AM
بسم الله
اخوي انا عندي بورش كيان اس 8 سلندر
لما اشبك الدبل ( الدفع الرباعي) احس السياره ما تمشي وثقيله
هل الشي هذا عادي ؟؟؟؟؟؟؟؟؟ واذا فيها شي وين احسن كراج مضمون ورخيص ؟؟؟
مع جزيل الشكر والعرفان ؟؟؟؟
ماقصر اخووي الهيل وعطاك الحل خاصه انه مثل هالاعطال والتصليحات بالقير لازم الوكاله للأسف حق ضمان شغل اليد
بس جرب تمر علي كراج اسمه كراج طارق بشارع 18 بس ماعتقد انه بينفعك في مشاكل القير
علي فكره كنت بقولك يمكن موترك يليك آيل ؟؟ بس ماتوقع طبعا ( خبرك متعودين علي الجي انه يليك آيل :funny: ) وانت شيك علي آيل الدبل بكراج طارق دام انك رايح له
والسموحه علي القصوور يالوحش :)
لمت داون111
01-05-2007, 09:28 AM
يعطيك العافية على الموضوع
سؤال
لما تروح السيارة يمين من نفسها والسكان سيده
تقوم تسوي ميزانية يرجع الوضع تمام
شوي الا السيارة رايحه يمين بعد فترة
وكل مرة تتكرر المشكلة
وين الخلل في رايك !
ولا هذا طبيعي ؟
الله يعافيك يالغالي واخوي الهيل ماقصر وعطاك الجواب بالأسفل جزاه الله الف خير
بس موترك شنوعه ؟؟ الله لايهينك اخووي روح العبيدلي الي بشارع الريان القديم واول شي انفخ توايرك وخله يشيك علي التاير اذا يستدعي تغير الي جدام مع الي ورا بالعكس او يمكن توايرك يتطلبون التغيير واسألهم هناك وبيقولون لك
بس اتوقع انه مشكلتك في ميزانيه الرودات سوها عندهم وان شاء الله موضوعك بينحل
والسموحه علي القصوور اخووي :)
لمت داون111
01-05-2007, 09:29 AM
تصدق هالمشكله صارت لي من قبل ..
انا بعطيك حل سويته ومشى وياي ..
اول شي جرب توازن التواير من حيث كمية الهوى ..
يعني انفخ كل التواير 35 عند بنجرجي دقيق بحيث يضبط الهوى في كل التواير
انا جربت هالطريقة وضبط وياي فترة .. بعدها رجع
.. سويت حركة ثانيه وهو اني بدلت مواقع التواير ..
جبت التواير الخلفيه للامام والتواير الامامية خليتها بالخلف
وهاي تقريبا احسن حل ..
اذا شفت السيارة مازالت تميل يمين ..قد يكون طبيعي .. يعني من تاثير احتكاك الهوى ببدي السيارة
يعني جرب شارع الخور الرايح .. وعود وشوف اذا في الشارعين يميل نفس الاتجاه
اعرف انه مازل في مشكله
لكن اذا في شارع يميل صوب اليمين .. وفي الشارع المعاكس يميل اتجاه اليسار
اعرف انه من تاثير الهوى او الشارع نفسه .. يعني موترك مافيه شيء
السموحة على الاطاليه
جزاك الله اخووي الهيل ما شاء الله عليك كفيت ووفيت يالغالي :)
الف شكر يالشيخ :nice:
الهيل
01-05-2007, 09:44 AM
جزاك الله اخووي الهيل ما شاء الله عليك كفيت ووفيت يالغالي :)
الف شكر يالشيخ :nice:
وجزاك اخوي لمت دوان
صراحة موضوع عجيب وفيه الفايدة ان شاء الله للجميع :nice:
وراح انعين ونعاون
لمت داون111
01-05-2007, 09:45 AM
وجزاك اخوي لمت دوان
صراحة موضوع عجيب وفيه الفايدة ان شاء الله للجميع :nice:
وراح انعين ونعاون
هذي دليل معدنك الطيب
فيك الخير يالغالي :nice:
أبو راكان
01-05-2007, 10:30 AM
يعطيك العافية على الموضوع
سؤال
لما تروح السيارة يمين من نفسها والسكان سيده
تقوم تسوي ميزانية يرجع الوضع تمام
شوي الا السيارة رايحه يمين بعد فترة
وكل مرة تتكرر المشكلة
وين الخلل في رايك !
ولا هذا طبيعي ؟
اخوي بوكسنج
اذا كان موترك لاندكروزر فهذي مشكله معروفه وآنا جربت 3 جيّات وكل ابوها تحذف يمين وخصوصا مع البالون تكون أكثر من الميجر
سويت ميزانيّات للتواير وللرودات ومافي فايده
وكل مسألت أحد عنده لاندكروزر جاوبني بنفس المشكله
والله يوفقك الشيخ
أخوي لمت داون وحشتنا يالغالي:dance
من طوّل الغيبات جاب الغنايم:strong
فقدناك يالغلا وعسى مانفقدك من شر
ريال قطري
01-05-2007, 10:36 AM
اخوي اشكرك على الموضوع الراقي المفيد للكل
عندي مشكل وتقدر اتقول استشاره اكثر منها مشكله موتري جي اكس 2003 من كم يوم وصل عداده 150 وولع عندي ليت التايم بلت الي هو سير المكينه شريت له تايم بلت طبعا هو صنقل لانه سته سلندر والفي اكس را يجي سير مب صنقل كل مااودي كراج ايقولي عادي لانه صنقل والناس تقول لازم تبدله عشان وصل 150
ابي رايك او راي احد الشباب الي فاهمين في الشغل هذه
مع احترامي وتقديري لك
alwahesh
01-05-2007, 10:49 AM
جزاكم الله خير يا شباب وما قصرتو
وبالنسبه للسياره الي تميل يمين او يسار ممكن يكون الشاصي معدل حتى لو شاري السياره من اي حد تقدر تشييك على الشاصي عند مركز الطائر او العالميه او الخبراء الالمان ب50 ريال بس
لمت داون111
01-05-2007, 12:56 PM
اخوي اشكرك على الموضوع الراقي المفيد للكل
عندي مشكل وتقدر اتقول استشاره اكثر منها مشكله موتري جي اكس 2003 من كم يوم وصل عداده 150 وولع عندي ليت التايم بلت الي هو سير المكينه شريت له تايم بلت طبعا هو صنقل لانه سته سلندر والفي اكس را يجي سير مب صنقل كل مااودي كراج ايقولي عادي لانه صنقل والناس تقول لازم تبدله عشان وصل 150
ابي رايك او راي احد الشباب الي فاهمين في الشغل هذه
مع احترامي وتقديري لك
العفوو اخوي وحاضرين لك طال عمرك:nice:
مشكلتك عاديه جدا وتصير في كل الجيات ومايحتاي تغير الصنقل لانه حديد ومايتغير وحاول ترجع الي شريته اذا فاتورته موجوده وروح الوكاله خلهم يسوون لك اعاده برمجه للطبلون ويسكرون الليت
وفي محل في بالي بعد عنده كمبيوتر ويسكر لك الليت بس ناسي اسمه بس بوصف لك المكان
شفت الفحص الفني الي بشارع 24 ؟؟ المدخل الرئيسي للفحص الي تدخله من ورا في كم كراج مايطوفون الخمس ولا ست كراجات والكراج القبل الاخير مديره سووري والفنيين كلهم فلبينين بس ناسي اسمه والله
روح له وقوله المشكله وبتسمع جوابه بنفسك وراح تتطمن ان شاء الله والبرمجه ماتاخذ عشر دقايق والسعر 100 ريال
بس انت حاول تكاسره بالسعر وراح ينزلك ان شاء الله والليت ماراح يولع الا بعد مايكمل الموتر ممشى 300 ألف وحزتها بعد نفس الشي برمجه وخلاص
والسموحه علي القصوور يالغالي :)
لمت داون111
01-05-2007, 01:00 PM
اخوي بوكسنج
اذا كان موترك لاندكروزر فهذي مشكله معروفه وآنا جربت 3 جيّات وكل ابوها تحذف يمين وخصوصا مع البالون تكون أكثر من الميجر
سويت ميزانيّات للتواير وللرودات ومافي فايده
وكل مسألت أحد عنده لاندكروزر جاوبني بنفس المشكله
والله يوفقك الشيخ
أخوي لمت داون وحشتنا يالغالي:dance
من طوّل الغيبات جاب الغنايم:strong
فقدناك يالغلا وعسى مانفقدك من شر
البالون ينسي يمشي انه يمشي سيده نادر جدا ماتصير بس اخوي بوكسنغ ماذكر لي انه مركب بالون ؟؟ لانه الي يركب بوالين اكيد يعرف هالشي:deal:
فديت خشمك يابوراكان ومايوحشك غالي يالشيخ وان شاء الله موجودين طال عمرك واي خدمه ولا سؤال حاضرين لك والله :nice:
لمت داون111
01-05-2007, 01:02 PM
جزاكم الله خير يا شباب وما قصرتو
وبالنسبه للسياره الي تميل يمين او يسار ممكن يكون الشاصي معدل حتى لو شاري السياره من اي حد تقدر تشييك على الشاصي عند مركز الطائر او العالميه او الخبراء الالمان ب50 ريال بس
ماعتقد من الشاصي اذا موتره عنده من الوكاله او حتي لو شاريه مستعمل اكيد بيكون فاحصه وعارف هالشي من قبل !! الله العالم ولا يدري هالشي الا صاحب السياره
مشكلة اخووي بوكسنغ راح تنحل مثل ماقلنا له والاخوان ماقصروو بعد وان شاء الله راح تنحل :)
والله يعافيك يالغالي ويعينك علي تصليح سيارتك :nice:
ALRAYYAN
01-05-2007, 02:02 PM
موضوع حلو وهادف وتشكر عليه أخوي لمت داون 111
وجزاكم الله خير جميع واتمنى من اخونا المشرف بو جاسم تثبيت الموضوع
لأنه بيكون موضوع حيوي وماله نهاية لأن اعطال واسرار السيارات عمرها ماتخلص
بالتوفيق للجميع ولي رجعه للموضوع بإذن الله
ولدالدوحه
01-05-2007, 04:12 PM
كل الشكر للصاحب الموضوع و ان شاء الله الكل يستفيد
محمد11
01-05-2007, 04:58 PM
موضووووع روووووعه الصارحه ...
جزاك الله خير اخوي لمت دااااون 111
الأختصاصي
01-05-2007, 05:13 PM
يعطيكم الف عافيه شباب وعلى القائمه اخوي لمت دااااون111
بطرح هالمواضيع الخاصه والمتعلقه بالسيارات
لاشك ان في بعض من الاخوان والاخوات ماعندهم
خبره من ناحيت صيانة السياره ومشاكلها
الله يديم الفايدة للجميع ان شاء الله
لمت داون111
الله يعطيك العافيه على هالفكره الطيبه
وان شاء الله لي تواجد ان احتجت لذلك <--- ما أتمنى هالشي طبعآ ;)
لاهنت طال عمرك
الحلال فقط
01-05-2007, 09:08 PM
عندي سيارة افالون فاحصها من كم يوم
طلع فيها
اكس امامي
والبخاخات حرقها زايد تحتاج تضبيط
وتحتاج تغيير جنبينات
ارجو نصيحتكم عن هذه الاشياء الثلاثة بارك الله فيكم وجعله في موازين حسناتكم
الكواري 1972
01-05-2007, 10:08 PM
لمت داون
الله يعطيك العافيه وهذا الشئ يعتبر ف انجاز طيب يحسب لك
وانت بكل صراحه بهذا الموضوع فهو ليس بجديد ولكن عرفت كيف تجدده
وشاكر لك وعلى موضوعك اللي اعتقد الكثير راح يستفيد منه
الكواري 1972
01-05-2007, 10:14 PM
بسم الله
اخوي انا عندي بورش كيان اس 8 سلندر
لما اشبك الدبل ( الدفع الرباعي) احس السياره ما تمشي وثقيله
هل الشي هذا عادي ؟؟؟؟؟؟؟؟؟ واذا فيها شي وين احسن كراج مضمون ورخيص ؟؟؟
مع جزيل الشكر والعرفان ؟؟؟؟
اصدق اخوي كانت عندي ولا فكرت اشوف الدبل لين بعتها
وسؤالك عن الدبل اعتقد هذا شئ عادي لان الموتر الدبل شغال من الاصل واذا شغلت الدبل الاضافي اعتقد كأنك شغلت الدبل الثقيل
وان شاءالله اكون ع صواب
الكواري 1972
01-05-2007, 10:22 PM
عندي سيارة افالون فاحصها من كم يوم
طلع فيها
اكس امامي
والبخاخات حرقها زايد تحتاج تضبيط
وتحتاج تغيير جنبينات
ارجو نصيحتكم عن هذه الاشياء الثلاثة بارك الله فيكم وجعله في موازين حسناتكم
اول شئ كم موديلها
ثاني شئ الاكسل يتغير افضل لك من احدى الكرجات ولا اعتقد بيكون سعره غالي
والجنبينات هذا لازم يتم تغيره بعد يعني امورك كلها تغير
بس البخاخات في من ينظفهم اذا كان منهم فايده ولازم قبل التنظيف يشوف ربل البخاخ هل واسع هل متهالك او اصبح مثل الحصى
الحلال فقط
01-05-2007, 11:14 PM
اول شئ كم موديلها
ثاني شئ الاكسل يتغير افضل لك من احدى الكرجات ولا اعتقد بيكون سعره غالي
والجنبينات هذا لازم يتم تغيره بعد يعني امورك كلها تغير
بس البخاخات في من ينظفهم اذا كان منهم فايده ولازم قبل التنظيف يشوف ربل البخاخ هل واسع هل متهالك او اصبح مثل الحصى
اين يمكن تنظيف البخاخات ؟
والسيارة موديلها 96
الكواري 1972
01-05-2007, 11:22 PM
طريق سلوى عند كيوتل في مركز فحص واصلاح
بس ماني ذاكر اسمه ناسيه
لمت داون111
02-05-2007, 12:32 AM
Alrayyan ,, ولد الدوحة ,, محمد11 ,, الاختصاصي ,, تايد ,, بومحمد141
اشكركم علي كلامكم الطيب وتشجيعكم وان شاء الله ماخيب ظنونكم :)
وكلنا اخوان بالمنتدي وان شاء الله محد بيقصر علي الثاني بالنصايح الطيبه
جزاكم الله خير جميعا
لمت داون111
02-05-2007, 12:41 AM
عندي سيارة افالون فاحصها من كم يوم
طلع فيها
اكس امامي
والبخاخات حرقها زايد تحتاج تضبيط
وتحتاج تغيير جنبينات
ارجو نصيحتكم عن هذه الاشياء الثلاثة بارك الله فيكم وجعله في موازين حسناتكم
اخووي فيه صوت طقه وانت تلف السكان ؟؟ اغلب الظن الربلات عندك تعبانه ولازم تغيرها ضروري ولا الاكسل كامل بيروح عليك وسعرها التقريبي مع شغل اليد ماتوقع يطووف ال800 ريال ( سعر تقريبي )
وايش مشكله البخاخات بالضبط ؟؟ موترك يصرف بترول ويطلع دخان اسود ؟؟ اعتقد لازم تنظف البخاخات+ميزانيه بخاخات وبيرجع لك الموتر مثل الاصفار ان شاء الله
والجامبينات لازم يتغيرون طبعا واسعارها رخيصه وتصليح موترك علي هالثلاث شغالات خلها بكراج واحد احسن عشان يرخص لك بشغل اليد شووي .. يعني مالك الا الصناعيه واتوقع الاغراض مع شغل اليد بيطلعون عليك تقريبا من 2500 لين 3000 كحد أقصي
واقترح عليك كراج دكا ( شارع 10 ) واذا حد من الشباب يعرف مكان علي خط سلوى او بالدوحه يسوي فيك خير .. بس شغل يد الكراجات بالصناعيه يطلع عليك ارخص من الدوحه
اتمني اني افدتك والسموحه علي القصوور اخوووي :)
لمت داون111
02-05-2007, 12:44 AM
جزاك الله خير علي المساعده اخووي بومحمد141 :)
ان شاء الله في ميزان حسناتك يالغالي :nice:
ضدالتيار
02-05-2007, 12:57 AM
عساك على فعل الخير يا لمت داون ومن اليوم انت بالنسبه لي لمت اببببببببببببببببببببببببببب
بالتوفيق ان شاء الله
التيما
02-05-2007, 01:05 AM
يسلموووووووووو على هالموضوع
انا سيارتي اكس فايف وتوني مغيره السفايف ودريمويل في الوكاله بس للحين اسمع صوت للسفايف ؟؟
بوخالد2
02-05-2007, 01:11 AM
يسلموووووووووو على هالموضوع
انا سيارتي اكس فايف وتوني مغيره السفايف ودريمويل في الوكاله بس للحين اسمع صوت للسفايف ؟؟
يمكن ماسوالج ميزانينه مضبوطه ؟؟
يسلموو لمت على خدة الشباااب
لمت داون111
02-05-2007, 01:17 AM
عساك على فعل الخير يا لمت داون ومن اليوم انت بالنسبه لي لمت اببببببببببببببببببببببببببب
بالتوفيق ان شاء الله
وياك يالشيخ وتسلم علي كلامك الطيب وماسوينا شي طال عمرك :)
الف شكر يالغالي:nice:
لمت داون111
02-05-2007, 01:25 AM
يسلموووووووووو على هالموضوع
انا سيارتي اكس فايف وتوني مغيره السفايف ودريمويل في الوكاله بس للحين اسمع صوت للسفايف ؟؟
غريبه اذا مغيرين الدرامويل والصوت موجود ؟؟ لانه الي اعرفه اذا السفايف جداد وطالع لج هالصوت مع طقه البريك معناه انه فيه شويه وصاخه ( وانتو مكرمين ) في الدرامويل او جايز ماركبو لج السفايف عدل مع اني ماتوقع الوكاله يغلطون مثل هالغلطات
ودام توج مسويه كل شي بالوكاله ارجعي لهم وقوليلهم يتحملون مشكلتهم
او مري علي محل اسمه التركي الالماني علي خط سلوى وموقعه قبل وكاله التضامن بالضبط وان شاء الله يفيدونج لانه ذي مشكله الالماني يا تودينه وكاله ولا كراج محترم !!
والسموحه علي القصوور اختي :)
لمت داون111
02-05-2007, 01:26 AM
يمكن ماسوالج ميزانينه مضبوطه ؟؟
يسلموو لمت على خدة الشباااب
الله يسلمك يالغالي واي خدمه حاضرين لك :nice:
بوخالد2
02-05-2007, 01:27 AM
غريبه اذا مغيرين الدرامويل والصوت موجود ؟؟ لانه الي اعرفه اذا السفايف جداد وطالع لج هالصوت مع طقه البريك معناه انه فيه شويه وصاخه ( وانتو مكرمين ) في الدرامويل او جايز ماركبو لج السفايف عدل مع اني ماتوقع الوكاله يغلطون مثل هالغلطات
ودام توج مسويه كل شي بالوكاله ارجعي لهم وقوليلهم يتحملون مشكلتهم
او مري علي محل اسمه التركي الالماني علي خط سلوى وموقعه قبل وكاله التضامن بالضبط وان شاء الله يفيدونج لانه ذي مشكله الالماني يا تودينه وكاله ولا كراج محترم !!
والسموحه علي القصوور اختي :)
اخوى لمت اتهقى ماجرب التيسر الى على خط سلووى
شغلهم زين ترى
بوخالد911
02-05-2007, 01:30 AM
هلا
عندي جي اكس مو 2002
الليت اللي صوب طبلون السرعة مال الغير لما أحطه على ( الدي D ) ما يولع !!
ولكن لما أريوس أو أحطه على الباركينج يولع الليت
وحتى يولع على 2
L
شنهو الحل؟
وشكرااا
لمت داون111
02-05-2007, 01:39 AM
اخوى لمت اتهقى ماجرب التيسر الى على خط سلووى
شغلهم زين ترى
قصدك اي واحد فيهم بوخالد ؟؟ كلامك جايز بس بعد الهنود بيني وبينك ينخاف منهم حق هالمواتر ههههههههه
بنظري للالماني تروح مكان تخصص الماني احسن يالغالي
او الله يعينها علي ضرب خطوط للوكاله وان شاء الله تنحل مشكلتها :)
بوخالد2
02-05-2007, 01:42 AM
قصدك اي واحد فيهم بوخالد ؟؟ كلامك جايز بس بعد الهنود بيني وبينك ينخاف منهم حق هالمواتر ههههههههه
بنظري للالماني تروح مكان تخصص الماني احسن يالغالي
او الله يعينها علي ضرب خطوط للوكاله وان شاء الله تنحل مشكلتها :)
لا بالعكس جيدين انا جربت عندهم مره غيرت السفايف والموتر اوكيه مافيه رقله ولاصوت
نفس شغل الوكاله في الصناعيه اخووى لمت
لمت داون111
02-05-2007, 01:42 AM
هلا
عندي جي اكس مو 2002
الليت اللي صوب طبلون السرعة مال الغير لما أحطه على ( الدي D ) ما يولع !!
ولكن لما أريوس أو أحطه على الباركينج يولع الليت
وحتى يولع على 2
L
شنهو الحل؟
وشكرااا
ياهلا فيك اخووي بوخالد911
اشتر لمبات حق ليتات D أو أي ليت محترق عندك بالطبلون من نوبل واللمبه علي 6 ريال بالضبط :d اشرح له الي تبيه وبيعرفون ان شاء الله
وروح حق كهربائي شاطر انت تثق فيه عشان يفتح لك الطبلون ( بس مب كله طبعا ) وموضوعك ماياخذ نص ساعه عنده ان شاء الله
بالتوفيق يالغالي :)
لمت داون111
02-05-2007, 01:46 AM
لا بالعكس جيدين انا جربت عندهم مره غيرت السفايف والموتر اوكيه مافيه رقله ولاصوت
نفس شغل الوكاله في الصناعيه اخووى لمت
الحلول عندها وان شاء الله هي بتشوف الانسب لها واهم شي تنحل مشكلتها
جزاك الله خير علي التوضيح يالغالي بوخالد2 :nice:
بوخالد911
02-05-2007, 02:00 AM
الف شكر اخووي لمت
بس وووين (( نوبل ))
هل تقصد اسم محل؟
ووين مكانه؟
وجزاك الله الف خييير
لمت داون111
02-05-2007, 02:10 AM
الف شكر اخووي لمت
بس وووين (( نوبل ))
هل تقصد اسم محل؟
ووين مكانه؟
وجزاك الله الف خييير
الله يجزيك بمثله يالغالي :)
اي نعم اخووي .. نوبل محل يبيع قطع غيار اصليه معتمد من عبد الغني
فرووعه كثيره فيه علي خط سلوى وفي بالغرافه السوق الجديد الي علي الشارع وعشان اوصف لك عدل .. خلي مطعم الدجاج الحار ومحلات التلفونات علي يمينك وكأنك رايح صووب الاشارات وبتحصل المحل يبين علي الشارع قبل الاشارات
وبعد ناسي وين بالضبط بس مالك الا الغرافه اذا مب بعيد عليك
والسموحه علي القصووور طال عمرك :nice:
بوخالد911
02-05-2007, 09:18 AM
تسلم لنا
ويعطيييك العافية
الحلال فقط
02-05-2007, 01:15 PM
اخووي فيه صوت طقه وانت تلف السكان ؟؟ اغلب الظن الربلات عندك تعبانه ولازم تغيرها ضروري ولا الاكسل كامل بيروح عليك وسعرها التقريبي مع شغل اليد ماتوقع يطووف ال800 ريال ( سعر تقريبي )
وايش مشكله البخاخات بالضبط ؟؟ موترك يصرف بترول ويطلع دخان اسود ؟؟ اعتقد لازم تنظف البخاخات+ميزانيه بخاخات وبيرجع لك الموتر مثل الاصفار ان شاء الله
والجامبينات لازم يتغيرون طبعا واسعارها رخيصه وتصليح موترك علي هالثلاث شغالات خلها بكراج واحد احسن عشان يرخص لك بشغل اليد شووي .. يعني مالك الا الصناعيه واتوقع الاغراض مع شغل اليد بيطلعون عليك تقريبا من 2500 لين 3000 كحد أقصي
واقترح عليك كراج دكا ( شارع 10 ) واذا حد من الشباب يعرف مكان علي خط سلوى او بالدوحه يسوي فيك خير .. بس شغل يد الكراجات بالصناعيه يطلع عليك ارخص من الدوحه
اتمني اني افدتك والسموحه علي القصوور اخوووي :)
الله يجزيك الخير ويجعل كل حرف تكتبه في ميزان حسناتك
"خير الناس أنفعهم للناس"
الكواري 1972
02-05-2007, 11:10 PM
يسلموووووووووو على هالموضوع
انا سيارتي اكس فايف وتوني مغيره السفايف ودريمويل في الوكاله بس للحين اسمع صوت للسفايف ؟؟
هذا شئ عادي دام ان كل شئ جديد
واكثر السيارات فيهم مثل هذا الشئ
بس طريقه بسيطه تروحين الله يسلمج اي كراج
ويحط على السفايف او الدرام ويل شوي من ايل البريك
وان شاءالله راح يروح الصوت ولا تخافين اذا كان كل شئ جديد
الكواري 1972
02-05-2007, 11:13 PM
هلا
عندي جي اكس مو 2002
الليت اللي صوب طبلون السرعة مال الغير لما أحطه على ( الدي D ) ما يولع !!
ولكن لما أريوس أو أحطه على الباركينج يولع الليت
وحتى يولع على 2
L
شنهو الحل؟
وشكرااا
اول شئ شيك على واير القير
او يمكن انت منزل القير او شئ يبيله شوية ميزانيه
ALRAYYAN
03-05-2007, 12:40 AM
لين دخلت هالموضوع احس اني قاعد اتمشى في المنطقة الصناعيه :dance
يعطيك العافيه لمت داون 111 ... وان شاء الله اشوفك لمت اب عن قريب ;)
فاضي عمل
03-05-2007, 12:47 AM
يالربع في مشكلة فسيارة ماكسيما قير توماتيك
يعني يوم ندعس شوي مرتين او ثلاث الظهر الحرارة ترتفع لين فوق النص وعقبها بشوي نلاحظ ان القير مايشبك الا فواحد وهو في D باختصار اشتكي من الحرارة ومن القير ان يوم ترتفع الحرارة يرد نمرة على كيفه
على قد حالها
03-05-2007, 12:56 AM
مرحبا اخواني .....ومشكور اخوي لمت داون على هالموضوع الرائع والمفيد..
انا عندي جي اكس ار 2006 من فترة شهر او شهرين صرت لما اضرب بريك بالخفيف او لما اخفف عالمطبات احس ان السياره اطق من تحت وهالطقه مو دوم تستوي مرات تطق ومرات لا ..وعند التشييك فالوكاله قلت لهم عن هالمشكه وفحصوا السياره وودوها الصناعيه بس قالوا مافيها شي وهاي امر عادي!!!!! قلت لهم اي عادي السياره قبل ماكنت تطق الا الحين وسيايير اخواني كلها كروزرات وما احس بهالطقه رغم ان موديلاتهم اقدم...فمب عارفه شنهي سالفة سيارتي انا احس ان اللي فيها مب طبيعي..
اتمنى تفيدوني
فاضي عمل
03-05-2007, 01:16 AM
مرحبا اخواني .....ومشكور اخوي لمت داون على هالموضوع الرائع والمفيد..
انا عندي جي اكس ار 2006 من فترة شهر او شهرين صرت لما اضرب بريك بالخفيف او لما اخفف عالمطبات احس ان السياره اطق من تحت وهالطقه مو دوم تستوي مرات تطق ومرات لا ..وعند التشييك فالوكاله قلت لهم عن هالمشكه وفحصوا السياره وودوها الصناعيه بس قالوا مافيها شي وهاي امر عادي!!!!! قلت لهم اي عادي السياره قبل ماكنت تطق الا الحين وسيايير اخواني كلها كروزرات وما احس بهالطقه رغم ان موديلاتهم اقدم...فمب عارفه شنهي سالفة سيارتي انا احس ان اللي فيها مب طبيعي..
اتمنى تفيدوني
أختي هالطقه تصير لان اولا الـ 2006 دفع رباعي وعلى ماعتقد هالطقه تكون بسبت فراغ فالدبل يعني عاديه الطقه بس بتزيد عليج مع الايام ومواتر اخوانج موديلاتهم قديمه مب دفع رباعي يعني عادي
لمت داون111
03-05-2007, 01:38 AM
بوخالد911 ,, الحلال فقط ,, بومحمد141
العفوو يالغاليين ومانبي الا الخير لااخوانا :nice:
وان شاء الله اكون عند حسن ظنكم :)
لمت داون111
03-05-2007, 01:39 AM
يالربع في مشكلة فسيارة ماكسيما قير توماتيك
يعني يوم ندعس شوي مرتين او ثلاث الظهر الحرارة ترتفع لين فوق النص وعقبها بشوي نلاحظ ان القير مايشبك الا فواحد وهو في D باختصار اشتكي من الحرارة ومن القير ان يوم ترتفع الحرارة يرد نمرة على كيفه
بصراحه مافهمت مشكلتك اخووي
الحين المشكله من الحراره ولا القير مايبدل ؟؟ ارجوو التوضيح وان شاء الله نفيدك اخووي :)
لمت داون111
03-05-2007, 01:40 AM
لين دخلت هالموضوع احس اني قاعد اتمشى في المنطقة الصناعيه :dance
يعطيك العافيه لمت داون 111 ... وان شاء الله اشوفك لمت اب عن قريب ;)
هذي المنطقه الصناعيه الجديده:D
الله يعافيك الشيخ واانت بعد ماقصرت وفيك الخير والبركه طال عمرك :nice:
لمت داون111
03-05-2007, 01:46 AM
مرحبا اخواني .....ومشكور اخوي لمت داون على هالموضوع الرائع والمفيد..
انا عندي جي اكس ار 2006 من فترة شهر او شهرين صرت لما اضرب بريك بالخفيف او لما اخفف عالمطبات احس ان السياره اطق من تحت وهالطقه مو دوم تستوي مرات تطق ومرات لا ..وعند التشييك فالوكاله قلت لهم عن هالمشكه وفحصوا السياره وودوها الصناعيه بس قالوا مافيها شي وهاي امر عادي!!!!! قلت لهم اي عادي السياره قبل ماكنت تطق الا الحين وسيايير اخواني كلها كروزرات وما احس بهالطقه رغم ان موديلاتهم اقدم...فمب عارفه شنهي سالفة سيارتي انا احس ان اللي فيها مب طبيعي..
اتمنى تفيدوني
ياهلا ومرحبا في ااختي علي قد حالها منووره المنتدي والموضوع :nice:
والله اختي مب متأكد من مشكلتج بالضبط لانه الكروزرات من 2006 دفع رباعي بس ماتوقع المشكله بالدبل مثل ماقال اخووي ( فاضي عمل ) بسأل لج واحد متخصص بكراج وبرد عليج بكره ان شاء الله .. بس مبدئيا اتوقع هالطقه من عموود التوازن وخاصه لما تضربين حفره او مطبه تنسمع الطقه بصوت خفيف ومب ملحوظ وايد للغير بس طبعا الصوت مزعج لصاحب السياره :)
ومثل ماقلت لج بتأكد لج من الموضوع الصبح وأذا الي بسأله مب متأكد من الموضوع بقترح عليج عده كراجات تمرين عليهم وان شاء الله يفيدونج .. طبعا بقوولج علي الاقرب واحد لج
والسموحه علي القصوور اختي :)
لمت داون111
03-05-2007, 01:49 AM
أختي هالطقه تصير لان اولا الـ 2006 دفع رباعي وعلى ماعتقد هالطقه تكون بسبت فراغ فالدبل يعني عاديه الطقه بس بتزيد عليج مع الايام ومواتر اخوانج موديلاتهم قديمه مب دفع رباعي يعني عادي
ماتوقع الطقه عاديه اخووي لانه الدفع الرباعي مسوينه لموازنه السياره عند الممشي .. والمتهم الاول بمسبب هالمشكله هو حفر شوارعنا هههههههههههه:dance
يالله ربك كريم ان شاء الله .. وتسلم علي المساعده يالغالي :nice:
لمت داون111
03-05-2007, 12:11 PM
مرحبا اخواني .....ومشكور اخوي لمت داون على هالموضوع الرائع والمفيد..
انا عندي جي اكس ار 2006 من فترة شهر او شهرين صرت لما اضرب بريك بالخفيف او لما اخفف عالمطبات احس ان السياره اطق من تحت وهالطقه مو دوم تستوي مرات تطق ومرات لا ..وعند التشييك فالوكاله قلت لهم عن هالمشكه وفحصوا السياره وودوها الصناعيه بس قالوا مافيها شي وهاي امر عادي!!!!! قلت لهم اي عادي السياره قبل ماكنت تطق الا الحين وسيايير اخواني كلها كروزرات وما احس بهالطقه رغم ان موديلاتهم اقدم...فمب عارفه شنهي سالفة سيارتي انا احس ان اللي فيها مب طبيعي..
اتمنى تفيدوني
مرحبا اختي
سألت لج راعي الكراج وقالي أصوات الطقه كثيره صعب اعطيك الجواب بدون مافحص السياره
بس قالي الاحتمال الاكبر مثل ماذكرت لج اعمده التوازن أو بوشات الكرونه
اختي دام موترج علي الضمان انصحج تودينه الوكاله خصيصا حق هالصوت وهم بيسوقونها ويفصحونها واصري عليهم قوليلهم فيه صوت وابيكم تطلعونه وتصلحونه ماينفع وياهم الا اسلوب العناد:strong
او اذا تبين بدليج علي عده كراجات تقدرين تروحين لهم ويشوفون لج مشكلتج .. بس دايما حطي في بالج انه لاتخلينهم يتعثبون في اي شي بالسياره ممكن انه يطيح ضمان السياره
والسموحه علي القصوور اختي:shy:
فاضي عمل
03-05-2007, 12:35 PM
ماتوقع الطقه عاديه اخووي لانه الدفع الرباعي مسوينه لموازنه السياره عند الممشي .. والمتهم الاول بمسبب هالمشكله هو حفر شوارعنا هههههههههههه:dance
يالله ربك كريم ان شاء الله .. وتسلم علي المساعده يالغالي :nice:
الله يسلمك يالغالي وهني كلنا اخوان نعاون بعض ونتعاون :shy:
فاضي عمل
03-05-2007, 12:36 PM
بصراحه مافهمت مشكلتك اخووي
الحين المشكله من الحراره ولا القير مايبدل ؟؟ ارجوو التوضيح وان شاء الله نفيدك اخووي :)
اخوي القير مايصيده شي الا يوم الحرارة ترتفع
لو الحرارة طبيعية القير سليم 100%
M O 7 A M M E D
03-05-2007, 09:35 PM
يثبت الموضوع لتعم الفائدة ..
ويعطيكم العافية ..
:)
الكواري 1972
03-05-2007, 09:45 PM
يالربع في مشكلة فسيارة ماكسيما قير توماتيك
يعني يوم ندعس شوي مرتين او ثلاث الظهر الحرارة ترتفع لين فوق النص وعقبها بشوي نلاحظ ان القير مايشبك الا فواحد وهو في D باختصار اشتكي من الحرارة ومن القير ان يوم ترتفع الحرارة يرد نمرة على كيفه
اخوي دام انت تقول مشكلتي من الحراراه
يعني اول شئ حنا صيف وحرارة الجو تصل لين 45 درجه
وثاني شئ غير راديترك وافحص الترمستر
ثالثا يمكن المراوح مدف عدل
وفعلاً الحراره تأثر على الجير بالذات في المكسيما
بس انت متى اخر مره غيرت زيت الجير والفتر ....؟
ان شاءالله قدرت افيدك
الكواري 1972
03-05-2007, 09:48 PM
مرحبا اخواني .....ومشكور اخوي لمت داون على هالموضوع الرائع والمفيد..
انا عندي جي اكس ار 2006 من فترة شهر او شهرين صرت لما اضرب بريك بالخفيف او لما اخفف عالمطبات احس ان السياره اطق من تحت وهالطقه مو دوم تستوي مرات تطق ومرات لا ..وعند التشييك فالوكاله قلت لهم عن هالمشكه وفحصوا السياره وودوها الصناعيه بس قالوا مافيها شي وهاي امر عادي!!!!! قلت لهم اي عادي السياره قبل ماكنت تطق الا الحين وسيايير اخواني كلها كروزرات وما احس بهالطقه رغم ان موديلاتهم اقدم...فمب عارفه شنهي سالفة سيارتي انا احس ان اللي فيها مب طبيعي..
اتمنى تفيدوني
شوفي اختي دام سيارتك جديده مثل قال لج اخوي لمت داون عليج بالوكاله
لان واحد من الربع عنده نفس سيارتج بس مافيها هالمشكله
بس اعتقد هالطقه يمكن تطلع معج بعد سنه او سنتيين على حسب السواقه
:)
وحداني قطر
04-05-2007, 01:22 AM
عندى نيسان فتك مادرى شسالفته اقفله بالريموت كنترول مايقفل المشكله من وين
بدلت البطاريه وجربت الاسبير الثانى نفس المشكله ووين ممكن الاقي قراج يعالجلى هالخلل ولكم جزيل الشكر لن السياره قامت ماتنقفل بالريموت كنترول
لمت داون111
04-05-2007, 01:48 AM
اخوي دام انت تقول مشكلتي من الحراراه
يعني اول شئ حنا صيف وحرارة الجو تصل لين 45 درجه
وثاني شئ غير راديترك وافحص الترمستر
ثالثا يمكن المراوح مدف عدل
وفعلاً الحراره تأثر على الجير بالذات في المكسيما
بس انت متى اخر مره غيرت زيت الجير والفتر ....؟
ان شاءالله قدرت افيدك
ما شاء الله عليك اخووي بومحمد141 كفيت ووفيت والله:nice: :nice: :nice:
وان شاء الله راعي المكسيما يفحص هالاشياء عند مكانيكي جيد ويبلغنا بالنتيجه بعدين
الله يعطيك العافيه يالغالي :)
لمت داون111
04-05-2007, 01:49 AM
يثبت الموضوع لتعم الفائدة ..
ويعطيكم العافية ..
:)
الله يعافيك يا بوجاسم :)
وتسلم علي التثبيت يالغالي :)
لمت داون111
04-05-2007, 01:52 AM
عندى نيسان فتك مادرى شسالفته اقفله بالريموت كنترول مايقفل المشكله من وين
بدلت البطاريه وجربت الاسبير الثانى نفس المشكله ووين ممكن الاقي قراج يعالجلى هالخلل ولكم جزيل الشكر لن السياره قامت ماتنقفل بالريموت كنترول
اخوي حد متعبث في كهربا سيارتك من قبل؟؟ والجهاز الي علي سيارتك مال الوكاله ولا انت مركبه ؟؟ اذا تجاري جايز انه اخترب ولازم يتبدل واذا اصلي وده عند كهربائي يفحص لك جهاز الريموت اعتقد يسمونه ( سنتر لوك ) اذا ماكنت غلطان واغلب الظن العيب في الفيوز يعني مشكلتك بسيطه ان شاء الله:nice:
جرب منطقه بن محمود شوف لك كهربائي هناك او شووف لك كهربائي انت تعرفه ومتعامل معاه من قبل
بعد لاتستعيل انطر يمكن حد من الشباب بالمنتدي عنده نيسان ومر بهالمشكله وبيقدر يفيدك اكثر .. ربعنا فيهم الخير
السموحه علي القصووور اخوي :)
على قد حالها
04-05-2007, 10:04 AM
مرحبا اختي
سألت لج راعي الكراج وقالي أصوات الطقه كثيره صعب اعطيك الجواب بدون مافحص السياره
بس قالي الاحتمال الاكبر مثل ماذكرت لج اعمده التوازن أو بوشات الكرونه
اختي دام موترج علي الضمان انصحج تودينه الوكاله خصيصا حق هالصوت وهم بيسوقونها ويفصحونها واصري عليهم قوليلهم فيه صوت وابيكم تطلعونه وتصلحونه ماينفع وياهم الا اسلوب العناد:strong
او اذا تبين بدليج علي عده كراجات تقدرين تروحين لهم ويشوفون لج مشكلتج .. بس دايما حطي في بالج انه لاتخلينهم يتعثبون في اي شي بالسياره ممكن انه يطيح ضمان السياره
والسموحه علي القصوور اختي:shy:
اشكر جميع من رد على مشكلتي .....
اخوي لمت داون انا لما وديت سيارتي للتشييك (لما وصلت 10,000 ) قلت لهم عن الطقه شيكوها لي في محطة الصقر وطلع معاي الفني بس من النذاله ماطقت السياره حزتها لاني قلت لك مو دوم اطق...ولمن اخذت السياره ورجعت البيت ثاني يوم طلعت الطقه خليت السايق يوديها الصناعيه على طول وتمت عندهم يومين يفحصونها وقالوا لي مافيها شي وقلت لهم لو السياره اختربت انتوا المسؤولين لاني احس فيها مو طبيعيه حتى اللي يقعد حذاي يحس بالطقه...
عالعموم انا بشوف واحد من الكراجات اللي بتوصيني عليهم وبخلي اخوي ولا السايق يروح وطبعا من غير مايتعبثون فيها خبرك حنا البنات كل شي ولا الضمان:anger2: ...بس انت ما قلت لي عن اسم كراج معين!!!! :looking:
وفعلا ترا مثل ماقلتوا الطقه طلعت بعد 10 شهور تقريبا من سواقتها ....لان في شهر 4 كملت السنه:court:
ومره ثانيه اشكر الجميع بدون ذكر اسماء وجزاكم الله كل خير:D
فاضي عمل
04-05-2007, 01:12 PM
اخوي دام انت تقول مشكلتي من الحراراه
يعني اول شئ حنا صيف وحرارة الجو تصل لين 45 درجه
وثاني شئ غير راديترك وافحص الترمستر
ثالثا يمكن المراوح مدف عدل
وفعلاً الحراره تأثر على الجير بالذات في المكسيما
بس انت متى اخر مره غيرت زيت الجير والفتر ....؟
ان شاءالله قدرت افيدك
جزاك الله ألف خير اخوي وانا بشوف شسالفه
لا هنت اخوي ويعطيك الف عافيه
فاضي عمل
04-05-2007, 01:13 PM
ما شاء الله عليك اخووي بومحمد141 كفيت ووفيت والله:nice: :nice: :nice:
وان شاء الله راعي المكسيما يفحص هالاشياء عند مكانيكي جيد ويبلغنا بالنتيجه بعدين
الله يعطيك العافيه يالغالي :)
جزاك الله الف خير اخوي ويعطيك الف عافيه وان شاءالله مابيصير الا كل خير
الكواري 1972
04-05-2007, 10:16 PM
عندى نيسان فتك مادرى شسالفته اقفله بالريموت كنترول مايقفل المشكله من وين
بدلت البطاريه وجربت الاسبير الثانى نفس المشكله ووين ممكن الاقي قراج يعالجلى هالخلل ولكم جزيل الشكر لن السياره قامت ماتنقفل بالريموت كنترول
انا جاتني من زمان مثل سالفتك بس في المكسيما سنة 2000
ماسويت شئ غير اني رحت الوكاله وسوولي برمجه خذو علي 120 ريال
وقالو لي توكل وكل شئ تمام
وفعلاً كان تمام
الكواري 1972
04-05-2007, 10:17 PM
ما شاء الله عليك اخووي بومحمد141 كفيت ووفيت والله:nice: :nice: :nice:
وان شاء الله راعي المكسيما يفحص هالاشياء عند مكانيكي جيد ويبلغنا بالنتيجه بعدين
الله يعطيك العافيه يالغالي :)
ماعليك زود يالغالي
حاضريييين للطيبيننننن
الحلال فقط
05-05-2007, 06:52 PM
اليوم مسكت شارع سلوى من اوله لاخره وانا ادور مكان يصلح البخاخات ما حصلت
ارجو من الاخوة يدلوني على مكان أصلح فيه البخاخات
السيارة افالون 96
الكواري 1972
05-05-2007, 09:44 PM
اليوم مسكت شارع سلوى من اوله لاخره وانا ادور مكان يصلح البخاخات ما حصلت
ارجو من الاخوة يدلوني على مكان أصلح فيه البخاخات
السيارة افالون 96
ايش مشكلت البخاخات عندك ....؟
مادري اذا مريت على طريق سلوى بعد كيوتل مباشره ام لا
لمت داون111
06-05-2007, 03:16 AM
اشكر جميع من رد على مشكلتي .....
اخوي لمت داون انا لما وديت سيارتي للتشييك (لما وصلت 10,000 ) قلت لهم عن الطقه شيكوها لي في محطة الصقر وطلع معاي الفني بس من النذاله ماطقت السياره حزتها لاني قلت لك مو دوم اطق...ولمن اخذت السياره ورجعت البيت ثاني يوم طلعت الطقه خليت السايق يوديها الصناعيه على طول وتمت عندهم يومين يفحصونها وقالوا لي مافيها شي وقلت لهم لو السياره اختربت انتوا المسؤولين لاني احس فيها مو طبيعيه حتى اللي يقعد حذاي يحس بالطقه...
عالعموم انا بشوف واحد من الكراجات اللي بتوصيني عليهم وبخلي اخوي ولا السايق يروح وطبعا من غير مايتعبثون فيها خبرك حنا البنات كل شي ولا الضمان:anger2: ...بس انت ما قلت لي عن اسم كراج معين!!!! :looking:
وفعلا ترا مثل ماقلتوا الطقه طلعت بعد 10 شهور تقريبا من سواقتها ....لان في شهر 4 كملت السنه:court:
ومره ثانيه اشكر الجميع بدون ذكر اسماء وجزاكم الله كل خير:D
معقوله فنيين وكاله ولا اعرفوو المشكله :con2: لاحول ولا قوه الا بالله .. للاسف حزات بعض الكراجات يطلعون احسن من الوكاله
بس لاخر مره اختي جربي تودين السياره للوكاله مثلا فرع مدينه خليفه ولا الهلال .. لعل وعسى يعرفون المشكله عشان تصليح السياره يكون بالمضمون وتحت الضمان ولا تخسرين شي من جيبج :strong
بس اذا مصره علي الكراج ولا تزعلين بدليج علي واحد زين :p بقترح عليج كراج يشتغل فيه واحد بنغالي وهو ميكانيكي .. شغله نظيف وآمين جدا بس طبعا لازم تكاسرين بسعر شغل اليد :D
اسمه كراج الزاهر وعشان اوصف لج مكانه بكل اختصار .. شفتي مطعم الدجاج الحار الي بالغرافه عند سوق التلفونات ؟؟ الكراج ذي مقابل المطعم بالضبط علي الشارع الثاني وهو اخر كراج بين صفه الكراجات
اتمني شرحي لج يكون واضح واذا مافهمتيني قووليلي وبوصف لج مره ثانيه :)
بس اختي ملاحظه مهمه جدا لازم تبلغينها حق الميكانيكي ذي لازم تفهمينه انه السياره تحت الضمان عشان مايتعبث لج بشي فيها ويطيح الضمان عليج الله لايقوول
والسموحه علي القصوور وياريت تبلغينا بألي صار معاج وان شاء الله تنحل مشكلتج :)
لمت داون111
06-05-2007, 03:19 AM
جزاك الله الف خير اخوي ويعطيك الف عافيه وان شاءالله مابيصير الا كل خير
الله يعافيك يالغالي ويجزيك بمثله :)
اتمني تبلغنا بالنتايج وشنو عيب سيارتك وان شاء الله تنحل مشكلتك :nice:
لمت داون111
06-05-2007, 03:21 AM
انا جاتني من زمان مثل سالفتك بس في المكسيما سنة 2000
ماسويت شئ غير اني رحت الوكاله وسوولي برمجه خذو علي 120 ريال
وقالو لي توكل وكل شئ تمام
وفعلاً كان تمام
جزاك الله خير بومحمد141 ما شاء الله عليك والله ماعندي كلام يوفيك حقك يالغالي :)
ماقصرت علي نصيحتك للرجال ودامك مريت بنفس المشكله بالضبط اكيد هذي مشكله سيارته وكلها برمجه وانتظار ربع ساعه وراح يخلص من مشكلته:nice:
رحم الله والديك يالغالي :)
لمت داون111
06-05-2007, 04:17 AM
اليوم مسكت شارع سلوى من اوله لاخره وانا ادور مكان يصلح البخاخات ما حصلت
ارجو من الاخوة يدلوني على مكان أصلح فيه البخاخات
السيارة افالون 96
بصراحه ماعندي لك مكان محدد اخوي غير الوكاله لانه اذكر واحد من الربع وده موتره الوكاله وطبعا شغلهم مايحتاي اقولك انه نظيف
واذا ماتبي الوكاله مالك الا تسأل عن كراجات الصناعيه او اتمني حد من الاخوان اهنيه يفيدونك بكراج معين
السموحه منك اخووي :)
الكواري 1972
06-05-2007, 11:10 PM
جزاك الله خير بومحمد141 ما شاء الله عليك والله ماعندي كلام يوفيك حقك يالغالي :)
ماقصرت علي نصيحتك للرجال ودامك مريت بنفس المشكله بالضبط اكيد هذي مشكله سيارته وكلها برمجه وانتظار ربع ساعه وراح يخلص من مشكلته:nice:
رحم الله والديك يالغالي :)
ويجزاك بمثله والبركه فيك ياخوي انت من اشعلتها
واولديك الجنه
والسموحه
الكواري 1972
06-05-2007, 11:15 PM
اتمنى من كل واحد قدر يحل مشكلته يرد ويقولنا
ويعلمنا السبب وين صلح موتره
فقط لتعم الفائده وحنا بعد نستفيد
السلام عليكم
اخوي بغيت ادلني على محل ولا اي مكان لتثيبت السرعه
نوع كامري2006
لمت داون111
08-05-2007, 12:52 AM
ويجزاك بمثله والبركه فيك ياخوي انت من اشعلتها
واولديك الجنه
والسموحه
عزيز وغالي يا بومحمد141 ورايتك بيضه يالغالي :)
لمت داون111
08-05-2007, 12:52 AM
اتمنى من كل واحد قدر يحل مشكلته يرد ويقولنا
ويعلمنا السبب وين صلح موتره
فقط لتعم الفائده وحنا بعد نستفيد
:deal: :deal: :deal:
لمت داون111
08-05-2007, 12:54 AM
السلام عليكم
اخوي بغيت ادلني على محل ولا اي مكان لتثيبت السرعه
نوع كامري2006
وعليكم السلام .. :) مافهمت قصدك اخوي !!
قصدك تبي تركب جهاز لتثبيت السرعه ؟؟ اذا هاي قصدك ماعندي فكره بصراحه
بس سمعت انه الكريستال يسويلك هالامور .. طبعا حط في بالك انه سعره غالي
طبعا احسن من اسعار الامارات للتويوتا مافي :deal:
والسموحه منك :)
هلا اخوي لمت111
ايوه قصدي جهاز التثبيت
يعطيك العافيه اخوي وماقصرت
اتصلت للكريستال قالي ماعندنا
بس معليه اخوي تسألي وين او اي كاراج
لمت داون111
08-05-2007, 08:22 PM
اتصلت للكريستال قالي ماعندنا
بس معليه اخوي تسألي وين او اي كاراج
الله يعافيك يالغالي .. وتسلم علي كلامك الطيب :)
عزيز وغالي يا نيوف ..وابشر بسأل لك الشباب وبرد عليك ان شاء الله:nice:
الكواري 1972
08-05-2007, 10:16 PM
هلا اخوي لمت111
ايوه قصدي جهاز التثبيت
يعطيك العافيه اخوي وماقصرت
على ماعتقد اخوي هذا يعتمد على تغير الكمبيوتر وتغير الضفيره
هذا في اعتقادي وحسب علمي
اذا حد من مربعك امجرب هذا شئ اخر
بس انت بعد تقدر تتأكد بنفسك فك السكان وشوف في وصله او واير حق
قطعت التثبيت ام لا
اصدق لو عندي مثل موترك راح يجيني فضول وافتح واشوف
بس حاسب لاتفك بدون علم لان يمكن تخرب شئ اخر مثل واهم شئ
كويل الهرن اللي يركب ورا الايرباق
اتمنى اكون على صواب
X 4 X
09-05-2007, 05:52 PM
السلام عليكم
اخوي بغيت ادلني على محل ولا اي مكان لتثيبت السرعه
نوع كامري2006
مرااحب :)
أخوي الجهاز ينباع في محلات الزينه ((الانصاري , مجلي....الخ))
بس للأسف تجاري
ارقى تحيه
X 4 X
الحلال فقط
09-05-2007, 06:46 PM
معلومة تخص البخاخات :
سمعت ان هناك محل اسمه التقنية الفائقة على طريق سلوى قريب من دوار الجزيرة يصلح البخاخات
مسااااااااهم
09-05-2007, 10:42 PM
بارك الله فيك أخوي لمت على الموضوع القيم والمفيد وان شاء الله في ميزان حسناتك كل معلومة يستفيد منها العضو والزائر للمنتدى في هذا المجال .
أخوي لمت والأخوة الكرام
1- لدي كرولا 2006 دائماً اسمع صوت ونه متقطعة بين فترة وأخرى وخاصة اذا مشيت مشوار طويل وديتها الوكالة مرتين عند التشييك ، في المرة الأولى ما سمعنا الصوت رغم المحاولات .. نحاسة... وفي المرة الثانية اللي في الرسبشن طلع معي وسمعنا الصوت وسجل في الملاحظات عنده ..بس للأسف ما سوو شئ الصوت موجود بالرغم من بقاء الموتر اربعة أيام تقريباً وتعرفون المشوار للصناعية والزحمة بوكالة عبدالغني ...
فأيش النصيحة واذا فيه مكان أو كراج اروح له لا تبخلون علي .
2- كذلك عندي كامري 2002 فيه رقلة بسيطة قالي محل التواير اللي في محطة التيسير بالمطار انه يحتاج ترصيص سويت له الترصيص بعد نفس الشئ الرقلة موجودة ...
الأمر الآخر فيه صوت صفير من التواير الأمامية تشبه صوت انتهاء السفايف وخاصة عند التحرك من الوقوف ولمسافة بسيطة وبعدين يروح الصوت ...والصوت يصدر دون الدوس على البريك ...رحت اغير السفايف في التيسير قالوا لي ما يحتاج تبديل السفايف وقام بتنظيف السفايف والدرام ويل ... وبعد الصوت ما زال وجود ..
ما عليه اسمحو لي على الإطالة بس والله النصيحة والشور من الأخوة امثالكم افضل من اقعد الف من محل لآخر وكل واحد يقول لي رأي .
Qatari2003
10-05-2007, 06:00 PM
السلام عليكم شباب عندي جمس رفرف موديل 2001 ماشي 100 الف اتماتيك فيه مشكلتين:
1) لما اوصل سرعة 100 وازيد على دواسة البترول زيادة خفيفة منتظمة الموتر يقعد على نفس التبديله يقطع (يتفتف) على الخط شوي اما اذا ادوس اكثر الموتر يرجع نمره ويكون تمام 100%.
2) صوت في الكرونه على سرعات عالية فوق 90 معا العلم اني غيرت ايل الكرونه بدون اي نتيجة
الكواري 1972
10-05-2007, 08:54 PM
بارك الله فيك أخوي لمت على الموضوع القيم والمفيد وان شاء الله في ميزان حسناتك كل معلومة يستفيد منها العضو والزائر للمنتدى في هذا المجال .
أخوي لمت والأخوة الكرام
1- لدي كرولا 2006 دائماً اسمع صوت ونه متقطعة بين فترة وأخرى وخاصة اذا مشيت مشوار طويل وديتها الوكالة مرتين عند التشييك ، في المرة الأولى ما سمعنا الصوت رغم المحاولات .. نحاسة... وفي المرة الثانية اللي في الرسبشن طلع معي وسمعنا الصوت وسجل في الملاحظات عنده ..بس للأسف ما سوو شئ الصوت موجود بالرغم من بقاء الموتر اربعة أيام تقريباً وتعرفون المشوار للصناعية والزحمة بوكالة عبدالغني ...
فأيش النصيحة واذا فيه مكان أو كراج اروح له لا تبخلون علي .
مرحبتين اخوي
او شئ في وين تسمع الصوت من قدام والا من ورا والصوت هذا يشبه صوت البيرنق والا صوت الكنفينتر اي دبة الجير
2- كذلك عندي كامري 2002 فيه رقلة بسيطة قالي محل التواير اللي في محطة التيسير بالمطار انه يحتاج ترصيص سويت له الترصيص بعد نفس الشئ الرقلة موجودة ...
الأمر الآخر فيه صوت صفير من التواير الأمامية تشبه صوت انتهاء السفايف وخاصة عند التحرك من الوقوف ولمسافة بسيطة وبعدين يروح الصوت ...والصوت يصدر دون الدوس على البريك ...رحت اغير السفايف في التيسير قالوا لي ما يحتاج تبديل السفايف وقام بتنظيف السفايف والدرام ويل ... وبعد الصوت ما زال وجود ..
ما عليه اسمحو لي على الإطالة بس والله النصيحة والشور من الأخوة امثالكم افضل من اقعد الف من محل لآخر وكل واحد يقول لي رأي .
بالنسبه للرقله شيك على البوشات والبولت جوينت او رود الميزانيه به ربلات وبولت جوينت
يمكن يخوي الويل سلندر عندك ضعيف اقصد من كلامي عند الوقوف تدعس انت بريك ولما تشي رجلك عن البريك الويل سلندر مايفك بسرعه فيتم شوي ماسك و للعلم عند تغير السفايف اغلب الشئ يصدر صوت عند الكبس
ان شاءالله قدرت افيدك
الكواري 1972
10-05-2007, 09:03 PM
السلام عليكم شباب عندي جمس رفرف موديل 2001 ماشي 100 الف اتماتيك فيه مشكلتين:
1) لما اوصل سرعة 100 وازيد على دواسة البترول زيادة خفيفة منتظمة الموتر يقعد على نفس التبديله يقطع (يتفتف) على الخط شوي اما اذا ادوس اكثر الموتر يرجع نمره ويكون تمام 100%.
2) صوت في الكرونه على سرعات عالية فوق 90 معا العلم اني غيرت ايل الكرونه بدون اي نتيجة
عليكم السلام
شوف اخوي بالنسبه للتقطيع في كذا سبب
اول شئ مادري من متى ماغيرت بلكات وفلتر بترول
وبعد هذا يحدث اذ في تسرب كهرب من احد ويرات الكويل او البلكات
والاهم بعد فيول بمب البترول يمكن يكون ضعيف
يمكن بعد مشكلة البخاخات
يعني كذا امر
اما مشكلة الونه مالك حل غير انك تغير دفريشن كامل ولا انصح بتغير البطيخه اي الكرونه الحالها
بخصوص ادليكم على كراجات هاي صعبه بالنسبه لي
بس اكثر الشباب يروحون للتصليح في شارع 8 وشارع 11 وشارع 13
وانت بكيفيك وانا مالي خص
مسااااااااهم
13-05-2007, 08:09 PM
بو محمد الله يرحم والديك ما قصرت
بالنسبة حق صوت الكرولا الصوت من الأمام ومدري من وين بالضبط
وبالنسبة للكامري بوديه ان شاء الله وشيك على اللي قلت لي بس الله يطول عمرك ممكن تدلني على محل اشيك عنده اللي ذكرت لي
وشاكر لك مرة أخرى
الكواري 1972
13-05-2007, 11:17 PM
بو محمد الله يرحم والديك ما قصرت
بالنسبة حق صوت الكرولا الصوت من الأمام ومدري من وين بالضبط
وبالنسبة للكامري بوديه ان شاء الله وشيك على اللي قلت لي بس الله يطول عمرك ممكن تدلني على محل اشيك عنده اللي ذكرت لي
وشاكر لك مرة أخرى
بالنسبه للكرولا اغلب الاحيان الصوت يطلع لك من البيرنق حق الهوب ويسمونه اعتقد هوب بيرنق
بخصوص ادليكم على كراجات هاي صعبه بالنسبه لي
بس اكثر الشباب يروحون للتصليح في شارع 8 وشارع 11 وشارع 13
وانت بكيفيك وانا مالي خص
ابوعزوز6
15-05-2007, 10:09 AM
الشيخ عندي كامري2002 جير تماتيك ااختربت الكلاجات علي وقالولي غير الجير احسن وغيرت الجير من التشليح وضطرو الي اخارج المكينه لتركايبه وبعدها اليت الي في الطابلون صوره مكينه ولع وسياره صارت اشوي ثقيله ووديتها الوكاله وقالو بدل السنسر وويرات البلكات والبلكا ت وبدلتهم بدون فايده وارجوافاتدي افادكم الله يالغالي00
X 4 X
15-05-2007, 06:38 PM
الشيخ عندي كامري2002 جير تماتيك ااختربت الكلاجات علي وقالولي غير الجير احسن وغيرت الجير من التشليح وضطرو الي اخارج المكينه لتركايبه وبعدها اليت الي في الطابلون صوره مكينه ولع وسياره صارت اشوي ثقيله ووديتها الوكاله وقالو بدل السنسر وويرات البلكات والبلكا ت وبدلتهم بدون فايده وارجوافاتدي افادكم الله يالغالي00
مرحبا اخوي:)
احتمال يبيلك اعادة برمجه حق كمبيوتر السياره
وهاذي الشركه اتسويلك اياها:)
X 4 X
ضدالتيار
15-05-2007, 09:01 PM
شباب وين اقدر اركب ريموت كنترول حق سيارتي ويكون نوع وتركيب ممتاز علما انه عندي سينتر لوك لسياره
الكواري 1972
15-05-2007, 11:40 PM
الشيخ عندي كامري2002 جير تماتيك ااختربت الكلاجات علي وقالولي غير الجير احسن وغيرت الجير من التشليح وضطرو الي اخارج المكينه لتركايبه وبعدها اليت الي في الطابلون صوره مكينه ولع وسياره صارت اشوي ثقيله ووديتها الوكاله وقالو بدل السنسر وويرات البلكات والبلكا ت وبدلتهم بدون فايده وارجوافاتدي افادكم الله يالغالي00
اخوي الجير اللي انت مركبه وارد والا
اقصد من كلامي الجير جاي من الامارات والا من موتر من قطر حق الوكاله
اخوي انت غيرت السنسر اللي في المكينه ومتأكد ان الواير للسنر مركب صح
انتظر ردك
الكواري 1972
15-05-2007, 11:43 PM
مرحبا اخوي:)
احتمال يبيلك اعادة برمجه حق كمبيوتر السياره
وهاذي الشركه اتسويلك اياها:)
X 4 X
لا يا اخوي هالمواتر مايبيلها برمجه هي لو نيسان كان ممكن نقول لان امور النيسان متعلقه بسنسر الفلتر للهوى او التروتل بدي
اشكرك على التجاوب
][ الوحيد ][
16-05-2007, 12:33 AM
السلام عليكم
عندي مشكله في موتري الجكسار 2006
لين امسك بريييك
يطلع صوت نفس الصفاارة
انا قلت يمكن السفايف
رحت بدلتهم
لكن الصووت للحين موجوود
لمت داون111
16-05-2007, 05:37 AM
معلومة تخص البخاخات :
سمعت ان هناك محل اسمه التقنية الفائقة على طريق سلوى قريب من دوار الجزيرة يصلح البخاخات
السلام عليكم
اخوي سألت عن مشكله البخاخات وقالو لي في محل اسمه الكمبيوتر العالمي لفحص السيارات وبالضبط مكانه مقابل شركه التضامن الي علي خط سلوى
والسموحه علي التأخير والقصوور :)
لمت داون111
16-05-2007, 05:38 AM
بومحمد141 ,, X 4 X
الله لايهينكم يا شباب .. ويعطيكم الف عافيه ان شاء الله :)
لمت داون111
16-05-2007, 05:40 AM
الشيخ عندي كامري2002 جير تماتيك ااختربت الكلاجات علي وقالولي غير الجير احسن وغيرت الجير من التشليح وضطرو الي اخارج المكينه لتركايبه وبعدها اليت الي في الطابلون صوره مكينه ولع وسياره صارت اشوي ثقيله ووديتها الوكاله وقالو بدل السنسر وويرات البلكات والبلكا ت وبدلتهم بدون فايده وارجوافاتدي افادكم الله يالغالي00
السلام عليكم
مثل ماذكر لك اخووي X 4 X
اعتقد يبيلك اعاده برمجه بالشركه .. او الافضل توديها احد فروع شركه التويوتا وتفحصها بكمبيوترهم هناك اعتقد الفحص يكلفك اقل من 500 ريال .. صحيح غالي من المحلات الي يفصحون برع .. بس بتعرف مشكلتك بالضبط وتصلحها وتفتك ان شاء الله
والسموحه علي القصوور اخوي :)
لمت داون111
16-05-2007, 05:46 AM
بارك الله فيك أخوي لمت على الموضوع القيم والمفيد وان شاء الله في ميزان حسناتك كل معلومة يستفيد منها العضو والزائر للمنتدى في هذا المجال .
أخوي لمت والأخوة الكرام
1- لدي كرولا 2006 دائماً اسمع صوت ونه متقطعة بين فترة وأخرى وخاصة اذا مشيت مشوار طويل وديتها الوكالة مرتين عند التشييك ، في المرة الأولى ما سمعنا الصوت رغم المحاولات .. نحاسة... وفي المرة الثانية اللي في الرسبشن طلع معي وسمعنا الصوت وسجل في الملاحظات عنده ..بس للأسف ما سوو شئ الصوت موجود بالرغم من بقاء الموتر اربعة أيام تقريباً وتعرفون المشوار للصناعية والزحمة بوكالة عبدالغني ...
فأيش النصيحة واذا فيه مكان أو كراج اروح له لا تبخلون علي .
2- كذلك عندي كامري 2002 فيه رقلة بسيطة قالي محل التواير اللي في محطة التيسير بالمطار انه يحتاج ترصيص سويت له الترصيص بعد نفس الشئ الرقلة موجودة ...
الأمر الآخر فيه صوت صفير من التواير الأمامية تشبه صوت انتهاء السفايف وخاصة عند التحرك من الوقوف ولمسافة بسيطة وبعدين يروح الصوت ...والصوت يصدر دون الدوس على البريك ...رحت اغير السفايف في التيسير قالوا لي ما يحتاج تبديل السفايف وقام بتنظيف السفايف والدرام ويل ... وبعد الصوت ما زال وجود ..
ما عليه اسمحو لي على الإطالة بس والله النصيحة والشور من الأخوة امثالكم افضل من اقعد الف من محل لآخر وكل واحد يقول لي رأي .
تسلم علي كلامك الطيب يالغالي وان شاء الله نساعدك بقد مانقدر :)
1_ألي فهمته من كلامك انه الكورولا جديده وعلي ضمانها .. والاصوات هذي ينخاف منها وانا اخوك .. دام السياره عليها ضمان .. ودها الوكاله او احد فروع التويوتا .. عند دوار المول او في محطه خليفه .. وقولهم عن الصوت .. وخلك علي راسهم مايجيون الا بهالطريقه .. وان شاء الله بيطلعون لك مشكلتها
2_الرقله والصوت هذوول اعتقد يبيلك تسوي سنفره للدرامويل .. روح تيسير المطار وقولهم علي مشكلتك بالضبط .. وجايز الدرامويلات يبيلها تغيير بالكامل .. بس اغلب الظن كلها تورنه وسفايف جديده وموضوعك خالص ان شاء الله .. بس خل العاملين هناك يشيكون لك بالاول .. جايز اعتقادي خطأ
والسموحه علي القصوور اخوي مساهم :)
لمت داون111
16-05-2007, 05:49 AM
السلام عليكم شباب عندي جمس رفرف موديل 2001 ماشي 100 الف اتماتيك فيه مشكلتين:
1) لما اوصل سرعة 100 وازيد على دواسة البترول زيادة خفيفة منتظمة الموتر يقعد على نفس التبديله يقطع (يتفتف) على الخط شوي اما اذا ادوس اكثر الموتر يرجع نمره ويكون تمام 100%.
2) صوت في الكرونه على سرعات عالية فوق 90 معا العلم اني غيرت ايل الكرونه بدون اي نتيجة
اذا الموتر يتفتف فيه اسباب عديده .. جايز البخاخات يبيلها تنظيف .. انت مركب شي علي المكينه من قبل اخووي ؟؟ لانه الهيدرزات وفلاتر الريس من احد الاسباب الي يخلون البخاخ يتوصخ بسرعه .. ومتي اخر مره غيرت فلتر البترول لسيارتك ؟؟ انا ماعندي خلفيه كبيره بالامريكي بس الي اعرفه بالتويوتا لازم بعد كل 100 ألف تغير فلتر البترول .. اتمني اني وضحت لك اخوي
وبالنسبه للكرونه مالك الا الصناعيه .. يا يبيلها تغيير آيل بالكامل وطبعا تشتري الأيل الخاص لها من وكاله المناعي .. او انك تغير الكرونه بالكامل .. ان شاء الله الكراجات يفيدونك هناك ..
والسموحه منك علي القصوور يالغالي :)
لمت داون111
16-05-2007, 05:57 AM
[ الوحيد ][']السلام عليكم
عندي مشكله في موتري الجكسار 2006
لين امسك بريييك
يطلع صوت نفس الصفاارة
انا قلت يمكن السفايف
رحت بدلتهم
لكن الصووت للحين موجوود
اخووي مشكلتك بسيطه ويبيلك تورنه بس .. روح تيسير المطار سوو تورنه علي الدرامويلات الي يطلع منها صوت .. طبعا راح يقولون لك جيب سفايف جديده .. وانت تقول توك مغير السفايف
وعشان ماتقط سفايفك الي توك مركبهم علي الفاضي .. خله يشيك علي سفايفك .. جديده وفيها وفيها فووق النص ولا لا؟؟ واذا جديده خله يسويلك سنفره للسفايف وخلاص وركبهم
والسموحه علي القصوور اخوي :)
الكواري 1972
16-05-2007, 11:24 PM
بومحمد141 ,, X 4 X
الله لايهينكم يا شباب .. ويعطيكم الف عافيه ان شاء الله :)
الله يعافيك شو هالطله الحلووووه ياااااد
ماعليك زود
al-rd
17-05-2007, 12:27 AM
بسم الله
اخوي انا عندي بورش كيان اس 8 سلندر
لما اشبك الدبل ( الدفع الرباعي) احس السياره ما تمشي وثقيله
هل الشي هذا عادي ؟؟؟؟؟؟؟؟؟ واذا فيها شي وين احسن كراج مضمون ورخيص ؟؟؟
مع جزيل الشكر والعرفان ؟؟؟؟
اخوي بالنسبة لاي سيارة دفع ىرباعي عندما تستعمل الرباعي تحسا ثقيلة لان الرباعي للطرقات الوعرة -مطرية - جبلية- ليس للطريق العادي- فهذا شيء طبيعي ولايلزمك كراج ولاوكالة
الصير781
17-05-2007, 09:51 AM
مرحبا الشيخ ....
عندي مشكلة لو قدرت انت تحلها صج تستاهل نسميك شوماخر قطر..
المهم عندي جيكسار مو2000 كل ماعدي الثمانين وحياتك تجي الموتر رقله مب صاحيه
السكان يرتقل الدرايش تهتز بدي الموتر يطلع صوت غريب تقول كنه يمشي بحصى مب قاار
واحس الصوت جاي من ورى والرقله كلها ورا ..
بدلت درامويلات مافي فايده سويت ميزانيه بعد مافييي فايده
مادري شالسالفه
ولد شرق
17-05-2007, 11:23 AM
مرحبا يالغالي
انا عندي جي اكس آر 2000
فيه رقله بعد الـ 120 والاهم من هالشي ان الموتر فيه زنّة مش طبيعية كل اللي يركب معاي الموتر يقول لي موترك فيه صوت والصوت عباره عن زنة يعني يطلع لي صوت زنننننننننننن على خفيف
غيّرت التواير وخف الصوت بدرجة حلوه لكن ماراح 100% هل المشكله من القير؟ علما بأن القير عادي وانا اسوي ميزانيه للتواير كل سنه مره مع تغيير التواير
ولا تعتقد صوت الزن هذا جاي من الشمكان ولا السلنسر؟
ولما اسوق السياره على 20 او 40 يطلع لي صوت خفيف كأني ماشي على شارع مب سيده نفس صوت بوم بوم بوم
احس مثل ان بعض التواير منفوخه وبعضها من منفوخه لكن طبعا اهي كلها على 35
آسف على الاطالة... بس حبيت اقول لك اني اداوم فيها للخور وانا ساكن الدوحه يعني يوميا خط 40 او 50 كيلو هل هو السبب مع اني سمعت ان ممشى الموتر مايهم... وهل في كراج زين 100% مايلعب علي ويفهم المشكله بالضبط؟لأني وديتها الوكاله قبل 3 سنوات وغيروا لي قطعه يقول لي اهي اللي تدفع بالهواى من المكينه لين السلنسر مثل البيب اهي لكن ماظن هي كانت سبب المشكله
لمت داون111
17-05-2007, 06:41 PM
مرحبا الشيخ ....
عندي مشكلة لو قدرت انت تحلها صج تستاهل نسميك شوماخر قطر..
المهم عندي جيكسار مو2000 كل ماعدي الثمانين وحياتك تجي الموتر رقله مب صاحيه
السكان يرتقل الدرايش تهتز بدي الموتر يطلع صوت غريب تقول كنه يمشي بحصى مب قاار
واحس الصوت جاي من ورى والرقله كلها ورا ..
بدلت درامويلات مافي فايده سويت ميزانيه بعد مافييي فايده
مادري شالسالفه
السلام عليكم .. ياهلا ومرحبا فيك اخوي الصير781
مشكلتك بالبوشات يالغالي .. واعتقد بوشات البور سترنغ تحديدا بس مب متأكد
بنصحك في كراج بالغرافه شغله نظيف وأمين وانا اتعامل معاه من سنين .. ووصيت عليه احد العضوات لمشكله سيارتها في احد الردود من قبل .. وخلني اقتبس لك وصف الكراج
اسمه كراج الزاهر وعشان اوصف لج مكانه بكل اختصار .. شفتي مطعم الدجاج الحار الي بالغرافه عند سوق التلفونات ؟؟ الكراج ذي مقابل المطعم بالضبط علي الشارع الثاني وهو اخر كراج بين صفه الكراجات
خله يتأكد لك الخراب من اي بوشات .. واول ماتغير البوشات علي طوول روح العبيدلي سولك ميزانيه تواير وعقب ميزانيه الرودات .. تحمل تسوي الرودات قبل ميزانيه التواير
ولازم يالغالي تسوي ميزانيه الرودات اذا غيرت البوشات
وان شاء الله تفتك .. والسموحه علي القصور الشيخ :)
لمت داون111
17-05-2007, 06:53 PM
مرحبا يالغالي
انا عندي جي اكس آر 2000
فيه رقله بعد الـ 120 والاهم من هالشي ان الموتر فيه زنّة مش طبيعية كل اللي يركب معاي الموتر يقول لي موترك فيه صوت والصوت عباره عن زنة يعني يطلع لي صوت زنننننننننننن على خفيف
غيّرت التواير وخف الصوت بدرجة حلوه لكن ماراح 100% هل المشكله من القير؟ علما بأن القير عادي وانا اسوي ميزانيه للتواير كل سنه مره مع تغيير التواير
ولا تعتقد صوت الزن هذا جاي من الشمكان ولا السلنسر؟
ولما اسوق السياره على 20 او 40 يطلع لي صوت خفيف كأني ماشي على شارع مب سيده نفس صوت بوم بوم بوم
احس مثل ان بعض التواير منفوخه وبعضها من منفوخه لكن طبعا اهي كلها على 35
آسف على الاطالة... بس حبيت اقول لك اني اداوم فيها للخور وانا ساكن الدوحه يعني يوميا خط 40 او 50 كيلو هل هو السبب مع اني سمعت ان ممشى الموتر مايهم... وهل في كراج زين 100% مايلعب علي ويفهم المشكله بالضبط؟لأني وديتها الوكاله قبل 3 سنوات وغيروا لي قطعه يقول لي اهي اللي تدفع بالهواى من المكينه لين السلنسر مثل البيب اهي لكن ماظن هي كانت سبب المشكله
هلا ومرحبا اخووي ولد شرق :)
برتب لك الاجوبه يالغالي
1_الرقله علي سرعه 120 يبيلها ميزانيه تواير .. او اذا انك مركب رنقات تجاريه مثل لكزس وغيره .. جايز احد الرنقات مطعوجه طعج خفيف .. ماراح تروح عنك الرقله الا لما تغير الرنقات .. صارت فيني نفس مشكلتك من قبل وغيرت رنقاتي وراحت الرقله وياها .. وهذي مشكله الرنقات التجاريه للأسف .. بس بالأول سو ميزانيه تواير وان شاء الله بتروح عنك الرقله ..
2_الزنه الي تقول عنها والله مب متأكد بالضبط بس اعتقد من البيرنغ .. شووف علي حسب يحتاج تغيير بيرنغ او تسويله ميزانيه وتعدله .. شووف الله يسلمك .. روح تيسير فرع المطار .. صووب التواير .. وخذ لك واحد من الهنود الي هناك وركبه معاك بالسياره وخله يسمع الصوت .. ان شاء الله يحلون مشكلتك .. واذا البيريغ يبيله تعديل راح يغير لك قطعه صغيره مدوره اسمها ( واشر )
3_ والصوت الي تقول عنه بوم بوم .. شلون الصوت مسموع من برع ؟؟ ولا بس الي داخل السياره يسمعونه ؟؟ والله الشيخ مب متأكد بالضبط ايش هو .. بس اتوقع من اعمده التوازن الخلفيه .. هم اربع قطع يجونك علي شكل بيبات .. قطعتين طوال وقطعتين اقصر .. بس يالغالي ودها كراج تخصص كروزرات بالصناعيه مثل كراج دكا او كراج الدفع الرباعي .. وخل حد من العاملين يركب معاك ويسمع الصوت وعقب يفحص لك ويتأكد لك الصوت من وين .. واذا حدد لك علي قطعه معينه خربانه .. لازم تأكد له وتقوله اكيد هالقطعه هي الخربانه ولا لا؟؟ وحاول يعطيك ضمان علي شغل يده .. عشان يتأكدون لك عدل من مكان العطل
والسموحه علي القصور الشيخ :)
الكواري 1972
17-05-2007, 08:52 PM
مرحبا الشيخ ....
عندي مشكلة لو قدرت انت تحلها صج تستاهل نسميك شوماخر قطر..
المهم عندي جيكسار مو2000 كل ماعدي الثمانين وحياتك تجي الموتر رقله مب صاحيه
السكان يرتقل الدرايش تهتز بدي الموتر يطلع صوت غريب تقول كنه يمشي بحصى مب قاار
واحس الصوت جاي من ورى والرقله كلها ورا ..
بدلت درامويلات مافي فايده سويت ميزانيه بعد مافييي فايده
مادري شالسالفه
موضوعك يبيله فحص لان المشكله تختص في المقصات من بوشات وبولت جوينت .... بعدين فصلت الشفت الامامي وجربت الموتر .. فحصت الشفت الخلفي في التورنه ... بعدين في حركه حلوه حق الاكسل الخلفي للفحص ارفع الموتر فوق وعشقه 2 وخل التواير ادور شوف الاكسات مع التواير ادور عدل يعني دورانهم سيده بدون انعطاف
القير اتماتيك عندك والا عادي لان هم الفراويل يجيب لك رجه
الكواري 1972
17-05-2007, 08:58 PM
مرحبا يالغالي
انا عندي جي اكس آر 2000
فيه رقله بعد الـ 120 والاهم من هالشي ان الموتر فيه زنّة مش طبيعية كل اللي يركب معاي الموتر يقول لي موترك فيه صوت والصوت عباره عن زنة يعني يطلع لي صوت زنننننننننننن على خفيف
غيّرت التواير وخف الصوت بدرجة حلوه لكن ماراح 100% هل المشكله من القير؟ علما بأن القير عادي وانا اسوي ميزانيه للتواير كل سنه مره مع تغيير التواير
ولا تعتقد صوت الزن هذا جاي من الشمكان ولا السلنسر؟
ولما اسوق السياره على 20 او 40 يطلع لي صوت خفيف كأني ماشي على شارع مب سيده نفس صوت بوم بوم بوم
احس مثل ان بعض التواير منفوخه وبعضها من منفوخه لكن طبعا اهي كلها على 35
آسف على الاطالة... بس حبيت اقول لك اني اداوم فيها للخور وانا ساكن الدوحه يعني يوميا خط 40 او 50 كيلو هل هو السبب مع اني سمعت ان ممشى الموتر مايهم... وهل في كراج زين 100% مايلعب علي ويفهم المشكله بالضبط؟لأني وديتها الوكاله قبل 3 سنوات وغيروا لي قطعه يقول لي اهي اللي تدفع بالهواى من المكينه لين السلنسر مثل البيب اهي لكن ماظن هي كانت سبب المشكله
ماقصر اخونا لمت داون111 كلامه طيب
بس لي تعقيب بيسط بالنسبه على قولتك بوم بوم يبا هاي الكرونا الخلفيه في الخط مالها صوت بس ياحبها عند الاشارات او اول ماتحرك الموتر
ابوعزوز6
22-05-2007, 01:08 PM
اخوي الجير اللي انت مركبه وارد والا
اقصد من كلامي الجير جاي من الامارات والا من موتر من قطر حق الوكاله
اخوي انت غيرت السنسر اللي في المكينه ومتأكد ان الواير للسنر مركب صح
انتظر ردك
الجير من الامارات بالفعل اخوي بالنسبه للسنسر نعم اللي في المكينه من جه الطابلون والواير مركب صح وتسلم على الاهمتام ويعطيك الف عافيه
الكواري 1972
22-05-2007, 08:59 PM
الجير من الامارات بالفعل اخوي بالنسبه للسنسر نعم اللي في المكينه من جه الطابلون والواير مركب صح وتسلم على الاهمتام ويعطيك الف عافيه
في سنسر يركب في البلوك شيك عليه هو سبب العله بس انا ماذكر هم 2 والا 1 بس لازم تغير الاثنين مع بعض
شرط جديد
بيبي هامور
22-05-2007, 09:14 PM
الله يعطيك العافية أخوي لمت داون على هاذا الموضوع المهم
واجهتني مشكلة من يومين والحمد الله عدت على خير بس حاب اعرف الاسباب
عندي بوعيون حجم 280E موديل 2007 امطلعة من شهر مامشيت كثير فية تقريبا حول 3000 كيلو
وانا ماشي بالموتر بالغلط رجعت الجير على من D الى N كنت ماشي تقريبا 100 بذي لحدود بعدها رجعتة على الدي تم الموتر ايقطع وقف احطة بدي مايمشي الموتر كلش بندت الموتر وشغلتة ولاجنة في شي وصار الموضوع طبيعي
بضنك ماهي الاسباب
لمت داون111
23-05-2007, 12:56 AM
الله يعطيك العافية أخوي لمت داون على هاذا الموضوع المهم
واجهتني مشكلة من يومين والحمد الله عدت على خير بس حاب اعرف الاسباب
عندي بوعيون حجم 280E موديل 2007 امطلعة من شهر مامشيت كثير فية تقريبا حول 3000 كيلو
وانا ماشي بالموتر بالغلط رجعت الجير على من D الى N كنت ماشي تقريبا 100 بذي لحدود بعدها رجعتة على الدي تم الموتر ايقطع وقف احطة بدي مايمشي الموتر كلش بندت الموتر وشغلتة ولاجنة في شي وصار الموضوع طبيعي
بضنك ماهي الاسباب
الله يعافيك الشيخ :)
تطمن اخوووي .. المكينه والقير ماتضرروا اذا انك تحاتي هالشي .. لانه شي عادي الي صار لك وحزات تصير لناس وايد انه القير يرجعه من d لين n بالغلط ومستحييييييييييل يتضرر القير او المكينه من هالشي
وألي صار بظني هو من سستم السيفتي بالسياره .. عشان لو انك شارد الذهن او منصدم من الموقف علي طول توقف علي صوب ترجع القير علي الn وتبند السياره وتشغلها وتكون معاك اخر حلاوه .. ولاتحاتي اخووي .. واذا تبي تتطمن اكثر واكثر .. الله لايهينك الشيخ وانت بالدوام اتصل علي كراج المرسيدس واستفسر عن ألي صار .. وان شاء الله ماتسمع الا كل خير
السموحه علي القصوور يالغالي :)
لمت داون111
23-05-2007, 12:59 AM
في سنسر يركب في البلوك شيك عليه هو سبب العله بس انا ماذكر هم 2 والا 1 بس لازم تغير الاثنين مع بعض
شرط جديد
ما شاء الله عليك يا بومحمد141 .. طلعت ميكانيكي :strong .. ما شاء الله عليك والله يحفظك يالغالي :)
تسلم علي مساعده الاعضاء .. وبميزان حسناتك يالشيخ :nice:
البروكر
23-05-2007, 08:46 AM
ياشباب عندي نيسان باب واحد موديل 97 وابي احد يصبغ لي صبغ مضبوط ويكون سعره معقول ... وابي لي كراج يشيك عليه بالكامل
ابوعزوز6
23-05-2007, 11:39 AM
في سنسر يركب في البلوك شيك عليه هو سبب العله بس انا ماذكر هم 2 والا 1 بس لازم تغير الاثنين مع بعض
شرط جديد
الشيخ الوكاله قالولي راوني السنسر المحتاج تغيير الي في البلوك وغيرته بس مافي فايده
ابوعزوز6
23-05-2007, 12:40 PM
مرحبا الشيخ ....
عندي مشكلة لو قدرت انت تحلها صج تستاهل نسميك شوماخر قطر..
المهم عندي جيكسار مو2000 كل ماعدي الثمانين وحياتك تجي الموتر رقله مب صاحيه
السكان يرتقل الدرايش تهتز بدي الموتر يطلع صوت غريب تقول كنه يمشي بحصى مب قاار
واحس الصوت جاي من ورى والرقله كلها ورا ..
بدلت درامويلات مافي فايده سويت ميزانيه بعد مافييي فايده
مادري شالسالفه
اخوي انا صارتلي نفس المشكله تقريبا وغيرت البوشات وغيرت التواير وغيرت الرنجات في الاخير طلع الشفت الخلفي عوي انصحك اتفك الشفتين وتوديهم التورنه الي قدام كراج التويوتا وهم بقولون لج قبل لتغير اي شي 0
X 4 X
23-05-2007, 03:22 PM
ياشباب عندي نيسان باب واحد موديل 97 وابي احد يصبغ لي صبغ مضبوط ويكون سعره معقول ... وابي لي كراج يشيك عليه بالكامل
كراج وليد صبغه ممتاااز...وانا صابغ موتر عنده والصراحه ما يحتاي...
بس اذا تبي نصيحه...اصبغه في الديهاتسو احسن...واذا تبي اللي ما عليه كلام...شركة الأودي..بس هاي غالي شوي
لمت داون111
23-05-2007, 05:33 PM
ياشباب عندي نيسان باب واحد موديل 97 وابي احد يصبغ لي صبغ مضبوط ويكون سعره معقول ... وابي لي كراج يشيك عليه بالكامل
اذا تبي كراج يشيك علي موترك بالكامل فيه كراجات كثيره .. بس المعروف فيهم دكا أو الدفع الرباعي في التشييك وتصليح الخرابات .. بس بيطول عليك لانه دايما زحمه عندهم
وأذا ميزانيتك للصبغه مب كثيره .. أنصحك بكراج نورماندي.. شغله حلو لأني صابغ عنده قبل رفرف سياره حمره .. وتدري الألوان الغامقه هي الأصعب بالصبغ .. وضبطها ما شاء الله .. وعاد السعر ماعليك الا تكاسر أبوهم الشيبه
بالتوفيق اخووي :)
الكواري 1972
23-05-2007, 10:43 PM
الله يعطيك العافية أخوي لمت داون على هاذا الموضوع المهم
واجهتني مشكلة من يومين والحمد الله عدت على خير بس حاب اعرف الاسباب
عندي بوعيون حجم 280E موديل 2007 امطلعة من شهر مامشيت كثير فية تقريبا حول 3000 كيلو
وانا ماشي بالموتر بالغلط رجعت الجير على من D الى N كنت ماشي تقريبا 100 بذي لحدود بعدها رجعتة على الدي تم الموتر ايقطع وقف احطة بدي مايمشي الموتر كلش بندت الموتر وشغلتة ولاجنة في شي وصار الموضوع طبيعي
بضنك ماهي الاسباب
كلام اخوي لمت دون111 صحيح ولا علية اية غبار والله يعطيه العافيه
الكواري 1972
23-05-2007, 10:45 PM
ما شاء الله عليك يا بومحمد141 .. طلعت ميكانيكي :strong .. ما شاء الله عليك والله يحفظك يالغالي :)
تسلم علي مساعده الاعضاء .. وبميزان حسناتك يالشيخ :nice:
هذا بعض ماعندكم الله يسلمك
اصبر علي شوي احاول اتعلم الكهربه الحين :)
الله يسلمك وجزاك الله بمثله
والفضل يرجع لك
;)
فتى البورصة
24-05-2007, 10:13 PM
مشكلتي مع السفايف الكروزر 99
سهم طايح
24-05-2007, 10:48 PM
رقلة النيسان جابتلي رقلة في مخي !
وش الحل
الكواري 1972
24-05-2007, 10:55 PM
مشكلتي مع السفايف الكروزر 99
ايش فيها السفايف اذا جير اتماتيك الله يعينك وخف من السرعه
الكواري 1972
24-05-2007, 10:57 PM
رقلة النيسان جابتلي رقلة في مخي !
وش الحل
في وين الرقله
وايش صلحت فيه مانفع معاك
وايش موديل سياررتك
وايش رنقاتك وتوايرك اسم التاير ايش
سهم طايح
25-05-2007, 10:49 PM
في وين الرقله
وايش صلحت فيه مانفع معاك
وايش موديل سياررتك
وايش رنقاتك وتوايرك اسم التاير ايش
هلا والله بو محمد
الموتر 98 crazy
بدلت الله يسلمك جنبين الرود و حديدة الرود و هممممممممممممممممممممم اعتقد ربلات
الرنقات رنقات شركة والتواير مياجر دنلوب والرقله تجيك من قدام من سرعة 80 لين 100 واذا داعس للموتر تكون الرقله خفيفه في هالسرعات
اعتقد صعب نلاقي الحل لاني كل ما اودي الموتر مكان يقولون عادي مافي مشكلة النياسين لازم ترقل من 80 لين 100
الكواري 1972
25-05-2007, 10:58 PM
هلا والله بو محمد
الموتر 98 crazy
بدلت الله يسلمك جنبين الرود و حديدة الرود و هممممممممممممممممممممم اعتقد ربلات
الرنقات رنقات شركة والتواير مياجر دنلوب والرقله تجيك من قدام من سرعة 80 لين 100 واذا داعس للموتر تكون الرقله خفيفه في هالسرعات
اعتقد صعب نلاقي الحل لاني كل ما اودي الموتر مكان يقولون عادي مافي مشكلة النياسين لازم ترقل من 80 لين 100
يوم انت بدلت الشغلات خفت الرجه والا كما هي
بس مادري ياخوي انت سويت ميزانيه بعد التغير
انت شيكت على راس الاتيوب
يعني من مفهوم كلامك ان المشكله في الدفريشن الامامي مع روداته
سهم طايح
26-05-2007, 10:34 AM
يوم انت بدلت الشغلات خفت الرجه والا كما هي
بس مادري ياخوي انت سويت ميزانيه بعد التغير
انت شيكت على راس الاتيوب
يعني من مفهوم كلامك ان المشكله في الدفريشن الامامي مع روداته
سويت كل شي
الظاهر الموتر يبيله تغيير
لمت داون111
26-05-2007, 01:25 PM
سويت كل شي
الظاهر الموتر يبيله تغيير
تعوذ من ابليس ياخووي ولا تغير ولا شي دام انت مرتاح بالموتر وكل شي يتصلح من رقله وغيره
بصراحه اخوي بومحمد ماقصر معاك جزاه الله خير
شوف اخوي عني انا بنصحك بــ حل من الاثنين دامك فقدت الامل ولا تعرف مكان الرقله لانه الي فهمته من كلامك انها رقله قويه واحتمال تكون من اي شي بالسياره
يا تروح الكراجات المتخصصين بالفور ويل بالصناعيه وتقوله عن الرقله ويفحصون لك السياره وانصحك بكراج الدفع الرباعي شغله عجيب حق هالسوالف
او تجرب الاقرب وهو العبيدلي الي بالريان .. ماقدر افتي لك بس جايز يبيلك ميزانيه رودات وخلاص !! طبعا ماتوقع انها تروح بهالسهوله بس لانها صارت في واحد من الربع من فتره عنده نيسان 99 وكانت تجيه رقله قويه تنفض الموتر اخرتها سوا ميزانيه رودات وخلاص
انت جرب اسأل العبيدلي عن الرقله يمكن يفيدونك هناك اكثر من كراج الصناعيه
ووسع خاطرك يالغالي بتسوي الرقله وتفتك .. والسموحه علي القصوور :)
السلام عليكم
سؤال فني
لما ينزل ع الرينغ أسود من داخل صوب البريك
هذا معناته السفايف يبي لهم تبديل؟
لمت داون111
26-05-2007, 04:40 PM
السلام عليكم
سؤال فني
لما ينزل ع الرينغ أسود من داخل صوب البريك
هذا معناته السفايف يبي لهم تبديل؟
وعليكم السلام .. :)
لا اختي مب شرط يبي لهم تبديل
هذي السواد هو الكربون مال السفايف .. ويظهرون علي الرنق من كثر المداعس وضرب البريك القووي .. يعني حتي لو سفايفج جداد بعد بيظهر عليه هالكربون الي جنه غبره سوده من قووه البريك المفاجأ
اختي الله يحفظج ان شاء الله وتحملي عن السرعه crazy
الكواري 1972
26-05-2007, 08:41 PM
السلام عليكم
سؤال فني
لما ينزل ع الرينغ أسود من داخل صوب البريك
هذا معناته السفايف يبي لهم تبديل؟
اقول هذا اللي ينزل لونه اسود هو مثل السائل والا مثل الاغبره
واسمعي كلام اخونا لمت داون وخفي من السرعه
:)
مادري هو شنو بس مو بودرة احسه يمكن كان سائل
بس مو من ماكينة السيارة
هو من صوب البريييييييييييك
يبين
الكواري 1972
26-05-2007, 09:02 PM
هذا يسمون ليك عندج
لازم تروحين وتودين سيارتج اقرب مكان
يفهم في مثل هذه الامور وهي سهله وغير مكلفه
يمكن ليك او تسرب من ويل سلندر للبريك ( اللي يمسك السفايف )
او من بيب
بعدين تعالي انتي ايش سيارتج لان الامور تختلف
على قد حاله
26-05-2007, 09:27 PM
ياشباب عندي سؤال ويليت احد يفيدني واحد من ربعي عنده كرولا 2006 جير عادي وبصراحه هو مبتلش في الجير العادي من كثر التبديل :funny: وكان وده يعرف هل في الوكالة يبدلون الجير الى اتماتيك ارجو الافاده والي عنده فكره عن السعر يخبرني
الكواري 1972
26-05-2007, 09:31 PM
الحلول موجوده ومكلفه جداً
بس النصيحه له يبيع السياره وهذا ابرك له
على قد حاله
26-05-2007, 10:25 PM
الحلول موجوده ومكلفه جداً
بس النصيحه له يبيع السياره وهذا ابرك له
بس هو توه شاريها :funny:
يعني كم تكلف 10000 او 15000 ولا اكثر:court:
الكواري 1972
26-05-2007, 10:43 PM
اعتقد بس سعر الجير من 5000 الى 6000 ريال من غير الباقي يني من هوزنق وفراويل ودعسات وعصات الجير والكفر يعني مثل هالشغلات
بس في الامارت صناعية مصفح يمكن مع الشغل كامل 7000 ريال
بس كم حجم مكينته يعني 1300 والا 1800
انا اعتقد يمكن 1300
لمت داون111
27-05-2007, 12:11 AM
هذا يسمون ليك عندج
لازم تروحين وتودين سيارتج اقرب مكان
يفهم في مثل هذه الامور وهي سهله وغير مكلفه
يمكن ليك او تسرب من ويل سلندر للبريك ( اللي يمسك السفايف )
او من بيب
بعدين تعالي انتي ايش سيارتج لان الامور تختلف
صحيح كلام اخوي بومحمد جزاه الله خير
لانه لو كان سايل معناه انه الموتر يليك عندج .. واحتمال يكون انتي داخله بنقعه ماي واختلط مع الكربون الاسود ( الاغبره السوده علي الرنغ ) وصار كأنه سايل .. يعني مب ليك
والي أعرفه انه عندج ألماني صح اختي ؟؟ اذا موترج يليك وعلي الضمان وديه الوكاله يصلحونه
واذا الضمان مخلص .. وديه كراج بوش التابع لشركه ناصر بن خالد .. شغل محترم ونظيف وأرخص من الوكاله .. وطبعا تخصص ألماني هم
لكن هو الي يطلع من الرنغ غبره سوده .. هذي مجرد وصخ ويتنظف بالغسيل
والسموحه علي القصوور اختي :)
لمت داون111
27-05-2007, 12:35 AM
اعتقد بس سعر الجير من 5000 الى 6000 ريال من غير الباقي يني من هوزنق وفراويل ودعسات وعصات الجير والكفر يعني مثل هالشغلات
بس في الامارت صناعية مصفح يمكن مع الشغل كامل 7000 ريال
بس كم حجم مكينته يعني 1300 والا 1800
انا اعتقد يمكن 1300
ما شاء الله عليك بومحمد:app:
والله انك فنان يالغالي:deal:
كفيت ووفيت الشيخ .. جزاك الله خير وماعندي تعقيب علي كلامك :strong
هذا يسمون ليك عندج
لازم تروحين وتودين سيارتج اقرب مكان
يفهم في مثل هذه الامور وهي سهله وغير مكلفه
يمكن ليك او تسرب من ويل سلندر للبريك ( اللي يمسك السفايف )
او من بيب
بعدين تعالي انتي ايش سيارتج لان الامور تختلف
مرسيدس
وللحين ع الضمان
صحيح كلام اخوي بومحمد جزاه الله خير
لانه لو كان سايل معناه انه الموتر يليك عندج .. واحتمال يكون انتي داخله بنقعه ماي واختلط مع الكربون الاسود ( الاغبره السوده علي الرنغ ) وصار كأنه سايل .. يعني مب ليك
والي أعرفه انه عندج ألماني صح اختي ؟؟ اذا موترج يليك وعلي الضمان وديه الوكاله يصلحونه
واذا الضمان مخلص .. وديه كراج بوش التابع لشركه ناصر بن خالد .. شغل محترم ونظيف وأرخص من الوكاله .. وطبعا تخصص ألماني هم
لكن هو الي يطلع من الرنغ غبره سوده .. هذي مجرد وصخ ويتنظف بالغسيل
والسموحه علي القصوور اختي :)
تهقى اني داشه بنقعة ماي
:con2:
ممكن
براقب الوضع مره ثانية وبشوف تستاهل اوديها الوكالة أو لا
لمت داون111
27-05-2007, 01:11 PM
مرسيدس
وللحين ع الضمان
دام علي الضمان ماعليج الا بالوكاله
وسالفه نقعه الماي جابت الوسواس لناس وايد .. صدق او لاتصدق
انا اقولج هالكلام لانه كذا واحد اشوفهم صارت لهم هالحركه وخاصه علي ايام المطر الي طافت وتخرعوا .. ادري السبب مب مقنع بالنسبه لج :looking: .. بس لما تمرين فيه يصير مقنع ونص :p
مجرد نصيحه يالغاليه .. والله العالم .. واذا عادي عندج تمين بلا سياره يومين قطي الموتر علي الوكاله وخلاص .. مب خسرانه شي
السموحه علي القصوور :)
سهم طايح
27-05-2007, 02:12 PM
تعوذ من ابليس ياخووي ولا تغير ولا شي دام انت مرتاح بالموتر وكل شي يتصلح من رقله وغيره
بصراحه اخوي بومحمد ماقصر معاك جزاه الله خير
شوف اخوي عني انا بنصحك بــ حل من الاثنين دامك فقدت الامل ولا تعرف مكان الرقله لانه الي فهمته من كلامك انها رقله قويه واحتمال تكون من اي شي بالسياره
يا تروح الكراجات المتخصصين بالفور ويل بالصناعيه وتقوله عن الرقله ويفحصون لك السياره وانصحك بكراج الدفع الرباعي شغله عجيب حق هالسوالف
او تجرب الاقرب وهو العبيدلي الي بالريان .. ماقدر افتي لك بس جايز يبيلك ميزانيه رودات وخلاص !! طبعا ماتوقع انها تروح بهالسهوله بس لانها صارت في واحد من الربع من فتره عنده نيسان 99 وكانت تجيه رقله قويه تنفض الموتر اخرتها سوا ميزانيه رودات وخلاص
انت جرب اسأل العبيدلي عن الرقله يمكن يفيدونك هناك اكثر من كراج الصناعيه
ووسع خاطرك يالغالي بتسوي الرقله وتفتك .. والسموحه علي القصوور :)
كلام سليم اخوي لمت داون ( عساك لمت اب قول امين )
اذا سويت ميزانية للرود الرقله تختفي تقريبا بس ترجع عقب اسبوعين ثلاثه ، يعني يبيلك كل شهر تسوي ميزانية للرود ، وبما ان الرقله ترجع فاكيد في سبب رئيسي غير الميزانية
عموما جزاكم الله كل خير على المساعدة :)
الكواري 1972
27-05-2007, 10:01 PM
ما شاء الله عليك بومحمد:app:
والله انك فنان يالغالي:deal:
كفيت ووفيت الشيخ .. جزاك الله خير وماعندي تعقيب علي كلامك :strong
احم احم
لحظه شوي بروح اشيك على نفسي بشد البراغي شوي
:D :D
ماعليك زود الشيخ
الكواري 1972
27-05-2007, 10:04 PM
مرسيدس
وللحين ع الضمان
اها مثل ماقالج اخوي لمت داون111 ضمان يعني الوكاله دايركت
لان البريك شئ مهم اذا زاد الليك عندج وخلص الاويل وانتي مانتبهتي
راح يصير عندك مشكله كبيره راح بعدها تدعسيين بريك ماراح اتحصلين بريك خير شر
كانك تدعسين في الهوى وحاسبي
وهذا شئ مهم جداً لاتستهييييين به
لا لو في مشكله راح تطلع على الكمبيوتر مال السيارة
هالسيارت حرك تبلش من غير شي يطلع لك مسج "روح الوكاله"
عاد ما اذكر شنهي الجمله بالانجليزي
بس طلعت لي مره وخرعتني
وكنت بالصدفه رايحه الوكاله
:)
كلام سليم اخوي لمت داون ( عساك لمت اب قول امين )
اذا سويت ميزانية للرود الرقله تختفي تقريبا بس ترجع عقب اسبوعين ثلاثه ، يعني يبيلك كل شهر تسوي ميزانية للرود ، وبما ان الرقله ترجع فاكيد في سبب رئيسي غير الميزانية
عموما جزاكم الله كل خير على المساعدة :)
سؤال
اخوي انت تطب في مطبات وايد ؟؟
لان شوارعنا ماشاء الله وايد حلوة
فممكن يكون هذا سبب :)
الكواري 1972
27-05-2007, 10:36 PM
سؤال
اخوي انت تطب في مطبات وايد ؟؟
لان شوارعنا ماشاء الله وايد حلوة
فممكن يكون هذا سبب :)
:app: :app: :app:
تحليل جيد omen
:app: :app: :app:
تحليل جيد omen
:funny:
انفع يعني أحلل وياكم
:funny:
الصراحة توني مبدله رودات ويوم سألت الوكاله قال لي احتمال من كثر المطبات بالشوارع :)
$...المبارك...$
28-05-2007, 09:33 AM
السلام عليكم ورحمة الله وبركاته ,,
اخي العزيز ..
سيارتي LEXUS LS430 موديل 2001 و عندي مشكلة مزمنه معاها وهي مشكلة البريك:anger2: ,, و المشكلة بالتحديد هي حدوث رقلة في السكان لين اضرب بريك ...
استخدمت جميع الطرق.. بدلت الدرام ويلات مع السفايف أكثر من مره ,,, بدلت التواير و اسوي لهم ميزانية من فتره لي فتره... سويت تورنه... و معظم تشيكات السياره في الوكالة !! و لكن بعد فتره بسيطه ترجع المشكلة كما كانت!!:confused:
و استخدامي للسياره بسيط ... أرجو العثور على حل ...
تقبل خالص تحياتي :)
الكواري 1972
28-05-2007, 11:55 PM
:funny:
انفع يعني أحلل وياكم
:funny:
الصراحة توني مبدله رودات ويوم سألت الوكاله قال لي احتمال من كثر المطبات بالشوارع :)
هاي وسيارتج جديده وعليه ضمان وتوج مبدله رودات
اممممممممممممممممم مشكلتج عويصصصصصصصصصصه
شكلج مخلصه مطبات وحفر الدوحه crazy crazy
الكواري 1972
29-05-2007, 12:00 AM
السلام عليكم ورحمة الله وبركاته ,,
اخي العزيز ..
سيارتي LEXUS LS430 موديل 2001 و عندي مشكلة مزمنه معاها وهي مشكلة البريك:anger2: ,, و المشكلة بالتحديد هي حدوث رقلة في السكان لين اضرب بريك ...
استخدمت جميع الطرق.. بدلت الدرام ويلات مع السفايف أكثر من مره ,,, بدلت التواير و اسوي لهم ميزانية من فتره لي فتره... سويت تورنه... و معظم تشيكات السياره في الوكالة !! و لكن بعد فتره بسيطه ترجع المشكلة كما كانت!!:confused:
و استخدامي للسياره بسيط ... أرجو العثور على حل ...
تقبل خالص تحياتي :)
هالمشكله اذكرها في سنة 94 شكاوي من البريك مع الرجه
شوف ياخوي اذا تقدر تشوف وين يبعون كت كامل استرالي اصلي لدرامات ويل مع السفايف حقهم اعتقد راح ترتاح من هالمشكله
$...المبارك...$
29-05-2007, 09:06 AM
بو محمد141 ...
اشكرك على الرد الطيب :) ... لكن وين أحصله ؟؟ لانه هالمشكله بدت تكرهني بالموتر ...
هاي وسيارتج جديده وعليه ضمان وتوج مبدله رودات
اممممممممممممممممم مشكلتج عويصصصصصصصصصصه
شكلج مخلصه مطبات وحفر الدوحه crazy crazy
هاهاهاهاها
لا الله يسلمك السيارة نازله واحيانا تطلع لك حفرة بالغلط وانت مو منتبه لها
الرودات ماكان فيهم شي
بس اللي في الوكاله يقول الربلات اللي صوبهم مادري ماسكتهم هي اللي كانت "لووز" يعني مرتخيه شوي
وهي اللي كانت تطلع لي صوت خفيف <=== خبرك بنت لازم بتدقق في أقل شي
فهم في الوكالة غيروا الرودات كاملة
:nice:
سهم طايح
30-05-2007, 01:46 PM
سؤال
اخوي انت تطب في مطبات وايد ؟؟
لان شوارعنا ماشاء الله وايد حلوة
فممكن يكون هذا سبب :)
وجهة نظر تحتمل الصواب خصوصا اني ساكن في منطقة تعد من المناطق المنكوبة في الدولة
crazy
الكواري 1972
30-05-2007, 11:14 PM
بو محمد141 ...
اشكرك على الرد الطيب :) ... لكن وين أحصله ؟؟ لانه هالمشكله بدت تكرهني بالموتر ...
الشكر لله
ولا شكر على واجب
الصراحه مادله بس يقولون صوب الغرافه عند الكهربائيه
او حد من الربع رايح الامارات الشارجه
والله يعينك
بس بعد شيك على الويل سلندر شوفه مايحتر زياده او سفايفك اصليه
وان شاءالله تنحل مشكلتك
الكواري 1972
30-05-2007, 11:20 PM
هاهاهاهاها
لا الله يسلمك السيارة نازله واحيانا تطلع لك حفرة بالغلط وانت مو منتبه لها
الرودات ماكان فيهم شي
بس اللي في الوكاله يقول الربلات اللي صوبهم مادري ماسكتهم هي اللي كانت "لووز" يعني مرتخيه شوي
وهي اللي كانت تطلع لي صوت خفيف <=== خبرك بنت لازم بتدقق في أقل شي
فهم في الوكالة غيروا الرودات كاملة
:nice:
اممممممممممممممم
crazy crazy
ايش هاي الرودات اللي تغيرت كلها بس عشان ربله وحده والا كلهم
راحو وطي
شوفي سوقي وانتبهي ع الطريق وخلي عنج الجوال حطي هند فري
:dance
لمت داون111
01-06-2007, 04:54 PM
هاهاهاهاها
لا الله يسلمك السيارة نازله واحيانا تطلع لك حفرة بالغلط وانت مو منتبه لها
الرودات ماكان فيهم شي
بس اللي في الوكاله يقول الربلات اللي صوبهم مادري ماسكتهم هي اللي كانت "لووز" يعني مرتخيه شوي
وهي اللي كانت تطلع لي صوت خفيف <=== خبرك بنت لازم بتدقق في أقل شي
فهم في الوكالة غيروا الرودات كاملة
:nice:
ما شاء الله
اشوف المرسيدس قامو يقلدون خدمات عبد الغنى والمانع :eek2:
امزح معاج اختي :) والحمدلله انهم غيرو لج :strong
وان شاء الله ماتشتكين من أي مشكله :)
لمت داون111
01-06-2007, 05:02 PM
السلام عليكم ورحمة الله وبركاته ,,
اخي العزيز ..
سيارتي LEXUS LS430 موديل 2001 و عندي مشكلة مزمنه معاها وهي مشكلة البريك:anger2: ,, و المشكلة بالتحديد هي حدوث رقلة في السكان لين اضرب بريك ...
استخدمت جميع الطرق.. بدلت الدرام ويلات مع السفايف أكثر من مره ,,, بدلت التواير و اسوي لهم ميزانية من فتره لي فتره... سويت تورنه... و معظم تشيكات السياره في الوكالة !! و لكن بعد فتره بسيطه ترجع المشكلة كما كانت!!:confused:
و استخدامي للسياره بسيط ... أرجو العثور على حل ...
تقبل خالص تحياتي :)
هالمشكله اذكرها في سنة 94 شكاوي من البريك مع الرجه
شوف ياخوي اذا تقدر تشوف وين يبعون كت كامل استرالي اصلي لدرامات ويل مع السفايف حقهم اعتقد راح ترتاح من هالمشكله
بصراحه يا بومحمد اختلف معاك هالمره .. لانه الاسترالي يجيك بالبدايه ممتاز ومافي مثله .. بس بعد ترضخ الموتر بالحفر .. وياكثر حفرنا :) .. يبتدي يلعوزك ولا يمسك البريك عدل وحزات يكون خطر والبريك يفرط يعني علي حسب استعمالك.. يعني احسن من الوكاله مافي وانا اخووك
اخووي STARBUCKS الرجه الي تجيك مع ضرب البريك اخبر السبب من الدرامويل .. بس لو كانت مشكله مزمنه يمكن شي ثاني .. جايز المقصات او السترنغ بوكس .. الله اعلم كل شي جايز وبالاخير احتمال يطلع سبب تافه .. ويطلع برغي لووز ( غير مشدود ) وهذي الشي الي يقهر !!
مالك الا توديها كراج متخصص في اللكزس بالصناعيه وتخليه يفحص لك السياره من تحت ويشيك لك علي الدرامويلات .. وان شاء الله تطلع مشكله بسيطه وتافهه ولا تكلفك
علي فكره من فتره مريت بنفس الشي .. اطلعت لي مشكله بالسكان والموتر يمايل علي صوب واحد وعقب ماخسرت وتميت اغير اخرتها طلع السبب برغي يبيله شد !! عشان جذي الفحص احسن لك قبل لاتغير الدرامويل او اي شي وموفق يالغالي
وجزاك الله خير يابومحمد141 علي مساعدتك لاخوونا STARBUCKS .. في ميزان حسناتك يالغالي :nice:
لمت داون111
01-06-2007, 05:04 PM
اممممممممممممممم
crazy crazy
ايش هاي الرودات اللي تغيرت كلها بس عشان ربله وحده والا كلهم
راحو وطي
شوفي سوقي وانتبهي ع الطريق وخلي عنج الجوال حطي هند فري:dance
الله يهديها وطن .. وتسمع كلامك وتترك السرعه عنها :deal:
والله يحفظكم جميعا ان شاء الله :)
محمد2
02-06-2007, 08:19 AM
عندي مشكلةفي مكيف السيارة 0 وهي ان السيارة ليمه تكون واقفة و شغالة والمكيف شغال 0 مافي برودة 0لكن ليمه ادعس البترول اشوف البرودة تجي0 وعلى ما أعتتقد المشكلة من الثيرموستات
للعلم السياره تويونا / كامري
اممممممممممممممم
crazy crazy
ايش هاي الرودات اللي تغيرت كلها بس عشان ربله وحده والا كلهم
راحو وطي
شوفي سوقي وانتبهي ع الطريق وخلي عنج الجوال حطي هند فري
:dance
هذي الخدمات اللي يسوونها لتدليل السيارة "حشى مو سيارة بقرة لورباك"
:)
وترى انا عندي هاند فري ما امسك جوالي
لمت داون111
02-06-2007, 01:23 PM
عندي مشكلةفي مكيف السيارة 0 وهي ان السيارة ليمه تكون واقفة و شغالة والمكيف شغال 0 مافي برودة 0لكن ليمه ادعس البترول اشوف البرودة تجي0 وعلى ما أعتتقد المشكلة من الثيرموستات
للعلم السياره تويونا / كامري
مرحبا اخووي محمد2 ..
ماعندك مشكله طال عمرك .. هذي نظام سيفتي بالسيارات اليابانيه وتم تطبقيه علي التويوتا من سنه 2000 وطالع علي جميع سياراتها .. خاصه في النهار والشمس تكون ضاربه صح !! لكن بعد ماتمشي بدقيقتين او ثلاث يرجع بارد وطبيعي
وألي يخليه حار الله يسلمك .. هو انه الكمبرسير يفصل ويشبك تلقائيا لما تزيد الحروره علي المكينه عشان مايصير انفجار في احد انبابيب الكمبرسير ويكلفك مبلغ وقدره .. ولو بتلاحظ انه بالليل لو توقف ساعات المكيف ماراح يصير حار لانه الجو اصلا مب حار .. والالماني فيه نفس نظام السيفتي هذا .. وعشان تصدقون اكثر .. بعض المواتر الالمانيه لما يفصل الكمبيرسر بيطلع له ليت الكمبريسر بالطبلون .. يبرق ويروح .. يعني انه يطفي ويشتغل وهذا هو نظام السيفتي .. يعني لاتحاتي
لكن لو المكيف عندك حار حتي والسياره ماشيه .. او انه يصير حار وبارد كل ربع ساعه هذا الغاز عندك ناقص .. روح محلات بن محمود وعبه ب 100 ريال .. ودربك خضر:strong
و السموحه علي الاطاله يالغالي :)
boalia
02-06-2007, 02:48 PM
أخوي لمت داون مشكور على المجهود الطيب
مشكلة في الكامري2007
السؤال الأول
عندما تكون السرعة السيارة 80 كيلو يكون الضغط على 2 < التحن > ؟؟
السؤال الثاني
الكامري عندي وعره نسمت على التواير25 نفس ايش!!!!!!
انتظر منك الرد اذا كان ممكن
وشكرآ
محمد2
02-06-2007, 06:11 PM
مرحبا اخووي محمد2 ..
ماعندك مشكله طال عمرك .. هذي نظام سيفتي بالسيارات اليابانيه وتم تطبقيه علي التويوتا من سنه 2000 وطالع علي جميع سياراتها .. خاصه في النهار والشمس تكون ضاربه صح !! لكن بعد ماتمشي بدقيقتين او ثلاث يرجع بارد وطبيعي
وألي يخليه حار الله يسلمك .. هو انه الكمبرسير يفصل ويشبك تلقائيا لما تزيد الحروره علي المكينه عشان مايصير انفجار في احد انبابيب الكمبرسير ويكلفك مبلغ وقدره .. ولو بتلاحظ انه بالليل لو توقف ساعات المكيف ماراح يصير حار لانه الجو اصلا مب حار .. والالماني فيه نفس نظام السيفتي هذا .. وعشان تصدقون اكثر .. بعض المواتر الالمانيه لما يفصل الكمبيرسر بيطلع له ليت الكمبريسر بالطبلون .. يبرق ويروح .. يعني انه يطفي ويشتغل وهذا هو نظام السيفتي .. يعني لاتحاتي
لكن لو المكيف عندك حار حتي والسياره ماشيه .. او انه يصير حار وبارد كل ربع ساعه هذا الغاز عندك ناقص .. روح محلات بن محمود وعبه ب 100 ريال .. ودربك خضر:strong
و السموحه علي الاطاله يالغالي :)
كثر الله خيرك ورحم الله والديك خوي 0
بس خوي قبل ما كان يستوي معاي ان السيارة شغالة والمكيف شغال 0 تكون هواء المكيف حارة 0
وكنت احس بالثيرموستر والسيارة واقفة وشغالة 0 كان الثيرموستر يشتغل والريس يزيد في السيارة 0 وبعد دقيقة اودقيقتين ينفصل الثرموستر ( اللي هو منظم التبريد ) لأن اذا تم الثرموستر شغال على طول تتثلج من البرودة الزايدة0
بس خوي اذا الغاز ناقص ماتطلع البرودة وانت داعس الريس( البترول )ويتم الجو حار في السيارة سواء انك تدوس البترول اولا 0
وبعدين 0اشلون خوي ينقص الغاز 0
لمت داون111
02-06-2007, 07:10 PM
كثر الله خيرك ورحم الله والديك خوي 0
بس خوي قبل ما كان يستوي معاي ان السيارة شغالة والمكيف شغال 0 تكون هواء المكيف حارة 0
وكنت احس بالثيرموستر والسيارة واقفة وشغالة 0 كان الثيرموستر يشتغل والريس يزيد في السيارة 0 وبعد دقيقة اودقيقتين ينفصل الثرموستر ( اللي هو منظم التبريد ) لأن اذا تم الثرموستر شغال على طول تتثلج من البرودة الزايدة0
بس خوي اذا الغاز ناقص ماتطلع البرودة وانت داعس الريس( البترول )ويتم الجو حار في السيارة سواء انك تدوس البترول اولا 0
وبعدين 0اشلون خوي ينقص الغاز 0
تسلم يالغالي :) وترا الغاز حزات ينقص من كثر الاستخدام .. بس لاتظن انه يسرب .. احتمال بعيد .. بس بعد تقدر تشيك عند فني لو انك شاك بهالشي
ومثل ماقلت لك لو انت واقف الكمبريسر يفصل وانت ماشي مع الريس بعد دقيقتين ترجع البروده طبيعيه .. بس ماظن من الثرموستر ؟ وحتي لو الغاز ناقص بعد حزات يصير بارد وحزات حار .. يعني مثلا نص ساعه بارد وخمس دقايق حار .. جذي بهالحسبه
الشيخ اذا تبي تتطمن علي موترك اكيد .. مالك الا محل في بن محمود عند واحد ايراني مادري فلسطيني .. اسمه ابراهيم بنات .. ولعبته مكيفات التويوتا والنيسان .. وأمين جدا واسعاره معقووله بالنسبه حق غيره وماقولك هالكلام كـ دعايه له .. بس لاني جربت كذا محل معروف هناك ولا شفت واحد أمين وشغله نظيف مثل هذا
وعشان تدله .. خلني اوصف لك من البدايه .. شوف وانت جاي من نفق المناعي ورايح دوار الجيده ( تحت الجسر ) .. شفت السوق الي فيه الخيام قبل الدوار ؟ في لفه قبل هالسوق توديك داخل بن محمود .. ادخل اللفه وبتحصل اشارات بعد 200 متر .. اول ماتفتح الاشاره روح سيده وبيكون علي يمينك ويسارك كله كراجات .. خلك طالع جهه المحلات اليمين .. وامشي شوي شوي لانه لافته المحل مب متذكر اسمها .. بس مكتوب تحت لافته المحل ( المسؤول ابراهيم بنات )
شرحت لك بالتفصيل .. وان شاء الله يكون شرحي واضح .. والسموحه علي القصور يالغالي :)
لمت داون111
02-06-2007, 07:19 PM
أخوي لمت داون مشكور على المجهود الطيب
مشكلة في الكامري2007
السؤال الأول
عندما تكون السرعة السيارة 80 كيلو يكون الضغط على 2 < التحن > ؟؟
السؤال الثاني
الكامري عندي وعره نسمت على التواير25 نفس ايش!!!!!!
انتظر منك الرد اذا كان ممكن
وشكرآ
بصراحه يالغالي ماعندي فكره .. وخاصه انه هالكامري جديده وكان شي وارد انه لها عيوب
اكيد موترك للحين علي الضمان .. وده الوكاله وان شاء الله يصلحون لك اعطالك
والسموحه والله يالغالي :)
محمد2
02-06-2007, 08:39 PM
تسلم يالغالي :) وترا الغاز حزات ينقص من كثر الاستخدام .. بس لاتظن انه يسرب .. احتمال بعيد .. بس بعد تقدر تشيك عند فني لو انك شاك بهالشي
ومثل ماقلت لك لو انت واقف الكمبريسر يفصل وانت ماشي مع الريس بعد دقيقتين ترجع البروده طبيعيه .. بس ماظن من الثرموستر ؟ وحتي لو الغاز ناقص بعد حزات يصير بارد وحزات حار .. يعني مثلا نص ساعه بارد وخمس دقايق حار .. جذي بهالحسبه
الشيخ اذا تبي تتطمن علي موترك اكيد .. مالك الا محل في بن محمود عند واحد ايراني مادري فلسطيني .. اسمه ابراهيم بنات .. ولعبته مكيفات التويوتا والنيسان .. وأمين جدا واسعاره معقووله بالنسبه حق غيره وماقولك هالكلام كـ دعايه له .. بس لاني جربت كذا محل معروف هناك ولا شفت واحد أمين وشغله نظيف مثل هذا
وعشان تدله .. خلني اوصف لك من البدايه .. شوف وانت جاي من نفق المناعي ورايح دوار الجيده ( تحت الجسر ) .. شفت السوق الي فيه الخيام قبل الدوار ؟ في لفه قبل هالسوق توديك داخل بن محمود .. ادخل اللفه وبتحصل اشارات بعد 200 متر .. اول ماتفتح الاشاره روح سيده وبيكون علي يمينك ويسارك كله كراجات .. خلك طالع جهه المحلات اليمين .. وامشي شوي شوي لانه لافته المحل مب متذكر اسمها .. بس مكتوب تحت لافته المحل ( المسؤول ابراهيم بنات )
شرحت لك بالتفصيل .. وان شاء الله يكون شرحي واضح .. والسموحه علي القصور يالغالي :)
تسلم يا خوي والله ماقصرت 0
وعلى رأيك ابراهيم بنات هذا فلسطيني وشغله نظيف وتخصصة مكيفات سيارات 0 واتذكر يمكن قبل 10 سنوات رحت عنده وكانت عندي كابرس ( صابونه ) بس ماتذكرته ليمه الحين يوم ذكرت لي اسمه ( الله يذكرك بالشهاده ياالغالي ) وانا انشاالله اروح له بكرة واشوف ايش يقول لي 0
الكواري 1972
02-06-2007, 09:05 PM
عندي مشكلةفي مكيف السيارة 0 وهي ان السيارة ليمه تكون واقفة و شغالة والمكيف شغال 0 مافي برودة 0لكن ليمه ادعس البترول اشوف البرودة تجي0 وعلى ما أعتتقد المشكلة من الثيرموستات
للعلم السياره تويونا / كامري
الصراحه اخوي لمت داون 111 ماقصر يجزاه الله كل خير
ولكن لي ملاحضه على هالشغلات
اول شئ شيك على الاتماتيك حق الريس لاني سمعتك تقول الريس نازل يوم تدعس شوي برفع الريس يجيك البراد
والشئ الثاني يمكن الكمبريسر يكون البستن اللي فيه ضعف ويبله تبديل
والله اعلم
الكواري 1972
02-06-2007, 09:08 PM
أخوي لمت داون مشكور على المجهود الطيب
مشكلة في الكامري2007
السؤال الأول
عندما تكون السرعة السيارة 80 كيلو يكون الضغط على 2 < التحن > ؟؟
السؤال الثاني
الكامري عندي وعره نسمت على التواير25 نفس ايش!!!!!!
انتظر منك الرد اذا كان ممكن
وشكرآ
جواب اخونا لمت داون111 صحيح دام الشئ عليه ضمان لاتروح مني ولا مناك ياخوك
عليك بالوكاله
وحيد-الشوق
02-06-2007, 09:32 PM
انا عندي استفسار وهو ان شاء الله بشتري سيارة جديدة جير اتماتيك وحبيت اعرف شنو الاشياء الي تختلف عن القير العادي يعني مثلا من ناحيه الصيانة او اي شيء ثاني
اتمنى يكون كلامي مفهوم <<< ادري انه ماحد راح يفهم شيء :con2:
لاني غشيم في السيارات خاصة في الصيانة ولامره استخدمت سيارة اتماتيك كله عادي :dance
الكواري 1972
02-06-2007, 09:54 PM
انا عندي استفسار وهو ان شاء الله بشتري سيارة جديدة جير اتماتيك وحبيت اعرف شنو الاشياء الي تختلف عن القير العادي يعني مثلا من ناحيه الصيانة او اي شيء ثاني
اتمنى يكون كلامي مفهوم <<< ادري انه ماحد راح يفهم شيء :con2:
لاني غشيم في السيارات خاصة في الصيانة ولامره استخدمت سيارة اتماتيك كله عادي :dance
ماشئ فرق بس اذا كنت راعي سرعه راح تغير درام ويل مع سفايف
والجير الاتماتيك يبيله تغير كل فتره
وكل سيارة لها وقت معين اي في مواتر على 15000 وفي على 50000 يعني على حسب
ومبروك مقدماً بالتوفيق
وحيد-الشوق
02-06-2007, 10:16 PM
ماشئ فرق بس اذا كنت راعي سرعه راح تغير درام ويل مع سفايف
والجير الاتماتيك يبيله تغير كل فتره
وكل سيارة لها وقت معين اي في مواتر على 15000 وفي على 50000 يعني على حسب
ومبروك مقدماً بالتوفيق
شكرااا اخوي عالرد ويعطيك العافيه
بس تقريبا بعد كم فتره اغير الاشياء الي خبرتني عنها
ويليت توضحلي اخر نقطة اذا ماعليك امر لاني مافهمت شيء :looking:
الكواري 1972
02-06-2007, 10:30 PM
شكرااا اخوي عالرد ويعطيك العافيه
بس تقريبا بعد كم فتره اغير الاشياء الي خبرتني عنها
ويليت توضحلي اخر نقطة اذا ماعليك امر لاني مافهمت شيء :looking:
يوم تروح الوكاله او تشتري سياره جديده تسئلهم بعد كم كيلو اغير الفتر والزيت للجير
وحياك الله
وحيد-الشوق
02-06-2007, 10:53 PM
يوم تروح الوكاله او تشتري سياره جديده تسئلهم بعد كم كيلو اغير الفتر والزيت للجير
وحياك الله
الله يحيك وماتقصر يعطيك العافية:strong
سمو انسان
03-06-2007, 01:52 AM
بصراحه يالغالي ماعندي فكره .. وخاصه انه هالكامري جديده وكان شي وارد انه لها عيوب
اكيد موترك للحين علي الضمان .. وده الوكاله وان شاء الله يصلحون لك اعطالك
والسموحه والله يالغالي :)
اخوي انا عندي الكامري 2007
وما شاء الله ما فيها عيوب
مسألت الضغط فالمشكله فموترك
اما عن انه السياره وعره والله على خط الخور 215 وتروح زياده لو فصلته وثابته مش وعره
لانه اعتقد فيها نظام منها وفيها ما تقدر تفصله
ويعطيكم العافيه
boalia
03-06-2007, 03:01 PM
مشكورين اخواني ع الرد
محمد2
04-06-2007, 09:22 PM
مرحبا اخووي محمد2 ..
ماعندك مشكله طال عمرك .. هذي نظام سيفتي بالسيارات اليابانيه وتم تطبقيه علي التويوتا من سنه 2000 وطالع علي جميع سياراتها .. خاصه في النهار والشمس تكون ضاربه صح !! لكن بعد ماتمشي بدقيقتين او ثلاث يرجع بارد وطبيعي
وألي يخليه حار الله يسلمك .. هو انه الكمبرسير يفصل ويشبك تلقائيا لما تزيد الحروره علي المكينه عشان مايصير انفجار في احد انبابيب الكمبرسير ويكلفك مبلغ وقدره .. ولو بتلاحظ انه بالليل لو توقف ساعات المكيف ماراح يصير حار لانه الجو اصلا مب حار .. والالماني فيه نفس نظام السيفتي هذا .. وعشان تصدقون اكثر .. بعض المواتر الالمانيه لما يفصل الكمبيرسر بيطلع له ليت الكمبريسر بالطبلون .. يبرق ويروح .. يعني انه يطفي ويشتغل وهذا هو نظام السيفتي .. يعني لاتحاتي
لكن لو المكيف عندك حار حتي والسياره ماشيه .. او انه يصير حار وبارد كل ربع ساعه هذا الغاز عندك ناقص .. روح محلات بن محمود وعبه ب 100 ريال .. ودربك خضر:strong
و السموحه علي الاطاله يالغالي :)
خوي لمت داون 111 ( رحت امس محل ابراهيم بنات وعبأ لي غاز بنفسه ب 100 ريال 0 وسالتة عن نوعية الغاز قال لي ان غاز فرنسي 0 لأني سمعت في غاز هندي واوروبي والشباب اللي في المنتدى ماقصروا وحذروني من الغاز الهندي 0 طبعا البضاعة ألأوروبية احسن من الهندية 0
والحمدلله المكيف بارد 0 وسألت ابراهيم ليش الغار مالت الوكالة سرب 0 قال لي الكامري كلها جذي 0 بالرغم ان كانت عندي سيارات قبل ماكان الغاز ينتهي 0
وهذا اللي محيرني هل في سيارات الموديلات اللي فوق 2000 الغاز ينتهي بعد مده من الزمن ؟؟؟؟؟؟؟؟؟؟؟؟؟؟؟؟؟؟؟؟
لمت داون111
04-06-2007, 11:10 PM
شكرااا اخوي عالرد ويعطيك العافيه
بس تقريبا بعد كم فتره اغير الاشياء الي خبرتني عنها
ويليت توضحلي اخر نقطة اذا ماعليك امر لاني مافهمت شيء :looking:
ماقصر اخوي بومحمد141 علي الاجوبه:nice: .. جزاه الله خير :)
لمت داون111
04-06-2007, 11:11 PM
اخوي انا عندي الكامري 2007
وما شاء الله ما فيها عيوب
مسألت الضغط فالمشكله فموترك
اما عن انه السياره وعره والله على خط الخور 215 وتروح زياده لو فصلته وثابته مش وعره
لانه اعتقد فيها نظام منها وفيها ما تقدر تفصله
ويعطيكم العافيه
احلى تفسير لما يكون صادر عن تجربه :app:
تسلم علي مشاركتنا بتجربتك اخووي سمو انسان .. ويعطيك العافيه يالغالي :)
لمت داون111
04-06-2007, 11:12 PM
مشكورين اخواني ع الرد
حاضرين لك الشيخ :strong
لمت داون111
04-06-2007, 11:14 PM
خوي لمت داون 111 ( رحت امس محل ابراهيم بنات وعبأ لي غاز بنفسه ب 100 ريال 0 وسالتة عن نوعية الغاز قال لي ان غاز فرنسي 0 لأني سمعت في غاز هندي واوروبي والشباب اللي في المنتدى ماقصروا وحذروني من الغاز الهندي 0 طبعا البضاعة ألأوروبية احسن من الهندية 0
والحمدلله المكيف بارد 0 وسألت ابراهيم ليش الغار مالت الوكالة سرب 0 قال لي الكامري كلها جذي 0 بالرغم ان كانت عندي سيارات قبل ماكان الغاز ينتهي 0
وهذا اللي محيرني هل في سيارات الموديلات اللي فوق 2000 الغاز ينتهي بعد مده من الزمن ؟؟؟؟؟؟؟؟؟؟؟؟؟؟؟؟؟؟؟؟
تدري ياخوي محمد2 .. والله اني سألت نفسي نفس السؤال من قبل !! ..:con2:
والظاهر قديمك نديمك .. الجديد كله علوج ومركب أي كلام يالغالي .. ومثال علي هالشي لو تقارن خرابات الهدد97 بالجي اكس 98 والله مافي مجال للمقارنه !!:deal:
يالله الحمدلله انك غيرت .. وافتكيت من مشكلتك وتطمنت يالغالي :)
والغاز ماراح يخلص الا كل سنتين او اكثر .. علي حسب الاستخدام طبعا
والسموحه علي القصور يالغالي :)
M O 7 A M M E D
06-06-2007, 04:10 PM
ما شاء الله عليكم ما قصرتوا ..
معلومات جديدة وننتظر منكم المزيد ..
والله يوفقكم ..
:)
انا عندي سؤال يديد
<=== وايد تسألين
:)
سيارتي فيها ضربات غريبه بالأبيض وما تروح بالغسيل في البيت ولا حتى لو فركتها بأظافري
ومادري من وين تجي للسيارة
بس في الغالب من اللي يصفط جنبي بالدوام هو سيارته بيضا
والظاهر يخبط في سيارتي بباب سيارته
لأن حتى السيارة الثانية لقيت فيها :(
المهم
شلون أوديه
في ناس قالوا لي وديها غسيل عادي في المغسله وبيشلونها لج
ما يحتاج بوليش
انتو شنو رايكم؟
لمت داون111
07-06-2007, 12:44 AM
ما شاء الله عليكم ما قصرتوا ..
معلومات جديدة وننتظر منكم المزيد ..
والله يوفقكم ..
:)
اي والله الشباب بصراحه شايلين بعضهم في هالموضوع .. جزاهم الله خير :)
وحاضرين لك يا بوجاسم .. عندك استفسار شي الشباب موجودين يالغالي :nice:
لمت داون111
07-06-2007, 12:53 AM
انا عندي سؤال يديد
<=== وايد تسألين
:)
سيارتي فيها ضربات غريبه بالأبيض وما تروح بالغسيل في البيت ولا حتى لو فركتها بأظافري
ومادري من وين تجي للسيارة
بس في الغالب من اللي يصفط جنبي بالدوام هو سيارته بيضا
والظاهر يخبط في سيارتي بباب سيارته
لأن حتى السيارة الثانية لقيت فيها :(
المهم
شلون أوديه
في ناس قالوا لي وديها غسيل عادي في المغسله وبيشلونها لج
ما يحتاج بوليش
انتو شنو رايكم؟
عزيزه وغاليه اختي وطن والموضوع موضوعج اختي :)
بس مافهمت قصدج شلون نقوط بيض ؟؟ يعني شموخ من باب السياره البيضه الي احذاج ؟؟
لو هالنقوط هذي عباره عن زلوغ بسيطه ممكن تروح بشويه باليس .. بس لو كانت شموخ ماعتقد تروح .. لازم تشوفين لج كراجات شاطرين يصبغونها لج بالنقط .. بس تروحين حق واحد شاطر مب لأي واحد يخربط لج بالسياره
اختي اقترح عليج روحي حق محل الاصباغ التقنيه الي داخل محطه المسيله .. شغل هالمحل ماعليه كلام .. يمكن شووي يضرب عليج بالسعر عاد انتي كاسريه .. بس يستاهل لانه شغله نظيف ما شاء الله
هو يصبغ ويسوي الباليس .. واذا هالنقوط يروحون بالباليس هو بيسويلج اياهم .. لكن اذا يبيلهم صبغ بيقولج .. وعندهم تقنيه اسمها ( تاتش بين ) يصبغ لج هالنقوط بقلم مبرمج بالكمبيوتر او شي جذي .. ولو هالنقوط لازم ينصبغون ( الله لايقول ) خليه ياخذ الصبغ من قوطي الصبغ الصغير الي موجود في درج السياره .. لانه درجه الالوان تختلف مهما كانت متقاربه ولازم تحطين هالشي ببالج .. يعني حتي اللون الاسود مثلا له عده درجات باختلاف اللون !! .. وكل لون له رقم .. ولازم يصبغ لج علي نفس صبغه سيارتج الاصليه:deal:
وادري طولت:D .. والسموحه علي القصور خيتو :)
أبو خالد
07-06-2007, 12:55 AM
انا عندي سؤال يديد
<=== وايد تسألين
:)
سيارتي فيها ضربات غريبه بالأبيض وما تروح بالغسيل في البيت ولا حتى لو فركتها بأظافري
ومادري من وين تجي للسيارة
بس في الغالب من اللي يصفط جنبي بالدوام هو سيارته بيضا
والظاهر يخبط في سيارتي بباب سيارته
لأن حتى السيارة الثانية لقيت فيها :(
المهم
شلون أوديه
في ناس قالوا لي وديها غسيل عادي في المغسله وبيشلونها لج
ما يحتاج بوليش
انتو شنو رايكم؟
اختي أنصحك وديها شركة 3M على طريق سلوى بعد صيدلية العزيزية قرب كيا شوروم
انا بصراحة كانت سيارتي فيها هادا الشكل و ديتها عندهم و ما قصرون ترجع السيارة حالة الوكالة :con2: :con2:
عزيزه وغاليه اختي وطن والموضوع موضوعج اختي :)
بس مافهمت قصدج شلون نقوط بيض ؟؟ يعني شموخ من باب السياره البيضه الي احذاج ؟؟
لو هالنقوط هذي عباره عن زلوغ بسيطه ممكن تروح بشويه باليس .. بس لو كانت شموخ ماعتقد تروح .. لازم تشوفين لج كراجات شاطرين يصبغونها لج بالنقط .. بس تروحين حق واحد شاطر مب لأي واحد يخربط لج بالسياره
اختي اقترح عليج روحي حق محل الاصباغ التقنيه الي داخل محطه المسيله .. شغل هالمحل ماعليه كلام .. يمكن شووي يضرب عليج بالسعر عاد انتي كاسريه .. بس يستاهل لانه شغله نظيف ما شاء الله
هو يصبغ ويسوي الباليس .. واذا هالنقوط يروحون بالباليس هو بيسويلج اياهم .. لكن اذا يبيلهم صبغ بيقولج .. وعندهم تقنيه اسمها ( تاتش بين ) يصبغ لج هالنقوط بقلم مبرمج بالكمبيوتر او شي جذي .. ولو هالنقوط لازم ينصبغون ( الله لايقول ) خليه ياخذ الصبغ من قوطي الصبغ الصغير الي موجود في درج السياره .. لانه درجه الالوان تختلف مهما كانت متقاربه ولازم تحطين هالشي ببالج .. يعني حتي اللون الاسود مثلا له عده درجات باختلاف اللون !! .. وكل لون له رقم .. ولازم يصبغ لج علي نفس صبغه سيارتج الاصليه:deal:
وادري طولت:D .. والسموحه علي القصور خيتو :)
مو شمووخ يا ليمت
شكله مثل اليص بس خفيف وناعم وملزق بالسيارة
يعني مو محفور على السياره
شي على سطح صبغتي
وترى ما عندي هالقوطي اللي تقول عنه
اللي فيه صبغ :)
بس بشيك مع هذا اللي قلت لي عنه في المسيله لو يقدر يشيله بالبوليش
اختي أنصحك وديها شركة 3M على طريق سلوى بعد صيدلية العزيزية قرب كيا شوروم
انا بصراحة كانت سيارتي فيها هادا الشكل و ديتها عندهم و ما قصرون ترجع السيارة حالة الوكالة :con2: :con2:
مشكور اخوي
انا نصحوني بزيبارت
واظن تيتانيوم بعد عندهم بوليش
لمت داون111
07-06-2007, 10:56 AM
مو شمووخ يا ليمت
شكله مثل اليص بس خفيف وناعم وملزق بالسيارة
يعني مو محفور على السياره
شي على سطح صبغتي
وترى ما عندي هالقوطي اللي تقول عنه
اللي فيه صبغ :)
بس بشيك مع هذا اللي قلت لي عنه في المسيله لو يقدر يشيله بالبوليش
اها .. سوري مافهمت عليج بالبدايه حسبت انهم شموخ :)
ان شاء الله الي بالمحطه يشيلهم لج .. موفقه اختي :)
لمت داون111
07-06-2007, 10:58 AM
مشكور اخوي
انا نصحوني بزيبارت
واظن تيتانيوم بعد عندهم بوليش
ونصيحه اخوو لاخته والله مانصحج ولا في واحد فيهم .. هذول غلايا علي الفاضي وفي محلات برع شغلهم احسن من ذيلا
جربي المسيله واذا ماعرف لهم شوفي الوسام واذا ماعرف شوفي الكريستال وان شاء الله خير
مب كل غالي يكون افضل:deal: .. خذيها من واحد خبره كراجات :D
مشكور وان شاء الله بمر اللي في المسيلة
بس كم اسعارهم تقريبا حق السيارات الفور ويل والصالون؟
لمت داون111
07-06-2007, 01:37 PM
مشكور وان شاء الله بمر اللي في المسيلة
بس كم اسعارهم تقريبا حق السيارات الفور ويل والصالون؟
يفداج الجذب ماعرف اسعارهم بالضبط والله
والعفو اختي :)
الكواري 1972
07-06-2007, 09:06 PM
انا عندي سؤال يديد
<=== وايد تسألين
:)
سيارتي فيها ضربات غريبه بالأبيض وما تروح بالغسيل في البيت ولا حتى لو فركتها بأظافري
ومادري من وين تجي للسيارة
بس في الغالب من اللي يصفط جنبي بالدوام هو سيارته بيضا
والظاهر يخبط في سيارتي بباب سيارته
لأن حتى السيارة الثانية لقيت فيها :(
المهم
شلون أوديه
في ناس قالوا لي وديها غسيل عادي في المغسله وبيشلونها لج
ما يحتاج بوليش
انتو شنو رايكم؟
ماشاءالله عليك لمت داون 111 ماقصرت
بس بعد انصح انك تاخذين قوطي بوليش مع قطن وقعدي افركي فيه
لان موضوعك سهل ولا يبله شئ
والسالفه كلها دقايق وبيصير عندج كل شئ تمام
وبعدين حنا نستانس على الاسئله
لان راح نستفيد وناخذ خبره من الجميع
طيب مافي بعد سؤال مني والا مناك
crazy crazy
الماسي
10-06-2007, 04:04 PM
معروض علي في اكس ار موديل 95 جير تماتيك وفتحة
راعي الموتر طالب فية 18 الف لانة يبغي لة تصلحيات
يعني عندك الكرونة يبغي لها تبديل انا سئلت عنها قالو لي 3400 غير شغل اليد
وعندك الباور بعد يبغي لة شغل 1500
ويبغي لة جنبيانات اعتقد 2000 ريال اذا ماخاب ضني
بالاضافة الى تواير 4 يعني سعرهم 2000 ريال
وبعد الموتر علية مخالفات تقريبا 4500 ريال
يعني كلة بيطلع 14 الف قيمة التصليح والمخالفات
الاجمالي مع سعر السيارة والتصليح 32 الف فا حبيت اخذ رئيك هل يعتبر زين لو عملت كذا ولا سعر 32 يعتبر غالي علية
حبيت اخذ رئي الشباب
شكر خاص الى الاخ لمت داون
الكواري 1972
10-06-2007, 09:55 PM
معروض علي في اكس ار موديل 95 جير تماتيك وفتحة
راعي الموتر طالب فية 18 الف لانة يبغي لة تصلحيات
كلام جميل وسعر عجيب
يعني عندك الكرونة يبغي لها تبديل انا سئلت عنها قالو لي 3400 غير شغل اليد
قول شغل اليد في حدود 200
وعندك الباور بعد يبغي لة شغل 1500
الباور اعتقد سعره جديد 900 او 950 ريال
وشغل يد يمكن 100
ويبغي لة جنبيانات اعتقد 2000 ريال اذا ماخاب ضني
الجامبينات اعتقد سعرهم اقل بوايد من اللي قلته
بالاضافة الى تواير 4 يعني سعرهم 2000 ريال
والتواير الله لا يهينك على طريق سلوى بتحصل تواير جداد وارخاص يمكن 4 تواير على 800 ريال
وبعد الموتر علية مخالفات تقريبا 4500 ريال
يعني كلة بيطلع 14 الف قيمة التصليح والمخالفات
والحين التكلفه خفت عليك شوي
والسعر بيكون معقول جداً وفوق المناسب اذا الموتر مافي شدخه او شاصي
الاجمالي مع سعر السيارة والتصليح 32 الف فا حبيت اخذ رئيك هل يعتبر زين لو عملت كذا ولا سعر 32 يعتبر غالي علية
حبيت اخذ رئي الشباب
شكر خاص الى الاخ لمت داون
والله لمت داون يستاهل كل خير
ونتمنى له كل التوفيق
الماسي
10-06-2007, 10:25 PM
والله لمت داون يستاهل كل خير
ونتمنى له كل التوفيق
الله لايهينك يابو محمد ماقصرت شرح وافي
ماتقصر بو محمد
بس سألت واحد من الأهل قال لي انه كان مودي سيارتي من قبل عند اللي في السيلية وقال له يبي لها صبغ للسبويلرات بس
ويبي لها كم ساعة تظل عنده
فمتى ما صار عندي وقت اني استغني فيه عن السيارة بوديها ان شاء الله معاه
عشان ما يقصون علي هناك
:)
الكواري 1972
10-06-2007, 10:51 PM
ماتقصر بو محمد
بس سألت واحد من الأهل قال لي انه كان مودي سيارتي من قبل عند اللي في السيلية وقال له يبي لها صبغ للسبويلرات بس
ويبي لها كم ساعة تظل عنده
فمتى ما صار عندي وقت اني استغني فيه عن السيارة بوديها ان شاء الله معاه
عشان ما يقصون علي هناك
:)
يعني افهم من كلامك ان صبغ الاسبلير متقشر ولازم يبله صبغ
يعني مش مثل ماقلتي صبغ الموتر الثاني على موترك
crazy
هاهاهاها
والله انا اشوفه انه صبغ على موتري
مو السبويلر متقشر
اذا قلنا السبويلر متقشر وطالع أبيض تحته
السيارة الثانية الضربة فيها مو صوب السبويلرات
وبعد بالأبيض
:)
التفسير المنطقي
صبغ فوق سيارتي
مو تقشير
الكواري 1972
10-06-2007, 10:57 PM
هاهاهاها
والله انا اشوفه انه صبغ على موتري
مو السبويلر متقشر
اذا قلنا السبويلر متقشر وطالع أبيض تحته
السيارة الثانية الضربة فيها مو صوب السبويلرات
وبعد بالأبيض
:)
التفسير المنطقي
صبغ فوق سيارتي
مو تقشير
عيل خاطري اعرف شئئئئئئئئئئئئئئئئئ
ليش يبيله صبببببببببببببببغ دام مش مقشر
يعني يبله بس شوية بوليش في دقايق
عاد هالسؤال بسأله اذا رحت هناك
وشفت اللي يشتغل وسألته وجها لوجه :)
لمت داون111
12-06-2007, 05:52 PM
معروض علي في اكس ار موديل 95 جير تماتيك وفتحة
راعي الموتر طالب فية 18 الف لانة يبغي لة تصلحيات
يعني عندك الكرونة يبغي لها تبديل انا سئلت عنها قالو لي 3400 غير شغل اليد
وعندك الباور بعد يبغي لة شغل 1500
ويبغي لة جنبيانات اعتقد 2000 ريال اذا ماخاب ضني
بالاضافة الى تواير 4 يعني سعرهم 2000 ريال
وبعد الموتر علية مخالفات تقريبا 4500 ريال
يعني كلة بيطلع 14 الف قيمة التصليح والمخالفات
الاجمالي مع سعر السيارة والتصليح 32 الف فا حبيت اخذ رئيك هل يعتبر زين لو عملت كذا ولا سعر 32 يعتبر غالي علية
حبيت اخذ رئي الشباب
شكر خاص الى الاخ لمت داون
حبيت اقوولكم اني جاوبت علي اخوي الماسي برساله خاصه .. بناء علي طلبه:nice: .. وقلت هالكلام عشان محد يستغرب ويقول وينه لمت داون مايرد علي الرجال بالموضوع:shy:
وهذي كان ردي علي الاخ الماسي .. اتمني اشوف تعقيب خبراء السيارات لو كان بردودي أي خطأ بسيط .. وانطر تعقيب اخوي بومحمد 141 بالذات ;) مع احترامي الكامل للجميع :)
مرحبا الغالي .. طيب الله يسلمك .. عساك مرتاح انت
بصراحه مادري ليش سألتني انا بالذات .. بس لي الشرف اخووي واشكرك علي ثقتك فيني يالغالي .. ولو تنزل هالموضوع بمنتدي السيارات احسن عشان تشوف نصايح الشباب
اهم شي يالغالي اذا الشاصي والقير والمكينه تمام .. والخرابات مثل ماقلتها بالضبط ومافيه شي زياده وبيطلع عليك كامل بحدود ال32 ترا حلوو سعره بالنسبه حق موديل 95
اذا انت بخاطرك السياره وناوي تصلح خراباتها .. يبيلك طولت بال شوي
كبدايه الله يسلمك افحص السياره بالكمبيوتر عند فحص الطائر بطريق سلوى .. والفحص الكامل 150 ريال .. وبعدها سجل كل الخرابات بورقه .. وروح محل القطري او عجلان ألي بالصناعيه وقولهم ابي القطع الأصليه ولا تروح حق نوبل لانه غالي بالنسبه حق هالاثنين ولاتحاتي ترا اغراضهم أصليه من هالمحلات بس بعد تأكد .. انا دايما اشتري من عندهم أغراض لسيارتي .. والورقه معاك طبعا وأسأله عن اسعار القطع وسجل بنفس الورقه كم اسعار كل قطعه .. وعقب روح لكراج بانصحك فيه ( بدليك مكانه اخر شي بالموضوع ) شغله نظيف والفنيين اغلبهم من الجنسيه الفلبينيه ..
ومسؤولهم سوري ولا لبناني .. روح له وقوله كم بتغير لي كل هالخرابات وشوف كم شغل يده كامل .. وقوله أذا بتعطيني سعر زين بركب عندك .. طبعا تقوله هالكلمتين عشان يقولك السعر ولا يقعد يماطل ويقولك هات السياره وعقب نتفاهم علي السعر .. مثل حركات اصحاب الكرجاات !!
والحين جات وقت الحسبه ..
احسب قيمه قطع الغيار + قيمه شغل اليد + المخالفات المروريه علي السياره + قيمه السياره نفسها + التواير
وبتعرف كم سعر السياره وتكلفتها بالضبط
والأحسن انك تقول لراعي السياره يرخص لك شوي حتي لو ألفين او ألف ريال وقوله لانك بتشتغل وبتتعب علي السياره من كراج لكراج .. وصدقني راح ينزل لانه شكله من النوع ألي مايبي يعور راسه بالكراجات خخخخخ
والقطع الي بتشتريها للسياره لو مثلا قوول انها بتكلفك بالدوحه 8 الاف بتاخذها من الامارات بأرخص .. فرق ألفين او 3 الاف .. علي حسب قيمه القطع .. وجذي بتوفر أكثر من قيمه السياره .. ونصيحه لاتتعنى وتروح الامارات عشان القطع لانه مايستاهل التعنى من خساير فندق وتذكره .. لو حد من ربعك رايح الامارات او انت كنت ناوي تروح هناك .. بالمره تشتري الاغراض وخلاص
ونصيحه اخووي لاتشتري من السعوديه مهما كنت واثق انه الاغراض أصليه وسعرها رخيص .. كلهم نصابين هناك وصارت لي سوالف كثيره وياهم .. والله نصيحه لاني اعرف لهم وبعد انصبو علي .. لو حتي الفرق نص السعر لاتشتري ..
والسموحه علي الاطاله بس حبيت اوضح لك الخطوات بالضبط .. واتمني اكون افدتك
بالنسبه لمكان الكراج .. شوف الله يسلمك مدخل الفحص الفني من ورا ؟ في كراجات ثلاث او اربع جدام الفحص بس صوب مدخل الشاحنات الي يفصحونهم هناك .. والكراج ذي نسيت اسمه بس هو اخر طخه بالكراجات وكراج كبير وايد جنه مستودع
ملاحظه للتنبيه : مكان هالكراجات صوب مدخل السيارات للفحص من ورا .. ومب قصدي الكراجات ألي علي الشارع الرئيسي للفحص
وترا السالفه ماتطوول .. كلها تشتري الاغراض وتتفاهم مع كراج وتقط الموتر عنده كم يوم وعقب تخلص اجرائاته بالمرور ومبروك عليك الموتر السالفه ماتأخذ اسبوع بالكثير
وطولت عليك من قلب ههههههه .. وموفق بشروتك يالغالي
:nice:
لمت داون111
12-06-2007, 05:55 PM
والله لمت داون يستاهل كل خير
ونتمنى له كل التوفيق
جزاك الله خير يابومحمد:nice:
ويشهد الله علي كلامي انك تستاهل كل خير يالغالي :)
الكواري 1972
13-06-2007, 09:11 PM
حبيت اقوولكم اني جاوبت علي اخوي الماسي برساله خاصه .. بناء علي طلبه:nice: .. وقلت هالكلام عشان محد يستغرب ويقول وينه لمت داون مايرد علي الرجال بالموضوع:shy:
وهذي كان ردي علي الاخ الماسي .. اتمني اشوف تعقيب خبراء السيارات لو كان بردودي أي خطأ بسيط .. وانطر تعقيب اخوي بومحمد 141 بالذات ;) مع احترامي الكامل للجميع :)
:nice:
اخي لمت داون تسلم على الاطراء وانا في الخدمه
واسمحلي على التاخير
اما بالنسبه لردك الصراحه كفيت ووفيت
انت ياخوك سويت له تحليل ولا وتحليل مصرف الريان
:)
واللي مثلك ياخوي لازم حنا نستشيره
كلامك كله عدل
واعجبتني طريقة عمل الفحص وتسجيل الخراب شغل ترتيب
ماقول غير الله يعطيك العافيه
لمت داون111
14-06-2007, 02:33 AM
اخي لمت داون تسلم على الاطراء وانا في الخدمه
واسمحلي على التاخير
اما بالنسبه لردك الصراحه كفيت ووفيت
انت ياخوك سويت له تحليل ولا وتحليل مصرف الريان
:)
واللي مثلك ياخوي لازم حنا نستشيره
كلامك كله عدل
واعجبتني طريقة عمل الفحص وتسجيل الخراب شغل ترتيب
ماقول غير الله يعطيك العافيه
الله يعافيك الشيخ .. وتسلم علي اطرائك الطيب يالغالي :)
يبين معدنك الطيب والله وكلامك شرف لي يالغالي
بس عجبني تعليقك عن تحليل مصرف الريان هههههههههه :D
والله يالغالي .. والله يشهد علي كلامي هذا .. أني أرد علي المواضيع والردود كأني أرد علي أخواني ومثل ما أنطر النصيحه الطيبه لما أستشيرها من غيري لازم أقدمها لهم وكأنه الحلال حلالي ..
يعني مابي حد يظن أنه عندي كراج أو أستفيد شي من ورا الاعضاء هههههههه:p
وكل ألي نبيه .. الدعوه الطيبه من أخواننا الاعضاء
رحم الله والديك يا بومحمد :)
الكواري 1972
14-06-2007, 09:08 PM
[COLOR="Red"][B]ماعليك زود يالغالي
الصراحة رايتك بيضه
وبيض الله وجهك اخوي في كل الاحوال
بعدين يااخوي ماهو بعيب انك تستفيد دامك على الحلال الله يوفقك
اليوم كنا عند كراج دكا مادري دكار المهم اللي معاي يبي يفحص
ايش قاله راعي الكراج قاله انا بفحص لك 100 ريال
يعني راعي الكراج بس يبي يشون المشكله مهما كان نوعها يبي 100
يعني مافي شئ ببلاش
والله لو اني قادر واعرف كيف استفيد من النت كان سويتها
ياخوك سو خير وحذف هناك في البحر
HaMo0o0o0oDE
15-06-2007, 09:45 AM
مرحبا يالشباب يعطيكم الف عافية على الموضوع الحلو
عندي كذا استفسار خاطري الي عنده خبره يرد عليه
1) لين يكون الموتر شغال وواحد يدق السلف بالغلط وعقب يبند الموتر يأثر على السيارة ووين بالظبط؟؟
2) لو الموتر يمشي على الخط وواحد سكر الموتر وشغله شيصير ويأثر ولا لا؟؟
3) الف اكس ار 94 فل ابشن ((قير اتوماتيك))
في كذا خراب يكلف في حدود ال5000 ريال وفيه طعج خفيف جدا وبسيط في الشاص الي قدام
كم يسوى ؟؟
والطعج الي يقوله لنا الي يفحص الموتر في الفحص ((يقول في طعج خفيف وبسيط في الشاص هاي يعني الموتر فيه الشاص ولالا يأثر ولالا ))
4)حد جرب تويوتا((سوبرا))من موديل 94 وفوق الي مجرب ياريت يقولي الي يعرفه عن هالموتر وينصحني فيه او لا؟؟
والله يجزاكم كل خير وويوفقكم.......
QtrTrd
18-06-2007, 05:26 AM
مرحبا شباب
احد يعرف محل او شخص او كراج يوازن ويظبط كربيترات على امريكي قديم بس شرط يكون خبره ؟؟
الكواري 1972
18-06-2007, 09:11 PM
مرحبا يالشباب يعطيكم الف عافية على الموضوع الحلو
عندي كذا استفسار خاطري الي عنده خبره يرد عليه
1) لين يكون الموتر شغال وواحد يدق السلف بالغلط وعقب يبند الموتر يأثر على السيارة ووين بالظبط؟؟
اخوي اذا كان بشكل بسيط اعتقد ماراح يكون له تأثير ولكن اذا كان الشئ تالف من قبل راح يزيد التلف واذا كان بشكل دائم راح يصير معاك يمكن السلف يحترق او ترس السلف ينكسر ويخرب لك الفراويل وحاسب من تسكيرت السويك لان هذا في خطر راح يقفل معك السكان وبعدها تتوهق اذا ماتعرف كيف التصرف في الطريق
2) لو الموتر يمشي على الخط وواحد سكر الموتر وشغله شيصير ويأثر ولا لا؟؟
هذا جاوبه مع اللي فوق
3) الف اكس ار 94 فل ابشن ((قير اتوماتيك))
في كذا خراب يكلف في حدود ال5000 ريال وفيه طعج خفيف جدا وبسيط في الشاص الي قدام
كم يسوى ؟؟
والطعج الي يقوله لنا الي يفحص الموتر في الفحص ((يقول في طعج خفيف وبسيط في الشاص هاي يعني الموتر فيه الشاص ولالا يأثر ولالا ))
بالنسبه حق الشاصي دام اسمه طعج شاصي فهو يعني شاصي
بس بعد يعتمد الضربه قدام في وين . اما سعره ماعندي خلفيه جيده بالاسعار بس اعتقد يسوى 25000 الى 3000 الف والله اعلم
4)حد جرب تويوتا((سوبرا))من موديل 94 وفوق الي مجرب ياريت يقولي الي يعرفه عن هالموتر وينصحني فيه او لا؟؟كل اللي اعرفه عن هذا الموتر مافيه خراب اذا كان جيد فهو جيد ان شاءالله
والله يجزاكم كل خير وويوفقكم.......
جزاك الله بمثله
الكواري 1972
18-06-2007, 09:14 PM
مرحبا شباب
احد يعرف محل او شخص او كراج يوازن ويظبط كربيترات على امريكي قديم بس شرط يكون خبره ؟؟
في 3 كراجات
اول شئ كراج حربي اعتقد على شارع الوكلات قريب وشكركة التويوتا وبعد كراج منصور في شارع الكراجات شارع رقم 11 وبعد عندك كراج برزان شارع 26 من الوكالات
هذا اللي اعرفه
المزن الرياني
18-06-2007, 09:49 PM
السلام عليكم
ويعطيكم العافيه
عندي كابرس 2005 وعندي كم سؤال وان شاءالله احصل جواب
حد يعرف مكان اقدر اغير فيه سير التايمنج timing belt غير الصناعيه ؟
واقدر اغير عنده الامور الاستهلاكيه بالسياره ... يعني البلاكات والسفايف ( + تورنه الدرامويلات اذا يحتجون) ووو ... ؟
تحياتي
الكواري 1972
18-06-2007, 10:33 PM
السلام عليكم
ويعطيكم العافيه
عندي كابرس 2005 وعندي كم سؤال وان شاءالله احصل جواب
حد يعرف مكان اقدر اغير فيه سير التايمنج timing belt غير الصناعيه ؟
واقدر اغير عنده الامور الاستهلاكيه بالسياره ... يعني البلاكات والسفايف ( + تورنه الدرامويلات اذا يحتجون) ووو ... ؟
تحياتي
عليكم السلام
الصراحه ماعندي خلفيه بس يمكن في فريج بن محمود او اسي دلكو قبل دوار سلاح الجو وانت رايح الوكره
فهد24
19-06-2007, 04:52 AM
بصراحه اناعندي موستنق lx الشكل القديم والموتر يبيله شد كامل وربلات درايش وبيبان وشد طبلون وكراسي يعني الموتر ملخلخ وين اوديه؟؟ الانصاري والعبيدلي يشدون صوالين وسبورت بالعربي يعرفون حق الامريكي؟ ولافي كراج متخصص للموستنق؟
ونسيت اقول بعد ان يبيله سمكره شوي وابي كراج يفكني من البهدله من مكان لمكان
وبعد ابي ارخص مكان يبيع قطع غيار موستنق اصليه
يالله يالربع همتكم ويعطيكم العافيه مقدما والله لايهينكم
HaMo0o0o0oDE
19-06-2007, 05:59 AM
مرحبا يالشباب يعطيكم الف عافية على الموضوع الحلو
عندي كذا استفسار خاطري الي عنده خبره يرد عليه
1) لين يكون الموتر شغال وواحد يدق السلف بالغلط وعقب يبند الموتر يأثر على السيارة ووين بالظبط؟؟
2) لو الموتر يمشي على الخط وواحد سكر الموتر وشغله شيصير ويأثر ولا لا؟؟
3) الف اكس ار 94 فل ابشن ((قير اتوماتيك))
في كذا خراب يكلف في حدود ال5000 ريال وفيه طعج خفيف جدا وبسيط في الشاص الي قدام
كم يسوى ؟؟
والطعج الي يقوله لنا الي يفحص الموتر في الفحص ((يقول في طعج خفيف وبسيط في الشاص هاي يعني الموتر فيه الشاص ولالا يأثر ولالا ))
4)حد جرب تويوتا((سوبرا))من موديل 94 وفوق الي مجرب ياريت يقولي الي يعرفه عن هالموتر وينصحني فيه او لا؟؟
والله يجزاكم كل خير وويوفقكم.......
وينكم يالخبره شدعوه مافي حد يعرف:con2: :con2:
QtrTrd
19-06-2007, 09:51 AM
تسلم بومحمد كل الي ذكرتهم مامنهم فايده ومايعرفون للموتر عدل
تسلم لي
a77md
19-06-2007, 10:12 PM
وينكم يالخبره شدعوه مافي حد يعرف:con2: :con2:
اخوي شكلك متابع
راجع مشاركة رقم 219 في صفحة 22
a77md
19-06-2007, 10:16 PM
بصراحه اناعندي موستنق lx الشكل القديم والموتر يبيله شد كامل وربلات درايش وبيبان وشد طبلون وكراسي يعني الموتر ملخلخ وين اوديه؟؟ الانصاري والعبيدلي يشدون صوالين وسبورت بالعربي يعرفون حق الامريكي؟ ولافي كراج متخصص للموستنق؟
ونسيت اقول بعد ان يبيله سمكره شوي وابي كراج يفكني من البهدله من مكان لمكان
وبعد ابي ارخص مكان يبيع قطع غيار موستنق اصليه
يالله يالربع همتكم ويعطيكم العافيه مقدما والله لايهينكم
اخوي اذا تبي نصيحتي دور واحد يعرف طريق عدل في السعوديه وهم بيظبطونك صح
وفي بعد كراج في الصناعيه شغله كله موستنغ وهو في شارع 23 اعتقد اسمه الصقليه
وتحياتي
الكواري 1972
19-06-2007, 10:48 PM
تسلم بومحمد كل الي ذكرتهم مامنهم فايده ومايعرفون للموتر عدل
تسلم لي
الله يسلمك
والله يعينك
قطر501
20-06-2007, 01:00 PM
اخوي المزن مافيه الا اي سي دلكو الي عند المجموعة طريق سلوى تخصص السيارات الامريكية
ضدالتيار
20-06-2007, 01:17 PM
اخوي ودة داخل محطة بترول الهلال وانت رايح الوكرو دوار الروضة هناك انتقل المركز الامريكي للسيارات الي كان في بن محمود مال الفلسطيني شغلهم عدل الصراحة وسريعين وبتوفيق للجميع ان شاء الله
السلام عليكم
ويعطيكم العافيه
عندي كابرس 2005 وعندي كم سؤال وان شاءالله احصل جواب
حد يعرف مكان اقدر اغير فيه سير التايمنج timing belt غير الصناعيه ؟
واقدر اغير عنده الامور الاستهلاكيه بالسياره ... يعني البلاكات والسفايف ( + تورنه الدرامويلات اذا يحتجون) ووو ... ؟
تحياتي
شوف التيسير الي في طريق سلوى شغلهم زين ونظيف ويشتغلون في كل السيارات تقريبا
بصراحه اناعندي موستنق lx الشكل القديم والموتر يبيله شد كامل وربلات درايش وبيبان وشد طبلون وكراسي يعني الموتر ملخلخ وين اوديه؟؟ الانصاري والعبيدلي يشدون صوالين وسبورت بالعربي يعرفون حق الامريكي؟ ولافي كراج متخصص للموستنق؟
ونسيت اقول بعد ان يبيله سمكره شوي وابي كراج يفكني من البهدله من مكان لمكان
وبعد ابي ارخص مكان يبيع قطع غيار موستنق اصليه
يالله يالربع همتكم ويعطيكم العافيه مقدما والله لايهينكم
مثل الاحساء مافيه عندك الجميح والعيسى هذول وكاله واذا مالقيت الي تبيه عندهم شوف محل باوزير ممكن تاخذ منه اما الباقي تحمل ترى تجاري
بصراحه اناعندي موستنق lx الشكل القديم والموتر يبيله شد كامل وربلات درايش وبيبان وشد طبلون وكراسي يعني الموتر ملخلخ وين اوديه؟؟ الانصاري والعبيدلي يشدون صوالين وسبورت بالعربي يعرفون حق الامريكي؟ ولافي كراج متخصص للموستنق؟
ونسيت اقول بعد ان يبيله سمكره شوي وابي كراج يفكني من البهدله من مكان لمكان
وبعد ابي ارخص مكان يبيع قطع غيار موستنق اصليه
يالله يالربع همتكم ويعطيكم العافيه مقدما والله لايهينكم
مثل الاحساء مافيه عندك الجميح والعيسى هذول وكاله واذا مالقيت الي تبيه عندهم شوف محل باوزير ممكن تاخذ منه اما الباقي تحمل ترى تجاري
المزن الرياني
23-06-2007, 07:44 AM
عليكم السلام
الصراحه ماعندي خلفيه بس يمكن في فريج بن محمود او اسي دلكو قبل دوار سلاح الجو وانت رايح الوكره
تسلم اخوي بومحمد
وهالمكان اعرفه بس كنت اشوف اذا في غيره قريب للريان :looking:
المزن الرياني
23-06-2007, 07:45 AM
اخوي المزن مافيه الا اي سي دلكو الي عند المجموعة طريق سلوى تخصص السيارات الامريكية
قصدك التيسير اخوي
وااايد قالولي عنه والظاهر اني بروحه
تسلم اخوي قطر501
المزن الرياني
23-06-2007, 07:46 AM
اخوي ودة داخل محطة بترول الهلال وانت رايح الوكرو دوار الروضة هناك انتقل المركز الامريكي للسيارات الي كان في بن محمود مال الفلسطيني شغلهم عدل الصراحة وسريعين وبتوفيق للجميع ان شاء الله
أول مره أسمع بهالمكان
تسلم ياخوي ضد التيار على هالمعلومه :app:
المزن الرياني
23-06-2007, 07:48 AM
شوف التيسير الي في طريق سلوى شغلهم زين ونظيف ويشتغلون في كل السيارات تقريبا
الظاهر هذا اللي بسويه
ماقصرت اخوي abc + :nice:
أبو رماح
24-06-2007, 02:55 PM
crazy عندي كامري 2000 وانا ماشي احس كن في صوت طالع من صوب التاري اليمن من قدام يعني عالتاير حجرة صغيره فحصت التاير ماحصلت فيه اي شي برايكم وشو الحل
بوحارب
24-06-2007, 10:26 PM
crazy عندي كامري 2000 وانا ماشي احس كن في صوت طالع من صوب التاري اليمن من قدام يعني عالتاير حجرة صغيره فحصت التاير ماحصلت فيه اي شي برايكم وشو الحل
افحص التاير عدل يمكن فية نفخة
ALRAYYAN
25-06-2007, 10:55 AM
يعطيكم العافيه شباب
اخواني عندي سوبر صالون مو 90 مخليها للسايق اذا طرشته بروحه يطلع فيها
مشكلتها دايم ترتفع حرارتها ... قلت يمكن من الراديتر او هوز الماي يسرب او او
المهم طلع كل شي اوكي ... وقالي واحد مكانيكي المشكله ان السياره مشت فتره بدون ماي
والخراب من المكينه وقالي لازم تنزل نص المكينه ومادري شنو
بصراحه حسيت انه مايفهم وترددت والحين الموتر صار اسبوع واقف مب عارف وين اوديه ولا شعلته بالضبط
لأن الموترين الثانيين اللي عندي جدد ولا اتعامل مع كراجات او ميكانيكيه خير شر لذلك ابي واحد شاطر يشوف لي علة الموتر ويصلحه مره وحده
وحتى لو كان غالي مو مشكله ... المهم يكون شغله تمام 100%
ممكن تفيدوني لو تكرمتوا ؟؟
أبو رماح
25-06-2007, 04:33 PM
يعطيكم العافيه شباب
اخواني عندي سوبر صالون مو 90 مخليها للسايق اذا طرشته بروحه يطلع فيها
مشكلتها دايم ترتفع حرارتها ... قلت يمكن من الراديتر او هوز الماي يسرب او او
المهم طلع كل شي اوكي ... وقالي واحد مكانيكي المشكله ان السياره مشت فتره بدون ماي
والخراب من المكينه وقالي لازم تنزل نص المكينه ومادري شنو
بصراحه حسيت انه مايفهم وترددت والحين الموتر صار اسبوع واقف مب عارف وين اوديه ولا شعلته بالضبط
لأن الموترين الثانيين اللي عندي جدد ولا اتعامل مع كراجات او ميكانيكيه خير شر لذلك ابي واحد شاطر يشوف لي علة الموتر ويصلحه مره وحده
وحتى لو كان غالي مو مشكله ... المهم يكون شغله تمام 100%
ممكن تفيدوني لو تكرمتوا ؟؟
اخوي الامريكي بشكل عام ترتفع حرارته كانت عندي نفس المشكله وماخليت ميكانيكي الا ورحتله آخر شي رحت لميكانيكي سوري فمعيذر آخر الشارع التجاري وانت جاي من الريان في لفه يمين تدخلها كلها محلات ميكانيكيه بيكون محله قبل الاخير طلعت المشكله تهرب ماي بس انت ماتنتبه لانه الماي ينزل من نفس المكان اللي بينزل منه ماي المكيف وهذي بيقولي الميكانيكي الفلس هو بيسمسها كذا يعني قطعه بين المكينه ومكينة القير وامرها بسيط ترى وتكلف حول 400 ريال لاينصب عليك وانشالله خير:nice:
ALRAYYAN
25-06-2007, 11:20 PM
اخوي الامريكي بشكل عام ترتفع حرارته كانت عندي نفس المشكله وماخليت ميكانيكي الا ورحتله آخر شي رحت لميكانيكي سوري فمعيذر آخر الشارع التجاري وانت جاي من الريان في لفه يمين تدخلها كلها محلات ميكانيكيه بيكون محله قبل الاخير طلعت المشكله تهرب ماي بس انت ماتنتبه لانه الماي ينزل من نفس المكان اللي بينزل منه ماي المكيف وهذي بيقولي الميكانيكي الفلس هو بيسمسها كذا يعني قطعه بين المكينه ومكينة القير وامرها بسيط ترى وتكلف حول 400 ريال لاينصب عليك وانشالله خير:nice:
هلا بك اخوي
شاكر لك تجاوبك معاي اخوي ... بس الموتر اللي عندي مو امريكي
الموتر تويوتا سوبر صالون
ويعطيك العافيه :)
الكواري 1972
26-06-2007, 12:12 AM
crazy عندي كامري 2000 وانا ماشي احس كن في صوت طالع من صوب التايري الايمن من قدام يعني عالتاير حجرة صغيره فحصت التاير ماحصلت فيه اي شي برايكم وشو الحل
اخوي شيك على الاكسل
الكواري 1972
26-06-2007, 12:17 AM
يعطيكم العافيه شباب
اخواني عندي سوبر صالون مو 90 مخليها للسايق اذا طرشته بروحه يطلع فيها
مشكلتها دايم ترتفع حرارتها ... قلت يمكن من الراديتر او هوز الماي يسرب او او
المهم طلع كل شي اوكي ... وقالي واحد مكانيكي المشكله ان السياره مشت فتره بدون ماي
والخراب من المكينه وقالي لازم تنزل نص المكينه ومادري شنو
بصراحه حسيت انه مايفهم وترددت والحين الموتر صار اسبوع واقف مب عارف وين اوديه ولا شعلته بالضبط
لأن الموترين الثانيين اللي عندي جدد ولا اتعامل مع كراجات او ميكانيكيه خير شر لذلك ابي واحد شاطر يشوف لي علة الموتر ويصلحه مره وحده
وحتى لو كان غالي مو مشكله ... المهم يكون شغله تمام 100%
ممكن تفيدوني لو تكرمتوا ؟؟
الله يعينك وتروح الصناعية
شوف الله يسلمك حنا مصلحين كرسيدا نفس موالك
والحين كل شئ اوكي من حوالي سنه وزود
دام انها ماتحرق يعني مشكلتك مع الهد والقزقيت
المهم المحل في الصناعية شارع 14 كراج اسمه الريان عن سيلاني اسمه مادري ماتيو او شئ اسمه تونا
والله يعينك
ALRAYYAN
26-06-2007, 07:24 PM
الله يعينك وتروح الصناعية
شوف الله يسلمك حنا مصلحين كرسيدا نفس موالك
والحين كل شئ اوكي من حوالي سنه وزود
دام انها ماتحرق يعني مشكلتك مع الهد والقزقيت
المهم المحل في الصناعية شارع 14 كراج اسمه الريان عن سيلاني اسمه مادري ماتيو او شئ اسمه تونا
والله يعينك
تسلم يابو محمد 141 وماقصرت بس اذا تخبر لي اي مكانيكي بعيد عن الصناعيه وشوارعها وزحمتها
اكون شاكر وممنون والله :o
الكواري 1972
27-06-2007, 11:29 PM
تسلم يابو محمد 141 وماقصرت بس اذا تخبر لي اي مكانيكي بعيد عن الصناعيه وشوارعها وزحمتها
اكون شاكر وممنون والله :o
مادري بس اسمع الشباب عن كراجات الغرافه بس عمري مارحت عندهم
والسموحه هذا اللي عندي
ALRAYYAN
30-06-2007, 08:33 PM
مادري بس اسمع الشباب عن كراجات الغرافه بس عمري مارحت عندهم
والسموحه هذا اللي عندي
الله لايهينك اخوي ... ماقصرت ووجهاك ابيض
كفيت ووفيت :)
الكواري 1972
30-06-2007, 09:24 PM
الله لايهينك اخوي ... ماقصرت ووجهاك ابيض
كفيت ووفيت :)
ماعليك زود الشيخ
وينككككككككككك لمت داااااااااااااااون 111
وين راح اختفا الرجاااااااااااااال
ALRAYYAN
30-06-2007, 09:30 PM
عطوه باند ادارة المنتدى مادري ليش
كان محيي الموضوع والله ... الله يرده سالم ان شاء الله
الكواري 1972
30-06-2007, 09:37 PM
عطوه باند ادارة المنتدى مادري ليش
كان محيي الموضوع والله ... الله يرده سالم ان شاء الله
افا ليشششششش
مايستاهل الرجال الصراحه رايته بيضه وهو ممقصر وعلى طول متجاوب
وسمح في ردوده الله يرده لنا
Powered by vBulletin® Version 4.2.5 Copyright © 2024 vBulletin Solutions Inc. All rights reserved.