نبي نصيحه من الي مجرب همر H2 ..

[المخلب]

السلام عليكم

واحد من الاهل بياخذ همر H2 مستعمل او جديد - الله اعلم -

لكن طلب مني النصيحه ! وللاسف ماعندي خبره عن الامريكي وبذات الهمر !

فياريت نسمع رايكم يالمجربين الموتر .. ( من جميع النواحي : الصرفيه , قطع الغيار , الصيانه , البريكات , السرعه , القومه , القوه , التحمل , الراحه , الرفاهيه , ...الخ ) .

وهل بيتغير شكله ولا لاء ؟

تحياتي لكم ..

[الهيل]

شاهد المقطع من هنا (http://s154.photobucket.com/albums/s268/Al-khor/Cars/?action=view&current=hammer-www.flv)

[المخلب]

ولد الهيل ماتقصر ..

[المخلب]

للرفع .. ما في اجابه يالغاليين ؟

وللغالي ولد الهيل .. ياخوي ههههه ترى الرجال ماهو براعي طعوس ولا بحصى ! ..

راعي سفر وبران ووناسه ! ..

[الـخـور]

اخوي المخلب .. عيب الهمر ان لين جيت تبيعه يطيح من سعره وايد وفي نفس الوقت دفش شويه .. وفي بعض الموديلات فيها مشاكل بالجير

اذا هو راعي سفر وخطوط احسن شي ياخذ الجمس يوكن او الكدلك اسكاليد
مريح ويعجبك

[AL_MUTAEM]

المقطع المعروض هو لهمر H3 واللي بالمناسبه تغير من موديل 2007

H2 من عيوبه انه ثقيل بس بالرفاهيه حلو بس بصراحه مايتقارن بالدينالي ولا الكدلك

بالتوفيق اخووي

[المخلب]

يا مرحبا المليون ..

في الواقع الرجال جرب الجمس الدنيال والسكاليد ..

حاطهم في باله ! ..

بس معجب اكثر بالهمر !! ..

يعني الي قريته من كلامكم انه يتوكل على الله وياخذه ! ..

بس في سؤال للاخو الخور .. تقول في مشاكل بالقير !!! تقصد اي موديل ؟؟

تحياتي لكم

[أبو راكان]

مرحبا أخوي المخلب
واحد من الربع يشتكي منه في الخط ترتفع حرارته والمكيف مايبرد عدل
وبالتوفيق يالغالي

[فتى البورصة]

نبغي اجابة شافية

[المخلب]

تسلم يا بوراكان ...



نبغي اجابة شافية

:funny: :funny:

اي والله .. مافي ولا اجابه تشفي الغليل :shy: :funny:

[BODYGUARD]

اخوي رفيجي عنده همر H2 الصراحه تحسن انك راكب تنكر ماي وصفته صعبه خاصه في زحمة السوق وقطع غياره نار واذا تبي تتاكد اسال الوكاله عن اي قطعه مثلا السفايف قيمتها 780 ريال والخلفيه بحدود 600 وشوي وحار على طول الحبيب متعود على جو براد ... ارجو اني افدتك

[المخلب]

Up

ماقصروا الي حطوا بعض المعلومات ..

بس الي عنده لا يبخل ..

تحياتي .

[بو سالم]

ما يقصرون الاخوان ان شاء الله