ولي أمر يضرب وكيلة مدرسة وينزع حجابها [الأرشيف]

الرحال

02-05-2007, 01:05 AM

شهدت مدرسة ثانوية الرقة »بنات« ظهر امس حادثا مؤسفاً عندما اقتحم ولي امر احدى الطالبات المدرسة بعد ان اعتدى على حارسها بالضرب, وتوجه الى وكيلة المدرسة وقام بضربها هي الاخرى ونزع حجابها, فاستنجدت المدرسات بأجهزة وزارة الداخلية التي ارسلت على الفور قوة امنية تمكنت من القبض على ولي الامر المتهم واحالته الى مخفر المنطقة, حيث قامت بتسجيل قضية ضده ووجهت اليه تهمة »ضرب وهتك عرض« بسبب نزعه حجاب الوكيلة واحيل الى الجهات المختصة التي امرت بحبسه 21 يوما على ذمة القضية.
مصادر امنية ارجعت الحادث الى خلاف سابق وقع بين ابنة ولي الامر ووكيلة المدرسة.

حورية البحر

02-05-2007, 01:10 AM

بعض الوكيلات لعينات واكيد كانت متمادية بوقع مشكلة

الرحال

02-05-2007, 01:12 AM

بعض الوكيلات لعينات واكيد كانت متمادية بوقع مشكلة
صح بس ما توصل للضرب

التيما

02-05-2007, 01:16 AM

والله انه ما يستحي صراحه

الرحال

02-05-2007, 01:24 AM

والله انه ما يستحي صراحه
فعلا يحتاج تربية هو وبنته الهبلة
وشكرا التيما على المرور والمشاركة

غريب احساس

02-05-2007, 01:33 AM

فعلا يحتاج تربية هو وبنته الهبلة

:funny: :funny:

مشكور الرحال

مجدلي

02-05-2007, 01:33 AM

عن جد مايستحي يربي بنته الاول وبعدين ما يحق له حتى لو الوكيله غلطانه انه يمد يده
وين مديرة المدرسه خبر خير ولااش لون دش من دون إذن وهي مدرسة بنات وكل البنات بدون حجابات ولايسلم الامر ان يكون في بنات موجوده لحظة دخوله المفروض القضاة لا يتساهلون معه
عن جد مسخوها

الرحال

02-05-2007, 01:54 AM

:funny: :funny:

مشكور الرحال
العفو طال عمرك
وشكرا على المرور والمشاركة

الرحال

02-05-2007, 01:55 AM

مليت

02-05-2007, 03:51 AM

بيض الله وجهه ايذا كان سبب الضرب الي في بالي

ماعتقد انه ضربها عشان انها عاندت بنته والله اعلم بسبب الحقيقي وان كان السبب هو الي في بالي الا بيض الله وجهه

وان كان موضوع عادي الا سود الله وجهه

ROSE

02-05-2007, 04:16 AM

اذا الابو جذيه شلون بنته

بس ماندري بخوافي الامور صحيح ان الامور لا تؤخذ بطريقة الاب الا ان احنا ماندري

بخوافي الامور

اشكرك اخوي رحال

شيزكيك

02-05-2007, 04:33 AM

انا اتكلم من من الواقع الي عايشته
الصراحه البنات لسانهم طويل ويراددون الكل . حتى الكسلانه بعد لها وجه تنافت علينا . اقول لهم لو انا كسلانه بعد مالي وجه اشاغب او حتى اتكلم في الحصه . بس وين الي يحس .
وتلاقي هاذي البنت مخالفه في الزي . وكلموها الاداره وراحت قالت حق ابوها

اول خل يربون بناتهم وعيالهم عدل بعدين يتكلمون . عيل الام ما تجي تسأل عن بنتها وعن مستواها . بس اذا بنتها سوت مشكله تجي تراكض عشان تدافع عنها .

حيهور

02-05-2007, 04:47 AM

غلطااان كان المفروض يضرب زوج الوكيله ويبجلسه بعد

لكن مايمد يده على حرمه

مافي شي احسن من ان الواحد ياخذ حقه بيده لان المحاكم يبيلها مصاريف والي عنده يروح اما الي ماعنده مافي غير يده

مطيع الله

02-05-2007, 10:36 AM

لدينا إدعاء من طرف واحد
يجب سماع الطرفين لنحكم

أبو راكان

02-05-2007, 10:41 AM

غلطااان كان المفروض يضرب زوج الوكيله ويبجلسه بعد
:nice: :nice: :nice:

L'amour

02-05-2007, 11:10 AM

اذا عرف السبب بطل العجب...
ونحن لانعرف السبب , ولكن مهما كان يعتبر هذا تصرف همجي.

ابوعلي اليافعي

02-05-2007, 01:03 PM

يستاهل الجلد امام الطالبات وبنته في طابور الصباح ليكون عبره لغيره لانه ماحترم الحرم المدرسي ..ومهما كانت الاسباب فعيب ان يمد يده على مره وكان هناك طرق اخرى ياخذ فيها حقه اذا كان له حق..

المخلب

02-05-2007, 01:08 PM

المزن الرياني

02-05-2007, 01:34 PM

غلط يلي سواه
المفروض يشدخله مدرسه معاها
مدرسات هالايام بس حق الكشخه والمواتر :looking:
راحت أيام قف للمعلم crazy

M.D.Luffy

02-05-2007, 01:47 PM

اولا هاي مش رجوله انه يمد يده على مراه ولا فيه اسم الرجوله وثانيا كيف يدخل مدرسة بنات كيف ........... ان لم تستح فاصنع ماشئت يجب ان يعاقب اشد العقاب هو وبنته .....

هذا ضريبه التعليم الجديد الله يرحم ايام تعليم زمان

طبيب جراح

02-05-2007, 04:25 PM

بعض المدرسين يستاهلون كسر راس ويدين

انت طيب

02-05-2007, 04:28 PM

تستاهل

انت طيب

02-05-2007, 04:29 PM

بعض المدرسين يستاهلون كسر راس ويدين

اي والله

halcrow

02-05-2007, 04:33 PM

صحيح الامر ماتجوز شكليا
بس نفرض ان الوكيله كانت تشجع البنت وتهددها لفعل ؟؟؟؟؟؟؟؟؟

هل الاب يتم ماله حق :con2:

اعتقد من العداله ان نعرف السبب ؟؟؟

eXpert*

02-05-2007, 04:50 PM

ننتظر نسمع تفاصيل الحادثه

ولو اني متاكد الرجال ما راح للداخل المدرسة ورفع يده على الوكيلة الا بسبب قوي .

اكيد قالت حق بنته وحده من العبارات اللي دوم يرددونها الطاقم التدريسي من " انتي مب متربية" و " انتي ما وراج اهل " الـــــخ وفي كلام اقوى من جي بس احتراماَ للمنتدى واهله .

وصدقوني المدرسات والاداريات بعضهم حمدالله والشكر عقلها قاصر ، تلاقونها تغار من طالبة لانها محبوبة من كل الطالبات والمدرسات . وكلامي كله عن كلام واقعي وصل لي .

الله يهدي الجميع ان شاء الله

طبيب جراح

02-05-2007, 05:04 PM

تستاهل
بنتي وقعت وتكسرت ا يديها وراسها والمديره في المدرسة ما تعلم شي اي والله لازمهم تكسير راس

قمر الزمان

02-05-2007, 05:10 PM

:eek2: :eek2: :eek2: انا من رأي انو شو ما كان السبب مش المفروض يوصل الموضوع للضرب وانو تكون ردة الفعل بهاي السوقية .. بالنهاي هو فايت على مكان تعليمي تربوي في اسلوب ارقى لحل المشاكل بدون الضرب شو هالبهدله جد في رجال حرام يكونو موجودين على الارض :anger2: :anger2: :court:

بعدين هدا الاب ما بيعرف انو هاي الوكيله وراها رجال اكيد ما راح يسكتو وراح يردوا اعتبار الوكيله وراح تكبر المشاكل جد كتير انقهرت بس قرأت هالموضوع :court: :court:

دنيا الاسهم

03-05-2007, 12:44 AM

من العجب ما اعرف ارد صراحة
امحق رجال وين قاعدين احنا زين ليش ماجات الام تتفاهم مع المديرة والوكيلة مو رجال داخل يدرعم مدرسة بنات مايستحي على وجهة (جبح وية) :anger1:
يا مثبت العقل والدين يارب
وبعدين يا جماعة(ان بعض الظن اثم) بسرعة استنتجتوا السبب crazy ياساتر منكم

ابوعلي

03-05-2007, 01:01 AM

الكل جالس يقول الرجال غلطان ! وانه جر حجاب الوكيله ومادري كيف ! ..

زين احنا سمعنا جزء من القصه ! .. وين الجزء الثاني ؟؟؟

وين كلام الرجال ؟ وليش سوى هذي الحركه ؟

وله انتوا مع الي يقولون : لا تقربوا الصلاه !!! ومايبون يكملون الايه !!

قال تعالى : ( لاتصيبوا قوما بجهالة فتصبحوا على مافعلتم نادمين ) ..

ان لله وانا اليه راجعون ..

اخوي المخلب مهما كانت المصيبة فالمفروض انه يلجأ للجهات الرسمية وياخذ حقه

ام انه يدخل مدرسة ويضرب الوكيلة فماله حق وكان الاولى زوجته تروح وتتفاهم معاهم

الخيميائي

03-05-2007, 01:02 AM

الحمدالله مدارسنا بخير

ولد الجزيرة

03-05-2007, 01:20 AM

الله يستر كل يوم نسمع خبر عجيب وغريب

التيما

03-05-2007, 01:52 AM

الحمدالله مدارسنا بخير
اخوي الخيميائي انا مره على البيت واستعد للخروج وكنت في المرحله النموذجيه من كم سنه ونزلت اوقع انصراف الا المديره اتحندا ومعصبه ؟؟ ولي امر طالب دش ويهاوش دخل لساحه المدرسه والمديره مب راضيه تطلع له .. المهم طلعت انا بطريقي الا يجي صوبي يهاوشني ويردح ؟؟:eek3: نطرت لين خلص كلامه وكانت عيونه حمر والصراحه يبدو انه كان شارب شي .. المهم نطرت لين خلص واول ما خلص وسكت وهو يطالعني قلت له : اولا انت ماتستحي لانك داش مدرسه حريم عيب ؟؟ شتعلم ولدك ؟؟ لو سمحت اطلع برا المدرسه وطرش لنا ام الولد بنتفاهم معاها .. والمشكله ان ولده الغلطان يومها ومعتدي على ولد ... اصلا عيب ريال يدش مدرسه حريم صج قله عقل وتربيه حتى لو ايش ما صار ماتوصل للسوقيه هاذي يدش ويتهاوش ويمد يده على مره والله عيب في حقه امحق ريال ماتشطر الا على مره

التيما

03-05-2007, 01:56 AM

الكل جالس يقول الرجال غلطان ! وانه جر حجاب الوكيله ومادري كيف ! ..

زين احنا سمعنا جزء من القصه ! .. وين الجزء الثاني ؟؟؟

وين كلام الرجال ؟ وليش سوى هذي الحركه ؟

وله انتوا مع الي يقولون : لا تقربوا الصلاه !!! ومايبون يكملون الايه !!

قال تعالى : ( لاتصيبوا قوما بجهالة فتصبحوا على مافعلتم نادمين ) ..

ان لله وانا اليه راجعون ..

اخوي المخلب ماني محتاجه اسمع الطرف الثاني اصلا مو موضوعنا من الغلطان ؟؟ احنا موضوعنا تصرف الاب .. اي كان اللي صار وسوته هالوكيله ما يعطي ريال الحق يعتدي على مره .. اما ايش سوت وفعلت هاي موضوع غير

المخلب

07-05-2007, 01:13 PM

اخوي المخلب مهما كانت المصيبة فالمفروض انه يلجأ للجهات الرسمية وياخذ حقه

ام انه يدخل مدرسة ويضرب الوكيلة فماله حق وكان الاولى زوجته تروح وتتفاهم معاهم

بوعلي شحالك ..

يالغلا اذكر أختي الصغيره تجي من المدرسه تصيح !

نقولها شسالفه ؟

تقول في وحده مثل عمرها ( بنيه صغيره من جنسيه عربيه ) تهاوشت وياها !

حلو ..

يوم جات أختي تشتكي على البنت عند مدرستها ( المدرسه عربيه من نفس جنسيه البنت ! )

قامت المدرسه تصرخ على اختي وتاركه الي ضربتها ..

يوم رحنا نشتكي ! ماعرفنا لهم !! كل وحده حطت البلى على الثانيه ولا كان حد مسؤول بالمدرسه !! ..

ياخي .. ساعات الواحد ان ماعرف ياخذ الحق بيده ! يموت وهو مقهور !! ..

لكن مع ذلك انا معاك كل شئ له حدود ..

تحياتي لك ..

المخلب

07-05-2007, 01:16 PM

اخوي المخلب ماني محتاجه اسمع الطرف الثاني اصلا مو موضوعنا من الغلطان ؟؟ احنا موضوعنا تصرف الاب .. اي كان اللي صار وسوته هالوكيله ما يعطي ريال الحق يعتدي على مره .. اما ايش سوت وفعلت هاي موضوع غير

:D :D التيما ادري انك مدرسه مايحتاج تقنعيني ! ;)

وان شاء الله مايصديكم ماصادها ابد !

على العموم .. ربما ( يمكن ) ان البنت مثلا ماعندها ام ( امها ميته , او مطلقه من ابوها )

فكيف تبين الاب ياخذ حق بنته ! يعني .. :strong ..

ساعات الانسان مايفكر يسوي الشئ عقب يفكر ! وهذا هو الغلط بعينه

ماقول ان الرجال حقاني بالحركه هذي !

لكنه حقاني بأخذ حق بنته من الي كلوا حقها ..

تحياتي .. :D

PoBox

07-05-2007, 01:21 PM

انا اعتقد السبب هو الوكيلة

لكن لان الرجال ضربها بيطلع هو الغلطان في كل الاحوال

حتى لو كانت تمرمط البنت في المدرسة امام الطالبات

ولامابيضربها مرة وحده دون سبب قوي

جان طرش زوجته تقوم بالواجب احسن:court:

الغفير

07-05-2007, 01:28 PM

انا اتوقع ماسوى كذا الا بعد ما فاض الكيل
و اكيد انها قهرته في شي

ولا نحكم على شي احنا مانعرفه

اما الي يقول ما يستحي - جرب حد يقهرك بولدك او بنتك
و شوف ايش يصير فيك !! تنقلب وحش

و الي يقول ما توصل للضرب - بالعكس اخوي توصل بعد للبطح و المباطح

لاتقولي حرمة ولا ريال - مايفرق في ذيك الساعه

:anger2: :anger2: :anger2: :anger2:

alanood

07-05-2007, 01:41 PM

من وجهة نظري:افضل ان ايش ماكان السبب ما توصل لهالدرجة...
ولكن الناس قدرات..يجوز ان وصلته معلومة اما مبالغ فيها او معلومة لا تطاق
أو ان هو نفسه رجل عصبي و لا يتمالك نفسه عن الغضب..
لأن معروف عن العصبي انه يقوم بالتعبير عن عصبيته بطريقة خاطئة و يندم على عمله..
لذا نرى أن الله اقسم بالكاضمين الغيظ..لما للامر من صعوبة و قلّة من البشر تستطيعه..
هذا و الله أعلم..

AL_MUTAEM

07-05-2007, 01:50 PM

صراحه حتى لو كانت ادارة المدرسه غلطانه على بنت هالرجل .. ما اظن انها توصل ويقتحم المدرسه ويفرد عضلاته على الوكيله المسكينه ..

لو فرضنا ان الوكيله كانت اخت هالرجل وانه فيه واحد اعتدى عليها بنفس السيناريو فهل يرضى وماهي ردة فعله ؟؟؟

قطر95

07-05-2007, 01:51 PM

اعتقد ان الرجال شارب ولا فيه مرض نفسي لانه الرجال مايمد يده على مرأه
وحتى لوكانت الوكيلة غلطانه فيطرش لها ام العيال تتفاهم معاها

إنسان

07-05-2007, 02:13 PM

هذا وين عايش .. في حارة كل من ايدو ايلو

على فرض الوكيله غلطانه .. صار الغلط عليه

وشلون يمد يده على حرمه وينزع حجابها

باين عليه عصبي :anger2:

الله يهديه ويفرج كربته omen

دلوعه امها

08-05-2007, 02:45 AM

مو برجوله ولاشجاعه انه يمد ايده على امراة والله عيب مهما تسوي لايمد ايده عليها

تيتانيوم

08-05-2007, 04:09 AM

ثانويه الرقه وين

عاشق الدوحه

08-05-2007, 05:56 AM

الشايب هذا طلع بكفاله 300 دينار بعد ماحققوا معاه
والقظيه ماشيه وتاخذ مجراها
حسب ماورد من انباء انه دش ولقا الوكيله او الناظره تسحب بنته وتشتمها
وظربها كف واخذ بنته ومشا
-------------------------------------------------------------------------------------

عاشق الدوحه

08-05-2007, 06:13 AM

اخوي المخلب مهما كانت المصيبة فالمفروض انه يلجأ للجهات الرسمية وياخذ حقه

ام انه يدخل مدرسة ويضرب الوكيلة فماله حق وكان الاولى زوجته تروح وتتفاهم معاهم
هذا المفروض انه يحصل مثل ماقلت اخوي ابوعلي علشان مايروح حقه وتتحاسب الوكيله
بس بعد مدة اليد الحق يصير عليه موب له

إنسان

08-05-2007, 11:31 AM

الشايب هذا طلع بكفاله 300 دينار بعد ماحققوا معاه
والقظيه ماشيه وتاخذ مجراها
حسب ماورد من انباء انه دش ولقا الوكيله او الناظره تسحب بنته وتشتمها
وظربها كف واخذ بنته ومشا

300 دينار .. هذي القضيه في وين صايره في كويت والا قطر :looking:

lolo touch

09-05-2007, 12:02 AM

لو انه رجال ماضرب امرأه المفروض تعامل معاها بطريقه القانون

KhalidQ

09-05-2007, 12:22 AM