خاص للي يحبون الشوي ابي احلى تخميره للكباب وريش(للشباب)

[مليت]

يا مرحبتين شخباركم
خشمك
><
ياربع كم مره اخذ لي مشاوي وقول للملحمه خمرو بطريقتكم بس كله نفس الشي
ومن كم يووووووووم رحت عند الربع معززززوم على البحر وكلت عندهم ريششششششششششششششششششششش ما وصف لكم فيها طعم خل وتذوب وانت تاكلها
مادري شحاطين استحيت اسئل بس اعتقد انها ريش عجل
ويسوووووووون كباب يااااااااااااااااه جننوني
وانا مستحي واكل واكل واكل واكل واكل بس مستحي
واكل واكل واكل

يا الله طوني احلى طريقه بس ابي شي خطير غير تقليدي يعني لومي اسود خطه ملخبطه اي شي

تحياتي مل مل


وياليت مره وحده احسن مطعم يسووووي ذبيحه او شخص

[سهم طايش]

يمكن مخمرينه عند شجاع اللي في نجمة

[المزن الرياني]

محد بيفيدك هني ياخوي مليت
بنات هالمنتدى مايدلون المطبخ :D

الله يذكرها بالخير الراقيه ... لو انها موجوده بتفيدك
مااادري وينها :con2:

[مليت]

يمكن مخمرينه عند شجاع اللي في نجمة

لو انك مب مؤسس كان عطيتك باااااااااااااااند انا يوعان ابي منكم الخبرررررررررررررررره يالله بسرعه عبرووو روحو دورو اتعبووو شوي :court: روح اتصل حق ربعك اسئلهم

[السديم]

شوف اخ مليت تتبيلة المشاوي تعتمد على الذوق تبيه حار تبيه بثوم ولا بدون ..

عموما انا ماحب الثوم ..

افرم بصل وايد وايد وايد لان البصل يعطي المشاوي نكهه حلوة وحط ملح وفلفل اسود ولومي اسود وحبة طماطم وروب او لبنه وشوي زنجبيل وبقدونس مفروم وبهاراتنا الخليجيه طبعا المقادير على الكمية اللي بتسويها حط الخلطة في الخلاط الكهربائي لين يستوي مثل العصير وعقب خمر اللحم او الدجاج فيه وكل ماتم فتره اطول صارت نكهته احلى لانه يتشرب التتبيلة .. يعني من الليل لين ثاني يوم الليل :)

جرب وبتدعي لي :p

بس ان شاءالله ماتدعي لي :court:

[رايق]

انا مثلك .. اذا فيه شي شاغل تفكيري .. اقعد اكل واكل واكل .. افكر شوي .. وارجع اكل واكل واكل

بس عموما يمدحون خلطة شجاع مثل ما ذكر سهم طايش

[مليت]

محد بيفيدك هني ياخوي مليت
بنات هالمنتدى مايدلون المطبخ :D

الله يذكرها بالخير الراقيه ... لو انها موجوده بتفيدك
مااادري وينها :con2:

ياخي الحريم كله يبون يسولون عن الكريم كرميل وهم اكثرمن ياكل الكوووارع

مع احترمنا للراقيه والباقي

[مليت]

شوف اخ مليت تتبيلة المشاوي تعتمد على الذوق تبيه حار تبيه بثوم ولا بدون ..

عموما انا ماحب الثوم ..

افرم بصل وايد وايد وايد لان البصل يعطي المشاوي نكهه حلوة وحط ملح وفلفل اسود ولومي اسود وحبة طماطم وروب او لبنه وشوي زنجبيل وبقدونس مفروم وبهاراتنا الخليجيه طبعا المقادير على الكمية اللي بتسويها حط الخلطة في الخلاط الكهربائي لين يستوي مثل العصير وعقب خمر اللحم او الدجاج فيه وكل ماتم فتره اطول صارت نكهته احلى لانه يتشرب التتبيلة .. يعني من الليل لين ثاني يوم الليل :)

جرب وبتدعي لي :p

بس ان شاءالله ماتدعي لي :court:

جوعتنييييييييييييييييي يعني شختار ؟؟؟ عجل ولا غنم كمل النصيحه

[مليت]

انا مثلك .. اذا فيه شي شاغل تفكيري .. اقعد اكل واكل واكل .. افكر شوي .. وارجع اكل واكل واكل

بس عموما يمدحون خلطة شجاع مثل ما ذكر سهم طايش


والله كان قبل اوكي خبرك مافي مناس بس يوم رحت مطعم فنيسيا ما اوصف لك جايبين ششششششششششششششيف يسوي كباب ماله حل

لازم توضح لهم الكباب عشان ما يوهقونك بالكفته لنهم يخربطون الامور جرب وشوف

[ROSE]

انا بعطيك الخلطة السرية


اول شي فوح ماي مع لومي اسود فوق الضو خله شوي وبعدين سكر الضو

وقط اللحم المقطع فيه وخله كم دقيقه بعدين شيل اللحم وحطه على مشخال خل الماي ينزل


ولاتعصره عشان الليمون الاسود

بعدين قطع شوية كيوي قطع صغيره وحطها على اللحم

فلفل اسود

روب

ملح

ولاتزيد


واخلطهم عدل وسكر الراس وخله وشوف شلون واشكرني بعدين :d


ممكن ترى في هالخلطه تستغنى عن الروب اذا حبيت


هالطريقة علمني اياها راعي كباب في البحرين دخلت عنده وقلت له الا تعلمني ههههههههههههههه


وسويتها كم مره والكل يحبها

[مليت]

انا بعطيك الخلطة السرية


اول شي فوح ماي مع لومي اسود فوق الضو خله شوي وبعدين سكر الضو

وقط اللحم المقطع فيه وخله كم دقيقه بعدين شيل اللحم وحطه على مشخال خل الماي ينزل


ولاتعصره عشان الليمون الاسود

بعدين قطع شوية كيوي قطع صغيره وحطها على اللحم

فلفل اسود

روب

ملح

ولاتزيد


واخلطهم عدل وسكر الراس وخله وشوف شلون واشكرني بعدين :d


ممكن ترى في هالخلطه تستغنى عن الروب اذا حبيت


هالطريقة علمني اياها راعي كباب في البحرين دخلت عنده وقلت له الا تعلمني ههههههههههههههه


وسويتها كم مره والكل يحبها

روز اي كيوي وبعدين خاطري اشوي يعني اصياخ وقعده ممكن توضحين شوووي الله لا يهينج

[السديم]

صحيح مثل ماتفضلت روز اذا تبيه طري حط حبة كيوي في الخلطه صج صج يطري البلاستيك مب اللحم بس :nice:

وبالنسبة للحم اكيد لحم الغنم احلى والذ لانه اطرى .. وكل ماكان الخروف اصغر يجيك لحمه حلو ..
وخذ الخروف الباكستاني او السوداني واذا كنت بطران لاتفوت السوري بس ابتعد عن الاسترالي :app:

[ROSE]

روز اي كيوي وبعدين خاطري اشوي يعني اصياخ وقعده ممكن توضحين شوووي الله لا يهينج


الكيوي الاخضر اي كيوي بعد اللي ياكلونه الفاكهه

اي حق الشوي


قطع اللحم قطع صغيرة ( حق الكباب )

وسو الطريقة اللي كتبتها لك وشوف

[ANONYMOUS]

ونت جاي من الرايح صوب اشارات عبدالغني.. كنك رايح الوكره.. في ملحمه على ايدك اليمين.. تبيع كباب متبل اوريدي.. اخبر كان الكيلو اب 38.. الحين مادري..

راعيها شامي.. فلسطيني ولا لبناني ولا سوري..

وشكرا

[ROSE]

صحيح مثل ماتفضلت روز اذا تبيه طري حط حبة كيوي في الخلطه صج صج يطري البلاستيك مب اللحم بس :nice:

وبالنسبة للحم اكيد لحم الغنم احلى والذ لانه اطرى .. وكل ماكان الخروف اصغر يجيك لحمه حلو ..
وخذ الخروف الباكستاني او السوداني واذا كنت بطران لاتفوت السوري بس ابتعد عن الاسترالي :app:
:app: :app: :app: :app:


:nice:

[ANONYMOUS]

ونت جاي من الرايح صوب اشارات عبدالغني.. كنك رايح الوكره.. في ملحمه على ايدك اليمين.. تبيع كباب متبل اوريدي.. اخبر كان الكيلو اب 38.. الحين مادري..

راعيها شامي.. فلسطيني ولا لبناني ولا سوري..

وشكرا


باي ذا وي.. اسمها ملحمة مشاعل..

وشكرا

[قناص قطر]

السلام عليكم\

بشارع النصر ملحمة لبنان جنب فود سنتر

عندكم كباب حلووووو وخوش تتبيله

[مليت]

ياربع السموحه منكم

رحت كارفور وشريت وكلت وايد وايد وخلاص مابي شي منكم مشكورين بطني يعورني
:eek3: :eek3: :eek3: :eek3:

[alanood]

لاااا...
اسمع شوري..
تبّل اللحم بخلطة طحينة ملعقتين+دبس رمّان:ملعقة صغيره+عصير ليمونة+شوي ملح وفلفل+بقدونس مفروم..ليلة وحده..
و اشوي و شوف..
لا تشتري جاهز...فيه الوان اصطناعية و ماتدري اللي بينتهي قبلها بكم ليله يتبلون به..عشان يوفرون..
انا الوسواس عندي ضارب 180 درجة عن الحد الطبيعي..

[المخفي]

العجل بس صغير ولا أحلى غنم