كم يــــــــــــســــــــــــــاوي

[spideralll]

السلام عليكم شباب
أبغي مشورتكم يا شباب
موتور باجيروا 2002 ماشي بحدود ال 100 ألف
كم يساوي بالتقريب ?
:court: :con2:

[alwahesh]

40000 ريال تقريبا اذا بحالة ممتازه

[spideralll]

مشكور أخوي الوحش علي المرور
وبدي كمان سؤال بعد إذنك
في قدامي باجيرو 2 باب موديل 2003 وحالته ممتازه علي قول صاحبه وماشي حوالي 60 ألف كم يساوي تقريبا ؟
وجزاك الله خيرا

[alwahesh]

اخوي انت تقول باجيرو وما توصف اكثر في منها انواع

3000 سي سي و 3500 سي سي وفي منها مكيف واحد وفي الفول اوبشن

حدد عشان نقدر نقيمها لك والاخوان ما يقصرون وخاصه فتى البورصه

[spideralll]

والله أخوي الوحش الشخص اللي عرضها علي بلغني بهي المعلومات وأنا بصراحه لسه جديد في عالم السيارات وما عندي خبره زين في هي الموضوع فقلت أسأل أهل الخبره
فلو تكرمت وتعطيني تقريب لكل نوع من الأنواع اللي إنت ذكرتها

وأنا بسأل صاحبها وببلغك بإذن الله

وإنت يا أخوي أيه رأيك في الباجيرو ؟

ومعذرة علي الإطاله
وجزاك الله خير

[alwahesh]

باجيرو سياره عائليه اقتصاديه قويه وتعيش معاك مده طويله ومشاكلها شبه معدومه

اقصد انها احسن من x5 والكيان الي كل شوي الا وفيها علم ودور حد يسحب لك السياره

والاسعار تتفاوت حسب الممشى والنظافه والمظهر العام

و2003 تتراوح اسعارها من 55000 الى 65000 الف ريال للسياره العاديه glx

[spideralll]

مشكور أخوي الوحش
والسباره إسبورت 2 باب فقط ماهي أربع أبواب مثل الباجيروا العاديه
وفل أوبشن
فكم فرق السعر بين الإسبورت والعاديه

ولو حبيت أشيك عليها أخوي تنصحني بأي مكان ؟
ومشكور جدا أخوي
وجزاك الله خير

[مستثمر 999]

مركز الطائر لفحص السيارات احسن مكان

وعندك الخبراء الالمان بس ما انصح لانهم ما يفحصون البدي

والعالميه فحصهم زين بس يكرهونك في السياره بسبب الاشياء التافهه

وعلى فكره القصير ( بابين مرغوب) والسعر ما يفرق عن الاستيشن الا بكم الف

ومبروك مقدما ويعطيك خيرها ويكفيك شرها

[alwahesh]

انا مع اخوي مستثمر بس ما ادري ليش ما ينصح التعامل مع الخبراء الألمان

اعتقد المدير اسمه جورج لبناني حبوب وفحصه معتمد من الوكالات

واذاالسياره مقلومه او مدعومه دعمه خشنه يقول لك اما اذا صبغ جزئي لا زم توصيه

تحياتي

وما اوصيك على الباجيرو حافظ عليها

[spideralll]

مشكور أخوي الوحش وأخوي مستثمر
وجزاكم الله خيرا