تنبيه للجميع وخصوصا المسافرين للسعوديه برا

[شقردي]

السلام عليكم ورحمه الله وبركاته

تنبيه للجميع وخصوصا المسافرين للسعوديه عن طريق البر

ابلغني واحد من الربع ان الاخوان في السعوديه مشددين على

السرعه بحيث تكون السرعه القصوى 120 km وفوق هالحد لو بكيلو

توقيف الشخص وحجز السياره لمده 24 ساعه وهذا طبعا في ذمت

الشخص اللي بلغني وانا بصراحه حبيت انوه للجميع على هذا التنبيه

الهام وحتى لو نفترض ان الخبر طلع غير صحيح او غير دقيق احنا

المستفيدين لانه بشكل عام فوق ال 120 km اعتقد انها سرعه فوق

العاديه قليلا ولو اني احس ان معدل ال 140 km على الخطوط السريعه

نوعا ما منطقيه وهذا للعلم حبيت ابلغكم

[(احمد)]

التوقيف داخل المدن فقط

[falamarzi]

احسن شئ يسووون الناس راحت على هالطريق وتخربت بيوتها

[شقردي]

التوقيف داخل المدن فقط


اللي سمعته على الطرقات الصريعه فوق 120Km

حجز الشخص وسيارته

وشاكر مرورك اخوي

[شقردي]

احسن شئ يسووون الناس راحت على هالطريق وتخربت بيوتها

صحيح بس 120km

المفروض 140 القصوى لانه السعوديه مناطقها كبيره فرضنا انك مسافر مكه 120Km

بكون الطريق ممل

وشاكر مرورك اخوي

[Redvette]

ابشركم
ان التوقيف من 48 ساعه الى 72 ساعه

[ام بناتي]

السلام عليكم

كلام سليم 100%
واحد من الأهل قبل تقريبا 10 ايام انحجز لمدة اربعة ايام لأنه كان طاير فوق الـ 160

والحذر واجب

[ROSE]

زين يسوون والله

جزاك الله خير على هالتنبيه

[وطن]

بل

عيل الواحد يروح بالطيارة أسرع الصراحة
دام فيها تشديد وتوقيف !!!

[AL_MUTAEM]

كلام صحيح ..

بس كان قبل فتره والحين يعطون مخالفه لا اكثر ..

[حنان الدنيا]

احسن ويعطيهم العافيه على القانون

مشكور شقردي

[Breakaway]

والله مشكلة يوقفونك..لكن هل فيه مكان للعوائل؟

[قطر95]

الخبر صحيح تونا راجعين من السعودية وقفونا وخالفونا كانت سرعتنا 135 وقال لنا الشرطي ان عندنا توقيف وحجز للموتر للسرعات العالية

[شقردي]

الحجز من شهر بادين فيها يقولك مراكز الشرطه كلها سيارات قطريه وامارتيه

كلهم حجز بس المشكله اذا كان الواحد معاه عائله وين ينزلهم هني لازم يكون فيه استثناء مع االلي سمعته يقولون ياخذون جوازك ونزل اهلك في فندق ولا في اي مكان ولما تطلع من الحجز روح لهم وهاذا الحل ما اعجبني اذا كان صحيح

ويطيكم العافيه كلكم على المرور

[ANONYMOUS]

عسى

اش حادكم عالسرعه..

لاتسرع.. الموت اسرع

[البارع]

ياليت هالشي يسير عندنا

[ولد الجزيرة]

يعني اللي يبي يسافر مكه يبيله يومين!!!
أنا اشوف 140 مناسب

والله يحفظ جميع المسلمين

[مستثمر 999]

كلام سليم 100%
اول كانو يخالفون بس وحتى لو ماشي 250 كم فس الساعه

وانا فعلا سمعت من احد الضباظ في برنامج عن السرعه من شهر انهم بانتظار موافقه وزير الداخليه

وجزاك الله الف مليون خير على التحذير والله يبعد عنك هم سو

[السهم الذهبي 2007]

توجه سليم لكي يحدوا من الحوادث المروريه وحمايه لارواح الاخرين
خفف السرعه وانت بسلام بالسعوديه مع القانون

[سهم طايش]

هل هذا القرار ينطبق على الطرق الداخليه ام الخارجيه

لان مو معقول طريق خارجي و مفتوح تسوق فيه 120 كم

تحس السيارة واقفه

يعني لو بتروح البحرين لازم تطلع عقب صلاة الفجر و يالله يالله توصل عقب العشا

[لمت داون111]

كلامك صحيح عن السرعه اخووي وحدها 120 وفوقها سجن وبصراحه قرار العقوبه جرئ وايد منهم .. يعني الي مستهزء بقيمه المخالفه ويقول بسرع وخلهم يخالفون اكيد بيخاف من السجن والتبهدل بالمراكز في بلاد غريبه عنه !!

وتبي الصراحه انا مالومهم والله .. علي خط الاحساء انا اعرف اماكن الرادار والاماكن الي مافيها رادار واذا سهيت امشي حدي لين 140 وعيني علي الطبلون وماتمر ثواني الا خاف علي الريس والحمدلله ..طبعا ربعنا ماتحس فيهم الا يمر عليك كروزر قطري مخابط وماسمع الا ( طااااااااااااط ) صوت الهيدرز وهو رايح وطبعا مخفي كامل تحسه طالع من محلات الزينه عند اشارات المينون وقابض الخط علي طوول :funny: انزين ليش ياخي:court:

والله خاطري اوقفه واقوله مستعيل علي شنو !! شحادك !! خاصه اغلب الي يسرعون من الفوريلات مركبين بوالين .. يعني اي كسره يمين ولا يسار خله يتشهد علي نفسه مع كفخ هالمواتر الي جايينك مثل الزهب بوجهك :mad: ياخي انت مسافر تستانس مب رايح تموت وتحزن اهلك عليك !! بتووصل في ساعتين خلها في ثلاث ساعات مستعيل علي شنو crazy

والله يا شباب حاسبوا علي اعماركم انا مثلكم اسرع ولا انكر .. بس احسبها بعقل وعلي حسب المكان والشارع مب خط واحد روحه وجيه وشاحنات وبعران يطلعون لك وانت علي غفله وانت مكيم حدك !! هذي هو الي يسموونه انتحار والله يحفظكم ويحفظنا وياكم جميعا :)

وحق الي يروحون الخبر والبحرين حاسبووا من خط البقيق اغلب شي يحطوون الرادار هناك علي الخطين روحه وجيه:deal:

يعطيك العافيه اخووي شقردي علي هالموضوع :)

[مراقب الاسهم]

نعم صحيح الاخوان في السعوديه مشددين على السرعه

وفي جميع الطرق السريعه رادارات وبعدها نقاط تفتييش
وتم اعطائي ((قسيمه)) مخالفه سرعه بتاريخ 19\4\2007 بس الظاهر رادارهم
مخرف شوي انا كنت ماشي ((ومثبت)) سرعه السياره على 158 على طريق الرياض
ولكن عند وصولي التفتيش قالو راعي الجمس انت ماشي بسرعه 142 (((يعني الرادار دقيق حاسبها بالملي )) ابتسمت واخذت قسيمه مخالفه على ثلاث شوارع
القسيمه عندنا بالكويت ((ارض وقرض )) وعندهم ورقه مخالفه

ةالله يعين على الدفع وهذا اللي حصل معاي و مافيها لاحجز 24ساعه ونص ساعه و لاشي ممكن لابناء البلد تصير ولكن ما اعتقد يحجز على سياره المسافر الضيف وبرفقه عائلته


ما ا

[صليب الراي]

صحيح صادقين

وبعد الرادار تجد التفتيش المروري

وفيه باص كبير لحجز الناس

تسلمهم مفتاح السياره وتركب الباص سيده

شوف عيني شايف قطريين يسلمون سياراتهم

وانا بعد كنت ماشي220

ووقفوني مع القطريين الباقيين

لكن خلوني امشي بالشيمه وبوس الخشوم عشان موتري كشخه الظاهر

نصيحتي الاخويه لكم : لاحد يلاسن الشرطة في السعودية او يخيس النفس
لأن والله مب احسن له . .

خلك حبيب وهادي وتعلم كيف تمتص عصبية الشرطه بكل ادب

[المارونـــي]

هذا كان من فتره اخبر مشددين على السرعه وكانت اللي يتعدى ال 140 ينحجز هو ويا موتره لين ينعرض ثاني يوم على نيابة المنطقه وهذا من واقع تجربه شخصيه بس الحين اشوفهم خوفوا مش نفس الاول وهذا والعلم عند الله

[مطيع الله]

أصلاً حوادث طريق سلوى-الحسا والحسا-بقيق تخصص قطري إماراتي
والله حرام هالحوادث بسبب السرعة
خذلك يوم أو يومين في الحبس وارجع أهلك وانت تضحك
احسن ما ترجع لهم وهم يبكون

متى تكون تلك الطرق دولية من مسارين؟؟
خاصة وأن طريق سلوى-الحسا مسجل في الجامعة العربية كواحد من الخطوط الدولية العربية حيث يربط قطر وعمان الإمارات ببقية العالم العربي

شكراً للجميع

[مشـــاري]

السلام عليكم كلامك صحيح بس فوق 140 حجز واذا معاك أهلك يقلوون لك ود أهلك وتعال بس اغلب الردار يكون على طريق الظهران الجبيل السريع الأحساء الدمام ياشباب انتبووه امس ماسكيني على الجسر سرعه 176 لو مافي واسطه كان وين الحين نايم ولا السياره بعد اسبوع تعال خذه وادفع كاش انتبهو من الجسر ترى المرور سري وايد فيه

تقبلوو تحياتي

أخووكم

[شقردي]

للجميع مشكورين على المرور الكريم

[بوخالد2]

جزاك الله خير اخوي شقردي

[Redvette]

انتو تتكلمون عن سرعه الشباب
يعني السعوديه ما اعتقد بلد فقيره ليش ما يوسعون شوارعهم ويمنعون تجاوز الشاحنات
ويكثرون الدوريات عشان المحببين والمحششين
وهنيه بتقل الحوادث
والله السرعه مب شرط
لو الواحد مكتوبله يومه بيموت لو هو يمشي مليون ولا وهو منسدح في فراشه

[شقردي]

جزاك الله خير اخوي شقردي


وياك شاكر مرورك اخوي بوخالد

[شقردي]

انتو تتكلمون عن سرعه الشباب
يعني السعوديه ما اعتقد بلد فقيره ليش ما يوسعون شوارعهم ويمنعون تجاوز الشاحنات
ويكثرون الدوريات عشان المحببين والمحششين
وهنيه بتقل الحوادث
والله السرعه مب شرط
لو الواحد مكتوبله يومه بيموت لو هو يمشي مليون ولا وهو منسدح في فراشه

بالعكس اخوي اكبر نسبه للحوادث اهي سببها السرعه بعدين شوارع السعوديه الرئيسه اللي اشوفه معليها كلام بس انا معاك بعض المناطق شوارعها تعبانه

وشاكر لك المرور اخوي

[ورقــة أمــل]

انا رايحه من اسبوع الامارات بسرعه 160 في السعودية محد وقفنا! ورحت الحسا يمكن اكثر من شهر ب 220 محد وقفنا

واصلا الخط ممل وحرر وغبرة وماتشوف الا الرمل والحصا من كل صوب وين الواحد يمشي على 120 يزهق حياته والطريق اللي يمشيه بساعه يمشيه في ساعتين بيمشي على ناقة مب سيارة....... لو يخلون السرعه 200 تمام

[الخفي]

انا رايحه من اسبوع الامارات بسرعه 160 في السعودية محد وقفنا! ورحت الحسا يمكن اكثر من شهر ب 220 محد وقفنا

واصلا الخط ممل وحرر وغبرة وماتشوف الا الرمل والحصا من كل صوب وين الواحد يمشي على 120 يزهق حياته والطريق اللي يمشيه بساعه يمشيه في ساعتين بيمشي على ناقة مب سيارة....... لو يخلون السرعه 200 تمام

انتي رايحه من اسبوع ما اعتقد انتي اللي تسوقين

[المخلب]

السلام عليكم كلامك صحيح بس فوق 140 حجز واذا معاك أهلك يقلوون لك ود أهلك وتعال بس اغلب الردار يكون على طريق الظهران الجبيل السريع الأحساء الدمام ياشباب انتبووه امس ماسكيني على الجسر سرعه 176 لو مافي واسطه كان وين الحين نايم ولا السياره بعد اسبوع تعال خذه وادفع كاش انتبهو من الجسر ترى المرور سري وايد فيه

تقبلوو تحياتي

أخووكم

كلام سليم

طريق الحسا الظهران ( الدمام ) هو أخس طريق للسرعه ! كله رادارات !

وللاسف صادني رادارهم 3 مرات على هل الخط !

بس مافي توقيف ؟ الا اذا توهم مطبقين هل النظام

اغلب الظن ان التوقيف خلال شهر 5 - 6 والسبب ان وزير الداخليه السعودي يطلب تقارير مفصله عن الانجازات الي قام بها المرور خلال السنه !

لان اعتقد ان ماخاب ضني اسبوع المرور يصادف 10 - 6 من كل سنه !

فعلشان كذا لازم يزدهر ملف المرور السعودي بالانجازات لردع المخالفين ! قبل تسليمه !

هذا والله اعلم .

[المخلب]

وللعلم الشرطه السعوديين يحبون الكلام المزيون والمدح

امدح فيه قد ماتقدر ! ( بس لاتمصخها ولا تنكت ! )

امدح فيه لو انه جاهل وله متعلم كلهم يحبون المدح لو ان ماعنده نجمه ولا شئ خله بكلامك يصير نقيب ( على غفله ! ) ..

خاصه ان فيهم حماس لما يذلون القطري !! يحسون بطعم القوه ..

هههههه <<< تجربه شخصيه وكلن له راي ..

[بنت كحيلان]

الكلام اللي تتكلمون عنه كان في فتره حملة مرورية اسمها كفايه ... وكانت مررره كبيره الحمله ووقفوا ناس كثيير على الطرق السريعه والطرق الداخليه بس وبعدها خلاص اللحين رجع كل شي طبيعي بس السرعه عليها مخالفة سرعه ماعاد فيه توقيف الا اذا كان با ايام الحملات .. ولا تنسون المرور السري :)

[منــار]

اللى يسرع يستاهل ... لانه ما يتسبب ع نفسه بس الا ع غير ...

وياما احصلت واحد يسرع وعائله كامله او شاب او شاحنه يرحون فيها ...


الشكوى لله

[isateeq]

وللعلم الشرطه السعوديين يحبون الكلام المزيون والمدح

امدح فيه قد ماتقدر ! ( بس لاتمصخها ولا تنكت ! )

امدح فيه لو انه جاهل وله متعلم كلهم يحبون المدح لو ان ماعنده نجمه ولا شئ خله بكلامك يصير نقيب ( على غفله ! ) ..

خاصه ان فيهم حماس لما يذلون القطري !! يحسون بطعم القوه ..

هههههه <<< تجربه شخصيه وكلن له راي ..



السلام عليكم جميعا وعساكم دوم في صحه وسلامه
انا احد اخوانكم السعوديين واقولها وافتخر اني والله ولا اتزلف بها او ارجو من وراها مدح او غيره بس بغيت اقولكم اني والله ثم والله ثم والله احب قطر واهل قطر وتراب قطر وان حكاية الذل او الحقد ما تخطر على بالي ولا على بال احد من ربعي أو عائلتي واذا فيه احد من السعوديين يحس بالفخر أو القوه من هذه النظره الحقيره لأهلي القطريين فما اقول له الا حسافه اني انا وانت في ديره وحده والله يفرقنا ولايجمعنا، وماكتبت الكلام هذا الا من قهر وغبنه حسيتها وعايشتها بعد قرائتي لما كتبت اخي الفاضل.
محبكم دوما وأبداً.

[lolo touch]

مشكور عالتنويهه

[خالي مشاعر]

وللعلم الشرطه السعوديين يحبون الكلام المزيون والمدح

امدح فيه قد ماتقدر ! ( بس لاتمصخها ولا تنكت ! )

امدح فيه لو انه جاهل وله متعلم كلهم يحبون المدح لو ان ماعنده نجمه ولا شئ خله بكلامك يصير نقيب ( على غفله ! ) ..

خاصه ان فيهم حماس لما يذلون القطري !! يحسون بطعم القوه ..

هههههه <<< تجربه شخصيه وكلن له راي ..

صادق والله ياخوي
انا صادني الرادار مرتين في السعودية
وشوية مدح ومشوني

[شقردي]

وللعلم الشرطه السعوديين يحبون الكلام المزيون والمدح

امدح فيه قد ماتقدر ! ( بس لاتمصخها ولا تنكت ! )

امدح فيه لو انه جاهل وله متعلم كلهم يحبون المدح لو ان ماعنده نجمه ولا شئ خله بكلامك يصير نقيب ( على غفله ! ) ..

خاصه ان فيهم حماس لما يذلون القطري !! يحسون بطعم القوه ..

هههههه <<< تجربه شخصيه وكلن له راي ..

بالعكس اخوي انا كذا مره صادني ارلادار قمه في التعامل وطوفوني بدون اي مدح ولا شي بس مجرد اني قطري قالولي روح الله يستر عليك
بعدين اخوي الفاضل ترا الموضوع للتنبيه بس على قانونهم الجديد والاستفاده منه

شاكر لك اخوي

[شقردي]

الكلام اللي تتكلمون عنه كان في فتره حملة مرورية اسمها كفايه ... وكانت مررره كبيره الحمله ووقفوا ناس كثيير على الطرق السريعه والطرق الداخليه بس وبعدها خلاص اللحين رجع كل شي طبيعي بس السرعه عليها مخالفة سرعه ماعاد فيه توقيف الا اذا كان با ايام الحملات .. ولا تنسون المرور السري :)

ومنكم نستفيد والله اللي سمعناه انه قانون جديد وحبيت انوه للناس فقد

شاكر لج مرورج الكريم

[شقردي]

اللى يسرع يستاهل ... لانه ما يتسبب ع نفسه بس الا ع غير ...

وياما احصلت واحد يسرع وعائله كامله او شاب او شاحنه يرحون فيها ...


الشكوى لله


شاكر مرورك اخوي الكريم

[شقردي]

السلام عليكم جميعا وعساكم دوم في صحه وسلامه
انا احد اخوانكم السعوديين واقولها وافتخر اني والله ولا اتزلف بها او ارجو من وراها مدح او غيره بس بغيت اقولكم اني والله ثم والله ثم والله احب قطر واهل قطر وتراب قطر وان حكاية الذل او الحقد ما تخطر على بالي ولا على بال احد من ربعي أو عائلتي واذا فيه احد من السعوديين يحس بالفخر أو القوه من هذه النظره الحقيره لأهلي القطريين فما اقول له الا حسافه اني انا وانت في ديره وحده والله يفرقنا ولايجمعنا، وماكتبت الكلام هذا الا من قهر وغبنه حسيتها وعايشتها بعد قرائتي لما كتبت اخي الفاضل.
محبكم دوما وأبداً.

اخوي الغالي الشخص ماقصد الاسائه من باب المزح والمداعبه ولا انتو يهل السعوديه على العين والراس

وشاكر لك مرورك الكريم اخوي الغالي

[mem]

تسلم ما قصرت

[قطري عصامي]

اذا الكلام صحيح

صراحه تخلف، زين واذا المسافر معاه اهله، بس بكل بساطه ودهم وتعال ، اش هالتخلف

طيب طبقوا هالنظام على اهل البلد، وحطوا غرامة جامده على المسافر ولما يشوف الغرامه القويه بيحس بها وبيتبع النظام

الله يستر عليكم

[sas70]

جزاك الله خير على التنبيه

[زعيم الريان]

يا خي لو تسوق 120 ما توصل إلا بعد طلوع الروح
140 سرعه معقوله في هذي الخطوط الطويله