..استعباد الشغالات..

[فتى البورصة]

الناس في مجتمعنا ودول العالم الثالث بشكل عام محبين للمظاهر والتظاهر بالمال والغنى والفخامة بشكل فظيع...حتى ان كلمة "شغالة" (وهي الأصح) اختلقوها لكلمة "خادمة او خدامة"، مع ان المعروف ان الخدم servant هي كلمة اطلقت في كتب التاريخ لحواشي الملوك والسلاطين، وبحكم تمسك هذه المجتمعات بالتفاخر امام الآخرين بالمال والجاه استخدمت هذه الكلمة بدل الكلمة الأكثر تناسبا لها "شغالة"، لأن أساس الوظيفة هي "الشغل" بالأعمال المنزلية....ومع الأسف الشديد، ان الناس لاتهتم بمشاعرهن...المصيبة ان الناس يقولون...اي مشاعر؟ هذلين ماعندهم ضمير ولامشاعر من أفعالهم المشينة وعدم ثقتنا فيهم بسبب مشاكل واجد.
بعد هالقدمة.....
بيت ناس اعرفهم عندهم شغالة تشتغل في بيتهم أكثر من 8 سنوات...يحبونها ويودونها...يوم اشتغلت عندهم كانت صغيرة (16 سنة عمرها) وماتعرف عربي ولاشي....اللي صار انها كبرت وشبت، في عامل آسيوي (ماعرف جنسيته) حباها وحبته......
صادوهم يتكلمون مع بعض من سور البيت...الآسيوي من بره السور، وهي من داخل....اعترفت انها بعلاقة وياه....طبعا الأم والأبو (مع سنين العمر وياها) راحوا عرضوها في المستشفى جان هي ..... وإلا للحين......!
طلعت عذراء مع انها خبرتهم ان الرجال يبغي يتزوجها وماصار غلط من بينهم (حتى لو صار، مو شغلهم بعد، ذنبها على جنبها...تذكرة يسفرونها وانتهى الموضوع)....
تتخيلون شنو سوى البيت؟ خذوها وجهزوا تذكرتها بسفرونها...والبنية قامت تصيح، والآسيوي مايعرف شنو يسوي....والبنية خبرتهم انها ماراح تسوي اي شي إلا بدراية بيتهم في بلدها الأصلي...بعد مافي فايدة...وسفروها.....عاد الآسيوي شنو سوى بعدين؟ الله العالم.
انا اقول، بعد كل هالإستعباد اللي الناس تستعبد في شغالاتهم....وش بصير لما يجمعون راسيين بالحلال؟؟ لهاي الدرجة الناس عندنا تصلي وتصوم وتروح الحج وزيارات ويقعدون يصيحون في المواتم ويتهززون من الصياح جنهم مخليين على الهزاز! لهاي الدرجة ماعندهم ذرة ضمير او حتى ذرة من التفكير؟؟؟ هل هذا صح اللي صار؟
انا لما خبرني ولدهم (صديقي) بالموضوع كان يقولوها وهو "تف عليهم من خدم، امهات مشاكل...وش ليك تخليهم، هذلين ماليهم ضمان..يوم تحب، يوم تون، يوم تزني يوم تبوق..الخ" كنت اقول في قلبي..هل هي آلة بدون روح داخلها؟ يا اخي انت تحب، هي بعد تحب، انت تخطأ هي بعد نفس الشي!

[ضوى]

اخوي الفاضل

موضوعك جميل جدا ، واعتقد محد تطرق له من قبل وهذا شئ حلو انه مش مكرر ولا مستهلك

الخدم مثلهم مثلنا ما يختلفون عنا بأي شئ غير انه ظروفهم اجبرتهم على الشغل بره بلادهم ولازم الواحد ما يشوف نفسه عليهم محد يدري وش بيصير بكرة ، الدنيا تدور واللي تجور عليه اليوم بكرة هو يجور عليك ، الخدم لهم مشاعر واحاسيس وعواطف يحسون ويعيشون حالات الحب والكره والمتعة مثلهم مثل كل البشر فطرة الله فطر الانسان عليها وما حددها بأي جنسية ولا بأي مهنة ، الخادمة مثلها مثل ربة البيت امرأة لها انوثتها ولها غنجها وممكن جدا انها تعيش حالة الحب مهو عيب لو صار بالحلال ، لو انا من هالعايلة اللي تقول عنها الاكيد اني راح اسوي مثلهم واقطع لها تذكرة واسفرها مش لشئ بس لاني ما اقدر اتحمل مسؤولتها لاته اكيد عندها اب وام هم اللي يقررون يزوجوها والا لا لانه مو من حقي انا اقرر عنهم ، وطالما اني بامنعها انها تشوفه اكيد راح يتطور الامر لامور ثانية بالخش والله يستر من العواقب ، انا ما انفي مشكلات الخدم والسواقين بس بعد ما انكر انه في ناس اخلاقها طيبة خاصة وان كانت مسلمة

اسفة عالاطالة وشاكرة لك طرح هالموضوع

[قمر الزمان]

انا اي موضوع بتعلق بشي اسمه شغاله خادمة سموها زي ما بدكم بينرفزني .. لانهم كذاببين ومخادعين وشو ما عملتلهم منيح الا ما يعملو شي سيء انا شخصيا ما بحبهم وخاصة انو ايدهم خفيفة ما بتعرف كيف بيسرقو وعيننهم فاضية واخ بس على الزمن الصعب والحاجة الهم ولا حياتنا من غيرهم جنة غير عن هيك انو عينهم ديقة وبيطلعو لكل شي بتجيبة او بيفوت بيتك مع انو برجع بكرر ما بتكون مقصر بحقهم

:D نسيت اشكرك على الموضوع اخوي فتى البورصة بس لانو نرفزت:anger1:

[alwahesh]

الخدم الله يسلمك صار وجودهم في البيت ضروري وماراح ادخل في التفاصيل واذا انت متزوج اسأل المدام عن الفتره الي تكون الخدامه مسافره ...البيت كله طواري

اما التفاهه وحب الاذلال والعبوديه من رايي ان نلبسهم لبس موحد او ان الواحد يحط له اكثر من خدامتين لان راتبه اكثر من 30 الف ...والقهر تلقاه ما عنده غرف كافيه لهم يظطر يرقدهم في الحوش او مع السواق او في المطبخ ...