المساعد الشخصي الرقمي

مشاهدة النسخة كاملة : الصيف في لندن



مستقلة
08-05-2007, 12:20 PM
السلام ياحلوين
بما ان اجازة الصيف قربت فلازم نبدأ بالمحاورات و المشاورات عن جداول الرحلات السياحية و الاماكن . فنبي نسوي عصف ذهني و نطلع احلى الاماكن السسياحية في كل بلد . فباسالكم انا اول سؤال وكل واحد يطلع اللي عنده من خبرته و ذكرياته و سفراته .

انا هالصيف باروح لندن وانا عندي خبرة في لندن بس نبي نشوف اراءكم و اقتراحاتكم للاماكن السياحية و المطاعم و المحلات الغريبة غير هارودز و سليفردجز و اكسفورد كله .

يعني شالاماكن اللي تنفع حق زوجين بوحهم ؟
شالمطاعم الرومانسية و الغريبة ؟
شنهي الاماكن اللي تناسب الاطفال بس ؟
شنهي اماكن االشوبنج اللي مايعرفونها الناس وايد؟
و ذكرياتكم في لندن مثل احسن الفنادق و اللوبيات و اماكن التقهوي و الحدايق ؟

شرايكم ؟ بتردون و نسوي ملف حلو عن لندن و الا ؟

سهم المراقيب
08-05-2007, 12:37 PM
مثيره,,

نصيحة تنسون لندن السنة هذي,,

العام نسبة الوفيات بسبب ضربات الشمس كانت مرتفعه
والسنة هذي يتوقعون الحرارة توصل فوق ال 40 ,,

وش فيها لندن؟ غير سيلفردج وبيكاديللي والأماكن اللي ذكرتيهم ,,


أقترح عليكم تزورون النمسا ,, وخصوصاً سالزبرغ وزلامسي

(احمد)
08-05-2007, 12:41 PM
يعني شالاماكن اللي تنفع حق زوجين بوحهم ؟
شالمطاعم الرومانسية و الغريبة ؟ ؟
زيورخ (ريف هاي لاند)سويسرا
اجمل مكان في العالم

دلة الرسلان
08-05-2007, 01:24 PM
حلو موضوعك يا منيرة واحنا بنروح لبريطانيا بس بنروح الريف علشان الطبيعة فقط ما فيه اسواق شرط اساسي بس اكيد حولنا مجمع :looking:

M.D.Luffy
08-05-2007, 01:40 PM
وانا بعد بروح الشمال احتمال الغاريه يمدحون الجو والطبيعه وخصوصا الخثاق ههههه

ANONYMOUS
08-05-2007, 04:17 PM
يمدحون ابها حق البرد..

البركان
08-05-2007, 04:32 PM
فى اسواق خارج لندن ارخص

وفى كوفى شووب يبعد عن لندن 900 كيلو متر وفيييه خوش شاى حليب

انا اقول النعيريه قريبه ورخصيه شغلوا المكيف بالفندق تصيرون كانكم بلندن

صح

دلة الرسلان
08-05-2007, 05:29 PM
فى اسواق خارج لندن ارخص

وفى كوفى شووب يبعد عن لندن 900 كيلو متر وفيييه خوش شاى حليب

انا اقول النعيريه قريبه ورخصيه شغلوا المكيف بالفندق تصيرون كانكم بلندن

صح

تهقى النعيرية:con2: يمدحون العج في الصيف والساونا الطبيعية ومجمعاتها اكبر محفز على ان تلزق في الفندق ابو 10 نجوم .

امل الحب
08-05-2007, 08:13 PM
اممممم الي يروح يصور لنا عشاان نعيش الجو معاااه..:D

انا بقضي الصيف في ربوع جامعة قطر..:looking: :(

المخباط
08-05-2007, 08:47 PM
بما اني في بريطانيا وصار لي اكثر من سنة اللة يستر من الحر يعني حلوة حق لبرونزاج
وجيبوا معكم مراوح لان اغلب الفنادق ما فيها تكييف وخصوصا برة لندن
المناطق طبعا اللي على البحر حلوة مثل برايتون....وذرنج.....بور تسماوث.....ليك دستريك
جربوا تروحون اسكتلندا بتكون ابرد عن انجلند .......بلاك بول بعد حلوة فيها ملاهي
الاسواق خارج لندن اكبر مجمع بلو ووتر حلو يناسب الكل .....بيكستر فيلج سوق حق الماركات
اللي عليها تنزيلات بول رينج فية فرع سلفريدج احبة واجد المدينة شرحة فيها كوفيات روعة
مطاعم تجي في المستوى بعد مطاعم قطر مطعم شيكيتو مكسيكي حلو فرايديز ماحبة
بتلاحظون ان مستوى النظافة مش لهناك في المطاعم العالمية مثل مكدونالز وكنتاكي وبرجر
والبيتزا ماعدا بيتزا اكسبريس نظيف اسوي دعايةههههههههه:funny:
اهم شي المراوح والملابس الخفيفة بلا مهايط :deal:
وحياكم اللة اي استفسار حاضرة تحياتي:D

lolo touch
08-05-2007, 09:31 PM
فيه سوق وااااااااااااايد روعه


مايفتح الا يوم الاحد ويضم اكثر الماركات وباسعار رخيصه


اذا حاب تروحله مايفتح الا يوم الاحد عند ملعب وينبلي

قارئةالفنجان
08-05-2007, 10:11 PM
الله على لندن
فانتاستك
اتينن
على قولة فايز التوش
00000
ياحبيبتى كل شي في لندن ايجنن
حتى لو قعدتي في بلكونة الشقة وتفرجتي على الرايح والياي
اآآآآآةةةة
ذكرتينى بلندن
وقلبتي علي المواجع
روحي مجمع -وايت ليز
وخارج لندن مجمع اسمه بلو ووتر
وحديقة الفواكه
ولندن زوو
وحديقة البجع
وووووووااااووووو
للالعاب والملاهي
ثورب بارك
شاعد لج وشاخلي
يالله لندن كل ابوها حلووووة

حد اعلى
09-05-2007, 04:32 AM
يااااااااااااااااااااااااااااااااااااااااااااااااا اااالله منكم يالحريم

تستخفون لو ماتسافرون تموتون على السفر

وانتو بالذات يالخليجيااات

الله يعين رياييلكم

عزوبي احسن والله

ويسلمووووووووو

مستقلة
09-05-2007, 12:20 PM
شكرا على ردودكم الحلوة و تعليقاتكم العجيبة :)
بس ياريت لو نكمل و نكتب عن لندن اكثر ؟

دلة الرسلان
09-05-2007, 12:31 PM
بما اني في بريطانيا وصار لي اكثر من سنة اللة يستر من الحر يعني حلوة حق لبرونزاج
وجيبوا معكم مراوح لان اغلب الفنادق ما فيها تكييف وخصوصا برة لندن
المناطق طبعا اللي على البحر حلوة مثل برايتون....وذرنج.....بور تسماوث.....ليك دستريك
جربوا تروحون اسكتلندا بتكون ابرد عن انجلند .......بلاك بول بعد حلوة فيها ملاهي
الاسواق خارج لندن اكبر مجمع بلو ووتر حلو يناسب الكل .....بيكستر فيلج سوق حق الماركات
اللي عليها تنزيلات بول رينج فية فرع سلفريدج احبة واجد المدينة شرحة فيها كوفيات روعة
مطاعم تجي في المستوى بعد مطاعم قطر مطعم شيكيتو مكسيكي حلو فرايديز ماحبة
بتلاحظون ان مستوى النظافة مش لهناك في المطاعم العالمية مثل مكدونالز وكنتاكي وبرجر
والبيتزا ماعدا بيتزا اكسبريس نظيف اسوي دعايةههههههههه:funny:
اهم شي المراوح والملابس الخفيفة بلا مهايط :deal:
وحياكم اللة اي استفسار حاضرة تحياتي:D

يعني تقترحين ما نجيب الفراوي والفنايل ام رقبه .. تعرفين لزوم الكشخة ..:eek3:
اححح وبعد مراوح:court:

قارئةالفنجان
09-05-2007, 12:39 PM
يااااااااااااااااااااااااااااااااااااااااااااااااا اااالله منكم يالحريم

تستخفون لو ماتسافرون تموتون على السفر

وانتو بالذات يالخليجيااات

الله يعين رياييلكم

عزوبي احسن والله

ويسلمووووووووو

حتى انتو يا الرياييل
بعد تموتون على السفر
يعنى حلال عليكم وحرام علينا
حرررره :anger2:
بسافر وبنستانس:dance

ANONYMOUS
09-05-2007, 01:34 PM
لاتنسوون تودون عيش وحليب

(الفيصل)
09-05-2007, 06:34 PM
السلام ياحلوين
بما ان اجازة الصيف قربت فلازم نبدأ بالمحاورات و المشاورات عن جداول الرحلات السياحية و الاماكن . فنبي نسوي عصف ذهني و نطلع احلى الاماكن السسياحية في كل بلد . فباسالكم انا اول سؤال وكل واحد يطلع اللي عنده من خبرته و ذكرياته و سفراته .

انا هالصيف باروح لندن وانا عندي خبرة في لندن بس نبي نشوف اراءكم و اقتراحاتكم للاماكن السياحية و المطاعم و المحلات الغريبة غير هارودز و سليفردجز و اكسفورد كله .

يعني شالاماكن اللي تنفع حق زوجين بوحهم ؟
شالمطاعم الرومانسية و الغريبة ؟
شنهي الاماكن اللي تناسب الاطفال بس ؟
شنهي اماكن االشوبنج اللي مايعرفونها الناس وايد؟
و ذكرياتكم في لندن مثل احسن الفنادق و اللوبيات و اماكن التقهوي و الحدايق ؟

شرايكم ؟ بتردون و نسوي ملف حلو عن لندن و الا ؟

اولا مانصحك بالذهاب للندن بالصيف اذا كانت الرحلة الغرض منها رومنسي(زوج وزوجه) لانها تكون زحمه جدااااااا .واذا مصممه على لندن واعرف الحريم اذا حطوا في بالهم شيء لازم يصير يعني مثل اليهال:) خلاص عندك فندق الاندمارك روووعه صراحه ورومنسي بس لازم تحجزين من الحين لانه بيكون فيه ضغط عليه بفترة الصيف .
وعن الاماكن اللي تروحونها هناك احس اني بضيع وقتي وانا اقول واشرح لان اغلب القطريين معروفين وين يروحون وانبح صوتنا واحنا نقول لهم غيروا ياجماعة بريطانيا فيها اماكن ثانيه حلوه ....... ابد عمك اصمخ
واليكم الجدول اليومي لغالبية اهل الخليج وخصوصا قطر في لندن( الصبح تسوق في السلفرج والهاردز والظهر الغداء في السلفرج ومن ثم الذهاب الى الهايد بارك الى قبل المغرب ومن ثم الى القهاوي اللي في النايس برج ومن عقبها الى قهاوي البيكاديلي يحذفون اعيالهم في العاب التركاديروا ويرحون المطاعم والقهاوي اللي حوالين الصحن(الحديقه) والبعض منهم يلف ويدور عليه يلف ويدور عليه يلف ويدور عليه استغفر الله كأنه يطوف على الكعبه :( .

اختي نصيحتي لك اختيار واجهه اخرى غير لندن طالما انك تبين رحلة رومنسية مع زوجك وقولي لي ميزانيتك والمدة المطلوبه وباقترح عليك وين تروحين>>>>>خبير سفر.
تحياتي لك

دلة الرسلان
09-05-2007, 06:45 PM
لاتنسوون تودون عيش وحليب


صححححححححح بس العيش فيه بنودي حليب رينبو , زين ذكرتني

دلة الرسلان
09-05-2007, 06:49 PM
الله على لندن
فانتاستك
اتينن
على قولة فايز التوش
00000
ياحبيبتى كل شي في لندن ايجنن
حتى لو قعدتي في بلكونة الشقة وتفرجتي على الرايح والياي
اآآآآآةةةة
ذكرتينى بلندن
وقلبتي علي المواجع
روحي مجمع -وايت ليز
وخارج لندن مجمع اسمه بلو ووتر
وحديقة الفواكه
ولندن زوو
وحديقة البجع
وووووووااااووووو
للالعاب والملاهي
ثورب بارك
شاعد لج وشاخلي
يالله لندن كل ابوها حلووووة

ياختي كفاية البراد, والاسواق والاسواق والاسواق ايلين بكرة:dance

تدرين مرة رحت صفقة وحدة من شارع الاكسفورد ما خلصتاه 7 ساعات مشي وتكسرت ايدينا

من الاكياس بس عادييييي ما هديناها :funny:

قمرهم كلهم.
09-05-2007, 06:54 PM
وليش لندن ياخي خلك في الدوحة

عندك الستي وشارع النصر شي روعة

مستقلة
09-05-2007, 08:52 PM
وليش لندن ياخي خلك في الدوحة

عندك الستي وشارع النصر شي روعة
:funny: :funny: