أجراءات كنسلة السيارة

[المزن الرياني]

السلام عليكم

أستفسار شباب
شنهي اجراءات كنسلة السياره ؟
يعني يكفي آخذ لوحات السياره للمرور واطلب منهم كنسلة السياره ؟
والا لازم معاينه السياره؟


تحياتي لكم

[eXpert*]

لي عودة ثانية ، بسال و برد عليك في وقت لاحق .

[مستثمر 999]

اخوي او شي

الحمد لله على سلامتك والحمد لله جات في الحديد ولا فيك

بالنسبه لشطب السياره اذا السياره جديده وعندك ورقه من الشرطه ( تقرير الحادث) توقع على الطلب ( مبايعه ) مع صوره من البطاقه والبطاقه الاصليه والرسوم 50 ريال

والمعاينه حسب مزاج الشرطي المداوم . . اذا ما عندك تقرير بالحادث او الحريق

[المزن الرياني]

لي عودة ثانية ، بسال و برد عليك في وقت لاحق .


في الانتظار اخوي راشد :nice:

[المزن الرياني]

اخوي او شي

الحمد لله على سلامتك والحمد لله جات في الحديد ولا فيك

بالنسبه لشطب السياره اذا السياره جديده وعندك ورقه من الشرطه ( تقرير الحادث) توقع على الطلب ( مبايعه ) مع صوره من البطاقه والبطاقه الاصليه والرسوم 50 ريال

والمعاينه حسب مزاج الشرطي المداوم . . اذا ما عندك تقرير بالحادث او الحريق



ياخوي مافي لا حادث ولا حتى شمخ ولله الحمد
السالفه السياره كرسيدا والله مادري شنو موديلها بس تقدر تقول من الآثار :funny:
وبغينا نكنسلها وننزل الرقم اللي عليها ( رقم رباعي عجيب omen )

فالسالفه لافيها حادث ولاشي
اللهم سياره متوقفه من فتره

وتسلم على ردك :)

[المشاغب]

تقرير الحادث وتسحب السيارة الى اي كراج
يشتري السيارة كاسكراب راح يعطيك راعي الكراج كتاب موجه للمرور
محتوى الكتاب بأن الكراج استلم السيارة واصبحت سكراب لدية يسلمك الأرقام وتتوجه لإدارة المرور مدينه خليفة فيه نموذج يعبى عند الزول دفع الله
ومن ثم تذهب الى أحد الكاونترات وتدفع خمسين ريال وتسلم الأرقام وكان الله في السر عليم والحمد لله على السلامة

[المزن الرياني]

تقرير الحادث وتسحب السيارة الى اي كراج
يشتري السيارة كاسكراب راح يعطيك راعي الكراج كتاب موجه للمرور
محتوى الكتاب بأن الكراج استلم السيارة واصبحت سكراب لدية يسلمك الأرقام وتتوجه لإدارة المرور مدينه خليفة فيه نموذج يعبى عند الزول دفع الله
ومن ثم تذهب الى أحد الكاونترات وتدفع خمسين ريال وتسلم الأرقام وكان الله في السر عليم والحمد لله على السلامة


اخوي المشاغب ... مافي حادث ولاشي

فقط سياره قديمه وحبينا نكنسلها.... لازم ياخذها راعي سكراب ؟
عشان آخذ الكتاب اللي موجه لاداره المرور

[مستثمر 999]

لا اخوي مب لازم ياخذها راعي سكراب

اول شي اذا الرقم مب مميز تحمل تشطب السياره لانه بيروح عليك وما يعطونك اياه وتقدر تسأل اخونا الريان

لك مني نصيحتين
1- اذا الرقم مميز روح المرور مثل ما قال لك اخونا المشاغب روح عند الزول دغع الله واطلب منه طلب شطب سياره ولان السياره مب مدعومه لازم يشوفونها والمعاينه بتكون عن طريق بريكدون ( سطحه ) وتودي لهم السياره وبعد ها تقدر تقط السياره اي مكان ان ما خذوها السكراب

2- اذا الرقم مب مميز الله يعينك اخوي لازم تتعب شوي وتجدد الاستماره وعلى فكره الكراجات الي مقابله الفحص الفني من المدخل الخلفي تعطيهم مبلغ ويخلصون لك السياره وحول الرقم وبيع ولا سو الي بتسويه .

وادعيلي

[BoFahed]

شباب انا عندي سيارة موديل 98 وعليها مخالفات حول ال6000ريال البودي مافيه شي بس الجير والمكينة منتهين ابي شوركم اقدر اتنازل عنها في المرور علشان اطيح المخالفات ولا اخليها واقفة جذي احسن ولا في تعرفون طريقة ثانية.

[المخفي]

حسب نوع السيارة أذا قيمتها عالية مثلا 20 او 30 الف حرام اتخليها في الشمس
بيعها و استفيد من فلوسها اما اذا سيارة تعبانة مثلا كيا او غيرها خليها واقفة احسن
بس المخالفات ما تطير بتم موجودة

[alwahesh]

اخوي بوفهد

وش نوع السياره ؟؟

اذا تسوى نشوف لك حد .؟؟؟؟؟؟؟؟؟؟؟؟؟

[أستاندر]

بتوفيق

[alwahesh]

ها اخون المزن شطبت سيارتك ولا شلون

ارجو الرد

بالتوفيق

[BoFahed]

اخوي بوفهد

وش نوع السياره ؟؟

اذا تسوى نشوف لك حد .؟؟؟؟؟؟؟؟؟؟؟؟؟

مشكور اخوي الوحش على التجاوب ومب غريبة عليك الموتر سوبارو امبريزا جير اوتوماتيك بس الجير مكسور والمكينة يبيلها عمرة

[BoFahed]

حسب نوع السيارة أذا قيمتها عالية مثلا 20 او 30 الف حرام اتخليها في الشمس
بيعها و استفيد من فلوسها اما اذا سيارة تعبانة مثلا كيا او غيرها خليها واقفة احسن
بس المخالفات ما تطير بتم موجودة

مشكور اخوي المخفي الموتر يسوى لو صاحي في حدود ال15

[المزن الرياني]

ها اخون المزن شطبت سيارتك ولا شلون

ارجو الرد

بالتوفيق


لا والله اخوي للحين ماشطبتها