لو الواحد انضرب في مخه وشرا ناقلات بمليون وتسع امئة الف ريال

[مليت]

لو الواحد انضرب في مخه وشرا ناقلات بمليون وتسع امئة الف ريال
يعني 100 الف سهم ونطر على السهم سنتين الى ثلاث سنين

كم ممكن على سبيل المثال ياخذ ارباح في السنه عند التشغيل

وهل بيتعدل سعر السهم في ذالك الوقت وكم ممكن يوصل مع العلم انكم لا تعلمون الغيب ولكن تصوركم للسهم

ياليت نكون واقعين شووووي

[AL_MUTAEM]

اكيد اذا باشرت الشركه مهامها ما اظن انه بيزيد فوق الــ50 ر ق وهذا توقعي

[qatar_shares]

انا اقول لك أخوي وان شاء الله افيدك

بس بغيت أعرف : هو شرا ولا بعده ما شرا ؟

[مليت]

انا اقول لك أخوي وان شاء الله افيدك

بس بغيت أعرف : هو شرا ولا بعده ما شرا ؟


لين الحين كان يدور ارض بس كل شي صار غالي ويفكر يدخلها على سهم نا قلات وبس ما يبي ايتشتت في البورصه

[ســـهم]

طيب ليش مايوزع هذا المبلغ على عدة شركات

مثال الناقلات اسمنت الخليج الريان طبعا اذا كان مستثمر طويل الأجل

كلها حلوه :)

[مليت]

طيب ليش مايوزع هذا المبلغ على عدة شركات

مثال الناقلات اسمنت الخليج الريان طبعا اذا كان مستثمر طويل الأجل

كلها حلوه :)

مادري يقول ما يشوف شركه الا ناقلات ومستقبلها خطير والله اعلم

[فتى البورصة]

يوزعها على عدة شركات احسن له

[مليت]

طيب ليش اتشتت بالعكس زيادة الريال بتكون عنده 100 الف ريال ؟؟؟

يارب فهمتووو؟؟؟؟

[الغـــيور]

طيب ليش اتشتت بالعكس زيادة الريال بتكون عنده 100 الف ريال ؟؟؟

يارب فهمتووو؟؟؟؟

الي قلته غلط جوف الحسبه صح:

مبلغ شراء 100 الف سهم في ناقلات على سعر 19 ريال = 1905130 الف ريال.

بيع 100 الف سهم بسعر 20 ريال مع العموله = 1994614.5 الف ريال.

الربح = 89484.5 الف ريال.

بيع 100 الف سهم بسعر 18 ريال مع العموله = 1795153.1 الف ريال.

الخساره= 109976.91 الف ريال

الخساره اكثر من الربح ....

أفضل الدخول في عدت قطاعات وعدم الدخول بالسيوله كامله....والله يوفق الجميع.

[قطري عصامي]

اعتقد الشيخ انه مب خسران لأن على كلامك:
100.000 سهم * 19 ريال = 1.900.000 ريال---- والعمولة تقريباً 3.800 ريال
اليوم 100.000سهم *19.6 ريال = 1.960.000 ريال------ والعمولة تقريباً 3.800 ريال


يعني 60.000 - 7.600 (عمولة الشراء والبيع) = 52.400 ريال (ربح صافي).
-----------------------------
ثانيا اخوي مليت : رجاءً لو اتغير صورة الطفل اللي حاطه ، لأنه يهودي وهي صورة من مجموعة الصور التي كان يروج بها عالمياً عند تأسيس الكيان الصهيوني ، ولك جزيل الشكر.

وموفقين جميعاً

[ANONYMOUS]

شرينا سهم وحد.. وخسرنا....

وزعنا البيض.. وتكسر..

سوقنا على هواه.. متى مايبون يرفعونه رفعوه.. واذا يبون يعطونه على راسه.. يعطونه بلارحمه

ولا عزاء لصغار المستقردين :)

[قطري عصامي]

الله يعينا وياكم

[بن كهلان]

اقول خلها على الله000الصبر ما لي انا الا الصبر

[آل ملياردير]

يالحبيب الناقلات موب جايبه همها اقرى عقد التئسيس وبتعرف أنه مافيه توزيع أرباح لا في 2009 وليش تحط فلوسك وتربطها في شركة ما شفنا منها لا الشعارات والكلام الفاضي (السهم الذهبي) وأنا بصراحة أسميه (السهم المصدي) وهاذي نصيحة مني لك لا تحط فلوسك في ها الشركه حالين وتبي الصراحه أول ما نزلت الشركة للأكتاب كنت جالس مع وأحد من أكبر الخبراء في الأقتصاد في الدولة وسئلة عن الناقلات قالي في ذاك الوقت هاذي شركة مايسوى سعر سهمها أكثر من عشرين ريال وخذيت بنصيحته وبعت السهم في السوق السوداء 70 ريال ومن ذاك اليوم وأنا ضارب عليها أكس ولاني مفكر أشتريها ألا في 2009 وبسعر 15 ريال .

[البركان]

مليت

مليت صديقك من يقاسمك الهموم بساعة الضيقات


انا رفيقك وحبيبك قل لصاحبك يعطينى فلوسه لمدة 80 سنه وراح ارجعهم له ومعاهم ربح

400 ريااااال

شقلت

[مليت]

مليت

مليت صديقك من يقاسمك الهموم بساعة الضيقات


انا رفيقك وحبيبك قل لصاحبك يعطينى فلوسه لمدة 80 سنه وراح ارجعهم له ومعاهم ربح

400 ريااااال

شقلت

حبتك العافيه يقولك كل سنه وانت طيب وان الهاتف الذي طلبته لا يمكن الاتصال به الان حاول الاتصال لا حقاً وشكراً :dance

[Bronze]

السلام عليكم

بداية اسئل الله الرزق الوفير للجميع

اعتقد انه انضرب في مخه فعلا لو شرى ناقلات فـقـط

يبدو أن رقم 100 الف سهم عاجبه ,,

اخوي مليت السعيد من اتعض بغيره والشقي من اتعض بنفسه " تذكر هذا جيداً "


احرص بأن يكون في محفضتك اقل شي 4 شركات : 30الف ناقلات 30الف الريان 30الف اسمنت الخليج 30السلام

لك نصحي وما عليك جدالي افة النصح ان يكون جدالُ ,

بالتوفيق للجميع

[مليت]

السلام عليكم

بداية اسئل الله الرزق الوفير للجميع

اعتقد انه انضرب في مخه فعلا لو شرى ناقلات فـقـط

يبدو أن رقم 100 الف سهم عاجبه ,,

اخوي مليت السعيد من اتعض بغيره والشقي من اتعض بنفسه " تذكر هذا جيداً "


احرص بأن يكون في محفضتك اقل شي 4 شركات : 30الف ناقلات 30الف الريان 30الف اسمنت الخليج 30السلام

لك نصحي وما عليك جدالي افة النصح ان يكون جدالُ ,

بالتوفيق للجميع


عزيز وغالي وكلامك 100% لكن هناك بعض الناس لا يحب التشتت في فرق بين المضارب والمستثمر

تحياتي

[qatar_shares]

أخوي مليت اسمح لي على التأخر
بغيت ارسل لك عل الخاص بس مشاركاتي ما تسمح

نصيحة ابتعد عن ناقلات للأستثمار في مدى ال3 سنوات القادمة

اذا كنت تريد تضارب هذا شي ثاني بس موضوع استثمار انسى ناقلات ،،،، هناك فوق 20 شركة أفضل من ناقلات في سوق الدوحة للأستثمار على مدى 3 الى 5 سنوات.

ناقلات لها شأن بعد سنة 2015 ،،، قبل عام 2015 لن ترا عائد السهم فوق ريالين. وزين اذا عطوك ربح نقدي نص ريال للسهم ذاك الوقت. السعر العادل ل 12 شهر لناقلات الآن تحت 10 ريال ول3 سنوات تحت 15 ريال.

هناك شركات تستطيع ان تحقق ربح فوق ضعفين الى 3 اضعاف من سعر السهم والتوزيع النقدي خلال 3 سنوات ولكن لن اكتبها هنا فلا اريد حد يقول تطبيل لسهم أو مجموعة اسهم.

لا تستعجل واحفظ فلوسك الآن ،،، وان شاء الله اوصل 100 مشاركة قريب وان شاء الله افيدك.

ان كنت من الناس اللي يحب المغامرة فالسوق كله مغامرة وقمار يا تصيب يا تخيب.

كنت اتمنى ان محللين المنتدى يعطونا فكرة وتحليل لل3 سنوات وال5 سنوات القادمة للأسهم في السوق بس اشوف 99% من التحاليل للمضارب وليس المستثمر.

بالتوفيق اخوي

[الحلال فقط]

توزيع المحفظة على عدة شركات لا يسمى تشتيت
يجب اختيار الشركات الحلال النقية التي ليس فيها ربا او ما يسمى نسبة تطهير (راجع توقيعي)
كذلك عليه ان يختار الشركات ذات العوائد الجيدة

[مليت]

يعني قصوو علينا وربحو اكثر منا الى الآن دافعين لهم 5 مليار وشوي

افا بس هاي اخرتها


يا جماعه اخافكم غلطانين هذي ناقلات؟؟؟؟

معقوله هذا وضعها

يعني بلعنا الطعم؟؟

لا حول ولا قوة الا بالله

[بوحمد1]

عليك بالحلال ...................((( ولاتنسى هناك إكتتاب قريب جداً )))
فكر جيداً قبل كل خطوه ولاتنسى صلاة الإستخارة

[مليت]

عليك بالحلال ...................((( ولاتنسى هناك إكتتاب قريب جداً )))
فكر جيداً قبل كل خطوه ولاتنسى صلاة الإستخارة

:con2: اي اكتتاب بعد؟

[بوحمد1]

:con2: اي اكتتاب بعد؟

:con2: بعدين أقولك

[مليت]

:con2: بعدين أقولك


:con2: شرايك الحين ولا على الخاص

[عتيج الصوف]

اذا كان المقصود شركة التامين قطر وعمان فهذه مااعتقد يكون لها تاثير يذكر,,,وخاصة اذا كانت شركة تامين تجارية تقليدية والله اعلم

[مليت]

اذا كان المقصود شركة التامين قطر وعمان فهذه مااعتقد يكون لها تاثير يذكر,,,وخاصة اذا كانت شركة تامين تجارية تقليدية والله اعلم


يا جماعه احنا في ذمتكم لازم تزودونا بكل معلومه عشان ما نتوهق

[بوحمد1]

:con2: شرايك الحين ولا على الخاص


المفاجأة أحلى صدقني :eek2:

[مليت]

عن أنس بن مالك رضي الله عنه ان رسول الله صلى الله عليه وسلم قال : ( لايؤمن أحدكم حتى يحب لأخيه ما يحب لنفسه ) ، رواه البخاري و مسلم .

[عزوز المضارب]

مليت وبعدين معك السوق طلع فوق 7000 نقطه وانت للحين محتار :anger2: