المساعد الشخصي الرقمي

مشاهدة النسخة كاملة : ماهو افضل بلد زرته سياحيا



المخفي
11-05-2007, 04:02 PM
السلام عليكم

طبعا بدات تجهيزات السفر و الأجازة وناس حجزت من الحين وناس

محتارة لين الحين طبعا أخوكم من النوع الثاني وفكرت وقلت ما في غير منتدى

الأسهم القطرية و قلت أشاوركم تراني محتار وين أروح الصيف أنتوا أيش رايكم

1- أستراليا

2- تركيا

3- النمسا

4- سويسرا

5- أخرى (ممكن تضيف دولة من عندك )

يا ريت الى زار هذه الأماكن يعطيني رأيه

وموفور الشكر لكم جميعا

رجاء لحد يحط ماليزيا رحت لها حر و رطوبة نفس أندونيسيا

طبعا هذا كله بعد العمرة أن شاء الله

( الله يعين على مصاريف العمرة تطلع أكثر من السياحة في دول شرق آسيا بس تستاهل كل ريال )

qatar_moon
11-05-2007, 04:47 PM
انا اقول روح سويسرا

(الفيصل)
11-05-2007, 04:49 PM
انا اقول روح سويسرا

فعلا سويسرا جنة الله في الارض وااااااااخ على منظر بحيرة نوقا بجنيف شيء ولا اروع صراحه اجمل بلد زرتها هي سويسرا بلامنازع
تحياتي

(احمد)
11-05-2007, 04:53 PM
روح لزيورخ واطلع على الهاي لاند (اقليم ريفي ) سترى الجنة الارضية

لمت داون111
11-05-2007, 06:46 PM
لندن ولا غيرها:strong

لحد يتفلسف ويقول ملل ومادري شنو .. انت تروحها مره كل سنه omen

ورحله سعيده مقدما:nice:

ANONYMOUS
11-05-2007, 06:49 PM
روح كينيا.. ولا زنجبار..

يمدحونهم ربعي من عمان :)

hamoor4ever
11-05-2007, 08:08 PM
عليك في اوروبا .. المانيا للهدوء ولا فرنسا لصخب المدن بشكل حلو واذا تحب الشواطئ والبحر عليك في بوكيت في تايلند
واذا تبغي دوله عربيه روح لبنان بس حاليا مانصح فيها بسبب الظروف الأمنيه

اذا بتروح استراليا لازم تروح مع حد يعرفها وتركيا يقولون الامن شوي فيها تعبان مع ان هالدولتين بصراحه مارحتهم بس سمعت من اللي راحو اهناك

خالي مشاعر
11-05-2007, 08:25 PM
اخوي ايش رايك لو اتروح ميونيخ وتأجر سيارة
ومن هناك تاخذ لفة على اوروبا
تقدر اتروح زيلامسي وفينيسا (البندقية) وعندك لوقانو في سويسرا وتقدر اتروح كان ونيس
وعقب ترجع ميونيخ اترجع السياره
اختار الاماكن اذا تبي وانا باعطيك الترتيب وكم يوم تقعد في كل مدينة
انا جدولي كان ميونيخ - زيلامسي - فينيسيا - سالزبورق (مانصحك فيها) - ميونيخ

nooora
11-05-2007, 08:42 PM
سويسرا بصراحه جنه تبتعد عن لبشر شوي احسن لك عيش بين الطبيعه بترجع 10 سنين للورى ههههههههههه

بطران
11-05-2007, 08:46 PM
الشيخ عليك ..بتركيا والمجر(هنغاريا)

تركيا ..الله يسلمك بلد عائليه من قلب ... ومدينة ترابزون الي تطل على مضيق البسفور سكنها جيد وكل الشقق تطل على البحر يعني اسعار حدها معقوله 120 دولار الليله ... ثلاث غرف وصاله على كيف كيفك وحمامين الله يعزك ومطبخ مطرد خيل ...وتحت حووش لليهال ...كل الشقق نفس النظام ... وغير البلكونه الي تطل على البسفور ...جو بديع وسفن رايحه وجايه قدامك !! اسئل مجرب .. بلد شغل عدل ...اذا بغية تمشي ..ماراح توقف كل مكان تبي تشوفه وتدخله ...عط لنفسك العنان ....
في ترابزون اذا مشيت على الكورنيش بتحصل منطقه كلها خليجين قاعدين تقول صوب ناشيونال بالدوحه هههههههههههههه
وبالنسبه للمناطق الخارجيه ..بورصه ...فيها شلالات طبيعيه وزينه ...يعني عااادي تأجر لك حمام خاص لك وحق هلك ...ماي طبيعي متروس معادن طالعه من الجبل تطبخ ...تشفي من السكري والضغط والروماتيزم وباقي الامراض ...ومساج وشغل عدل ...

منطقة انطاليا وانطاكيا ...شغل بحري ..سيف وبحر ويخوت تأجرها الي ماتقول ربي لله ههههههه

وعندك جزيرة الاميرات ...الي تروح لها عن طريق يخت سياحي ... صوب اليونان ...تذكره رخيصه روحه وجيه ...تقدر تبات بالجزيره او ترجع بنفس اليوم كله واحد ...كلها فنادق ومطاعم على البحر ومجمعات وشي صراحه ... وغير ان ممنوع فيها السيارات !! بس سياكل و حناطير هههههههههههههههه

وعندك هنغاريا ...المجر ..عاصمتها بودابست .... كنت ساكن بمدينة بودا ...شغل عدل كل شي حولك ...مطاعم فنادق مجمعات ...مجمع الماموت شي ههههههه كل شي في بالك بتحصله وانت تمشي مافي مشكله ...اسواق شعبيه ...او ان تاخذ لك سايق من الفندق تكرفه وتطلع قيمته بكل المجر مثل ماسويت هههههههههههه

بس ياخي احذر من القسم الثاني مدينة بست بعد الساعه ثمان ...خصوصا اذا عندك بزران ... في بالسكه محلات قليلة ادب ...واحذر تدخل دواعيس بالليل المافيا الايطاليه تشتغل بالمجر ...

وانا حاضر حق اي ستفسار ..

تحيات بطران

قناص قطر
11-05-2007, 08:47 PM
خل عنك اوربا زهقنا منها بصراحه قديمه
النمسا

المانيا

لندن


وبعدين

قسم بالله ملل في ملل تقص على نفسك

جرب الصين عجيبه فيها اماكن رووووووووووووعه

صج الجو حار قليلا ومطر بس شيء عجيييييييييييييييب لازم تجرب

(الفيصل)
11-05-2007, 08:51 PM
يرجى من الاخوان المشرفين تعديل عنوان الموضوع لاخطأ في الصياغه ... وتحياتي لصاحب الموضوع ولكم

سهم ماسي
11-05-2007, 11:23 PM
للاستجمام المالديف ,, شي ماينوصف !!

اما سياحه أمريكا + لندن

ويعطيكم العافيه

محمد2
12-05-2007, 12:25 AM
والله خوي ماتعرف 0 خذ مشورتي واتوكل على الله وسافر ( الصومال او العراق ) هدوء ومحد يزعجك 0لأن البلد فاضية من سكانها:dance :dance :dance :dance

سهم المراقيب
12-05-2007, 12:33 AM
النمسا ,,

الراقية
12-05-2007, 01:33 AM
أخي الفاضل قبل كل شي اتمنى لك صيف واجازة سعيدة

وانصحك من خلال تجربة

الاقتراح الاول( شمال فرنسا + سويسرا)

شمال فرنسا السكن في منطقة ( ديفون أو انيماس ) لرخص السكن ولقربها من
جنيف 10 دقائق بالسيارة ميلانو 3 ساعات ونصف
بالاضافة
الى مناطق رائعة في فرنسا مثال ( ايفيان - انسي- شامونية -مونت بلانك - باريس- اليورو ديزني ....وتبعد عن( نيس و كان ) بالسيارة 5-6 ساعات وهي مناطق رائعة بحرية .

مناطق سويسرا ..
جنيف العاصمة - زيورخ - انترلاخن- مونترو -لوزان -مناطق رائعة وعجيبة )
يعني جنة جو حلو - طبيعة- كافيهات رائعة -أمان -مطاعم راقية -وتنقلات بسيطة سواء بالسيارة او القطارات او المترو ( ما انصحك بالتكاسي لانها غالية جدا )

الاقتراح الثاني

المانيا وبالاخص ميونخ

رائعة بلد حي مطاعم حلوة كافيهات رائعة وراقية تنقلات عجيبة

ويمكنك التنقل في المانيا من خلال ميونخ الى
شتوتغارت - ديسلدورف- اوسبورغ - الغابة السوداء وفيها مناطق رهيبة مثل بادن بادن-كولون -فرايبورغ وفيها مدينة العاب اوروبا بارك ...عموما مناطق رهيبة بس يبغي لها تنقلات عشان ما تتملل بمنطقة وحدة
بالاضافة الى ( سلمزي - مونسية - سالزبورج وهي مناطق للراحة والاستجمام)

ما انصحك باي دولة عربية

وكذلك الدول شرق اسيوية مثل بانكوك او الصين او ماليزيا لانهم رطوبة وحر وجو ما يصلح

واعتقد ان احنا نبحث عن الجو الحلو والاماكن النظيفة والطبيعة الرائعة

وما دام الخساير هي هي حتى لو رحت دبي فيفضل اختيار اماكن تعود عليك بنفسية افضل مما كنت فيها ورحلة سعيدة

بدوي
12-05-2007, 01:55 AM
انا جدولي الصيف اللي طاف كان على النحو التالي :

( ميونخ ) 4 أيام يومين تمشيت وعرفت البلد شوي وبعدها موعد تأجير السيارة

تميت يومين وحركت على ( سالزبورغ ) وللأسف مادشت مزاجي واضغط على ماجلان

صوب ( زيلامسي ) omen الصراحة جنة الله في الأرض هي والمناطق اللي حولها

تميت 3 ايام وحركت ( فيينا ) تميت 3 ايام وبعدها ( جنيف ) الكرنفال :dance

ورحت من هناك لـ ( شامونييه ) و ( آنسي ) وهي مدن فرنسية على الحدود السويسرية

تفصل بينهما جبال الألب .. فعلآ كانت مناظر خلابه :strong

ورحت ( ميلانو ) يوم ورجعت لـ ( جنيف ) وبعدها تحركت الى معشوقتي ( باريس ) :D

فيه مدن وقرى جميلة بس للأسف مايحظرني اسمها .. وتستاهل الزيارة مره ثانية

00000000

وشرايك في هالجولة كللللللها اللي مدتها شهر تقريبآ .. أجار السيارة 6000 ريال قطري

والسيارة BMW 2006 ماجلان .. ديزل :D

محمد2
12-05-2007, 02:04 AM
انا مستغرب من ألأخوان وألأخوات اللي يقولون لا تروح هني حر وهناك مافي أمن 0

يعني بذمكتكم اللي رايح يصيف يقعد 3 او 4 اشهر ( كل اللي راح يقعده بالكثير اسبوعين اذا مب اقل 0 واذا على البكج اسبوع :con2: :con2: :con2: ) واحنا صيفنا شهر 6و7و8 و نصف شهر 9 0:anger1: :anger1: :anger1:

خلونا واقعين وصريحين

PoBox
12-05-2007, 02:09 AM
سؤالك غلط اخوي المخفي

اولا ليش السفر

او وشهو غرضك الاهم من السفر

1) تسوق
ولا
2) استجمام بمناظر طبيعية
ولا
3) استكشاف ومغامرات

مشكلة البوعراب لو علقوا مكان انسى يغيرونه ويروحون دون هدف واضح
رش فلوس على الفندق والمطعم وبس !!:confused: :confused:


حدد الغرض
عقب تقدر تحذف الدول اللي مافيها غرضك بشكل كبير

مثال:-
مثلا بتقولي ابي مناظر طبيعية وجميلة واستجمام وهدوء
وتقولي بروح لندن
بقولك استريح في سيف الوكرة احسن

كذا بتكون لغيت لندن مثلا من خياراتك
لين توصل لبلدة معينة تستانس فيها

المخفي
12-05-2007, 02:54 AM
صراحة مشكورين على الرد جميعا

أخوي bo boxing أنا غرضي من السفر

استجمام بمناظر طبيعية و استكشاف ومغامرات

صراحة يوم أسافر أفرفر وايد ما أحب أقعد أحب أدور و أحوس و أتلقف

أدخل كل مكان حلال طبعا

السديم
12-05-2007, 03:16 AM
صراحة مشكورين على الرد جميعا

أخوي bo boxing أنا غرضي من السفر

استجمام بمناظر طبيعية و استكشاف ومغامرات

صراحة يوم أسافر أفرفر وايد ما أحب أقعد أحب أدور و أحوس و أتلقف

أدخل كل مكان حلال طبعا

عيل مالك الا اوروبا وخل وجهتك لأحدى الدول وأجر منها سياره وروح بالسياره لف ودور بين الباقي .. ماشاءالله طبيعه وجو وهدوء غير انهم بدون حدود وخرابيط يعني تقدر تروح وتجي بلاتعقيدات مثل اللي عندنا :D

واللي قال الحر كم شهر صحيح بس يوم اطلع واسافر خلني اتنعم بجو حلو حتى لو اسبوع بس :p

عبدالمحسن
12-05-2007, 03:34 AM
انا انصحك بالحسا


:)


فيها ينابيع جوفيه ونخيل

خخخخخخخخ


اقول


عليك بأوروبا وبس ... وانت راجع مر على مصر اسبوع عن الخاطر <-- الشخص هذا مدمن مصر :)



..

وحول تكون سفرتك بعد 20 / 7 ،،، عشان تكون رجعتك اخر 8


تحياتي

قطرية بيزنس
13-05-2007, 01:38 AM
ماافي احلى من اسبااانيا روووعة بكل شي

خاصة ماربيا ارووع مدينة باسباانيا

alkaabi
23-05-2007, 08:03 AM
ماليزيا

نحاسة :d

بوخالد911
23-05-2007, 08:44 AM
استراليا

ما يبيله كلااااام ولا شي

كل تمام اهناك %%%

السهم الذهبي 2007
23-05-2007, 08:46 AM
اجمل بلد شفته شيراز وكلكتا الهند رخيصه وشوف عالم اخر عن المالوف عن حياتك
مكه والمدينه وبس

الوعب
23-05-2007, 08:55 AM
امريكا

إنتعاش
23-05-2007, 09:10 AM
والله اخوي زي ما انت شايف
الردود كثيرة والاراء متنوعة بشكل يشتت التفكير ولا تدري وين تروح .


عن تجربة شخصية لي

زرت هذه المدن في سفرة واحده :

1- فيينا
2- زيلامسي
3- سالزبورج
4- ميونخ
5- لوزان
6- جنيف


بكل امانه . .

لما شفت سويسرا اللي اسمها رنان ومني عارف ايش
- بعد زيلامسي والنمسا بصفة عامة -
اعتبرت سويسرا مقلب محترم الصراحه
ماتوقعتها بهالصورة
من اساميها : جنيف ،، فيفي ،، ايفيان ،، مدري ايش
قلت بس هاذي الديرة والا بلاش . .

لكن الصراحه اممممممممممم لازم تشوفها يعني بس قصدي مو ذاك الزود ترا

مو قصدي التقليل من سويسرا اكيد هي بلد رائعة

بس قصدي - من روعة النمسا ومدن النمسا - ما ملت عيني سويسرا الصراحه


عليك طال عمرك تمر بميونخ اول شي
وتأجر لك ذيك السياره الـbmw الفئة الخامسة - ديزل -
والنفجيشن شغال طال عمرك
وعليك ياللي ما تضيع - على قولت المثل الشعبي -

خذ لك جولة مرتبة منسقة

ميونخ حوسها عدل
وبعدها بتكون زيلامسي قريبة منك ساعه ونص بالسياره فقط
ومدينة بعد Pertisau تراها رائعه وقريبة من زيلامسي

شوف هالرابط لاخونا قطر

شوف المناظر اللي صح تستاهل العنوه :)

http://www.qatarshares.com/vb/showthread.php?t=61063

Abu Omar
23-05-2007, 09:20 AM
اذا تحب المناظر الطبيعية والجمال وراحه الاعصاب
ايرلندا

متفائلة خير
23-05-2007, 09:24 AM
احسن دولة قطر ثم قطر قول ليش انا زرت كل هالدول الا تركيا ايقولون باردة بس اوروبا حارة اولا التكيف عندهم ايبط الجبد دافي ممل تتحسف لوكنت قاعد ابيتك احسن تحت التكيف البارد استراليا بعد باردة في الصيف اوحلوة روح اوجرب انشاءالله تعجبك اورحلة موفقة

MaSHa3eR QTR
23-05-2007, 11:45 AM
سويسرا احلى شي

وخاصه في شهر 8 ايام الكرنفال :)

بلاهويـــــة
24-05-2007, 12:19 PM
انا اقولك اذا مع العائلة روح فينا والمانيا أمااااااااان وايد راح تستانس

قطري كشخه
24-05-2007, 05:04 PM
امريكا وايد عجيبه ووناسه خاصه اذا طلعت صوب فلوريدا وله اورلندو دزني ورلد وايد حلوووه روعه بس عيب فلوريدا بالصيف حاره وجو كلفورنيا معقول وحلو طول السنه ..

عيبها بعيده ورحلتها متعبه :(

ناصرالعتيبي2
25-05-2007, 10:01 AM
بعد الغيبه الطويله راجع لكم يا اهل قطر .........
:app:
بالنسبه للسياحه. في العالم العربي مصر ومصر فقط:p

اما في العالم ككل سويسرا ونيوزيلندا وفقط:D

هذا في الصيف! امافي الشتا فلا تطلع من الخليج وخصوصا البر في النعيريه والسفانيه وذيك المناطق


يالبى:dance

المجد
26-05-2007, 11:07 AM
والله اخوي زي ما انت شايف
الردود كثيرة والاراء متنوعة بشكل يشتت التفكير ولا تدري وين تروح .


عن تجربة شخصية لي

زرت هذه المدن في سفرة واحده :

1- فيينا
2- زيلامسي
3- سالزبورج
4- ميونخ
5- لوزان
6- جنيف


بكل امانه . .

لما شفت سويسرا اللي اسمها رنان ومني عارف ايش
- بعد زيلامسي والنمسا بصفة عامة -
اعتبرت سويسرا مقلب محترم الصراحه
ماتوقعتها بهالصورة
من اساميها : جنيف ،، فيفي ،، ايفيان ،، مدري ايش
قلت بس هاذي الديرة والا بلاش . .

لكن الصراحه اممممممممممم لازم تشوفها يعني بس قصدي مو ذاك الزود ترا

مو قصدي التقليل من سويسرا اكيد هي بلد رائعة

بس قصدي - من روعة النمسا ومدن النمسا - ما ملت عيني سويسرا الصراحه


عليك طال عمرك تمر بميونخ اول شي
وتأجر لك ذيك السياره الـbmw الفئة الخامسة - ديزل -
والنفجيشن شغال طال عمرك
وعليك ياللي ما تضيع - على قولت المثل الشعبي -

خذ لك جولة مرتبة منسقة

ميونخ حوسها عدل
وبعدها بتكون زيلامسي قريبة منك ساعه ونص بالسياره فقط
ومدينة بعد Pertisau تراها رائعه وقريبة من زيلامسي

شوف هالرابط لاخونا قطر

شوف المناظر اللي صح تستاهل العنوه :)

http://www.qatarshares.com/vb/showthread.php?t=61063
هلا أخوي أنتعاش الصور مافتحت عندي الله يسلمك

الكونكورد
28-05-2007, 04:01 PM
اجنبية عليك بفينا والمانيا للعائلات,,,,ميونخ طبعا في المانيا
اما عربية انا احب بلاد الشام خاصة للعائلات اما شباب ربما لاتصلح

احب الاردن كثير بحكم نظافتها وبلد محافظة وجوها حلو لكن بدت تغلى البلد

Chambray
29-05-2007, 02:50 AM
عربيــا : مافي احلى من لبنــــــــان والأردن ويمكن عند البعض ( مصر ) !
أوروبيـاً : سويسرا
أفريقيــــا : جنوب أفريقيــا
آسيوياً : سنغافورة < نظافة غير طبيعيه .. واليابــــــان رائعه ..
نيوزلاند رائعه
وأمريكا أروع ..


دينياً .. مافي احلى من المدينة المنورة .. مكة المكرمة عبيها البسيط زحمه الشوارع وشعبها شوي عصبي ، لكن المدينة راحه نفسيه غير طبيعيه

بدور
29-05-2007, 07:24 AM
من ناحية الطبيعه

هولندا والمانيا والريف الفرنسي وغابات بلجيكا

من ناحية الوناسه والتطمش والتسوق

لاس فيجاس ((ما لعبت بس اشوف )) ولوس انجلوس وواشنطن ولندن وفرنسا

والدول العربيه >>> لبنان والقاهره :eek2:

بوخالد2
31-05-2007, 10:59 AM
انا عن نفسي دول عربيه : احب القاهره احس اني في بلد عجيبه من قلب الناس طيبه هناك

و الدول الاوربيه : فينا وقبرص وتركيا مرتين ((ولندن واثينا يوم كنت اصغير هههه))

بومتعب
31-05-2007, 04:38 PM
من تجربتي لفيت في اوروبا المانيا وتشيكيا وسلوفيكا والنمسا وفرنسا وطبعا بريطانيا بحكم اني كنت ادرس هناك .... صدقني اذا انت رايح مع زوجتك فقط فرايح تستانس في هالدول اما اذا انت رايح مع زوجه واطفال فنصيحة لوجه الله لا تروح خاصة اذا كانوا اعيالك تحت العشر سنين لانك انت وزوجتك مو رايحين تتهنون في السفرة ورايح تتملل بسرعة وودك ترجع الدوحة على طول ...

عن نفسي انا اسافر اوروبا في اجازة الكريسمس وبس منها جو حلو وبعيد بعيد عن الخليجين والعرب خاصة لما تحضر انت وزوجتك احتفالات الكريسمس في فينا وسالسبورغ ولندن وباريس شي روعة خاصة المسا

واخيرا نصيحتي لك انك تروح دبي لاني ماشفت ارقى من فنادق دبي صراحة ولا فنادق لاس فيقس شي روعة ... ممكن تاخذ في هالوقت كم ليلة في ابراج الامارات وبرج العرب وقراند حياة والفيرمونت واتحدى اي واحد يقولك انه في ارقى من هالفنادق في العالم كله .......

وتختمها بعمرة في بيت الله والسكن في دار التوحيد وبالسلامة

index
01-06-2007, 01:36 PM
افضل اماكن زرتها بغرض السياحه
( ابها / دبي / ماليزيا / المانيا )

bonaif
04-06-2007, 11:42 PM
تايلاند

المجروح
06-06-2007, 12:05 PM
شوف اخوي انا رحت اغلب دول العالم وسويسرا بالنسبه (للطبيعه)ماعليها كلام
بس بالنسبه لي اكثر مكان استانست فيه في استراليا صج حد الواناسه انا رحت مع الاهل
شوف اذا تبي اتروح انزل في سيدني 3 ايام بس وروح الاماكن المعروفه يعني الاوبرا وملعب الاولومبيات وبعدين يبيله تفظي يوم اتروح رحله لين جبل اسمه الجبل الازرق (blue mountain) صج روعه وبتشوف في هالجبل الي ما اتشوفه في سويسرا ونا طبعا رحت سويسرا واعرف اقارن المهم وبعدين لازم اتروح من سيدني لين منطقه اسمه Goal coast وهذي اشهر منطقه سياحيه في استراليا والصراحه تستانس اهناك حدككككككككك ليش؟
اذا تبي بحر عندهم والموج على كيف كيفك يعني تاخذ البوردر واتدش في الموج
اذا اتدور على الامان الصراحه صج امان مب طبيعي
واذا اتدور على مناظر في رحلات اتوديك بره وصج عجيبه خصوصا الريف
واذا العاب وملاهي عندهم فوق الثلاث واشياء ظخمه
وانصحك تاخذ شقه لان اغلب شققهم اتطل على البحر
وعندهم ممشى اسمه survice paradise طبعا هذا اشهر ممشى في استراليا مع انه نوعا ما اصغير والصراحه لازم اتكون في هالمنطقى اقل اقل شييي 20 يوم لان ما يكفى
بالنسبه للنقل سهل اتصل وقول وين مكانك واطلب السياره اذا تبي تكسي او مني باص او باص كامل ومب غالي
والاسعار حلوه وخصوصا الشقق
وانا احتمال هالسنه انروح يعني اصير ثالث مره
وذيج السنه كان عدد الاماراتيين في هالمنطقه 6000 والكويتيين 4000 والقطريين 1200
يعني عادي اتروح وبالصدفه اتشوف واحد من الربع
باااال شكلي كتبت واايد

المجروح
06-06-2007, 12:15 PM
خذي gold coasthttp://www.dfat.gov.au/aii/publications/_lib/img/06/Gold-Coast-Aerial-shot.jpg

بوخالد911
07-06-2007, 09:49 AM
هلا اخوووي المجرووح
اتفق وياااك %%
جولد كوست قعدت فيها 3 أسابيع
هي ممتازة بمعنى الكلمة
أنصح بالسكن بشقة وهي أفضل للعائلة وأرخص من أي فندق

ومكان التجمع ينقاله : برادايس سنتر ويضم مطاعم ومحلات للتسوق ومكاتب للرحلات السياحية

وشعبهم حبووب ودوود ؛ يبتسم في وجهك مرحبا بك

اللي متردد ؛ أقوول له توكل على الله وروووح جولد كوست
:)

وبالتوفيييق

_QTR_
07-06-2007, 12:39 PM
تايلاند

تايلاند


تايلاند


تايلاند


تايلاند


تايلاند


تايلاند


تايلاند



hahahahahhahahahahay

Louis Vitton
07-06-2007, 03:35 PM
Usa
الصراحه مافيها حيله

شـــوق
08-06-2007, 04:41 PM
بالرغم من زيارتي لعدة دول أوروبيه واستمتاعي بها لم أجد أروع من جنيــــف ( جنيـــف خيال ) وسويسرا عموماً خلابه

شـــوق
08-06-2007, 04:51 PM
من ردود الأعضاء الأغلبيه اجمعـــــوا على جمال وروعــــة سويسرا:p

TanGo
21-06-2007, 09:09 AM
النمسا
فرنسا

ام حبيبتي
23-06-2007, 11:20 PM
فيينا وبس ... واذا حاب تعيش احلى وقت مر على هولندا .... :) :)