عرس....... ولا افتتاح اولمبياد !!!

[دلة الرسلان]

تعتبر ليلة العرس من اجمل المناسبات التي يحرص عليها الرجل والمرأة وخاصة المرأة ولذلك

فهي تحاول ان تجد افكار لم يسبقها عليها احد :) حتى يكون عرسها مسكت بس تقدر؟؟؟؟

نبدأ من ترتيب صالة العرس تقوم وتلبس الطاولات شراشف ويحطون عليها اختراع غريب مرة

شمعدان , ومرة سدرة ناشفة المهم يتفننون في طريقة تبعدك لا تشوف اللي قاعد ة معاج على

الطاولة ... شسالفة نبغي نحش!!

المقهويات ملبسينهم ثياب ذا النشل ويدورون زين حلو :p سمعت وحدة تبغي تلبسهم فساتين

بيض نفاشية ..... طقم مع العروس :confused:

شوي ومارشات عسكرية وصفارات ودخان توقعت هجوم ولا تدريب اخلاء--------- المعازيم

خذوا لهم ساتر شسالفة؟؟؟؟ اةةةةةةةة العروس بتدخل الله يهداكم روعتوا العجايز عاد:o

زفوا العروسomen ماشاء الله عليها ايش اللي معاها ؟؟ ماسكة مظلة . قطوة ,

لو صخيلة تنبلع من البيئة :funny:

اول ما تقعد العروس معاها الفداوية واقصد المصورات ششششششششششيك ششششاك في

ذمتكم العروس وين تستانس وها الاضاءة مركزة عليها وكل حركة من حركاتها على شاشات

1.5ْ×3 متر.

وهاذي عاد اللحظات المنتظرة للمعازيم لدراسة تفاصيل وجه العروس ومكياجها ويا ويلها من

اي حركة خاطئة مثل ابتسامة كبيرة او دمعة !! ( حديث جانبي: وعليا تصيح !! لا هذا من

العدسات الملونة شينه ,حلوة بس...)

وبعدين تهقون ممكن يكون فيه عرس يسكت الناس من الكلام ؟؟


اخواتي .... الا ترون اننا نبالغ كثيرا في اعراسنا ونتحمل من التكاليف ما ليس له داع الا


تتفقون معي ان هذه الاموال كان العروسان في حاجتها .

[ضوى]

اختي دلة الرسلان والله انج جيتي عالعوق الصراحة موضوع تعبني وااااااايد وعور قلبي وشوفي هالرابط من كثر القهر اللي بصدري وش كتبت ووش وصفت

شكرا لج اختي دلة موضوع في غاية الاهمية ظن الفلوس الزوج والزوجة اولى بها من كل هالخرابيط والبهرجة الزايدة عن الحد بشكل مو طبيعي فعلا تقولين افتتاح اولمبياد تعبيرج وايد حلو وعجبني

http://www.qatarshares.com/vb/showthread.php?t=87391&highlight=%ED%C8%C7%D1%DF

[بطران]

المبالغه من الطرفين ...من اهل العريس والعروس ...كل واحد خايف من الفشيله قدام الثاني !!
لو السالفه بيد الزوج نفسه كان خذ مرته بعبايتها وافتك من غربال هله واهلها!!
وقاعة العرس من صنع ام المعرس وخواته ...عاااد انهم يبون يطزون عين ام العروس هههههههههههههه كلام نسوان والضحيه هالمساكين

يالربع الي يبي يوفر ياخذ له مدينه ماتحب البذخ ووحركات الدي جي!! او يتزوج له احلى بنت من البحرين بشي مايكلف حتى 70 الف يدورون الرجال نفسه وحد القناعه بدمهم والي تسويه لها يبين بعينها وسفرة دبي كأنك موديها ابعد بلد في اوروبا

[المخباط]

اي والله معاك حق بس شتقولين لازم مظاهر ومفوشر حتى لا تسير فلانة احسن منها يمكن
العروس تخلص المهر على فستان العرس لازم يكون مصمم لبناني بذيك الحكاية مهب اقل
من 80الف بالراحة اشفيها لو اختارت موديل يناسبها ويفصلة واحد من خياييط الدوحة
وقالت اذا لازم مهايط زهير فريد بدل مراد:con2: ما حد بيعرف وتوفر فلوسها حق شى اهم
لا واهل المعرس ما خلوا شى بالصالة ما جابوة نوافير واشجار وورود لو مسوين حديقة
ابرك لهم:deal: بعدين وين تبغون العرس يتبارك وهو بفلوس ربا وبدايتة ديون واخرتة سجون:eek3:
اعرف ناس كثير يا زين اعراسهم ما فية تكلف وزيف ونستانس فية:dance واعراس على كثرالمصاريف نتملل نبي نبارك للعروس وعلى طول نطلع:o
ويقول المثل ماهان تبارك شكراااااااااااااا على الموضوع:nice:

[غزلان]

معاج حق

بس التقليد وحب المظاهر هو السبب

شكرا

[التيما]

صح لسانج والله ... بس اللي عنده مافيها شي يسوي ويسوي ..

[(الفيصل)]

انا اقول لو طبقنا المثل اللي يقول ( كلن يمد اريوله على قد الحافه) والله بنرتاح بس المشكله في قطر كلنا اغنياااااااااااء مافي فقير فينا ... الله يعين الشباب والله كله على ظهورهم وفي الاخر هي ليله وحده بس لكن مافيه حد يسمع الزبووو والمفاشر طاغي على هل قطر بالذات بشكل كبير للاسف:(
يعطيك العافيه اخت دلة الرسلان

[دلة الرسلان]

اختي دلة الرسلان والله انج جيتي عالعوق الصراحة موضوع تعبني وااااااايد وعور قلبي وشوفي هالرابط من كثر القهر اللي بصدري وش كتبت ووش وصفت

شكرا لج اختي دلة موضوع في غاية الاهمية ظن الفلوس الزوج والزوجة اولى بها من كل هالخرابيط والبهرجة الزايدة عن الحد بشكل مو طبيعي فعلا تقولين افتتاح اولمبياد تعبيرج وايد حلو وعجبني

http://www.qatarshares.com/vb/showthread.php?t=87391&highlight=%ED%C8%C7%D1%DF

مرحبا يا ضوى شفت الرابط وفعلا كلامك صح بس الله يفك لنا من المفوشر

[دلة الرسلان]

المبالغه من الطرفين ...من اهل العريس والعروس ...كل واحد خايف من الفشيله قدام الثاني !!
لو السالفه بيد الزوج نفسه كان خذ مرته بعبايتها وافتك من غربال هله واهلها!!
وقاعة العرس من صنع ام المعرس وخواته ...عاااد انهم يبون يطزون عين ام العروس هههههههههههههه كلام نسوان والضحيه هالمساكين

يالربع الي يبي يوفر ياخذ له مدينه ماتحب البذخ ووحركات الدي جي!! او يتزوج له احلى بنت من البحرين بشي مايكلف حتى 70 الف يدورون الرجال نفسه وحد القناعه بدمهم والي تسويه لها يبين بعينها وسفرة دبي كأنك موديها ابعد بلد في اوروبا

لا......لا يا خوي لا تهور:deal: بنات ديرتك ما لهم مثيل .

[دلة الرسلان]

اي والله معاك حق بس شتقولين لازم مظاهر ومفوشر حتى لا تسير فلانة احسن منها يمكن
العروس تخلص المهر على فستان العرس لازم يكون مصمم لبناني بذيك الحكاية مهب اقل
من 80الف بالراحة اشفيها لو اختارت موديل يناسبها ويفصلة واحد من خياييط الدوحة
وقالت اذا لازم مهايط زهير فريد بدل مراد:con2: ما حد بيعرف وتوفر فلوسها حق شى اهم
لا واهل المعرس ما خلوا شى بالصالة ما جابوة نوافير واشجار وورود لو مسوين حديقة
ابرك لهم:deal: بعدين وين تبغون العرس يتبارك وهو بفلوس ربا وبدايتة ديون واخرتة سجون:eek3:
اعرف ناس كثير يا زين اعراسهم ما فية تكلف وزيف ونستانس فية:dance واعراس على كثرالمصاريف نتملل نبي نبارك للعروس وعلى طول نطلع:o
ويقول المثل ماهان تبارك شكراااااااااااااا على الموضوع:nice:


مرحبا يا المخباط وعلى طاري الفستان اتذكر عروس فستانها غالي عند مصمم وكان ذيل الفستان طويل حوالي 5 متر المهم عجوز احذاي تسألني ,المرة ليش تسحب شرشفها , مادرت
بالموديل:funny:

[دلة الرسلان]

معاج حق

بس التقليد وحب المظاهر هو السبب

شكرا


هلا غزلان.... ياليت نقلد شي عدل خلصت شخصيات ديزني وماباقي الا شخصيات كليلة ودمنة تقلدها العروس .

[دلة الرسلان]

صح لسانج والله ... بس اللي عنده مافيها شي يسوي ويسوي ..


ليش التيما , الحين من السوبر موديل عندنا مش الغربيين ليش ما نقلدهم حتى تنظيم الطاولات راقي وبسيط شوفي عندنا والله عرينه حاطين على الطاولة عبالهم كشخة والله يفشل .
قيسي عليه فستان العروس ومكياجها صاير وجهها لوحة رسام مبتدىء .
شاكرة مرورك يالغالية

[دلة الرسلان]

انا اقول لو طبقنا المثل اللي يقول ( كلن يمد اريوله على قد الحافه) والله بنرتاح بس المشكله في قطر كلنا اغنياااااااااااء مافي فقير فينا ... الله يعين الشباب والله كله على ظهورهم وفي الاخر هي ليله وحده بس لكن مافيه حد يسمع الزبووو والمفاشر طاغي على هل قطر بالذات بشكل كبير للاسف:(
يعطيك العافيه اخت دلة الرسلان


مرحبا يا خوي من قال اهل قطر كلهم اغنياء؟؟ وحتى الاغنياء مش لازم يكونون مسرفيين , ترى المشكلة مش الاسراف بس المشكلة العفسة اللي يسونها والاختراعات تصير مطنزة لخلق الله.

[(الفيصل)]

مرحبا يا خوي من قال اهل قطر كلهم اغنياء؟؟ وحتى الاغنياء مش لازم يكونون مسرفيين , ترى المشكلة مش الاسراف بس المشكلة العفسة اللي يسونها والاختراعات تصير مطنزة لخلق الله.
لا عفوا اختي انا قصدي ان كل هل قطر يتظاهرون انهم اغنياء ... وتحياتي

[ANONYMOUS]

لا عفوا اختي انا قصدي ان كل هل قطر يتظاهرون انهم اغنياء ... وتحياتي



صدقت

:D

[الراقية]

يفضل مثل ماهو دارج حاليا بدولة الكويت

ان يقوم الزوج بعمل ليلة له قبل حفلة الزفاف وتكون ليلة الزفاف مقتصرة على عائلة العروسين على الضيق

وبعدها يسافر الزوجين الى اي منطقة بالعالم لقضاء امتع الاوقات

وبعد الرجوع تقوم الفتاة بعمل يوم يسمى الاستقبال ( وهي حفلة على الضيق للصديقات والمقربون من الاهل والقرايب )

يعطيج العافية وفعلا صارت الزواجات حفل اسياد او اولمبياد مرهق ماديا ومعنويا

[PoBox]

كل هالمصاريف من الزوجة

ولا لو قالت ما ابي هالبهرجة
الريال وايد بيزعل يعني :deal:

(( توفير مالا يقل عن 100 ألف ريال ))

والله لو يسوي بال100 ألف ورق جدران في البيت ولما يهتري يرميه بالزبالة
احسن من هالصرف على ليلة وحده:eek2:

والله يهدي البنات ويكبر عقولهم .
( لحد يشمخ )


لو مايبي يزعل زوجته

ياخذ ال100 ألف ويوديها شهر عسل شهرين في جزر الواق واق او اي مكان راقي
على الاقل يستانسون بنفسهم
مب يخلون الناس يشوفون وبس

(( هذا فرضا لو قلنا 100 الف،، هالايام ارقام ابو سبعة ديجيت ماقامت تدخل عيون الناس ))

[السديم]

والله صادقه اختي الطرف الاغر ..

انا اشوف ان البنت من حقها تفرح وتستانس وهذي ليلة العمر .. وكل واحد لازم يسوي على قد امكانياته .. مثل ماقال اخوي الفيصل مد رجلك على قد لحافك يعني لا المبالغه مطلوبه ولا التقتير مطلوب .. الوسط هو افضل الحلول ..

يعني ترا اعراسنا من استوينا وعلى ايام جدانا كانت كذا ليله ليلة الحنه وليلة تنقي العيش وليلة دق حب الهريس والكل يجتمع ويسوي غير ليلة الهديه و و و و غير الدزة اللي كانت تترس غرف ..
بس اللي صاير هالايام ان الناس قامت تبالغ بأشياء مالها داعي مثل ماذكرتي الزفه من مادري وين والطاولات تكلف بالمبلغ الفلاني والفرقه مادري كم تحصل !!

والله يوفق كل واحد بالزوجه الصالحه اللي ترعاه وتقدر ظروفه وتعينه وتعاونه على دينه ودنياه ..

تحياتي :)

[دلة الرسلان]

يفضل مثل ماهو دارج حاليا بدولة الكويت

ان يقوم الزوج بعمل ليلة له قبل حفلة الزفاف وتكون ليلة الزفاف مقتصرة على عائلة العروسين على الضيق

وبعدها يسافر الزوجين الى اي منطقة بالعالم لقضاء امتع الاوقات

وبعد الرجوع تقوم الفتاة بعمل يوم يسمى الاستقبال ( وهي حفلة على الضيق للصديقات والمقربون من الاهل والقرايب )

يعطيج العافية وفعلا صارت الزواجات حفل اسياد او اولمبياد مرهق ماديا ومعنويا

مرحبا يا الراقية ........ وين مختفية , تدرين صحيح تكون الحفلة على الضيق اريح حتى لنفسية العروس اتذكر اعراس خواتي شلون مضغوطين والله ما نستانس كله علشان المعازيم يستانسون وبعدين نقعد نناقش مدى نجاح العرس واخفاقاته لا ونعطيه نسبة:deal:

[دلة الرسلان]

اتفق معاك يا البوكسينغ .......... ولو العريس يودي عروسة مكان رومانسي في شهر العسل بيستانس وبعدين بيذكرها فيه العمر كله.. :deal:

[دلة الرسلان]

والله صادقه اختي الطرف الاغر ..

انا اشوف ان البنت من حقها تفرح وتستانس وهذي ليلة العمر .. وكل واحد لازم يسوي على قد امكانياته .. مثل ماقال اخوي الفيصل مد رجلك على قد لحافك يعني لا المبالغه مطلوبه ولا التقتير مطلوب .. الوسط هو افضل الحلول ..

يعني ترا اعراسنا من استوينا وعلى ايام جدانا كانت كذا ليله ليلة الحنه وليلة تنقي العيش وليلة دق حب الهريس والكل يجتمع ويسوي غير ليلة الهديه و و و و غير الدزة اللي كانت تترس غرف ..
بس اللي صاير هالايام ان الناس قامت تبالغ بأشياء مالها داعي مثل ماذكرتي الزفه من مادري وين والطاولات تكلف بالمبلغ الفلاني والفرقه مادري كم تحصل !!

والله يوفق كل واحد بالزوجه الصالحه اللي ترعاه وتقدر ظروفه وتعينه وتعاونه على دينه ودنياه ..

تحياتي :)

سديم اللي اشوفه ان ما احد يمد لحافه على رجوله الكل يتباهي با اللي ما عنده بس ترى انا ما اناقش الاسراف لان هذا ناخر في الاسر الخليجية للاسف ,
اللي اشوفه في الاعراس هي محاولات التجديد بأفكار غريبة على الحفل حتى ضاعت ملامح العرس صار افتتاح دورة ما باقي الا المهرجين اللي في مهرجان مدهش :confused:

[غريب احساس]

نعم مبالغ فيه وبقوه ولكن وش نقول غير الله يعيننا على الحريم :)


بس سؤال للاخوات اللي ردن على الموضوع هل تقبلين بحفله مبسطه مافيها من الاموار هذي شي ..؟ بدون عاطفه اتمنى تكون الاجابه ..؟

يعطيك العافيه على الموضوع

[دلة الرسلان]

نعم مبالغ فيه وبقوه ولكن وش نقول غير الله يعيننا على الحريم :)


بس سؤال للاخوات اللي ردن على الموضوع هل تقبلين بحفله مبسطه مافيها من الاموار هذي شي ..؟ بدون عاطفه اتمنى تكون الاجابه ..؟

يعطيك العافيه على الموضوع


مرحبا يا غريب احساس .......... كثير من الحريم غير مقتنعين بالخرابيط في العرس بس يدورون في العجلة .. السؤال هل تملكين الجرأة على اقامة حفلة مبسطة لعرسك ؟؟

[غريب احساس]

مرحبا يا غريب احساس .......... كثير من الحريم غير مقتنعين بالخرابيط في العرس بس يدورون في العجلة .. السؤال هل تملكين الجرأة على اقامة حفلة مبسطة لعرسك ؟؟



طيب ليش ماتردين على السؤال بعد التعديل:con2:

[دلة الرسلان]

طيب ليش ماتردين على السؤال بعد التعديل:con2:

انا:eek: الله يهداك انا راعية الموضوع !!!!!! لا امزح:)

اخوي ما طرحت الموضوع الا لانني متضايقة جدا من المظاهر اللي كل اشوي نغوص فيها زيادة بدون ما حد يكون عنده الجرأة ويسن سنة حسنة , با النسبة لي راحت علي:eek3:
ولله الحمد, ولكن بالنسبة لابنتي انشاء الله اذا جاء الوقت المناسب ,فنعم بيكون عرسها منظم
بدون خرابيط , ترى اناقشها بعد كل عرس نروحه اكوكها .

[قمر الزمان]

بصراحة يا دلة الرسلان اول ما قرات الموضوع ما قدرت امسك حالي من الضحك على طريقة طرحك للموضوع كتير رائعة .. بعدين انتي ليش زعلانه فلوسهم وهمه حريين خليهم يصرفو :dance
هي ليلة بالعمر خليهم يبنسطو لانو بعدين راح يندمو :eek3: :eek3:

اكيد بمزح:nice:

[دلة الرسلان]

بصراحة يا دلة الرسلان اول ما قرات الموضوع ما قدرت امسك حالي من الضحك على طريقة طرحك للموضوع كتير رائعة .. بعدين انتي ليش زعلانه فلوسهم وهمه حريين خليهم يصرفو :dance
هي ليلة بالعمر خليهم يبنسطو لانو بعدين راح يندمو :eek3: :eek3:

اكيد بمزح:nice:

هلا يا قمر ... تبي تضحكين ؟؟ زين اشرايك با اللي تمشي( عروس) وهي ترقص يعني تهزهز من الباب لين توصل كرسيها ؟؟ زين عرس ثاني ما شفنا الا هجوم مباغت من خدم الفريج على منصة العرس شسالفه ؟؟ حركة يعني العريس دار العالم وما عجبتة الا ها العروس !!! مع انهابنت جيرانهم طل من فوق الطوفه وشافها:funny:
للاسف اصبحت الاعراس خبال

[قمر الزمان]

هلا يا قمر ... تبي تضحكين ؟؟ زين اشرايك با اللي تمشي( عروس) وهي ترقص يعني تهزهز من الباب لين توصل كرسيها ؟؟ زين عرس ثاني ما شفنا الا هجوم مباغت من خدم الفريج على منصة العرس شسالفه ؟؟ حركة يعني العريس دار العالم وما عجبتة الا ها العروس !!! مع انهابنت جيرانهم طل من فوق الطوفه وشافها:funny:
للاسف اصبحت الاعراس خبال

:D :D :D :D :D :D :app: :app: :app: :nice:
الله يسعد صباحك

[ABO MUBARAK]

أكثرهم بركــــــــــــــــــــــــــــــــــــــــــ ــــة أقلهم تكلفة.

[قارئةالفنجان]

اية واللة
معاج حق أختي
المظاهر وماتسوي
يعطيج الله العافيةcrazy

[دلة الرسلان]

ابو مبارك

قارئة الفنجان

شكرا على المرور:nice:

[امل الحب]

ايه والله يادلة صرف عالفاضي كله عشان يرضون الناس واخر شي ولايرضونهم ولاشي..

انا عن نفسي بسوي حفلة بسيطة اكون انا راضية فيها ومرتاحة ومريحة زوج المستقبل ولاتسوى علي يعايرني بالديون الي بيحطها على ظهره عشاان الناس..

[دلة الرسلان]

ايه والله يادلة صرف عالفاضي كله عشان يرضون الناس واخر شي ولايرضونهم ولاشي..

انا عن نفسي بسوي حفلة بسيطة اكون انا راضية فيها ومرتاحة ومريحة زوج المستقبل ولاتسوى علي يعايرني بالديون الي بيحطها على ظهره عشاان الناس..

كفو والله يا امل عجل اخبال ذا البنات وياليته عدل , شاكرة مرورك الكريم عزيزتي

[alwahesh]

التقليد وحب المظاهر هو السبب

[دلة الرسلان]

التقليد وحب المظاهر هو السبب


صدقت يا الوحش شاكرة لمرورك:nice: