جمس 83 رفرف شد بلد للبيع..

[وارد بالبيد]

السلام عليكم ورحمة الله وبركاته
ياشباب يوجد جمس حوض رفرف للبيع بالمواصفات التاليه:
الموديل/1983م
اللون/أحمــر
المحرك/350
ناقل الحركه/يدوي (عايدي)
المورًد/بالبيد
حالة البدي:
صبغة الوكاله بوجود رشه خفيفه في الجزء الخلفي من الرفرف الخلفي الأيمن وباقي البدي شد بلد.
ملاحظه/يوجد في الكبوت بعض المساحات الخاليه من البويه وظهور اللون الاسود الاصلي وذلك بسبب تعرض تلك الأجزاء للشمس.
المميزات الأخرى:
مكيف (بارد-حار)شغال,قزاز عايدي,تانكيين بترول واحد شغال والثاني يبيله صيانه, لون الداخلي أحمر.
حالة المحركات:
المكينه والقير والدفرنس حالتها جيده جداً وعلى الفحص.
وإليكم الصور

http://www.9m.com/upload/12-05-2007/0.558011789483.jpg.
http://www.9m.com/upload/12-05-2007/0.6869701178948485.jpg
http://www.9m.com/upload/12-05-2007/0.294480117890.jpg
http://www.9m.com/upload/12-05-2007/0.245440117898.jpg
http://www.9m.com/upload/12-05-2007/0.55433011789511.jpg
http://www.9m.com/upload/12-05-2007/0.795011789513.jpg

تحياتي للجميع..

[ALRAYYAN]

اخوي كم طالب فيه او كم واصلك ... وهل يتسجل في مرور قطر او لا ؟؟

[وارد بالبيد]

أخوي الريان..
والله الموتر مابعد سيم.. وأنا والله ماطلبت فيه سعر محدد..
وبالنسبه لتسجيله في مرور قطر أنا أقدر أصدره لك من السعوديه لقطر ولكن ماأدري عن نظام مرور وجمارك قطر هل يسمحون له بالدخول أم لا .. ولازم تسأل وتتأكد..
تحياتي للجميع

[كويتي فهمان]

مراااحب شخباركم

لو سمحت الموتر بااي منطقه عشان اذا قريب نشوفه


ولاهنت

[mlson]

بالتوفيق :)

[وارد بالبيد]

مرحبا شباب
الموتر في السعوديه - الرياض

تحياتي لكم

[ALRAYYAN]

طيب قولنا كم طالب فيه يالغالي وريحنا

[ANONYMOUS]

في الدوحه عشان يدش الموترويتسجل .. لازم يكون كلاسيك.. ويعدي 30 سنه..

هذا خبري بالقانون..
والله اعلم اذا جد جديد

[الكواري 1972]

مايتسجل

[وارد بالبيد]

أخوي الريان والله مالي حد.. خلونا نسمع سوماتكم يالربع..

تحياتي للجميع..

[abu-a7med]

السلام عليكم
الموتر مسيووم ولا ماابعد ساااموه
لك مني 10 الاف ريااال سعودي

[AL_MUTAEM]

مايتسجل بمرور قطر .. لازم واحد قطري يثبت انه مقيم بالمملكه لفترة اكثر من 6 شهور مثلا ككورس دراسي او دوره عمليه .. واذا اثبت ذلك يتسجل باسمه بمرور قطر ..

[shagyteacher]

ماشاء الله شكله نظيف

[ShRaR]

يا جماعه مرور قطر ماتسجل السيارات الكلاسك الا من 79 وقبل

[abu-a7med]

وينك ياراعي الجمس ؟
>>عطنا حدك بالموتر وكم سيم <<

[WARNING]

بالتوفيق اخوي

[وارد بالبيد]

السلام عليكم
ياشباب الحد 16000 ريال غير قابل للتفاوض..

تحياتي..

[abu-a7med]

الموتر وين في الريااض على شاان اشووفه بعيني واعطيك السوومه

[سعيدالهاجري]

مايتسجل في قطر

[S 350]

ممكن صوره

[al-abdulla]

السياره وين موجوده في قطر او في السعوديه في اي منطقه

[وارد بالبيد]

السلام عليكم
أخوي عبدالله .. السياره في السعوديه..

تحياتي..

[al-abdulla]

وين في السعوديه في الخبر اذ في الشرقيه اقريب من قطر عشان اجي اشوف الموتر

[ابوعزوز6]

اخبر نفس السياره ونفس المواصفات بالضبط ونضيفه بس رااعيها طالب 35 والموتر قطري وحلو

[وارد بالبيد]

أخوي عبدالله ..السياره في الدمام..
اذا جيت بتجي قبل الثلاثاء القادم بلغني أرسلك رقم صاحب السياره..
تحياتي..

[shaher]

لبيع جمس موديل 83 اللون بيج
المكينه 454 +عليه بساتن ضقط عالي+ كاربيتر هولي
الكيم شافت حجم كبير
مراوح كهرباء
الغير عايدي
الجنوط شمبر
مكيف + نوافذ كهرباء + قفل كهرباء
التواير بالون
وجه موديل 90
الخشب الي في الحوض خشب تيك اصلي
من داخل احمر
((والعجز من السواق))

الي يبي يشري موجود على الايميل
razeen666@hotmail.com

[مراقب السوق]

موتر روعه صراحه ... ومن داخل اشهد انه نظيف ...

والموتر على حاله في السعوديه رقم سعودي ...

يسوا من ال15 الى 20 ..

اما لوووووووحه قطريه ...

يوصل من 30ألف وفوق .. يوصل اكثر ..

تحياتي لك والله يربحك فيه

[راشد 55]

اخوي وارد بالبيد الله لايهينك ممكن رقمك عالخاص لاهنت

[محمد 2002]

واااااااااااارد بالبيد

الموووتر باقي ولا بعته

انا خااااطري في الموووتر

[الهزاع10]

السلام عليكم ورحمة اللة وبركاتة
الرجاء كيف التواصل مع صاحب الجمس
هذا ايميلي alsultan2901@hotmail.com