المالك هل يجوز يرفع الايجار على كيفه؟؟؟؟

[الدانة عنود]

السلام عليكم

ابي مشورتكم

انا ماجرة محل في شارع السلام

من سنه 2000

المهم كان يرفع الاجار على كيفه وبنسبه بسيطه 200 كل سنه

بعدين طلع القانون مال الاجار ورفع بقدر 10% من الايجار

قبل يومين قالي المالك يرفع تقريبن 100%

مثلن اذا كان الايجار 5000 الحين يبي يسويه 10000

هل هذا من حقه ولا شاسوي وين اروح المفروض اعتقد يرفع الايجار ليكون 5500
صح ولا انا غلطانه

وذاا كان صح كلامي شاسوي وين اروح من ينصفني

شكرا لكم جميعن

[الكواري 1972]

[quote=الدانة عنود]السلام عليكم

ابي مشورتكم

انا ماجرة محل في شارع السلام

من سنه 2000

المهم كان يرفع الاجار على كيفه وبنسبه بسيطه 200 كل سنه

بعدين طلع القانون مال الاجار ورفع بقدر 10% من الايجار

قبل يومين قالي المالك يرفع تقريبن 100%


شوفي اختي اذا العقار قديم يقدر يلعب

يقدر يروح يسوي له مخطط ويطلب من البلديه امر هدم وبناء من جديد
كذا هو يقدر يطلعك من المحل

ولكن اذا كان العقار جيد او شبه جديد صعبه شوي هذا يطلع في خبير ويحدد

والشئ الاخر مايقدر يزيد على كيفه لان العقد صريح وقرار الامير بعد صريح

واذا رفض يستلم الاجار يفضل ان ترسل له كتاب عن طريق البريد المسجل وتوضح به ان انت من يرفض استلام الاجار ويجب هذا يكون في اسرع وقت قبل فوات الاوان يعني من يجي يوم التسديد على طول تلفون له واذا رفض على طول كتاب موجه له وتخطره اذا مستلمت سوفه اضعه في المحكمه اللي في السد

نفرض انك وضعت في السد المبلغ هم بيعطونك وصل تروح انت بعد ترسل له عن طريق البريد المسجل

والاهم ان في عقد اجار بينكم

وسلامتك

[التيما]

ما قصر الاخ بو محمد اتبعي اللي قاله والله يوفقج

[ريان]

مرحبا اختي الدانه

انا نفس المشكله في نفس الشارع عندي محل من سنه 94

وكان الاجار 2000 ورفع الاجار الى 3000 مره وحده.وماقلت شي لان السعر

بالنسبه للشارع معقول ( شارع السلام )


القانون منحقه انه يرفع 10% كل سنتين . وعلى قولت اخوي بومحمد

ادفعي في المحكمه

[bo_hamad]

انا صاحب مكتب عقاري

المالك ما يقدر يرفع الايجار لو انتي صامدة على حقج 10% فقط

ممكن لو ما يغي يجدد العقد روحي المحكمة وضعي مبلغ الايجار في الصندوق

لو المالك يبغي يلعب ويلف ويدور خليه على كيفه وخليه يروح البلدية يطلع له رخص هدم وفي هذه الحالة رايح يقدم اشعار بالهدم استلمي الاشعار وامرج على الله .. اذا ما سوى الهدم ممكن توكلين محامي وترفعين عليه دعوى في المحكمة ومطالبته بالتعويض

والله الموفق وتحياااتي

[الكواري 1972]

ما قصر الاخ بو محمد اتبعي اللي قاله والله يوفقج


ماعليك زود يالطيب

[SULTAN1]

تبين الراي الاحسن ،التفاهم مع المالك افضل في نهايه الامر انتي محتاجه له مثل ما هو محتاج للايجار،بعدين القراراللى يمنح 10% بينتهي قريبا وبعدين ايس بتسوين،،مرة ثانيه التفاهم احسن للطرفين .والله يوفقك الجميع