أريد شراء سيارة ولكن ؟؟؟؟؟؟؟؟؟؟؟؟

[فتى البورصة]

ارغب بشراء سيارة بقيمة لا تزيد عن خمسة آلاف ريال قطري بالتقسيط أو بالتأجير 0


ما هي أفضل شركة تمويل تعطي أقل نسبة وأقل إجراءات 0


آمل لمن لدية معلومات جيدة وقديرة التكرم بالمشاركة 00ولكم مني فائق الشكر والعرفان 0


تحياتي,,,,,,,,,,,,,,

فتى البورصة,,,,,,,,,,,,,

[الـخـور]

5000 ريال .. وبالتقسيط بعد ؟
الله يعينك

[ANONYMOUS]

انصحك ماتشتري ب 5000 الاف سياره.. لانك بتصرف عليها اضعاف في التصليح..

اما لو قصدك 500,000 ريال..

اشتر لك نص اودي جديد

[bo_hamad]

بالتوفيق

[بوخالد2]

5000 ريال وعيل ليش قاعد اتزايد و الشباب في اسعار السيارات ؟؟؟؟

اخوى امس في مزايد لسيارات الجيش كان رد الله يسلمك عندهم سيارات زينه وان شاءالله اتحصلك فيها شي

تقبل تحياتي

[BoFahed]

5000 ريال وعيل ليش قاعد اتزايد و الشباب في اسعار السيارات ؟؟؟؟

اخوى امس في مزايد لسيارات الجيش كان رد الله يسلمك عندهم سيارات زينه وان شاءالله اتحصلك فيها شي

تقبل تحياتي


اخوي بو خالد وين مكان المزاد وابي اعرف هل عندهم فورويل

[سيف الدين]

5000 ريال وعيل ليش قاعد اتزايد و الشباب في اسعار السيارات ؟؟؟؟

تقبل تحياتي

:app:

[وحيد-الشوق]

ياشباب يمكن قصده الاقساط 5000 ريال شهريا :con2:

[فتى البورصة]

ياشباب يمكن قصده الاقساط 5000 ريال شهريا :con2:

الشيخ قصدي السيارة بقيمة 5000 ريال

[وحيد-الشوق]

مااعتقد فيه سياره ب5000 اقساط لا وبعد عن طريق شركات تمويل

خلك واقعي شوي اخوي فتى البورصة crazy

[فتى البورصة]

مااعتقد فيه سياره ب5000 اقساط لا وبعد عن طريق شركات تمويل

خلك واقعي شوي اخوي فتى البورصة crazy

فيه يا الشيخ موجود
انا حصلت لكن بدون مكيف والموتر شدة وكالة وتصلح لفصل الشتاء
طبعا الموديل 1978 مازدا

[ولد قطــــــر]

الشيخ قصدي السيارة بقيمة 5000 ريال


اخوي 5000 واقســـاط؟؟؟؟؟ اي شركه تمويل اللي بتعطيييك تمويل على هالسعر؟؟؟ زين وكم الدفعه الاولى ؟؟؟؟ 200 ريال :d :d وقسط 100 ريال على 60 شهر :d :d

[a7medooo]

اخوي انا عندي رنجات اودي الجديده وطالب فيهم 4000 ريال ..اخذهم ودبرلك بدي

[ALRAYYAN]

وانا عندي مكيف وطالب فيه 2500 سبلت ال جي ركبه ع المازدا حق فصل الصيف

عليك سوالف يافتى البورصه ... بس والله موضوعك مسوي جو ولا عليك من السوالف

[الـخـور]

عندي مرسدس 280 موديل 83

نظيف وومتاز .. هو عند الوالد. يمكن يبيعه لك اب 5000 اذا تبي بكلمه لك

[ابوعزوز6]

فيه بيجو موديل 77 عند هندي دوبي يبي ابيعه اقصاد وتدفع له كل شهر 2500 اشرايك الصراحه ليفوتك 0 وموضوعك فعلا امسوي جو وضحكني ونبي المزيد يالغالي

[فتى البورصة]

الشيخ يمكن الاعضاء مستغربين من طرح الموضوع
انا ابغي سيارة حق البحر ، حق الكورة
قلنا خل نأخذ لنا مثل هذه السيارات بالاقساط

[وحداني قطر]

انا عندى رنقات خان 22 زينه تخلى الموتر المازدا فورويل :funny:

[PoBox]

الشيخ يمكن الاعضاء مستغربين من طرح الموضوع
انا ابغي سيارة حق البحر ، حق الكورة
قلنا خل نأخذ لنا مثل هذه السيارات بالاقساط

حق البحر اوكي فهمنا
بس شلون يعني حق الكورة ، اسمحلي فهمي على قدي مافهمت !!:eek2:

[ANONYMOUS]

حق البحر اوكي فهمنا
بس شلون يعني حق الكورة ، اسمحلي فهمي على قدي مافهمت !!:eek2:


يعني بديها كبير.. يصلح فيه لعب كوره..


شوفوله مازدا طويله..


:D


اعتقد يقصد .. مم يروح فيها الحوطه اللي في بوهامور.. ويلعبون كوره.. عقب اللعب الانسان يكون معرق وحالته حاله.. حرام يركب رنج سبورت :dance

[ALRAYYAN]

ههههههههههههههههههههههههههههه ... والله انا مستمتع بالموضوع ع الآخر

[وحيد-الشوق]

هههههههههههههههههههههههههههههههههههههه :funny: :funny: :funny:

ردودكم ياشباب تفطس من الضحك :strong

والله انت تجيب الكلام حق نفسك اخوي فتى البورصة

[فتى البورصة]

هههههههههههههههههههههههههههههههههههههه :funny: :funny: :funny:

ردودكم ياشباب تفطس من الضحك :strong

والله انت تجيب الكلام حق نفسك اخوي فتى البورصة

يا وحيد الشوق انا ما اجيب الكلام حق نفسي
انا ابغي هذه السيارة
وانا كنت ابغيها حق لعب الكورة لان تدري الجو الحار اللي عندنا والواحد لاعب كورة ومعرق مش معقولة اركب موتري الرنج سوبر شارج وانا بهذه الحالة

[ALRAYYAN]

يا وحيد الشوق انا ما اجيب الكلام حق نفسي
انا ابغي هذه السيارة
وانا كنت ابغيها حق لعب الكورة لان تدري الجو الحار اللي عندنا والواحد لاعب كورة ومعرق مش معقولة اركب موتري الرنج سوبر شارج وانا بهذه الحالة

فتى خل نتكلم جد شوي وانخلي عنا الغشمره

ياخي الله يهنيك بالرنج مالك ويحفظك وانت فيه يارب
بس اخوي الحين في قطري ماعنده 5000 ريال ... ترى محد علق على انك تبي موتر بـ 5000 ريال لأن هالشي عادي
انا من كم يوم طالب موتر للسواق بـ 10 الآف وتحت
بس انت من صجك تبي تمويل وادور شركه تقسط لك موتر قيمته 5000 ريال .. وتاخذ عليك فوائد بعد

حدث العاقل بما لايليق فإن صدق العاقل فلا عقل له

وايد ناس يدورون مواتر رخيصه حق غرض معين ... للسايق او لمثل حالتك او للبحر او للبر او او او ... الخ

ياخي انت مستوعب 5000 ريال يعني شنو ... يعني قيمة جوال اخوي
انت الحين تدخل الجمعيه ولا كارفور تترس لك جاري بـ 2000 ريال وتطلع حق الشهر كامل

وبصراحه ولاتزعل من كلامي ... شركات التمويل معروفه في الدوحه ومو من كثرها
يعني لو انت جاد وتفكر بهالفكره اللي طرحتها هني بالمنتدى بتروح بنفسك لهالشركات
بس انت تدري ومقتنع ان طلبك مايستحق حتى فتح ملف في اي شركة تمويل
ولو رحت لهم انت متاكد انهم اسمحلي يعني بيضحكون على طلبك الغريب

والسموحه ع الاطاله :)

[][ الوحيد ][]

هع هع هع هع هع هع

تبي موتري الجمس؟؟؟

الزيادات

هدرز ومكينه جديده وجرافات

يضرب الطعس ولا في امل يوقف

بـــ4500 اخذه
يلا رخصت لك 500 عن السعر اللي تبيه


الله يهداك بس

[الـخـور]

يا وحيد الشوق انا ما اجيب الكلام حق نفسي
انا ابغي هذه السيارة
وانا كنت ابغيها حق لعب الكورة لان تدري الجو الحار اللي عندنا والواحد لاعب كورة ومعرق مش معقولة اركب موتري الرنج سوبر شارج وانا بهذه الحالة


يعني عقب هالكلام بتقنعنا ان عندك رنج سبورت و سوبر شارج بعد


و 5000 ريال ماتقدر عليها الا بالاقساط

شكلك عيل تبدل الايل بالاقساط .. والجمعيه بالاقساط
حتى الجريده يمكن بالاقساط


الله يهداك بس

[الكواري 1972]

اممممممممممممممم

ههههههههههههههههههههههههههههههههههههههههههههه هه

احوال عجيبه

الصارحه ردودكم عجيبه

ادمعت عيني من الضحك

:)

[الصير781]

قال وشو قال يبي 5000 اقساط

ياراعي الرنج السوبر شارج انت سفايف موترك وتشيكات الايل وغيره اكثر من هالسعر

اشلون تبي شركه تمولك 5000 اقساط

عندي لك فكره... روح سوق العلي وخذلك حصاله وكل يوم قط فييها 50 ولا 100 بعدين خذلك االموتر...

[زيدان2005]

عندنا في العزبة عنز امسويا ازعاج تعال خذها وحطها دفعة اولى للموتر:dance

[PoBox]

ترا الاولى للتمويل تقصد هالسوالف
يقصطون جوال بقيمة 1200 على 6 شهور

مايقسطون قاري ب5000 ريال





:funny: :funny:



ترا اتكلم من جد
الاولى يمولونك


بس عقب يوم تبدل سفايف الرنج بالفردان
عطهم القاري راس براس مع السفايف

[فتى البورصة]

الطيبين السوبر شارج
ربعي هم اللي يبدلون لي السفايف لانهم هم يستخدمون الموتر
والله لو تدرون يا الربع ان حالتي صعبة هذه الايام
خساير في البورصة
ديون علي في البنك
اكثر من 3 ملايين يطالبني البنك
الله يستر
جان مع الايام انحط في السجن !!

[][ الوحيد ][]

الطيبين السوبر شارج
ربعي هم اللي يبدلون لي السفايف لانهم هم يستخدمون الموتر
والله لو تدرون يا الربع ان حالتي صعبة هذه الايام
خساير في البورصة
ديون علي في البنك
اكثر من 3 ملايين يطالبني البنك
الله يستر
جان مع الايام انحط في السجن !!


يبي يصرف السالفه

[وحيد-الشوق]

الطيبين السوبر شارج
ربعي هم اللي يبدلون لي السفايف لانهم هم يستخدمون الموتر
والله لو تدرون يا الربع ان حالتي صعبة هذه الايام
خساير في البورصة
ديون علي في البنك
اكثر من 3 ملايين يطالبني البنك
الله يستر
جان مع الايام انحط في السجن !!

الله يكون في عونك omen بس احس انك خرااااط :dance :dance

[سيف الدين]

الله يكون في عونك omen بس احس انك خرااااط :dance :dance






:dance :funny:

[ALRAYYAN]

الطيبين السوبر شارج
ربعي هم اللي يبدلون لي السفايف لانهم هم يستخدمون الموتر
والله لو تدرون يا الربع ان حالتي صعبة هذه الايام
خساير في البورصة
ديون علي في البنك
اكثر من 3 ملايين يطالبني البنك
الله يستر
جان مع الايام انحط في السجن !!

والله في حياتي ماشفت تناقض جذي يافتى البورصه

واحد مديون بـ 3 ملايين ومعرض للسجن وعنده موتر قيمته 250 الف
لا ومخلي الموتر الرنج سبورت سوبر شارج سبيل حق ربعه
وبعدين اذا انت مديون للبنك بـ 3 مليون ... معناته انك سنير وراتبك مو اقل من 30 الف ريال
واحد مديون بـ 3 مليون ومايخلي موتر مايزايد عليه في المنتدى
ياخي احنا مو بزران تقعد انت تضحك على عقولنا

استح على وجك تراك رجال بو عيال والله رازقك بتوم على قولتك من كم يوم ومنزل موضوع نصايح بالهبل في الاستراحه مادري التهاني

لاحول ولا قوة الا بالله

انت ياقاعد تستخف بعقولنا في هالمنتدى
يانك مريض وتحب اتضحك الناس عليك

بصراحه من يوم ورايح بتفرج على مواضيعك بس بدون تعليق
لأن الكلام معاك ضايع

[وحيد-الشوق]

والله الواحد وده ياحذ 350S بانوراما لان صج موتر لكن تشيكاته غالية جدا مقارنة مع راتبي البالغ 33000 الف ريال



في احد الردود تقول راتبك 33000 الف ريال وماتقدر تشتري سيارة ب5000 ريال ولا بعد

تبيها بأقساط :court: الصراحة الواحد ماقام يعرف انت صادق ولا لا crazy

[الـخـور]

هالموضوع المفروض يتغير عنوانه ... يصير جلسة مصراحه مع فتى البورصه

الله يهديك بس يافتى البورصه... اخاف فالاخير تطلع صبي توك في الاعداديه

[][ الوحيد ][]

هاهاهاهاهاهاهاي

عاد احين صج صج جبت الكلام حق نفسك

[سهم طايح]

انا اقول نقتص من الريال

[boalia]

الرجال يقول لكم مديون
طابين في بطنة
قاعدين له قعدة

[فتى البورصة]

[ الوحيد ][']يبي يصرف السالفه
بالعكس الشيخ انا ما ابغي اصرف السالفة !!

[فتى البورصة]

الله يكون في عونك omen بس احس انك خرااااط :dance :dance

الشيخ انا مش خراط انا صادق

[فتى البورصة]

:dance :funny:

:mad: :mad:

[فتى البورصة]

والله في حياتي ماشفت تناقض جذي يافتى البورصه

واحد مديون بـ 3 ملايين ومعرض للسجن وعنده موتر قيمته 250 الف
لا ومخلي الموتر الرنج سبورت سوبر شارج سبيل حق ربعه
وبعدين اذا انت مديون للبنك بـ 3 مليون ... معناته انك سنير وراتبك مو اقل من 30 الف ريال
واحد مديون بـ 3 مليون ومايخلي موتر مايزايد عليه في المنتدى
ياخي احنا مو بزران تقعد انت تضحك على عقولنا

استح على وجك تراك رجال بو عيال والله رازقك بتوم على قولتك من كم يوم ومنزل موضوع نصايح بالهبل في الاستراحه مادري التهاني

لاحول ولا قوة الا بالله

انت ياقاعد تستخف بعقولنا في هالمنتدى
يانك مريض وتحب اتضحك الناس عليك

بصراحه من يوم ورايح بتفرج على مواضيعك بس بدون تعليق
لأن الكلام معاك ضايع

الشيخ في البداية اشكرك من قلبي على تواصلك الرائع مع الاعضاء

قلت : ياخي احنا مو بزران تقعد انت تضحك على عقولنا
وانا اقول : انتوا مش بزارين انتوا كبار وانا ما قاعد اضحك على عقولكم

قلت : استح على وجك تراك رجال بو عيال والله رازقك بتوم على قولتك من كم يوم ومنزل موضوع نصايح بالهبل في الاستراحه مادري التهاني
وانا اقول : على شنو استح من وجهي واشدخل وجهي في السالفة واشدخل اني عندي عيال واني مقدم موضوع نصايح بالهبل
ولازم تتاكد هل اني قدمت النصائح في قسم الاستراحة ام قسم آخر !!


قلت : لاحول ولا قوة الا بالله
وانا اقول : ونعم بالله

قلت : انت ياقاعد تستخف بعقولنا في هالمنتدى
يانك مريض وتحب اتضحك الناس عليك
وانا اقول : انا ما قاعد استخف عليك
وانا الحمد لله مش مريض ولا اني قاعد في سيرك علشان اضحك الناس

قلت : بصراحه من يوم ورايح بتفرج على مواضيعك بس بدون تعليق
لأن الكلام معاك ضايع[/QUOTE]
وانا اقول : الباب يسع جمل وانت على راحتك تبغي تتفرج ، تبغي اتشاركني في مواضعي
الحرية بيدك يا الشيخ

والله لا يحرمني منك ومشكور يا الطيب

[فتى البورصة]

هالموضوع المفروض يتغير عنوانه ... يصير جلسة مصراحه مع فتى البورصه

الله يهديك بس يافتى البورصه... اخاف فالاخير تطلع صبي توك في الاعداديه

لا تخاف اخوي ، طلعت انا من المدرسة:funny: :funny: :funny: :funny:

[فتى البورصة]

[ الوحيد ][']هاهاهاهاهاهاهاي

عاد احين صج صج جبت الكلام حق نفسك

الحمد لله انه في تواصل من الاعضاء الطيبين

[فتى البورصة]

انا اقول نقتص من الريال

الشيخ انا ما سويت جريمة علشان تقتص مني !!
:dance :dance :dance :dance

[فتى البورصة]

الرجال يقول لكم مديون
طابين في بطنة
قاعدين له قعدة

وانا اتفق معاك يا بوعلي
انا مديون
وما ادري ليش الاعضاء قاعدين لي قعده
اللي يبغي يقتص مني
واللي ايقول اني استهبل عليه
واللي يقول اني طالب في الاعدادية

الموضوع موضوع سيارة مش موضوع سب وشتم وسخرية !!

[ALRAYYAN]

هذا رابط الموضوع اللي منزله في المنتدى وتقول ان الله رزقك بتوأم وتارسه نصايح انت بنفسك ماتطبقها

http://www.qatarshares.com/vb/showthread.php?t=110469

وقبلها بشهرين منزل موضوع وتقول ان الله رزقك بمولود وسميته طلال وهو المولود العاشر

وهذا الرابط

http://www.qatarshares.com/vb/showthread.php?t=96795

خاطري تفسرها لي ياعنتر زمانك !!!!!!!!!!!!!!!!!!!!!!!!!!! :confused:

[الغـــيور]

اخوي الريان الموضوع كان حلو واشزينه وعجب غلب الاعضاء ليش ماخذه بجديه ومعصب ...
اخونا فتى البورصه على مااتوقع يمكن كان يقصد انه يبغي موتر بقصد 5000 وجاف ردوود الشباب تضحك اشوي فماحب يغير الجو فخلانا نغير جو اشوي وونسنا بهالموضوع.
ويمكن من الاساس داش يبي يتغشمر ويانا ..
مافيها شي خلونا نغير جو طول الوقت جديه وكلام رسمي مايصلح.
وتكفون يالربع لاتزعلون من بعض وكلنا اخوان من فتره احد الاعضاء ترك المنتدى بسبب بعض الردود عليه وواحد ثاني بعد بسبت نفس السالفه.
مانبي نخسر حد وكلنا ربع واخوان.

اقول اخوي فتى البورصه ابشر بالتمويل مني والارباح تقول للعجوز تدعيلي بالتوفيق.

[فتى البورصة]

هذا رابط الموضوع اللي منزله في المنتدى وتقول ان الله رزقك بتوأم وتارسه نصايح انت بنفسك ماتطبقها

http://www.qatarshares.com/vb/showthread.php?t=110469

وقبلها بشهرين منزل موضوع وتقول ان الله رزقك بمولود وسميته طلال وهو المولود العاشر

وهذا الرابط

http://www.qatarshares.com/vb/showthread.php?t=96795

خاطري تفسرها لي ياعنتر زمانك !!!!!!!!!!!!!!!!!!!!!!!!!!! :confused:

الزين اشدخل موضوع ان الله رزقني بمولودين
في هذا الموضوع يا الرياني

اخوي لا تشد اعصابك ولا شي وانت اخوي
وانا اقولها في هذا المنتدى
ما ابغي احد يزعل مني وكلنا اخوان يا الطيب

[فتى البورصة]

اخوي الريان الموضوع كان حلو واشزينه وعجب غلب الاعضاء ليش ماخذه بجديه ومعصب ...
اخونا فتى البورصه على مااتوقع يمكن كان يقصد انه يبغي موتر بقصد 5000 وجاف ردوود الشباب تضحك اشوي فماحب يغير الجو فخلانا نغير جو اشوي وونسنا بهالموضوع.
ويمكن من الاساس داش يبي يتغشمر ويانا ..
مافيها شي خلونا نغير جو طول الوقت جديه وكلام رسمي مايصلح.
وتكفون يالربع لاتزعلون من بعض وكلنا اخوان من فتره احد الاعضاء ترك المنتدى بسبب بعض الردود عليه وواحد ثاني بعد بسبت نفس السالفه.
مانبي نخسر حد وكلنا ربع واخوان.

اقول اخوي فتى البورصه ابشر بالتمويل مني والارباح تقول للعجوز تدعيلي بالتوفيق.

يعطيك العافية يا الغيور :shy: :shy: :shy:
صج انك تغار علي يا الغالي:rolleyes: :rolleyes: :rolleyes:
ومشكور على مرورك الرائع:app: :app: :app:

[سهم طايح]

فتى البورصة

اعتذر عن الكلام السابق اذا ما عجبك مع اني كتبته من باب المداعبة

عموما اخوي اذا ماحلصت ممول او شركة تمويل للسيارة ( 5000 ) ريال فانا وقدام الاعضاء كلهم راح امولك هالمبلغ والمطلوب اخوي :

1- شهادة اثبات عمل وراتب .
2- صورة من البطاقة الشخصية للمشتري .
3- صورة من البطاقة الشخصية للبائع .
4- ملكية السيارة .
5- التمويل بدون فوائد .

[لمت داون111]

لاتعليق !!


























:looking:

[فتى البورصة]

فتى البورصة

اعتذر عن الكلام السابق اذا ما عجبك مع اني كتبته من باب المداعبة

عموما اخوي اذا ماحلصت ممول او شركة تمويل للسيارة ( 5000 ) ريال فانا وقدام الاعضاء كلهم راح امولك هالمبلغ والمطلوب اخوي :

1- شهادة اثبات عمل وراتب .
2- صورة من البطاقة الشخصية للمشتري .
3- صورة من البطاقة الشخصية للبائع .
4- ملكية السيارة .
5- التمويل بدون فوائد .

كلامك اخوي السابق ثلج على صدري
وشاكر لك مرورك الرقيق

[ALRAYYAN]

الزين اشدخل موضوع ان الله رزقني بمولودين
في هذا الموضوع يا الرياني

اخوي لا تشد اعصابك ولا شي وانت اخوي
وانا اقولها في هذا المنتدى
ما ابغي احد يزعل مني وكلنا اخوان يا الطيب

هههههههههههههههههههههههههههههه

بس للحين مافسرتها شلون بين هالمولود والتوأم اقل من شهرين

انا مصمم اعرف اذا ماعندك مانع ... لو تعطينا الوصفه بس :con2:

لأن انا اللي اعرفه ان بين المولود والثاني ع الاقل 10 شهور او سنه

هذا بالنسبه للناس العاديين يعني :funny:

[ANONYMOUS]

خلاص يشباب بنسوي قطيه

على 50 ريال..

ولين اكتمل المبلغ..

بنعطيه الريال.. وبنخليه يوقع 20 شيك بالمبلغ

وكل دفعهةيعطينا اياها.. نرد له شيك من الشيكات لين يخلص المبلغ

وانشالله يكون لوجه الله.. ونسمي هالمبلغ تفريج كربه.. يدور عالاعضاء

شقلتوا؟

[فتى البورصة]

الشيخ انا الحمد لله ما اتسول

[الـخـور]

فتى البورصه .. بس ابغيك تكون صادق ولو مرة وحده بس
وتجاوبني على هالسؤوال

كم عمرك؟

[فتى البورصة]

فتى البورصه .. بس ابغيك تكون صادق ولو مرة وحده بس
وتجاوبني على هالسؤوال

كم عمرك؟

اشدخل الحين عمري في شراء سيارة
ولا يهمك
عمري فوق 18 سنة
مسموح له انه يطلع له سيارة بالاقساط!!

[الـخـور]

اشدخل الحين عمري في شراء سيارة
ولا يهمك
عمري فوق 18 سنة
مسموح له انه يطلع له سيارة بالاقساط!!


اشك صراحه .. فوق ال 18 يعني كم بالضبط ؟

[ALRAYYAN]

هههههههههههههههههههههههههههههه

بس للحين مافسرتها شلون بين هالمولود والتوأم اقل من شهرين

انا مصمم اعرف اذا ماعندك مانع ... لو تعطينا الوصفه بس :con2:

لأن انا اللي اعرفه ان بين المولود والثاني ع الاقل 10 شهور او سنه

هذا بالنسبه للناس العاديين يعني :funny:

اخوي فتى ليش ماترد على سؤالي ... ياليت ترد علي وتفسر لنا موضوع مواليد السعاده ;)

[سهم المراقيب]

الله يصلح باللك فتى البورصة :con2: ,,

لك مواضيع مميزة ,, :strong :court: :court:
وفي نفس الوقت لك مواضيع مادري من وين تجيبها وايش الهدف :funny: :funny: ,,

مافي مشاكل,, وان شاء الله تعيّن مطلبك :nice: :D

[ورقــة أمــل]

:con2: :con2: :con2: :con2:
:con2: :con2: :con2:
:con2: :con2:
:con2:
:looking:

[ANONYMOUS]

الشيخ انا الحمد لله ما اتسول


عزيزي المبلغ مش صدقه..

سلفيه..

وتدور السلفيه على كل الاعضاء.. اي واحد محتاج.. ويكون مضطر.. يجيه الدور..

وعشان ماتزعل.. انا عقبك.. :)

[ح فهد]

هذا رابط الموضوع اللي منزله في المنتدى وتقول ان الله رزقك بتوأم وتارسه نصايح انت بنفسك ماتطبقها

http://www.qatarshares.com/vb/showthread.php?t=110469

وقبلها بشهرين منزل موضوع وتقول ان الله رزقك بمولود وسميته طلال وهو المولود العاشر

وهذا الرابط

http://www.qatarshares.com/vb/showthread.php?t=96795

خاطري تفسرها لي ياعنتر زمانك !!!!!!!!!!!!!!!!!!!!!!!!!!! :confused:

ماتدري يالريان بالحركات الى قاعد يسويها فتى يمكن يبي كل الاعضاء يعرفونه واو يبي يزيد عدد مشاركاته او فيه شي مب طبيعي الريال

[PoBox]

هههههههههههههههههههههههههههههه

بس للحين مافسرتها شلون بين هالمولود والتوأم اقل من شهرين

انا مصمم اعرف اذا ماعندك مانع ... لو تعطينا الوصفه بس :con2:

لأن انا اللي اعرفه ان بين المولود والثاني ع الاقل 10 شهور او سنه

هذا بالنسبه للناس العاديين يعني :funny:

عادي ياالريان
فتى البورصة
متزوج من ثنتين

وصادف ان الوضع كان متقارب
عاد اخوي فتى الله يعينك على مصاريف الحفاضات والحليب حق 3 يهال
والله بلشة






























:funny:

[M O 7 A M M E D]

يغلق بسبب الخروج عن صلب الموضوع ..