44 شغلة ؟؟؟؟؟؟؟( متملل قلت اكتب اي شي ) [الأرشيف]

مشاهدة النسخة كاملة : 44 شغلة ؟؟؟؟؟؟؟( متملل قلت اكتب اي شي )

قمرهم كلهم.

16-05-2007, 04:43 PM

ماشاء الله عليه
44 شغلة
لازم الريال يسويها عشان مرته قلبها ينبض
وغير الـــ 44 شغلة لاتنسين ايجار البيت واغراضه ,واقساط السيارة ,ومصاريف الملابس حق المناسبات , وتعال سفرني .
مساكين الرياييل وعلى كل هذا الريال يطلع اهوا الغلطان وحتى لو يبي يفتك ويطلق بينكسر ظهره بالنفقة .
لوووووووول .:eek2: :eek2:

انا اقول بني ادم ما يملي عيونه شي
ونادر بهالزمن اللي يتحمل شريكه بالحلوة والمرة
بالعربي مهما عطيت يبي بعد
يعني اذا واحد غني قالت انت مقصر معاي بوجودك الى جانبي وبسوالفك ورومنسيتك وحنانك الخ...
واذا واحد على قد حاله ومجابلها :D تبي تسافر ,وتبي سيارة جديدة ,وتبي تطلع كل يوم مطعم غير شكل..:deal:
اذا بكمل كلامي ماراح اخلص لي بكرة
لا احد يفهمني غلط ان مب قاعد ادافع عن الرجال لانه في رجال حتى التراب مايملى عيونهم
ومو كفو حتى تبتسم زوجته بوجهه .
قالها الرويشد ( ما في احد مرتاح ) crazy crazy crazy

غريب احساس

16-05-2007, 05:04 PM

تنصحني اجلس عزوبي احسن:con2:

haneen

16-05-2007, 05:24 PM

أخي الفاضل
أنتم من علمتوهن ذلك
لاتريدوها أن تتحمل المسئولية وتشارك مع أنها تجيد ذلك
لبيتم طلباتها وطلباتك التي تكسر الظهر واستسهلتم القروض وغصتم في بحر المظاهر

التيما

16-05-2007, 05:33 PM

التيما

16-05-2007, 05:36 PM

أخي الفاضل
أنتم من علمتوهن ذلك
لاتريدوها أن تتحمل المسئولية وتشارك مع أنها تجيد ذلك
لبيتم طلباتها وطلباتك التي تكسر الظهر واستسهلتم القروض وغصتم في بحر المظاهر
دخيل الله المره الحين تتحمل كل المسؤوليه جان زين يرحمون الحريم منها .. اي مسؤوليه تقصدين ؟؟؟ والله ماكو احلى من قعده البيت للوحده :eek3: :eek3:

لمت داون111

16-05-2007, 05:59 PM

لو كل واحد عرف دوره وما اهمل واجباته ويعطي الطرف الثاني حقوقه وكان الريال ريال والمرأه مرأه وما تبادلوا الادوار ماراح يكون في تعاسه زوجيه .. لكن تبون الوحده تشتغل وتصرف عالبيت وتربي اليهال .. صار دورها اهم من الريال .. ابي واحد جريء يقول اللي يسويه الريال واللي تسويه المره عشان تعرفون ان الادوار انقلبت وصارت المره من حقها عقب ما تنازل الريال عن بعض ادواره انها تاخذ مركز القوه في البيت ليش تشتكون الحين ؟؟؟
اختي التيما .. مساعدة المرأه لزوجها صارت مطلوبه في هالزمن للأسف .. الحياه صارت اصعب من اول .. بس المقتدر والي الله فاتحها عليه .. هذا ماعنده سالفه يخلي زوجته تشتغل

وحتي لو الزوجه تشتغل هذي مب معناه انها شايله كل شي علي راسها .. ترا حياه الرجال اصعب من الحريم .. وخاصه للمتزوج ومسؤولياته اتجاه زوجته واطفاله اصعب مما تظنين نظرا لظروف ومتطلبات الحياه .. ومايحتاي اشرح اكثر من جذي .. لاني اشوف بعيوني حياه المتزوجين شلون صعبه .. ولكني مب متزوج ( للأسف ) عشان اشرح مواقفهم

وعلي فكره مب عشان الزوجه تشتغل خلاص صارت هي ريال البيت .. المرأه تبقي مرأه .. والمهام الزوجيه متبادله بين الاثنين .. يعني لايصح انه المرأه تشتغل وتربي الاعيال والزوج طلعات وسفر مع ربعه .. ولا يصح ايضاً انه الريال يربي ويشيل اعياله وزوجته في الاعراس والمناسبات وكله حش في حش !!:deal:

بصراحه انا مستغرب من تفكير بعض الحريم ليش يظنون انهم شايلين الدنيا علي راسهم ؟؟ وانهم يسوون كل شي والريال ياكل ويشرب ويمش يده بالطوفه ؟؟ crazy

وانا اسألج اذا تظنين انه المرأه المتزوجه والموظفه وعندها اعيال .. تظن انها بتقدر تعيش بلا زوجها وتلبي جميع متطلبات الحياه ومتطلبات اطفالهم .. عيل ليش انخلق الرجال ؟ ليش الله ماخلق حواء بس ؟ ويجيها اعيال مثل مريم العذراء .. مب احسن:con2:

عموما باختصار .. الزواج معادله بسيطه وتوزيع الادوار بين الزوجين شي مفروض حتي لايتعلم أيا منهم الاهمال والكسل باداء المهام المفروضه عليه او عليها

عموما هذا رأيي الخاص .. والسموحه علي الاطاله .. والله الموفق :)

haneen

16-05-2007, 06:18 PM

دخيل الله المره الحين تتحمل كل المسؤوليه جان زين يرحمون الحريم منها .. اي مسؤوليه تقصدين ؟؟؟ والله ماكو احلى من قعده البيت للوحده :eek3: :eek3:

عزيزتي التيما اقرئي رد أخونا لمت داون ،،،تحياتي

دلة الرسلان

16-05-2007, 08:18 PM

ين ال44 شغلة يا قمرهم ؟؟ تبغون الجد جد ؟ الزوجة الموظفة اعطت زوجها الفرصة حتى يتهرب من مسؤلياته واحنا فرحنا باننا يعني نسوي شي :strong تخليص فيز خدم, جوازات ,
تسجيل اولادنا في المدارس , نوديهم مواعيد مستشفيات .......... الخ
الزوج طبعا استانس وانغمس اكثر في قعداته وربعه ومجامل فلان وعلان .
لو الزوجة اصرت ماتطلع الا مع زوجها وتظاهرت بأنها ما تساوي ولاتقدر اتسوي شي بدونه :shy: كان ارضت غروره وصار لها عوين لان الوقت هذا لاينفع فيه تربية الابناء في غياب الاباء وهذه اصعب نقطه في الموضوع كله .

السموحة على الاطالة

التيما

16-05-2007, 08:24 PM

عزيزتي التيما اقرئي رد أخونا لمت داون ،،،تحياتي
عزيزتي اقري رد دله الرسلان :con2:

التيما

16-05-2007, 08:35 PM

اختي التيما .. مساعدة المرأه لزوجها صارت مطلوبه في هالزمن للأسف .. الحياه صارت اصعب من اول .. بس المقتدر والي الله فاتحها عليه .. هذا ماعنده سالفه يخلي زوجته تشتغل

وحتي لو الزوجه تشتغل هذي مب معناه انها شايله كل شي علي راسها .. ترا حياه الرجال اصعب من الحريم .. وخاصه للمتزوج ومسؤولياته اتجاه زوجته واطفاله اصعب مما تظنين نظرا لظروف ومتطلبات الحياه .. ومايحتاي اشرح اكثر من جذي .. لاني اشوف بعيوني حياه المتزوجين شلون صعبه .. ولكني مب متزوج ( للأسف ) عشان اشرح مواقفهم

وعلي فكره مب عشان الزوجه تشتغل خلاص صارت هي ريال البيت .. المرأه تبقي مرأه .. والمهام الزوجيه متبادله بين الاثنين .. يعني لايصح انه المرأه تشتغل وتربي الاعيال والزوج طلعات وسفر مع ربعه .. ولا يصح ايضاً انه الريال يربي ويشيل اعياله وزوجته في الاعراس والمناسبات وكله حش في حش !!:deal:

بصراحه انا مستغرب من تفكير بعض الحريم ليش يظنون انهم شايلين الدنيا علي راسهم ؟؟ وانهم يسوون كل شي والريال ياكل ويشرب ويمش يده بالطوفه ؟؟ crazy

وانا اسألج اذا تظنين انه المرأه المتزوجه والموظفه وعندها اعيال .. تظن انها بتقدر تعيش بلا زوجها وتلبي جميع متطلبات الحياه ومتطلبات اطفالهم .. عيل ليش انخلق الرجال ؟ ليش الله ماخلق حواء بس ؟ ويجيها اعيال مثل مريم العذراء .. مب احسن:con2:

عموما باختصار .. الزواج معادله بسيطه وتوزيع الادوار بين الزوجين شي مفروض حتي لايتعلم أيا منهم الاهمال والكسل باداء المهام المفروضه عليه او عليها

عموما هذا رأيي الخاص .. والسموحه علي الاطاله .. والله الموفق :)

ولد اختي لمت :funny: ( استانست على لقب خالتي )

تعال نحسبها شوي بس ما نعمم طبعا :

شتسوي المره المتزوجه ؟؟؟
1- تسوق
2- تودي اليهال المدارس ..
3- تودي اليهال الحلاق ..
4- توديهم الملاهي والاسواق
5- تطبخ او تشرف عالمطبخ
6- تشتغل
7- تشتري الميره ( الجمعيه - الملحمه - الشبرة .... )
8- تسجل اليهال بالمدارس
9- تخلص امور الجوازات والمرور والمخالفات
10-تشتري ملابس لليهال
11- تدفع للخدامه + وتهاوش الدريول لو توفر
12- تدرس اليهال
13- تقعد اليهال الصبح
14- توديهم المستشفيات لو امرضوا
15- احيانا تيب عمال للبيت حق صيانه او او

----------------------

الريال ؟؟؟؟؟؟؟

1- يقعد للدوام
2- يتغدا وينام
3- يقعد ويطلع
4- المجلس
5- يرد وينام
6- هواش وعصبيه
7- يسافر ويا ربعه
---------------------------------

بذمتكم وين العدل :mad: من المره ومن الريال :anger1: ... تقولون الريال مظلوم ؟؟؟

ANONYMOUS

16-05-2007, 08:56 PM

ياحبيبي.. الحريم لازم تكون حمش معاهم..

كف يوديهم.. وكف يجيبهم

مع تحيات

الحمش
:)

nooora

16-05-2007, 09:03 PM

التيما

16-05-2007, 10:14 PM

ياحبيبي.. الحريم لازم تكون حمش معاهم..

كف يوديهم.. وكف يجيبهم

مع تحيات

الحمش
:)
هاي اللي فالحين فيه كف وكف كاااااااااااااااان زمان يا بابا :court:

ANONYMOUS

16-05-2007, 10:18 PM

هاي اللي فالحين فيه كف وكف كاااااااااااااااان زمان يا بابا :court:

هاي النظام للحين يشتغل عندنا.. :D

:)

مع تحيات

الحمش:strong

قمرهم كلهم.

17-05-2007, 09:34 AM

هاي اللي فالحين فيه كف وكف كاااااااااااااااان زمان يا بابا :court:

النظام هذا مجرب من قبل المتزوجين واثبت فاعلية كبيرة :court: :court: :court: :court:

BoFahed

17-05-2007, 09:59 AM

اعتقد من وجهة نطري ان احنا اللي عكسنا الميزان الرباني يعني المراة صارت الحين صار بالف ريال في العديد من البيوت اللي نشوفها حاليا وهاي اكبر غلطة لان المراة بطبيعتها وانوثتها اللي خلقها الله سبحانه وتعالى سكن وصدر حنون للرجل ما ننسى وش كانت سيدتنا خديجة لخير البشر اجمعين سيدنا محمد صلى الله عليه وسلم .
مب الواحد يقط كل مسؤليات البيت والعيال على ظهر مرته ويقول هي راضية وشنو وراها احسن تلتهي بالعيال ؟ النتيجة الطبيعية هني انها بتكون الكل بالكل والعيال بيحترمونها ويخافونها اكثر من الاب اللي كله ويا ربعه بالقهاوي او لاهي بتجارته وعماله وهاي غلط .

وفي بعض البيوت تقل هيبة الريال امام زوجته خاصة ان هي اللي تصرف على البيت وعليه في بعض الاحيان .

لمت داون111

17-05-2007, 01:59 PM

ولد اختي لمت :funny: ( استانست على لقب خالتي )

تعال نحسبها شوي بس ما نعمم طبعا :

شتسوي المره المتزوجه ؟؟؟
1- تسوق
2- تودي اليهال المدارس ..
3- تودي اليهال الحلاق ..
4- توديهم الملاهي والاسواق
5- تطبخ او تشرف عالمطبخ
6- تشتغل
7- تشتري الميره ( الجمعيه - الملحمه - الشبرة .... )
8- تسجل اليهال بالمدارس
9- تخلص امور الجوازات والمرور والمخالفات
10-تشتري ملابس لليهال
11- تدفع للخدامه + وتهاوش الدريول لو توفر
12- تدرس اليهال
13- تقعد اليهال الصبح
14- توديهم المستشفيات لو امرضوا
15- احيانا تيب عمال للبيت حق صيانه او او

----------------------

الريال ؟؟؟؟؟؟؟

1- يقعد للدوام
2- يتغدا وينام
3- يقعد ويطلع
4- المجلس
5- يرد وينام
6- هواش وعصبيه
7- يسافر ويا ربعه
---------------------------------

بذمتكم وين العدل :mad: من المره ومن الريال :anger1: ... تقولون الريال مظلوم ؟؟؟

بسم الله الرحمن الرحيم ..

نبتدي نرد علي النقاط الي ذكرتيها باللون الاحمر وحده وحده .. ماشي يا ست هانم :strong

شتسوي المره المتزوجه ؟؟؟ الحين بنشووف شتسوي :)
1- تسوق محد جابرها تسوق .. واغلب الريايل حريمهم مايسوقون .. دريول يجيبهم او هو بنفسه ياخذها ويوديها الدوام
2- تودي اليهال المدارس ..نفس الرد بالنقطه الاولى
3- تودي اليهال الحلاق .. ما شاء الله هذي سوبر مان مب مره ؟ الريال هو الي يودي اعياله الحلاق .. هذا علي حسب معرفتي المتواضعه وطبيعه البيت الي تربيت فيه
4- توديهم الملاهي والاسواق ماقلت لج سوبر مان وانا مادري ؟ اهنيه اذا الريال بيودي اعياله ملاهي واسواق حرمته لازم معاه .. وحزات بعض الريايل يودون اعيالهم بروحهم
5- تطبخ او تشرف عالمطبخ يعني هالشي مب واجب اساسي عليها ؟
6- تشتغل ردي كان موضح لج في احد الردود السابقه بالنسبه للشغل .. علي حسب ضغوطات الحياه .. ومب عيب انها تساعد ريلها :)
7- تشتري الميره ( الجمعيه - الملحمه - الشبرة .... ) هالشي لازم الاثنين يروحون مع بعض .. او في اغلب الحالات يطرشون الدريول
8- تسجل اليهال بالمدارس هالشي واجب علي الزوجين انتقاء افضل المدارس لاطفالهم
9- تخلص امور الجوازات والمرور والمخالفات ما شاء الله تطورت المره من سوبرمان لين الرجل الاخضر :) ليش ليكون الريايل انقرضوا ؟ عاد حقيقه اول مره اسمع بهالشي
10-تشتري ملابس لليهال في هذي انا معاج .. المرأه ذويقه اكثر في انتقاء الملابس .. بس اغلب الاوقات ماتروح مع الدريول .. تروح مع ريلها
11- تدفع للخدامه + وتهاوش الدريول لو توفر اخت التيما كلميني بالمنطق لو سمحتي
12- تدرس اليهال وهذا واجب عليها .. كأم لهم .. بصراحه انا ماعرف ادرس الاعيال وينرفزوني اذا يطنشون ولا يسمعون الكلام ولا يفهمون الدروس
13- تقعد اليهال الصبح ليش مب اعيالها ؟ يعني هالشي صار عبئ عليها ؟ وبعدين هالشي مب شرط علي المره .. لو الزوجه ماتشتغل .. خلها راقده عادي .. من واجبي انا كزوج موظف لما اصلي الصبح وارجع ارقد اوقت المنبه علي الساعه 6 عشان اقعد اليهال .. وحزات الخدامات مايقصرون في هالشي
14- توديهم المستشفيات لو امرضوا هالشي واجب علي الزوجين مب علي الزوجه بس
15- احيانا تيب عمال للبيت حق صيانه او او ههههههههههههه عاد هالنقطه ضحكتني .. ليكون تلبس ثوب بعد ؟:eek2:

هذي اجوبتي علي نقاطج بخصوص اعمال السوبر حرمه .. والحين نرجع لنقاطج حول الريال الظالم الاناني علي قولتج omen

الريال ؟؟؟؟؟؟؟1- هذي سبب بالله عليج ؟ تبينه يكمل رقاده يعني ؟ :) والله خوش زوجه انتي خخخخخخخ
2- يتغدا وينام بعد تعب يودي اعياله المدرسه ويجيبهم وتعب وضغوطات الشغل .. مستخسره عليه انه يقيل ساعتين يرتاح شوي فيهم ؟ ترا احنا بشر اذا ماعندج خبر
3- يقعد ويطلع مب شرط .. اغلب الرجاجيل اول مايقومون المغرب يشوفون حريمهم واعيالهم واذا مايبون شي يطلع يروح حق ربعه وعقب يرجع البيت بعد ماينامون الاعيال ويطلع زوجته ويتمشون شوي
4- المجلس يعني انتو حرام عليكم تروحون لصديقاتكم واحنا نتزوج خلاص مانطلع ؟
5- يرد وينام جان معطينه اجازه حق ثاني يوم زين والله عيل مابيرقد وبيتم سهران علي الفاضي لاجل عيون زوجته :)
6- هواش وعصبيه هالشي مب سبب .. الزوجه يعني ملاك ؟ ماتعصب ولا تتنرفز من بعض الاشياء ؟ مب كل الريايل داخلين وطالعين من بيوتهم مكشرين :)
7- يسافر ويا ربعه الي يسويها ويطنش زوجته واعياله خير شر هذا مب ريال بنظري .. مثل ماهو يبي يسافر ويستانس مع ربعه .. بعد لازم يسافر ويا زوجته واعياله ويونسهم .. علي حسب تركيبه الشخص نفسه واخلاقه يا التيما .. انا عن نفسي جربت سفره الاهل وسفره الربع .. واقول والله وهذي حلفه يمين بس عشان تصدقوني .. احلى من سفره الاهل مافي

واسمحيلي علي كلامي بس اول مره اسمع انه الحريم يسوون كل الي تسوينه انتي ؟:confused:

وبصراحه اغلب النقاط الي ذكرتيها نادر جدا ماتصير في حياه الزوجين .. وطلعتي المره بريئه والريال مجرم .. مع احترامي لج بس شكلج تتابعين مسلسلات رمضان وايد .. الله يسامحها فجر السعيد لعبت في عقولكم بصراحه:court:

عموما .. حتي لو انج شايفه نوع من الرجال علي النقاط الي ذكرتيها ..وللأسف في فئه قليله جذي .. بس لاتنسين انه كل الرجاجيل مب نفس بعض .. واصابع يدك ماتتساوا .. واولا واخيرا تنشئه وتربيه الرجال من صغرته هي الي تحدد اخلاقه وتحدد هالسؤال .. هل هذا الرجال يصلح زوجا وابا ؟:deal: لو كل وحده بترضي بألي ياخذها انه انسان اناني ولا تهمه الا وناسته وسعادته .. جان اباء الحريم ما سألوا عن الرجال وأخلاقه .. ولا انا غلطان .. يا خالتي التيما omen

اتمني الفكره اوصلت لج .. واتمني من الله يوفقج بولد الحلال الي يسعدج يالغاليه .. تستاهلين كل خير والله :)

والعفو يا اختي التيما .. عفوا قصدي خالتي التيما :p

السديم

17-05-2007, 02:20 PM

ماشاءالله عليكم .. كل موضوع ينطرح لازم تتهاوشون فيه وكل واحد يبرز عضلاته :strong

انا بقول رأيي ويمكن مايعجب بس اللي اشوفه صح بقوله ...

قبل 10 او 20 سنه ماكانو الحريم يشتكون من كل هالكرف والشغل اللي على راسهم وكانت الحرمه عيب تروح السوق لحالها او اصلا عيب تدخل محل الخضره ولا الملحمه و و و .. الخ
وامورهم كانت من احلى مايكون وحياتهم كانت سعيده ومبسطه وكلن عارف دوره من الزوج والزوجه ..

لكن من بدت المره تشتغل وتحط راسها براس الريال طلعت هالمشاكل وعقب قالت ابي اسوق سياره هني الريال بدى شوي شوي يقط كلشي على راسها ..

يعني هو من الاول لازم الزوجه تحدد هي شنو اللي عليها وشنو اللي لها .. والتفاهم مطلوب في مثل هالحالات ..

مثل ماسمح الزوج لزوجته تشتغل وتاخذ من وقته ووقت بيته وعياله يبي بالمقابل تصرف وتساعده !!

ومثل ماسمح لها تخالط فلان وعلان بالشوارع بيقط عليها توصيل العيال واغراض البيت ..

امور كثيره براسي بس هذي ردي على السريع ولي عوده :)