مشروع الأكوا بارك في قطر(( مهم ))

[ذوق]

بسم الله الرحمن الرحيم....

السلام عليكم ورحمة الله وبركاته...



ناس من ربعي...في خاطرهم يسون مشروع جرئ وضخم في قطر..ومايبون يخطون أي خطوه جريئة وغبيه ممكن تطيح على راسهم...وللأمانه هم ماعندهم خلفيه لا عن المشاريع ولا التجاره ولا حاجه...
وحابين يسون دراسه شامله وكامله وممتازه عشان يقدرون يحطون ريلهم بالقو ويبتدون..ويقدرون أنهم يفيدون في تنمية السياحه هنا في قطر...
والمشروع عباره عن AQUA PARK ( أكوا بارك ).....( قرية مائيه )

وكلنا عارفين أن المشروع راح يكلف واااااااااااايد ... :con2:

فلو عندكم أي خلفيه...كيف ممكن يبتدون بالدراسه وكيف...؟
وهل هناك مكاتب متخصصه أو ناس متخصصين في كتابة دراسات للمشاريع؟
وكم ممكن تكلف الدراسه؟ وأين ممكن يقدرون يتواصلون معاهم..؟
هل هناك مواقع متخصصه ممكن تساعدهم في تنمية أفكار المشاريع..؟
هل هناك شركات ممكن يتواصلون معاهم بالخارج أو بالداخل لأجراء العقودات أو الأتفاقات؟
هل ممكن أن بنك أو شركه ما ممكن تتبنى مثل هذه المواضيع؟لأن قد سمعوا في شركة أسمها العربيه هنا في الدوحه ينقال أنها تتبنى المشاريع الناجحه لكن يجب أنك تقدم لهم دراسه جيده؟
ووووالخخ....................؟ من الأسئله التي ترتبط في مثل هذا الأطار....

اتمنى من أخوانا الأعضاء أفادتنا قدر المستطاع حتى نقدر نفيد ونستفيد... ;)



تفاؤل...

[halcrow]

اعتقد في البدايه والاهم اقناع الجهات المختصه والموافقه عليه من قبلهم ؟؟؟
وعتقد الكويت والامارات عندهم خلفيه عن هالمشروعات ..مع اني اشوف الامارات افضل في هالمجال
زياره منك للامارات وللمجمع المائي اعتقد ما راح يقصرون معاك الاخوان اهناك ؟؟؟ وياليت يكون بمستواهم مب اقل منهم
الحين احنا في عصر المنافسه

[ذوق]

اعتقد في البدايه والاهم اقناع الجهات المختصه والموافقه عليه من قبلهم ؟؟؟
وعتقد الكويت والامارات عندهم خلفيه عن هالمشروعات ..مع اني اشوف الامارات افضل في هالمجال
زياره منك للامارات وللمجمع المائي اعتقد ما راح يقصرون معاك الاخوان اهناك ؟؟؟ وياليت يكون بمستواهم مب اقل منهم
الحين احنا في عصر المنافسه

كلام جميل....ومشكور على الرد...لكن لو بنلتفت للجهات المختصة على كلامك...من ممكن يتوجهون له..ويقدرون يتناقشون معاه على هذا الموضوع؟

لأن على مانخبر ان لازم في دراسة بالقبل..بعدين تاليها عرضها على المسؤولين؟؟

لكن قبل أي حاجه من الي المفروض يتوجهون له؟

ولك جزيل الشكر:nice:

[ذوق]

وأذا ممكن عنوان أو رقم الأكوا بارك في الأمارات أو الشركه المتبناه؟

[لمت داون111]

بصراحه اخووي مشرووع جيد وراح يدخل عليك ملايين مثل ماصار لملاهي علاء الدين .. بس راس ماله راح يكلفك ملايين بعد

بس بصراحه ولا ابي احطمك خلهم يتأكدون من المشروع من ناحيه الدين والشرع لانه مثل هالمشاريع مشكوك فيها

خل تجارتك حلال والله يوفقك فيها وكل ريال يطلع من ورا هالتجاره خير وبركه

وبالتوفيق يالغالي :)

[falamarzi]

اعتقد فيه شركه امارتيه جالسه تسوي المشروع الحين في قطر يعني وفر على نفسك

[alnoida]

المشكله ماعندك شي كلش
لا راس مال
وعدم درايه بالبلد
ولا بالمشاريع اللتى تحت التنفيذ
ولا حتى زرت اقرب مشروع قائم مشابه لمشروعك
اخوي أنت من وين جبت الفكره

[ولد ابوي]

مشروع رائع وكبير يبيله خبر مو بس مجرد افكار برايي لازم يكون عن صاحب المشروع خبره بالمشاريع او شريك على الاقل له خبر

[زمان]

المشروع هذا بيكون موجود في احد المشاريع الضخمه وبرأس مال ضخم ضخم ضخم جداً

وبالتوفيق للجميع

[Om-3aZoOoOoZ]

انا شريكه بالموضوع :)

[eXpert*]

مثل هالمشروع كان بيصير اكثر من 3 مرات بس مع الاسف مادري شاللي يصير ، والمشروع مكانك سر ليتغير لـ مشروع اخر .

مثل هالمشروع ما راح يغيب عن اعين المستثمرين ، بس في عرقلة بالموضوع من وين ما ادري هل جهات الاختصاص ام انه المشروع له دخل بالعادات والتقاليد .

[ذوق]

مثل هالمشروع كان بيصير اكثر من 3 مرات بس مع الاسف مادري شاللي يصير ، والمشروع مكانك سر ليتغير لـ مشروع اخر .

مثل هالمشروع ما راح يغيب عن اعين المستثمرين ، بس في عرقلة بالموضوع من وين ما ادري هل جهات الاختصاص ام انه المشروع له دخل بالعادات والتقاليد .

كلامك جميل أخوي

بس ممكن سؤال...!!

أنت من قايلك ان المشروع تكنسل أكثر من 3 مرات...؟

وواذا عن العادات والتقاليد... ماعتقد يالطيب..أذا الخمور ومسموحه :o

لك تحياتي على طلتك الحلوه :)

[ذوق]

بصراحه اخووي مشرووع جيد وراح يدخل عليك ملايين مثل ماصار لملاهي علاء الدين .. بس راس ماله راح يكلفك ملايين بعد

بس بصراحه ولا ابي احطمك خلهم يتأكدون من المشروع من ناحيه الدين والشرع لانه مثل هالمشاريع مشكوك فيها

خل تجارتك حلال والله يوفقك فيها وكل ريال يطلع من ورا هالتجاره خير وبركه

وبالتوفيق يالغالي :)

تعتقد كم يكلف بحدود نظرك؟؟

وبخصوص الدين والشرع...ماعتقد فيها تشكيك...كل أبوها ماي :nice:

الا اذا كانت عندك خلفيه أحسن مني..أتمنى أنك تشاركنا فيها وتنورنا :)

لك تحياتي :)

[ذوق]

اعتقد فيه شركه امارتيه جالسه تسوي المشروع الحين في قطر يعني وفر على نفسك


أذا الموضوع فيه أعتقادات ولا تشكيك ولا أشاعات....أنت الي وفر على نفسك :deal:

الله يسلم الجرايد..أخبارها اول بأول :nice: ألا أذا كان عندك مصدر موثوق منه قاعد يدرس الموضوع بالسر...؟؟ :deal:

أتمنى انك تفيدنا وتنورنا يالطيب...

وأشكر لك تفاعلك معانا :nice:
وفالك طيب :)

[ذوق]

المشكله ماعندك شي كلش
لا راس مال
وعدم درايه بالبلد
ولا بالمشاريع اللتى تحت التنفيذ
ولا حتى زرت اقرب مشروع قائم مشابه لمشروعك
اخوي أنت من وين جبت الفكره

:o شكلك ماقريت الموضوع عدل...لأن الفكره مو فكرتي؟ فكرت ربعي..وبما أني في المنتدى قلت أشوركم لأنهم يعزون علي :)

وبخصوص أسألتك...!!

أكيد مافي راس مال ولا غيره...بس مثل هالأشياء في لها حلول...ولا كان ماسألتكم..وخذت بشوركم..(( وصدقني مافي شي بالحياه أسمه مستحيل أو صعب ))......:o
علعموووم أتمنى انك تفيدنا بأفكار أو خلفيات لو عندك يالطيب...

وتسلملي مشاركتك يالطيب ;)

تفاؤل..

[ذوق]

مشروع رائع وكبير يبيله خبر مو بس مجرد افكار برايي لازم يكون عن صاحب المشروع خبره بالمشاريع او شريك على الاقل له خبر

كلامك جميل....لكن مبدأيآ يجب أن نعرف الخلفيات مسبقآ وتنأخذ الخبره والأفكار من المنتدى..تاليها أنشاءالله تنحل..
والمشروع أذا بياخذله أكيد بياخذله مده طويله فقط في الدراسه...فما بالك بالموافقه والبدأ فيه..عادي 3 سنين ;)

فأتمنى أن الكل يشاركنا في الأجابه على الأسئلة..؟

وأين ممكن نقدر نسوي دراسه مشروع..وكم يكلف تقريبآ؟؟ووالخ من الأسئله المتبوعه؟

[ذوق]

المشروع هذا بيكون موجود في احد المشاريع الضخمه وبرأس مال ضخم ضخم ضخم جداً

وبالتوفيق للجميع


ممكن توضح لنا أكثر أخوي؟؟؟ :)

[ذوق]

انا شريكه بالموضوع :)


شريكه شلون ؟؟ :o

[شقردي]

اخوي اذا اكوا بارك مثل اللي بالكويت مشرووووووووع ناجح جدا بس اهم شي تحصل على الترخيص لانه بكون صعب شوي بس انا اعرف ناس عندهم خبره في المجالات هاذي راح استفسر ورد لك خبر انشاله والله يوفقك اخوي

[ذوق]

اخوي اذا اكوا بارك مثل اللي بالكويت مشرووووووووع ناجح جدا بس اهم شي تحصل على الترخيص لانه بكون صعب شوي بس انا اعرف ناس عندهم خبره في المجالات هاذي راح استفسر ورد لك خبر انشاله والله يوفقك اخوي

تسلم يالطيب...وونتظر منك الرد علينا :)

بس أخوي قبل التراخيص وغيرها....ودهم بتقديم دراسه على هذا المشرووع...وين ممكن يقدمونها؟؟

[eXpert*]

عزيزي الخمور شي والاكوا بارك شي ثاني .

ابسط مثال يوم النساء او العائلات ،، الطاقم التشغيلي في الاكوا بارك وطاقم الانقاد ( السباحين) بيكونون من الرجال !!! عدل ولا كلامي غلط ؟؟ ماعتقد في احد بيرضى انه بخلي اهله تروح لمكان وفي رجال حتى لو دخلوا لابسين عبايات .((

وانا ماقلت انه هالسبب الرئيسي ركز معاي بس لو انه الشغله موقفه على ادارة الاختصاص كان مشت السالفه من زمان .. صح يعني في سبب ثاني في السالفه وانا قلت اتوقع العادات والتقاليد .

اما بخصوص الخمور عزيزي الخمور موجودة في اماكن معينة ومب اي حد ممكن يتجرأ ويدخل فياليت تفصل بين الاثنين .

اتمنى وضحت نقطتي .

انا مب اهنيه علشان اكسر مجاديفك ولا شي بالعكس ياخوي ربي يوفقك ، بس فكرت فيها من قبل واستشرت واحد له وزنه في المجتمع قالي اغسل يدك من هالمشروع .

ولا كان اول من بيفتح السيد/ الفردان بحكم انه اوائل السباقيين للمشاريع الجديدة .

[qatar2929]

لا يا الطيب بالنسبه ل والد وادي الي بادبي الطاقم يوم النساء كله نساء
من البواب لين المنقذ

[shgawia]

واخيرا بتصير عندنا مشاريع حلووووووووووه يالله فيكم الخير بالتوفيق انشالله .....

[ذوق]

عزيزي الخمور شي والاكوا بارك شي ثاني .

ابسط مثال يوم النساء او العائلات ،، الطاقم التشغيلي في الاكوا بارك وطاقم الانقاد ( السباحين) بيكونون من الرجال !!! عدل ولا كلامي غلط ؟؟ ماعتقد في احد بيرضى انه بخلي اهله تروح لمكان وفي رجال حتى لو دخلوا لابسين عبايات .((

وانا ماقلت انه هالسبب الرئيسي ركز معاي بس لو انه الشغله موقفه على ادارة الاختصاص كان مشت السالفه من زمان .. صح يعني في سبب ثاني في السالفه وانا قلت اتوقع العادات والتقاليد .

اما بخصوص الخمور عزيزي الخمور موجودة في اماكن معينة ومب اي حد ممكن يتجرأ ويدخل فياليت تفصل بين الاثنين .

اتمنى وضحت نقطتي .

انا مب اهنيه علشان اكسر مجاديفك ولا شي بالعكس ياخوي ربي يوفقك ، بس فكرت فيها من قبل واستشرت واحد له وزنه في المجتمع قالي اغسل يدك من هالمشروع .

ولا كان اول من بيفتح السيد/ الفردان بحكم انه اوائل السباقيين للمشاريع الجديدة .

كلامك عدل ميه ب% :)

وبصراااحه راحت عن بالنا سالفة الأيام العامه الي راح تكون فيها أجانب :looking:

وردك صراحه كفى ووفى...وصدقني لو كان المشروع حلال 100 ب100 محد راح ينتظر الفردان فيهم :nice:

والله يكثر من أمثالك....

أذآ بهذه الطريقه يستحسن التركيز على مشروع ثاني...(( ومراعاة نقط الحلال والحرام ))

وقبل أي حااااااجه.....مطلوووووووووووووب مكتــــــــــــب لعمل الدراسه :anger2:

تعبت وانا أطحـــــــــــــــــــــــــــن عليكم

[المخلب]

المسأله جريئه جدا ..

احييك عليها وأحي ربعك على الفكره

أولا عزيز لازم قبل كل شئ تاخذون ارض على البحر مساحتها لا تقل عن 100 الف متر مربع لان الله يسلمك قربها من البحر يقلل من حراره الجو عندنا ! غير كذا الماي الي تستخدمه بيكون عليك أوفر في النقل والتحليه لين يكون قريب من البحر .

ثانيا .. المشاريع في قطر ماتمشي الا ان كان ظهرك قوي .. انصحك انت والاخوان الي معك تمرون على شيخ من الشيوخ تجلسون وياه جلسه وتشرحون له الموضوع وتخلونه معاكم شريك ولو كانت نسبته 50 % . علشان يمشي مشروعك (( لانه صعب جدا ! )) ..

ثالثا .. مر صوب الملاهي المائيه في دبي وخذ لها صور , والملاهي المائيه في ماليزيا وخذ لها الصور + خذ كتيبات الارشاد - للحدائق المائيه - لان الي في ماليزيا مطبقين الشريعه الاسلاميه , ولا يزعلون الانقليز والاجانب الي يبون يتسبحون ! (( من الشروط بتحصل ان الملابس المائيه لازم تكون كامله يعني البنت ماتلبس مايوه مشلح وتسبح هذا ممنوع !! اما ان تلبس شورت لين الركب وقميص سباحه ساتر والا لا تسبح ! وكذالك ممنوع الهافات السبعه للرجال - مزلط - فقط الشورتات ! ويعني كذا شئ )) هذي الشروط تقوي موقفك ان دخل ملفك اللجنه .

رابعا يلزمك مبلغ لا يقل عن 1 مليار لان تكلفت الاجهزه ( مكاين التحليه والحفر - البرك - والالعاب وغيرها ( بدون العمال الي يشتغلون ) بتكون مرتفعه جدا حتى المقاول لازم تشوفلك شركه متخصصه ولا يغرك شركات قطر حتى لو عرضوا عليك بأقل من اي سعر ترى نصيحه بيتأخر المشروع وبتتبهدل ! خذلك الشركه الي سوت الحديقه المائيه في دبي او الكويت وريح مخك .

خامسا : حط دراسه شامله لان قد تتعرض لخساره - لا قدر الله - .

هذي اهم الاشياء المطلوبه وتوكل على الله وشف حظك وين يوديك ..

تحياتي لك .. ولا تنسى تذاكر ببلاش لي :) ..