مالكي التويوتا وخاصة Gxr ممكن الدخول ( لدي سؤال عن صرفية البترول)

[عليان قطر]

مساء الخير

لدي Gxr ليمتد ويستهلك بترول اكثر من Vxr
هل انتم تعانون نفس المشكله
ام هذا شي طبيعي صادر من الشركة



ممكن الرد

[الجهه مجهولة]

ممكن اعرف وشو موترك قبل Gxr ؟؟؟؟؟

[عليان قطر]

صالون ( امريكي)

[ANONYMOUS]

الاخوان في قسم السيارات بيفيدونك

[الجهه مجهولة]

اذا فعلا اخوي صالون امريكي اكييد بيكون هناك فرق بين فورويل تانكيين وصالون تانكي واحد انت متعود على صرفيته

وبعدين يالغالي الحين صرفية البترول على الريس اذا انت من النوع الي مستن رايح راد

اكيد بيصرف حتى لوكان الصالون الامريكي

[الجني]

اخوي عليان

انا كنت اروح خور العديد في سيارتين

جمس مكينته فورتيك ثمانية سلندر 6000 سي سي 356 حصان , يروح خور العديد و يرجع على الـ فل, تشييكة الخزان 80 ريال عادي

GXR 2001 سته سلندر 4500 سي سي 240 حصان يروح و يرجع و فيه الربع تشييكة الخزان 88 ريال سوبر .

[ســـهم]

عندي سياره gxr

وفعلا صرفيتها في البترول كبيره

[على قد حالها]

انا عندي جي اكس ار ليمتد وبالنسبه لمشاويري عنكم يالشباب ولا شي لكن بعد السياره تصرف بترول الصراحه

[limoOoOony]

اصلا شي معرووووووووف ان ال gx-r صرفيته اكبر من vx-r مع ان الفرق بينهم في التعبئه مايوصل 10 ريال بالكثير اذا التانكي مافيه ولا قطره

[(احمد)]

على حسب الدعسة

خبرة سفرات

[*بوحمد]

السلام عليكم

حبيب قلبي الصرفيه على حسب المشاوير

في بعض السيارات اتمشيك 400 كبلو
وبعضهم 450كيلو

يعني ماتفرق عن اي سياره

واذا الصرفيه اقل من 400 او450 كيلو
اكيد في خلل فالسياره

[alwahesh]

اخوي الكريم عليان
مستحيل نكون صرفيه ال جي اكس ار اكثر من ال في اكس ار

انا جربت السيارتين وف حاله وحده بس تكون الصرفيه اكثر اذا تقبض خطوط وتسرع فوق 160 كم /ساعة لان المكينه صغيره وتحن كنه القير شاير اما الفي اكس ار ..............يطربك على الخط حتى لو تمشي فوق ال 200 والمكينه ما تسمع لها حس هاديه ومرتاحه

ومثل ما قالو الشباب طريقة السواقه تختلف والوقفه مع تشغييل المكيف لساعات اكيد تصرف وايد ..مجرد راي

[eXpert*]

معروف صرفية Gx-r اكبر من صرفية الـ Vx-r

لانه الـ Gx-r
6 سلندر واذا قير تماتيك يجيك 4 تبديلات

اما الـ Vx-r
8 سلندر قير تماتيك 5 تبديلات

كنت بحط مقارنه بين استهلاك الاثنين من احد المواقع بس تذكرت ان الكروزر 6 سلندر بس ينزل في الخليج . :(

[فارس 2007]

على حسب الدعسة

خبرة سفرات
:nice: :nice: :nice: :nice:

[عليان قطر]

اذا فعلا اخوي صالون امريكي اكييد بيكون هناك فرق بين فورويل تانكيين وصالون تانكي واحد انت متعود على صرفيته

وبعدين يالغالي الحين صرفية البترول على الريس اذا انت من النوع الي مستن رايح راد

اكيد بيصرف حتى لوكان الصالون الامريكي



مرحبا يا الغالي

انا استخدمت الاثنين جي اكس ار وفي اكس ار
ونفس المشاوير اليومية

لكن هناك فرق

[عليان قطر]

اخوي بو حمد

كلامك سليم

بس اذا كنت على خط سفر

بس اذا انت داخل المدينه

كيف يكون الوضع

[السهم الجارح]

مرحبا بالجميع

حبيت افيدكم بالمعلومات اللي عندي بخصوص صرفية الكروزر بشكل عام

بالنسبه ل Gxr , والسته سلندر عموما صرفيته اكبر لعدة أسباب :

1 . ضعف المكينه وثقل الموتر ، يحتاج دعس اكبر على البنزين وبالتالي صرفيه اكثر.

2. في فرق بين مكينة 8 سلندر و6 سلندر من الناحية التقنيه ، لأن الفي أكس آر مكينته على

شكل V8 وهاذي المكينه اقوى واقل استهلاك للوقود لكن 6 سلندر اسمها المكينه الطوليه

ونظامها ابدا غير اقتصادي وتصرف بنزين اكثر وجرب 8 سلندر بتعرف الفرق.

3. لاتنسون ياجماعة الخير ان 2006 وطالع كله مشبوك يعني عزم تعبان وثقل مب طبيعي .

وانا احب اقولكم خبر جديد أن 2008 مكينة (الجي أكس) و(الجي أكس آر) راح تكون

( 4000) سي سي ولكن الجديد فيها أنها راح تكون بتقنية V6 يعني صرفيه أقل وعزم أقوى .

وهذا خبر أكيد.

وتقبلوا مروري

[لمت داون111]

اخوي الي اعرفه ومتأكد منه

انه الجكسار 6 سلندر .. يصرف اقل من الفكسار 8 سلندر وهو بالدوحه .. يعني بالزحمه ومن دوار لدوار وجذي

بس بالخطوط السريعه والسفرات .. صرفيه الفكسار 8 سلندر هي الاقل .. لانه السلندرات الزياده هي الي تريح السياره بالخطوط وضغط المكينه والريس يكون اخف بوايد من ال6 سلندر

واذا مب مصدق .. اسمع الفرق بين حنت كروزر 6 سلندر و كروزر 8 سلندر علي سرعه 180 ..وبنفس الوقت شوف الصرفيه بالخط شلون:deal:

بس للعلم .. اغلب المواتر الجديده بو 8 سلندر صار نظامها حلوو وايد .. انه تحت سرعه معينه لنقول مثلا سرعه 120 .. يكون شغال بس 4 سلندر .. يعني صرفيتها جنه صرفيه كورولا وانت تتمشي فيها بالدوحه !! وحق الخطوط والسفرات فيه عزم قووي ما شاء الله علي طحن ال8 سلندر .. بصراحه فكره ممتازه من الوكالات

يعطيك العافيه يالغالي عليان :)

[لمت داون111]

مرحبا بالجميع

حبيت افيدكم بالمعلومات اللي عندي بخصوص صرفية الكروزر بشكل عام

بالنسبه ل Gxr , والسته سلندر عموما صرفيته اكبر لعدة أسباب :

1 . ضعف المكينه وثقل الموتر ، يحتاج دعس اكبر على البنزين وبالتالي صرفيه اكثر.

2. في فرق بين مكينة 8 سلندر و6 سلندر من الناحية التقنيه ، لأن الفي أكس آر مكينته على

شكل V8 وهاذي المكينه اقوى واقل استهلاك للوقود لكن 6 سلندر اسمها المكينه الطوليه

ونظامها ابدا غير اقتصادي وتصرف بنزين اكثر وجرب 8 سلندر بتعرف الفرق.

3. لاتنسون ياجماعة الخير ان 2006 وطالع كله مشبوك يعني عزم تعبان وثقل مب طبيعي .

وانا احب اقولكم خبر جديد أن 2008 مكينة (الجي أكس) و(الجي أكس آر) راح تكون

( 4000) سي سي ولكن الجديد فيها أنها راح تكون بتقنية V6 يعني صرفيه أقل وعزم أقوى .

وهذا خبر أكيد.

وتقبلوا مروري
تسلم علي التوضيح اخووي .. بس ماعتقد التويوتا يغلطون هالغلطه لانه اذا صار الكروزر 4000 سي سي بيقوم سووق السفاري .. وسلم لي علي عبد الغني !! :deal:

بصراحه انا من محبي التويوتا واتمني كلامك مايطلع صحيح

يعطيك العافيه اخوي السهم الجارح :)

[سبع قطر]

السلام عليكم

ياشباب انا كان عندي موتر صالون والحين خذت لي فيكسار واشوفه يصرف وايد << لاني متعود على المداعس

بس بصراحه سافرت في الموتر من قبل سبوعين والله الموتر مايقول لا وكنت امشي تقريبا 160 و 180 على الخط وصرفيته زي الفل :nice:

يعني من الدوحه مفول تانكيين ووصلت الحسا تقريبا فيه نص التانكي الاول وفولته مره ثانيه وانا رايح البحرين وصار لي يومين في البحرين وولا صبيت بترول قبل لا ارجع بس فولت التانكي وانا راجع

[جنيه ذهب]

سلامتكم يالربع

الجي اكس ار يصرف اكثر من الفي اكس ار داخل الدوحه وعلى الخطوط الطويله هذا بحكم تجربتي للاثنين والي يقولي ان الجي اكس ار ما يصرف داخل الدوحه يقولي علشان اثبت له ان الفي اكس ار 8 سلندر هو ملك الطريق بالسواقه وبالراحه وبالصرفيه

[عليان قطر]

طيب اذا نظفت البخاخات وبدلت البلكات

هل راح تقل

هذ الكلام سمعته

وابي التأكيد منكم

[أمير المحبه]

انا عن نفسي عندي gxوصرفيته ممتازه ماشالله اروح الخور ورد الوكره

ومادفع فوق الثلاثين ريال ايش رايكم يالربع وذا فولته ماشالله يتم البترول

بين الخمس والسبعة ايام ونا مرتاح فيه بس لي دعست وشغلت البور

ماشالله تقول بالوعه الله يعزكم ههههه يشفط بترول بالهبل والله

شاللي حادك تدعس ولا تستعمل البوررررررر

تمشى وتعشى ووخر عن المداعس

[belal 0]

أنا بشتري كروزر محتار مين أحسن vxr أو gxr أو gx أو g الرجاء قولولي إيميلي [belal-666@hotmail.com)

[هاجن داز]

بصراحه انا عندي vxr 2006

اعبيه بـ 100 ريال ويتم معاي 10 ايام

ومريحني آآآخر راحه

مع العلم اني مب راعي دواره

[عليان قطر]

شكلي راح اغير

[قطر501]

اخوي عليان هذي نصيحة من اخ يحبك فالله لا تفكر في غير الـ vxr ترى فعلا الـ gxr يصرف وانا مجرب هالشي في اكثر من موديل لكن الحمد الله بعد ماخذيت الـ vxr الصراحة مرتاح وايد

[عليان قطر]

الموضوع في البال

[belal 0]

هاي كيفك دورلي على في إكس آر موديل 94,95,96 belal-666@hotmail.com هذا هو إيميلي

[ابوعزوز6]

اخوي بالنسبه لل2006 و2007 صح صرفيته زايده وهاذ1 طبيعي لانه دفع رباعي ورباعي ثقيل اشوي ويستهلك بترول