المساعد الشخصي الرقمي

مشاهدة النسخة كاملة : الان الجزء الاخير من رحلتي الشيقه الى ماليزيا (( حصريا))



المخلب
20-08-2005, 02:54 PM
السلام عليكم

نكمل رحلتنا كنا الله يحفظكم توقفنا عند بينغ وبعدها قمنا الصبح وتوجهنا الى السيف (( البحر )) لاخذ اماكنا وتذاكرنا لسفر الى لانكاوي احلى جزر الكناري <<<< شدخل احلى جزر ماليزيا

المهم يعني تبي تريح بالك تبي الجو الحلو تبي تبعد عن الزحمه والازعاج مالك الا لنجاوي


تبعد لنكاوي عن العاصمه مسافه يوم كامل بحر وتبعد عن بينغ مسافه 4 ساعات تقريبا بحر طبعا !

وهذي صوره السفينه الي ضنينا انها لنا

http://d0ha2006.jeeran.com/T002-003.JPG

ماشوف الا الاخ <<< المرشد يقول لاء لاتحلمون هذي مركبكم

http://d0ha2006.jeeran.com/T002-006.JPG

اسمها انجل اكسبريس <<< طل

انا عبالي انها مو شئ بس لما تدخل داخلها تحبها المهم نصيحه الي يجيه دوار بحر ومايقدر لازم يتصرف بحاله يجيبله كيس كامل علشان يزوع <<<<< :app: والله يا كثر الي زاعو هناك

المهم وصلنا بالسلامه بعد ماغثنا زواع الشباب

ولما توصل هناك راح يطالبونك الماليزيين بفلوس على القاري >>> العربه

الي تشيل فيها الشنط انت هنا لاتعبرهم تراهم ملاعين حراميه ولاهم مسؤلين عن القواري ولا بطيخ

المهم الحمامات هناك بفلوس للنسوان تدفع نص رنجت اعتقد لدخول الحمرمه الحمام <<< كل شئ بفلوس ترى

المهم هذا النصب الي تشوفه هناك اول ماتوصل نصب الصقر

يقولون انه يحمي الجزيره <<<< والله الحامي الله والصلاه على النبي

http://d0ha2006.jeeran.com/T002-007.JPG

http://d0ha2006.jeeran.com/T002-008.JPG

يتبع ...

ضايق الصدر
20-08-2005, 03:13 PM
يسلموا يا مخلب على المجهود

المخلب
20-08-2005, 03:24 PM
ويعد المركب خذنا باص الى الشاليهات الخشبيه الي جلسنا فيها

وطبعا هذا منتجع احلى منتجع في لنجاوي وهو منتجع يعني راح تستانس منه كل شئ طبيعي والبوت خشبيه ومكيفه لاتخافون بس صج يعني منتجع يبرد على القلب وطبعا الانقليز يعرفون وين يسكنون فما تلاقيهم في كل ماليزيا بكثره الا في هذا المنتجع !

المهم هذي صورته

http://d0ha2006.jeeran.com/T002-013.JPG

http://d0ha2006.jeeran.com/T002-014.JPG

طبعا المنتجع يبعد عن المطار الرئيسي نص ساعه تقريبا وعن المراكب ساعتين ونص

http://d0ha2006.jeeran.com/T005-025.JPG

هذي بركته :eek3: ماسبحت فيها للاسف

زين وفي الصبح قعدنا من النوم ورحنا الى حديقه (( Under water world ))

عالم ماتحت الماء

هذي تقدر تقول عنها اكبر مدينه للحيوانات المائيه في ماليزيا جميع انواع الاسماك والطيور المائيه فيها

خوش حديقه والله طبعا هو مبنى مكيف ويعيشك جو البحر باقسامه المرتبه

http://d0ha2006.jeeran.com/T002-019.JPG

http://d0ha2006.jeeran.com/T002-026.JPG

http://d0ha2006.jeeran.com/T002-030.JPG

وهذي تقدر تقول عليها اكبر هاموره شفتها بحياتي <<< مامزح :) ضخمه بس الصوره المشكله ماتوضح حجمها الحقيقي .

يتبع ...

المخلب
20-08-2005, 03:31 PM
بعدها رحنا حديقه التماسيح !

وهي حديقه تبعد مسافه ليست ببسيطه عن الحديقه المائيه

لكن مشكله حديقه التماسيح انها مو حلوه يعني خساير فلوس على الفاضي لكن الي يحب يشوف احفاد الدينصور التماسيح يروح هناك ويشوف احجامهم كلهم حقيقيين وكبار وفي الصوره توضيح لحجم التمساح وهم ياكلونه طبعا ياكلون التمساح دجاج ني كل 5 ساعات في اليوم الواحد يعني تقدر تقول 3 مرات في اليوم ! هو عرض هو غدى في نفس الوقت :)

http://d0ha2006.jeeran.com/T002-035.JPG

بعدها رحنا لشلا لات الموت !

يعني اسمها يخرع لكنها احلى شلالات تشوفها بماليزيا شلالات من النوع المغري للسباحه للي رايح لحاله ولابس شورت يقدر يطب هناك ويسبح ! :eek2:

http://d0ha2006.jeeran.com/T005-001.JPG

http://d0ha2006.jeeran.com/T005-002.JPG

http://d0ha2006.jeeran.com/T005-003.JPG

http://d0ha2006.jeeran.com/T005-005.JPG

http://d0ha2006.jeeran.com/T005-006.JPG

يتبع ...

المخلب
20-08-2005, 04:09 PM
http://d0ha2006.jeeran.com/T005-007.JPG

http://d0ha2006.jeeran.com/T005-011.JPG

http://d0ha2006.jeeran.com/T005-016.JPG

ورجعنا بعدها للمنتجع ولكن لان الواحد يومه طويل ومابيخلص فقلنا ناجر لنا مواطير <<<< موتر سيكل

مو ننجا لا شئ اقل بس حلو مع اني اول مره اسوقه بس ابدعت اجرنا الواحد بـ 30 رنجت لمده نص يوم كامل تدور فيه داخل لنجاوي على راحتك بدون ماحد يكلمك !

واليوم الكامل بـ 50 رنجت يعني يازين الرخص

جدولنا ثاني يوم ! الصبح رحنا لجبل لنكاوي اطول جاعلى جبل بعد جبل جنتيك يعني ارتفاعه رقم 2 في ماليزيا تقريبا 710 قدم فوق البحر !

http://d0ha2006.jeeran.com/T005-029.JPG

في الصوره في جزيره على اليمين هذي الجزيره تبع المنتجع حقنا تقدر تروحها مشي وبدون فلوس يا حلاتها !



ثاني يوم كان يوم مفتوح يعني وين ماتبي تروح روح !

فقررنا نروح الى الجزيره الحامل وجزيره القرود وبحر الصقور ....

بس كان عليها رسوم رسوم التنقل بس الواحد كم مره بيروح هناك !

وهذي صور الطريق قبل مانوصل للجزيره

http://d0ha2006.jeeran.com/T001-004.JPG

هذي حلبه السابق للننجا من النوع هوندا !

يتبع ...

المخلب
20-08-2005, 07:31 PM
http://d0ha2006.jeeran.com/T001-005.JPG

وهذي الصوره لمزارع الارز (( العيش )) هنا تحصلون برك ماي فيها حبوب الرز

http://d0ha2006.jeeran.com/T001-006.JPG

وهذي صوره للعباره الي بتاخذنا للجزر

http://d0ha2006.jeeran.com/T001-007.JPG

هذا فندق الي يملكه الممثل المشهور الامريكي (( توم كروز وداخله مركب ))


http://d0ha2006.jeeran.com/T001-009.JPG

هذي هي صوره للجزيره الحامل ! دقق في الشكل وبتشوف وجهه وحده منبطحه ولها بطن كانها حامل

http://d0ha2006.jeeran.com/T001-010.JPG

صوره اخرى لنفس الجزيره
http://d0ha2006.jeeran.com/T001-011.JPG

احدى الجزر المحيطه بها

http://d0ha2006.jeeran.com/T001-015.JPG

داخل الجزيره الحامل في بحيره من محاطه بالجبلان يعني ماي نقي مثل مايقولون لكن انا شفته مليان ذبان وحشرات يعني ماينفع تسبح فيه بس في روايه قالنا عليها المرشد انه في وحده كانت ماتجيب عيال ! فلما سبحت فيها حملت ؟؟؟؟ والله انا مستغرب كل شئ من الله حيياه الله


القوارب ذي اجارها بـ 50 رنجت لشخصيين ! طبعا في واحد يمشي بمكينه وفي نوع بدون مكينه يعني برجولك

طبعا ماننسى القرود هنا وربي اذا مانتبهت على عيالك الصغار او اغراضك اسمحلي اقولك القرد اقربلك لانهم شبه مفترسيين :app:
http://d0ha2006.jeeran.com/T001-017.JPG



http://d0ha2006.jeeran.com/T001-028.JPG

جزيره من الجزر

http://d0ha2006.jeeran.com/T001-029.JPG

هذي بحر الصقور هنا تقط لهم لحم تشوفهم ينزلون وياكلونه مليانه صقور بس لما جينا مافي الاه 3 او 2 بس ! دقق في الصوره وشوفهم

http://d0ha2006.jeeran.com/T001-030.JPG

http://d0ha2006.jeeran.com/T001-031.JPG


http://d0ha2006.jeeran.com/T001-032.JPG



هذي جزيره بالنسبه لي احلى جزيره من ناحيه الرمل ! رملها نقي جدا

http://d0ha2006.jeeran.com/T001-034.JPG

شوفوا احم احم >>> علشان نبين انا احنا اول قطريين نزلوا على هذي الجزيره رسمنا لكم قلب وحطينا داخله كلمه قطر ! :nice: بس طلع نايس انشاء الله واظح وياكم


يتبع ...

المخلب
20-08-2005, 07:44 PM
بعدها رجعنا للمنتجع وكان الوقت المغرب تقريبا !

فالشباب سوو اجتماع عذري او استثنائي ! شيقولون فيه !! يبون يغيرون من جدول الرحله يقولون حجزنا في الطياره لكوالا لمبور ماتم ! فلازم نجلس يوم زياده في لنجاوي ! طبعا هنا الكل زعل وضاقت نفسهم من التغيير ! لانه حلاته تجلس في كل منطقه 3 ايام بس ! لا تكثر لانك بتمل خاصه اذا تغير الجو !

فقرروا انهم يغيرون مكانا من المنتجع الى الفندق ! <<< فندق

http://d0ha2006.jeeran.com/T005-024.JPG

هذا هو الفندق لكنه افضل شئ فيه ان تحت سوووق بس شنو سوق مليان خليجيين ورخيص سعره حلو وحصلنا قطريين فيه ! >>> اول مكان احصل فيه قطريين غيرنا ! :eek2:

ماعلينا ثاني يوم رحنا لكوالا لمبور بالطياره وتمينا هناك 3 ايام تقريبا ! طبعا جلسونا في فندق قريب من السوق الصيني ! اعتقد الكل يتكلم عن السوق الصيني وانه ارخص سوق ومادري ايش ! كلام فاضي والله انه اغلى مكان بالنسبه لنوعيه البضايع الصينيه المقلده والتافهه

المهم مقابل فندقنا الي بكوالا لمبور في محل اسمه مايدين ! <<< تذكر هذا الاسم هذا ارخص سوق بكوالا لمبور كلها وبضايعه حليوه تقدر تشببه بالرامز الي في قطر ! :) بس عنده اغراض تنباع في السوق الصيني وسعره اقل منهم بكثير تقريبا النص

وبعد اسبوعين بالضبط رجعنا الى المطار الساعه 7 الصبح وركبنا الطياره السرلنكيه الي نزلتنا في كولمبو ترانزيت بعدها ابوظبي بعدها البحرين ومن البحرين ريحنا بالنا بالطياره القطريه الى قطر ! ومنها بتكسي نصنا في البرتقالي ونصنا في كروه الى بيتنا ولله الحمد

وبكذا انتهت قصتي الي بديتها من اول اسبوع رجعت فيه الى قطر وانهيتها اليوم اسف للتاخير وذالك بسبب سفر مفاجئ والبارحه رجعتفقلت لازم اخلص الموضوع واريح باللكم والف شكر لانتظار مواضيعي عن رحلتي الى ماليزيا الاسيويه بيت المغامرات وانسب الاماكن للمتزوجين الجدد .

انشاء الله عجبكم الموضوع
تحياتي لكم اخوكم المخلب :)

abo rashid
20-08-2005, 08:07 PM
يعطيك العافية
شي جميل

كويتي فهمان
20-08-2005, 08:16 PM
مشاء الله عليك
خلاص السنه الجايه تروح معانا مرشد لا تقول ما عندي اجازه ولا مشغول

مو بكيفك امر من الاداره العليا للقوات الماليزيه
خخخخخخخخخخخخخخخخخخخخخخخخخخخخخخ

المخلب
20-08-2005, 09:46 PM
بوراشد تسلم على المرور الجميل هذا
ههههههههه تشكر يا كويتي باذن الله اذا الله قدرنا وديناكم ليش لاء بس اسعارنا رمزيه وخاصه <<<< اماه الي يسمع يقول صج عاد .

اهم شئ عجبكم الموضوع ! والله يسلمكم قولوا امين

مجرد مساهم
20-08-2005, 10:38 PM
عجبني موضوعك وايد ..... وقرأت كل الحلقات ........ تسلم على الموضوع .......... والحمد لله على سلامتكم


ما خبرتنا كم التكلفة ومع أي سفريات رحت .... ووش السلبيات اللي تنصح الواحد يتجنبها ؟؟

المخلب
21-08-2005, 11:10 AM
تسلم على المرور الجميل هذا يا خوي مجرد سهم

طبعا التكلفه سبق وذكرتها ان الشخص الكبير بـ 4850 ريال قطر اما الاطفال مادون الـ 12 سنه يختلف اسعارهم بحسب العمر والسكن ! << لان السعر يشمل سكن في غرفه مزدوجه وبكذا ماتحتاج لكل شخص غرفه فوفر على نفسك المبلغ وسكن كل 2 في غرفه بسعر واحد :)

بالنسبه للسفريات فهي حمله بحرينيه تنطلق من البحرين لكن اخر خبر سمعته بسبب ازدياد القطريين في الرحله الثانيه تاريخ : 1-8-2005 خلوا رحله خاصه لهم من قطر علشان التعب (( لان احنا تبهدلنا لما رحنا للبحرين ومن البحرين تنقعنا في المطار لين ماتوصل طيارتهم ويعني بهدله مالها داعي من الاول ! ))

السلبيات ياطويل العمر !

1- لا تشتري من كل مجمع تروحله (( مجمع تسوق )) لانك تاخذ الشئ اليوم بسعر بكره تحصله اقل ! او العكس
2- بالنسبه للارشاد (( التجوال السياحي )) للي ناوي يروح هناك انصحه نصيحه لله اترك عنك نظام الخملات ! روح هناك انت وهلك او انت وزوجتك ! ((خاصه للي رايحين شهر عسل)) روح لحالك وبتحصلك مرشد في الفندق اجاره تقريبا 70 ريال في اليوم بياخذك في باص صغير ( ميني باص ) وبلفلفك الاماكن السياحيه الي عندهم وبكذا افتكيت من الانتظار والبهدله ويه العوايل الاخرى الي بتكون وياك في الحمله ! ( وهم اختصرت من التكلفه )
3-لما تدخل اي شاطئ علشان السكوتر والبرشوت ! ( خاصه في بينيغ ) خذ رايي لا تاخذ اول ماليزي يقولك تعال ابي اركبك ويانا او ابي اعطيك السكوتر بسعر كذا ! رح على السيف بتشوف الف واحد غيره ويكاسرونك هم في السعر علشان تاخذ من عندهم (( يعني كل واحد ارخص من الثاني )) .
4- تحت برج الاتصالات في كوالا لمبور في صينين خبثاء <<<< عربي فصيح يعني حراميه بيقولك تعال برسمك ( رسم مثل الي في الستي سنتر ايام المهرجانات السابقه ) بس لما يجيك بقولك بـ 1.6 رنجت ولما يقولك ادفع ! بقولك جيب 160 رنجت يعني رسم زباله ولا تشبهك في اي شئ وزياده على كذا باقك فمن الاول قله مابي ارسم وخلص نفسك .
5- ابتعد عن الاسواق الغاليه لان اشياهم نفس الي عندنا واحنا ارخص ! لايغرك كلام الناس .

هذي نصايحي بالنسبه للسلبيات .

بس حبيت اذكر كذا مركز تسوق للي يحب انه يدل هناك (( افضل مراكز التسوق وارخصهم ))

1- كوالا لمبور : " مركز بيبي بلازا , مركز مايدين ((مثل الرامز بس بضايعه تنفع )) , السوق الصيني ( بس غالي بالنسبه لغيره بس لو تبي تشتري من هناك لا تشتري من اول يوم لانهم يتاكدون اذا انت جديد وله زبون قديم اذا قديم بيعطونك سعر اقل واذا جديد بيرفعونلك السعر دبل كيه ) .
2-بيينغ :" السوق الليلي ( افضل سوق وارخص سوق في ماليزيا ( سوق شعبي طبعا ) تقدر تشتري منه الي تبيه وبافضل الاسعار ( نصيحه خله المكان الاساسي للتسوق بالنسبه لك ولحريمك :) )

3-لنجاوي :" سوق شعبي في وسط البلد بس ماعرف اسمه بالضبط بس تقدر تسال اي واحد ويقولك اسمه وهو تحت الفندق الي بالصوره الي سكنا فيه تحته مباشره ".

4- جنتيك هايلاند :" ههههه مكان للعب مافيه شي تتسوق فيه بس ريح بالك " .

بالنسبه للمبلغ الي توديه وياك ( ابعد عن الفيزا ولا تستخدمها هناك ! ) المبلغ للشخصين 6 الاق تكفي !

خمس اشخاص 8 الاف تكفي ! مازاد عن كذا خذ 10 الاف بس صدقني بتزيد يعني خذها بس احتياط ! (( وخذها بالرنجت افضل او بالريال ومايغرك الدولار هناك !! ترى بتخسر فيه ))

هذا كل الي عندي انشاء الله فدتكم تحياتي لكم اخوكم المخلب ..

مجرد مساهم
21-08-2005, 06:49 PM
شكرا شكرا شكرا

:app::app::app::app::app::app::app:


ممكن توضح لي ، ليش الأفضل عدم استخدام الفيزا ؟؟

البرنس
21-08-2005, 06:54 PM
يسلموووووووووووو اخوي المخلب ..

:)

المخلب
21-08-2005, 10:07 PM
اشكركم يا برنس ويا مجرد سهم على المرور

طبعا لان الله يسلمك ماليزيا مشهوره بانها اكبر هكرز للفيزا يعني اذا في فيزتك 50.000 ريال ترجع قطر وانت مفلس ! ولا ريال داخلها يعني بالعربي حراميه فيزا ! :mad:

انشاء الله يكون التوضيح انفهم وشكرا لك على الاستفسار :)

تحياتي لكم واي خدمه حاظرين :)

ROSE
21-08-2005, 11:12 PM
ممتاز اخوي المخلب بصراحه شجعتني اني احط رحلتي بعد وان شاء الله راح احطها لما ارجع


لك الف شكر وجزاك ربي الف خير

المخلب
22-08-2005, 11:45 AM
يالله كلنا بانتظارك تحياتي لمرورك