تمرين السيارة الجديدة

[فتى البورصة]

الأخوة الأعضاء الكرام
السلام عليكم ورحمة الله وبركاته
واحد من الربع اشترى سيارة تويوتا كروزر Gx موديل 2007
كم السرعة القصوى والسيارة تحت التمرين وهل تتضرر لو وصلت السرعة 120كلم/س
وشكرا لتعاونكم

[لمت داون111]

اكيد تتأثر المكينه

حده يمشي بالكثير 80 لين مايكمل 5 الاف كيلوو علي الاقل مع تبديل الآيل

هذا الكلام الي نعرفه من سنين

وعلي فكره يمكن ماتصدق بس الافضل مايشغل المكيف حتي 5 الاف كيلو علي الاقل !! عشان مكينته تم طاقتها فيها وتعمر اكثر .. وهالكلام اكيد .. لانه المكيف يتعب المكينه وايد .. وخاصه الجديده

يعطيك العافيه يالغالي :)

[ضدالتيار]

بس الي سمعته ان مكاين السيارات الجديدة تكون ملينه قبل مايركبونها داخل جسم السيار في المصنح وهذا الكلام سمعته اكثر من مره وخصوصا المصدره للدول الخليج

[سمو انسان]

والله بصراحه هذا اللي نعرفه اخبر اخوي اول ماخذ موتره قط فيه 200 واكاه زي الفل

[فتى البورصة]

بس الشيخ لازم اتمرن الموتر

[بو سالم]

مرااااااااااحب



يا جماعة الخير المقصود من التمرين هو ترويض للسائقين وليس للسيارة وهذا على لسان موظف في وكالة يقول ان السيارة ما يبي لها تمرين بس المقصود هو ان اللي يشتريها يسوقها بهدواه اول الايام علشان يتعود وتروح منه فكرة اللعبة بالسيارة من اول يوم يمكن يعقل وينسى





;)

[فتى البورصة]

مشكور اخوي

[وطن]

هالكلام قديم اخوي
الحين مافي شي اسمه تمرين للسيارة


ولو بنطر لين توصل سيارتي الـ 5000 عشان اطوف الـ 120

بتبطي ولا وصلت :)

يبي لي سنة هاهاهاهاهاها

[لمت داون111]

مرااااااااااحب



يا جماعة الخير المقصود من التمرين هو ترويض للسائقين وليس للسيارة وهذا على لسان موظف في وكالة يقول ان السيارة ما يبي لها تمرين بس المقصود هو ان اللي يشتريها يسوقها بهدواه اول الايام علشان يتعود وتروح منه فكرة اللعبة بالسيارة من اول يوم يمكن يعقل وينسى





;)
غلطان والله يابوسالم .. كان شي معروف تمرين المكينه وتعويدها علي الحراره حتي الزيت ينغلى فيها عدل:D وتعويدها حق المداعس :looking:

بس جايز الحين تغير الوضع علي هالتكنولوجيا .. حسب كلام اختي وطن :)

يعطيكم العافيه جميعا :)

[فتى البورصة]

مشكورين على المعلومات

[BURBERRY]

اخوي الي سمعته اول 1000 كم لازم تمشي 80 و المكيف ما يكون اكثر من رقم 2 وبعد 1000كم و التشكييك الاولي خلاص حلاله يمشي الي يبيييه

[إنتعاش]

نعم اخواني صدقتو في المعلومات

التمرين والـ 1000 كيلو والمكيف على رقم 2


لكن الله يجزيكم خير هالكلام ينطبق على السيااااااارات القديمه

الآن سيارات الـ 2000 ما تحتاج هالسوالف الله يجزيكم خير

ادعس وشغل الكنديشن ولا عليك بس من السوالف

لا وكروزر بعد !

بذمتكم وش يخربه :)

ماشاءالله عليه يعني قصدي ما هنا خوف اخوي ومبروك مقدما ً والله يعطيه خيره ويكفيه شره

[jajassim]

ادعس وشغل الكنديشن ولا عليك بس من السوالف

لا وكروزر بعد !

بذمتكم وش يخربه :)





والله كلامك صحيح وأنا أخوك ،، انا عمري ماسخنت السيارة ،، عند إستلامي للسياره في معرض الوكاله .. طبعاً المسؤول في المبيعات جلس يشرح لي الأمور اللي في السياره .. فطبعاً وجهت له السؤال عن السرعه في فترة التمرين .. قال لي بالحرف الواحد (( إسرع مثل ما تحب أنا بنفسي شفت كيف في المصنع يجربون السياره الجديده :looking: يقصد أنهم يهلكونها :deal: ,, يعني إسرع لا يهمك وشغل المكيف على رأحتك ))

[فتى البورصة]

اها المفروض التمرين ايكون على 1000 كم

[وطن]

لا يا اخوي
الشباب يقولون لك مافي فترة تمرين

والفترة اللي 1000 كيلو هذي قديما مو الحين

[سعادة الوزير]

اسمحولي اقول لكم ان هالكلام معظمه خطأ. والتمرين مهم جدا للمكينة الجديدة بغض النظر عن الموديل قديم ولا جديد. شوفوا هالموضوع عن تمرين السيارة :

http://wiki.answers.com/Q/How_should_you_'break-in'_a_new_car

بعدين الي يقول ان مسؤول المبيعات قال له مافي شي اسمه تمرين، صدقني هالمسؤول مايفهم شي (وياكثرهم في معارض السيارات الجديدة) ، وشوف دفتر التعليمات الي مع السيارات الجديدة وبتلقى انه ينص على وجوب تمرين السيارة.

[hamoor4ever]

اخوي بعض السيارت تحتاج تمرين .. بس عادي شغل المكيف على راحتك وفي اول الف كيلو خف شوي على المكينه يعني لاتخلي عداد دورات المحرك تطلع فوق ال 4000 وبس

[وطن]

اخوي سعادة الوزير
انا ما مرنت ولا سيارة من سياراتي

وكاهم الحمدلله تمام :)

[سعادة الوزير]

اخوي سعادة الوزير
انا ما مرنت ولا سيارة من سياراتي

وكاهم الحمدلله تمام :)

وان شاء الله يتمون على طول تمام :)

بس ياخوي تمرين السيارة الجديدة مطلوب والمفروض ان الواحد يلتزم بالتعليمات الي في كتيب السيارة.

بس الشباب الله يهديهم يبون الريال يطلع الموتر من الوكالة ويمشي فيه 200!!!

[الكواري 1972]

صحيح كل شئ يبيله تمرين

بس الموديلات الجديده مايبيلها تمرين بس هذا الكلام ينطبق على يعرف يحافظ على حلاله

مش من اول مطلع السياره شخط فيها وبعدين اتهم الوكالة بالتقصير

اخوي امش فيها وشغل المكيف على كيفيك وخذ راحتك

[وطن]

وان شاء الله يتمون على طول تمام :)

بس ياخوي تمرين السيارة الجديدة مطلوب والمفروض ان الواحد يلتزم بالتعليمات الي في كتيب السيارة.

بس الشباب الله يهديهم يبون الريال يطلع الموتر من الوكالة ويمشي فيه 200!!!

انا اختك مو اخوك :)

وبعدين اذا بنتظر السيارة تعدي الـ 1000 او 5000 عشان اطوف الـ 80 او 120

بتعب لان بتاخذ وقت على ما تعدي هالكيلوات كلها

:funny:

[PoBox]

الناس فاهمة غلط

تقدر تسرع كثر ماتبي انشاء الله تعدي ال200

لكن لازم ما تتسارع (( ماتدوس مرة وحده وكانك داخل سباق ))
وذلك فقط اول الف كيلو

لان الآيل يكون آيل خفيف في السيارة
ولذلك يبدلونه اول الف كيلو عقب تبدلة كل 5000 آلاف او اكثر حسب السيارة


اما تدعس حبة حبة لايردك الا طبلونك
:D :D

[سهم المراقيب]

الله يهديكم ,,

التمرين عفى علية الزمان ,,
انا أطلع الموتر ومن دون تسخين ولا تمرين ,, وثاني يوم مداوم فيه وماشي 240 ,,

خاطري امرّن أرداف الموتر ,, مادري اروح الماسة :d

[وطن]

الناس فاهمة غلط

تقدر تسرع كثر ماتبي انشاء الله تعدي ال200

لكن لازم ما تتسارع (( ماتدوس مرة وحده وكانك داخل سباق ))
وذلك فقط اول الف كيلو

لان الآيل يكون آيل خفيف في السيارة
ولذلك يبدلونه اول الف كيلو عقب تبدلة كل 5000 آلاف او اكثر حسب السيارة


اما تدعس حبة حبة لايردك الا طبلونك
:D :D


اول ما طلعت سيارتي العام
قالوا لي اول تشييك وتبديل بعد 15 الف

:funny:


طافت السنة ولا وصلت هالرقم

omen

[رنج سبورت]

اي تمرين اللي اتكلمون عنه ؟؟
اول ماخذت الرنج السبورت من الوكاله شغلت المكيف و قلت خلني اشوف دعسته:)

[PoBox]

اول ما طلعت سيارتي العام
قالوا لي اول تشييك وتبديل بعد 15 الف

:funny:


طافت السنة ولا وصلت هالرقم

omen

:eek2: :eek2: :eek2: :eek2: :eek2: :eek2: :eek2: :eek2: :eek2: :eek2: :eek2: :eek2: :eek2: :eek2: :eek2: :eek2:


للبيع السيارة ؟؟؟ :strong

[وطن]

:eek2: :eek2: :eek2: :eek2: :eek2: :eek2: :eek2: :eek2: :eek2: :eek2: :eek2: :eek2: :eek2: :eek2: :eek2: :eek2:


للبيع السيارة ؟؟؟ :strong


هاهاهاهاهاها


هاااا

شنووو


ما اسمع


يقطع

[BURBERRY]

كل واحد يروح يقرى كتيب السياره و يشوف شنو مكتووب عن التمرين

[حمد]

شاري سيارتي من السعوديه

طلعت من المرور على الدوحه

وحياتكم 180 على خط بوسمرا .... والموتر مافيه شي ولله الحمد

[oqbah]

شاري سيارتي من السعوديه

طلعت من المرور على الدوحه

وحياتكم 180 على خط بوسمرا .... والموتر مافيه شي ولله الحمد
اولا تعجبني على معطتك للموتر
وصدقوني مايضره شي
وسبق صار وكديت الموتر اربع سنوات ومثل الالف ما شفت منه شر
وثانيا الاحظ اسعارنا بالرياض عند اليحي ارخص من عبدالغني عندكم بواجد
ومواصفات سمسم سوا سوا
ثالثا
اسمح ابين لك ان ةقولتك وحياتكم شرك اكبر لانه حلف بغير الله وهذا لايجوز
فلا يحلف الله بالله واياته فقط
بارك الله فيك

[فتى البورصة]

شاري سيارتي من السعوديه

طلعت من المرور على الدوحه

وحياتكم 180 على خط بوسمرا .... والموتر مافيه شي ولله الحمد

اخوي الله يحفظك
بس لازم تمرن الموتر

[AL_MUTAEM]

التمرين يجب لغاية الــ1000 كيلو لان نوعية الايل تكون خفيفه جدا ..

وبعد هالفتره تقدر تقول دربك خضر .. وربي يوريك خيرها ويكفيك شرها

[فتى البورصة]

الله يسلمك

[Qa6ar]

عادي ولاتخاف وكل سنه اخذ أكثر من سياره جديده ولايضرها السرعه او المكيف للعلم

[فتى البورصة]

مشكور على المعلومات