هل سفر الشاب اصبح وصمه عار ؟؟؟؟؟

[عزوز المضارب]

السلام عليكم ورحمه والله وبركاته


ساحاول الاختصار في الموضوع في سؤال واحد فقط



ليش الشاب عندما يسافر لوحده يظن الناس فيه سوءا ويقولون عنه ما سافر الا للمسخره وبنات الليل والشرب والعياذ بالله واذا سافر مع عائلته يقولون عنه ما شاء الله عليه شاب ذو خلق


يعني هالنظره مين المسوؤل عنها وليش الناس تستسهل الغيبه في الاخر طيب الفساد موجود في كل مكان يعني لو سافرت الامارات الى المغرب الفساد موجود


انا سالت هالسؤال لانه واحد من الاصدقاء افتقدني الفتره الماضيه وقالي وين كنت قلت كنت في الصين قالي اكيد رايح للتجاره وقلت له يمكن اروح مصر قالي عيل رايح للمسخره
فهل البلد بتحدد اخلاق الرجل اللي مسافر لها ؟؟؟؟؟:anger2: :anger2: :anger2:

[حورية البحر]

بصراحة بماانة الناس شافت كثيرا من الشباب الي يسافرووون لجل الخربطة فخلاص النظرة ترسخت باعين الكل لو كان الشاب عاقل
فالاحسن انة الشاب ينتظر لين يتزوج ويسافر واذا مستعجل يعجل بامر زواجة لجل يسافر باقرب فرصة واتكون زوجتة معة افضله لجل يحافظ على عمره

[التيما]

كلن يرى الناس بعين طبعه ... انا اشوف مافيها شي يسافر بروحه مب شرط يخربط .. ممكن يبي الهدوء او الراحه عادي .. يمكن رايح علاج ... مب شرط في وجهه نظري

[مليت]

عزوزي حفص يا بابا ولا عليك

[AL_MUTAEM]

بصراحة بماانة الناس شافت كثيرا من الشباب الي يسافرووون لجل الخربطة فخلاص النظرة ترسخت باعين الكل لو كان الشاب عاقل
فالاحسن انة الشاب ينتظر لين يتزوج ويسافر واذا مستعجل يعجل بامر زواجة لجل يسافر باقرب فرصة واتكون زوجتة معة افضله لجل يحافظ على عمره

ممكن اعقب على ردك اختي حوريه ..

اول شي اصابع يدك مش زي بعض ..

ومش لازم انا انتظر لين ما اتزوج علشان اقدر اسافر .. وهذا كله لاني اخاف من كلام الناس ..

اهم شي ثقة الانسان بنفسه ..

وحتى لو كان متزوج يمكن الواحد يسافر للاسترخاء من الحياة الزوجيه ..:court:

[عزوز المضارب]

بصراحة بماانة الناس شافت كثيرا من الشباب الي يسافرووون لجل الخربطة فخلاص النظرة ترسخت باعين الكل لو كان الشاب عاقل
فالاحسن انة الشاب ينتظر لين يتزوج ويسافر واذا مستعجل يعجل بامر زواجة لجل يسافر باقرب فرصة واتكون زوجتة معة افضله لجل يحافظ على عمره


يا سلاااااااااااااااااااااااااااااااام:eek2: لازم الشاب يتزوج عشان يسافر ...اختي حوريه هذا حكم قراقوش صار :funny:

يسلموا على المرور الرائع

[عزوز المضارب]

كلن يرى الناس بعين طبعه ... انا اشوف مافيها شي يسافر بروحه مب شرط يخربط .. ممكن يبي الهدوء او الراحه عادي .. يمكن رايح علاج ... مب شرط في وجهه نظري


كله مب شرط ذكرتي الاشياء اللي اعملها في السفر:strong واللي يبي يروح الخربطه الخربطه موجوده بكل مكان صح كلامك يا محرره ........بس حلوه كلمه خربطه :eek2:


يسلموا التيما على مرورك

[عزوز المضارب]

عزوزي حفص يا بابا ولا عليك


حفصت يا مليت :dance :dance :dance

يسلموا مرورك يا الغالي

[عزوز المضارب]

ممكن اعقب على ردك اختي حوريه ..

اول شي اصابع يدك مش زي بعض ..

ومش لازم انا انتظر لين ما اتزوج علشان اقدر اسافر .. وهذا كله لاني اخاف من كلام الناس ..

اهم شي ثقة الانسان بنفسه ..

وحتى لو كان متزوج يمكن الواحد يسافر للاسترخاء من الحياة الزوجيه ..:court:

طيب اشكرني على الموضوع بين هالكلام ول يعني عشان انا شاب :eek3: :eek3:

بس ردك حلو عليها عجبتني يسلمو ا على المرور اخوي

[AL_MUTAEM]

طيب اشكرني على الموضوع بين هالكلام ول يعني عشان انا شاب :eek3: :eek3:

بس ردك حلو عليها عجبتني يسلمو ا على المرور اخوي

افاااا عزووووز :strong

يعطيك العافيه على هالطرح الحلوووو ..omen

بس انا ما افرق بين عضو ولا عضوه اخوووي .. بس احتمال حبيت اعقب على رد اختي حوريه لا اكثر ..

[haneen]

أخي عزوز شكرا لطرحك الموضوع
قديما قالوا في السفر سبعة فوائد
السفر للأعزب أو المتزوج فائدة وهذا يعتمد على عقلية المسافر وهدفه
من السفر والمتمسك بدينه هو المتمتع بفائدة السفر

[الطرف الأغر]

سافرو واستانسوا قبل لا تتزوجون حتى ،، عقب بتربطون :funny: طبعا اذا تزوجتوا

السفر = الحريه والمتعه النفسيه ،،

بس تحملوا بعمركم ،، :)

تحياتي لك أخوي

[عزوز المضارب]

افاااا عزووووز :strong

يعطيك العافيه على هالطرح الحلوووو ..omen

بس انا ما افرق بين عضو ولا عضوه اخوووي .. بس احتمال حبيت اعقب على رد اختي حوريه لا اكثر ..


امزح طبعا معك اخوي المتيم وشكرا لك يا الغالي :nice:

[عزوز المضارب]

أخي عزوز شكرا لطرحك الموضوع
قديما قالوا في السفر سبعة فوائد
السفر للأعزب أو المتزوج فائدة وهذا يعتمد على عقلية المسافر وهدفه
من السفر والمتمسك بدينه هو المتمتع بفائدة السفر


اختي حنين الله يعافيك يارب
لكن نعرف انه السفر له فوائد كا ذكر تي ولكن نظره المجتمع اقوى وفي جميع الاحوال الانسان اللي واثق من نفسه ما يهمه كلام الناس

شرفني مرورك الرائع اختي حنين

[عزوز المضارب]

سافرو واستانسوا قبل لا تتزوجون حتى ،، عقب بتربطون :funny: طبعا اذا تزوجتوا

السفر = الحريه والمتعه النفسيه ،،

بس تحملوا بعمركم ،، :)

تحياتي لك أخوي

هنتزوج يا الطرف الاغر بدل الوحده ثنتين omen بالعكس انا اشوف نفسي بعد الزواج في حريه اكثر من وانا اعزب وهذا السبب اللي بخليني اتزوج مره ثانيه علشان اخذ حريه اكبر :dance :dance
يسلمو على المرور الرائع الطرف الاغر

[Chambray]

السلام عليكم ورحمه والله وبركاته


ساحاول الاختصار في الموضوع في سؤال واحد فقط



ليش الشاب عندما يسافر لوحده يظن الناس فيه سوءا ويقولون عنه ما سافر الا للمسخره وبنات الليل والشرب والعياذ بالله واذا سافر مع عائلته يقولون عنه ما شاء الله عليه شاب ذو خلق


يعني هالنظره مين المسوؤل عنها وليش الناس تستسهل الغيبه في الاخر طيب الفساد موجود في كل مكان يعني لو سافرت الامارات الى المغرب الفساد موجود


انا سالت هالسؤال لانه واحد من الاصدقاء افتقدني الفتره الماضيه وقالي وين كنت قلت كنت في الصين قالي اكيد رايح للتجاره وقلت له يمكن اروح مصر قالي عيل رايح للمسخره
فهل البلد بتحدد اخلاق الرجل اللي مسافر لها ؟؟؟؟؟:anger2: :anger2: :anger2:


يعتمد اخوي على الدولة الي رايح لها ،، وعلى اخلاق ربعه الي رايح معاهم ..
مثلاً ..
بتقولي الي يروح بتايا في تايلند رايح حق وناسه ؟ مثلاً
ايش الوناسه الي في بتايا ؟
فوكيت احلى منها وفيها كل المنتجعات السياحية والالعاب المائية ..
لكن ليش رايح بتايا ؟ لانها معروفه ببنات الليل والديسكوات والمراقص و و و وإلخ ..


الفكرة تتطبق على الدولة الي رايح لها الشخص . واخلاقه واخلاق ربعه

[السديم]

اتفق مع الاخ دبلوماسي ..

يعتمد على الدولة اللي رايح لها والرفقه اللي معاه ..

يعني شاب كل ويكند يروح احدى الدول الخليجية كل اسبوع كل اسبوع شبتكون نظرة الناس له ..

بالذات اذا كانت هالبلاد معروفه بالفساد ..

مجموعة شباب مثل ماتفضل اخوي رايحين جايين على تايلند ؟؟

مب عيب السفر بالعكس فيه معرفة ثقافة شعوب .. العيب لما يكون الهدف غير شريف ..

لك كل التحية اخ عزوز

[عزوز المضارب]

يعتمد اخوي على الدولة الي رايح لها ،، وعلى اخلاق ربعه الي رايح معاهم ..
مثلاً ..
بتقولي الي يروح بتايا في تايلند رايح حق وناسه ؟ مثلاً
ايش الوناسه الي في بتايا ؟
فوكيت احلى منها وفيها كل المنتجعات السياحية والالعاب المائية ..
لكن ليش رايح بتايا ؟ لانها معروفه ببنات الليل والديسكوات والمراقص و و و وإلخ ..


الفكرة تتطبق على الدولة الي رايح لها الشخص . واخلاقه واخلاق ربعه


شكرا لك اخوي الدبلوماسي على تعليقك المفيد وكلامك منه فيه لكن انا اتحدث عن الشخص بروحه

ولندن وباريس وسويسرا وهولندا اللي تبيع المخدرات رسميا وشرم الشيخ والاردن وسوريا كلها فيها فساد ويمكن اكثر من فوكيت باضعاف حتى بعض الدول الخليجيه مليانه فساد

انا اتكلم عن نظره المجتمع والناس اللي راسخه بعقولها اي شاب سواء بروحه او مع اصدقائه النظره بتكون سلبيه

تحياتي لك اخوي

[عزوز المضارب]

اتفق مع الاخ دبلوماسي ..

يعتمد على الدولة اللي رايح لها والرفقه اللي معاه ..

يعني شاب كل ويكند يروح احدى الدول الخليجية كل اسبوع كل اسبوع شبتكون نظرة الناس له ..

بالذات اذا كانت هالبلاد معروفه بالفساد ..

مجموعة شباب مثل ماتفضل اخوي رايحين جايين على تايلند ؟؟

مب عيب السفر بالعكس فيه معرفة ثقافة شعوب .. العيب لما يكون الهدف غير شريف ..

لك كل التحية اخ عزوز
اختي السديم كل البلاد فيها الفساد وفيها الخير فيها المفسدين وفيها المصلحين انا لم احدد وجهه سفر انا تكلمت عن سفر الشاب بغض النظر عن الدوله اللي رايحها انا ممكن اروح المغرب او تونس يعني انا رحت للفساد واذا رحت السودان ما راح احصل فساد

تحياتي لك اختي السديم ومنوره الموضوع والمنتدى :nice:

[وطن]

يقول لك يا اخوي الخير يخص والشر يعم

:)

ومن كثر ما شفنا شباب يسافرون للخربطة
صارت نظرة الناس لكل اللي يسافر جذي

:)

[الزاجل]

كلن يرى الناس بعين طبعه ... انا اشوف مافيها شي يسافر بروحه مب شرط يخربط .. ممكن يبي الهدوء او الراحه عادي .. يمكن رايح علاج ... مب شرط في وجهه نظري
:strong :strong :strong

[بيانو]

يا جماعة من حق الشباب يسافرون ويغيرون جو . وعشان نكون صرحة مع بعضينا الدوحة صغيرة جدا وين هتروح فيها يعنى انا مقيم هنا وبرجع بلدى فى الاجازه اشوف ناسى واصحابى واغير جو
والشاب القطرى محتاج لتغيير الجو وتغير السوالف اليوميه

مش معنى انه مسافر يبقى رايح عشان .........
ومش معنى انه رايح على البحرين ولا مصر ولا المغرب يبقى عشان ال ... :con2:

وتحياتى لك يا Zezo
ترى عندى ليك رحلة 100% من اللى قلبك يحبها
:dance :dance

[براء]

الي بدور على المسخره وين ما يروح بلاقيها والي يروح لأمر ما برضه بلاقيه

[Chambray]

شكرا لك اخوي الدبلوماسي على تعليقك المفيد وكلامك منه فيه لكن انا اتحدث عن الشخص بروحه

ولندن وباريس وسويسرا وهولندا اللي تبيع المخدرات رسميا وشرم الشيخ والاردن وسوريا كلها فيها فساد ويمكن اكثر من فوكيت باضعاف حتى بعض الدول الخليجيه مليانه فساد

انا اتكلم عن نظره المجتمع والناس اللي راسخه بعقولها اي شاب سواء بروحه او مع اصدقائه النظره بتكون سلبيه

تحياتي لك اخوي

والله اخوي في كل مكان في فساد ، بس الانسان العاقل الي يروح حق وناسته ، وحق متعته ، وليس المتعه الحرام ،،
لان صدقني اي واحد تكون فكرته في بنات الليل او الاشياء الحرام ، فتأكد ان سفرته راح تخترب سواء بسرقة او بأي شئ ..
وصدقني لو الواحد يروح بروحه بعد راح تكون حوله شبهات ، يعني شيسوي بروحه رايح لا صديق ولا رفيق ؟ صح ولا انا غلطان ...

ويعتمد بالدرجة الاولى اخوي على اخلاق الشخص ورفقته ،، إذا كان انسان يعرف الصح من الغلط وماينجر ورى الشهوات ويحافظ على صلاته في السفر ، فهالإنسان ماينخاف عليه
لكن إذا الانسان مخترب في الدوحة وسمعته مب لين اهناك ، فأكيد راح تكون سفراته لسواد ويهه ..

[عزوز المضارب]

والله اخوي في كل مكان في فساد ، بس الانسان العاقل الي يروح حق وناسته ، وحق متعته ، وليس المتعه الحرام ،،
لان صدقني اي واحد تكون فكرته في بنات الليل او الاشياء الحرام ، فتأكد ان سفرته راح تخترب سواء بسرقة او بأي شئ ..
وصدقني لو الواحد يروح بروحه بعد راح تكون حوله شبهات ، يعني شيسوي بروحه رايح لا صديق ولا رفيق ؟ صح ولا انا غلطان ...

ويعتمد بالدرجة الاولى اخوي على اخلاق الشخص ورفقته ،، إذا كان انسان يعرف الصح من الغلط وماينجر ورى الشهوات ويحافظ على صلاته في السفر ، فهالإنسان ماينخاف عليه
لكن إذا الانسان مخترب في الدوحة وسمعته مب لين اهناك ، فأكيد راح تكون سفراته لسواد ويهه ..
حلو الكلام قربنا من السبب الحقيقي يعني الناس اللي يعرفون الشخص اذا كان سيء الاخلاق معناه لو سافر بروحه او مع صديقه اذن هو رايح للشبهات والمتعه الجنسيه وخلافه .....صدقني اخوي الدبلوماسي لو كان يصلي ويعرف الله وسافر وما سوا شيء وهو اكيد ما راح يسوي شيء يغضب الله لكن بعض الناس راح اتظن السوء فيه تدري ليش ؟؟؟لانه هم تعوده على النظره السلبيه واساءه الظن وهذا هدفي من الموضوع النظره السلبيه واساءه الظن بدون التاكد

يعني اسمح لي اوضح الفكره لو انت مسافرلوحدك وانك على ذو خلق رفيع وهو شيء انا واثق منه وسمعت من احد المقربين لك رمى كلمه وقال مادام مسافر بروحه الله يعلم ليش مسافر اكيد بروح وناسه وخرابيط شباب ايش بكون موقفك في هذه الساعه واشلون الواحد يغير نظره الناس ليحسنوا الظن اولا ام اصبح الشباب في قفص الاتهام ونرضى بالواقع

[الخيميائي]

ثلاث ارباع المتعة في السفر في الرفقة :)

اما السفر وحيدا ولبلادة مشبوهه اكيد بيجيب الكلام حق نفسه

موضوع مهم

[لمت داون111]

صدقت اخووي عزوز .. للأسف صار ينحكم علي اغلب الشباب علي اماكن سفراتهمcrazy .. وكأنه هالبلاد ألي رايحها مافيها الا الشين :confused:

قبل لا اجاوب علي موضوعك اخوي عزوز .. خلني اقولك انا وين اسافر دايما وبأستمرار .. تقريبا كل شهر اروح البحرين مره او مرتين .. ( قولو ما شاء الله omen )

ممكن كل واحد فيكم يجاوبني بصراحه .. مبدئيا لما يشوف سفراتي واجد حق البحرين شـ يظن عني ؟ :)

لحد يستحي ;)

[لمت داون111]

ثلاث ارباع المتعة في السفر في الرفقة :)

اما السفر وحيدا ولبلادة مشبوهه اكيد بيجيب الكلام حق نفسه

موضوع مهم
تعليق جميل اخوي الخيميائي

بس كيف تفسر لي رد صاحب رفيج عزوز لما قاله انه رايح مصر لسواد الويه ؟

مصر بلاد معروفه بجمالها وسياحتها وكفايه الاهرامات والاثار ألي مشهرتها

خلنا واقعيين شوي .. صار التصنيف علي الشباب بالمزاج وعلي البلاد الي يسافرها للأسف

اسمحلي علي المداخله .. ويعطيك العافيه يالغالي :)

[لمت داون111]

بصراحة بماانة الناس شافت كثيرا من الشباب الي يسافرووون لجل الخربطة فخلاص النظرة ترسخت باعين الكل لو كان الشاب عاقل
فالاحسن انة الشاب ينتظر لين يتزوج ويسافر واذا مستعجل يعجل بامر زواجة لجل يسافر باقرب فرصة واتكون زوجتة معة افضله لجل يحافظ على عمره
الله يهداج اختي حوريه

خلاص يعني مانسافر ولا نستانس الا لما نتزوج !! .. هذا مب كلام اختي :looking:

[بوخالد2]

لا اخوى عزوز انا مااحكم على الشخص من البلاد الى يسافر لها اذا كان راعي اخلاق وماعنده السوالف ذي عادي روحته وجيته عاديه مافيها شي اما انا ادرى انه رجال راعي سوالف وخربطه اكيد بنقد عليه وبصير في نضري رجل فاسد الاخلاق

يعني كلنا انسافر لتغير الجو و الروتين اليومي المملل من امور يوميه وعمليه وغيرهاا

وكلن يعرف ان السوالف ذي ماوراها الا المرض

بالعكس روح سافر وستانس وعيش في البلاد الى بتروح لها مثل اهلها علشان اتحس انك سافرت عدل وتمتع بالاجازه


شكرا لك على الموضوع الجميل

[عزوز المضارب]

ثلاث ارباع المتعة في السفر في الرفقة :)

اما السفر وحيدا ولبلادة مشبوهه اكيد بيجيب الكلام حق نفسه

موضوع مهم


كلام حلو لكن مش منطقي

يسلموا اخوي الخيميائي

[عزوز المضارب]

صدقت اخووي عزوز .. للأسف صار ينحكم علي اغلب الشباب علي اماكن سفراتهمcrazy .. وكأنه هالبلاد ألي رايحها مافيها الا الشين :confused:

قبل لا اجاوب علي موضوعك اخوي عزوز .. خلني اقولك انا وين اسافر دايما وبأستمرار .. تقريبا كل شهر اروح البحرين مره او مرتين .. ( قولو ما شاء الله omen )

ممكن كل واحد فيكم يجاوبني بصراحه .. مبدئيا لما يشوف سفراتي واجد حق البحرين شـ يظن عني ؟ :)

لحد يستحي ;)
اولا ما شاء الله

بصراحه انا بجاوبك هنا الناس ما راح يقولوا عنك انك رايح لسوالف البنات والمراقص بالعكس بيقولون عنك انك انت اكيد متزوج في البحرين وكل اسبوع تروح مرتين يصيرون يشكون اكثر واكثر ويسوء الظن اكثر :funny: لكن برايي الشخصي يقولون متزوج ولا يقولون رايح حق بنات الليل والمراقص :looking:

يعطيك العافيه اخوي لمت داوون .ترى السوق فووق اليوم وباجر لمت داوون :eek2:

[عزوز المضارب]

لا اخوى عزوز انا مااحكم على الشخص من البلاد الى يسافر لها اذا كان راعي اخلاق وماعنده السوالف ذي عادي روحته وجيته عاديه مافيها شي اما انا ادرى انه رجال راعي سوالف وخربطه اكيد بنقد عليه وبصير في نضري رجل فاسد الاخلاق

يعني كلنا انسافر لتغير الجو و الروتين اليومي المملل من امور يوميه وعمليه وغيرهاا

وكلن يعرف ان السوالف ذي ماوراها الا المرض

بالعكس روح سافر وستانس وعيش في البلاد الى بتروح لها مثل اهلها علشان اتحس انك سافرت عدل وتمتع بالاجازه


شكرا لك على الموضوع الجميل

كلامك درر ويدل على الثقه بالنفس

ويشرفني دائما مرورك الدائم بوخالد

[عزوز المضارب]

يا جماعة من حق الشباب يسافرون ويغيرون جو . وعشان نكون صرحة مع بعضينا الدوحة صغيرة جدا وين هتروح فيها يعنى انا مقيم هنا وبرجع بلدى فى الاجازه اشوف ناسى واصحابى واغير جو
والشاب القطرى محتاج لتغيير الجو وتغير السوالف اليوميه

مش معنى انه مسافر يبقى رايح عشان .........
ومش معنى انه رايح على البحرين ولا مصر ولا المغرب يبقى عشان ال ... :con2:

وتحياتى لك يا Zezo
ترى عندى ليك رحلة 100% من اللى قلبك يحبها
:dance :dance


يسلموا بيانو وشرفني مرورك الدائم :nice:

[عزوز المضارب]

الي بدور على المسخره وين ما يروح بلاقيها والي يروح لأمر ما برضه بلاقيه

عارفين هالكلام اخوي براء ..بس ما قلت لي رايك في ظن السوء

ويسلموا على المرور الرائع :nice:

[الزاجل]

عم عزوز

طبعا سفر الشاب وصمة عار:looking:

المفروض ياخذ معاه محرم .....> يا عيني على الفكاكة :dance

[لمت داون111]

سافرو واستانسوا قبل لا تتزوجون حتى ،، عقب بتربطون :funny: طبعا اذا تزوجتوا

السفر = الحريه والمتعه النفسيه ،،

بس تحملوا بعمركم ،، :)

تحياتي لك أخوي
بالعكس اختي الطرف .. عن نفسي جربت سفرة الربع وسفرة الاهل .. ووجدت المتعه والوناسه مع الاهل افضل .. ومستقبلا معاي زوجتي بأذن اللهomen

وسوري علي المداخله عرض :D

[الزاجل]

صدقت اخووي عزوز .. للأسف صار ينحكم علي اغلب الشباب علي اماكن سفراتهمcrazy .. وكأنه هالبلاد ألي رايحها مافيها الا الشين :confused:

قبل لا اجاوب علي موضوعك اخوي عزوز .. خلني اقولك انا وين اسافر دايما وبأستمرار .. تقريبا كل شهر اروح البحرين مره او مرتين .. ( قولو ما شاء الله omen )

ممكن كل واحد فيكم يجاوبني بصراحه .. مبدئيا لما يشوف سفراتي واجد حق البحرين شـ يظن عني ؟ :)

لحد يستحي ;)

اهااا

اكيد انت تاجر حلوى ومتاي ؟ :con2:

[لمت داون111]

اولا ما شاء الله

بصراحه انا بجاوبك هنا الناس ما راح يقولوا عنك انك رايح لسوالف البنات والمراقص بالعكس بيقولون عنك انك انت اكيد متزوج في البحرين وكل اسبوع تروح مرتين يصيرون يشكون اكثر واكثر ويسوء الظن اكثر :funny: لكن برايي الشخصي يقولون متزوج ولا يقولون رايح حق بنات الليل والمراقص :looking:

يعطيك العافيه اخوي لمت داوون .ترى السوق فووق اليوم وباجر لمت داوون :eek2:
اولا : انا بايع كل الي عندي بخساره وفاك عمري من زمانcrazy .. ياخي لاتقلب المواجع :eek3:

ثانيا : وصلنا للمفيد طال عمرك :deal: وسر سفراتي الدايم هو لسببين .. الوالد عنده تجاره بسيطه هناك .. والسبب الثاني والمهم انه خوالي من البحرين .. ولما اسمع الوالد بيروح اقدم اجازه يومين وارز ويهي واقبض الخط وياه .. منها أغير جو من الدوحه ومنها اقعد مع الشباب هناك واعيال الخال .. تصدق يا عزوز والله العظيم وهذاني احلف لك وهالشي بذمتي .. نص ربعي مب مصدقينه .. اني ما أدل ولا عمري دخلت بارات أو مراقص بالبحرين ؟؟ ولا حتي لمجرد الفضول او اللقافه ؟؟ مجرد مروري بالسياره جدام اي مرقص احس اني مسوي شي غلط ..حتي بعض المراقص الي دايما أسمع شباب قطر يقولون اساميهم انا اقولهم بأي منطقه هذي ؟؟ يقولون لي لاتمثل علينا وانت مطيح فيهم هناك ؟؟ علي طوول يظنون السوء فيني لكثره سفراتي للبحرين .. بس الي يعرفوني عدل عمرهم ماسألوني هاا شعندك رايح البحرين :deal:

وبالمقابل ادل البحرين واعرف مناطقها واهلها عدل والحمدلله .. والوناسه فيها حلووه بمناطقها وسياحتها وحياكم معاي يومين اخليكم تشوفون البحرين عدلomen سويت لها دعايه صح :dance

علي فكره انا ماوضحت هالشي الأ عشان الي ياخذ يظن بافكار سيئه ويظن ظنوون مب زينه بالناس يحسب حسابه لاخلاق الشخص نفسه ويقدر غرض سفرته علي الشاب مب علي البلاد الي بيروح لها

السموحه علي الاطاله .. وهذاني قلت لكم السبب :D

تسلم علي الموضوع الحلوو اخوي عزوز .. بس ماقلت لنا شعندك في مصر :p

[لمت داون111]

اهااا

اكيد انت تاجر حلوى ومتاي ؟ :con2:
بدينا بالحسد:looking:

بدبل عليك السعر :dance

:D