بدويه تطلب الطلاق لأن زوجها حاول كشف برقعها وهي نائمة

[ضوى]

فوجئ أحد سكان القرى في جنوب بادية الأحساء بأن أمه تركت البيت الذي عاشت فيه لأكثر من 50عاماً وتطلب الطلاق من أبيه على الرغم من أنهما تجاوزا سن الـ70
وحين حاول الابن تقصي الأمر عرف أن أسباب الخلاف لا تستحق العناء، حيث ادعت الأم أن أباه حاول كشف برقعها وهي نائمة لرؤية وجهها.
فمنذ أن تزوج الأب الأم قبل 50 عاما لم ير وجهها عملا بالتقاليد التي تقضي بذلك وأضافت السيدة أن زوجها بعد هذا العمر يحاول ارتكاب كبيرة من الكبائر - حسب اعتقادها - في قاموس العادات والتقاليد التي نشأت عليها في أسرتها.
وتحمل الزوج العجوز تبعات هذا العمل ووجه اعتذارات متكررة لزوجته وأم أولاده، وقدم وعوداً بعدم محاولة رؤية وجه زوجته الخمسينية.

منقووووووووووووووووول واترك لكم التعليق :looking: :looking:

[ولد الزبارة]

ما اعتقد أن فيه عاقل يصدق هالسوالف.

[ضوى]

ما اعتقد أن فيه عاقل يصدق هالسوالف.


خمسينية تطلب الطلاق لأن زوجها حاول كشف برقعها وهي نائمة
الجبيل: سعيد الشهراني
نقلا عن جريدة الوطن:looking: :looking:

[Bo Rashid]

( فوجئ أحد سكان القرى في جنوب بادية الأحساء بأن أمه تركت البيت الذي عاشت فيه لأكثر من 50عاماً وتطلب الطلاق من أبيه على الرغم من أنهما تجاوزا سن الـ70 ) .
وين رايحه . لا تكون رايحه بيت ابوها . حدثوا العقل بما يعقل يا ناس !

[السديم]

مرحبا غاليتي ضوى ..

انا قريت هالخبر من فتره في الجرايد ..


هو خبر مضحك ومحزن بنفس الوقت .. يعني للحين في ناس بهالعقليه وهالتخلف ..!!

للأسف للحين في قرى بالسعوديه والوطن العربي عامه عندهم مثل هالتقاليد اللي للأسف رجعتنا ورا ..

التقليد ان كان جميل حلو ان احنا نحافظ عليه ونشجع على عدم اندثاره .. لكن وحده تتنقب عن زوجها !!

بس صدقوني تصير .. اعرف وحده بقطر يحلفون عيالها انهم ماشافو امهم من غير بطولة الا يوم صارت بال 60 ومرضت بالمستشفى الاولاد شافو امهم بدون بطوله ؟؟

ناس محافظين على التقاليد بشكل مستميت .. وعندنا ناس لو الود ودها حتى العباه مايلبسونها crazy

ضوى لج كل التقدير ..

[البرنس_توب]

كلام فاضي

[ضوى]

مشكلتنا الازلية التجريح

ولا راح نتعلم ولا نفهم ولا ننضج

يا اخواني واخواتي في شئ اسمه حوار ونقاش ، كلام فاضي ولا يعقل واستهزاء ، يعني ليش الغلط بالكلام ، الكلام مو من عندي جريدة الوطن السعودية نشرته وموجود بكل المنتديات وللامانة شفت تعليقات عادية ما تصدق الخبر بس ما تجرح بهالطريقة ، ارجوكم ارتقوا شوي بالحوار بطريقة النقاش ، اللي مب مصدق ما الومه بس لا يغلط بكلام مبتذل بكل بساطة الموضوع غريب شوي وصعب التصديق واااااايد اخف من كلام فاضي او وين رايحة بيت ابوها ومن هالكلام اللي ما وراه الا الاستهزاء ، تعبت وانا اكتب واقول الرقي مطلوب في الحوار والنقاش

اختي السديم

فديت قلبج والله انج تبردين القلب وردج مثل البلسم عالقلب ، تسلمين حبيبتي عالمرور والتعليق الرائع من انسانة اروع تحياتي لج

[ولد الزبارة]

مشكلتنا الازلية التجريح

ولا راح نتعلم ولا نفهم ولا ننضج

يا اخواني واخواتي في شئ اسمه حوار ونقاش ، كلام فاضي ولا يعقل واستهزاء ، يعني ليش الغلط بالكلام ، الكلام مو من عندي جريدة الوطن السعودية نشرته وموجود بكل المنتديات وللامانة شفت تعليقات عادية ما تصدق الخبر بس ما تجرح بهالطريقة ، ارجوكم ارتقوا شوي بالحوار بطريقة النقاش ، اللي مب مصدق ما الومه بس لا يغلط بكلام مبتذل بكل بساطة الموضوع غريب شوي وصعب التصديق واااااايد اخف من كلام فاضي او وين رايحة بيت ابوها ومن هالكلام اللي ما وراه الا الاستهزاء ، تعبت وانا اكتب واقول الرقي مطلوب في الحوار والنقاش

اختي السديم

فديت قلبج والله انج تبردين القلب وردج مثل البلسم عالقلب ، تسلمين حبيبتي عالمرور والتعليق الرائع من انسانة اروع تحياتي لج

يعني اذا قلنا الكلام مايدش العقل ، تنجرح !!!!!:eek2:

انت ألحين في ذمتك مقتنع بالسالفه :deal:

[الرحال]

يستاهل اللي جاه
صارله خمسين سنة ما شاف وجهها والحين يبي يشوفه
زين تسوي فيه

[السديم]

يستاهل اللي جاه
صارله خمسين سنة ما شاف وجهها والحين يبي يشوفه
زين تسوي فيه


crazy crazy crazy

وعليه عاد هو يوم تشطر عقب 50 سنه يات على راسه :strong

حب يشوف مرته قبل لايموت :p

[مليت]

ما يجوز لازم يكشف عن البضاعه يمكن تطلع مب حلوه من رايي ايطلقها وكافيه الخمسين سنه

[ANONYMOUS]

كلام جرايد..

وشكرا على النقل..

[روافي]

بادية الاحساء ؟؟ وين هاذي

واذا جريدة الوطن هي جريدة الوطن السعوديه فهي اغلب اخبارها كذب × كذب معروفه جريدة الشلخ والصواريخ مااحد يشتريها عندنا

[ضوى]

الشكر لمن مر دون تعليق

[قطري مغامر]

طيب شلون جاب منها عيال ؟؟؟؟؟؟؟؟ لا يكون عن طريق الاقمار الصناعية

في اعتقادي ان الموضوع هذا لمجرد التسليه وهو من وحي خيال الصحفي اللي كتب الموضوع

[ضوى]

طيب شلون جاب منها عيال ؟؟؟؟؟؟؟؟ لا يكون عن طريق الاقمار الصناعية

في اعتقادي ان الموضوع هذا لمجرد التسليه وهو من وحي خيال الصحفي اللي كتب الموضوع


برافووووووووووو عليك ، الصراحة ردك يبرد القلب تدري ليش لانك شككت بالكاتب ما شككت بناقل الموضوع وتحريك الدقة عجبني الصراحة واشكرك عليه

[المهاجر]

بالفعل اختي ضوى هناك الكثير من الجيل السابق اللذين تربوا على هذا النمط من الحياه وعاشوا طوال حياتهم على هذه العادات والتقاليد ما زالوا يتمسكون بها حتى الان وبكل اصرار
ونا لدي عمه لم ارى وجهها ابدا طوال عمري والاكثر من ذلك انها لاتشرب اي شيء في حضوري ابد كما انها لا تنزع البطوله من وجهها امام ابنائها ابدا
اما بالنسبه لزوجها رحمة الله عليه فلا اعلم
ولذك فانا لا استغرب هذا التصرف من هذه السيده العجوز التي وبكل تاكيد كانت تعيش في اسره متشدده جدا حتى تاصلت هذه العاده لديها والتي لا يمكن ان تتغير بعد مرور كل تلك السنين

يعطيج العافيه

[شقردي]

اخت ضوى مو كل من يكتب في الجرائد يكون صحيح بعدين مستحيل يكون فيه ناس بالتفكير كذا

صدقيني اغلبة الموضويع اللي بالجرائد كذب منزلين عليها بعض الاضافات للفت الانتباه بقصد التجاره

لكن يعطيج العافيه على المضوع

[100$]

انا بصراحه اقول ممكن الخبر صحيح .. وتم اضافة ابهارات الصحافه عليه

ممكن هذي الزوجه مثل الكثير من النساء الي خلاص تعودوا يكون البرقع عليهم اربع وعشرين ساعه.. ومع الايام صارت تستحي تكشف عن وجها .. حتى للمقربين لها

مثل ما ذكر واحد من الاخوان انه عمره ما شاف وجه عمته

وانا واحد بعد نفس اشي في ناس من اهلي والمقربين لي عمري ما شفت وجيهم الا بلغط كم مره


فكل شي جائز وذكرتوني بواحد من الشباب عمرنا ما شفناه بدون شي على راسه

يا غتره ولا كاب ... حتى ان احنا شكينا انه فيه شي اما صلع او ثعلبه

وفي الاخير طلع مافيه شي بس احو مايحب يكشف راسه :)

[سهم المراقيب]

بحاول اصدق ,,

شكرا لك ضوى

[غريب احساس]

صحيح فيه ناس الى اليوم موجوده(من الزمن )الجميل وهي عاده من العادات اللي انتهت مع الجيل الجديد ولكن قصه الطلاق اتوقع الكاتب يسوي بهرات على الموضوع


يعطيك العافيه

[حورية البحر]

هذاااااااااااااااااااااا صحيح ياناس اكثير من النساء الي عندهم ذي العادة
لابسين البرقع اربعة وعشرين ساعة واكثير منهم رياجيلهم ماشافوا اوجيهم ولا يكشفونها لازواجهم ابدا ويجيب اعيال منها والا يكون عنده درزن اعيال منها ومابحياتة اكشف وجها له ولا تكشف عن وجها
وماترضى بهالشي لة
وشخصيا اكثير شفتهم وسمعت عنهم وقالوا انة ذا الرياجل ماعمرة شاف وجه زوجتة

[ضوى]

كل من مر الشكر الجزيل وتحياتي لكل من علق تعليق جميل

[دلة الرسلان]

عندالبدو-قديما- من العيب كشف المرة لوجهها اتذكر جدة زوجي تنقد علينا علشان ازواجنا يشوفون وجيهنا وتحلف ان حتى اخوانها ما شافوا وجهها (الله يرحمها ) .
اما عاد في بر السعودية مادري للحين عندهم ها الاعتقاد , بس الله يهداه ها الشايب عقب ما شانت عجوزة راح يفحصها .

شكرا عزيزتي ضوى:eek2:

[ضوى]

عندالبدو-قديما- من العيب كشف المرة لوجهها اتذكر جدة زوجي تنقد علينا علشان ازواجنا يشوفون وجيهنا وتحلف ان حتى اخوانها ما شافوا وجهها (الله يرحمها ) .
اما عاد في بر السعودية مادري للحين عندهم ها الاعتقاد , بس الله يهداه ها الشايب عقب ما شانت عجوزة راح يفحصها .

شكرا عزيزتي ضوى:eek2:


الشكر لج يا دلة ، يعني السالفة ممكن تصير مو تلفيق ولا تزوير :D

[بيانو]

فى كــده بالله عليكم

[رجوان]

اظن انه خبر يدخل من باب الفكاهة ... وقد يكون صحيح ... والخبر كالطبخة لا يكتمل طعمها المميز دون بهارات وتزيين ... والموضوع عادي جدا سمعنا بالكثير من العائلات التي لازالت تتمسك بهذه العادات والتقاليد القديمة ... شكرا على النقل .... دمتي بخير

[ضوى]

الشكر لكل من مر وعلق

[shrook]

اخت ضوي في امرأة اعرفها الي 15 سنه ولا مره شفت وجها سألتها مره متى اتشيلي

البرقع قالت ما اشيله لا في البيت ولا بره البيت حتى لما تنام !!!!!!!!!!!

في ناس متمسكين بالعادات والتقاليد القديمه جدا جدا للحين :con2: :con2:

مشكوره اختي ضوي

[لولوتي]

من قبل يمكن 6او 7 سنين كنت رايحه ويا اختي موعد في مستشفى الولاده وسمعت العيايز من حولي وهم يتكلمون عن احوال الحريم قبل ومدى حيائهم وخجلهم حتى من اقرب الناس لهم وازواجهم بعد اللي مايشوفون حتى اشكالهم..فما استغرب ابد من حصول هالحادثه..:nice:

[مدور عقلي]

ياخي شلون صبر 70 سنه ماشفها ؟؟؟؟

[ضوى]

كل الشكر والمرور والتقدير لمروركم

[الطرف الأغر]

ما شاء الله عليها ،، الله يثبتنا على الحجاب بس ،، بعدين يصير خير على تغطية الوجه

الوالده تستحي تشيل بطولتها قدام اخواني ،، الخبر ممكن يكون عادي بالنسبه للي عايشو أمهات كبار بالسن او جداتهم

تحياتي لج عالنقل عزيزتي

أطلب لج عصير ليمون بالنعناع ;)

[هداف]

الشرهه على العقليه اللي ناقله الخبر ومصدقه الخرابيط المكتوبه في جريده تجاريه تبحث عن كل غريب ومثيرررررررررر !!!!!!!!!!!!!

حنا بدو نعرف القبايل وعوايدنا وحده وش ها لخرابيط !! رجال ما يشوف امرته خمسين سنه اي عوايد واي كذب انتو قبايل انتوا ولا وشو با لظبط !!!!!! الظاهر قراشيه وعرب من خارج الخليج ولا تعرفون البدو ولا عوايد القبايل ولذلك لا تخوضون في امور تحرجكم وتضحك الناس عليكم

عجل امصدقين السالفه !!!!!!!!!!!!!!!! الله يخلف عليكم بس

[هداف]

هذاااااااااااااااااااااا صحيح ياناس اكثير من النساء الي عندهم ذي العادة
لابسين البرقع اربعة وعشرين ساعة واكثير منهم رياجيلهم ماشافوا اوجيهم ولا يكشفونها لازواجهم ابدا ويجيب اعيال منها والا يكون عنده درزن اعيال منها ومابحياتة اكشف وجها له ولا تكشف عن وجها
وماترضى بهالشي لة
وشخصيا اكثير شفتهم وسمعت عنهم وقالوا انة ذا الرياجل ماعمرة شاف وجه زوجتة


والله العظيم تكذبين وجعلها في ذمتج لين يوم الدين !!!!!!!!!!!!!!!!!! وش ها لكذب هذا وشو من القبايل اللي تكلمين عنه !! استحي على وجهج

[المخلب]

الكلام صحيح والي يقول انه تلفيق خله يمر صوب المملكه ويشوف بعينه !

والله العادات والتقاليد السيئه عند بعض تخلي الغرب يستهزء فيهم وقبل الغرب العرب نفسهم ! ..

شكرا يا ضوى .. واعتقد انها تعقل وترجع بيت زوجها ابرك لها !! واذا هي محافظه على وجهه لهدرجه ماكانت تزوجت من الاصل وعاشت بين 4 اطوف ابرك لها ! ..

[ابن البيطار]

ضوى المفروض تتحملين الي يجيج من انتقادات لانج تعرفين ان ماكل مايكتب ينقل او يقال وانتي تتحملين مسؤلية هذي الكذبه والمزحه الثقيلة الدم لانج نقلتيها للمنتدى فلاتزعلين على من يوجه الانتقاد لج ,,

[ابن البيطار]

الكلام صحيح والي يقول انه تلفيق خله يمر صوب المملكه ويشوف بعينه !

والله العادات والتقاليد السيئه عند بعض تخلي الغرب يستهزء فيهم وقبل الغرب العرب نفسهم ! ..

شكرا يا ضوى .. واعتقد انها تعقل وترجع بيت زوجها ابرك لها !! واذا هي محافظه على وجهه لهدرجه ماكانت تزوجت من الاصل وعاشت بين 4 اطوف ابرك لها ! ..

ايشوف وشو بعينه يشوف المنقبات والمبرقعات والمستورات وهذا الشي تعتبره عادات وتقاليد سيئه والغرب يستهزء فيها!!!!!!

كلامك مب مفهوم بس مغزاه واضح ومابي اعيد الاسطوانه الي تنقال عنك ;)

[المخلب]

ايشوف وشو بعينه يشوف المنقبات والمبرقعات والمستورات وهذا الشي تعتبره عادات وتقاليد سيئه والغرب يستهزء فيها!!!!!!

كلامك مب مفهوم بس مغزاه واضح ومابي اعيد الاسطوانه الي تنقال عنك ;)

والله كلامك الي في ألغاز

حبيبي .. ماحد قال للنساء مايتبرقعون ! .. ومحد قال ان البرقع حرام وله حلال ... هي عادات وتقاليد ! .. ومانختلف عليها ! ..

لكن قدام زوجها !! ؟؟ ماتفكر شوي !

وبلا لف ودوران ترى سوالفكم مصخت هل يومين .

[Bin Hood]

مخ ما ميش

[ابن البيطار]

والله كلامك الي في ألغاز

حبيبي .. ماحد قال للنساء مايتبرقعون ! .. ومحد قال ان البرقع حرام وله حلال ... هي عادات وتقاليد ! .. ومانختلف عليها ! ..

لكن قدام زوجها !! ؟؟ ماتفكر شوي !

وبلا لف ودوران ترى سوالفكم مصخت هل يومين .

انت تقول يمر صوب المملكه ويشوف بعينه,, ممكن تفسر شيشوف بعينه ؟؟ انتظر ردك

[المخلب]

انت تقول يمر صوب المملكه ويشوف بعينه,, ممكن تفسر شيشوف بعينه ؟؟ انتظر ردك


رح لقرى في السعوديه وشف ! ..

في ناس للحين مالهم بطاقات مدنيه ( شخصيه ) يعني يموت يعيش الله الوحيد العالم بحاله ! مالهم ارقام بحجه ان الصوره حرام ! ياخي كل شئ ان زاد عن حده انقلب ضده ! نساء مب مسجلين ضمن الدوائر للقرى والمدن الي تتبع لهم ! انا معاك العادات والتقاليد مطلوبه ! لكن ما تزداد وتصير من المستحيلات ! ..

هذا بالاول وبالاخير زوجها ! ماعتقد حرام عليه انه يناظرها ! وله شرايك ؟

[ANONYMOUS]

اعصابكم ياشباب..

اولا هذا كلام جرايد..

ثانيا هذى حريه شخصيه..


ثالثا.. سكروا الموضوع لو بيسبب فتنه

سلام

[. V I P .]

بدويه تطلب الطلاق لأن زوجها حاول كشف برقعها وهي نائمة



فوجئ أحد سكان القرى في جنوب بادية الأحساء بأن أمه تركت البيت الذي عاشت فيه لأكثر من 50عاماً وتطلب الطلاق من أبيه على الرغم من أنهما تجاوزا سن الـ70
وحين حاول الابن تقصي الأمر عرف أن أسباب الخلاف لا تستحق العناء، حيث ادعت الأم أن أباه حاول كشف برقعها وهي نائمة لرؤية وجهها.
فمنذ أن تزوج الأب الأم قبل 50 عاما لم ير وجهها عملا بالتقاليد التي تقضي بذلك وأضافت السيدة أن زوجها بعد هذا العمر يحاول ارتكاب كبيرة من الكبائر - حسب اعتقادها - في قاموس العادات والتقاليد التي نشأت عليها في أسرتها.
وتحمل الزوج العجوز تبعات هذا العمل ووجه اعتذارات متكررة لزوجته وأم أولاده، وقدم وعوداً بعدم محاولة رؤية وجه زوجته الخمسينية.

منقووووووووووووووووول واترك لكم التعليق :looking: :looking:




بدويه = استهزاء بالبدو

اترك لكم التعليق = اترك لكم الشماته معي

وينج يدورونج قناة الجزيرة بس ما يبووون الا عرب :funny:


:eek2:

[. V I P .]

مشكلتنا الازلية التجريح

ولا راح نتعلم ولا نفهم ولا ننضج

يا اخواني واخواتي في شئ اسمه حوار ونقاش ، كلام فاضي ولا يعقل واستهزاء ، يعني ليش الغلط بالكلام ، الكلام مو من عندي جريدة الوطن السعودية نشرته وموجود بكل المنتديات وللامانة شفت تعليقات عادية ما تصدق الخبر بس ما تجرح بهالطريقة ، ارجوكم ارتقوا شوي بالحوار بطريقة النقاش ، اللي مب مصدق ما الومه بس لا يغلط بكلام مبتذل بكل بساطة الموضوع غريب شوي وصعب التصديق واااااايد اخف من كلام فاضي او وين رايحة بيت ابوها ومن هالكلام اللي ما وراه الا الاستهزاء ، تعبت وانا اكتب واقول الرقي مطلوب في الحوار والنقاش

اختي السديم

فديت قلبج والله انج تبردين القلب وردج مثل البلسم عالقلب ، تسلمين حبيبتي عالمرور والتعليق الرائع من انسانة اروع تحياتي لج




الحين صار استهزاء وطريقة طرحج للمواضيع الي تخص السعودية منج بشكل شبه يومي شنو تسمينه لا وتتنقين المواضيع بطريقة الجزيرة

[ROSE]

تم اغلاق الموضوع فالموضوع قد تسبب في الفتنه والتلفظ بالفاظ قاسية

مابين الاعضاء