مصيبة امتحانات ثانويات المستقلة .. وخرابيط المجلس الأعلى ..

[الزاجل]

السلام عليكم


بكل بساطة طلاب الثانويات العامة للمدارس المستقلة
انصدموا مع مصخرة الامتحان الموحد للمجلس الأعلى..

فكما يقال
ان للمدرسة نسبة 50% والنسبة الباقية سوف
توزع ما بين المدرسة ايضا وامتحانات المجلس الأعلى الموحدة..

وعندما الاستفسار عن نوعية هذه الامتحانات على الرغم
من اختلاف نوعية ودرجة المناهج من مدرسة لأخرى..

كان الرد ان الامتحانات سوف تكون عبارة عن
اساسيات في المواد .. والتي لابد ان يعرفها الطالب
كما يعرف اسمه ..

بالله عليهم
اشلون طالب ثالث ثانوي عليه معرفة اساسيات
درست له في ثالث اعدادي .. وهو مب محتاجها في
مراحل اول وثاني وثالث ثانوي
واشلون على الطالب يتم متذكر اساسيات اول ثانوي
وهو مب محتاجها في ثاني وثالث ثانوي ؟


المصيبة الكبيرة في الموضوع هذا
ان الامتحانات الخرابيط اللي جالسين يجربونها على عيالنا
راح اتأثر على نسبة الطالب من ناحية
ومن ناحية ثانية راح تتسبب في انزال علامة الطالب
في المواد الأساسية التي يتم النظر اليها عند تقديم اوراق الالتحاق
للجامعات المختلفة ..


اول مرة في حياتنا
انشوف امتحان على اساس اختبار اساسيات الطالب؟

فهم بذلك يتبعون نظام التوفيل والايلز
على طلاب ما تعودوا على مثل هذه الامتحانات من قبل ..


وبناء عليه
الطالب صاحب نسبة 95 %
راح تنزل نسبته يمكن الى 89%
والسبب بكل بساطة مصخرة امتحانات المجلس الأعلى ..

[امل الحب]

الله يعينهم صرااحة

:(

[أبو راكان]

ومن ناحية ثانية راح تتسبب في انزال علامة الطالب
في المواد الأساسية التي يتم النظر اليها عند تقديم اوراق الالتحاق
للجامعات المختلفة
اخوي الزاجل
من هذي الناحيه
شهادة المدارس المستقله والعلميه غير معترف فيها في الجامعات العريقه
ماعدا الجامعات اللي موجوده عندنا في قطر
وبصراحه فكرة المدارس المستقله المفروض تتطبق على كم مدرسه لمده لاتقل عن 5 سنوات بعد ذلك يتم تقييمها قبل ان تعمم
ناهيك عن افتقادها لمسالة الربط المنهجي مابين المراحل الدراسيه المختلفه ومابين مدرسه واخرى
اي ان لكل مدرسه منهج خاص ومستقل يحدده المدير المالك
وهنا تكمن المشكله التي تواجه الطالب الذي ينتقل من مدرسه لاخرى ومن مرحله لاخرى

[الزاجل]

اخوي الزاجل
من هذي الناحيه
شهادة المدارس المستقله والعلميه غير معترف فيها في الجامعات العريقه
ماعدا الجامعات اللي موجوده عندنا في قطر
وبصراحه فكرة المدارس المستقله المفروض تتطبق على كم مدرسه لمده لاتقل عن 5 سنوات بعد ذلك يتم تقييمها قبل ان تعمم
ناهيك عن افتقادها لمسالة الربط المنهجي مابين المراحل الدراسيه المختلفه ومابين مدرسه واخرى
اي ان لكل مدرسه منهج خاص ومستقل يحدده المدير المالك
وهنا تكمن المشكله التي تواجه الطالب الذي ينتقل من مدرسه لاخرى ومن مرحله لاخرى
بو راكان ..

هناك معايير ثابتة لابد ان تلتزم بها كل مدرسة
ولكن الادفنس يحق لأي مدرسة اضافته للمواد ..

فمثلا عمر بن الخطاب والبيان مناهجهم تفوق معايير
المجلس الأعلى للتعليم ..
فعلى أي اساس يتم وضع امتحان موحد لكل المدارس ؟
فمثلا اليوم امتحان الرياضيات
طلاب نسبهم 98% ما اقدروا يحلونه لأن بعيد عن
منهجهم في ثالث ثانوي .. وما بالك لما يدخلون لهم
اساسيات اول وثاني ثانوي ؟

هناك لستة تتعدى 100 جامعة في العالم
تعترف بشهادة المادرس المستقلة لأنها تكون مصدقة من الدولة
ولكن المصيبة العظمى .. على الطالب الحصول على التوفيل او الايلز
والسات للتقدم للجامعات داخل البلاد والا راحت عليه سنة كاملة
من عمره فيما يسمى الجسر ..

والجسر بحد ذاته مصيبة كبيرة
هناك عدة ليفلات
تبدأ من 1 الى 5 اعتقد
1 و2 يتم تأسيس الطالب في اللغة الانجليزية بشكل عام
بينما 4 و5
يتم تأسيس الطالب للدخول للجامعات
ومع هذا
لابد ان يجتاز كل طلاب الجسر بـ جي بي ايه لا يقل عن 2.5 للالتحاق بأي
شركة او سبونسر بغض النظر عن صعوبة المرحلة اللي يدرسها ..


بكل صراحة مصيبة المجلس الأعلى للتعليم..

حاطين 40% حق امتحانهم
يعني مالنا غير ربنا يكون في عون الطلاب ..


.............................................
امل الحب
الحمدلله انكم افتكيتوا

[التيما]

شي متوقع من اللي قاعدين عالمكاتب ومايدرون بشي وبس فالحين يسنون قوانين وخرابيط من غير ما يحسبون حساب شي ... اقول بس لا يفشلون نفسهم بس مالت عليهم

[الزاجل]

شي متوقع من اللي قاعدين عالمكاتب ومايدرون بشي وبس فالحين يسنون قوانين وخرابيط من غير ما يحسبون حساب شي ... اقول بس لا يفشلون نفسهم بس مالت عليهم
:looking: :looking: :looking:

لسألت عنهم قالوا مشغولين في الدوارة على المدارس ..


بذمتكم قط مرة سمعتوا طلاب ثانوية عامة يقدمون امتحانات تقييم
وفوق كل هذا النتايج تدخل في الشهادة :court:

[دلة الرسلان]

الزاجل المجلس الاعلى مازال في مرحلة التجريب يعني نظام نفع بنطبقه مانفع ما نطبقه

والطلاب هم حقل التجارب ، وطبعا المجلس ماراح يعترف بهذا الشيء بس احسبها بطريقة

منطقية احنا قاعدين نجرب افكار من مختلف العالم وحاطين معايير ؟؟؟ من كل بستان زهرة

بس بصراحة استغرب فعلا اشلون الاهالي فاتت عليهم ها لنقطة اشلون تجازف بطالب شهادة

عامة ويحطونه في مدرسة مستقلة توهم يتدربون ع امتحانات الشهادة .

ولكن امل ان يجتاز المجلس الاعلى عنق الزجاجة ( المرحلة التجريبية) لان هذه الفترة بتكون حرجة جدا.
والله يعين الطلاب

[al_lord]

يا جماعه الحين ليش ما نتعلم من اخطاء الغير ؟

الكويت طبقت نظام المدارس المستقله وفشل هالنظام عندها ليش نرجع نطبقه عندنا بقطر ؟ يا اخواني تبون تطورون التعليم طوروه وطوروا المناهج بس ما تخلون عيالنا حقول تجارب لأفكاركم

طلاب كانوا من المتفوقين بالمدارس الحكوميه بس بالمستقله نزل مستواهم للحضيض

[الزاجل]

الزاجل المجلس الاعلى مازال في مرحلة التجريب يعني نظام نفع بنطبقه مانفع ما نطبقه

والطلاب هم حقل التجارب ، وطبعا المجلس ماراح يعترف بهذا الشيء بس احسبها بطريقة

منطقية احنا قاعدين نجرب افكار من مختلف العالم وحاطين معايير ؟؟؟ من كل بستان زهرة

بس بصراحة استغرب فعلا اشلون الاهالي فاتت عليهم ها لنقطة اشلون تجازف بطالب شهادة

عامة ويحطونه في مدرسة مستقلة توهم يتدربون ع امتحانات الشهادة .

ولكن امل ان يجتاز المجلس الاعلى عنق الزجاجة ( المرحلة التجريبية) لان هذه الفترة بتكون حرجة جدا.
والله يعين الطلاب
يا دلة :D

ترانا ما سكتنا من اول يوم اعترضنا .. ولكن لعدم استيعاب الكثير
من اولياء الأمور الموضوع.. ما كانت الشكاوى بالشكل المطلوب ..

امس اشتكوا من اللغة الانجليزية
اليوم من الرياضيات
بكرة عليهم علوم ..

يبون يجربون خلهم يجربون ولكن بعيد عن حساب
العلامات واضافتها للشهادة ..

يقولون ان الشهادة هالسنة بتكون عبارة عن شهادتين :funny:
اول مرة تحصل في تاريخ الأمة العلمية ..

شادة تابعة للمدرسة من نشاط وامتحانات وتكون خاصة للمدرسة
وشهادة تجمع ما بين المدرسة والامتحان الموحد ..

يقولون ويا مكثر ما يقولون
انهم بالطريقة هذه يأهلون الطالب حتى يكون مستعد
للدخول للجامعات حسب التخصص اللي يبيه

اذا علامته في الانجليزي مرتفعة ما يحتاج توفيل او سنة تأسيسي
واذا علاماته نازلة فهو بحاجة للتوفيل والتأسيسي
ونفس الشي بخصوص الرياضيات والعلوم :court:

المشكلة الطلاب يطبقون عليهم شي ما تعودوا عليه
المفروض يطبقون القرار هذا على طلاب اول ثانوي
علشان اتصير عندهم خلفية في نوعية الشهادة
ومدى تأثير الامتحان على النسبة ..

لكن يطبقونه مرة وحدة على طلاب ثانوية عامة :court:

[الزاجل]

يا جماعه الحين ليش ما نتعلم من اخطاء الغير ؟

الكويت طبقت نظام المدارس المستقله وفشل هالنظام عندها ليش نرجع نطبقه عندنا بقطر ؟ يا اخواني تبون تطورون التعليم طوروه وطوروا المناهج بس ما تخلون عيالنا حقول تجارب لأفكاركم

طلاب كانوا من المتفوقين بالمدارس الحكوميه بس بالمستقله نزل مستواهم للحضيض

الفرق ما بيننا وما بين الكويت
ان قطر تدفع للمدارس المستقلة
فكل راس يندفع له 25 الف ريال قطري او اكثر

خلهم يعطوني 20 الف ادخل ولدي احسن مدرسية اجنبية
واييب لهم التوفيل من ثالث اعدادي :funny:

[لمت داون111]

انا ماضحكني الا كلام طلاب المدراس المستقله لما قالو بالجرايد هالاسأله أقل من مستواهم !!:con2:

ومحمد يشهد علي كلامي عشان محد يقول لمت داون يجيب الكلام من تأليفه:D

http://www.raya.com/mritems/images/2007/5/21/2_252282_1_209.jpg

:shy:

[الزاجل]

انا ماضحكني الا كلام طلاب المدراس المستقله لما قالو بالجرايد هالاسأله أقل من مستواهم !!:con2:

ومحمد يشهد علي كلامي عشان محد يقول لمت داون يجيب الكلام من تأليفه:D

http://www.raya.com/mritems/images/2007/5/21/2_252282_1_209.jpg

:shy:

شوف امتحان الانجليزي كان ماشي بالنسبة حق اللي يابين 98%
امتحان العربي كان ماشي وتمام بعد .

لكن لما اتشوف الشكاوي من طلاب نسبهم فوق 95%
عيل الطلاب اللي نسبهم 80 و70
هذول اشبتكون نتايجهم ؟:court:
40% مب اشوي وااايد راح تشف من النسبة النهائية :anger2:

اللي اعرفه ان الطلاب اشتكوا من مستوى الانجليزي في الجرايد
ومحمد حاط رياضيات والرياضيات اليوم ..

احتمال هو يتكلم عن المستوى العام للامتحانات ما بين
مدارس التربية والمستقلات .. لأن المستقلات يصير فيها
تلاعب نوعا ما في نوعية الاسئلة ..

فاسئلة الوزارة يحلونها طلاب المستقلات
لكن اسئلة المجلس الأعلى ما يحلها الا
الخبير ولجنة التقييم :court:

[الخيميائي]

عندي مداخلة ممكن :shy:

[الزاجل]

عندي مداخلة ممكن :shy:

وليش مب ممكن ؟.. تفضل :nice:

[Abu Omar]

انا ماضحكني الا كلام طلاب المدراس المستقله لما قالو بالجرايد هالاسأله أقل من مستواهم !!:con2:

ومحمد يشهد علي كلامي عشان محد يقول لمت داون يجيب الكلام من تأليفه:D

http://www.raya.com/mritems/images/2007/5/21/2_252282_1_209.jpg

:shy:


احلى شيء السؤال اعرب ما تحته خط ؟؟؟ الله يقطع ابليسه قطع بطني من الضحك

[أم نوره]

مرحباااااااااا

انا ابي ابدي رائي طبعاً الكلام الي بقوله من تجربه شخصيه

أنا بنتي كانت تدرس في مدرسة مستقله اعداديه وبصراحه دراستهم تافه
وبسيطه جداً ومع ذلك كانت درجات بنتي مش مرتفعه يعني فوق الوسط
وكنت اعذرها عشان نظام جديد ومش متعوده عليه بس مع الايام حطيت لها
مدرسة في البيت وهي عنده خبره وتدرس بنات في البيان لمادتي العلوم والرياضيات
اقترحت علي انقلها للبيان الاعداديه فرفضت طبعاً قلت لا ... معقوله بتقدر على البيان العلمية المطوره الاول خليها تجيب اكتياز في هاي المدرسه

المهم مني مناك فحاولت تقنعني فقلت قومي يا أم نوره وجربي مش خسرانه يمكن تنقبل

فطلبت من ادارة مدرستها شهادة رقميه عشان اوديها هناك فطبعاً الكل رفض قال ما راح

تنقبل بنتي مستواها مش عالي مع العلم عندها وايد نشاطات وتكريمات وغيره محتفظه فيهم

المهم رحت ودخلت على المديره وعطيتهم اوراقها وكل تكريماتها وصورها الي بالجريده

وغيره فقالوا بنشوف مع أنه مستواه الاكاديمي مش عالي

وانصدمت لما اتصلوا فيني وخبروني أن بنتي انقبلت عندهم

مدرسة البيان العلميه المطوره بناتها متفوقات ومجمع البيان برعاية الشيخه موزه

المهم ما تصدقون شلون مستوى بنتي ارتفع يعني ماشاء الله عليها صارت متفوقه

ودرجاته كلها نهائيه مع أن مدخلتها التيرم الثاني ومنهج جديد ودراسة صعبة جداً

والحين مرشحينها للبيان الثانويه .


تحياتي

[الجني]

شكراً اخوي الزاجل على الموضوع الحساس الذي يمس فلذات اكبادنا

التعليم عندنا صار تعبان و عليه طلب

التدريس صاير كوكتيل كل مدرسة لها منهج على كيفها

محد عارف وين عيالنا رايحين

نصيحة: خلوا عيالكم يقدمون امتحانات سات و توفل او ايلدز حتى تعرفون مستواهم و راقبوهم في البيت و درسوهم و لا تعتمدون على تدريس المدارس . انا واحد فكرت اخلي عيالي يدرسون "منازل" و انا ما اعتمد على تدريس المدرسة و حاط لهم مدرسين في البيت و تكلفة المدرسين اكثر من رسوم المدرسة . بس احدى الأخوات ما نصحتني بالـ منازل.

[راعي الحمرا]

تسلم اخوي الزاجل على الموضوع الممتاز

[الزاجل]

ام نورة .. راعي الحمرة شكرا على مشاركتكم ..


...........................................

الجني الموضوع مب متعلق بالمدارس المستقلة فقط

الموضوع متعلق بامتحانات الثانوية العامة للمدارس المستقلة
فلما يتم تحديد ما نسبته 40% من النسبة العامة
لامتحان يعتمد على ما اخذه الطالب من اساسيات في
اول وثاني وثالث ثانوي
وفي الأخير الامتحان بعيد عن معايير المجلس الاعلى
بشهادة مدرسين ..

اهنيه الواحد ينقهر
فالطالب محتاج لشهادة مصدقة انه خلص المرحلة الثانوية
حتى لو عنده سات وتوفيل او ايلدز..

[ضوى]

اخوي الزاجل

موضوع مهم ويهم عيالنا وايد

ما ادري شاقول بس راح اقول تجربتي الخاصة مع المدارس المستقلة

بنتي درست اول وثاني ابتدائي حكومي وثالث سنة تحولت مستقلة والحين هي بخامس ما شاء الله تبارك الله تتكلم انجليزي احسن مني ومستواها بكل المواد عالي جدا ومرشحة بقوة لدخول البيان الاعدادية وللعلم كنت متخوفة من التجربة وسويت المستحيل حتى انقلها من المستقلة لمدرسة حكومية بس الحمد لله اجتزنا المحنة بنجاح
ولدي درس المرحلة الابتدائية كلها بحكومي وانتقل لاعدادية مستقلة انا اخترتها لمستواها العالي وكنت عارفة انها مخاطرة لانه ما تعلم شئ في الحكومي ومستواه عالي اوكي بس المنهج الحكومي معروف بسهولته ، المهم هو الحين بثاني اعدادي والحمد لله مستواه الحقيقي ظهر في 80 معقول بالنسبة لواحد ما عمره عرف انجليزي بحياته ويدخل على منهج كله انجليزي شئ صعب ما اقول انه متفوق بس 80 اشوفه معقول تعبت وياه وايد بس في الاخير النتيجة مرضية بالنسبة لي
ولدي الصغير بعمر الابتدائية ما شاء الله عليه كله 98 يعني مستوى متفوق جدا ولا زال لانه تأسس صح والصراحة مجمع عمر من اروع التجارب اللي كان المفروض يعممونها على كل المدارس الابتدائية على الاقل عشان التأسيس يكون صح
بالنسبة للمراحل الثانية اسمع بصعوبتها والله يستر ويمكن لذاك الوقت ينتهي هالتخبط والعشوائية في اصدار القرارات وتنفيذها ونشوف شئ راقي وبنفس الوقت مجدي ونافع

شكرا لك يالزاجل

[دلة الرسلان]

ام نورة .. راعي الحمرة شكرا على مشاركتكم ..


...........................................

الجني الموضوع مب متعلق بالمدارس المستقلة فقط

الموضوع متعلق بامتحانات الثانوية العامة للمدارس المستقلة
فلما يتم تحديد ما نسبته 40% من النسبة العامة
لامتحان يعتمد على ما اخذه الطالب من اساسيات في
اول وثاني وثالث ثانوي
وفي الأخير الامتحان بعيد عن معايير المجلس الاعلى
بشهادة مدرسين ..

اهنيه الواحد ينقهر
فالطالب محتاج لشهادة مصدقة انه خلص المرحلة الثانوية
حتى لو عنده سات وتوفيل او ايلدز..



ايش رأيك يا الزاجل اذا طلعت نسب نجاح الدفعة الاولى ( الدفعة المغامرة ) لحملة الثانوية المستقلة نسب مرتفعة فوق ما يتوقع الاهالي :rolleyes: وبتقول دلة الرسلان قالته .

[انا انا انا]

ايش رأيك يا الزاجل اذا طلعت نسب نجاح الدفعة الاولى ( الدفعة المغامرة ) لحملة الثانوية المستقلة نسب مرتفعة فوق ما يتوقع الاهالي :rolleyes: وبتقول دلة الرسلان قالته .

صادقة

بيرفعون النسب على شان يقولون ان الطلاب متميزين والتجربة انجحت

عمري ماشفت نظام جديد في قطر ومانجح واعترفوا بعدم النجاح
دايما كل نظام جديد يكون ناجح
سبحان الله

[الزاجل]

ايش رأيك يا الزاجل اذا طلعت نسب نجاح الدفعة الاولى ( الدفعة المغامرة ) لحملة الثانوية المستقلة نسب مرتفعة فوق ما يتوقع الاهالي :rolleyes: وبتقول دلة الرسلان قالته .

يعني بينجحون الطلاب اللي قدموا امتحانات موحدة غصب طيب
علشان يقولون ان الفكرة انجحت ؟ :court:

هذيلا اذا سووا هالشي
راح يدمرون التعليم في قطر .. وربنا يستر ..

[الزاجل]

صادقة

بيرفعون النسب على شان يقولون ان الطلاب متميزين والتجربة انجحت

عمري ماشفت نظام جديد في قطر ومانجح واعترفوا بعدم النجاح
دايما كل نظام جديد يكون ناجح
سبحان الله
:court: :court: :court:

حزتها يبي لهم ضرب على روسهم :court:

[السديم]

يعني بينجحون الطلاب اللي قدموا امتحانات موحدة غصب طيب
علشان يقولون ان الفكرة انجحت ؟ :court:

هذيلا اذا سووا هالشي
راح يدمرون التعليم في قطر .. وربنا يستر ..


يعني بذمتك يالزاجل للحين بيدمرون التعليم ؟؟؟

هو تدمر وخلص والله يعين الجيل اللي في المدارس اللحين !!

[الزاجل]

اخوي الزاجل

موضوع مهم ويهم عيالنا وايد

ما ادري شاقول بس راح اقول تجربتي الخاصة مع المدارس المستقلة

بنتي درست اول وثاني ابتدائي حكومي وثالث سنة تحولت مستقلة والحين هي بخامس ما شاء الله تبارك الله تتكلم انجليزي احسن مني ومستواها بكل المواد عالي جدا ومرشحة بقوة لدخول البيان الاعدادية وللعلم كنت متخوفة من التجربة وسويت المستحيل حتى انقلها من المستقلة لمدرسة حكومية بس الحمد لله اجتزنا المحنة بنجاح
ولدي درس المرحلة الابتدائية كلها بحكومي وانتقل لاعدادية مستقلة انا اخترتها لمستواها العالي وكنت عارفة انها مخاطرة لانه ما تعلم شئ في الحكومي ومستواه عالي اوكي بس المنهج الحكومي معروف بسهولته ، المهم هو الحين بثاني اعدادي والحمد لله مستواه الحقيقي ظهر في 80 معقول بالنسبة لواحد ما عمره عرف انجليزي بحياته ويدخل على منهج كله انجليزي شئ صعب ما اقول انه متفوق بس 80 اشوفه معقول تعبت وياه وايد بس في الاخير النتيجة مرضية بالنسبة لي
ولدي الصغير بعمر الابتدائية ما شاء الله عليه كله 98 يعني مستوى متفوق جدا ولا زال لانه تأسس صح والصراحة مجمع عمر من اروع التجارب اللي كان المفروض يعممونها على كل المدارس الابتدائية على الاقل عشان التأسيس يكون صح
بالنسبة للمراحل الثانية اسمع بصعوبتها والله يستر ويمكن لذاك الوقت ينتهي هالتخبط والعشوائية في اصدار القرارات وتنفيذها ونشوف شئ راقي وبنفس الوقت مجدي ونافع

شكرا لك يالزاجل
ضوى عندي الصبيان كلهم في عمر والبنات في البيان
بس
مشكلة المدارس المستقلة ما اتطور لغة المحادثة عند الطلاب
ومناهج المدارس الحكومية اقوى بمليون مرة من مناهج
المدارس المستقلة ..
والسبب بسيط جدا
المدارس المستقلة حسب تصريحاتهم انهم يهتمون بالكيف ومب بالكم
الا في مادة اللغة الانجليزية اللي ياخذها الطالب يوميا
ويساندها ان العلوم بالانجليزي والرياضيات بالانجليزي ..

اما المدارس الحكومية الطالب تأسيسه سليم في العربي
والتربية الاسلامية والاجتماعيات والعلوم والرياضيات
اللهم اللغة الانجليزية فقط ..

فتخيلي انت
عيالج اللي تتكلمين عنهم اللحين
مب مطالبين بشي اسمه اعراب في المدارس المستقلة
تخيلي عيالج المتفوقين اللحين
راح يحطون لهم امتحانات موحدة مالها خص بالمنهج ؟

ترى لو سووا امتحانات موحدة طلاب المدارس الحكومية راح يتفوقون
على طلاب المدارس المستقلة ..

طلاب الحكومي ياخذون تكامل واحصاء واحتمالات
طلاب المدارس المستقلة بعدها جزء بسيط في عمر والبيان بس
اما باقي المدارس ما يعرفون شي اسمه تكامل واحصاء واحتمالات ..

ربنا يعننا يا ضوى على المجلس الأعلى للتعليم..

[الزاجل]

يعني بذمتك يالزاجل للحين بيدمرون التعليم ؟؟؟

هو تدمر وخلص والله يعين الجيل اللي في المدارس اللحين !!

مساكين عيالنا

والمشكلة كل مجموعة رأيسها اجنبي
احنا اللي علينا سويناه يا السديم
شكاوي قدمنا..
وعيالنا ما قصروا اعترضوا .. مدارسهم اعترضت امس
على اسلوب الامتحان ..

خلونا انشوف اشلون بتكون النتيجة وربنا يستر والله ..

[المخلب]

هو بس على الامتحانات !

ياخي الاجازات وهقوا العالم فيها !

توحيد الاجازات أهم لان نفسيه الطالب تصير متحطمه لما يشوف اخوانه اجزوا وهو للحين !

[الزاجل]

هو بس على الامتحانات !

ياخي الاجازات وهقوا العالم فيها !

توحيد الاجازات أهم لان نفسيه الطالب تصير متحطمه لما يشوف اخوانه اجزوا وهو للحين !

المرحلة الابتدائية والاعدادية في المدارس الحكومية خلصوا
والروضة والتميدي في المدارس المستقلة بعدهم

فرق شهر وزود فرق ما بين الحكومية والمستقلة :court:

[أم نوره]

بالفعل مشكلة الاجازه مشكله كبيره وترى تأثر على نفسية الطلبه

في عائلتنا الكل في إجازه ما عدا بنتي ومضايقه من هاي السالفه ويتصلون فيها

ويقولون رحنا مني مناك وتمشينا وهي فقيره في البيت وكل دراسة والله كاسره خاطري

ياليت يوحدون الاجازه مثل ما وحدوا الامتحانات .

وبعدين عندي استفسار !!!!!!!
مدارس البيان وعمر امتحاناتهم مع المدارس الباقيه المستقله ؟ قصدي ثانويه عامه ؟

[الزاجل]

بالفعل مشكلة الاجازه مشكله كبيره وترى تأثر على نفسية الطلبه

في عائلتنا الكل في إجازه ما عدا بنتي ومضايقه من هاي السالفه ويتصلون فيها

ويقولون رحنا مني مناك وتمشينا وهي فقيره في البيت وكل دراسة والله كاسره خاطري

ياليت يوحدون الاجازه مثل ما وحدوا الامتحانات .

وبعدين عندي استفسار !!!!!!!
مدارس البيان وعمر امتحاناتهم مع المدارس الباقيه المستقله ؟ قصدي ثانويه عامه ؟

امتحانات الثانوية العامة
يعني الشهادة يعني ثالث ثانوي ..

وحدوا الامتحانات بحيث ان الامتحانات هذي تاخذ ما نسبته 40%
من المجموع الكلي يعني 40% لامتحان المجلس الأعلى و 60%
لامتحانات وبحوث ومشاريع واختبارات وتطبيقات المدرسة ..

[أم نوره]

طيب شلوووووووون

البيان وعمر دراستهم اصعب بكثيررررررررر من المدارس الباقيه
حراااااااااام جذي !!

اشكرك اخوي الزاجل على الرد السريع

[الزاجل]

طيب شلوووووووون

البيان وعمر دراستهم اصعب بكثيررررررررر من المدارس الباقيه
حراااااااااام جذي !!

اشكرك اخوي الزاجل على الرد السريع

حتى طلاب عمر اشتكوا من امتحان الرياضيات
مدرسين اشتكوا .. اما اللجنة المكلفة لوضع الامتحان
او لجنة التقييم بشكل عام يقولون ان الامتحان وفق المعايير ..

ما نعين الى الحاسبة الجبيرة .. ومعطين الطلاب الات فيا
زائد وناقص وضرب وقسمة

ومعطينهم مسائل ما تنحل الا بالجبرا
سواء الخطوات او النتيجة النهائية ..:court:

[أم نوره]

اوووووووووووووووووووف

الله يستر على عيالنا والله صرت متخوفه على بنتي بعد ثلاث سنوات

بس أنت متأكد أنه نفس الامتحان مش غير ؟
أنا بكره بتصل مجمع البيان وبسألهم شسالفه عشان اكون بالصوره من الحين
واحضر بنتي من الحين على هاي الاساس ...... الا إذا ما يجد جديد

والله مصخره الله يعينه

[الزاجل]

اوووووووووووووووووووف

الله يستر على عيالنا والله صرت متخوفه على بنتي بعد ثلاث سنوات

بس أنت متأكد أنه نفس الامتحان مش غير ؟
أنا بكره بتصل مجمع البيان وبسألهم شسالفه عشان اكون بالصوره من الحين
واحضر بنتي من الحين على هاي الاساس ...... الا إذا ما يجد جديد

والله مصخره الله يعينه

اللحين اتحاتين عقب ثلاث سنين :looking:
الله بالحياة والمقررات واللجان عقب 3 سنين . :D

[أم نوره]

هههههههههههههههههههههههههههههههههههه

ادري بس والله من خوفي وهاي وحيدتي وابيها ترفع راسي
ابيها تصير دكتوره وتدري كورنيل لازم 95% وفوق

تحياتي